Ka Nupepa Kuokoa, Volume XIII, Number 49, 5 December 1874 — Page 3
| This text was transcribed by: | Shirley Werner |
| This work is dedicated to: | Werner Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
KUOKOA, ME KE AU OKOA I HUIIA.
==========
Ke hoikeia mai nei, o ka hope loa o na keikikane a ka Moiwahine Victoria, oia ke Keiki Alii Leopolo, e ao Kanawai ana oia. Eia oia ma ke Kulanui o Oxford kahi i ao ai. He Loio paha auanei kana hana?
Ua hoolaha ae kekahi makuakane o Peniselavenia, maloko o ka nupepa, he kaikamahine kana, he 19 makahiki ke kahiko, a o kona kaumaha, he 160 paona, aka, he wa mahope iho, emi mai la kona nui a me kona kino. Aka, mamuli o ka ninaninau pono ana a ka makuakane, ua loaa iaia, ua ao-ao hewa ia ke kaikamahine e ka poe nana hiohiona o ke kanaka, (he kilokilo paha ia) a ua oleloia e inu mau i ka viniga, i emi ai kona nui. Ua hoolohe ke kaikamahine i keia kuhikuhi, a o ka hopena, ka make no o kona kino.
I ka makahiki aku nei i hala, he 220,000 ka nui o ka poe i komo mai i Amerika mai Europa mai, he Katolika, a he 207,000 he Hoole Pope.
O ka nui o na hoahanau ekalesia ma Amerika Huipuia, he kokoke e iwakalua kumamalua miliona. Mailoko mai o keia heluna, he 5,528,209, he poe Makodito ; 4,360,135, he Bapetizo ; 2,698,244, he Perebutariano ; 1,117,212, he Hoolepope ; 1,990,514 he Katolika Roma ; 991,051 he Episecopala.
Aia he 400 Ahahui Katolika Hoole Wai Ona ma Amerika, me na hoa hoohiki, aole e inu wai ikaika, he 60,000. O ka piina i na malama eiwa i hala, ma ka 12,000 o ka malama.
Iloko o kela a me keia ewalu minute o ka la a me ka po, e make ana hookahi kanaka, a i kela a me keia elima minute o ka la a me ka po, e hanau ana hookahi.
O ka ili o ke kulanakauhale o Ladana, he 122 mau mile kuea. O ka muliwai keia o Temasa, ke olokeaia la e umikumamahiku mau alahaka.
O ka lilo o ke aupuni o Enelani no ka oihana makai o ke kulanakauhale o Ladana no ka makahiki i hala, he $5,089,965; mailoko mai o ia puu dala, he $3,776,665, no ka uku wale no o na makai.
O ka nui o na hanau ma Ladana iloko o ke 53 hebedoma o ka makahiki i hala, he 121,100 ka nui o na hanau, oia hoi, he 2 285 i ka hebedoma ; a o ka make, he 76,654, oia hoi, he 839 i ka hebedoma hookahi.
O ka huina pau o na koa ku mau o ke aupuni Emepera o Geremania, he 625,720 koa, 56,250 mau lio kaua, a me 576 mau pukuniahi kauo kaa.
O ka nui o na alanui kaaahi i paholaia aku ma ka loa a me ka laula o Beritania Inia i ka 1873, he 5 511 mau mile. O ka huina pau o na loaa i ka 1872, he $31,755,000; mailoko mai o ia puu dala, no na ohua holo kaaahi wale no, he $10,000,000 a oi, a no na loaa mai o na waiwai kalepa e laweia ana maluna o ia mau kaaahi, he kokoke e $20,000,000.
Iloko o na makahiki he 12 i hala, ua kapili aku o Enelani i na papu a me na pale kahakai ma na awa o Portmouth, Plymouth Portland, Pembroke, Sheerness, Dover, Gravesend, Chatham a me Cork, no na lilo he $32,646,989. Makena no ua hoolako kaua ana.
Ua halawai keia haiolelo alii me na keehi keehi, ua pai-pai lima a me na manao mahalo like, nana i hoopalakuli ae i na pepeiao i ka wa i pau ai ka heluheluia ana. Malaila pu no ka Hooilina Alii a me kona Causini alii o Ferederika Kale.
Ke pahola nei ka wi ma Asia uuku. Ke hoouna nei ke Aliikui o Aigupita i na kulina i na apana wi. O ke Kuhina noho o Amerika, ke Kanikela o Beritania a me M. Sebet ka haole Farani malama Banako, ua hoohui ae lakou ia lakou iho e lilo i Komite e ohi ai i na mea makana e hooluolu aku ai i ka poe wi.
[NA PALAPALA I KE "KUOKOA."]
"lE wai kahi ka pono i manalo."
He hua mele keia i haku ia e kekahi poe haku mele i ke au o Kamehameha I., a ua lawe mai nae au iaia i mea na kakou e kamailio ai no loko o keia mau la. Nolaila, he pono e hoohalike aku kakou me ka hapa mua o ka hua mele, e wai kahi kakou i ka leo mai luna mai o ka noho alii; oia ka huaolelo hooulu lahui, ae, he pono e nana'ku kakou i ka hua mele, ka mea nona mai keia hae manao e pulelo aku nei imua o ko kakou mau maka.
