Ka Nupepa Kuokoa, Volume XIII, Number 23, 6 June 1874 — Page 4
| This text was transcribed by: | Albert Akiona |
| This work is dedicated to: | Kumu Uluhani Waialeale |
Ka Nupepa Kuokoa
KE KILOHANA POOKELA NO KA LAHUI HAWAII.
BABY MAY
1.
Leo ole ma ka hale;
Kau na aku kanikau;
Kaiia'e na lole iki,
Me ka bela hihi po.
Hamau ea I lohea
Ko ka bebe kapuai;
lohe ole ia nae
2.
Alu ae na wawae iki
I na maoa a pua maikai;-
Leo bebe, leo aka,
Oli i ka lohe ae.
Maka lai, Nona mai,
Oiai me makou nei;
Oli makou, oli e.
3.
Luhi nae na wawae iki,
Anu hoi na lima nei,
Kau ke aka o ka make
Ma ka lae o Bebe Mei.
Paa na moka, Maka aka-
Kanikau na manu iki-
Moe, maha ke kamaiki.
4.
Lua ole ke aloha!
Nalo aku Bebe Mei-
Kahe wale na waimaka-
Ka makua, awe e!
Malu e, Bebe Mei!
Na ke Akua i hoomoe,
Kiai pono in a ke pouli.
5.
Oli nae e ka makua,
Ole ma ka lua nei
Kau kamaiki hiwahiwa;
Aia hoi. Ua ala e!
Hamau ea! Leo lea!
Leo mele aha nei?
Leo ia o Bebe Mei.
Hawaii.
HAAWINA KULA SABATI.
Ka Hapaha Elua o 1874.
HELU 12, SABATI LUNE 21.
KUMUHANA - Ke Kaula Oiaio.
Pauku Baibala. Kanawailua 34: 1 - 12.
PII aku la o Mose mai na papu aku o
Moaba ma ka puu o Nebo, maluna pono o
Peisega, e ku pono ana i Ieriko; a hoike
mai la o Iehova iaia i ka aina a pau o Gi.
Leada a hiki i Dana,
2 Me ka uina a pau o Napetali, a me ka
aina o ka Eperaima, a me ko ka Maonse,
a me ka aina a pau o ka Iuda, a hiki aku i
ke kai ma ke komohana,
3 A me ke kukuluhema, a me ka papu
o ke awawa o Ieriko, ke Kulanakauhale
laau pama, a hiki i Zoara.
4 Olelo mai la o lehowa iaia, Eia i ka
aina a'u i hoohiki aku ai ia Aberahama, ia
Isaaka, ia Iakoba, i ka i ana aku, Na'u
no ia e baawi aku i kau poe mamo: ua
hoike aku au ia i kou mau maka, aka ,aole
oe e hele aku ilaila.
5 A make iho la o Mose ke kauwa a
lehowa ilaila, i ka aina o Moaba, e like me
ka olelo aua mai a Iehova.
6 Nana no ia i kanu ma akekahi awawa
ma ka aina o Monba, e ku pono ana i
Betepeora: aka, aohe kanaka i ike i Kona
wahi i Kanuia ai a hiki i keia manawa.
7 Hookahi haneri a me ka iwakalua
o ko Mose mau makahiki i kona manawa i
make ai; aloe i powehiwehi kona maka,
aole hoi i emi kona ikaika.
8 Auwe iho la na mamo a Iseraela ia
Mose ma na papu o Moaba i na la he
kanakolu; a pau iho la na o ka uwe ana a
me ke kanikau ana ia Mose.
9 A o Iosua ke keiki a Nuna, ua piha
i ka Uhane e naauao ai; no ka mea, ua
kau aku o Mose i kona mau lima maluna
iho aku o Mose i kona mau lima maluna
iho on a: a hoolohe aku la na mamo a
Iseraola iaie, a hana aku la e like me ka
lehova i kauoha mai ai ia Mose.
