Ka Nupepa Kuokoa, Volume XIII, Number 29, 18 Iulai 1874 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XIII.  HELU 29. HONOLULU, PAONO, IULAI 18, 1874.  NA HELU A PAU 659.

 

E Pau na Pupupu Kahiko!

PAPA, PAPA, PAP!

O KELA ME KEIA ANO,

AME

NA LAKO KUKULU HALE

O KELA ME KEIA ANO, MA KA

PA-PAPA O S. G. WAILA MA!

KIHI O

ALANUI PAPU me ALANUI MOI WAHINE,

no ke Kumukuai HAAHAA

LOA! ae like ka nui me

ka makemake.

 

LAAU NOUAIKI!

NA LAAU KAOLA,NA PAPA MANOANOA,

NA PAPA HELE,

NA KUA,

AAHO

AAHO LIILII, & e

LAAU ULAULA!

 

NA LAAU KAOLA,

NA PAPA MANOANOA

NA PAPA HELE,

NA KUA,

AAHO, POU,

AAHO LIILII,

MOLINA, & e

Pili Cida keokeo, Pili Laau ulaula,

Na Puka Hale, o na ano a pau,

Na Puka Aniani, o na ano a pau,

Na Olepelepe Puka, o na ano a pau.

 

Pepa Hale me na Lihilihi.

 

NA LAKA PUKA

NA AMI-PUKA,

NA AMI-PUKA LIILII.

NA KUI NAO,

PENA, AILA-PENA, VANIKI,

WAI HOOMALOO.

 

PAAKAI Helu 1,

O PUULOA.

 

E lawe wale ia no na mea i kuai

ia mai keia Pa Papa aku a i kahi o ka mea

kuai mai, ina ma ke kaona nei, a me na

Awa o keia Paeaina e like me ka aelike.

 

Aia maanei ke Keena o ka

MOKUMAHU "KILAUEA,"

L. MARCHANT, Kapena,

S.G. Waila ma

 

640 3m

 

HE MOOLELO KAAO

NO

ROBIANA KO:

Ka Hiwahiwa o ke Koa.

HELU AKOLU O KA IKAIKA.

 

uauhiia mai loke mai o ka Buke Arabia, mai ka

Olelo Beritania a ka Olelo Hawaii.

 

MAHELE III - HELU 123.

 

AIA nae iloko o ia manawa, nana ae

la o Keahinoa ma o a maanei, aia

hoi, ua obeke kona lanakila, a ua omino

hoi kona mau pono, oiai nohe ona mau

koo e ae mawaho nana e kokua mai iaia,

aka, koe no nae me ia ka ikaika o

kona mau lima a me ka wela kupouli o

kona manao hookelakela, nolaila, hoanoe

ae la oia ia ia iho, a haaele iho la hoi i

kona kulana mua, a nee aku la oia, a noho

iho la malalo o kahi umalu o ka pali,

me kona manao, malaila la oia e kaili ai

i ke ola o Lo Hipa.

O Lo Hipa nae, aohe ana mea i koo i

manao ai e hana aku, nolaila, bele aku

la oia ma ke ano ike makamaka, aka, o

Keahinoa nae, ukali aku la oia mahope

o ka meheu o ka huaolelo, (koeke i ka

hana iao).

Oiai nae o Lo Hipa e ku ana ma kahi

kokoke, haawi aku la oia i kona aloha

ia Keahinoa, aka, i mai nae kela, Aia a

pakele oe mai kuu lima aku, alaila, e

haawi aku no au i kuu aloha ia oe, oiai

ua hoohaahaia au malalo ou, a ua haule

ino hoi ka'u i manao ai, aka, i loaa hoi

ia'u ka lanakila e like me ke kulana a'u

e ku nei, alaila, e lilo ana oe i pio imua

o'u, a e hulu pu ia hoi oe me ka poe pio,

no lakou na iwi i lilo i pihaa i ka ua ia

e ka ua, a i kuakea hoi i ka nee mau ia

e ka la.