O ka hua mele, "E wai kahi ae ka pono i manalo," ua m@ oia mai kona kumu a i kona welau, a ua lehulehu loa na keiki iloko ona. Aia iloko ona ke kuikahi a me ka lokahi, ka noho like a me ka noho aloha, ka oluolu a me ke akahai, a he hookahi ke ano oia hua mele, hookahi ka manao, hookahi ka ae, hookahi ka hana, hookahi ka hapai ana, hookahi ke kaikai ana, hookahi ka hooho ana, @ pela kakou e pono ai imua o ka mea nona ka leo.
@ na manao iloko o @ no ka lohe mau ana i na leo p@ mai loko mai o ka onioni mau ana o @ o ka lahui, e ninau ana kekahi, a pehea e hiki ai k@ mau helehelena olelo, he mau @i ia e houhou aku aku ana i ka mea nona ka leo, a ke eena nei ke kamailio ana o ka mea nona keia kukulu manao no ia mau olelo awahua, he pono e akahele kakou ma ke kamailio ana, a e lohi hoi ma ka olelo ana, e hoooulu wale no aole ulu, he makehewa ia kakou ke olelo pela, a o ka i @ a nele i ka ulu, he nani nele ana ia o ka ulu ua hana ia, alaila, ku iho ilaila ka olelo aole e ulu, pehea la e ike ia'i ka ulu, eia wale no ia i na waha e hoole nei, aole i lawelawe na lima.
Ke haiolelo aku nei keia maka sila imua o kakou, a imua o ke ao nei me ka hookamani ole, aole keia he hana paakiki, ke lokahi kakou, he mau hana lahilahi wale no keia, nolaila, ke ku nei keia mau olelo palapala i kokua ma ka aoao o ka leo mai luna mai o ka nohoalii. E hiki no, a aole o keia mau olelo wale no, o kela mau pakeke manao no kekahi e kuku mei nei a lehulehu wale, i like pu na hoakaka ana me keia kumumanao.
A pela no o Manaomalihini i hoopuka ae nei i kana mau kumu e hauhili ai, maloko o kekahi pepa liilii i luia ae ma na alanui o ka pule i hala iho nei, a me kona mau ike kilokilo, aole ana hoole, he hiki no kana. A ina pela ae ana ua leo kokua, a pela ae ana, o ka hiki no ia, a ina o ke kamailio wale iho no ka kakou, ua like loa no kakou me ka wa i hoanoe ia'i ka olelo a ka poe nana i hahau ka hale pakui, olelo kekahi i puna, a i lawe ia mai ka hana eia ka he pohaku, olelo kekahi i wai, a i lepo ka mea lawe ia mai, a ina me keia mau ano kakou e kamailio wale ai no, he mau ano hoouluhua ia i ka mea nona ka leo. Uhu—ua hiki hoi. KOKUAIKALEO.
Na mea hou o Lihue Kauai.
E KA NUPEPA KUOKOA E. Aloha oe :—
Eia mai keia mau wahi apana mea hou o ka hapa hikina o ka mokupuni o lalo, e hookomo iho ma kahi kaawale o kou kino holookoa, a e lawe aku imua o ko kaua mau makamaka puni mea hou. A na lakou e kaana no lakou iho.
Ka la hanau o ka Moi Kalakaua. E like me ke kauoha alii ma o ke Kuhina Kalaiiaina la, e malamaia ka la hanau o ka Moi; la hoomaikai aku i ke Akua, me na olioli maikai o ka pono. Nolaila, ua malama lokahi keia apana i ua la la me ka maluhia maikai, aole i ikeia keia mea ano ino e haunaele ai, he mau olioli maikai kai hana a. Oia hoi keia. I ka helu ana o na minute mua o ka hora akahi o ka po nona ka la hanau, ua ho-a ia he mau ahi maluna o na puu, he huro nui ana na makou, a me na mea hoopahupahu ana, e hoike ana o ka la keia i hanau ai o ua "Kauliluaikeanuwaialeale." I ke ao ana ae, he mau halawai ma kela apana keia apana, e malama ana i ke anaina haipule, e nonoi ana i ka lokomaikai o ka lani, e ninini iho i ka pomaikai a me ka oluolu, a me ka maluhia maluna o ka mea nona ka la hanau, a me kona aupuni, a me kona lahuikanaka.
I ka poeleele ana iho oia la, ua ho-a hou ia kekahi mau ahi maluna o Kalanipuu, ka puu nona ka olelo ana, "aloha Kalanipuu auana i ke kai," a mahope o laila, ua o ia ke ahi iluna o ua puu la, ua lele no kekahi mau ahi e welowelo ana i ke alo o ka pali. Akahi no a o ia ke ahi ma keia puu, a he mea hou ia i ke au o ka Moi Kalakau.
He mau hookani pahu, puhi ohe, hula haole ma kahi o P. Kanoa kekahi i hana ia. Ua malama ia he mau wahi paina ma kela apana keia apana, a ma ka hale noho o kela mea keia mea. Ua malama ia he paina ma kahi o ke 'lii Paulo Isanbenug me kona mau kumakahiki.
