Ka Nupepa Kuokoa, Volume XIII, Number 10, 7 Malaki 1874 — Page 4
| This text was transcribed by: | Kä“hau Lucas |
| This work is dedicated to: | Lahela Napihelua Kahaamaikai |
Ka NUPEPA KUOKOA, ME KE AU OKOA I HUIIA.
Ka Nupepa Kuokoa
My House on a Rock.
Silver Song p 39.
1.
Ina kukulu ia ka hale o’u
Maluna o ka pohaku,
A kau na ao, a pa na ino @
Ma keia hale o’u
I ku ma ka pohaku mau,
Cho. Aole e hanee,
Ole @,
Ole, ole, ole;
He kahua paa nei, paa, e paa a mau loa,
E paa a mau loa.
2.
Olelo no Iesu ka mea paa mau,
A paa mau kana olelo,
A i ku kuu hale maluna o Iesu,
Na kona lima no,
E hoopaa a oia mau,
Cho. Aole e hanee, etc.
3.
Kukulu au maluna o Iesu
I paa no au a mau loa;
Nou na makani a pa na ino e,
Paa nae ka hale o’u,
Paa maluna o Iesu,
Cho. Aole e hanee, etc.
HAWAII.
HAAWINA KULA SABATI.
KA HAPAHA MUA O 1874
HELU 12, SABATI MARAKI 22.
Kumuhana. Kahoauheeia o ka Ameleka.
Pauku Baibala. Pukaana 17:8-16.
8 Hele mai la ka Ameleka, a kaua mai i ka Iseraela ma Repidima.
9 Olelo ae la o Mose ia I@s@s, E wae ae oe i kanaka no kakou, a e hele e kaua aku i ka Ameleka: apopo e ku wau maluna pono o ka puu, me ke kookoo o ke Akua ma ko’u lima
10 Hana iho la o Iosua e like me ka mea a Mose i olelo mai ai iaia, a kaua aku la i ka Ameleka: a o Mose, a me Aarona, a me Hura, pii aku la lakou maluna pono o ka puu
11 A i ka wa a Mose i kikoo aku ai i kona lima, ikaika ka Iseraela: a i ka i alu mai oi kona lima, ikaika ka Ameleka.
12 Kaumaha iho la ko Mose mau lima; a lawe lakou i ka pohaku, a hoonoho iho la malalo iho ona, a noho iho la ia maluna; a o Aarona laua o Hura, paepae ae la laua i kona mau lima, o kekahi ma kekahi aoao, a o kela, ma kela aoao; a paa iho la kona mau lima a napoo kala.
13 Hooauhee aku la o Iosua i ka Ameleka, a me kona kanaka, me ka maka o ka pahikaua.
14 I mai la o Iehova ia Mose, E palapala oe i keia maloko o ka buke, i mea e hoomanao ai, a e hai ma ka pepeiao o Iosua; no ka mea, e @nai loa ana au i ka Ameleka mailalo ae o ka lani
15 Hana iho la o Mose i kuahu malaila, a kapa aku la ia i ka inoa oia mea O IEHOVA -NI@I.
16 Ua olelo no ia, No ka lima ma ka nohoalii o Iehova, e mau loa no ke kaua ana o Iehova i ka Ameleka, mai keia hanauna a ia hanauna aku.
Pauku Alakai. Pauku 13. Hoopaa naau
MELE. Leo.-Pasa along the Watchword. Pure Diamond, p 46.
1 Eu a hooikaika, E na koa’lii,
Oia ke kauoha, E hookani ae-
Nauwe a hai aku la kauoha nei,
Hooauhee, Hooauhee, I na enemi
Cho. Ku a hooikaika; Hooauhee,
Hooauhee:
Oia ke kauoha, E hookani ae,
Hooauhee, Hooauhee, I na enemi.
PULE i hooauhee ia aku na enemi o ka Uhane.
Na Ninau a Na Kumu i na Papa.
P.8 . Repidima. He wahi aha ia? p 1. Ehia wahi hoomoana mawaena o Sina a me Repidima? Nahelu 33: 12-14. He awawa aha? A @ ka wai ole aha na ka@ ia Mose? p 2,3. Aha aku la o Mose? p 4. Ma ke aha i lose ai ka wai? p 5, 6. Owai na inoa hou o Hepidima; ke ano, ke kumu? p 7. Ka ohuma ehia keia mai ka wa i puka mai ai lakou mawaho o Aigupita? E hai p@iia. Kahi hoom@ ana ehia Repidima? Nahelu 33:5-14. Pauku kuhikuhi. 1 Kor. 10:4. Halelu 78: 15,16.
