Ka Nupepa Kuokoa, Volume XIII, Number 32, 8 August 1874 — Page 3
| This text was transcribed by: | Mahealani Ahia |
| This work is dedicated to: | Liko A`e |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA KUOKOA, ME KE AU OKOA I HUIIA.
Ma ke noi ua hoopanee loa ia ka bila. Hoopau ke Komite a hoike mai ua hoopanee loa ia ka bila imua o ka Hale. Aponoia ka hoike a ke Komite, he 38 na poe i koho, he 25 ua ae, a he 13 hoole. Eia na ae: Kanoa, Green, Nahaolelua, Stanley, Kahanu, Toma Matina, Kuihelani, Dowsett, Cleghorn, Wilder, Isenberg, Nahinu, Kupahu, Kuikahi, Kipi, Kakani, Aholo, Kaukau, Kepoikai, Kapule, Moehonua, J Komoikehuehu, Lane, Cumminis, Kaukaha. No poe hoole: Kanaaina, J. Parker, Heaere Matina, Nawahi, Haupu, Kaai, Napaepae, Birch, Kaiue, Kupihea, Mikaiemi, Kakina, a me Kauai.
Kapaeia na rula, hoike mai J I Dowsett mai ke Komite mai o ka bila e hoololi ai i na pauku 130 me 131 o ke Kanawai Kivila, e pili ana i na Luna Kepa, a noi mae e hooholo ia ka bila e kakau poepoe.
A noonoo ia ka bila o ka Hale, ma kona heluhelu alua ana.
Noi mai o Mr. Birch e hoopanee loa. I ka ninauia ana ua haule ke noi.
Noi mai ka Loio Kuhina e hoololi, ma ka hookomo ana i na huaolelo, "a me kanalima," mamua o "hookahi haneri."
Noi hou is mai ia mea hookahi, e hoololi i ke poo; a penei e heluheluia ai, he kanawai e hoololi ai i ka pauku 2, o ke kanawai e hoololi ai i na pauku 130 me 131 o ke Kanawai Kivila. Hooholoia.
Me ke noi, ua hooholoia ka bila e kakau poepoe ia.
Ua Heluhelu akolu ia imua o ka Hale ka bila e hoololi ai a e hooponopono ai i na Kanawai o keia Aupuni, a hooholo loa ia.
Heluhelu akoluia ka bila e hoomana ai i ka Aie Lahui, a me ka hoakaka ana i ke ana o ka hana e hana ia ana, no ua dala la e aie ia ai.
Noi mai ka Loio Kuhina e hookomo hou ia mai ka pauku 2, i na olelo kapae i kela la aku nei, penei: "A e hiki no hoi i ke Kuhina Waiwai mamuli o ke kauoha o ka Moi ma ke ano e panai ma ke dala maoli, a i mea e uku ai i na haawina o keia aie, e emi iho ana malalo o na dala he kanalima, me ka ukupanee ole, a e uku ia ana i ka mea nana e lawe mai a e koi ana; aole nae e oi aku ka nui o na Palapala Kikoo o ia ano mamua ae o ke kanahiku tausani Dala i kela a me keia manawa."
Ma ka ninau ia ana ua haule ke noi he 33 poe koho, 20 hoole, 13 ae.
Noi mai ke Kuhina Kalaiaina e hoololi i ka pauku 6, ma ka hookomo ana i na huaolelo "elua hapakolu." ma kahi o na huaolelo "hookahi hapalua," a penei e heluhelu ia ai aole e oi aku ke dala i haawi mua ia ma ia ano mamua ae o ka elua hapakolu o ke kumukuai o ia waiwai, i haawin ia ai ua kokua nei. &c
Noi mai ka Hon. Mi. Nawahi e hoopanee loa i ka bila.
Ma ka ninau ia ana, ua haule ke noi, he 40 poe koho; 14 ae i ke noi, a he 26 hoole i ke noi e hoopanee loa.
Ma ke noi, ua hooholo loa ia me ka hoololi.
Noi mai o Mr. Kaukaha he pono ke noonoo houia ka palapala hoopii i kakau inoa ia e 300 kanaka e noi ana aole pono keia Hale e ae i ka bila aie dala. Hooholoia.
Heluhelu akolu ia ka bila e hoololiia ai na pauku 1 a me 5, o ka mokuna 39, o ke kanawai i aponoia ma ka la 21 o July 1870 e pili ana i na auhau o na holoholona.
I ka ninauia ana o ka hoopanee loa, ua haule, a hooholoia ka bila.
Noi mai o Mr. Kaai e noonooia ka palapala hoopii a Sider o Honolulu. Aponoia.
Ma ke noi, ua waihoia ka palapa noi i ke Komite o ka Hale, Mr Kipi ma noho.
I ka hoopau ana o ke Komite, a hoike mai imua o ka Hale i ka hoike, e haawina ka Bila i ke Kuhina Kalaiaina, a me ka Loio Kuhina, e hoopii ia Bila Hiu a me ka ona o ka Roiala Hotele. I ka ninau ia`na, ua aponoia ka hoike.
Ma ke noi a Mr Birch e noonooia ka bila e hoololi ai i ka pauku 480 o ke kanawai Kivila. Lawe ka Hale, aka hoopanee Hale aole i hoopaapaaia.
NA KANAWAI O KE KAU O 1874.
HE KANAWAI
E HOOLOLI AI I KA PAUKU I, O KE KANAWAI E HOOLOLI AI I KA HAAWINA 2, O KA MOKUNA VII, O KE KANAWAI KIVILA APONOIA MA KA LA 21 O AUGATE, M. H. 1860.
E hooholoia e ka Moi a me ka Hale Ahaolelo o ka Hawaii Pae Aina i akoakoa iloko o ka Ahaolelo Kau Kanawai o ke Aupuni:
Pauku 1. Ma keia, ua hoololiia ka Pauku 1, o ke Kanawai e hoololi ai i ka Haawina 2, o ka Mokuna VII, o ke Kanawai Kivila, i ponoia ma ka la 21 o Augate, M. H. 1860; ma ka hoopau ana i ka huaolelo "mau" ma ka lalani elua, a o hookomo ma ia wahi i ka huaolelo "i" a me ka hoopau loa ana i na huaolelo "a me ka Apana o Lahaina kekahi" ma ka lalani eha; a e hoopau loa hoi i na huaolelo "na kanaka elua" ma ka lalani elima, a e hookomo ma ia wahi i na huaolelo, "ka palapala hookahi;" a e hoopau loa hoi i na huaolelo, "a me hookahi no Lahaina" ma ka lalani elima; a e hoopau loa hoi i na huaolelo " na kela a me keia" ma ka lalani eono, a e hookomo ma ia wahi i ka huaolelo "ka" ma ia wahi; a e hoopau loa ia hoi na huaolelo "na" a me "elua" ma ka lalani ehiku, a e hookomo ma ia wahi i na huaolelo "umikumamaono;" a e hoopau loa hoi i ka huaolelo "mau" ma ka lalani ewalu, a e hoopau hoi i na huaolelo "na" a me "elua" ma ka lalani eiwa, a e hookomo ma ia wahi i na huaolelo, "umikumamaono," a penei e heluheluia`i.