Ua malama maikai ia keia la me ka maluhia loa a hiki i ka pau ana. Ua huro mau na makaainana me ka olioli no ko kakou Moi, me ka olioli oiaio.
E ola ka Moi i ke Akua. Huro! Huro!! Huro nui loa i ka Moi Kalakaua!!!
No ka ua a me ka makani. Mahope iho o ka la hanau a ka Moi, oia ka Poakolu, Poaha, a hiki i ka Poaono, he ua ma ia mau la, a he makani pu kekahi, mai ke komohana hema mai. Nui ka wai, aole nae e like me ka wai i ka makahiki 1870. O ka makani ka ikaika, ua haihai na laau, na maia, komi ia ka lau o ka ai, a me na mea ulu e ae, ua hina kekahi mau hale. O ka'u hale kula kekahi, ua kiola ia ke kino a me luna a waiho i ke alanui aupuni. O na kua a me ka papahele ka mea waiho i ke kahua. Pela na hale e ae. Nani na hana a ke Akua. "E hoomaikai mau loa ia kona inoa." He mau ia mau wahi mea hou. O ke aloha no ko oukou. Ke hoi ae nei au e hana i kuu wahi hale kula. S. R. H. KEALA.
Lihue, Kauai, Nov. 27, 1874.
Mare.
Nov, 22. Ma Kahuku, Koolauloa, mareia e Rev. J. Kekahuna, o M@o Kala no Makua, me Kelupaina Lokai no Kahuku.
KA HALE KEAKA
ALII HAWAII.
O KA PO POAONO, DEKEMABA 5,
OIA KA PO NUI,
E WEHEIA AI
NA KII E MELE MAI ANA!
Ke hui pu la me na hana Keaka Nika, na Mele, na Hulahula a me na hoikeike e ae e waiwai ai i ka maka ke ike aku. E hele ilaila e ike kumaka.
E HANA HOU ANA OIA MA KA PO POALUA, Dekemaba 8,
UKU KOMO—Maluna $1.00; ilalo ma mua 75 keneta; ilalo mahope 50 keneta. Iloko o na Pahu oluna @
Hemo ka puka i ka hora 7 1/2, hoomaka i ka hora 8.
@
$5.00 Makana!—E LOAA NO KA makana i oleloia maluna, i ka mea a mau mea paha nana e hoihoi mai i kuu lio kane puakea i kuaiia i ka hao AF uha @ akau. E loaa no au ma Hamohamo, Waikiki-kai.
Dek. 1, 1874. (@) NAILI.
@ o ka Pa Aupuni o P@ Apana o Honolulu, @ hookahi @ e kuai kudalaia ana i ka Poakolu, la 9 o Dekemaba, i ka hora 12 o ke awakea, @ nei.—Lio K ulaula wiwi @—Lio k ulaula wiwi lae@ Lio k @ 3 wawae keokeo ma @ Lio k ulaula wiwi @ Lio K puakea wiwi laekea O akau. @ W PA@ Luna Pa Aupuni o @ Dec @
KE KUOKOA NO 1875.
----------
E IKE auanei na kaoaka a pao, mai Hawaii a Kauai, ma keia, ke hoike aku nei au, e hoomauia aku ana no ke pai ana o ke KILOHANA POOKELA O KA LAHUI HAWAII i ka makahiki 1875 ; a e hoounaaia ana na pepa i ka mea a mau mea i uku mua wale no maloko o ke ope a ma ka wahi pakahi paha a like me ka makemake o ka mea i hookaa mai. O ka uku nupepa o ka makahiki, e mau ana no ia e like me ko keia wa, he
ELUA DALA WALE NO !
ma ke kuike nae, oia ke rula.
KII MAKANA O KAMEHAMEHA 1 !
No ka poe hookaa mua iloko o Ianuari, he Elua Dala o ke kope no ka makahiki, e haawi makana wale aku ana makou i ke kii o ka Na-i Aupuni Kaulana KAMEHAMEHA I. Aia ma Nu Ioka kahi i hoomakaukauia ai a nani loa, aka, e hiki mua mai ana maanei mamua o ka hoomaka ana o ka makahiki hou. Aole loa e hoounaia'na i kekahi mea ina aole i hookaa mai, aole hoi i kekahi kauoha me ke dala pu ole mai.
E hoomaopopo ka poe lawe nupepa, ina aole e ukuia kekahi nupepa e hoounaia ana mamua iho o ka la 1 o Feberuari, alaila, e hoopaaia ana ia pepa me ka hooloihi ole. O ko makou rula keia i lohe ka lehulehu, no ka mea, aole e hiki ia makou ke pai i na nupepa me ko oukou uku ole.
E hoonaniia ana ka pepa me na wehewehe manao maikai, naauao, nu hou o na Aina e, na nu hou kuloko, na palapala ano naauao, ua kaao a me na mea ano like. E hooikaika ana makou e oi ae ko keia makahiki mamua o kela i hala. A oiai hoi, e hoihoi ia mai ana ia makou ka hooponopono o ka Aoao 4, ma ka la 1 o Ianuari, nolaila, ke manao nei makou, e nui loa ana na mea heluhelu i keia makahiki 1875 ae, a e makepono ana ke dala ke lilo no ka ai a ka noonoo.