Owai @ mai @ Repidima? Owai Ameleka? Ki@. 36:1@ He poe mamo @ Ke kaikuaana ia owai? Kue k@ na @ mamo a Iehova @. Mahea Repidima mai Sina mai? Ma ka hema, e kokoke ana ia @.
@ iaia? Mahea o Mose e @ ai? @
@, Pehea @ i @? owai ka i @ i ka @? Owai Huro? @
@
P. 12 A kaumaha na lima o Mose, heaha ka mea i pono ai? Nawai i kokua i ka hapai ana?
P. 13 Pehea aku la Iosua? Ke kaua mua anei keia a ka poe Iseraela?
P. 14 Heaha ka Iehova i kauoha aku ai ia Mose? @ buke aha keia? Ka buke paha i kakauia ai ka mooo no ka poe Iseraela, a me ka poe mamua’ku. Ma ke aha kakou e hoomanao ai i na hana a ke Akua? E aha ana ke Akua i ka Ameleka? Heaha ka wanana a B@laama? N@h. 24:20. Ke kauoha hoi me Ka@. 25:19? 1 Sam. 15:2,3. Kaua hou mai anei na Ameleka? Nah 14:45. Owai ka i kaua a lanakila maluna o lakou? 1 Sam. 27:8, 9. 2 Sam 8:12. 1 Oih’lii 4:42,43.
P. 15, 16 Heaha ka Mose i hana’i? Iehova Ni@, heaha ia? Iehova ko’u hae He aha ka mea e mau ana? no ke aha? No ke kue aku ia Iehova, oia paha ke ano o, “No ka lima ma ka noho alii o Iehova.” Koe ka lima o ka Ameleka i ka mana Iehova.
MELE. Pauku 3 me ka 4 o ke mele maluna.
3 Nauwe a hou aku I na koa kue,
Nuku, hoomaewa, Nuha, pakike; -
Alo a kipaku I na hewa nei.
Hooauhee, Hooauhee I na enemi.
Cho. Eu a hooikaika, etc.
4 Nauwe i ka lani, Kahi o Iesu,
Kahi o ka nani, Nauwe oli pu-
Hui no malaila, A memele e,
Malu e, malu e! Pau na enemi.
Cho. Eu a hooikaika, etc.
NA NINAU A KE KAHU.
Papa Makua. Ehia wahi hoomoana o ka poe Iseraela mai Aigupita mai? owai? owai? Mai S@kota a Repidima ehia paha mile? Ehia hoi ohumu mailaila mai? Heaha ke kumu o keia ohumu hope? Ehia ohumu no ka wai ole? Heaha ke kumu o ka ohumu pinepine ana o ka poe Iseraela? O ka hui pu ana paha o ka poe malih@i me lakou. Pono anei ke hui pu ka poe pono me ka poe hewa? Hai mai 2 K@neko 6:14, 15, 17
Papa Keikikane. Loaa ka wai nohea mai? ma ke aha? He hoailona ia pohaku nowai? 1 Kor. 10:4. He hoailona hoi ia wai no ke aha? Heaha ka wai a Iesu e haawi mai ana? Hoopaa Ioane 4:14. 6:55. Heaha ke kauoha ma Is@ia 55:1? Ma ke @ha e loaa’i? Ua inu anei oukou ia wai?
Papa Kaikamahine. Mahea ke kaua mua o ka poe Iseraela? Na ka aoao hea i hoala? owai na enemi? He poe mamo lakou nawai? He poe mamo ka poe Iseraela nawai? Pono anei ke kaua na hoahanau i na hoahanau? Heaha ke kumu o keia kaua? Kuni paha na Ameleka e lilo ana ko lakou aina i ka poe Iseraela. Mahea ko lakou aina? Mawaena o Aigupita me Sinai, a ma Kanaana no kekuhi. Owai ka Alihikaua o ka poe Iseraela? Pehea ko Mose kokua ana? Owai hoi na kokua o Mose? Pehea ko laua kokua ana? Pehea oukou e kokua ai i na kahunapule?