10 Aole i ku mai ke kaula ma ia hope
mai iluku o ka Iseraela e like me ka
Mose, ka mea a Iehova i ike mai ai he
maka no he maka;
11 I na hoailona, a me na mea kupanaha
a Iehova i hooana mai ai iaia e hanna
ma ka aina o Aigupita, ia Parao, i kana
mau kauwa a pau, a i kona aina a pau,
12 I ka lima ikaika loa, a me ka mea
makau nui loa a Mose i hoike aku ai imua
o na maka o ka Iseraela a pau.
PAUKU ALAKAI. Halelu 90:12. "E ao
mai oe i ka helu i ko makou mau la, i komo
mai ai ke akamai i ko makou naau"
MELE. Him. 36. Leo-Safe Refuge. The
Glory, p 158
1
I kea kau i kela kau,
O oe no ke Akua mau,
He puuhonua no makou,
He wahi maha, malu no.
3
Aka makou, na kanake,
Ne lawelawe, na oia,
Pokole a pau koke ao
Na la na Hora o makou.
Puis i ola kakou a hoomakaukau no ka
hopena.
NA NINAU A KA KUMU I NA PAPA
P 1-1. Na mea iloko o keia mau pauku
eham heaha? pii'na o Mose i ka puu
o Nebo, a hiki loa i kona piko, o Pisega.
2 Ko lehova hoike ana iaia i ka aina o
Kanaana. 3 Ka Iehova olelo ana, Ka aina
keia e lilo ana i na mamo a Aberahama
e like me kana hoohiki e ana 4 Ka ae
o Iehova e ike na maka o Mose ia aina,
aole nae e komo aku iloko.
Ma ka aina hea o Nebo? Owai ka inoa
o ka pike oNebo? E kupono ana ia wahi?
Mai hea a hea i hoikeia'i na aina? Mahea
Eileada? Dana? Napetali? Eperaima?
Manase? Ioda? Zoara? Owai ke
kulauakauhale laau pama? Zoara, owai ka
i holo ilaila memoa? Kio. 19:22 I ka
wa e ola ana Mose, ua akaka anei na mahele
aina o na ohana a Iaakoba, kahi e moe
aan &? Akaka ko kekahi, akoka ole
ko kekahi. No ke aha ko ke Akna haule,
aole o Mose e komo iloko o Kanaana?
mok. 32:51, 52 Owai kekahi i kaiia'ku i
ka manua kiekie, a hoikeia iaia na aupuni
o eia ao? Mat. 4, O Pisega anei i puu?
P. 5-8. Ehia nei iloko o keia miu
pause eha? 1 Ka make ana a me ke kanu
ana o Mose. 2 Ka nui o na makahiki
o Mose me kona ikaika i ka wa i make ai.
3 Ke kanikau ana o ka poe Iseraela no
Mose.
Mahea o Mose i make ai? E like me
me aha? mok. 32:49,50. Mahea o Mose
i kanuia'i? Nawai hoi i kanu? Ua ikeia
kona lea? Owai ka luna anela malaiia, a
hoopaapaa oia ma wai no ke kino Mose?
Inda 9. Eia makahiki o Mose? Eaia
makahiki ana i haawi mai ai no ko kanaka
ola ana? Halelu 90:20 Hoopanaau.
Ehia la ke kanikau ana no Mose? Mahea
hoi? Owai kekahi mau mea i kanikauia
pela? Kin. 50:3. Nahelu 20:29.
P. 9-12 Ehia mau mea iloko o keia
mau pauku eha? I Ka pani o Mose o Iogua,
kona piha ana i ke Uhane Haonaauao,
ka hoolohe ana o ka poe Iseraela iaia.
2 Ke anu lua ole o Mose.
Owai Iusua? Ma ke aha i loaa ai ka
Uhane e naanao ai? Hai mai i kekahi
mau hana maikai a kaulana ana. Hai mai
hoi i kekahi mau hana nui a Mose
MELE Him 36. Leo - Wells (Waioli.)
4.
Ka make, me he muliwai,
ke kai ia makou mai nei ae;
A, me he lau ka nani nei?
5
Ke Akua e, nau no e ao
Ia makou nei e hoomanao,
Ka make ke kokoke mai,
E ala, aule, a kiai.
NA NINAU A KE KAHU.
