Ka Nupepa Kuokoa, Volume XIII, Number 32, 8 August 1874 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Happy Song.  Royal Diadem, p 16.

1. E hui pu a hoomaikai

            Ia Iesu ke Lii e ola ʻ i

    Halia mai ia a oli e

            Ke mele ae ua kamalii.

Ref. Mele e--mele e--

        Mele i na mele, mele oli--

       Mele e--mele e--

        Mele ia ia, mele oli ae.

2. Hoolea na pokii ia Iesu

            Ma kela wa kahiko no,

    Hosana pu na pokii nei.

Ref. Mele e--mele e--&c.

3. No Iesu mai ua oli nei,

            Na pono me na pomaikai,

    Ke Ola hoi ma kela ao,

            E mele iaia, mele mau.

Ref. Mele e--mele e--

4. E huipu a mele ae

            I ke Lii nani e ola ʻ i;

    Oli no kona pepeiao

            I na hosana o kakou.

Ref. Mele e--mele e--& c.

                                    HAWAII.

SHALL WE MEET IN HEVEN?

                        Royal Diadem p 10.

1. Hui anei kakou ma ke ao mao,

            Me ka poe maikai maluna ʻ e?

    E loaa anei ko ka lani lei

            I ke ku ma ia kahakai?

Ref. Hui no--mao.  Hui no--mao,

        Ke aloha nae i ke Lii maikai,

        Hui no--mao.

2. E kai ae anei na anela e

            Ia kakou i ka home lai,

    A e ku pu ae me ka poe maikai

            Ma ka noho alii aiai?

Ref. Kaiia no--mai, Kaiia no--mao,

            Ke aloha nae i ke Lii maikai,

            Kaiia no mao.

3. Hui no kakou ma ke ao mao,

            Kahi maha a malu mau;

    Hui pu mao a lokahi no,

            Ole hoi e kaawale hou.

Ref. Hui mau--mao, Hui mau--mao,

            Ke aloha nae i ke Lii maikai,

            Hui mau mao.

                                                HAWAII.

HAAWINA KULA SABATI

Ka Hapaha Ekolu o 1874

HELU 8, SABATI AUGATE 23.

KUMUHANA--Ka mana o Iesu maluna o na mai.

PAUKU BAIBALA. Mareko 5: 24--34.

24  A hele pu aku la Iesu me ia, he nui loa na kanaka i hahai pu akula, a hooke iho la iaia.

25  Aia hoi he wahina heekoko, he umi na makahiki a me kumamalua;

26  A ua nui kona kaumaha no na kahuna lapaau he nui loa, a ua hoopau loa i kona waiwai, aole nae i maha iki, ua mahuahua no ka mai.

27  A lohe akula ia no Iesu, alaila, hele mai la ia ma hope, a iloko o ka ahakanak, hoopa aku la i kona kapa.

28  No ka mea, ua nalu iho la no ia, Ina paha e hoopa au i kona kapa wale no, e ola au.

29  Maloo koke ae la ke kumu o kona koko; a ike iho la ia iloko o kona kino, ua ola ia i kela mai.

30  Alaila, ike koke iho la o Iesu iloko ona, ua puka aku kekahi mana, mai ona ʻ ku la, huli ae la ia maloko o ka ahakanaka, i mai la, Owai la ka mea hoopa mai i kuu aahu?

31  I aku la kana poe haumana iaia  Ke ike mai nei no oe i ka ahakauaka, e liki ana ia oe, a ke ninau mai nei anei oe, Owai ka i hoopa mai ia ʻ u?

32  Alawa ae la ia e nana ae i ka mea nana i hana ia mea.

33  Aka, o ua wahine la, hele mai la ia me ka makau, a me ka haalulu, no ka mea ua ike pono ia i ka mea i hanaia ʻ e iloko ona, a hai pololei aku la ia iaia.

34  I mai la oia iaia, E kuu kaikamahine, ua ola oe i kou manaoio! e hele pomaikai oe, me ke ola ana o kou mai.

            PAUKU ALAKAI.  Mataio 8:17.  "Nana no i lawe i ko kakou nawaliwali, nana hoi i halihali i ko kakou mau mai."

MEL Him 214. 7-6 Leo Hosana Kamalii

            1. Auwa uu ano make!

                        Ia wai la e ola ʻ i?

            Owai la ke Kahuna

                        No kuu uhane mai?

            Auwe no kuu uhane!

                        Ua pilikia no,

                        Lolo, lepera, wela,

            Hehena kuu manao.

PULE no ka poe nawaliwali, a mai, a ane make hoi iloko o ka hewa.