PAUKU 1. E hiki no i ke Kuhina Kalaiaina i kela manawa keia manawa, e haawi i ka palapala ae no ka hookomo ana a me ke kuai ana i ka Opiuma i na Pake, no ka makahiki hookahi, maloko o ka Apana o Honolulu, aole nae e oi aku mamua o ka palapala hookahi no Honolulu, a e haawi mua mai no ka mea i loaa ka palapala ae kuai Opiuma i na dala aole emi malalo o Umikumamaono Tausani: E kuai kadala ia kela palapala ae, a e loaa no i ka mea i oi ma ke koho ana maluna o umikumamaono tausani dala.
PAUKU 2. E lilo keia i Kanawai mai kona la e hooholoia`i; a o na Kanawai a me na hapa Kanawai a pau e kue ana i keia ua hoopauia.
Aponoia i keia la 1 o Augate, M. H.
1874 KALAKAUA R.
HE KANAWAI
E HOOHOLO AI I HAAWINA HOOMAU NO MESUSALA MAHUKA.
No ka mea, ua noho hana o Mesusala Mahuka ma kekahi Oihana iloko o keia Aupuni i ke au o na Moi i hala`ku nei; oia hoi o Kamehameha III., Kamehameha IV, Kamehameha V., a me Lunalilo, aole i ike ia kekahi hana paewaewa ma ka lawelawe loihi ana i ka Oihana; a he mea uo hoi i paulele nuiia mamuli o kona ano hoopono; A no ka mea hoi, ua elemakule a nawaliwali iloko o na hana a ke Aupuni, Nolaila:
E hooholoia e ka Moi a me ka Hale Ahaolelo o ko Hawaii Pai Aina i akoakoa iloko o ka Ahaolelo Kau Kanawai o ke Aupuni:
PAUKU 1. Ma keia, ua haawiia na Mesusala Mahuka Ekolu haneri dala no kela a me keia makahiki, oaia oia e ola ana, a ua kauohaia ke Kuhina Waiwai e uku aku ia mau dala mailoko ae o ka Waihona Dala o ke Aupuni, ma ke ano e like me na uku makahiki a me na haawina e ae a ke Aupuni e uku ai, ma ka makahiki paha, a ma ka mahina paha e uku ia ai.
PAUKU 2. E hiki no ia Mesusala Mahuka ke kikoo aku i ka Waihona Dala o ke Aupuni no ka haawina i oleloia ma ka Pauks mua, mai ka la`au e hooholoia ai keia Kanawai.
Aponoia i keia la 22 o Iulai, M H 1874.
KALAKAUA R.
HE KANAWAI
E HOOLOIH HOU AI I KA MANAWA NO NA KOMISINA PALENA AINA.
E hooholoia e ka Moi a me ka Hale Ahaolelo o ka Hawaii Pae Aina i akoakoa iloko o ka Ahaolelo Kau Kanawai o ke Aupuni:
PAUKU 1. O ka manawa o na Komisina Palena Aina, i hoakakaia ma ke Kanawai i aponoia ma ka la 23 o Augate 1862, a ua hooloihiia i ka la 23 o Augate 1874 e ke Kanawai i aponoia ma ka la 22 o Iune 1868, e hooloihi houia, a ma keia ua hooloihi hou aku ia a hiki i ka la 23 o Augate M. H. 1880, i mea e hooholoia`i, a e hooiaioia`i na palena Ahupuaa, a me na mahele Ahupuaa, Iliaina a mahele Iliaina a me ua apana aina ano e ae, i noiia mai i keia manawa, a e noiia ana paha ma keia hope i na Komisina Palena Aina malalo o na mea i oleloia ma ka Pauku 9 o ke Kanawai i hai mua ia o ka la 22 o Iune 1868.
PAUKU 2. E lilo keia i Kanawai mai kona la i hooholoia`i; a o na Kanawai, me na hapa Kanawai e kue ana i keia ua hoopauia.
Aponoia i keia la 13 o Iulai, M H. 1874.
KALAKAUA R.
MARE.
LILOA, KAPUNI - Ma Kawaiahao, Augate 5, mare ia e Rev. H H Pareka, o Mr. Liloa, no Honolulu nei, a me Miss Kapani no Molokai.
KAPAHUKULA, KALUNA - Ma Honolulu, Iulai 25, mareia e Rev. B.W Pareka, o S L Pahukula me Miss Mare Kaluna.
HANAU.
Iulai 27, ma Kaumakapili, Honolulu, hanau o Mere Apo (w), na Apo me Martha Hinihini.
Augate 1, ma Maunakiekie, Honolulu, hanau o Epela Kawaihoa (k), na Mr. Kawaihoa, me Kaahanui Kawaihoa.
OLELO HOOLAHA.
UA HOOKOHUIA O MR. A. JAEGER. E lawelawe no`u ma ke ano Agena no keia kulanakauhale. H. A. WIDEMANN.
Honolulu, Iulai 27, 1874. 662 1ts
Hoolaha a ka Luna Hooponopono Waiwai.
E IKE AUANEI NA MEA A PAU, UA Hookohuia mai ka mea nona ka inoa malalo iho, e ka Hon. C C Harris, i Lunahooponopono no ka waiwai o KANAHA (w), no Honolulu i make kauoha ole. Nolaila, ke kaheaia aku nei ka poe a pau ana i aie aku ai, e hoike koke mai i ko lakou koina maloko o ka malama hookahi mai keia la aku; a o ka poe i aie mai iaia, e hookaa koke mai. E loaa no au ma Kamanuwai, Honolulu. P. KAILULU.
Augate 7, 1874. 662 4t@ 665
Kauka Lapaau mai Lepera.
[Hotel Street e pili ia i ka Palani].
E NA MAKAAINANA MAI HAWAII O KEAWE a hiki i Niihau, aloha oukou, owau o ko oukou makanaka aloha oiaio, i noho loihi me oukou ma ke ano kauka lapaau mai - ko kahea aku nei au ia oukou e ka poe a pau i loohia i ka mai pake, e noho ana ma kela apana keia apana o Hawaii nei, e ku ae oukou a e hele pololei mai e launa pu me a`u, a na`u oukou e lapaau aku, a e hoola ae mai ia mai ino ae, i loohia maluna o ko oukou kino, oiai ua loaa ia`u ka laau kupono, me ka makaukau pu i ka lawelawe ana e ola ai, no ka mea, aole no paha e poina au i ka`u poe i lapaau ai, ua lehulehu wale lakou; a no ka nui o ka poe i koe, aole i ike a lohe pono ia`u, nolaila, ua piha kou naau i ke aloha me ka minamina i ka poe i loohia i ka mai, no ka loaa ole o ka mea kupono nana e hoola.
