Ka Nupepa Kuokoa, Volume XIII, Number 34, 22 August 1874 — Page 4

This text was transcribed by:	Valerie Van Gorder
This work is dedicated to:	Nahuihui

Ka Nupepa Kuokoa

KE KILOHANA POOKELA NO KA LAHUI HAWAII.

The Pleasant Sabbath Bells.

New golden @ p 69.

Ke kani nei na bele, bele, bele,

Ke kani nei na bele,

Na bele Sabati.

E hoi a e mele, mele, mele,

E hoi a e mele,

W wiki na pokii.

Cho. Kani, ke kani nei na bele, bele,

Ala'e, ala'e, a e mele, mele,

Na bele Sabati,

Ke kani oli lea mai,

O ka hora kula nei.

E hui ma ke kula, kula, kula,

E hoi ma ke kula,

Ke kula Sabati.

Hoolohe i na rula, rula, rula,

Hoolohe i na rula,

E @, a himeni

Cho. Kani, ke kani nei na bele, &c.

Ala'e, ala'e, a wiki, wiki, wiki,

Ala'e, ala'e, a wiki,

Mai hoololohi e.

Hoopaa, a hana like, like, like,

Hoopaa, a hana like,

I oli a pomaikai.

Cho. Kani, ke kani nei na bele, &c.

HAWAII.

HAAWINA KULA SABATL

KA HAPAHA EKOLU 0 1874.

HELU 10, SABATL SEPT. 6.

KUMUHANA-Ka pepehiia ana o Ioane Babetite.

PAUKU BAIBALA. Mareko 6: 20-29.

20 NO KA mea, ua makau o Herode ia Ioane, ua ikeia, he kanaka pono oia, a me ka hemolele, a @ no o Herode iaia, a hoolohe no i kana, a nui ua mea ana i hana'i me ka hoolohe oluolu iaia.

21 A hiki mai la ka la maopopo a Herode i hoomakaukau ai i @ hanau no kaua mau alii, a me na luna tausani, a no na mea koikoi o Galilaia,

22 Alaila, korao ae la ke kaikamahine a Horodia, a baa iho la ia, a olioli o Herode iaia, a me ka poe e noho pu ana me ia ; alaila, olelo mai la ke alii i na kaikamahine la, E noi mai oe ia'u i @ mea e makemake ai, a e haawi aku no au ia oe.

23 Hoohiki aku la oia iaia, O ka mea au e noi mai ai ia'u, na'u ia e haawi aku ia oe, a hiki i ka hapelua o ke aupuni o'u.

24 Hele aku la ia iwaho, uinau aku la i kona makuahine, Heaha la auanei ka'u mea e noi aku ai? Olelo mai la ia, o ke poo o Ioane Bapetite.

25 Alaila hele wikiwiki ae la ia i ke alii, ? ae la, i @ la Makemake au e haawi koke mai oe ia'u i ke poo o Ioane Bapetite, maluna o kekahi pa.

26 Minamina loa iho la ke alii, aka no kona hoohike e ana, a no ka poe e noho @ ana me ia, i manao ole ai ia e, hoole aku iaia.

27 Kena koke ae la ke alii i kekahi ilamuka, olelo ae la e laweia mai kona poo. Hele aku la ia, a oki ae la i kona poo iloko o ka halepaahao;

28 A law mai la ia i ke poo, iluna o ke pa, a haawi mai la i ua kaikamahine la, a haawi ae la hoi ke kaikamahine i kona makuwahine.

29 Lohe iho la kana poe haumana, hele mai la lakou a lawe aku la i ke kino, a waiho iho la iloko o ka halekupapau.

PAUKU ALAKAI. "E malama oe i kou waha i ole e hoohihia ai kou kino." Kekahuna 5:6.

MELE "Ala, Ala." Hae Hoonani, p 11.

1 Ala, ala, ala kamalii

Pau ka wa e moe ai, ala awiwi;

Pale, pale i ka molowa,

Ala me ka naue ae, naue a mama.

Cho. Paio, paio, mai makau oukou,

@, paie, nauwe oli pu;

Paio, paio no ka @,

Paio, paio ao ke ola mau.

5 Ala, ala, kiai a kuoo,

U'ala no na enemi, ko ke ao a pau;

Pale Pale paio aku no

I @ lakou me ka hoke mau.

Cho. Pale paio, mai makau oukou, $c.

PULE i ala na koa o Iesu, a hele e paio aka i na enemi ma na @ Pegana.