NA NINAU A NA KUMU.

            P 24.  I kela pule ua loheia ua kipakuia Iesu mai Gadara aku, no ke aha?  A ee oia ma ka moku a holo i hea?  Mataio 9:1.  Mat. 4:13.  Hoi oia i ka aoao komohna o ka loko o Galilaia, ia Kaperenauma paha, Owai ka i hele i o Iesu la?  p 22.  No ke aha?  Ae naei Iesu e hele pu me Iaero?  Aole anei i hiki ia Iesu ke hoola i ke kaikamahine me ka hele ole aku?  no ke aha ka hele ana?  Pehea ka poe i hahai pu?  no ke aha?  I hoolaia paha ko lakou mau mai, a i lohe hoi i ka olelo o ke ola.

            P 25, 26.  Keia wahine mai, heaha kona mai?  ehia makahiki ka mai ana?  Heaha kona kaumaha?  nowai?  Pehea?  Ua ola naei? Ua ʻ ha kona mai?  Mana ole ea ka laaulapaau o na kanaka.  Pela paha ma Hawaii nei.  Nui ka lilo i ka kauka, ola old nae ka mai.  Nohea ka mana o ka laau lapanu?

            P 27, 28.  Lohe keia wahine nowai?  Heaha kana i lohe ai?  Heaha kana i hana ai i ola?  Heaha kona nalu ana?  Nalu pono anei oia?  He mana anei iloko o ka lole o Iesu?  Pehea kekahi poe ma Oihana 5: 15.  19:12?  He mana anei ma ke aha o Petero?  a ma na oihana i pili i ke kino o Paolo?  Nohea ka mana?

            P 29.  Ola anei ua wahine nei?  ma ke aha?  ike oia pehea?  Makehewa anei ka manaoio o ka wahine?  Mana ka manaoio ea.

                        P 30.  Heaha ka Iesu i ike ai?  Heaha hoi kona ninau ana?  Ninau anei oia no kona ike ole?  No ke aha hoi?

P 31.  Ninau mai na haumana pehea?  he ninau aha ia?  Owai ka haumana i ninau pela?  Ua hoole na haumana aole lakou i ike, a kuhi lakou he makehewa ke huli i ka mea i hoopa i ko Iesu lole no ka lehulehu a hookeke ana o kanaka, a pili aku, pili mai o kela, o keia.  A pehea, nalowale anei kekahi ia Iesu a ike ole ia no ka lehulehu?

            P 32, 33.  Alawa ae ka maka o Iesu a nana ia wai?  Ma ke aha oia i ike ai iaia?  He nana aha keia?  A ike ka wahine i kona nana ana mai iaia, pehea oia?  no ke aha ka makau a me ka haalulu?  Makau o hoahewa mai o Iesu no ka hoopa malu ana iaia.  Hoole anei ka wahine?  Kuhihewa ka wahine, aole Iesu i ike i kona mai, me kona ola ana.

            P 34.  Heaha na olelo hooluolu a Iesu i ka wahine?  Ma ke aha kona ola?  Ma ke aha e ola ai na mai ma ke kino, a ma ka uhane hoi?

            MELE Him 129.  8 Leo Mendon.

1          O Iesu Kristo ke Lii mau,

            Ke Akua nui no kakou,

            Ko kakou Haku mana nei,

            O Iesu ka Moi maikai.

3          E koho Nui ae kakou

            Ia Iesu i kahuna mau,

            I pau ka eha, hui, mai;

            Kahuna mana e ola ʻ i.

NA NINAU A KE KAHU.

            Na Makua.  Heaha ke kumuhana o keia Haawina?  Na Pauku Baibala mahea?  Mahea kekahi kakau ana?  Mat. 9: 20-22.  Luka 7: 43-48.  Ua like pu anei?  E hele ana Iesu mai hea a ihea?  me wai?  He aha ka Iesu hana aloha ma ka alanui?  Ina e hele ana kakou i kahi e, heaha ka pono ma ke alanui ke loaa ka mea piliia?  Elua oihana nui a Iesu, heaha ia?  Ma ka oihana hea i imi nui ai kanaka ia Iesu?  Ina he kauka ka misionari, ke ola aha ka i imi nui ia mao na la?  He ola kino ea.  Pela ko ʻ u ike ana.  Nui ka poe kii mai i ka laau no ke ola kino.  Uuku nae ka poe aha?  Heaha ka i oi?  ke ola o ke kino anei?  ke ola o ka uhane paha?