Ia wa no mahope koke iho, e holu ae

ana ua o Keahinoa i ke kui i ka umalu

pali me kona lima, me ka manao paha,

e make ana o Lo Hipa ma ia mea, no ka

uhi paapuia iho e ka lepo, aka, ua alo

iki no kona kulana, a o na huna lepo

wale no ka mea i pa mai iaia, a o ke

kukonukonu a pau, ua uhi paapu ia iho

ola ia maluna o Keahinoa; a oiai oia ilo

ko o kahi puai hanu ole, hoomanao ae

la oia i ka make o Lo Hipa; aka, e like

me ka nui o kona ikaika, uumi iho la

oia i kona hanu, a ia hue ana no, ku me

he pali la ma kela aoao, a pela no hoi

ma keia aoao, a oili ae la oia a ku ana

iluna, a i nana mai auaunei kona hana, e

ku lanakila aku ana no o Lo Hipa, aia

hoi, komo iho la ka inaina wela iloko

ona, a kui hou iho la oia ilalo, a lilo ae

la ia wahi i awawa hohonu, a na ia awa

wa i hookaawale ia laua, a ku kekahi

ma kela aoao, a pela no hoi kekahi ma

keia aoao, aka, aole nae pela ko Keahi

noa makemake, no ka mea, o kona ma

nao, o ke ku pono o Lo Hipa ma kahi

ana e holu iho ai i ke kui a lilo i awa

wa, alaila, e haule ana o Lo Hipa a ma

ke iloko o ia awawa hohonu, aka, aole

nae i ko ia manao ana ona.

O ka inaina iloko o Keahinoa no Lo

Hipa, ua pii ae la ka ula i kona mau pa

palina, a kahe mai la ke koko ma kona

mau maka, a o kona mau manao maikai

a pau, he ino wale no.  Aia nae iloko o

ia ;manawa ona e ulupuni ana i ka huhu,

lalau iho la oia i kekahi pohaku nui, a

maa mai la ia Lo Hipa, a ia alo ana ae

no a Lo Hipa, halahu aku la ua pohaku

nei, a he mau mile mamao kona wahi i

haule ai.

Ma keia mau hoao a Keahinoa, no ko

mo iho la ka manao uluhua iloko o Lo

Hipa, aole nae me ka inaina maoli, aka,

he makemake loa kona, e hoopau loa o

Keahinoa i kaua mau hana hoao, a e

loaa ia laua ka launa oluolu ana mamua

ae o kona hiki ana aku i ka palena o ka

hi ana i manao ai, aka, aole nae he aka

kuu iho o ko Keahinoa manao, oiai na

hukiku ae la oia mamuli o kona ikaika,

aole nae ona hilahila iki no kona hoo

hoku pinepineia e kana mau hana, no

laila, lalau io la oia i kana wahi eke

talena, a ia hoohamama ana aku no, o

 

ka lele walawala mai la no ia o Keahinoa,

maluna mai o ke awawa hohonu a laula

e waiho ana mawaena o laua.  Aka, i

ka hiki ana nae o Keahinoa ma ka waha

o ka eke talena, aia hoi, loaa ae la iaia

ka aoao maluna o ka waha o ka eke ta

lena, a ua hooikaika loa oia i ka paa ana

malaila, a hala paha elua hora, maloeloe

loa iho la na ima o Lo Hipa ma ka paa

ana, a o kona hookuu ae la no ia, a umii

koke ae la ka waha o ka eke talena.

 

A ike nae o Lo Hipa, ua lanakila o

Keahinoa maluna o kana eke talena, ua

haohao loa oia i ke kumu o ka nawali

wali ana o ka mana o kana wahi eke ta

lena, kona puuhonua anakila o na wa i

hala, nolaila, hoomanao ae la oia no ka

na pahi wakawaka, unuhi ae la oia a i

iho la, O oe wale no ko'u wahi kokua i

koe, a neloe mai no ia oe, alaila, e lilo io

ana au i pio e like me ka ia la olelo, a e

kanu ia ana ko'u mau iwi ma keia wahi,

aka, oaole nae i oi ae kuu minamina no

olua, kuu mau kokua mai kuu mau la

heu ole a hiki inehinei, a i keia la paha

auanei, e pau pu ana ko olua lanakila, a

e kaawale ana ko kakou noho pu ana, a

e lilo ana olua me ka haku hou, aka, ke

noi aku nei nae au ia olua, a i pio io au,

pea no hoi e loaa ia'u ka lanakila, a pela

no hoi e lanakila ai ko olua mana, e like

me ko na wa i hala.