Ke paipaiia aku nei na Luna a me ka poe Lawe Kuokoa, o keia makahiki 1874, e hookaa mai i ko lakou mau koena aie i keia manawa me ka hookaulua ole, o nele auanei lakou i ka nupepa ole no ka makahiki hou.
HM. WINI,
luna-Hoopuka.
=========
OLELO HOOLAHA.
=========
KUAI A KA ILAMUKU.
MAMULI O KA MANA I HOOPUKAIA E ka Aha Hookolokolo Kiekie o ko Hawaii Pae Aina, ma ke kaulike, e kue ana ia J KEAWE ka mea pale, no ka hooko ana i na Haneri Elua a me Eha Dala a me Iwakaluakumamalima hapahaneri, ($204.25) e hoapono ana no J W Gay, ka mea hoopii, ua lawe mai au a e kuai aku ana ma ke akea i ka ma koho kiekie, ma ka
POAKOLU, - - DEKEMABA 30, 187,
ma ka hora 12 awakea, maluna iho o ka aina, e waiho la ma ke awawa o Manao, Oahu, i na pono, na pomaikai a me ke kuleana a pau oka mea hoopiiia iloko a maluna o na
LOI KALO EHIKU E ULUIA NEI
.....a me.....
KELA APANA AINA A PAU,
e waiho la ma Manoa, Oahu, (kahi hoi a na Loi Kalo Ehiku i hoikela maluna e ulu la) nona na Eka 7 22-100 a oi aku a emi mai paha, a nona hoi na palena i hoikela maloko o ka Palapala Sila Nui, Helu 63, me na hale pu a pau e ku la, no ka hookaa ana i ka moraki, koe uae ina e hookaa e ia mai mamua ae ke oina a ka Aha i hoapono ai, ka uku panee, na lilo no ke koina o ka hoopii ana a me ko'u uku a me ka uku Komisina.
W C PARKE,
Ilamuku.
N. B.--O keia aina maluna, ua lawa pono i ka wai, a ua oi aku mamua o elua hapakolu o ka aina i paa i ka pa pohaku. Ua kanuia na loi i ke kaio, a ua ulu a kokoke ewalu malama ; a o ka mea nana e kuai a lilo ia mau kaio, iloko o eha malama oia e lawe ai.
Honolulu, Dec. 1, 1874. 679 4ts 682
----------
HOOLAHA A NA LUNA HOOKO KAUOHa
O MAUA O NA MEA NONA NA INOA Malalo iho, na Luna Hooko o ka Palapala Kauoha a J. KAHAI, o Honolulu i make aku nei, ke kauoha aku nei i na mea a pau, ina he koina ka lakou i ka waiwai o J Kahai, i make, e hoike mai me na hooiaio kupono ; a i ka poe a pau i ale iaia, e hookaa koke mai ia J Moanauli, ma kona Keena Kuai Bipi ma Ulakoheo, Honolulu.
J MOANAULI,
MALIE KAHAI,
Na Lunahooko Kouoha o J Kahai.
Honolulu, Dec. 1, 1874. 679 3ts 681
----------
NA LAAU PAINA KANU !
AKAHI NO A LOAA MAI NEI MALUNA o ka "Magareta" na laau Paina kanu mai Kikaue mai, a e kuaila aku ana i ka poe makemake. Me kekahi mau laau kauu e ae a nui wale ua ulu.
678 2ts 679 ANTONE, Alanui Kula.
----------
E IKE na mea a pau, owau o S Keawe ke kane mare a Mrs. Maihui ka'u wahine mare. Ua haalele kumu ole mai oia ia'u iloko o na makahiki elua, a nolaila, ke papa aku nei au ia oukou e na Pake, na Haole, na Pukiki a na Kanaka maoii. Aole au e hookaa ana i kona mau ale, ke ale oia imua o oukou, me ko'u ike ole a me ko'u kakau ole o ko'u inoa malalo o ia mau ale. A nolaila, mai keia la aku e puka ai ka'u olelo hoolaha, e lilo ai i kanawai ; a i hookuli oukou i keia olelo, maluna o oukou ia poho. Owau no o
S KEAWE.
Waipio, Ewa, Nov. 6, 1874.
676 1m* 680
==========
HOOLAHA HOOKOLOKOLO.
==========
A HA Hookolokolo Kiekie o ko Hawaii Pae Aina, Ma ka Hooponopono Waiwai, ma ka waiwai o JOHN BOOTH, o Honolulu, Oahu i make kauoha ole. Imua o ka Lunakanawai A. F. JUDD. Olelo kauoha, e hoolaha aku noke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala a James L. Dowsett, o Honolulu, e hoike mai ana o John Booth no Honolulu, ua make kauoha ole ma Honolulu ma ka la 13 o Augate M H 1871, a e noi ana e hoowiia ka palapala hookohu Lunahooponopono Waiwai ia S B Dole o Honolulu. Ua kauohaia o ka Poalua ka la 16 o Dekemaha, M H 1874, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia aha, ma Honolulu, a ma la manawa a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olele Haole a me Hawaii, i ekolu pule ma ke "Hawaiian Gazette" a me "Kuokoa," na nupepa ma Honolulu
Kakauia ma Honolulu, ko Hawaii pae aina Nov 22, 1874.