            Na Keikikane.  He mana ko Iesu maluna o na mai, hai mai i kekahi mau mai ana i hoola ʻ i.  Mat. 4: 24.  8-3, 14, 15.  9:2, 27-32.  Heaha ka mai o keia wahine?  Pehea ka loihi o kona mai ana?  Ua aha oia i ola?  Ua ola anei?  Nui anei ka poe mai i keia wa?  Heaha kekahi mau mai?  Owai ke kauka akamai, a mana loa?  Ola wale anei na mai iaia?  Ehia mea i ola ai keia wahine heekoko?  1  Imi oia ia Iesu  2 Hoopa aku.  3 Manaoio.  Ua noi aku anei oia ia Iesu e hoola?  No ke aha ke noi ole?  Hilahila paha, makau paha.

            Na Kaikamahina.  Lehulehu wale kanaka e hoopuni ana ia Iesu, a manao keia wahine mai, aole Iesu e ike, ke hoopa malu oia i ko Iesu aahu, a pehea?  Aole anei Iesu i ike iaia?  Hiki anei i kekahi ke hoonalo aku iaia iho iwaena o ka lehulehu a nalo i ka maka o Iesu?  Hai paanaau mai, Hebera 4:13.  Halelu 33:13.  Makau a haalulu keia wahine mai i hoolaia, ma ke aha oia i hoolaia ʻ i?  a no ke aha kona makau?  Makau o hoahewa mai Iesu i kona hoopa malu ana iaia, a ola ma ia hoopa malu ana.  Kuhihewa ea.  He wahine naaupo paha, a ike ole i ke ano aloha o Iesu.

            Na Pokii.  O keia wahine mai a loihi, ua lapaauia anei?  Ae, nui ka lapaau ana a lilo kana awiwai a pau ia wai?  Ola anei i na kauka maoli?  Manao oia e loaa ke ola mahea?  Ua kolo ʻ paha oia i kahi e hele ana Iesu, a aha i kona lole?  Ola koke anei?  Manao oia e ola malu ia Iesu me ko Iesu ike ole, a me kona hoomaikai ole aku iaia no kona ola.  Pono ole ea, naaupo paha.  Kuhi oia aia ka mana e ola ai iloko o ko Iesu lole, aole iloko o Iesu ke kauka.  Pela paha kekahi poe i keia wa, kuhi lakou, aia ka mana e ola ai iloko o ka laaulapaau, aole iloko o na kauka, a o ke kauka nui o Iesu.  Heaha kekahi kuhihewa o keia wahine?  Koai kuhi ana, aole Iesu e ike ana iaia no ka nui loa o kanaka Hai paanaau mai Halelu 139: 7-10

            Ke Kula a Pau.  Na manao pili.  1 Hoohalike me Iesu.  E hana aloha ma ke alanui, e kokua, lapaau, a hoola.  2.  Nui ka poe mai, ma ke kino, ma ka uhane, e kolo aku i o Iesu la, e hoopa aku, e noi aku, e manaoio, mai hilahila, mai makau, mai imi e hoomaluia me ko Iesu ike ole, me ka hoomaikai ole aku.  3  Aloha i ka poe mai, e pule no lakou i ola.  Nana ia Iakobo 5:14-16.  Hoopaa naau.

MELE "Ano no."  Leo Right Away Alaula

1          Hele ae ia Iesu ano no, ano no

            Hea kona leo ia oukou,

            Na kekahuhipa

            E apo a hookipa,

            Hele ae ia Iesu ano no, ano no

            Hele ae ia Iesu ano no, &c.

  Pule i ku a hele ka poe mai, a poe hewa, i o Iesu la ano no, i hoolaia.

            HAAWINA Kula Sabat no Aug. 30, Mareko 5: 22, 23, 35-43.  Ko Iesu mana maluna o ka make.

                                                                                    HAWAII.

Ke pau nei na mamo oiaioa Aberahama.  Nohea e loaa mai ai na mamo hou?

            I ke aku la Ioane Bapetizo, he nui ka poe Parisaio a me na Iudaio i hele mai e bapetizoia e ia, i aku la oia ia lakou.

            Mai manao e ohumu iloko o oukou iho, o Aberahama ko makou kupuna.--Manao lakou, o lakou no na mamo oiaio a Aberahame, lakou wale no; aole he poe e ae i kupono e kapaia he poe mamo na Aberahama.  Ina make lakou, a ka pau no ia o na mamo a Aberahama.  O ka poe e ae, he poe pohaku, he poe oolea, paakiki, hoomaloka, a hiki ole ke komo aku iloko o ke aupuni o ka lani.  A pane aku o Ioane, E hiki no i ke akua ke hoala ae mailoko mai o keia mau pohaku, i poe mamo na Aberahama.  I na he hanauna moonihoawa oukou, a e hoopauia ʻ na e ka inaina o ke Akua; mai manao oukou, e nele ana Aberahana i ka poe mamo ole.  E puka mai ana no he poe mamo oiio mailoko mai o na pohaku maoli, ke ole o na mea e ae.

