Ka Nupepa Kuokoa, Volume XIII, Number 38, 19 September 1874 — Huakai makaikai. [ARTICLE]

Huakai makaikai.

He elua hebedoma paha i koe, alaila, e hele kaapuni ana Ka Mea Kiekie Ke Alii W. P. Leleiohoku a me kona poe ukali. E kaapuni aoa oia ia Hawaii mamua, a malaila mai i Maui. Nolaila ke konoia aku nei na makaainana aloha a makee alii, e pahola mai i ko oukou mau lima aloha no ka kakou Milimili alii e hele opio aku nei e ike i ke kaoaka nui a me ke kanaka haahaa ke nui a me ka liilii. Ua hauoli makou i ka lohe ana mai, ua hookohu aku nei ka Moi a me kona Aha Kuhina, ia ka Lunakanawai Kiekie E. H. Allen i Elele Kuhina oo ke Aupuni Hawaii e hele ai i Wasinetona me ka mana piha e hapai hou i ke kuka ana e loaa ona kuikahi panailike mawaena o Amerika Huipuia a me Hawaii nei, Ke makemake nei makou, e lohe pono ko makoa poe heluhelu, o ke kuikahi e manaoia nei e hapai hou, oia no ke kuikahi panai waiwai wale no i hoolaia ia ai he ehiku makahiki i hala aeoei a i hoounaia ai hoi o Hailaki a me Makuke. Aohe haawi aina kekahi. Aohe hana nui e ae a makou e hauoli loa nei iloko o keia noho alii aoa o ka Moi Kalakaua, o keia hepai wale ana no, a kona noonoo alii e ake nei e loaa ona pomaikai i kona aioa a me kona iahuikauaka ma keia kumu hana nui he itni kuikahi paaai like. Ke loaa iaia keia kuikahi, e kaulana auanei kona aoho alii ana, a e ohi auaoei

ka lahui i ka hua o kana hana, a e oi aku kona kaulana ame ke aloha ia mamua o kona mau hikimua. Ua hooikaika loa ia mai ko makou mau manaolana ma ka lono Uuahea wale ia ana mai, e holo kino ana ka Moi i \Vasinetona i ka wa e ooonooia ana ke kuikahi panai like. Ke maopopo loa nei ko ka Moi manao hoihoi loa ma ka lawelawe ana e holomua keia hana nui. Ke manao paa nei makou, o ke kamailio pu ana o ka Moi me ke Poo o kela lahui nui nona ke kanaha miliona kanaka, he waha a he waha, a ike he maka a he maka, oia auauei ka mea nana e hoopau ae i kekahi mau keakea i hookumuia. O ka hele kino ana o ka Moi i \Vasinetona he mea ia e hooholo mua ai i ka loaa ana, malia o kona launa kino ana aku me na kanaka alakai o ia lahui, oia ka mea e hoohikiwaweia mai ai ka hooiaio ana ona kuikuhi. Ke katokalo aenei makou, e hahaiia ka huakai imi knikahi me ka holomua. !