A pau ka Lo Hipa mau olelo kaukau,

kaikai ae la oia i kana pahi wakawaka,

me ka manao hoi e hahau mai maluna o

Keahinoa, aka, no ko Keahinoa ku ma

mamo ole aku, oiai na naenae mai la

o Keahinoa a kokoke loa, a hopu mai la

i ka pahi a me ka lima, a paapu ae la i

ka manawa hookahi, a lilo iho la laua

ma ke aumeume ana, aohe nae o laua

mea i lanakila, a hala na hora elua, hoo

maha iho la laua, a mahope iho o ko la

ua hoomaha loihi iki ana, hoomaka hou

lana e aumeume, a ia no nonoke hou

ana iho, lawe ae la o Lo Hipa i ka haka

ka ana a na holoholona, a ma ia ano ha

kaka oia i hana aku ai, a ua kua pilikia

maoli no o Keahinoa, a i mai, Aole ka

ua he mau holoholona, e hakahaka ai e li

ke me ka lakou, aka, e hana kaua ma ka

mea i ku i ko kaua ano.  Pane mai hoi

o Lo Hipa, Ina hoi ha pela, heaha hoi

ko kana mea e aumeume nui e like me

na ilio i ka pauku hookahi?  I mai la

o Keahinoam, Ae, pela no, no ka mea, o

ka kaua mea e aumeume nei, ua like no

ia me ka pauku iwi hookahi ma ka wa

ha o na ilio, e ake ana kekahi e lilo iaia,

a pela no hoi kekahi; a pela no hoi ka

ua i keia manawa, he makemake loa au

e lilo au e lawe ae ai i kou ola, a pela no

hoi oe no'u, aka, o ka mea nae o kaua e

lilo ai, aohe no ia i maopopo loa, no ka

mea, ke ike nei no au, ke pii like nei ko

kaua mau ikaika.

A hala hou kekahi manawa o ko laua

aumeume ana, noonoo iho la oia no ka

na mea i olelo ai, oia hoi, Ina e pio ana

oia, pela no e pio ai ka mana o ka pahi

a me ka eke talena, a ina hoi oia e lana

kila ana, pela no hoi laua e lanakila ai.