Kauka Lapaau mai Pake! Kauka Lapaau mai Pake!
ALIONA (Pake).
Aug 4, 1874. 662 3t@ 665
E IKE auanei na kanaka a pau ke nana mai i keia mau olelo papa, o makou o ka poe nona na inoa malalo iho nei, ke hookapu loa aku nei makou i na ano kanaka a pau loa, aole e wawahi wale i ka makou manowai, oia ka manowai e pili ia i ke kuleana o Kekaha. Aole no hoi e kapulu i ka auwai a mauka aku o ke poo-wai; aole e kukulu i na ano holoholona a pau ma ke kae auwai, pela o kapu loa ai na mea ano e ae. O ka mea e kue i keia, e hoopaiia oia elima Dala ($5.00), no kela a me keia hewa i hanaia. Aole no e ae ia kekahi hoa a mau hoa paha e pili ana no keia poowai, e noho wale iho me ke noi ole mai i kekahi o na Luna nana a mau Luna paha. iloko o ka manawa i kaheaia ai no ke pani ana i ke poo-wai a me ka hoomaemae ana i ka auwai; a o ka mea a mau mea o ua hoa e kue i keia, e hooukuia oia, aole e oi aku mamua o na keneta he 25 no ka la hana. A e hoomaemae mau ia ka auwai i kela a me keia Poakahi hope o ka malama. Aole no hoi e aeia kekahi hoa e lawe wale i ka la wai o kekahi, o ka mea e kue i keia, e nele ia i ka wai a me kona ia wai.
A e lilo keia i kanawai paa mai kona la e puka ai ma ka nupepa a mau aku. Nolaila, ke koho nei makeu ia J Nahoku, K Kaiwi, Kalaeloa a me Oleloino i mau Luna nana. No ka oiaio o keia mau mea i haila maluna, ke kakau nei na inoa o makou malalo iho.
J Nahoku, K Kaiwi, K Kanewahine,
Kalaeloa, Nuole, Kuailiahi,
Oleloino, Kawahaoi, Hoonuu,
Moanalua-kai, Aug 5, 1874. 662 4t@ 655
E KUAI Kudalaia ana na Lio 4 ma ka Pa Aupuni ma Waiawa, Ewa nei, ke hiki aku i ka Poakahi, la 17 o Augate, horn 9. Ke ano o ka lio a me na hao - Lio k hulupala laekea 3 kapuai keokeo huelo ekekei, aole maopopo ka hao - Lio w lokia ana lio keiki lae kea 2 kapuai keokeo hao ak 8 - Lio w ahinahina laekea nui makaalohi 2 kapuai keokeo hao ak anoe - Lio k ulaula lae kea 1 kapuai keokeo kamaa hao, hao )-C
J KAHAUOLONO, Luna Pa Aupuni o Waiawa, Ewa, Aug 5, 1874. 662@
EIA iloko o ka Pa Aupuni o Pauoa, Apana o Honolulu, na Lio - 1 e kuai kadalaia ana, ke hiki aku i ka Poakahi la 8 o Augate, hora 12 awakea. Eia ke ano a me na hao kuni: Lio w hulu waiapo i w keokeo ak k 4 Lio e kudalaia ke hiki aku i ka la 14 o Augate, Poalima, hora 12 awakea - eia ke ano a me na hao: Lio w ulaula wiwi laekea hem @ Lio w hulu lolole wiwi 2 w keokeo mahope, ak anoe Lio w lokia wiwi hem 2 lau. Lio w keokeo hem hao ano e, ak K He mau lio hou mai no kahi. eia ke ano a me na hao: Lio k eleele laekea wiwi keoko na waw hope 1 mamua ak GL Lio k kalakoa laekea kuapuka wiwi akau 8L Lio k hauliuli ano lokia keokeo kahi wawae hope me ke kaula i ka a-i wahi ke ma lae hem ano e. Lio k ulaula laekea keokeo na wawae 4 ak 3 Lio k ulaula wiwi kuapuka hem $
W PANIHALE, Luna Pa Aupuni o PAUOA, Aug 7, 1874. 662 1t@
HOOLAHA HOOKOLOKOLO.
AHA Hookolokolo Kiekie o ko Hawaii Pae Aina, ma ka hooponopono waiwai, ma ka waiwai o KILA (k), o Waikiki, Oahu, i make kauoha ole. Imua o ka Lunakanawai C C Harris. Olelo kauoha, e hoolaha ku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Manuia (w), ka moopuna ponoi a Kila k, i make, o Waikiki, Oahu, e hoike mai ana o Kila k, no Waikiki, Oahu, ua make kauoha ole ma Waikiki, Oahu, ma ka la o M H 187 a e noi ana, e haawiia ka Palapala Hookohu Lunahooponopono Waiwai ia Manuia w, ka moopuna ponoi a Kila k, i make aku nei me ke kauoha ole, i oleloia maluna. Ua kauohaia o ka Poaha, ka la 20 o Augate, M H 1874, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu, ina he kumu oiaio ko lakou, e ae ole ia ai ua noi ia. A o keia olelo kauoha, e hoolahaia ma ka olelo Hawaii, i ekolu pule ma ka Kuokoa a me Au Okoa, nupepa ma Honolulu.
Kakaula ma Honolulu ko Hawaii pae aina Iulai 27, 1874.
CHAS. C HARRIS,
Ikela: Lunakanawai o ka Aha Kiekie.
Jno. E. Barnard, Hope Kakauolelo. 661 3ts 663
AHA HOOKOLOKOLO KIEKIE O KA HAwaii Pae Aina, ma ka Hooponopono Waiwai, ma ka waiwai o NAHALAU, o Nuuanu, Honolulu i make kauoha ole. Imua o ka Lunakanawai C C Harris. Olelo kauoha, e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noi a Aiawale k, a Kamakakou w, o Pauoa, e hoike mai ana o Nahalau, no Nuuanu, Honolulu, ua make kauoha ole ma Nuuanu i oleloia, ma ka la 7 o Iulai M H 1873, a e noi ana, a haawila ka palapala hookohu Lunahooponopono Waiwai ia Aiawale (k) a me Kamakakai w.