A. FRANCIS JUDD,
Ikea: Lunakanawai o ka Aha Kiekie.
J K. Barnard, Hope Kakauolelo. 678 3ts 680
----------
A HA HOOKOLOKOLO KIEKIE O KO Hawaii Pae Aina. Ma ke Keena, ma ka waiwai o ke Moi KAMEHAMEHA V., i make. Imua o ka Hon, C. C. Harris, Lunakanawai Kiekie. He noi e nana la ka moowaiwai e hoouuia ua Lanahooponopono a e maheleia ka waiwai.
Ma ka waiho a me ka heiaheia ana i ke noi a John O. Dominis a me Charles R. Bishop, na Luna Hooponopono Waiwai o ka waiwai a Kamehameha V. i make, e noi ana e maheleia ka waiwai e waiho nei iloko o ko laua mau lima i ka poe i kuleana a e hookou ia laua a me ko laua mau hope ma ke ano Lunahooponopono Waiwai. No laila, ke kauohaia aku nei, o ka Poakahi, ka la 21 o Dekemaba A D 1874, ma ka hora 10 kakahiaka, imua o ia Lunakanawai, ma ke Keena Hookolokolo ma Honolulu, oia ka manawa a me kahi i kohoia no ka hoolohe ana ia noi ; a o na mea a pau i pili, e hele mai a e hoike mai, ina paha he kumu e ae e ae ole ia ai keia noi, me ka hoike pu mai i ka mea kuleana i ka waiwai. A ua kauoha hou ia, e hoolahaia keia kauoha ma na oello Hawaii a me Enelani, iloko o na nupepa "Hawaiian Gazette" a ma ke "Kuokoa," he mau nupepa i paiia a hoolahaia ma Honolulu, no na hebedoma ekolu mamua ae o ka hooloheia ana.
Kakauia ma Honolulu ko Hawaii Pae Aina 1 kela la 17, Novemaba A D 1874
CHAS C HARRIS
Ikea: Lunakanawai o ka Aha Kiekie
Jas. R. Barnard Hope Kakauolelo, 677 @
==========
OLELO HOOLAHA.
==========
E NOHO ANA KA PAPA HOOPII AUHAU o ka Apana o Ewa a me Waianae, ma ka Halapule a Waiawa, ke hiki aku i ka Poakahi mua o Dekemaba, mai ka hora 10 kakahiaka, a i ka hora 3 auina la.
J. R. WILLIAMS
@ Luna Hoomalu o ke Komite.
----------
HALE LAAU LAPAAU O
E. STREHZ !
(Ma ke kihi o Alanui Papu me Hotele)
KA MEA NONA KA INOA Malalo ke hai aku nei ia, ua @ kuokoa ae nei ka Hale Kuai Laau Lapaau iaia A nolaila ua makaukau oia e kuai aku i na mea lapaau ma ke kumukuai makepono loa a emi iho malalo o na la i kaahope ae nei. E hele mai e ninau mamua o ka hele ana aku ma kahi e.
Malaila no hoi e loaa ai na Wai Ala maikai loa, Aila Lauoho a me ka Hua Lukini maoli aole i paipaiia.
Owau no o ko oukou makamaka aloha.
AILUENE STREHZ
678 4ts @
Hope Kauka
---------
MA KA WAIWAI O KEHUNE (k), I KAPAIA O Jack O. Diamonda.
Ua make kela kanaka maluna o ka moku okohola "Onward" i ku iho nei i Honolulu, a he mau dala kona ma ko'u lima e waiho nei--ua oleloia aole ana wahine mare, a ua make kona mau makua, o Kana k me Keliiholokapu w a ua koi mai o Kekahuna (k) i keia waiwai ma ke ano he kaikaina o ka mea i make, a o kona hooilina hookahi no ia. Ina he poe aie, a he poe pili hooilina e ae, e hele mai ia'u iloko o na la he kanakolu mai keia la aku.
L. McCULLY.
Aliiolani Hale, Nov 21, 1874.
677 3ts 679
---------
HOOLAHA HOOILINA.
MA KA WAIWAI O HENRY FREEMAN (Hanale) no Makawao, Maui, i make.
No ka mea, ua make o Henry Freeman. (Hanale) maluna o ka moku okohola "Onward." i ku iho nei i Honolulu, ma kela kikina ana i huli hoi mai nei ; a no ka mea, he mau dala kana e waiho nei ma ko'u lima, i makemakeia e hooili aku i ka poe i kuleana ; a no ka mea, ua hoike mai o John Freeman imua o'u, oia ke kaikaina ponoi, a o ka hooilina hookahi o ka mea i make, a o ko laua makuakane o John Freeman no ka inoa, i noho ai ma Maui, ua hala na makahiki he iwakalua a oi mai kona wa i holo aku ai mai Hawaii nei no ka aina e, a ua manaoia ua make oia ; a o ko laua makuahine o Kamahiwa, ua mare hou i ke kane, a ua make oia me ke keiki ole e ola nei me ia kane--a o ka mea i make, aohe oia i mare wahine, a ua make kauoha ole. Nolaila, ke kauohaia aku nei, ma keia, na poe aie, a me na poe pili hooilina e ae o Henry Freeman, (Hanale, i oleloia, e hele mai ia'u iloko o na la he kanakolu mai keia la aku.