            I ka wa ia Ioane, ua uuku loa na mamo oiaio a Aberahama; oia hoi ka poe Iudaio ma ka naau.  Ua nui loa nae na Iudaio ma ka inoa.

            Ua hoopii ka lehulehu ia Ioane e bapetizo ia lakou.  Hoole nae oia me ka olelo, E ka hanauna moonihoawa, nawai oukou i ao aku e holo i pakele i ka inaina e kau mai ana?  Huhu paha lakou, a manao iloko, ka, kainoa he poe mamo kakou na Aberahama; a, hoole ka oia ia kakou, owai la na mamo ke ole kakou?

            Ua pau no kela lahui moonihoawa.  Ua loaa no nae na mamo na Aberahama, oia hoi ka poe manaoio ia Iesu noloko mai o ka poe i hoowahawahaia, ka poe lawaia, a mahiai, a luna auhau, a ilihune, a hookamakama, a uluhia i na daimonio, ka poe mai, ka poe lepera, ka poe lolo, a makapo, ka poe Nazarina, ka poe Helene, a no na aina he nui wale.

            No Hawaii nei no kekahi poe mamo na Aberahama.  Ua like paha na kanaka Hawaii ma mua me na pohaku.  Ha aina pohaku ko lakou, he aina aa, aina pele.  He pohaku ka aina, a he pohaku ka naau.  He poe naaupo, a paakiki loa mamua.  A ia ka puka ana mai o ka olelo a ke Akua maanei, ua lilo ia i hamare nana i wawahi i na naau pohaku, a hoopalupalu mai.  Me ia pu hoi ka puka ana mai o ka Uhane Hemolele, e hoohuli a e hoohanau hou mai i ka lehulehu.  Lehulehu loa na hoahanau mamua aku nei.  Ane 60,000 paha.

            A mahope iho, ua hoomaka ka emi ana, a emi, a emi, a emi a weliweli ka emi ana.  E hia kausani i koe i keia wa?  14,000 paha.

            A, iwaena o keia 14,000 hoahanau, ehia mamo oiaio na Aberahama?  I na hoopili i ka hookolokolo pono ana, i ka hoomaemae pono ana i na ekalesia, a hoolei aku i ka opala iwaho, a koe ka huita walena maloko, nui anei ka huita?

            Ma kuu loha ana, nui ka hewa o na ekalesia, nui ka hiamoe, ka palaka, ka inu rama, ka ona, ka hula, hula haole, hula maoli, pepa lealea, moe manuahi.  Emi loa ka poe hele i na halawai nui, i na kula Sabati, i na halawai haipule, me na halawai hoahanau a pau.  Uuku loa ka poe huli mai a komo iloko o ka ekalesia.  He ole loa no ma ka nui o na kihapai.  Ko ʻ u kihapai nae ka i maopopo ia ʻ u.  Nui ka hiamoe.

            Lanakila hoi ka hewa, ka lealea, ka inu rama.  Uuku loa ka poe kupaa ma ka pono, a ikaika i ka hoole i na mea hoowalewale.  Piha loa ko ʻ u kihapai i ka rama, a inu rama na haole, me na kanaka maoli, me ka nui paha o na hoahanau.  Koe uuku na mamao oiaio a Aberahama.  Ua umi paha, aole paha.

            Ke kaena nei paha na mamo oiaio ole iloko o ka ekalesia.  A hoopauia kakou, owai na mamo?  Owai ka poe hele i ka luakini, i ka ahaaina a ka Haku?  Nawai e hanai i ke kahu ekalesia?  Nawai e haawi i na kokua mahina hou?  Me ia paha ke kaena ana ma na wahi e ae.

            He mea makau ole i ka nui ke hoolei iwa ʻ ku lakou iwaho o ka ekalesia no ka hewa.  Aia paha ia i kou manao, ka hoolei aku, ka hoopaa mai.  Heaha ka hewa ke hooleiia ʻ ku iwaho?

            He mea kaumaha keia i na kahu ekalesia.  Ke nana nei lakou, a ike lea, uuku loa na mamo oiaio a Aberahama, na hoahanau kupono ia inoa.  A ke ninau nei lakou, Pehea la e piha hou ai na ekalesia?  Nohea mai na hoahanau hou?