Na Makua. Ua pii Mose i kekahi mauno,
owai ia mauna, me on a piko? Mahea
Hoi? Nawii ia i kauoha e oii ilaila? No
ke aha? Ua ike maka o Mose ia Kanaana
me kona ano maikai, Ua komo kino
anei oia? No ke aha ke komo ole? Ina
ma ka hewa e houleia'i ke komo ana iloko
o ka lani, owai ke ae ia e komo? Pehea
la e hiki ai ke komo? Ua komo anei o
Mose iloko o Kanaana hou? Mahea i
maopopo ai? E lilo ana Kanaana hou iawai?
I ka põe hooikaika ole anei e komo?
NA KEIKIKANA. Mahe o Mose i make.
ai? Make oia i ke aha? i ka mai? i ka
pepehiia? I ka elemakule aua anei? Aole
oua mai, aole oia i pepehiia, ua elemakule
no, he elemakule ikaika nae. Ua hoohiamoe
paha ke Akua iaia, e like me kona
Hoohiamoe ana ia Adamu, a iaia e hiamoe
ana, kaili aku la ke Akua i kona hnu me
kona thane. Make oluolu no oia. Owi
ka i ike i kona make ana? Ke Akua, na
anela, ka diabolo ma. Aole anei he kanaka
i ike? Aole.
NA KAIKAMAHINE. Make MOse, aohe
kanaks e noho pu ana, nawai la i wa-hi,
i eli i ka lua, a hookuu iho iloko, a hoonalo
aku? Ua ikeia anei kahi i kanuia'i?
Aole anei he laau, he kiapohaku, he paila
pohaku, he hale keokeo kupapau e kuhi'na
i kahi i kanuia'i? No ke aha i huna loa
ia ai kona lua kupapau? Heaha kona kia
hoomanao? Heaha ko oakou kia maikai
e hoomanaoia ai okou mahope o ko oukou
make ana? Owai na mea i hoopaapaa no
ke Kino o Mose?
NA POKII - He make aha ko Mose? he
make kupanaha, he make ma khi mesa
meha loa, kahi kanaka ole. Ua ike nae
kekahi põe i kona make ana, Owai lakou?
Ke Akua, Mikaela, ka dibolo. He kanu
aha ko Mose? he kanu kupanaha, aohe
kanaka nana e kanu, na ke Akua no i kanu.
Kokua nae kekahi Anela, o Mikaela,
A keakea mai ka disbolo, heaha la ka
makemake o ke diabolo? Makemake paha
oia e lawe i ke kino o Mose nona iho, i
mea hoomana na na kanaka. Makemake
anei ke diabolo ia oukou, i ke kino i ka
uhane? Ae. A, e ae anei oukou e lilo
nona? Ke ae nei no kekahi poe, ika poe i
haalele i ke kula sabati, i ka halawai, i ka
ekalesia, &o Ehia makahiki o Mose? 120
Ua elemakule loa anei oia? Ua palupalu
anei?
KA KULA APAU. Hei mai ka pauku
alakai - me na mauao e pili ana i kakou.
Aia Moae mahea i keia wa? Pehea la e
hiki ai ke hele aku a noho pu me ia ma ka
lani? Pehea la e loaa ai ka inoa kaulana
maikai me ko Mose?
Mele - "The burial of Moses," Leo
Middleton, (Hoo lulu.)
1 Ma ka mauna laa o Nebo,
Kahi mehameha no,
Ma ke awawa lipolipo,
Kahi ino kupapau.
Na ua auela i eli,
A wahi ke kin make
No ia loa nalo nei.
2 Lua ole ia hoolewa!
Lohe ole ia no
Na wawae e hohi ana,
Me na leo kanikau.
Palanehe me ke alaula -
Ke pa mai la ma ni ao;
Paianehe me ku puuli
Ke uhi la ma na puu.
3 Ano e na komakena,
Oia no na puu omao;
Na anela ao na amo,
Na hoku na lamaku,
Na ka lima o Iehova
I hoopaa ke kupapau,
A kai ae a hookuu iho
I ka Ina nalo mau.
PULE a hooka aku.
Haawina Kula Sabati no Ione 28
Ka hoihope ana. HAWAII
Oiai e mau ana ko Ileova ano
Akua, e mau no ko'u malama
ia ia.