Ua kauohaia, o ka Poaha, ka la 20 a Augate, M H 1874, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Honolulu, a ma ia manawa, a ma ia wahi no, e hele mai ai na mea a pau i pili, e hoike mai i ke kumu, ina he kumu oiaio kela, e ae oleia ai ua noi ia. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa & Au Okoa, nuhepa ma Honolulu.
Kakaula ma Honolulu, ko Hawaii, ko Hawaii Pae Aina, Iulai 28, M. H 1874. CHAS. C HARRIS,
Ikea: Lunakanawai o ka Aha Kiekie.
Jno. E Barnard,
661 3ts 663 Hope Kakauolelo o ka Aha Kiekie.
AHA Kiekie o ko Hawaii Pae Aina. Ma ka Hooponopono Waiwai, mokupuni o Oahu, Hawaii Pae Aina, SS. Ma ka waiwai o NAMAU NAHALAU (k) i make. Olelo kauoha, e koho ana i la e hooiaio ai ka Palapala kauoha, a no ka hoolaha ana.
No ka mea, ma ka la 30 o Iulai M H 1874, ua waihola mai imua o ka Aha, kekahi palapala i oleloia, oia ke kauoha hope loa o Namau Nahalau (k), i make aku la, a me ka palapala hoopii e noi ana, e hooiaioia keia palapala kauoha a hoopuka hoi ka palapala Luna Hooko no Keaoa, ua waihoia mai e Keaoa.
Nolaila, ua kauohaia o ka Poakahi, oia ka la 17 o Augate M H 1874, ma ka hora 10 A M. ma ka rumi Hookolokolo o ia Aha, ma ma Honolulu, oia ka la me ka hora e hooiaiola`i la palapala kauoha, a e hoolohe hoi no ia noi ana mai a me ka poe a pau i pili, e kue ana ia palapala kauoha a me ka hoopuka ana i ka palapala Luna hooko. A ua kauoha hou ia, e hoolaha no ia mea no na pule ekolu iloko o ke Kuokoa, he nupepa i paila a hoolahaia ma Honolulu. A ua kauoha hou ia, e hoopukaia na palapala kena no na hoike no ia palapala kauoha a me na hooilina o ka mea make, ma Hawaii nei, e hele mai a e kue i kela palapala kauoha i ka wa i oleloia,
Kakauia ma Honolulu ko Hawaii pae aina Iulai 30, 1874.
CHAS. C. HARRIS,
Ikeia: Lunakanawai o ka Aha Kiekie.
Walter R Seal, Kakauolelo, 661 3ts 663
AHA HOOKOLOKOLO Kaapuni Apana Eha o ko Hawaii Pae Aina, ma ka hooponopono waiwai, ma ka waiwai o GEORGE W LILIKALANI, o Koloa, Kauai i make kanoha ole, imua o ka Lunakonawai D McBryde. Olelo kauoha, e hoolaha aku no ke noi ana mai, e koho i Lunahooponopono Waiwai.
Ma ka heluhelu a e ka waiho ana mai o ka palapala noi a Hana Lilikalani, a me Kahele o Koloa & Hanalei, e hoike mai ana o George W Lilikalani, no Koloa, Kauai, ua make kauoha ole ma Honolulu, Oahu, ma ka la 16 o Aperila M H 1874, e noi ana, e haawiia ka palapala hookohu Lunahooponopono Waiwai ia Hana Lilikalani a me Kahele ka mea hoopii.
Ua kauohaia, o ka Poalua, oia ka la 18 o Augate, M. H. 1874, oia ka manawa i kohoia no ka hoolohe ana i ua noi la, imua o ua Luuakanawai la. ma ke Keena Hookolokolo o keia Aha, ma Wahiawa, a ma ia manawa, a ma ia wahi no e hele mai ai na mea a pau i pili, e hoike mai ke kumu, ina he kumu oiaio ko lakou, e ae oieia ai ua noi ia. A o keia olelo kauoha, e hoolahaia ma ka olelo Hawaii, i ekolu pule ma ka Kuokoa, nupepa ma Honolulu.
Kakauia ma Wahiawa, ko Hawaii Pae aina, Iulai 24, 1874
D. McBRYDE,
661 3ts Lunakanawai o ka Aha Kaapuni Apana Eha.
AHA Kiekie o ko Hawaii Pae Aina, ma ka Hooponopono Waiwai. Mokupuni o Oahu, Hawaii Pae Aina, SS. Ma ka waiwai o CHARLES KAHALA, i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 23 o Iulai, M H 1874, ua waihoia mai imua o ka Aha, kekahi palapala i oleloia, oia no ke kauoha hope loa o Charles Kahala, i make aku la, a me ka palapala hoopii e noi ana, e hooiaioia kela palapala kauoha, a e hoopuka hoi i ka palapala Luna Hooko no John Gandall, ua waihoia mai e John Gandall. Nolaila, ua kauohaia. o ka Poakahi, oia ka la 10 o Augate, M H 1874, ma ka hora 10, ma ka Rumi Hookolokolo o ia Aha, ma Aliiolani Hale, ma Honolulu, oia ka la me ka hora, e hooiaioia`i ia palapala kauoha, a e hoolohe hoi no ia noi ana mai a me ka poe a pau i pili, e kue ana ia palapala kauoha a me ka hoopuka ana i ka palapala Luna Hooko. A ua kauoha hou ia, e hoolaha no ia mea no na pule ekolu, iloko o ke Kuokoa a me Au Okoa, he nupepa i paila a hoolahaia ma Honolulu. A ua kauoha hou ia, e hoopukaia na palapala kena no na hoike no ia palapala kauoha, a me na hooilina o ka mea make, e hele mai e kue i kela palapala kauoha i ka wa i oleloia.
Kakauia ma Honolulu ko Hawaii Pae Aina Iulai 23, 1874.
CHAS. C. HARRIS,
Ikea: Lunakanawai o ka Aha Kiekie.
Walter R Seal, Kakauolelo. 660 3ts 662
AHA HOOKOLOKOLO Kaapuni, Apana Eha o ko Hawaii Pae Aina, ma ka hooponopono waiwai ma ka waiwai o E O PILIWALE, o Koloa, i make, ma ke Keena, imua o ka Lunakanawai Kaapuni Apana Eha. Kauoha e hoolaha i ke noi, e apono i na papa hoike, hookuu ana a e mahele i ka waiwai.
Ma ka heluheluia a me ka waiho ana mai o ka palapala noi a me papa hoike o Paoa (k), a me Pelauli, na Lunahooponopono o ka waiwai o E O Piliwale, no Koloa, Kauai i make, e noi ana, e mahele i na waiwai e waiho ana ma ko laua lima, i na mea i kuleana malaila, a e hookuu ana ia laua a me ko laua mau hope o ka noho ana ma ia ano.