Papa Pokii. Hoomaha pinepine anei ka poe Iseraela ma ka waonahele? Hui mai i kekahi mau wahi hoomaha Sukot@, Etama, Pihahirota, Mar@, Elim@, Sina, Repidima. Heaha ka pilikia me Repidima? He wai ole, a he kaua. Heaha ka hana kupanaha i loaa ai ka wai? He wai ka@oloko mai o ka pohaku! Hahau Mose i ka pohaku a eha mai la? Ma ke aha i hahau ai? Heaha kana i hana ai me ia kookoo mamua? Nohea ka mana o ia kookoo? Owai ka pohaku nona mai ka wai o ke ola? Hoopaa 1 Korineto 10:4. Ma ke aha e loaa ai? Ma ka hahau paha, ma ka pule ikaika ana. Ke pule nei anei oukou i loaa ia wai? Hiki anei ke kuai me ke dala? A inu oukou ia wai, makewai hou anei? Hoopaa Ioane 4:14. Owai na enemi i ala mai e kaua mai i ka poe Iseraela? O Mose anei ka luna kaua o ka poe Iseraela? Owai la? Iosua, Iesu, like anei? Ae, ua like ke ano, oia hoi, Hoola.
OUKOU A PAU. Mahea i kakau mua ia ai ka inoa Ameleka? Kin. 14: 7. Ina he poe mamo lakou na Esau ka mea i hanau ia mahope loa mai, pehea i ku like ai? Ma ke aha i lanakila ai ka poe Iseraela? Heaha na lima o Mose? Ke kikoo ana i ka lima iluna, heaha ia? Hohola kakou i ka lima i ka manawa hea? A kikoo ae @a Mose i kona lima iluna, pehea Iosua ma? a kikoo ole, pehea ka enemi? Owai na kokua o Mose? He aha ke kumu nui o @a kaua? Heaha ko Iehova hoohiki no na Ameleka? Ua hookoia anei mahope? Owai kekahi luna Ameleka kaulana no ka hewa? a heaha kona hope? Eset@r@ 3:10. 1Sim. 15:8. Esetera 7:10. Iehova Nisi, heaha k@ ano? Malalo ae o ka ha@ owai kakou?
NA MANAO
1 Na wahi hoomaha ma keia a@, @ Sabati, kula Sabati, &c.
2 Pilikia @a wahi hoomaha ma keia a@, wai ole, kaua, &c.
3 N@i @ Ameleka, @ o ka p@ pono.
4 Na kahunapule, na @, lakou @ Ioane.
5 E kaua malalo ae o ka @ o I@, ka poe pule, @, lakou @ Mose, Aarona, Huro.
6 E pau ana na enemi, e lanakila @ ka poe pono.
MELE Him 343, Le@-Marching along.
Hamau e na koa, ke o nei ka pu. &c.
@ pauku.
PULE i hooauhee ia na enemi a pau, a lanakila na aoao o Iesu Kristo
Haawina Kula Sabati no Maraki 29 Ka Hoihope @ HAWAII
Mai hoahewa, a hoapono ma ka nana ana i ko waho.
I kekahi manawa mamua loa aku, ua kauohaia kekahi kaula e hele a poai i kekahi keiki o na keiki ewalu i alii no ka poe @ I ka puka ana’ku i ka hale o ka makua, kau mai la kona maka maluna o kekahi keiki, he keiki maikai, a kiekie ke kino. Kuhi koke no ia, He oiaio, imua o’u ka po@ a Iehova. Hoole ke Akua, Aole ia. Mai nana oe i kona ano mawaho, aole hoi i ka loihi o kona kino; ua hoole aku au ia ia; no ka mea, aole ma ka mea a ke kanaka i ike; ke nana nei ke kanaka i na helehelena, aka, ke nana nei Iehova i ka naau. Owai keia kaula? Owai hoi keia keiki ana i kuhihewa’ai? Mahea i kakauia’i?
Makeua wale ke kuhi hewa ana o ke kanaka. Heaha ke kumu? Ka nana ana paha i ko waho o ke kanaka.
He wahine haipule, he wahine ilihune, a naaupo ma kekahi mau mea o kona pule mau keia, E Iesu e, e komo mai oe, a lilo i ho@la@a maloko o keia hale, a e hoomaikai mai i na mea a pau oloko He kanaka waiwai a hanohano i ka maalo pinepine ma kahi noho o keia wahine, a lohe pinepine oia i kana pule. Hooano e oia ia ia iho ma ka hookomo ana i ka lole o ka mea @i bipi, a me he mea ilihune a pololi la, komo oia iloko o ka hale o ua wahine nei, a olelo ia ia, Ua lohe au i kau pule, e komo Iesu iloko o kou hale, a lilo i kamaaina maloko. Aole paha oe i ike i ke ano o kau pule. Kuhi oia, he wahine naaupo wale oia, a he naaupo kana pule. Aka, ma kona wehe ana i ke ano, a ma kana mau hua olelo maikai, ua akaka loa, he wahine haipule io keia, a he naauao kana pule. Kuhi hoi ka wahine, he kanaka ike ole keia, he ilihune, he pololi, ua komo iloko o kona hale i loaa kahi ai, me kahi e moe ai no ke anu mawaho. Hookipa aloha no oia ia ia, a haawi i wahi ai uuku nana, a hoomakaukau i wahi moe nona. Moe iki oia, a aumoe loa, ala oia, a nalo aku la.