A ma keia manao ana ona pela, ua hoo

kuu aku la oia i ka pahi, a lilo aku la ia

Keahinoa.  Aka, i mai nae o Keahinoa,

E haawi mai ana no ka hoi oe i ko pahi

ia'u, heaha no la hoi kou mea i haawi

mua ole mai nei, waiho mai nei oe a lu

hi au, a ua piha hoi au i ka inaina a'u i

noni iho ai nou, nolaila, e lawe koke ana

au i kou ola ma ka maka no o kau pahi,

kahi e hiki ole ai i kou ola ke hoopake

le ia oe iho, no ka ea, he kanana ino

oe, a o kau mau hana a pau, he ino wa

le no, no ka mea, ia oe iho nei, lilo ana

ka nani o kuu aupuni i mea ole, a pehea

la auaunei oia e hoi hou ai a like e kona

kulana mua?  Aole loa e pau kuu mi

namina nona a hiki wale i kuu ike hou

ana i kona kulana mua, ka nani a'u i

manao ai, aohe kuua nana e kalohe, a

eia ka o oe no ke koloohe nui; ua pono

no hoi ia, ina no la hoi he ikaika maoli

kou nou iho, e like me ko'u nei, ina no

la hoi ua ono, aole ka uaunei, no ka

mea, o kou ikaika, he ikaika pakuikui,

a ina oe e nele ana i na kokua mawaho

mai, o oe kahi kanaka haule ino loa, a

nanawai no lla hoi oe e hiki mai i keia wa

hi; a ina no hoi o oe io ke kane hoopa

lau a kuu kaikuahine, aia malaila kona

kuhihewa nui, nolaila, ke hoomaopopo

loa nei au i na kumu nui a'u i manao ai

e lawe i kou ola, oia hoi,  1.  O kou ha

na ino ana iho nei i kuu aupuni.  2. O

kou hooluhiluhi wale ana ia'u.  3.. O kou

hoopalauia ana me kuu kaikuahine.  A o

keia mau kumu ekolu, ke waiho ae nei

au ma ka maka o keia pahikaua, a e inu

auanei lakou i kou koko, a o kou kino

e hui pu ia aku no ia me na heana o ka

poe pio, aka, i hala kou ola ma ka maka

o keia pahikaua, alaila, e hopu aku no

au ia oe a hoopaa aku ma kahi e hiki

ole ai ia oe ke ola loihi no na mahina

elua a me ke anahulou hookahi.

 

A pau keia mau olelo a keahinoa, la

lau iho la oia i ka pahikaua, a ia hahau

ana aku no maluna o Lo Hipa, aole nae

keia i alo ae, aka, o ka pahi no ka i ha

lahu ae, a pakele no o Lo Hipa.  A ike

nae o Keahinoa, ua pakele o Lo Hipa

ma kana hauna mua, aia hoi, hoao aku

la oia ma ka uhau alua ana, a halahu

aku la no, me ka lihi launa ole mai.  A

ma keia mea, i iho la oia, E kuhi ana

au i keia mea, he mea make la, eia ka

he mea hoomaka'uka'u wale iho no, a

no kau waiwai ole, ke kiola nei au me

kaihoomanao hou ole aku ia oe.  Lalau

iho la hoi oia i kahi eke talena, a olelo

iho la, Ina no hoi e like kou waiwai ole

me kela pahi hoohinuhinu, alaila, e kio

la no au ia oe me ka hoomanao hou ole

aku, nolaila, a ia hoohamama ana aku

no o Keahinoa i ua wahi eke nei, o ka

welelau wale no o ka lauoho o Lo Hipa

ka i luli ae, a oia kupaa no o ke kino,

aohe wahi mea a naue mai.  A ike nae

o Keahinoa, aohe i hookoia kona make

make, manao iho la nae oia, no ka uuku

la o ka waha o kana hoohamama ana, a

nolaila, lena ae la oia a pau pono na alu

o ua wahi eke nei, aohe nae he wahi

mea a nee mai o Lo Hipa, aka, he oni

wale ana ae no ka kona kino.

(Aole i pau).

"KA HEWA O 'KE KAUA,

A ME

KA MEA E PAU AI."

 

HEAHA NA MEA E PAU AI KEIA HEWA?

IV.  Ua hoike ke Akua i kon amanao no

ia hewa, a ua maopopo lea-Ma ka wana

na a na kaula kahiko, a ma ke ao ana o

Iesu a me kana mau haumana, ua akaka

ko Iehova manao e pau ai ke kaua ma ka

honua nei.

Eia kana olelo ma Isaia 2:4  "Nana no

e hooponopono mawaena o ko na aina, a e

ao mai hoi i na lahuikanaka he nui loa; e

kui lakou i ka lakou mau pahikaua i o-o

palau, a e ko lakou mau ihe hoi i pahi

paipai; aole e hapai ko kekahi aina i ka

pahikaua, e kue i ko kekahi aina, aole hoi

lakou e no hou i ke kaua."  Eia hoi ma

Isa52.7.  "Nani wale hoi ma na mauna

na wawae o ka mea hai i ka euanelio, ka

mea hoolaha i ka malu, ka mea hai i ka

euanelio maikai, ka mea hoikeike i ka ala,

ka mea olelo ia Ziona, ka malama aupuni

nei kou Akua."  Ma Isa. 9:5-Ua kapaia

ka Mesia "Kealiiokamalu."  E hoolilo no

hoi au i kou poe kini i poe hoomalu, a me

ka poe luna auhau, i poe hoopono.  Aole

e lohe hou ia ka hao wale ma kou aina,

aole hoi ka poe kaumaha, a me ka anai

ana ma kou mau mokuna, aka, e kapa iho

oe i kou mau pa, he ola, a me kou mau pu

ka pa hoi, he hoonani.  *  *  *

A e lilo auanei kou poe kanaka, i poe po

no, a e noho mau loa no hoi lakou ma ka

aina.  Isa.  60:17, 18, 21.