Ua kauohaia, o ka Poalua, oia ka la 18 o Augate, M H 1874, ma ka hora 10 o kakahaka, imua o na Lunakanawai la, ma ke Keena, ma ka hale Hookolokolo, ma Wahiawa, oia kahi a me ka manawa i kohoia no ka hoolohe ana i ua noi la, a me na papa hoike i oleloia, a o ka poe a pau i pili malaila, e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoi ke mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e paiia maloko o ka Kuokoa, ho mau nupepa i pai a hoolanaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, ko Hawaii Pae Aina, i keia la 24 o Iulai M H 1874. D McBRYDE,
661 3ts 663 Lunakanawai o ka Aha Kaapuni Apana Eha
KEENA o ka Lunakanawai Kaapuni o ka Apana Elua o ko Hawaii Pae Aina.
Lahaina, Iulai 6, 1874.
E IKE AUANEI na kanaka a pau ke pili, o na hoolaha hooponopono waiwai i hoolaha mua ia no ka hana o keia Aha, ma Pukoo Molokai, a i hoopaneeia no ka hiki ole aku o ka Lunakanawai Kaapuni, oia hoi keia:
1. O ka waiwai o KAIWIINO (k) no Honoulimaloo.
2. " " KAHOOPUKAHI 1
3. " " KULUWAIMAKA (k) Ualapue,
4. " " PUHI (k) no Kawela.
- E hooloheia ai ma ka Poalua, oia ka la 11 o Augate, ke hiki mai ana. A o na hihia i hoopilia mai ka Lunakanawai Apana mai imua o kuu Aha, oia hoi:
1. ke Alii kue ia KAWAIKOA.
2. " " KEKAULA.
3. Ninihua kue ia NAKI.
4. Kane " R. W. MEYER.
E hooloheia ai ma ka Poakolu, oia ka la 12 o Augate ke hiki mai ana, aia ma Pukoo, Molokai kahi e hana ai.
ABR. FORNANDER.
661 2ts 662 Lunakanawai Kaapuni Apana Elua H P A
MA ke Keena o ka Lunakanawai Kaapuni o ka Apana Ekolu ko Hawaii Pae Aina. Ma ka waiwai o S KAWAA, o Kau, Hawaii, i make.
Ua heluheluia a ua waihoia ka palapala noi a Mailohi ka Lunahooponopono no ka waiwai o S Kawaa, o Kau, Hawaii, i make, e noi ana, e haawiia ka mana iaia, e kuai aku i ka waiwai paa o S Kawaa, oia hoi he apana aina pahale, e waiho nei ma Waiohinu, Kau, Hawaii. Nolaila, ke kauohaia aku nei ua kanaka a pau ke pili, o ka Poaono, oia ka la 29 o Augate, M H 1874, ma ka hora 9 kakahiaka, ma ka Hale Hookolokolo ma Waiohinu. Kau, oia ka la a me kahi i kohoia no ka hoolohe ana i ua nonoi ia a me na mea kue ke hoike ia. F. S. LYMAN,
Lunakanawai Kaapuni Apana Ekolu H P A
Hilo, Hawaii, Iulai 15, 1874. 660 3ts 662
MA ke Keena o ka Lunakanawai Kaapuni o ka Apana Ekolu ko Hawaii Pae Aina. Ma ka waiwai o WELEHU (k), o Waiohinu, Kau, Hawaii i make.
Ua heluheluia a ua waihoia ka palapala noi a Kahinawe (w), e noi ana, e hoonohoia o L R Macomber, i Lunahooponopono no ka waiwai o Welehu (k), no Waiohinu, Kau, Hawaii, i make kauoha ole. Nolaila, ke kauohaia aku nei na kanaka a pau ke pili, o ka Poaono, oia ka la 29 o Augate, M H 1874, ma ka hora 9 kakahiaka, ma ka Hale Hookolokolo ma Waiohinu, Kau, oia ka la a me kahi i kohoia no ka hoolohe ana i ua nonoi la a me na mea kue ke hoikeia. F. S. LYMAN.
Lunakanawai Kaapuni Apana Ekolu H P A
Hilo, Hawaii, Iulai 20, 1874. 660 3ts 662
AHA Hookolokolo Kaapuni Apana Ekolu, Hawaii, SS. Kau Hookolokolo o Mei 1874. Akai mea hoopii hooki mare kue ia KALUAHINE w - Ma ka hihia hoopii oki mare maluna ae, ua hooholoia ka pono e hookaawale i ka hipuu o ka materemonio o ka mare ma ka aoao o Akai (k), no ke kumu he haalele kane o ua Kaluahine (w) la, no na makahiki ekolu, mahope iho o ka hala ana o na malama eono, mai ka la aku o keia hooholo ana, e like me na olelo, aia wale no a hoike ia mai na kumu e kue ana.
A ua kauohaia ka mea hoopii, e hoolaha i ke kope oiaio o keia olelo hooholo iloko o ka nupepa aupuni Gazette a me Kuokoa, no na hebedoma eono, o ka hoopuka mua ana, maloko e ka malama hookahi, mahope iho o ka hooholoia ana; a o na kanaka a pau i pili, ua hiki no ia lakou ke hoike mai i kekahi kumu e hooleia ai, maloko o na malama eono. Hoike, Hon. A. F. JUDD,
Lunakanawai o ka Aha Kiekie, i noho ma
[L.S.] Hilo, Hawaii, Iune 27, A D 1874.
D. H. HITCHCOCK, Kakauolelo.
Ke hooia aku nei au, o na olelo maluna ae, he kope oiaio ia o ka olelo hooholo no ka hihia o Akai kue ia Kaluahine.
Ikea:
D H Hitchcock,
Kakauolelo, Aha Kaapuni Apana Ekolu, Hawaii.
Hilo, Iune 27, 1874. 658 6ts 663
OLELO HOOLAHA
AHA HOOKOLOKOLO KAAPUNI APANA Eha, o ko Hawaii Pae Aina, ma ka hooponopono waiwai, ma ka waiwai o KAUHI, o Nawiliwili, Kauai i make kauoha ole. Imua o D McBryde, ka Lunakanawai Kaapuni Apana Eha.
Ma ka heluheluia ana a me ka waiho ana mai o ka palapala noi a Pikau, ka Lunahooponopono no ka waiwai o Kauhi, o Nawiliwili, Kauai i make aku nei, e hoike ana, ina he mau mea pili kahi e kue ana i keia waiwai i hoikeia ma keia noi, a ma keia, ua ae ia ka mea noi, a ua aponoia ke noi ana aku i la e noonooia ai imua o ka Aha.