L. McCULLY.
Aliiolani Hale, Nov 21, 1874. 677 3ts 679
---------
HE PAPA KUHIKUHI MANAWA HOLO
O KA
MOKUAHI HAWAII
K I L A U E A !
KAPENA MARCHANT !
---------
E HAALELE ANA IA HONOLULU I KA
Poakahi Dec 7 ..... 5: pm ..... Kona me ke ku ana ma Kaunakakai.
Poakahi Dec 14 ..... 5: pm ..... Hilo
Poakolu Dec 23 ..... 4: pm ..... Kaapuni ia Kauai
Poakahi Dec 28 ..... 5: pm ..... Kaapuni ia Hawaii
UKU EEMOKU MAI HONOLULU AKU
A hiki i Kaunakakai, a pela maluna mai ..... $ 5 00
" Lahaina, " " ..... 6 00
" Maalaea, " " ..... 7 00
" Makena, " " ..... 8 00
" Mahukona, " " ..... 10 00
" Kawaihae, " " ..... 10 00
" Kailua, " " ..... 10 00
" Kaawaloa, " " ..... 10 00
" Hilo, " " ..... 12 50
" Kau, " " ..... 15 50
Uku kaapuni ia Hawaii, ..... 22 00
A hiki i na awa o Kauai, ..... 8 00
Uku kaapuni ia Kauai, ..... 12 00
Uku ohua Hawaii oneki, ..... 2 00
AOLE AIE NO NA UKU OHUA.
MA KA HALE OIHANA E LOAA'I NA PALAPALA.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila).
Agena.
Keena ma ka Hale Kuai Papa o Waila ma, kihi o Alanui Papu a me Moiwahine.
670 3m 663
---------
LOLE MAKEPONO KE KUIKE !
E LOAA NO IA MA KAHI O
KAKELA ME KUKE,
-----E LAA NA-----
AHINAHINA,
KALAKOA,
KEOKEO,
LEPONALO,
Pena, Aila, Aniani,
Na Mea Piula,
Kopa, Aila Honua,
Aila Hoomaloo,
Kui Kakia, Pakeke,
Tabu, Kaula, Noho lio,
Hulu-palaki, na Pulumi.
A he Agena no hoi no na Mokupuni o Hawaii nei no na
LAINAKINI-NAO,
LAINAKINI-MAOLI,
PALULE KALAKOA,
ALAPIA, KELEPA, KILIKA,
Na Lole kupono i ka wawae,
Palule Hohoholo,
Na Lole Holoholo,
Na Lole no ka hoohehelo ana
LIPINE, LIHILIHI, A ME IA MEA'KU.
-----A HE-----
MAU MEA AI KAHI
Ka Palaoa, Kopaa,
Raiki Pia, Hoohu,
Paakai, Huaala,
Pia Kolina, &c.
-----A HE-----
LAAU LAPAAU KAULANA LOA
@ JAYERS
Laau Kuou,
Loaa Hoomaomae Koko,
Loaa hoopaa naio,
Penikila, Huaale,
A me na laau Hamo, a pela 'ku.
656 1y
KO KALEPONI
LAAU KUNU OLA !
A ME KA MAI HANO.
----------
I KA LEHULEHU !
NO NA MAKAHIKI ELUA AENEI I HALA, UA LOOHIA AU I KE KUNU KALEA, O KE aiwa loa nae i ke kakahiaka i ke ala ana ae mai ka hiamoe. Mahope iho, loli ae ani ke ano o ka mai a kohu hano ikaika maoli ; he mai mau keia i ko makoa ohana. I ka malama o Augata aku nei, 1872, oolea loa iho la ka loaa ana i ka hano, kunu au a paupauaho, me he mea la e kaili ae ana i ka hanu. Aole e hiki ia'u ke ai, me ka eha ole ma ka umauma a me ke ake. Ua hele au i na hale oi kauka, ua haawiia mai au i ka laau, ua inu aole nae he oluolu mai. Koiia mai au e hele i ka aina mehana o ka noho ana, hele no au i San Jose, aka, aohe loaa iki o ka maha. Ia'a i haalele ai ia San Jose, aohe o'u manao i koe e ola ana. O ko'u hoao iho la no ia i keia laau, nana i hooluolu mai, a mahope o ka hoomau ana i ka inu, o ko'u ola mai no ia. I keia wa, ua ola loa ia au, a ua hoi e like me ko'u ola mua. Ua hoikeike aku au i kekahi poe e ae no keia laau lapaau, a ua halawai lakou me na hopena olioli e like me ko'u. Ano hoi, ke hoikeike aku nei au i ka lehulehu, no ko'u manao io he laau ola keia no ka hano, aohe ona like.