I ke ala ana o ka ohana ma ke kakahiaka, me ka manao e hanai hou i ua kanaka nei, aia hoi, ua hele, ua nalo aku la. I ka lawe ana o ka wahine i kahi eke e ninini mai i na apana berena maloo maloko, nani ka haohao ana i ka ike ana, aole i na apana berena wale no, aka, i kekahi mau mea paakiki, a olinolino mai.
He mau apana dala a gula keia a kela kanaka i hookomo malu ai iloko o ua eke nei. A me keia mau dala i kukulu ai oia i hale maikai nona, a no kona ohana Kulu oia, ma ka nana ana iho i kona lole, he kanaka ilihune, eia ka, he kanaka waiwai loa oia.
I ke aku la au i kekahi kanaka i kahiko ia i ka lole maikai mailuna a lalo, maikai ka papale, maikai hoi na kakini me ona mau kamaa.
Ninau aku la au, owai ia kanaka? O mea, e hele @ua i ka hale kauka i laau. Nawai ka laau? nona iho no. He kanaka mai ka ia? Ae, paapu kona kino i ka mai puupuu. He lole ino maloko. Kuhi au he kino maikai kona. Eia ka, mawaho ka maikai, maloko he ino.
Aia kela wahine, ke hele la me ka haaheo a hiehie. Nani ka lole, ka lipine, ka papale, ka mamalu liilii (paresola). Ninau aku la au, Owai ia? O mea. O kela wahine ilihune ka! Ae, kona waiwai no ia, e kau ana ma kona kino. A hiki i ka hale, o ka waiho wale iho la no ia i kona lole nani ma kahi lepo no, aole pahu e komo ai.
Eia keia poe kaikamahine, me na keiki kane hoi, hele mau i ke kula, kula maoli, kula Sabati, i ka halawai hoi, ua naauao, ua akamai, i ka himeni. He poe pono paha keia, a kupono i ke komo ana iloko o ka ekalesia. Alia, mai nana i ko waho wale no. Pehea ka noho ana iloko o na home, na hale kula, na luakini. Pehea hoi ko loko o ka naau?
Mai wikiwiki e kapa i ke kanaka, i ke keiki paha, he aihue, he moekolohe, he hana kolohe. Ua nalowale kekahi mea, he buke, he pepa, he peni, he dala, he lole, he holoholona. Nalowale iho? ia wai? nawai i aihue? O mea maanei mamua aku nei, nana paha i aihue. Eia ka, aole i aihueia ka mea i nalowale, ua hoea mai la maloko o kou keena. Loaa ia oe ka inoa ino ma kau kapa ana i kou hoa, he aihue.
Aole ma ko waho o ke kanaka wale no e a@a’i, ma ko waho hoi o na mea e ae.
He hua paha, he maikai ke nana’ku, he ulaula, he melemele, ma ka @ nae, he awaawa. Ina he ono, ma ka ai a moni ana, he mea make ka.
Pela no na hewa, @ lealea, na waiwai, he maikai, he na@i ke nana’ku; aka maloko he nahesa paha, he mooniho awa, he mea make.
He awaawa hoi kekahi mea ma ka nana aku, a me ka hoae ana. Pela kekahi laau lapaau. Aka, aia maloko ona ka mana e ola i, ke ai a @.
He @ awaawa ka mihi, ka noihi, ka hanaiaoia ao ia no ka huli ana @ kapono, no ka halihali ana i ke @ea o Iesu; aka maloko o ia awaawa ka mea e ola’i ka uhane.
Ma ka @a’ku o na I@daio, na Helene, na kanaka o keia ao ia Iesu, ua hoowahawaha lakou ia ia, ua kau ia ia ma ke kea. A ke hooino nei ka lehulehu ia ia, aole make e alii oia maluna o lakou. Aka, aole mea i like me Iesu ma ka nani, ma ke aloha, ma ka mana e ola’i
Ke nana nei kanaka i ka ekalesia maemae, e hoowahawaha ka @ui. Aole ia i kupono i ko lakou makemake. Ua hookapuia ua mea awaawa, ka baka, ka rama, ka @piuma, ka hula, ua lealea ae nui wale, a kauohaia na @aua he nui wale, na pule, na halawai, na kula Sabati, na kokua, na mihi, na kiai, na makaala, na pale mau i na hoowalewale, a i ka diabala, me na koko hewa. Ke ano io hoi ia o ka ekalesia.