Ua kauohaia, o ka la 18 o Augate M H 1874, oia hoi ka manawa i kohoia no ka hoolohe ana i ua noi ia imua o ua Lunakanawai la ma ke Keena Hookolokolo ma Wahiawa, a ma ia manawa a ma ia wahi no, e hele mai ai na mea a pau i pili, e hoike mai i ke kumu, ina he kumu ko lakou e ae ole ia ai ua noi la. A o keia olelo kauoha, e hoolaha ia ma ka olelo Hawaii, i ekolu pule ma ka nupepa Kuokoa, ma Honolulu.
Kakauia ma Wahiawa, ko Hawaii pae aina Iulai 24, 1874
D. McBRYDE.
661 3ts 663 Lunakanawai Kaapuni Apana Eha.
E LOHE OUKOU A PAU!
MAI KEIA LA AKU, aole au e hookaa ana i kekahi aie, i aie ia ma ko`u inoa, ke ole he palapala mai ia`u aku. S. KANAMU,
Mokuhonua, Hilo, Hawaii, Iulai 20, 1874. 660 4t@ 663
Hoolaha a ka Luna Hooponopono Waiwai.
NO KA MEA, ua hoonohoia mai ka mea nona ka inoa malalo, i Lunahooponopono no ka wa no ka waiwai o SILAS CHANDLER, o Wailuku, Maui, i make iho nei ma Wailuku, Maui, ke hoolaha aku nei ma keia, e hoike mai ka poe ana i aie aku ai i ko lakou kuleana, me na hooiaio kupono, iloko o na malama eono mai keia la aku, o kapae loa ia auanei.
A o na mea a pau i aie i ka waiwai i haiia ae`ia ke noi ia aku nei e hookaa koke mai ia`u ma ko`u wahi noho ma Wailuku, Maui.
JAMES BAKER,
Lunahoponoono, no ka wa, o ka Waiwai o Silas Chandler.
Wailuku, Maui, Iulai 15, 1874. 660 1m@ 663
O WAU O ka mea nona ka inoa malalo, ke papa aku nei au i kela ano kanaka keia ano kanaka, mai hoaie mai oukou i kuu wahine mare ia NAINA, e noho ana ma Helumoa, Waikiki-kai, mokupuni o Oahu, no ka mea, ua haalele mai oia ia`u i ke kane mare, a na heo aku me ka haku e, a noho kapae hoi. Ina e hoaie ana kekahi iaia, maluna no ona ko oukou poho, aole au e hookaa ana i kona aie.
KALAWAIANUI.
Waikiki-kai, Iulai 21, 1874. 660 4t@ 663
E IKE AUANEI NA MEA A pau ke nana mai lakou, mai keia la`ku, aole loa au e hookaa i kekahi Bila Aie i kakauia ma ko`u inoa, ke ole e loaa `ku kekahi palapala i kakau inoaia mai a`u aku. E lilo keia i Kanawai paa, mai ka la aku o kona puka ana.
CHARLES KANAINA.
Honolulu, Iulai 11, 1874. 659 3m
HE PAPA KUHIKUHI MANAWA HOLO
O KA
Mokuahi Hawaii
KILAUEA!
KAPENA MARCHANT!
Poakahi, Aug. 10....................5:30 pm ....................Hilo
Poakolu, Aug. 19....................4:00 pm .....Kaapuni ia Kauai
Poakahi, Aug. 21....................5:30 pm...Kaapuni ia Hawaii
Poakahi, Aug. 31....................5:30 pm...Kona me ke ku ana ma Kaunakakai malalo aku nei a maluna mai.
Poakahi, Sept. 7....................5:30 pm............Hilo
Poalima, Sept. 18....................5:30 pm.........Nawiliwili
Poakahi, Sept. 21....................5:30 pm...Kaapuni ia Hawaii
Poakahi, Sept. 28....................5:30 pm...Kona me ke ku ana ma Kaunakakai malalo aku nei a maluna mai.
Ulu Eemoku mai Honolulu aku
A hiki i Kaunakakai, a pela maluna mai....................$5 00
" Lahaina, " ".......................6 00
" Maalaea," ".......................7 00
" Makena, " ".......................8 00
" Mahukona," "......................10 00
" Kawaihae," "......................10 00
" Kailua, " "......................10 00
" Kaawalaoa, " "......................10 00
" Hilo, " "......................12 50
" Kau, " "......................15 50
Uku kaapuni ia Hawaii,...................................22 00
A hiki i na awa o Kauai,....................................8 00
Uku kaapuni ia Kauai,.....................................12 00
Uku ohua Hawaii oneki,....................................2 00
Aole aie no na uku ohua.
Ma ka Hale Oihana e loaa`i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai
E hookaaia ka uku ukana i ka wa e noiia aku ai.
SAMUEL G. WILDER, (Waila), Agena.
Keena ma ka Hale Kuai Papa o Waila ma, kihi o Alanui Papu a me Moiwahine. 652 3m 663
Lole Makepono ke Kuike!
E LOAA NO IA MA KAHI O
KAKELA ME KUKE,
-- E LAA NA --
AHINAHINA,
KALAKOA,
KEOKEO,
LEPONALO,
Pena, Aila, Aniani,
Na Mea Piula,
Kopa, Aila Honua,
Aila Hoomaloo,
Kui Kakia, Pakeke,
Tabu, Kaula, Noho lio,
Hulu-palaki, na Pulumi.
A he Agena no hoi no na Mokupuni o Hawaii nei no na
LAINAKINI - NAO,
LAINAKINI-MAOLI,
PALULE KALAKOA,
ALAPIA, KELEPA, KILIKA,
Na Lole kupono i ka wawae,
Palule Huluhulu,
Na Lole Huluhulu,
No Lole no ka hoohehelo ana
Lipine, Lihilihi, a me ia mea`ku.
-- A HE --
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, &c.
-- A HE --
LAAU LAPAAU KAULANA LOA
A Dr. JAYNES.
Laau Kunu,
Laau Hoomaemae Koko,
Laau hoopau naio,
Penikala, Huaale,
me na Laau Hamo, a pela `ku.
656 1y
KO KALEPONI
LAAU KUNU OLA!
A ME KA MAI HANO.
I KA LEHULEHU!
