Ka Nupepa Kuokoa, Volume XIII, Number 7, 14 February 1874 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUTLER. ENG. SF.

 

BUKE XIII. HELU 7. HONOLULU, POAONO, FEBERUARI 14, 1874. NA HELU A PAU 637.

 

E PAU NA PUPUPU KAHIKO!

__

 

E pani me na Hale Laau!

__

 

PAPA! PAPA! PAP A

O KELA ME KEIA ANO.

 

--A ME--

 

NA LAKO KUKULU HALE

 

O KELA ME KEIA ANO. MA KA

 

PA-PAPA O S G. WAILA MA!

 

--KIHO O--

 

ALANUI PAPU me ALANUI MOIWA-HINE, no ke Kumukuai HAAUAA LOA! ae like ka nui me ka makemake.

__

 

LAAU NOUAIKI!

NA LAAU KAOLA.

NA PAPA MANOANOA,.

NA PAPA HELE,

NA KUA,

AAHO,

AAHOLIL II, &c

__

 

LAAU ULAULA!

NA LAAU KAOLA,

NA PAPA MANOANOA,

NA PAPA HELE,

NA KUA,

AAHO, POU,

AAHO LIILII,

MOLINA, &c

Pili Cida keokeo, Pili Laau ulaula,

Na Puka Hale, o na ano a pau,

Na Puke Aninui, o na ano a pau,

Na Olepelepe Puka, o na ano a pau,

__

 

Pepa Hale me na Lihilihi.

__

 

NA LAKA PUKA!

NA AMI-PUKA,

NA-AMI PUKA LIILII,

NA KUA NAO.

__

 

PENA, AILA-PENA, VANIKI,

WAI HOOMALOO.

__

 

PAAKAI Helu 1,

O PUULOA

__

 

E lawe wale ia no na mea i kuaiia mai keia Pa-papa aku a i kahi o ka mea kuai mai, ina ma ke kaona nei, a ma na Awe o keia Paeaina e like me ka aelike.

__

 

Aia maanei ko Keena o ka

MOKUMAHO “KILAUEA,”

D. Taylor, Kapena

__

 

S G. Waila Ma.

@

 

HE MOOLELO KAAO

...NO...

ROBIANA LO

KA HIWAHIWA OKE KOA.

Helu Akolu o ka Ikaika.

__

 

I unuhiia mai loko mai o ka Buke Arabin, mai ka Olelo Beritania a ku Olelo Hawaii.

__

 

MAHELE III – HELU 108

__

 

AIA nae a ike ua manu nei, ua poholopu o Lo Hipa iloko o kona mau eheu, o ka manawa no ia i upoi koke ae ai i kona mau eheu, a e palemo iho ana keia, halahu ana i hope, a puka ino loa aku la ka manu imua.

 

A ike nae o Lo Hipa, ua kaa ka manu mamua ona, a ua kupono iaia ke oki aku me kana pahi. A no ka pakela oi loa o ka pahi, ua ike ole ka manu i ka moku ana o kekahi wawae ona, aka, he maneo ana nae kana ike. A ike hoi o Lo Hipa i ka moku ana o kekahi wawae o ka manu, uolaila, hookokoke aku la oia me ka manao e oki i kekahi eheu. O ua manu nei nae, ua hoomaopopo no oia i ko Lo Hipa auo, a ua hailia no iaia ka ia nei mea e hana aku ai, nolaila, ua piao ae la oia i kona mau ebeu, a waiho kekee mai la ke poo malalo o ka eheu, a hamama ae la kona waha.

 

Hakilo ae la o Lo Hipa no kahi kupono ana e oki aku ai, no ka mea, ua ike ae la oia, ua hiki ole iaia ke oki aku ma kahi ana i manao ai, nolaila, ua kilohi ae la oia ma na wahi a pau o ka manu; a ike nae oia i ka hualala ma kahi o ka ai i pelu mai ai, hoomanao ae la oia, o kahi kupono wale no ia e oki aku ai. A i kona hoao ana aku nae e oki, e alo ae ana ke poo o ka manu, o ka hala ae la no ia.

 

A o ua manu nei hoi, oiai kona ike ana, ua pakele kona ola mai ka Lo Hipa hauna pahi mai, e upoi koke ae ana oia i kona mau eheu, me ka manao paha, e paa ana o Lo Hipa a me ka lio pu, aka, i kona hoao aua nae, ua palemo aku la o Lo Hipa a me ka lio, a o ka pahi nae, aia no ia iloko o ka poli o ka manu, a ia hoala ana mai no a ianei i ka pahi, a o ia no hoi ka wa a ka eheu i upoi ae ai, o ko Lo Hipa wa no ia i koe ae ai i ka pahi, a moku pu ae la ka hapalua o kona eheu, a haule aku la i ka lewa.

 

A ike ua manu nei ua moku kekahi o kona mau eheu, o kona manaw no ia i hooluliluli ae ai i kona, pupa, a hanini aku la ka wai ola mai kona pupua aku, a pulu iho la kahi o ka eheu i moku, a o ka manawa o ia i hoi hou mai ai o ka eheu e olepelepeia la, a hoi hou ae la e like me mamua, a lele kikaha hou ae la oia e like me kona kulana mua, a lele pololei aku la imua o kahi a Lo Hipa e hoolai ana.

 

He mea kanalua loa hoi i ko Lo Hipa manao, ua hoi hou mai ka eheu i moku a pili e like me mamua, nolaila, i hoomaopopo iho ai oia, aohe oia e lanakila ana maluna o ka manu, nolaila, hoomanao wale ae la no oia, e hoao hou ma ka hoohamama ana aku i kana wahi eke talena.