He mea awaawa no i ka poe hewa. Aka, aia iloko ona ka poe pono io e hahai haahaa ana mamuli o Iesu, me ka nauwe mau aku i ka lani.
E hoopau oukou i ka hoowahawaha i ka ekalesia, e komo mai, e hele pu, a e loaa auanei ka pomaikai ia oukou ma ka lani.
HAWAII.
Melekisedeka.
“Ua oleloia, aole makuakane, aole makuahine o Melekisedeka, aole oki kona ola ana. A mahea mai kona loaa ana? A he ola kino no anei oia a hiki i keia wa?”
He wahi kumu manao pohihihi no keia. No ka mea, aole kuauhau o Melekisedeka i paiia iloko o ka Baibala.
A he wahi moolelo pokole loa no kana hana ana. Nolaila, aole hiki ke wahewahe maopopo, a pane pono aku i keia mau mele.
Aia i ka wa kahiko, i ka wa o Aberama a me Lota, he wahi kaua ma Sodoma, a ua lawe pioia o Lota ma, ma ka aina e.
A lohe o Aberama ua lawe pioia ko Sodoma a me ko Gomora, a me ko lakou waiwai a pau; Lawe aku la hoi lakou ia Lota, i noho ai ma Sodoma, ke keiki a ko Aberama kaikuaana, a me kana waiwai a pau; alaila, hele koke oia me kona poe kanaka i hoomakaukau ia-318 ka poe i hanau ma kona hale iho; a alualu aku ia lakou a hiki i Dana.
Mahele oia i kona poe e ku-e ia lakou, i ka po; p@ipo iho la ia lakou, a alualu aku a hiki i Hoba Hoihoi mai la oia i ka waiwai a pau; a lawe mai la hoi ia Lota, a me kona waiwai, me na wahine, a me na kanaka. -A i kona hoi ana mai me ka lanakila, launa aloha mai ke alii o Sodoma ia ia; a o Melekisedeka ke alii o Salema kekahi i launa mai ia Aberama ma, me ka berena a me ka waina, i mea e hooluolu i ko lakou mau kino pololi, a me ka maluhiluhi.
A o ua Melekisedeka nei, ke alii o Salema, oia ke kahuna o ke Akua kiekie loa. Hoomaikai mai la oia ia Aberama, i mai la, E pomaikai no o Aberama i ke Akua kiekie loa, nona ka lani a me ka honua. E hoomaikai ia hoi ke Akua keikei loa, nana i hoolilo mai kou poe enemi iloko o kou lima.”
Oia ka mea i kakauia ma Kinohi no Melekisedeka; - ua kapaia he alii o Salema, a he kahuna o ke Akua kiekie loa. Aole mea iki no kona kuauhau- no kona mau makua, no na kaikuaana, no na kaikaina, no na kaikuahine, a no kana mau keiki ponoi, aole loa no
Oia hoi ke kahuna mua i oleloia maloko o ka Baibala. Aole hoomaka ia ka oihana kahuna o Levi ma, Aarona ma ia wa.
Ka Halelu 110:4, he wahi wanana no Iesu;- a penei ka olelo malaila- “Ua hoohiki mai la o Iehova, aole hoi oia e l@li ae. “He kahuna mau loa no oe, mamuli o ke ano o Melekisedeka.”
Ma ke Kauoha Hou, ma ka palapala a Paulo i ka poe Hebera, Mokuna 5, -ua wehewehe mai oia i ke ano o ke kahuna, a olelo oia, i ke Akua mai keia oihana. Penei ka olelo ma na pauku 4, 5, 6. “Aole hoi e lawelawe kekahi i keia nani nona iho; aka, ua hookaawaleia mai ia e ke Akua, me Aarona hoi la’.
‘Pela no hoi aole o Karisto i hoonani ia ia iho e lilo i kahuna nui; aka, o ka mea i olelo iho ia ia. O oe no ka’u keiki, i keia la no, ua hoohanau aku au ia oe;
Oia ka i olelo hou pela i kekahi wahi e ae, “He kahuna mau loa no oe mamuli o ke ano o Melekisedeka.”
Hebera, mokuna 7:1, 2, 3, ua kakauia keia mau olelo pohihihi, maopopo ole ia kakou. - “A o ua Melekisedeka la hoi, o ke alii no ia o Salema, he kahuna hoi no ke Akua kiekie loa, oia hoi ka i hilawai me Aberahama i kona hoi ana mai, mai ka luku ana’ku i na’lii, a hoomaikai iho la iaia’.