NO NA MAKAHIKI ELUA AENEI I HALA, UA LOOHIA AU I KE KUNU KALEA, O KE aiwa loa nae i ke kakahiaka i ke ala ana ae mai ka hiamoe. Mahope iho, loli ae ana ke ano o ka mai a kohu hano ikaika maoli; he mai mau keia i ko makou ohana. I ka male na o Augate aku nei, 1872, oolea loa iho la ka loaa ana i ka hano, kunu au a paupauaho, me he mei la e kaili ae ana i ka hanu. Aole e hiki ia`u ke ai, me ka eha ole ma ka umauma a me ke ake. Ua hele au i na hale o kauka, ua haawiia mai au i ka laau, ua inu aole nae he oluolu mai. Koiia mai au e hele i ka aina mehana o ka noho ana, hele no au i San Jose, aka, aohe loaa iki o ka maha. Ia`u i haalele ai ia San Jose, aohe o`u manao i koe e ola ana. O ko`u hoao iho la no ia i keia laau, nana i hooluolu mai, a mahope o ka hoomau ana i ka inu, o ko`u ola mai no ia. I keia wa ua ola loa ia au, a ua hoi e like me ko`u ola mua. Ua hoikeike aku au i kekahi poe e ae no keia loaa lapaau a ai halawai lakou me na hopena olioli e like me ko`u. Ano hoi, ke hoikeike aku nei au i ka lealea, no ko`u manao ia he laau ola keia no ka hano, aohe one like.
Aole au i hoikeike aku nei i keia LAAU KUNU OLA A ME KA MAI HANO i mua o ke akea me ka olelo aku, he ola nae wale no, o ka ikaika, o ka hoihoi ae i na mea e pili ana i ua mea paahana o ke ake. O ka paa ana o na ohe o ka puu, oia ka mea e loaa ai i ka hano, a o keia laau ola kupauahi ka mea nana e paahana aku a ola ka poe i loohia ma keia mai make. No keia laau no e hooiaio mai i kona waiwai ke hoohana ia. Ina aole e ola ana ka mea i loaa i keia mai me ka laau ola nei, mahope o ka hahai ana i na kuhikuhi, hoihoi hou aku no au i ke dala. O kekahi keia o ko Kaleponi mau mea ulu. He akioma i hooholo kahiko ia iloko o na noonoo o ka lehulehu, ma na mai a pau, aia no he lau nahelehele ka mea i hoomakaukau e ola ai, eia wale no ka mea pilikea, o ka loaa kupono ole o ka lau nahele e pili pono ana ia mai. O ka hano, he mai weliweli loa ia, a ua heluna kela mai ma ka papa o na mai ola ole, a no na au he loihi oia ka mea huli nui a na kanaka lapaau i huli ai o ake o ka loaa. Owau no, a pela aku. FRANCIS. L. SUCH.
He nui na Palapala mai na Haole e ae e hooiaio mai ana i ke Ola io maoli o keia Laau Kunu a Hano.
O KEIA KA LAAU OLA A MR. F. L. SUCH NO NA MAI
--MA KE--
Ake-Mama, ka Ha o ka Leo,
Ke Anu, ke Kunu, Kunu Kalea,
Na Eha a pau ma ka Puu.
E OLA NO HOI NA MAI HANO IKAIKA, KA UMII I KA HAUPO
A o ka poe Mai Ai-ake e loaa no ka oluolu nui ia lakou, ke ai i keia Laau.
NO LOKO MAI O NA LAU NAHELE KEIA LAAU, AOHE MEA INO O LOKO NA KA POE E LAWE ANA E IKE I KA OIAIO.
Na Rula o ka inu ana:
No Kanaka Makua - 2 puna nui, i ekolu inu ana i ka la.
No Kamalii - 1 puna nui, i ekolu inu ana i ka la.
No Kamalii Aiwaiu - 1 puna ti, i ekolu inu ana i ka la.
A ina e mau ana no ke koii o ke Kunu, inu iki no mawaena o na inu ana ekolu.
No ka Hano - E inu i ka wa e hiki ai ka ho, a mahope iho.
No ke anu - Aia no i ka wa e inu ai, o ka po a me ke ao.
No ka Puu Eha - E hoonui a e inu pinepine a hiki i ka emi ana o ka eha.
No ka Eheehe - E inu liilii me ka hana mau nae.
No ke Kunu Kalea - e inu no e like me ka ikaika o ke Kunu.
No ke Kaniai Eha - He pono inu no, a aole e emo o ka pau no ia o ka eha, a poha maikai ka leo.
E loaa no keia laau Lapaau ma ka Hale Kuai o
DILLINGHAM & CO.,
644 3m Alanui Alii.
OLELO HOOLAHA.
L. MAKALE.
HE LOIO, a he kokua no na hihia o kauaka, (koe na hihia hewa.) Aia kona keena ma ka Hale Hookolokolo. 633 - 6ms
Kulahanai Keikikane o Haleakala.
E HOOMAKA HOU ANA KEIA KULA MA ka la 6 o Iulai e hiki mai ana. Ua hooakeaia ka hale hookipa, a he hiki pono ke hookipaia na keiki he kanaono ma ke kula. Aia keia kula ma ka Apana o Makawao, ma kahi oluolu loa o ke kau o ka aina.
E like me na kau i hala ae nei, e malamaia ana keia kula he Kula Hana Lima, a e ohi ana na keiki i ka hua o na dala paa i loaa mai mamuli o ko lakou hooikaika ana.
E hana ana na keiki ma kakahiaka, a e kula ana ma ka auina la no na hora ekolu, O na makua, a kahu paha, e manao ana e hookomo aku i ko lakou poe keiki i keia kula, he mea pono ia lakou ke hoike aku i ko lakou makemake i ke kumu o ke kula, oia o Mr. F. L. CLARKE, ma ke kula, a i ole ia, e hele e i ke Keena Hoonaauao ma Honolulu. He pono i ka poe e hoouna ana i na keiki i ke kula, he hoolako pono i loie hana, lole kula, me kekahi paa lele hele Sabati, me na kihei moe, kapa apana, a lole huluhulu paha, me na pale uluna, me kekahi pahu kupono kahi e waiho ai na lole.
KA UKU.
No kela keiki keia keiki, he .........$50.00 no ka makahiki.
No ke keiki hookahi ke uku mua ia, $11.00 no ka hapaha.
No na keiki elua a oi, ina na ka me hookahi e hoouna.....$40.00 no ka makahiki.
H. R. HITCHCOCK, Kahukula Nui.
Keena Oihana Hoonaauao, Honolulu, Iune 16, 1874.
655 2m
Moku holo mau no Molokai!
E HOLO MAU ANA KA MOKU KUNA
"MILE MORRIS,"
i na hebedoma a pau, no Kaunakakai a me na waapa ma ka aoao Kona o Molokai. No na ukana a me na ohua, e ninau ma ka moku ia
652 3m@663 Kapena J. LEMA.
I NA KANAKA HAWAII!
EMI LOA NA KII maanei a makepono loa no hoi, malalo iho o ko na Hale Kuai Kii e ae o keia kaona. Aia ma ka Hale Pai Kii o KEIKI. E haawi ana ka mea nona ka inoa malalo iho, i kona mau maiau a pau e ku ai i ko no kanaka Hawaii ano. A. C. SMITH,
654 3m (Alapaki Kamika).