NA NINAU A NA KUMU.

P 90. Owai keia Herode? Mat. 14:1. Herode @, ke keiki a Herode nui. @ ke @ hope o ke makua, na haawiia ia @, Galilaia me ke @ ka hikina o ka @. Nolaila o keia Herode, @. Makau eia la wai? no ke @? Heaha ke ano o @? Hoolohe @ mahope? p 17, 18. @ nae kona ola? Pela anei ka poe pono io, a ikaika i ka papa ana i ka hewa, @, imiia ko lakou ola?

P 21. He ahaaina ahe keia a Herode i hoomakaukau ai? nowai?

P22,23. Owai ka i komo a hea imua o Herode? Owai ka inoa o keia kaikamahine? Salome, he moopuna na Mariama he Iudaio ia. Owai kona makuakane? Pilipo, p 17. Ia Herode e olieli ana, heaha kana i hoohiki ai no ke kaikamahine? He hoohiki maikai anei keia? He hoohiki @; no ka ona, a hapa ona paha. Owai kekahi alii i hoohiki pela? Esetera 5:3.

P24,25. Heaha ka ke kaikamahine i noi ai? ma ke ao ana a wai? Makuawahine aha keia? No ke aha keia ao ana pela? p 17,18.

P26-28. Minamina anei Herode mamua, a kanalua i ka hooko ana i keia noi @ loa? Heaha ka mea i pauai kona kanalua, a ko ke noi ana? He alii aha keia? Hai mai i kona ano a pau. Nui anei ka poe ano like? Heaha ke ano o kona makuakane?

MELE "Dare to do Right." Hae @

2 Koa maikai, koa mau ae,

Mai pili oe i ka pono o hai;

Kupaa a mau ma ka pono no ou,

Ku wiwo ole, a paio mau no.

Cho. Koa, koa, koa maikai; koa, koa, koa mau ae,

Koa mau ae, koa mau ae

5 Koa maikai, koa mau ae,

Pili ia Iesu, i kou Alakai;

He ola, he lei, a he hale alii,

Ke ili nou loa, ke koa maikai.

Cho Koa, koa koa maikai, &c.

NA NINAU A KE KAHU.

NA MAKUA. Heaha kekahi hewa o Herode? p 13-16. I kona lohe ana i na hana mana a Iesu i hana'i, kuhi oia owai ka i ala hou mai, mai ka make mai? No ke aha kona kuhi ana pela? Pehea la ka loihi o ka manawa, mai ka wa i make ai o Ioane ia Herode, a hiki i ka wa manao ai o Herode o Ioane no keia, ka mea e hana ana i keia mau mea kupanah he nui wale? Loaa keia ninau ia wai ma keia kula? Ua noho kaumaha paha Herodo, ua hoahewa paha kona luneikehala i kona pepehi hala ole ana ia Ioane Bapetite. I ka lohe ana i na hana a Iesu, ua pihohoi loa oia. Ku weliweli mai kona hewa imua ona. Ke poe o Ioane maluna o ke pa, eia ka ia, ua kau a pili hou i kona kino, a lilo i mea walania ai kona naau. Aole anei pela ka poe pepehi kanaka, ike pinepine i na lapu o ka poe a lakou i pepehi ai, a holo puiwa wale lakou?

NA KEIKIKANE. Heaha ke kumu i hooleiia'i Ioane Bapetite iloko o ka helpaahao? A, iaia iloko o ka helpaahao, heaha kana i hana ai? Mat. 11:2,3? Pehea Iesu i pane aku ai? p 4-5. Heaha ka mea i hemo ai Ioane iwaho o ka hale paahao? hemo auei me ke ola? Ua'ha kona poo? Okiia e wai? Nawai i noi? nawai i koi i ke kaikamahine e noi i ke poo o Ioane? Pehea ko oukou manao i keia makuwahine a me ke kaikamahine? Ka hewa owai ka i oi? Pono anei i na keiki ke ae i na manao pono ole o na makua?

NA KAIKAMAHINE. He kaikamahine aha keia kaikamahine a Herodia? He kaikamahine hilahila ole, hula lapuwale! heaha kona hewa nui, o ka hulahula anei? o ka ae e noi i ke poo o Ioane paha? Nona ponoi anei ia manao? Nowai la? Ina ao mai na makua ia oukou, a pela aku, pono anei ke ae? Heaha ka pono? Hoopaa Solomona 1:10. Mat 10;37.