‘Ia ia hoi i haawi aku o Aberahama i ka hapaumi o na mea a pau; Ma ka hoohalike ana, eia mua ke alii o ka pono, alaila ke alii o Salema ia, o ke ano ia, ke alii e malu ai’.
‘Aole ona makuakane, aole makuahine, aole kuauhau, aole kumu o kona mau la, aole oki kona ola ana; aka, ua hoohalikeia me ke keiki a ke Akua, e noho kahuna mau ana.”
Ma keia mau pauku, ua maopopo, o ke Akua ka mea i hoolilo ia Melekisedeka i alii, a i kahuna hoi ma Salema;- ka, aole maopopo ka manawa i hoomakaia’i kona alii ana, a me kona kahuna ana; no ka mea, aole moolelo, aole kuauhau no ia mau mea.
Ua maopopo ia Paulo, he kanaka maoli o Melekisedeka; (p 4.) pela ko’u manao, he kanaka maoli, he kanaka maikai, a he alii maikai, he kahuna maikai; - a ua hanau ia e na makua, a ua make maoli e like me na kanaka a pau. Aka, aole maopopo ia Paulo ka hoomaka ana-aole ka hoopau ana o kona ola kino. L. KAMIKA.
He pua ano hou ka i hoea mai. Ike iki ia’ela kona nani, a nalo aku ia. Nawai ia i oki aku.
Nui ke kaumaha a me ke kanikau i kau mai nei maluna o na puu, o na mauna, o na awawa, o na kauhale, a kulanakauhale o Hawaii nei. Ano hiki ole ke hoo@a ia.
Ka pua ano hou ka i hoea mai, oia no o Lunalilo ka Moi maikai Ka Pua ano hou oia, no ka mea, ma ka hana ano hou ia i lilo ai i Moi no keia Pae Aina. Ma ke ano hooilina i loaa’i na Moi mamua.
Ma ke ano baleta o na kanaka i loaa’i keia Moi, o Wiliama C. Lunalilo.
Na na Lunamakaainana me na alii i koho i ka mea a na kanaka i makemake nui ai e lilo i Moi no lakou. N@ loa ole ka olioli, ka mahalo ana o na kanaka i ko lakou lohe ana, ua ko ko lakou makemake.
Ka Pua ano hou keia i hoea mai, a ike iki ia kona nani.
He Moi makaainana keia. He ano ahi no kona, aka, aole oia i manao nui i kona ano alii, manao nui oia i kona ano like me ko na kanaka ano. Aole oia i hookiekie, a hookaokao uku i na kanaka, a hiki ia lakou ilalo o kona mau kapuai.
Ma ka la i konoia’i oia i Moi, e ku ana ke kaa alii nani me ona mau lio nani i @e ae oia a hoihoi hanohanoia’ku i kona hale. Hoole aku oia, aole, he mau wawae ko’u, e hoi wawae aku au e like me ko’u mau kanaka, ka poe i koho mai ia’u i alii no lakou.
A, ma ka la i poni ia’i oia i Moi ma ka luakini o Kawaiahau, me ka nani haahaa i kulou ai oia e poni ia’i. aole me ka nani piha o na Moi mamua aku.
E ku ana hoi ke kaa alii nani ma ka puka o ka pa me ka makaukau e hoihoi hanohano aku i ka Moi hou i kona hale Hoole hou oia, aole, e hoi wawae aku no au e like me na kanaka. Pua rose ano hou! nani e! nani ka haahaa! Kamahao! mahalo nui na kanaka.
Nani hoi ka hana i ke koho ana i na kuhina, na hoa kukakuka, na luna @na. Koho paewaewa ole. Noonoo pono, ninau po@, owai ka poe kupono i ka makemake o na kanaka, a makaukau hoi e lawe i na oihana aupuni? Mahalo hoi ka nui i kona naauao i ke koho ana i ka poe ana i koho ai.
Ua hoopau hoi oia i kekahi mau kaumaha a na haole, a me na kanaka maoli i hoohalahala’i, e like me ka hale pai aupuni; a hoohiki oia e hoihoi mai i ke kumukanawai o Kamehameha III., a kona mua i hoopau wale ai.
A ike keia moi ua kue na kanaka i ka manao no ka haawi ana aku i kekahi hapa o kona aina ia Amerika, i mea e loaa ai ke kuikahi panailike, hoopau oia i kona kokua ana mamuli o ia manao, a hana e like me ka makemake o kona poe kanaka.