Mai keia la aku!
A MAHOPE AKU NEI, AOLE LOA AU E hookaa ana i kekahi aie, i aie ia ma ko`u inoa, ke ole e loaa mai ia`u aku he palapala e ae ana. JOS. NAWAHI.
Honolulu, Iune 4, 1874. 653 3m
CANTON HOTEL!
[Liliikawai].
KE WEHEIA NEI KA HALE HOTELE O LILIIKAWAI, i hale aina, inu-ti a me ka inu kope, no na kanaka Hawaii, e ko oukou makamaka o ka pupuu hookahi. ASAI & Co.
Honolulu, Aper 17, 1874. 646 6m@
FRIEL & LAINE (Alanui a me Laine.)
NA MEA KUAI MEA AI o na lako ai a pau, na mea ulu, a me na mea hoomomona lio. Halekuai malalo o ka Hale Mu, Alanui Papu, Honolulu. 617 1y
E HELUHELU I KEIA.
O ka poe a pau i makemake e loaa
Ona mau kii
O ko lakou
MAU HOALOHA a me na MAKAMAKA,
O ka wa wale no keia e loaa ai ma na
Kumukuai Haahaa loa!
MA KA HALE PAI KII O
DICKSON,
612 y Helu 61 Alanui Papu
OLELO HOOLAHA.
A. S. HARTWELL, (HAKAWELA).
LOIO!
UA MAKAUKAU AU E HANA, A E HOOponopono hoi i na Palapala Hooilina, Palapala Kuai, Palapala Moraki a me na mea a pau e pili ana i ka Oihana Loio. E hele nui mai ka poe pilikia, a na`u no e wehe aku i na pilikia. 655 3m
NIU KUAI!
UA LOAA MAI NA NIU HE 8,000 MAI Tahiti mai, maluna mai o ka moku Jonia - Niu nui a maikai no hoi, i ike ole ia maanei mamua; a ua kupono no ke kanu ana a no ka ai no hoi. E ninau ia
CHAS. LONG,
ma Alanui Kalepa, Helu 5. 660 tf
KUAINA UPENA!
MA KEIA HOI ANA MAI NEI A KA MOKU "Hoku Ao," ua loaa mai he
3,000 PAONA KUAINA,
a e kuali lilo ia aku no ia e A. W. PEIRCE & Co. 660 3m
OIAI, UA HOOKOHU ponoia mai au e Hon. Abr. Fornander, ka Lunakanawai Kaapuni o ka Apana Hookolokolo Elua o ko Hawaii Pae Aina, ma ka la 21 o Aperila A D 1874, i Lunahooponopono no ka waiwai a pau o KAOLULO k. i make ma Lahaina, Maui. Nolaila, ke kauohaia aku nei ka poe a pau i aie mai i ua mea make la, e hoihoi koke mai ia`u, a me ka poe a ua mea make la i aie aku ai, e hoike koke mai imua o`u, maloko o ka manawa i loaa ai ia`u ka mana ma ke Kanawai, no ka`u Oihana Lunahooponopono. E loaa no au ma Waikapu, Maui.
J B. KAOLULO-OPIO.
Lunahooponoono no ka waiwai o Kaolulo (k) i make.
Waikapu, Maui, Iulai 4, 1874. 661 4t@ 664
E IKE auanei na kanaka a pau, oiai ua hoolahaia ma ka nupepa Kuokoa, o ka la 11 o Iulai 1874, e S Kanakaole, "ua kuai oia i kona hapa ma ka aina o Puuwaawaa, Kona Akau, Hawaii, ia J W Punihaole, i ka la 15 o Iune 1874." Nolaila, ke hoike akea aku nei au, aole he mana o keia hoolilo ana, aole no hoi au e ae ana ia J W Punihaole, e komo mai iloko o keia aina a me keia hoolimalima, no ka mea, aole i hooko iki o S Kanakaole i na olelo o ka hoolimalima o keia aina no kekahi dala hookahi no na makahiki he umikumamakahi i hala, na`u wale no i hana keia mea. Aole no hoi i nana ia `ku oia e na Komisina Aina Lei Alii, aka, owau wale no ka mea i nana ia mai, a maluna wale no o`u na luhi a me na kaumaha o ka wa i hala. G. KAUKUNA.
Honolulu, Iulai 15, 1874. 639 2m
E IKE MAI na ano kanaka a pau, owau o ka mea nona ka inoa malalo iho, ke papa aku nei au i ka poe waiwai, na haole, na pake a me na kanaka a pau o keia a me kela ano, mai hoale mai oukou i kuu wahine mare ia
MRS. KANOHOWAI AKIKA,
no ka mea, ua haalele kumu ole mai oia ia`u, nolaila, aole au e hookaa i kona mau ale, mai kela la aku, a o ka poe hookipa iaia ma ke ano e ae, e hoopii no au ma ke kanawai. AKIKA (Kamana).
Hilo, Hawaii, Iune 18, 1874 656 2m
E IKE auanei na mea a pau e nana mai ana i keia, ua lilo mai ia`u ma ka hoolimalima na aina Aupuni o Kupahua, Kalapana a me Kapaahu, e waiho ia ma Puna, a me ke koena o Makena a me ka aina o R Keelikolani o Hululanai a me Kahauaiea a me na aina o Waaiki i lilo ai ia Lono, a me ko Naahumakua, ma ia okana aina o Puna. Nolaila, ke hookapu, a ke papa loa ia aku nei ka poe kuleana ole, aole e hookuu wale a kii wale i na holoholona o na ano a pau maluna o ua mau aina la i haiia ae ia. Ina e loaa i o`u mau Luna, oia o Kamalonohiwa a me Hauanio ka poe kue, alaila, e hopu ia a hooukuia e like me ke Kanawai. L. KAINA.
Honolulu, Iune 15, 1874. 655 3m
S. MAGNIN!
ALANUI NUUANU kokoke i ALANUI MOI, Honolulu,
KE KUAI AKU NEI OIA I NA Lole hou loa maikai, i kuaiia ma Amerika, me na kumukuai me he kudala la. Mawaena o ia mau waiwai, oia.
Na Kalekoa a me na Nehe - Makepono loa!
Lawa ka holoku no Ehiku hapawalu.
Elima iwilei no ka Elima hapawalu.
Na Kamaa Buti, na kamaa maoli a me na kamaa haahaa.
Na Lipine, na mea hoohiehie kala, a pela aku. E kuai wikiwiki loa ia ana keia mau lole, nolaila, e hele mai a ike kumaka no oukou iho. He hiki ia`u ke kuai hoopoho loa aku a oi ae mamua o ka na poe e ae.
Honolulu, Mei 1, 1874. 648 3m