NA @ Ioane Bapetite, owai ia? He kaula pono he kauaka hemolele. Herode owai is? he alii maikai anei? Hai mai i kekahi mau hewa ona. I Kipaku ino i kana wahine ponoi a lawe i ka hai. 2 Huhu hala ole ia Ioane Bapetite, a hoopea iaia iloko o ka halepaahao, me ka makemake no e pepehi. 3 Hoohiki ino no ke kaikamahine i hulahula imua ona. 4 Hooko i kona hoohiki, a kena e okiia ke poo o Ioane. Owai keia kaikamahine? Salome. Owai na makua? Pilipo, Herodia. Heaha @ makuawahine i ao ai i ke kaikamahine? Enoi i ke poo owai? hewa loa e!

KE KULA A PAU. Ehia Herode i akaka ia oukou? Owai na Herode pepehi kanaka me ka hewa ole? Maikai anei ko Herode hoohiki? hewa anei oia ina ua hooko ole i kona hoohiki? Owai kekahi luna mamua lea aku, hoohiki pono ole? Lunakapawai 11:30,31,34. Ka hewa o ka hula, a me @ manao pili, @ hoi mai me ka @ alakai.

MELE Him 470. 8, Leo Menedona

1 Na miliona nui no

O ko na @,

Aole ao i lohe ae

I ka Meaia e ola'i.

2 Kokua i na @

I @ e pekele ai,

O iho i ka make @

Ka poe hoomanakii a pau,

PULE no na @.

HAAWINA Kula Sebat no Sept. 13.

Mareke 6:34-44. HAWAII

Nei ka poe a kuhihewa ana e kalaia'ea @ lakou hewa i hala, no ka pono a lakou i @ ma kela hope @; a o ke @ pono, aia wale no @ o ka wa e hiki mai@; he wa @ loa @ ole mai.

No ka la Sabati.

Nawai i kauoha mai i na kanake e malama i ka la Sabeti?

1. Na lehova ke Akua nui o ka lani, a o ka hoaoa. I kinohi, i ko ke kanaka noho ana ma Edena, @ mai la ke Akua i ka la Sabati. Eia ka olelo a Mose: Kinohi 2:1-3 "Pela i paa ai ka lani a me ka honua i ka hanaia, a me ko laila poe mea a pau. A i ka hiku o ka la, hooki ae la ke Akua i ka hona ana i hana'i a hoomaha iho la oia i kana hana a pau ana i hana'i. Hoomaikai mai la ke Akua i ka hiku o ka la, a hoano iho la; no ka mea hoomaha iho la oia ia la i ka hana a pau ana i hana'i."

Eia ke kanawai a Iehova i haawi mai ia Mose, a na Mose i haawi aku i ka poe mamo a Iseraela: @ 20:8-11. "E hoomanao i ka la Sabate; e malama hoi ia la e hoano ia. I na la eono e haa'i oe i kau hana a pau; aka, o ka hiku o ka la, he Sabati ia no Iehova, no koa Akua, aole loa oe e hana ia la, aole oe, aole hoi ko keikikane aole hoi ko kaikamahine, aole hoi kau kauwakane, aole hoi kau kauwawahine aole hoi kou holoholona, aole hoi kou kanaka e ma kou wahi. No ka mea, i na la eono i hana'i o Iehova i na lani, a me ka honua. a me ke kai, a me na mea a pua maloko o ia mau mea, a i ka hiku o ka la i hoomaha'i; nolaila hoi i hoomaikai ai o Iehova i ka la Sabati, a heano ai hoi oia ia la."

Oiaio, na Iehova no i kauoha mai i na kanaka a pau loa e malama i ka la Sabati i hoano ia. Aole pono anei ia kakou ke lohe, a ke malama hoi i kana? Aole pono anei i na kanaka a pau loa ke hoomanao i ka la Sabati e malama hoi ia la?

2. Pehea kakou e malama ai i ka la Sabati? heaha ka mea a Iehova ke Akua i papa mai ai i kanaka, a heaha ka mea ana i kauoha mai ai e hana ia la?

E noonoo kakou i ke ano o ke kanawai, "E hoomanao i ka la Sabati, e malama hoi ia la, e hoano ia." Pehea? Eia paha ka mea e akaka ai. Mamua, ua kapaia kekahi mau mea i mea hoano: O ka pahuberita o Iehova kekahi. Pela no ka luakini a Solomona i kukulu ai ma Ierusalema. Heaha ke ano? Penei ia. O ka pahu a me ka luakini, ua lea i ke Akua. Aole pono ke hookome i kekahi mea laa ole iloko o ua pahu la, aole pono kekahi mea haumia ke komo iloko o ka luakini o Iehova.