            Ke nana nei lakou i na keiki e noho mau ana me na makua.  Noloko mai anei o lakou ka piha ana o na ekalesia?  He mau keiki hele no i na kula aupuni, a i na kula Sabati kekahi.

            Aka, pehea na makua, me na kumu?  Maikai no kekahi hapa, noho pono no; aka, o ka nui, aole pono ka noho ana; noho lalau, kolohe, inu rama, hula, pepa, hele ole i na halawai, i na kula Sabati.

            Ke alakai hewa aku nei lakou i na keiki ilalo i ka po.  Pehea la e hoopiha ʻ i i na ekalesia mawaena mai o na keiki i hoolalau mau ia e na makua, a o kekahi mau kumu?  Aole paha.  Hiki nae, ina ua like na keiki Hawaii me na keiki Amerika.  He poe noonoo lakou, he poe pale i na hoowalewale, he poe ao, a paipai, a hoohuli i na makua.

            Aole pela ka nui o na keiki Hawaii.  He poe noonoo ole lakou, a hahai naaupo mamuli o na makua.

            A pehea na kula Hanai, no na keikikane a no na kaikamahine?  E loaa mai ana anei malaila na mamo oiaio a Aberahama e hoopiha ʻ i i na ekalesia?  Ma ka nana ʻ ku, aole nui na haumana ma ia mau kula, he mau haneri wale no.  Aole no hoi i huli nui mai lakou ma ka pono.  E aho iki nae ia mau wahi no ka huli ana mai o na haumana.  Ua malama pono ia lakou e na kumu ma na la noa a ma na la Sabati no hoi.  Pono ke hoomahuahua ma ia mau kula.

            Aole i loaa na mea nana e hoopiha i na ekalesia i na mamo oiaio a Aberahama.

            Koe na pohaku.  Hiki i ke Akua ke hoopuka mai i na mamo na Aberahama noloko mai o na pohaku.  Ina i hookaheia mai ka wai no loko mai o ka pohaku, a ina e ala mai na pohaku a hosana aku i ka mamo a Davida ke hosana ole aku na kamalii, aole anei e hiki i na pohaku ke lilo i poe mamo na Aberahama, i poe hoahanau oiaio na Iesu?  Owai la na pohaku?

            1  Na pohaku maoli.  Aole anei e hiki i ke Akua ke hoopuka i poe pono noloko mai o na pohaku ke ane nele i kanaka kupono!  Noloko mai o ke aha i hanaia ʻ i Adamu laua me Ewa?

            2  Kanaka kamaaina, ka poe paakiki, oolea, hoomaloka, inu rama, hookamakama, moe kalohe, mai pake, lolo, makapo, ilihune, kauwa, ka poe i hoowahawaha ia, ka poe hoomana lalau.  Aole anei e hiki i ke Akua me ka manao kana olelo, a me ka Uhane Hemolele, ke hoohuli mai i keia poe a hoolilo ia lakou i poe mamo na Aberahama?

            Na kanaka malihini, no Kina, no Amerika, no Beritania.  Malama paha e piha ana Hawaii i ka poe malihini ma keia hope aku, a mawaena o lakou e loaa ʻ i na mamo oiaio na Aberahama e piha hou ai na ekalesia.

HAWAII.

 

He leo oi loa aku ka maika ʻ i

            He leo oli kela a na hoku kakahiaka i mele ai i ka wa i hana iʻi ke ao nei; he leo hoohauoli kela a na Serapima me na Kerupima i mele ai i ka wa i hanauiaʻi ka Hoola o keia ao; he leo maikai kela e kahea ana, E nana i ke Keikihipa a ke Akua, nana e law aku ka hala o ke ao nei; he leo maikai kela e paipai ana, E mihi oukou, no ka mea, ua kokoke mai ke aupuai o ka lani; he leo aloha kela e kahea ana, E hele mai oukou a pau loa i oʻu nei, e ka poe luhi, a me ka poe kaumaha, a naʻu oukou e hoomaha aku; he leo hooluolu kela, Mai hookaumaha ko oukou naau.  Ma ka hale o koʻu Makua he nui loa na wahi e noho ai; ke hele aku nei au e hoomakaukau i wahi no oukou; he leo hoolana kela e olelo ana.  Iloko o ke ao nei e loaa ana ka popilikia ia oukou; aka, e hoolana oukou, a ua lanakila au maluna o ke ao nei; aka, he leo oi loa aku ka maikai kela ke lohe ia mai na lehelehe mai o ke Lii, E hele mai oukou, e ka poe i hoomaikaiia e koʻu Makua, e komo oukou i ke aupuni i hoomakaukauia no oukou mai ka hookumu ana mai o ka honua.