Ma n@ mea e pili ana i ka pono, i ka aoao hoomana, ano maikai keia moi. O ka wa ikaika, ike pinepineia oia iloko o ka luakini o Kawaiahao. He noho malaila. Hele no oia i ka halawa, a pau; launa pu, lulu lima me na kanaka. A ku hoi oia ma ia luakini, ma na luakini o Kailua, o Hilo, a paipai i na kanaka, i na kamalii. e hoolohe i na makua mua, i na misionari, mai Amerika mai, lakou ka poe aloha io ia kakou, a lawe mua mai i ka malamalama, i ka naauao, i ka baibala, a pela’ku.
Nui kona aloha i na kamalii, i na kanaka, i ka poe mai, i ka poe ilihune, a pela’ku.
He pua rose ano hou keia, hoea mai, a ike iki ia kona nani, aloha nui ia, mahalo nui ia, a nalo aku la! Nui ka poe i lohe i kona ano maikai, a makemake nui e ike maka aku, aloha leo aku, e makana maikai aku, a lohe i kona leo pane aloha mai, aka ua nalo e aku oia me ko lakou ike ole iaia. A ua piha lakou i ke kaumaha me ke kanikau.
Pokole ke alii ana o Lunalilo. Aole oia he elemakule, he alii ui no. Aole oia i make koke no ke kumu ole.
Ua manao nui, mahalo nui, a ano hoomana paha na kanaka i ko lakou moi, ia Lunalilo. Nui na mele mahalo i hakuia nona. Me he akua la oia ma ia mau mele, a nolaila paha ua lili ke Akua a lawe koke aku i keia moi.
Ua hehi na kanaka i na kanawai o ke’lii, ua hookuli i kana mau olelo maikai, a ua hehi wale i na kanawai o Iehova; a nolaila p@ha, ua lawe koke aku ke Akua i ka moi, ka mea a oukou i aloha nui ai.
Ua oi nae paha ka hewa o ka poe i hoowalewale, a alakai hewa, a kokua ma ka haawi ana, a iau pu ana i na mea ana.
Heaha ka uku kupono e ukuia’i ka poe i kokua i ke oki ana i keia pua ma@ikai?
E noonoo nui ma keia ninau; a e mihi nui i loaa ka mea uwao, i hoopakeleia i ka hoopai weliweli e ili mai ana ke mihi ole.
HAWAII.
MAI ake oe e ike i na mea he nui loa, e oluolu oe i ka ike ole i kekahi mau mea, i ole oe e nele loa i ka ike.
He keena haipule ma kahi pouli. Owai ke makemake hele e @aila e pule pu?
I na makemake oukou e ike i keia wa@, haipule, e hoolohe iki. a na’u e hai aku.
He kumu kula Sabati ma Enelani, ua lohe pinepine oia no na lua eli l@nahu. a ua makemake oia e ike maka i ko lakou ano. Nolaila, hele oia i kekahi la a hiki i ka waha o kekahi lua lanahu. A ma ke kaula oia i hookau ia’i ilalo a hala he mau haneri kapuai. A hiki ilalo, ike oia i ka poe lepo, a eleele, a ole nae i akaka ko lakou inoa. He poe malihini lakou. Aole nae i liuliu a hoea mai kekahi keiki, a olelo, ka, kupanaha! aole o’u manao e ike ia oe ma keia wahi ino loa! He haumana ka keia keiki no ka papa o keia kumu. Olioli loa keia keiki i ke alakai a kuhikuhi ana i ke kumu i na ke@ua h@ua. Me ke kukui no ke kuhikuhi ana, no ka mea, he wahi pouli loa ia. No ka holo mama o ke keiki, haule ke kumu i hope i kekahi manawa, me ka ike ole i kahi e hele ai. Hoi kohe nae ke keiki e emi ia ia. A kuhikuhiia na kia lanahu nui a kiekie, @a mea ai i paa ai ko luna, i ole e hanee mai.
A pau kauwahi i ka ikeia, puka laua i kahi e pii mai ai a puka iwaho. Makemake ke kumu e huki koke ia iluna mai keia lua pouli weliweli loa, a iloko o ka malamalama o ka la. Kaohi nae ke keiki, me ka olelo, alia, hookahi wahi i koe, pono ke ike ke komo ia.