Pela ka la Sabati. Ua laa ia i ke Akua. Eia ke kanawai: "I na la eono, e hana'i oe i kau hana a pau." I na la eono, e pono no kela kanaka keia kanaka, ke imi i na mea e pono ai kona kino, a me kana mau keiki, a me kona ohua; aka, aole pono ke hana ia mau mea i ka la Sabati.

Eia na mea a ke Akua i papa mai ai i kanaka i ka la Sabati. Penei ke kanawai; "O ka hiku o ka la, he Sabati ia no Iehova, no kou Akua, aole loa oe e hana ia la." I na la eono, e pono na kamalii ke paani, aole nae i ka la Sabati. "Aole hoi ko keikikane, aole hoi ko kaikamahine." I na la eono, e pono no kauwa ke hana e like me ke kauoha a ko lakou haku, aka, aole pono ia lakou ke hana i ka la Sabati-"aole hoi i kau kauwakane, aole hoi kau kauwawahine." E pono i na la eono ke hana ka bipi kauo, a me ka lio, a m ka hoki: aole nae e pono lakou ke hawa i ka la Sabati. "Aole hoi kou holoholona." I na la eono, e pono ka malihini e noho pu ana me oukou, ke hana, a ke kuai hoi; aole pono i ka la Sabati. "Aole hoi kou kanaka e ma kou wahi." I na le eono, e pono no ke kuai lilo aku, a ke kuai lilo mai; aole loa e pono ke hana pela i ka la Sabati. I na la eono, e pono ke kamailio pu me na kanaka no na mea e pili ana i keia ao; aole nae pono i ka la Sabati. I na la eono, e pono ke manao i na mea e pono ai ke kino; aole pono ke manao malaila i ka la Sabati. Ma keia mau mea e pono ke hoomaha i ka la Sabati, a malama pono ia la e hoano ia. E pono ke haalele loa i ka hana ana me na lima, a e oki loa i ka olelo ana i na olelo e pili ana i ko keia ao waiwai a me ka lealea. E pono ke haalele loa i na manao e pono ke manao ai i na l eono, no ka mea, ua laa i ke Akua ke Sabati.

3. Pehea ko ke Akua manao i ka poe malama pono i ka la Sabati?

Ua manao oluolu mai o Iehova ke Akua, i ka poe a pau loa i malama pono ia la. Ua akaka lea keia ma kana olelo. Isaia 56: "No ka mea, i mai la o Iehova i ka poe i poais, ka poe nana i malama i na Sabati o'u, e haawi au ia lakou iloko o ko'u hale, a iloko o ko'u mau pa i kahi e noho ai, a i ka inoa maikai aku mamua o na keikekane, a me na kaikamahine i ka inoa mau loa, aole e okiia. A o na keiki a ka poe malihini, ke poe i hoopili ia Iehova, e malama ia ia, o na mea a pua i malama i na Sabati, e alakai au ia lakou i ko'u mauna hoano, a e hoohauoli au ia lakou iloki o ko'u hale pule."

Eia kekahi olelo. Isaia 58:13, 14. "Ina e malama oe i kou wawae i ko'u la Sabati, aole hoi e hana i kou lealea i ko'u la hoano; a kapa aku hoi i ka la Sabati, he olioli, ka mea hemolele o Iehova, a me ka nani; a hoomaikai @ oe ia, me ka hana ole i kou mau @, aole me ka imi i kou lealea iho, @ hoi me ka olelo i kau mau olelo iho; alaila, e olioli @ oe ia Iehove, a na'u no e hoaholo ia @ ma ua wahi kiekie o ka @, a e hanai @ia oe i ka hooilina a @, a @; no ka mea, ae ka waha o Iehova i olelo mai."

Ua akaka lea ko ke Akua manao nui i ka la Sabati, no ka mea, nui no kona aloha mai i ka poe i malama pono ia la. Heawi mai ia i ua la la, i mea e maha ai ke kino, a e oluolu ai ka uhane o kanaka. No ia mea, hoomaikai mai no ia i kauaka a pau i malama pono i kona la hoano. He poe kauwa lakou na Iehova. Ua pea kona manao e hoomaikai mai ia lakou ma keia ao, a i ko lakou make ana, e lawe aku oia ia lakou i kona wahi e noho mau loa ai, a e komo lakou iloko o kona wahi maha.