            Ma Inia keia hana manaonao: Ua hoowalewale ia kekahi keiki uuku nona na makahiki he umikumamalua e kahi mau kahuna e komo iloko o ko lakou heiau hoomanakii.  Ilaila kahi i pepehi iaʻi ua keiki nei, a puhi ia ke kino i ke ahi me na laau ala, i mea ka e oluolu ai ko lakou akua, a kuhikuhi mai i kahi i huna iaʻi o ka waiwai!  Ma ia wahi no ua kanu ola ia kekahi wahi kaikamahine uuku e na kahuna, i mea ka e paa ai kekahu o ko lakou heiau i kukulu ia ma ia wahi!  Ua hopu ia ua mau ka huna nei e na mana aupuni o Beritania, na hookolokolo ia a ua li ia.  Na na hana o ia ano ma na aina naaupo e hoike mai nei, ke paio ikaika mai nei ka pouli me ka malamalama.  Aka, aole o kakou kanalua no ka mea e lanakila ana.

Lau Oliva.

Ke Kiaha Waina

"Ia wai la ka uwe ana? Ia wai la ka

poino?  Ia wai la ka hakaka? Ia

wai la ka nuku wale ana? Ia wai

la na palalu losa wale?  Ia wai

la na maka ulaula?  I ka poe

e hoomau ana ma ka wai

na, i ka poe e hele ana

e imi i ka waina i ka

wiliia.  Mai nana oe

i ka waina i kona

ulaula ana, I

kona aleale

ana ma ke

kiaha, i kona

hu ana a maikai,

Mahope iho, e nahu mai

ia me he nahesa la, a e pu mai

me he mooniho awa la." Sol. 23:29-32

            Ma kekahi leta i kakauia ma Tahiti, oia o Bolapola, ua hai ia mai, o na ekalesia hoole pope, ka mea a ke aupuni Farani i kue ikaika ai no na kau i hala, ua ae ia lakou i keia wa e hoohuiia malalo o ka inoa, "Ka Ahahui o na Ekalesia hoole pope o Tahiti a me Moorea."  O ka huina o na lala o ia mau ekalesia, he 2,526.  Ua hooliloia e ko laila lahui iloko o ka makahiki i pau iho nei no na oihana hoomana kuloko o lakou he $20,000.  Ua hookaaia ka aie o kekahi halepule hou o lakou ma ka hua alani, hookahi miliona alani ka mea i hookaaia.

Lau Oliva.

Manomano ka mana o ka pule

            Ka pule, he waihona waiwai ia no ka poe ilihune; he bama ia no ka poe kaumaha; he puuhonua no ka poe popilikia; he ikaika no ka poe nawaliwali; he lama ia no ka poe iloko o ka pouli; he mea ia e mana ai ka olelo a ka poe haiolelo; he lima hoohina ia ia Satana, a haihai i na kaulahao o ka hewa; he mana oi loa ia ma ka hookahuli, a ma ka hookupaa ana i na aupuni mamua o ko ka pahikaua me ko ka maalea a me ka akamai o na luna aupuni a me na Moi; ma ka mana o ka pule i hoopaaiaʻi na eheu o ka manawa a kau malia ka la ma ka lani; ma ka manao ka pule i hoohuliaiaʻi ka maka o ka pahi make; a paleiaʻku ka make; a ma ka mana o ka pule i nininiia mai ai na ua pomaikai mailoko mai o na ao e kau pouli a weliweli ana maluna iho.  E ku makau a haalulu anei kakou, ka poe haipule io nona ka mana manomano o ka pule?

Alii maikai loa

            I ka halawai misiorani ma ka mokupuni Rarotonga, ma ka Pae Aina Harvey, ma ka Moana Pakipika, olelo aku la kekahi elemakule penei; "Ua ola au i ke ali ana o na Lii eha; Malalo o ka mua, e kaua mau ana makou, he manawa pilikia no ia, o ke kiai, a huna ia makou iho, oia ka makou hana ia manawa."

            "Malalo o ka lua o na Lii, ua lohia makou i ka wi; a mai make makou i ka wi; ia wa ua ai makou i na iole, a me a weuweu, a me kela laau keia laau."