Wahi a kekalii kauaka i hoole i ka hanalima
ma ka la Sabiti.
He la nui ke Sabiti. He la hooki i ke hana
limo, a hoomaha. oia hoi ka waiho
ana in a hana hooluhi i hanaia ma na la noa.
Ko ke Akua kanawai ia, "Ehoomanao i
ka la Sabati, a e hoanno ia. I na la eono e
hana'i oe i kaii hana a pau. Aka, o ka hiku
o ka ia, he Sabati ia no Iehova, no kou
Akua, aole loa oe e hana maia la, aole hoi
kau keikikane, aole kau kaikamahine, aole
hoi kau kauwakane, aole hoi kau kauwawahine,"
a pela aku. E waiho na makua,
na keiki, na kauwa, na paahana i ka hana
Kino i ka hana luhi, i ka hana e waiwai ai,
ma na la Sabati; a e hoomaha ma ia mau
la ma ka hana ana i na haua i pili i ka
unane, a i ka hoomana ana i ke Akua.
A i mea e maopopo ai ka oiaio o keia
kanawai, a me ka makemake io o ke Akua,
na waiho oia i kumu hookalike imua o
kakou, oia hoi kona hoomaha ponoi ana ma ia
la. Hana ke Akua i kana mau hana, a hoomaha iho la.
Ua akaka noke kanawai Sabati. Ua paa
naau i na makua. i na keiki ma Hawaii nei.
Ke kanawai keia i pai muaia, a hoopaa
muaia i ka puka ana mai o na misiouari
ma ka makahiki 1820. Ua hoopaaia, a hai
pualuia e na makua, e na keiki, e na alii.
A huli mai na lii mamuli o na misionari,
kokua lakou i na misionari ma ka paipai
ana i na kanaka e malama i ka li Sabati, a
ma ke kau ana hoi i kanawai hoomalu ia la.
A huli mai na kanaka a loaa na kumu,
na hoahanau, na luua ekalasia, na kahu
ekalasia, na kahuuapule, paipai hoi lakou i
na kanaka, i na haumana, e malama i ka
la Sabati. A ma na makahiki mua mai ka
1821 a hiki i ka mak. 1850 paha, nui no ka
malama ana i ka la Sabati ma keia pae aina.
He la nui io ia, he la hoano io, i ka
manao o kanaka. Hana lakou ma na la
eona, a ma ka la Sabati, waiho lakou i ka
hana, i ka hele io ianei, a hele no i na
halawai, i na kula Sabati. Kakaikahi ka hehi
Wale ana i ka la hoano. Makua kanaka
me kamalii i ke Akua ia manawa. A
mahuahua loa ka poe huli mai ma ka pono.
Okoa nae keia wa. He wa hehi wale keia
i ka la Sabati. Hele wale kanaka,
kamalii io ia nei, holoholo lio, hele i kahi lohi,
me ka lawe pu pahi i ka ukuna; noho
wale, hiomoe, waiho wale i na halawai, i
na kula Sabati. A ne like ka la hoano, ka
la a ke Akua i kookapu ai nona, me na la
noa.
No ke aha keia hehi wale ana i ka la o
Iehova, a hoohelike ia me ka la noa? Ua
loli anei ke Akua? ua koololi ane oia
la, a hookoa aku? Ma ka manawa hea,
ma ka aha hoololi kanawai hea i hoololiia'i
keia kanawai no ka la Sabati? Ma ka
buke kanawai hea i kakauia'i ka hoololi
ana? Aole i hoololiia,
he kanawai paa mau
loa i e like me ka paa mau ana o ke Akua,
me kona noho alii.
A no ke aha keia hehi nui ana i ka la o
ke Akua?
1. E ia paha kekahi kumu. Aole akaka
ka oiaio o ka olelo paipai a ka poe e paipai
ana e malamaia ka la Sabati. Aole
lakou i waho i kumu hoohalike maikai
imua o na kauka a me na kamalii, ma ko
lakou malama ponoi ana ia la. Aole lakou
i like me ke Akua. Kauoha ke Akua i na
kanaka e malama i ka hiku o ka la, e hoano
ia, a, malama hoi ke Akua ia la ma ka
waho aua i kana mau hana, a hoomaha
malaila.