4. Pehea ko ke Akua manao i ka poe malama ole i k la Sabati?

@ kona huhu, a me kona ukiaki mai i ua poe la. Pela @. Eia kana i ka poe mamo a Iseraela. Pukaana 31:12. 13.

12 Olelo mai la o Iehova ia Mose, i mai la.

13 E olelo aku oe i na mamo a Iseraela, e i aku, E malama io oukou i ko'u mau sabati, no ka mea, he hoailona ia mawaena o'u a me oukou, owau no Iehova, ka mea hoolaa ia oukou.

E nana'ku ma ka Baibala, pauku 14,15.

"Nolaila oukou e malama'i i ke Sabati; no ka mea, ua hoanoia no oukou. O kela mea keia mea hoohaumia ia la, e oiaio no e pepehiia oia: no ka mea, o ka mea hana i ka hana ia la, e okiia kela kanaka, mai kona poe kanaka aku.

Eono la e hanaia'i ka hana, aka o ka hiku, he sabati ia e hoomaha'i, he mea lae no Iehova, o ka mea hana i kekahi hana i ka sabati, e oiaio no e pepehiia oia." A i ka hoilili ana e kekahi kanaka o ka poe mamo a Iseraela i ka wahie, i ka la sabati, ua hailuku lakou iaia a make e like me ka Iehova kauoha. Eia ka Nehemia olelo i ka poe Alii o ka Iseraela. Nebe. 13:15,16.

15 Ia mau la, ike aku la au ma @ i kekahi poe e hehi ana i na lua kaomi waina i ka Sabati, a e halihali ana i na pua, a e hoouka ana i na hoki; a e lawe ana i ka waina, i na hua waina, a me na fiku, a me kela mea keia mea kuai ma Ierusalema i ka Sabati: a papa aku la au ia la no, i ko lakou kuai ana i ka ai.

16 Noho iho la iloko olaila na kanaka o Turo i lawe mai i ka ia, a me kela mea keia mea kuai, a kuai iho no i ka la Sabati me ka Iuda iloko no o Ierusalema.

E nana i ka pauku 17, 18. "Alaile, papa aku la au i na kaukaualii o ka Iuda, a olelo aku au ia lakou, Heaha keia mea hewa a oukou e hana nei, a hana ino i ka la Sabati? Aole anei i hana ko oukou poe makua pela, a kau mai la ko kakou Akua i keia popilikia a pau maluna o kakou, a maluna o keia kulanakauhale; aka e hoomahuahua ana oukou i ka huhui mai maluna o ka Iseraela i ko oukou hana ino ana i ka Sabati." Ua paa ko ke Akua manao e hoopoino mai i ka poe malama ole i ka la Sabati, i kona la hoano. E hiki no i na kanaka ke hoowahawaha aku i ke Akua, a me kona kanawai; e hiki no ia lakou ke hehi i ka la Sabati malalo iho o ko lakou wawae ke hana, ke kuai, ke hele, ke paani i ka la Sabati; aka, aole loa lakou e pono ai malaila. Aole pono ko lakou noho ana ma keia ao, a ma kela ao mahope, h make mau, aole loa lakou e pakele ana!

Ka manao o ka poe kahiko a ka la sabati.

Ua malama pono ka poe haipule kahiko i ka la Sabati. He mea e oluolu ai lakou i ka la hoano o ke Akua. Nui ko Mose makemake i ka la sabati, a pela o Iosua, a me Samuela, a me Davida, a me Nehemia, a me Daniela, a me Isaia. Pela ko Ioane makemake a me ko Paulo. Pela ka poe haipule io a pau loa. Aole pono anei ia kakou ke makemake i ka la Sabati? A i ole kakou e makemake malaila, pono anei ke manao e noho pu me lakou ma kela ao maluna, ma ka lani? Pono anei ia kakou ke malama pu me ua poe la i ka la sabati mau loa ma ka lani?

Ka manao o Mataio Hale no ka la sabati.