            "Malalo o ke kolu o na Lii, ua lawe pio ia makou, e na kanaka ma na aoao elua o ka mokupuni.  A ina i hele kekahi kanaka i ka lawaia, aaole paha ia e hoi mai; a ina e kii aku ka wahine i ka ai ma kahi loihi, aole paha ike hou ia.  Aka, i ka wa e alii ai ana ke kolu o na Lii, ua launa mai kekahi Alii e; he Alii nui; he Alii maikai; he Alii aloha; o Iesu no ia, ka haku mai ka lani mai.  Oia ka i lanakila mai; ua lilo ko makou naau ia ia.  Nolaila, ua loaa mai ia makou ka maluhia, a me na mea e lako ai ma keia ao, a ke lana nei ko makou manao, e noho pu auanei me Iesu ma ka lani."

            Ua hoolaha ae ka nupepa Pilot o Bosetona penei: "Ua hiki mai ka lono mai Mesiko mai no ka hoohaunaele ana o kekahi poe Katolika i ka po o ka la 7 o Maraki.  Ua wawahi lakou i ka halepule hoole pope ma Puebela, pau loa na buke i ka haehae ia, a ua pehi ia ke kahu ekalesia i ka pohaku.  Aole kuleana pono e kapa ai keia poe ia lakou iho he Katolika, pela no hoi ka poe nana i pepehi ke kahunapule ma Mesiko iloko o ka hededoma i hala ae nei."

Lau Oliva.

Mai ka pouli a i ka malamalama mai ka malamalama a i ka pouli a pela mau e kike ai a

            He pouli loa mamua, he ano ole ka honua, Ua olohelohe; a maluna no o ka hohonu ka pouli.

            I iho la ke Akua, I malamalama; a ua malamalama ae la.  Ua pouli ka honua mamua, a mahope iho poha mai ka malamalama.  Aole nae he mau ka malamalama.  He ao kekahi, a he po kekahi  Aole ka he pono, ina he ao wale no.  Maikai no ke ao.  Ua ike ia kekahi nani o ke Akua, kekahi mau hana ana, ka la, na mauna, na mea ulu.  Aka, ma ka po, ua oi paha ka nani o ke Akua i ike maka ia, oia hoi nalani, ka mahina na hoku he lehulehu wale.  A loaa hoi ka manawa hoomaha e nana aku ai e noonoo ai, e mahalo ai i ka ke Akua mau hana.

            He wa pouli ma Hawaii nei mamua loa aku.  Pouli loa a ano ole ka honua, olohelohe, aole no he wahi uliuli a uhiia i na laau e hoohua mai ana i na hua pono.

            Ma ka makahiki 1820.  ua poha mai ka malamalama, ua puka mai na misionari me ka olelo a ke Akua, ka lama nui o keia ao.  Ua kau ia lama iluna ua auhee aku ka pouli o ka hoomanakii, a me na hewa he nui loa.

            Ua aoia ka palapala, ua huli mai na kanaka, na kamalii.  Ua kinikini na kula.  Ua kukalaia na ekalesia, a mahuahua loa na hoahanau.  Nani ka hauoli no ka alohilohi loa o ka malamalama.  Aole nae he ao wale no, he po no i kekahi manawa.  He mau makahiki po na makahiki 33, 34, 37, 38, 43, 53.  Nui ka mea keakea, ane hoi hoa i ka hoomana kii, keakea na manawa, a imi e hookahuli i keia aupuni, a e hoohaunaele i na ekalesia.  Auhee aku nae ka po, a puka hou mai ke ao, a alohilohi hou mai ka malamalama.

            He makahiki pouli hoi keia ma Hawaii nei.  A ke kau mai nei ka pihoihoi, ke kaumaha maluna o kekahi poe pono.  He wa palaka keia, he wa hiamoe, he wa lanakila no ka hewa.  Nui ka hewa, ka ona rama, ka lealea, ka hulahula.

            Nui ka haalele i na luakini, i na kula Sabati.  He hapa ka poe hele me.  Ke kanikau nei Ziona no ka hapa o kana mau kaikamahine, a no ka neoneo o kona mau hale.

            A pehea?  he pouli kau wale mai anei keia?  Aole paha.  Ua eha ka maka no ka nui o ka malamalama.  Ua kau ka la maluna a loihi--Ua hana ma keia ao loihi, a maluhilahi.  Pono ke hoomaha.  No laila e uhi mai nei keia pouli.

            E hoomaha na kauwa a ke Akua, e noonoo i ka hana e pono ai.  E noi aku i ka Haku e hooauhee aku i ka pouli, a e hoomalamalama mai.  E makaala, e nana, e ninau, Pehea ka po?  Ua hala paha ke aumoe, ua aui ka po, a ua kokoke mai ke ao.  Mai lewa wale na lima ilalo, mai noho iho a pulou i ka maka a uwe wale.  E ala, a pule ikaika i ko kakou Akua.  Aole i hoopokoleia kona lima i hiki ole ia ia ke hoala mai; Aole i manoanoa kona pepeiao i hiki ole ia ia ke hoolohe i ka pule.