E ua kahu ekalesia, na luna ekalesia, na
kumu kula Sabati, na alakai a pau, ke pai
pai nei kakou i na kanaka, i na keiki, na
haumana, e hoomanao, a e malama pono i
ka la Sabati, e waiho i na hana maoli, i na
hevee io ia uei, &c. A pehea nae kakou?
Ua hemolele auei kakou ia la maloko o na
halawai, na kula sabati, ma ke alanui, ma ka
hale. noho malie, waiho i na hana kino, i
na hele i kauhale, a i kahi loihi? Aole
anei i hehi pinepine kakou i ka la Sabati,
a lilo ko kakou hehi ana, malamapono ole
ana ia la i kumu nui e hehi wale ai ka
lehulehu i keia la hoano?
2. Ka makau i ke kanak, a makou ole i
ke Akua, oia kekahi kumu nui no ka hehi
wale ana i ka la Sabati. Makau ke kauwa.
ka paahana, i kona haku hoomaloka. He
haku makau ole i ke Akua, a manao ole i
ka la Sabati. Kena aku la oia i kaua kauwa,
i kona paahana, e hana ia oia i kana kai
No kela mea keia mea. Ua pohomakou
ma ke awa o Tarawa, i poiia e ka nalu ma ka
la 24 o Ianuari o keia makahiki no. Eia ka
maua keiki, mai make loa oia, ua nalowale
laua me kona makushine iloko o ka nalu.
a i ko laua hoea anna mai, na oau ke aho,
a ua kahea huke mai ka makuahine e
Kanoe, kokua koke mai oe. kokoke maua e
paho. A ua wikiwiki au a ua loaa koke
no. A ua pai hou ka nalu a nalowale pu
makou iloko o ka nalu i ka lumilumiia, ua
pau loa ke aho o ke keiki, a na waliwali loa.
Eia ka oui o na nalu i poi iho maluna o
makou, he umi (10.) a ku ana ka wawae
iuka, akahi no a manao ae la ke ola. Aia
iwaho loa keia waw, aia ka aina i uka lilo
loa. Ina he au lawe i waho i ka moana,
in a aohe e loaa ia makou kohola. E pii
ana ke kai i keia wa i make ai makou. oia
ka mea i loaa ai ke kohola ia makou. oia
ka mea i loaa ai ke kohola ia makou.
Eia ko makou mea i holo ai i Tarawa, i
ka mokupuni o Haina, e malama i ka
Ahaina a ka Haku. Elima ko makou nui,
elua kanaka o keia aina, a ekolu hoi
makou. Owau me ke aloha. JW Kanoa.
Make. Holera Infantum.
Dillingham - ma Huuanu - la 21, o Mei -
CHarles Augustus, keikikane na Beniamina
F. me Ema L. Dillingham - moopuna
hoi a Rev. L, a me Mrs. A. W. Kamika.
Hookahi on a makahiki - 5 malama, a me
na la 2 Ewalu la kona mai ana, a make aku la.
Ua hoomaka keia mai me ka luai a me
ka hikoko. Eono la me na po kona pilikia
nui, alaila, pohalaiki mai. Akahi no a
hiamoe maikai a ai uuku me ja luai ole mai.
Kuhihewa makou, me ka maoao na haia
ka pilikia nui. He wahi mai apiki loa mae
keia. No ka mea, i kona moe me ka maluhia,
me na hoailona maikai i kookahi la me
ka hapa, hiki wawe mai ka pilikia o ka
hanu, ua paa na maka, a ua make aku la!
Alohaino ke keikikane - ka moopuna i
mahalo nuiia e makou. "Na ka Haku i haawi
mai, na ka Haku hoi i lawe aku;
hoemaikaiia ka inoa o ka Haku"
Installati N at Kahana - I ka la 28 o
Mei, ua akoakoa ae ke komite ma Kahana
e hoonoho ia Rev D. Kekiokalani, i
kahu no kela ekalesia; e pani i ka hakahaka
o Rev. E. Kekoa, ka mea e hele ana
i kaluaeha Molokai
Penei na haawina: Ia Rev. J. Kekahina.
ka pule mua a me ka heluhelu Baibala.