Ma keia mau olelo wanana ua hoomao

popo ke Akua i kona manao e hooki i ke

kaua, e hoopau i ke kaumaha, ka hao wale

a me ka hoohaunaele, a e hoomalu i ka ho

nua  Pela hoi kona manao i hoikeia ma

Luka 2:14.  I ka hanauia ana o Iesu ke

Alii, na lele mai la ka lehulehu o ka puali

o ka lani-e hoolea ana i ke Akua, e olelo

ana, E hoonaniia ke Akua ma na lani kie

kie loa, a he malu hoi ma ka honua; he

aloha no i kanaka.

Ma ke ano hoi o ko Iesu naho ana, a me

kona ao ana, ua akaka lea kona makema

ke e kukulu i aupuni ano hou, i aupuni ka

ua ole, hakaka ole, pepehiole-a e hoopau ke

kaua ma ka honua.

Nolaila ua papa ia ka huhu a e ka pe

pehi ana o Petero a me ka makemake o

Iakobe me Ioane e hoopai i ka poe hooki

pa ole ia Iesu-I mai o Iesu ia laua, aole

olua i ike i ke ano o ko oloua naau; no ka

mea, aole i hele mai ke Keiki a ke kanaka,

e pephi i na kanaka, aka, e hooola no.  Luk.

9:55, 56.  E noonoo hoi kakou i ke ano

kona ao ana ma Mat. 5:3, 5, 7, 7.  44-"Po

maikai ka poe haahaa ka naau-Pomaikai

ka poe akahai-Pomaikai ka poe i aloha 'ku

Aloha aku i ko oukou poe enemi, e hoomai

kai aku hoi i ka poe hoino mai ia oukou, e

hana lokomaikai aku hoi i ka poe inaina

mai ia oukou"-a pela 'ku no-ma Mat. 11:

29  "E aoia oukou e a'u, no ka mea, ua

akahai au, a ua haahaa kuu naau, a e loaa

ia oukou ka maha no ko oukou mau uhane."

Eia hoi kekahi olelo akaka nui-ma Pete

ro I.  Mok. 2:21, 23  "Ua hoinoia o Kris

to no kakou, a ua waiho oia no kakou i

kumu hana, i hahai aku ai oukou ma ko

na mau kapuai-Aia kuamuamuia mai oia,

aole ia i kuamuau aku; a i kona hoeha

ia, aole ia i olelo hooweliweli aku."

No keia ao ana o Iesu i kana mau hau

mana e noho akai e ka hoopai ole i ke

iuo, ua haalele lakou i ke kana a me ka

hakaka-I mai kekahi mooolelo ekalesia

kahiko aole i ae na hoahanau kristiano e

hele i ke kaua no na makahiki 300 mai ka

wa o Iesu mai-Nui ka huhu o na lii kaua

no ko lakou hoole ana i ke kaua, a ua hoo

maauia na hoahanau, a ua pepehiia keka

hi poe no ko olakou manaopaa, aole hele i

ke kaua-nolaila,

EIA NA MEA E PAU AI KE KAUA.

1.  E nana ua hoahanau a pau ia Iesu,

ke kumu hemolele, a me ke kumu hoohali

ke-e hoolohe i kana ao ana, a e noho e li

ke me kona noho ana-mai hoolilo kakou i

na kanaka lalau i mau kumu hoohalike,

ke like ole ko lakou ao ana me ko ke ku

mu hemolele

2  E ao hoi na kahuna euanelio i na

ekalesia a me na kanaka a pau ma ke ano

hewa nui o ke kaua-e ao pinepine me ke

aloha, me ke akahai a me ka hoomanawa

nui-mai noho ekemu ole o pili auanei ke ko

ko o ka poe i pepehi ia i ke kaua ia kakou

3  E hoopii haahaa na ekalesia i na lii

o ke ao nei e noono, a e imi koke i na

kanewai e pau ai ke kaua-I mai o Iesu i

na haumana ana-"Oukou no ka melamala

ma o ke ao nei."  A ua kauoa ako ia la

kou e hoike ak i ko lakou malamalama

imua o na kanaka.