            E hookaawale aku i na hewa.  E alaʻe mai ka hiamoe a e ku mai ka make mai, a na Iesu Kristo no e hoomalamalama mai.

HAWAII.

            Ua hooiaio ia ka makou mea i hoolaha mua aku ai no ka huli nui o kahi poe i ka pono ma Amerika a me Beritania.  Ua haiia mai e Rev. C.E. Wythe, kekahi o na kahu ekalesia o Kapalakiko, ma kona kihapai he elima haneri poe i huli i ka pono, a i hui mai me kona ekalesia iloko o na malama eono.  Ma na mokuaina e ae o Amerika ke hele mua nei keia hana, pela no ma Enelani a me Sekotia

Oliva.

NA BUKE

I HOOLAHAIA E KA PAPA HAWAII

ME KE

KUMUKUAI O KELA ME KEIA.

BAIBALA HEMOLELE NUI ILI GULA NANI

me na kuhikuhi ma na aoao....$12 00

Baibala Hemolele Nui ili eleele kaekae wai gula...5 00

Baibala Hemolele uuku iki iho kae wai gula...8 00

Baibala Hemolele pananaiki iho ili eleele...4 00

Baibala Hemolele ili eleele...2 00

Kauoha Hou ili gula nani me na kuhikuhi...3 00

Kauoha Hou ili eleele kaekae wai gula...1 00

Kauoha Hou ili eleele... 75

Kauoha Hou Hapa Haole... 75

Lira Hawaii 1848 me ke kanawai... 25

Lira Hawaii 1855... 25

Moolelo Ekalesia... 50

Haiao ili lahilahi... 10

Hele Malihini ana... 25

No ko ke Akua ano... 25

Lira Kamalii... 25

Hoike Palapala Hemolele... 20

Moolelo o Heneri Opukahaia... 25

Hoike Akua... 15

Wehewehehala... 10

Ninau Hoike ili manoanoa... 20

Ninau Hoike ili lahilahi... 05

Kumumua Kula Sabati... 20

Buke Lawe Lima... 20

He Buke no ka Pope... 15

Ui Kula Sabati Helu 3... 25

Ui Kula Sabati Helu 4... 15

Ui Kula Sabati Helu 5... 25

Buke Euanelio a Ioane... 10

Himeni Hawaii... 1 05

Himeni Hawaii ili nani...1 75

Kumu Leo Mele... 10

Kumu Leo Mele ili nani... 50

NA KAUOHA HOU PAKEKE

Ili gula nani...1 50

Ili eleele kaekae nani... 50

Ili eleele... 35

KAUOHA HOU PAKEKE ME NA HALELU

Ili gula nani...1 70

Ili eleele kaekae wai gula... 65

Ili eleele... 50

Buke Wehewehe Huaolelo Baibala, elua ano...

Buke Wehewehe Ano Mataio...

NA HALELU PAKEKE

Ili Gula nani... 50

Ili eleele kaekae wai gula... 30

Ili eleele... 20

Ka Hae Hoonani (Buke Mele)... 25

EIA NA BUKE HAAWI WALE.

Palapala Liilii--

            Helu 4--Makemake anei oe i ke ola?

            Helu 6--E hele i o Kristo la.

            Helu 7--Ka hoi ana mai o ke Keiki Uhauha.

            Helu 11--No ka hoohiki wahahee i ke Akua.

            Helu 16--Ka Eehia ana o ka Ahaaina a ka Haku a me ka Bapetizo ana.

            Helu 17--Mai hana ino i na holoholona.

            Helu 18--No ka mahi ana, kuai ana a me a inu ana i ka Awa.

Ka Davida Malo Kumumanao.

Ka Moolelo Batimea Puaaiki.

            Aia ke keena kuai buke o ka Papa Hawaii ma ka huina o Alanui Betela me Alanui Kalepa, e kokoke ana i ka Hale Leta.       J.F. POKUE.

            Kakauleta o ka Papa Hooko o ka Ahahui Euanelio o ke Hawaii Pae Aina.

KA NUPEPA "KUOKOA!"

            Hoopuka mau ia

I KELA POANO KEIA POAONO.

$2.00 no na mahina Umikumalua

$1.00 no na mahina Eono.

ME KA HOOKAA MUA MAI.