Aole au i hoikeike aku nei i keia LAAU KUNU OLA AME KA MAI HANO i mua o ke akea me ka olelo aku, he oia nae wale no, o ka ikaika, o ka hoihoi ae i na mea e pili ana i na mea paahana o ke ake. O ka paa ana o na ohe o ka puu, oia ka mei e loaa ai i ka hino, a o keia laau ola kupanaha ka mea nana e paahana aku a ola ka poe i loohia ma heia mai make. Na keia laau no e hooiaio mai i kona waiwai ke hoohana ia. Ina aole e ola ana ka mea i loaa i keia mai me ka laau ola nei, mahope o ka hahai ana i na kuhikuhi, hoihoi hou aku no au i ke dala. O kekahi keia o ko Kaleponi mau mea ulu. He akioma i hooholo kahiko ia iloko o na noonoo o ka lehulehu, no na mai a pau, aia no he lau nahelehele ka mea i hoomakaukauia e ola ai, eia wale no ka mea ilikia, o ka loaa kupono ole o ka lau nahele e pili pono ana ia mai. O ka hano, he mai weliweli loa ia, a ua heluia kela mai ma ka papa o na mai ola ole, a no na au he loihi oia ka mea huli nui a na kanaka lapaau i huli ai o ake o ka loaa. Owau no, a pela aku.
FRANCIS L. SUCH.
----------
HE NUI NA PALAPALA MAI NA HAOLE E AE E HOOIAIO MAI ANA I KE
OLA IO MAOLI O KEIA LAAU KUNU A HANO.
O KEIA KA LAAU OLA A MR. F. L. SUCH NO NA MAI
-----MA KE-----
Ake-Mama, ka Ha o ka Leo,
Ke Anu, ke Kunu, Kunu Kalea,
Na Eha a pau ma ka Puu.
E OLA NO HOI NA MAI HANO IKAIKA, KA UMII I KA HAUPO
A o ka poe Mai Ai-ake e loaa no ka oluolu nui ia lakou, ke ai i keia Laau.
NO LOKO MAI O NA LAU NAHELE KEIA LAAU, AOHE MEA INO O LOKO
NA KA POE E LAWE ANA E IKE I KA OIAIO.
----------
NA RULA O KA INU ANA.
No Kanaka Makua--2 puna nui, i ekolu inu ana i ka la.
No Kamalii--1 puna nui, i ekolu inu ana i ka la.
No Kamalii Aiwaiu--1 puna ti, i ekolu inu ana i ka la.
A ina e mau ana no ke koii o ke Kunu, inu iki no mawaena o na inu ana ekolu.
No ka Hano--E inu i ka wa e hiki ai ka ho, a mahope iho.
No ke Anu--Aia no i ka wa e inu ai, o ka po a me ke ao.
No ka Puu Eha--E hoonui a e inu pinepini a hiki i ka emi ana o ka eha.
No ka Eheehe--E inu liilii me ka hana mau nae.
No ke Kunu Kalea--E inu no e like me ka ikaika o ke Kunu.
No ko Kaniai Eha--He pono inu no, a aole e ewa o ka pau no ia o ka eha, a poha maikai ka leo.
----------
E LOAA NO KEIA LAAU LAPAAU MA KA HALE KUAI O
DILLINGHAM & CO.,
Alanui Alii.
670 8m
==========
OLELO HOOLAHA.
==========
LIO NALOWALE.
UA NALOWALE MA KE SABATI IHO NEI. Sepatemaba 13, mai kekahi pa ma Pauoa, kekahi Lio kane ulaula, me ka hoailona J R ma ka uha akau hope, a he keokeo ma kona lae. Ina e loaa keia Lio, hoinoi mai ma ke Keena Kuokoa, Hale Leta, a e haawila no ka uku kupono.
H M WINI.
Honolulu, Nov 21, 1874.
677 tf
----------
E IKE MAI NA MEA A PAU KE NANA MAI ma keia hoolaha, ua hoopau ia o Apana Hapai mai ko maua Hui aku, i kapaia ma ka inoa o Atai & Apana, a ua hookaawale loa aku oia aole kuleana ona i koe ma na mea a pau i loaa maloko o ko maua hui mua ana. Eia kekahi mea hoike aku ma ke akea, o na aie a pau a maua i aie ai, oiai ko maua manawa e hui ana, aole loa hekuleana e koi aku maluna o Apana Hapai, ua pili ia mau aie a pau ia'u, a na'u wale no ia mau aie e hookaa. A no ka oiaio o keia, ke kakau nei au i kuu inoa.
ATAI (Pake.)
Punahoa, Hilo, Nov. 2, 1874
676 4ts 679
----------
E IKE AUANEI NA MEA A PAU ma keia hoolaha, ua lilo mai ia'u ma ka hoolimalima na aina aupuni e waiho nei ma Waiahole, mokupuni Oahu, no lakou na inoa malalo iho nei :
APUU, KAANIU, KUAIOKUMU, KUMUPALI, KUPAPAULAU, MAKANILUA a me POAHAMAI, a me na Aina Lei Alii nona na inoa HOPIKEA a me MAKAWAI, ma ia wahi hookahi, a me na aina mauna i kapai o WAIANU-MAUKA NO NA MAKAHIKI EHIKU.
AKO.
Honolulu, Nov. 11, 1874.
676 4ts 679
----------
NU HOU ! NU HOU !