Eia ka olelo a kekahi lunakanawai kaulana i noho ai, a i make ma Enelani; Mataio Hale kona inoa. Eia kena: "I ko'u noonoo liuliu ana, ua moakaka lea ia'u, o ka malama pono ana i ka la Sabati, a me ka malama ana i na mea pili i ke ano o ia la, oia ka mea e oluolu nui ai ko'uneau, a e pono nui ai ko'u noho ana. O ke Akua mana loa, oia ka Haku o ko kakou manawa a pau loa. Ua pololei no kakou e hoolaa'ku iaia i keia la. I ko'u imi ana, a me ka noonoo pinepine ana, ike maopopo au, ua pili ikaika ka hoomaikaiia, me ke alohaia mai, i ka malama pono ana i ka la sabati. I ko'u malama pono ana i ka la sabati, ua hoomaikakka mai au i kela @ a pau loa; i ko'u malama pono ole ia la, aole hoomaikaiia mai au e ke Akua. No ia mea, e ka'u poe keike, ke noi aku nei au ia oukou e malama oukou i ko ke Akua la hoano."

HE MEA KUPANAHA.

Nui na mea kupnaha, ano e, ma Amerika Haipuia i keia makahiki. Me kekahi mau kauhale, ua pilikia loa na kanake i ka waikahe. Ua haule nui ka @, a na kahe nui ka wai iloko o na lokowai, (Reservoire) a no ka @ o na lokowai, ua naha na kuauna o na lokowai, a @ piha loa @ kahai o lalo ae, a @ maluna o ka aina @, a me na kula kokoke; ua @ na hela paahana, a me na hale noho i ka wai; a no ka hohonu a me ka ikaika o kawaikahe, ua wawahiia a hoohioioia kekahi mau hale; a ua @ kekahi mau hale noho, a lawe puia na hale a me @ kanaka iloko-a hhhioloia ma kahi e. Nui na hale paahana e ku ana kokoke i na kahawai, ua pau i ka heohioloia iloko o ka wai, a ua pau loa na mea paahana i ka lilo aku. Nui na uwapo alanui i @ maluna o na kehawai, ua lilo wale aku; nui na @@, a me na mea kanu a pau mai o a o, ua hailuku ia, a pilikia loa ka aina i ka opala i laweia mai e ka waikahe. Nui wale na haole Amerika i popilikia, a hoilihuneia i keia wa e ka waikahe, A he mau @ kanaka hoi ka i make i na waikahe.

A ma kau wahi hoi, ua pilikia loa na kanaka i ka ua, ka uwila, a me ka makani puahiohio. Ua pa koke mai keia makani @ i ke kauhale, aole manawa a e hapai lauwili ia'na ko luua o na hale, a lawe ke a kiola ma kahi e; a ua hoohioloia kekahi mau hale, a me na pa hale, a me na laau kanu iloko o ka mala. Hookahi mile paha ka laula, a hookahi haneri mile paha ka loa o kona holo mua ana, me ka ikaika loa; e hoohaunaele ana i na mea a pau ma kona alanui; ua hoowili i na laau nui ma na ulu laau, a hoohiolo ia lakou ma ka honua. Nui na kanak a me na holoholona i make loa i ka uwila, a me ka makani puahiohio i keia makahiki 1874. Nui na makua a me na keiki i hooilihuneia i ka hale ole, @ ole. Lehulehu hoi o ka poe hana hoolimalima, ua hoopau koko ia ka lakou hana, no ka mea, ua pilikia na haku hana, ua pau ko lakou mau hale paahana i ka hoohioloia.

A ma kekahi kauhale hoi, ua pilikia kekahi mau haku waiwai, a me ko lakou poe paahana i ke ahi. Ua hiki mai ka lono, he ahi nui hou ma Kikako i keia makahiki. Nui wale na hale laau, ua pau i ke ahi. Nui ka poe noho iloko o na hale hoolimalima, ua nele hale ole i keia wa. Nui ka poe hana hoolimalima ma ka la, ma ka @, a ma ka mahina paha, ua pakele mahunehune lakou; ke ku wale-hale ole hana ole berena ole! Aloha ino.

Weliweli na loaa a me na lilo no na Oihana aloha ma Amaerika Hui.

Ua paiia ma ke Kuokoa mamua aku nei, na lilo weliweli no ka hoomanakii ma kekahi mau aina Pegans.

Me keia manawa e unuhi ana au mailoko o kekahi nupepa haole, (o Nu Ioka Observer) i kekahi mau loaa, kekahi mau kokua aloha, manawalea ma ke ano Karistiano iloko oka makahiki hookahi i hala aku la, ma Amerika Huipuia.

1. Ka Ahahui Pai Baibala Amerika.

Na dala i loaa ma ka haawi wale ia mai $331,197,69.