Hookahi poe hoahanau i kaulana loa mai

ka wa kahiko mai no ke lakou hoole i ke

kana-Oia hoi ka poe Kueka, kapaia na

Hoaalohal  Aole lakou e ae iki e hele i ke

kaua a hiki i keia wa.  Ua hoopai ia ke

kahi poe o lakou, a ua hoinoia a ua hooma

auia, a ua pepehi ia kekahi o olakou, aole

nae i ae lakou e hele a e pepehi kanaka i

ke kaua ana.  A ua hoopii pinepine lakou

i na lii e ohi i ke kaua, a e haalele i ka pe

pehi i na kanaka.

4.  A no ka maopopo lea o ko ke Akua

makemake e pau ke kaua a me na mea ino

ma ka honua nei, e pule kanalua ole ia Ie

hova i hiki koke mai kona aupuni, a i ma

lamaia kona makemake ma ka honua e li

ke me ia i malamaia ma ka lani la.  Aia

hiki io mai ke aupuni o ke Akua, alaila na

malu e like me ka olelo ma Roma, 14:17

o ko ke Akua aupuni, oia "ka pono, a me

ke kuikahi, a me ka olioli i ka Uhana He

molele."  Nolaila, aole pono ia kakou e

pule i ka Akua "e hiki mai kona aupuni,"

alaila e hele aku e pepehi kanaka, a e ko

kua i ke aupuni o Satana. Ina i pule ka

kou i ke Akua i malamaia kona makema

ke, sole pono ke hele aku a e pepehi i ka

naka, no ka mea, aole pela ma ka lani,

aole hoi kona makemake e hanaia ai ma

ka honua nei.

5.  Eia hoi kekahi mea e oki ai ke kana.

O ke kuikahi-o na aupuni karistiano a pau

a hooholo i mau kanawai aelike a kela me

keia aupuni e haalele i ke kaua, a e kuku

ia ia Aha Hookolokolo, a e hooponopono

iwaena a na Lahuikanaka a pau.  E koho

kela me keia aupuni i mau lunakanawai

kiekie loa, a e kukula lakou i aha hoopo

nopono aupuni i kela a i keia makahiki a

hiki mai he kumu kue iwaena o na aupuni

elua, aole laua e kaua, aka e hoopii laua

imua o keia aha, e like me ka hoopii ana o

na kanaka kue a pilikia hoi imua o na aha

lauaka@@wai hookolokolo o na aupuni.

Ua nui na Ahahui hoole kaua i keia wa

aia ma Amerika, ma Beritania, a me Euro

pa.  A ke hoopii nui nei i ua mau aha la

imua o na lii o kela me keia aupuni, e noo

noo a e kukulu i aha hooponoono no na

aupuni a pau.  Ua oluolu loa kekahi poe

alii, me na luna koa, na lii manuwa, a me

na kiaaina, ka poe naauao, a ikaika hoi

Ua hui pu, a ua kuke nui, a ua aneane ho

lo keia manao maikai i ka nana ku.  Ke

kakau nei kekahi mau loio naauao i kumu

kanawai a i mau rula e malu ai na aupuni,

a e kokua ai i na una kiekie e kohoia ana

e hookolokolo a e hoopaapaa i na pilikia a

pau iwaena o na lahuikanaka i ole ai e he

le hou na aupuni i ke kaua a me ka pepehu

kanaka.

O keia hoi ke ano o ka hana a na luna i

kohoia no kela pilikia iwaena  Beritania

a me

Amerika Huipuia, no kela moku po

wa o Alabama, ua hooponoponioia kela pi

likia a ua pau pono me ke kana ole, oia

hoi ka hana ma keia hope aku e pau ai ke

kaua ioaina o na aupuni, a e kuikahi ai

ka noho ana o na lii me na lahuikanaka.