Alakai ke keiki i kana kumu iloko o kekahi keena nui a pouli, he wahi kukui hookahi e aa ana. Maanei ko makou wahi haipule, wahi a ke keiki. A hoike mai oia i na noho i kalaiia maloko mai o ka lanahu, me ka olelo ana, maanei, maluna o keia mau noho e noho ai makou, a hoolohe i ka Baibala i heluhelu ia mai la. A mahope, kuhikuhi oia i kekahi pahu liilii i kalai@a iloko o ka lanahu, me olelo, kahi keia e hookomo ai makou i ko makou kokua misionari.
Malamalama io kela wahi pouli. Nui hoi na wahi pouli. Nui paha na ohana Baibala ole. E hele na kumu kula Sabati, na haipule e hoomalamalama aku.
HAWAII.
I KEKAHI ahiahi, mahope o ka hele ana a maluhiluhi, hoomoana aku la Mahometa ma kau wahi me kona poe hoahele. A makaukau e moe, lohe Mahometa i kekahi hoa, e olelo ana. E hookuu aku au i ko’u @amelo, a noi aku i ke Akua e malama ia ia. E kuu hoa, wahi a Mahometa, e hoopaa oe i kou kamelo, a noi aku i ke Akua e malama ia ia.
HE mea nahu mai ka hewa, a eha kakou iloko o na oli. O ka pono nae, he mea hooluolu ia ia kakou iloko o ko kakou mau eha.
NA BUKE
I HOOLAHAIA E KA PAPA HAWAII
ME KE
KUMUKUAI O KELA ME KEIA.
BAIBALA HEMOLELE NUI ILI GULA NANI
me na kuhikuhi ma na aoao $12 00
Baibala Hemolele Nui @eleele kaekae wai gula 5 00
Baibala Hemolele uuku iki iho kae wai gula 8 00
Baibala Hemolele p@nanaiki iho ili eleele 4 00
Baibala Hemolele ili eleele 2 00
Kauoha Hou ili gula nani me na kuhikuhi 3 00
Kauoha Hou ili eleele kaekae wai gula 1 00
Kauoha Hou ili eleele 75
Kauoha Hou Hapa Haole 75
Lira Hawaii 184@ me ke kanawai 25
Lira Hawaii 183@ 25
Moolelo Ekalesia 50
Hai@u ili lahilahi 10
Hele Malihini ana 25
No ko ke Akua @ 25
Lira Kamalii 25
Hoike Palapala Hemolele 25
Moolelo o Heneri Opukahaia 25
Hoike Akua 20
Wehewehehala 20
Ninau Hoike ili lahilahi 15
Kum@m@ Kula Sabati 15
Buke Lawe Lima 15
He Buke no ka Pope 10
Ui Kula Sabati Helu 3 20
Ui Kula Sabati Helu 4 05
Ui Kula Sabati Helu 5 20
Buke @lio a Ioane 15
Himeni Hawaii 1 00
Himeni Hawaii ili nani 1 70
Kumu Leo Mele 15
Kumu Leo Mele ili nani 50
NA KAUOHA HOU PAKEKE.
Ili gula nani 1 50
Ili eleele kaekae nani 50
Ili eleele 35
KAUOHA HOU PAKEKE ME NA HALELU.
Ili gula nani 1 75
Ili eleele kaekae wai gula 60
Ili eleele 50
Buke Wehewehe Huaolelo Baibala, elua ano
Buke Wehewehe Ano Mataio
NA HALELU PAKEKE.
Ili Gula nani 50
Ili eleele kaekae wai gula 30
Ili eleele 20
Ka Hae Hoonani (Buke Mele) 25
EIA NA BUKE HAAWI WALE.
PALAPALA LIILII-
Helu 4-Makemake anei oe i k@ @’@?
Helu 6- E hele i o Kristo la.
Helu 7-Ka hui ana mai o ke Keiki Uhauha.
Helu 11-No ka hoohiki wahah@e i ke Akua.
Helu 16-Ka Eehia ana o ka Ahaaina a ka Haku a me ka Bapetiso ana.
Helu 17-Mai hana ino i na holoholona.
Helu 18-No ka mahi ana, kuni ana a me ka inu ana i ka Awa.
Na Davida Malo K@.
Ka Moolelo o Bati@ Puaaiki.
Aia ke k@ kuai @ o ka Papa Hawaii ma ka huina o Alanui B@la me Alanui Kalepa, a kokoke ana i ka Hale Lota. J.F. POKUR.
Kakauleta o ka Papa Hooko o ka Ahahui @ o ko Hawaii Pae Aina.
KA NUPEPA “KUOKOA!”
Hoopuka mau ia
I KELA POAONO KEIA POAONO.
$2.00 no na mahina @
$1.00 “ “ “ @
ME KA HOOKAA MUA MAI.