Na loaa ma ke kuai ana'ku ina Baibala i mea pai hou ia'i $333,238,37.

2. Ka Ahahui Pai Teraka Amerika.

Na dala i loaa ma ka haawi wale ia mai $148,801,10.

Na kala i loaa ma ke kuai ana'ku i na Teraka, na buke, na himeni e pili ana i ka uhane, i mea e pai hou ia'i-$391,013,49.

3. Ka Ahahui Kula Sabati Amerika.

Na dala i loaa ma ka haawi wale ia mai $103,405,05.

Na loaa ma ke kuai ana'ku i na buke kula Sabati i mea e pai hou ia'i $218,849.06.

4. Ka Ahahui Misionari kuloko Amerika.

Na dala i haawi alohaia mai $290,120,34.

5. Ka Ahahui Hoonaauao i na Aina Katolika.

Na dala i haawi alohaia mai $25,932.80.

6. Ka Ahahui kokua i ka lawe a hoonaauao ana i na negero ma Liberia ma Aferika $35,922.02.

7. Ka Ahahui Misionari Bapetite Kuwaho $311,122,45.

8. Ka Ahahui Misionari Bapetite Kuloko $257,257,37.

9. Ka Ahahui Pai Baibala Bapetite &c $430,854,93.

10. Ka Ahahui Pai Baibala no na Aina e $7,345,06.

11. Ka Ahahui Baibala Amerika $63,707,31.

12. Ka Ahahui malama wahine pilikia Amerika $76,281,60.

13. Ka Aha hoa kokua luina Amerika $69,931,19.

14. Ka Ahahui luna ekalesia mana ole Amerika $67,044,19.

15. Na papa ekalesia luna kahiko Amer.

Dala kokua misiona Kuwaho $622,985,93

" " Kuloko $297,150,05

" @ $120,627,04

" i na kula Kahuna me na haumana Kahuna $104,119,74

hauman Kahuna $104,119,74

kokua i na @ ilihune $63,944,43

kokua i na Kahuna palupalu me na wahine kane make o no @ $78,472,53

kokua i na negero i @ $44,869,55

Kokua Pai @ $47,798,53

Loea ma ke @ ana'ku i na palapala i mea e @ hou ia'i $192,849,38.

16. Na Ahahui wahine kokua misionari aha wahine @ L. K. $80,000.00

\ @ wahine $46,178,68.

17. Ka Ahahui misionari ma @ $421,331,42.

18. Ka Aha misionari Metodita $680,836,64.

19. Ka Aha misionari Amerika $345,277,63.

20. Ka Aha misionari @ Amerika $65,508,11.

21. Aha Euanelio @ $43,088,02.

22. Kokua @ $31,111,52.

23. Na'ha ekalesia Epikopa, kokua misiona @ $114,110,00

Kuloko $173,254,69

i na negero i hookuuia $15,650,47.

24. Papa misionari ekalesia i hoomaemae ia kokua misiona kuwaho $55,372,95

Kuloko 61,324,56

Hoonaauao 45,327,77

Pai palapala 29,284,95

25. Aha Karistiano Amerika kokua i na Iodaio $2,861,69.

Na Ahahui Euanelio nui keia e pili ana i n Ekalesia Euanelio a puni o Amerika Huipuia.

I na e huipuia keia mau dala i haawi alohaia mai iloko o ka makahiku hookahi ane 6,000,000 ka huina. No na ekalesia mai keia mau dala, a no ka poe mawaho e aloha mai an. Aole he dala aupuni i komo iloko o keia kokua. He kokua aloha keia i mea e kukuluia'i ke aupuni o Iesu ma Amerika a ma na aina e.

Aole nae i pau na aha kokua ma keia mau aha noi. Nui na aha liilii, i kakauia ma keia nupepa o @ Ioka Obsrever.

E kokua ana keia mau aha.

1. I ke kinai ona. 2 I ka hoopau i ka hana ino in na holoholona. 3 I ke kokua i ka poe mai ola ole. 4 Kahuli a paipai i ka poe ui. 5 I ka poe sela ma na awa ku moku. 6 I ka lawe a hoonoho kuonoono i na negero ma na wahi e. 7 Na misiona kulauakauhale. 8 Na misiona wahine aloha i ka poe auwana, pilikia, nele i ka oihana ole, lilo i ka hewa, i ka hookamakama. 9 I na hale mai, hale malama i na keiki makua ole, i na kuli, i na makapo, i na lolo, i ka poe oopa, a mumuku, ka poe elemakule, luwahine, palupalu, makamaka ole, wahine kane make, kamalii home ole, pupule, halepaahao, a me na mea e ae he nui wale.