Aia holo ia hana, pomaikai na kanaka

ma ke honua nei, a ko kela olelo wanana

a Isaia Mok 2:4.  "e kui na lahuikana

ka i ko lakou mau pahikaua i o-o palau

* * * aole hoi lakou e ao hou i ke

kana."

Na ka Haku e hoohikiwawe mai ia po

no, a e hooikaika pu kakou me ia, ma keia

hana e malu ai ka honua.  T. Coan.

P.S.  Aole e hoole keia palapala i na

kanawai e papa ana i na hana hewa ma

ka ohana, kulanakauhale a me ke aupuni.

Aole hoi hoole i ka oihana a na lii me na

lunakanawai e hoopai i na lawehala, na

kipi, na mea e hoopoino ai ka noho malu

hia ana, a me na mea e komo hewa ana e

like me na powa, me na pepehi kanaka.

He mea pono i na lii ke hoomalu e like

me ka mana a ke Aku ai haawi ia lakou.

 

Ka Hokuwelowelo

[Eia malalo iho he wahi leta e hai mai

ana ia makou no ka mali@@i nona ka inoa

maluna'e, a no ka piha mau o ka pepa, ua

hoopuka koke ole aku makou.  L.H]

KIKIHALE, HONOLULU,

Iulai 2.  Hora 8 P.M.}

E KA LUNA HOOPONOPONO:

Mai ke ahiahi Sabati, Poakahi, Poaoua,

A Poakolu iho nei, (Iune 28, 29, 30, a me

Iulai 1,) ua ike aweawea aku au i kekahi

mnea ano powehiwehi a ka lani, me he ano

hoku puhi paka la, me ka aweawea iki nae

aia ma ka Akau Komehana ae, a me ka po

Poakolu nei na ano maopopo iki a no ke

ano paa o ke ee o ka lani i ka pohina ua,

na ike powehiwehi ia no, a nolaila, ua hai

koke ole aku au ia oe, a i ka po Poaha nei

ua maopopo lea i ka maka maoli ke ike 'ku

i ka hueo o ua hoku welowelo ia e kau nei.

Aka, he mea pohihi nae ka hoike oiaio

ana aku ia oe, i ka loa o kahi a kona hue

lo i moe ai, aka me he la no nae hoi, ua

oi ae mamua o umi degere ma ka loa.

No ia mea, he mea kupauaha no keia,

oiai ua hoomaopopo ia e ka poe ana mana

wa a kilo lani hoi, o ke kolo ana o Ukali i

ka maka o ka la oia ka mea ano nui o ke

ia makahiki 1874, a me na pouli ana.

A he mea paakiki hoi ke koho pono ana

i ka wa e hoea mai ai na hoku o keia ano,

oiai, he hele ulolohi ko laku ma ko lakou

Alanui Poai oloolo mai ka La mai, a aole

e hiki aku i ka umi o keia ano hoku e ike

ia ana iloko o ke keneturi makahiki hoo

kahi-koe nae o E@ke, ane 30 a oi ikeia'na.

Ua kiai pono au i keia mea iloko o na

po a'u i hai mua ae nei, me ke ake e ike

pono i ka hope o keia, a ua maopopo lea

kona ano i keia wa.  I na po kinohi o kua

ike ana i keia malihini hou, i kokuaia mai

e kekahi Ohe-nana, ua ano haohao au, no

ka mea, na pononohu ano noe me he mahu

la ka malamalama, a i kekahi mau po mai,

ua mohala ae me ke ano balapola.  Ua

ake loa no hoi au e ike lea i kona kulana

ma ke ao oli, ma o na alakai ana a na Ru

la me na loina i ikeia ai ma ka Buke Ao

Hoku, aka hoi, ua keakeaia mai ia mau

koii ana e ka neloe i na mea paahana ole.

Ke manao iho nei au e ike ana no oe i na

hoike oiaio a ka poe Ao Hoku maoli o ke

ia kulanakauhale.  me ka mahalo.

J.W. Mikasobe.