Ia Rev. E. kekoa ka himeni mua, a me ka
moolelo o kaekalasia.
Ia Rev L Kamika ka haiao, a me ka pule
hoomoho.
Ia Rev. J. Manuela ka himeni elua, ka
lima aloha. a me ke kauoha.
Ia Rev. S. Waiwaiole ke kauoha i ka
ekalasia.
Ia Rev. D. Kekiokalani ka himeni hope a
me ka pule hoakuu.
NA BUKE
I HOOLAHAIA E KA PAPA HAWAII
BAIBALA HEMOELE NUI ILI GULA NANI
me na kuhikuhi ma na aoao - $12.00
Baibala Hemolele Nui ilieleele kaekae wai gula - 5.00
Baibala Hemolele uuku iki iho kae wai gula - 8.00
Baibala Hemolele pananaiki iho ili eleelo - 4.00
Baibala Hemolele ili eleele - 2.00
Kuuoha Hou ili gula nani me na kuhikuhi - 3.00
Kuuoha Hou ili eleele kaekae wai guia - 1.00
Kuuoha Hou ili eleele - .75
Kuuoha Hou Hapa Haole - .75
Laira Hawaii 1848 me ke kanawai - .25
Laira Hawaii 1855 - .25
Moolelo Ekalesia - .50
Haiao ili lahilahi - .10
Hele Malihini ana - .25
No ko me Akua ano - .25
Lira Kamalii - .25
Hoike Palapala Helolele -.20
Moolelo o Heneri Opukahaia - .25
Hoike Akua - .15
Wahewehehala - .10
Ninau Hoike ili manoanoa - .20
Ninau Hoike ili lahilahi - .05
Kumumua Kula Sabati - .20
Buke Lawe Lima - .25
He Buke no ka Pope - .15
Ui Kula Sabati Helu 3 - .25
Ui Kula Sabati Helu 4 - .15
Ui Kula Sabati Helu 5 - .20
Buke Eoaneiio a Ioane - .15
Himeni Hawaii - 1.00
Himeni Hawaii ili nani - 1.70
Kumu Leo Mele - .15
Kumu Leo Mele ili nani - .50
NA KAUOHA HOU PAKEKE
Ili gula nani - 1.50
Ili eleele kaekae nani - .50
Ili eleele - .35
KAUOHA HOU PAKEKE ME NA HALELU.
Ili gula nani - 1.75
Ili eleele kaekae wai guia - .60
Ili eleele - .50
Buke Wehewehe Huaoieio Baibala, elua ano -
Buke Wehewehe Ano Mataio -
Ili Gula nani - .50
Ili eleele kaekae wai guia -.30
Ili eleele - .20
Ka Hae Hoonano (Buke Mele) - .25
EIA NA BUKE HAAWI WALE.
Palapala Liilii -
Helu 4 - Makemake anei oe i ke oia?
Helu 6 - E hele i o Kristo ia.
Helu 7 - Ka hoi ana mai o ke Keiki Uhauha.
Helu 11 - No ka hoohiki wahee i ke Akua.
Helu 16 - Ka Eehia ana o ka Abaaina a ka Haku a me ka bapetizo ana.
Helu 17 - Mai hana ino i na holoholona.
Helu 18 - No ka mahi ana, kuai ana a me ka inu ana i ka Awa.
Ka Davida Malo Kumumanao.
Ka Moolelo o Batimea uaaiki.
Aia ke keeme kuai buke o ka Papa Hawaii me
ka huina p Alanui Besela me Alanai Kalepa, e kokoke
ana i ka Hale Laa.
KAkauleia o ka Papa Hooko o ka Abahui Eaanelio
o la Hawaii Pae Aina.
KA NUPEPA "KUOKOA !"
Hoopuka mau i
I KELA POANO KEIA POAONO.
$2.00 no na mahina Umihamamalua
$1.00 no na mahina Eono.
ME KA HOOKAA MUA MAI.