Nui ke kokua i loaa mai iloko o keia makahiki hookahi no keia mau poe he nui wale. 3,000,000 dala paha ka huina. Huipu me kela 6,000,000 dala maluna, @ $9,000,000.

Aka, aole i pau ke dala kokua aloha ma keia 9,000,000. Ua hiki aku no i ka 10,000,000 dala a oi aku ma ka makahiki hookahi.

Aole i hookomoia iloko o keia mau kokua, na kokua kahu elaesia, a me na kokua luakini he nui wale. Na kokua kahu pilikia, luakini pilikia wale no ka i hookomoia. @ wale na ekalesia kuokoa, na lakou ponoi no i hanai ko lakou mau kahu, a kukulu i ko lakou mau luakini.

MAKE. Ma Greenfield, Massachusetts, i ka la 6, o Iulai, M. H. 1874, ua make ka makuahine o Rev. L. Kamika; he 93 kona mau makahiki, me na malama keu elua. Ehiku makahiki koe, a hiki aku i ka @ okoa. Ua oi aku @ kona pomaikai, e hele e aku, a halawai pu me ka Haka, Iesu Kriste.

NA BUKE

I HOOLAHAIA E KA PAPA HAWAII

ME KE

KUMUKUAI O KELA ME KEIA

BAIBALA HEMOLELE NUI ILI GULA NANI me na kuhikuhi @ na aoao $12 00

Baibala Hemolele Nui ili @ wai gula. 5 00

Baibala Hemolele uuku iki iho kae wai gula 8 00

Baibala Hemolele @ iho ili eleele 4 00

Baibala Hemolele ili eleele 2 00

Kauoha Hou ili hula nani me na kuhikuhi 3.00

Kauoha Hou ili eleele kaekae @ gula 1 00

Kauoha Hou ili eleele 75

Kauoha Hou Hapa Haole 75

Lira Hawaii 1848 me ke kanawai 25

Lira Hawaii 1855 25

Moolelo Ekalesia 50

Haiao ili lahilahi 10

Hele Malihini ana 25

No ko ke Akua ano 25

Lira Kamalii 25

Hoike Palapala Hemolele 20

Moolelo o Heneri Opukahaia 25

Hoike Akua 15

Wehewehehala 10

Ninau Hoike ili manoanoa 20

Ninau Hoike ili lahilahi 05

@ Kula Sabati 20

Buke Lawe Lima 20

He Buke no ka Pope 15

Ui Kula Sabati Helu 3

Ui Kula Sabati Helu 4

Ui Kula Sabati Helu 5

Buke Euamelio a Ioane 10

Himeni Hawaii 1 05

Himeni Hawaii ili nani 1 75

Kumu Leo Mele 10

Kumu Leo Mele ili nani 50

NA KAUOHA HOU PAKEKE.

Ili gula nani 1 50

Ili eleele kaekae nani 50

Ili eleele 35

KAUOHA HOU PAKEKE ME NA HALELU

Ili gula nani 1 70

Ili eleele kaekae wai gula 65

Ili eleele 50

Buke Wehewehe Haaolelo Baibala, elua ano

Buke Wehewehe Ano Mataio

NA HALELU PAKEKE.

Ili Gula nani 50

Ili eleele kaekae wai gula 30

Ile eleele 20

Ka @ Hoonani (Buke Mele) 25

EIA NA BUKE HAAWI WALE

PALAPALA LIILII

Helu 4-Makemake anei oe i ke ola?

Helu 6-E hele io Kristo la.

Helu 7-Ka hoi ana mai o ke Keiki Uhauha

Helu 11-No ka hoohiki wahahee i ke Akua.

Helu 16-Ka @ ana o ka @ a ka @ me ka Bapetize ana.

Helu 17-Mai hana ino i na holoholona.

Helu 18-No ka mahi ana, kuai ana a me ka @ ana i ka Awa.

Ka Davida Malo Kumumanao.

Ka Moolelo o Batimea Puaaiki.

Aia ka @buke o ka Papa Hawaii @ o Alanui Betela me Alanui Kalepa, e kokoke ana i @ Hale @.

@ o ka Papa @ a ke Hawaii @.