----------
MAU LOLE HOU MAKEPONO LOA !
---------
HE EMI LOA MALALO
-----O KE-----
KUAI KUDALA ANA !
----------
MAI KEIA WA'KU, E KUAI Makepono loa ia'@ ai na lole o kela ano keia ano, a me na NANI e ae no a ka IINI e hoolie ai, ma ko makoa Halekuai ma Mooikahaae ; a he
EMI LOA ME NA MANUAHI
KAULELE WALE IHO.
I ka poe a pau e kipa mai ana e kuai,
A e waiho ekea ia'ku no na mea a pau,
Ma ka makemake e koho.
EMANUAHI WALEIA'KUKOKAPAPALEI
hahiko wehi ia, na Holoku, Muumuu a me
kahi mea Makana Kumakuai Nui i
ka poe kaai mahuahua.
E MAKEPONO LOA ANA KO KUAI
-----O KA-----
HOLOKU SILIKA MAIKAI !
mai ka ($7.00) EHIKU DALA a ei aka, a me na manuahi e ae he nui wale. Ma hela Halekaui wale me e loaa i ka makepono nui loa e na mea a paa--ma Honolulu nei. Nolaila, e hele koke mai a e ike pono no oukou, mai lohi, o pau o ia lakou nei. Me ka mahalo.
AME MA.
Kihi o Alanui Papu me Hotele.
Honolulu, Nov. 3, 1874.
675 3m 686
OLELO HOOLAHA.
==========
A. S. HARTWELL, (HAKAWELA).
LOIO !
UA MAKAUKAU AU E HANA, A E Hooponopono hoi i na Palapala Hooilina, Palapala Kuai, Palapala Moraki a me na mea a pau e pili ana i ka Oihana Lolo.
670 1y*
----------
NO KA MEA, UA HOOKOHU IA AU E KA Hon. Chas. C Harris, kekahi o na Lunakanawai o ka Aha Kiekie, i Lunahooponopono me ka Palapala Hooilina, maluna o ka waiwai o CHARLES KAHALA no Honolulu, Mokupuni o Oahu, i make aku nei ; nolaila, ua kauohaia na mea a pau a Charles Kahala i aie ai, e hoike mai i ko lakou mau bila, a o na mea a pau i aie iaia e hookaa mai ia'u.
HALE L SHELDON,
Lunahooponopono Waiwai Hooilina
Nov. 13, 1874.
676 41@ 679
----------
ABERAHAMA KALAULI !
LOIO A KOKUA NO NA KANAKA Hawaii imua o na Aha Hookolokolo a pau o keia Aupuni.
663 6m 690
----------
KA B. H. LAIANA LAAU LAPAAU
AWILI OLA !
----------
No na mai ino, e laa ka
Rumatica,
Ka Hano,
Ka hui o ke kino,
Ke pohapoha o ka ili,
Nawaliwali o ke kino,
Na mai wahine,
Na mai o ka puu, ke ake a me ka puuwa
E nana i ke kuhikuhi.
E loaa no ma ka Hale Kuai o
DILINAHAMA MA,
Agena.
Honolulu, Oct. 6, 1874.
671 6 @
----------
HALE KUAI LOLE
O KALEKIKA.
[Ma Haiku, Maui Hikina].
MA KEIA HALE KUAI NO E LOAA AI @ lole maikai a pau, nolaila, ke konoia aku nei ka @ maikai a me na kokua o na kanaka a pau o M@ wao Kula Hamakua Koolau a me na wahi a pau loa @ nui mai maanei e kuai ai no na kumukuai makepono @. Ua hiki no ia'u ke lawe ma ka ili-kao, kope, na papale @ koloa, na mea hua a me na mea ulu e ae.
C H DICKEY
Haiku, Oct. 3, 1874.
670 3m*
----------
E IKE auanei na kanaka a pau ma keia, ke @ ia aku nei ka hele hewa ana maluna o na aina @ WAIPAI, MANUWAINUI, KAHIKINUI a me KA@ e waiho la ma Kaupo, Maui Hikina, no na mea no@ inoa malalo iho. O ka poe hoolohe ole i keia, e hoopii @ ke Kanawai ; a o na Lio a me na Bipi e helehewa @ ana maluna o ua mau aina la, e hookomoia ma ka @ puni.
AIKEN & RUSSELL
Kaupo, Maui Hikina, Sept 28, 1874.
670 @
----------
FRIEL & LAINE (Alani a me Lai @
NA MEA KUAI MEA AI o na lako ai @ na mea ulu, a me na mea hoomomona lio @. Halekuai malalo o ka Hale @, Alanui Papu @ nolulu.
670 @
----------
O WAU O AHIU (pake) no Waimea @ puni o Kauai, no ka haalele ana mai @ Wahine Mare Ia'u a me ko maua wahi moe, @ MRS LUKA AHIU, nolaila, ke papa ak@ au i na kanaka a pau o kela ano keia ano @ hoaie mai oukou i kuu wahine, no ka mea @ au e hookaa ana i kona aie a pau, ke loaa o @ a'u aku kekahi palapala aie.
AHIU (pake)
Waimea, Kauai, Aug. 1874.
567 3m
==========