 

A ike mai la nae ka manu, e hoomakaukau ana o Lo Hipa e hoohamama aku i kana mea i maopopo ole i ka manu, o ka manawa no ia o ua manu nei i hoololi ae ai i kona poo mamua, ma kahi no e lele pololei aku ai i ke aupuni Makelia, loli pono ae la kona pupua a kupono i ke alo o Lo Hipa, a o kona manawa no ia i hoohamama aku ai i ka eke talena, a na hoao ka mana o ka eke talena ma ka ume ana mai, ua neeu iki mai no ka manu, aka, hooikaika loa no nae kona mau eheu ma ka upoi ana, a nolaila, aole oia i emi hou aku i hope, e like me ka huki a ka mana o ka eke talena, aole hoi i nee aku imua i hookahi iniha e like me kona ikaika.

 

Ua hala na hora eono o ka huki ana o ka mana o ka eke talena i ka manu, a o ka pupua wale no kai komo mai ma ka waha o ka eke talena, a paa iho la i kahi hookahi.

 

Aia nae i ka wa o ka pupua o ka manu ma ka waha o ka eke taleua, o ko Lo Hipa ike iho la no ia i ka omole wai ola e pipi...ana ma ke kumu o kona mau hulu pupua, o ko ianei lalau iho la no ia a lawe ae la, a hookomo ia iho la no iloko o ka eke talena, a unuhi koke ae la no i kana pahi, a hahau aku la ma ke poo o ka manu, a e alo ae ana ua manu nei, hala ia hauna pahi, hoao hou aku la nae oia e oki, e upoi ae ana na eheu o ua manu nei me ka iaia, lele liilii ae la ke eke talena, a hemo aku la mai ka lima aku o Lo Hipa, a lele aku la ka manu me ka lanakila, a o ka omole wai ola wale no ka mea i lilo mai.

 

Ia Lo Hipa no e hoka ana. i nana ae ka hana i ka lewa, e lele ana ka eke talena, oiai ua hemo aku ia mai kona lima aku, nolaila, lele kikaha iho la keia a loaa ae la, a nana koke iho la no keia i ka omole wai ola a ka manu. A iaia no e nana ana, malu ana ka la, a i nana aku ka hana, e lele pololei mai ana he liona, a e noho ana kekahi keiki maluna iho, i kahikoia me ka aahu ulaula, i hoopuni ia hoi e ka ua-koko.

 

I ua keiki nei nae i hiki mai ai imua o Lo Hipa, ua lulu lima aloha pu laua no kekahi mau minute, me ke kukai olelo ana me ka oluolu. A ua hai mai no hoi kela, oia ke keiki alii o ke aupuni Makelia, a ua hai mai a hai aku laua no laua iho.

 

A no ka oluolu maikai o na olelo a ke keiki alii, ua hoike aku o Lo Hipa i kona manao mihi imua ona, no kona luku ana i na koa a pau ana i hoouna mai ai, aka, i mai nae ke keiki alii. He mea mau no ia ma ke kahua kaua, a malaila no hoi e kapae ole ae ai ka make a ke kaikuaana i ke kaikaipa, a pelu hoi ka makuakane i na keiki. Nolaila, o kou hooikaika ana, mamuli no ia o kou imi ana i ka lanakila no kou aoao, a ina no hoi oe e pio ana, alaila, o ka lanakila ma ko makou aoao, aole no ia he mea e hoahewaia mai ai, nolaila, ke noi aku nei au ia oe, e hookuu mai ia’u me ka maluhia, a e hoi no hoi oe me ka lanakila.

 

Aia nae iloko o ia manawa, pane aku o Lo Hipa, Mamua ae o ko kaua hookuu ana ia kaua iho, ke hai aku nei au ia oe, he elua o’u makahiki i koe mai keia la aku, alaila, e pau ana ko’u noho ana ma ke aupuni Uwila, a e hele auwana hou aku au ma ke alanui a’u i ike ole ai, alaila, e waiho iho ana no au i ka wahine a kaua.

 

O ke keiki alii nae, nole no oia i huna i kona manao no Melekuliana, i ka i ana mai, Mai kona la i hoopalauia mai ai na’u a hiki i keia la, aole no i pau ko’u hoomanao ana nona, aole no hoi i komo mai ka hoowahawaka iloko o’u nona, no kona lilo ana ia oe, a ke noho nei no kuu kino me ka maluhia.

 

A hala aku la ke keiki alii, hoi aku la o La Hipa, a inia e lele kikaha aku ana i ka lewa, ike mai la o Melekuliana i kana mea aloha, piha loa iho la oia i ka olioli, me ka mahalo pu aku no hoi i ka maikai o na wawai o ka lio.

 

Aia nae a kokoke mai o Lo Hipa mawaho o ka hale alii, kahea mai la hoi o Melekuliana me ka leo nui. Hu no hoi ka makani i na kapunai o ka lio o kaua. A lohe o Lo Hipa i ka leo o kana wahine, pane iho la oia ma ka inoa o kona lio, “Painahuelo.” O ka wa iho ia no ia o ua lio nei i anapau ai i kahi hookahi, me ke kaapuni ana a puni ka hale alii. A o Melekuliana nae, komo iho la ka lealea iloko ona no ka anapau launa ole o ka lio, me kona olelo iho no hoi iloko ona. Ina paha owau maluna, ina ua hoolai na opua o ka lewa.

 

Ia Lo Hipa nae i komo aku ai iloko o ka rumi hookipa, komo mai ana o Melekuliana, a lulu lima aloha pu iho la laua me ka olioli.

 

A ia lakou no hoi e luana ana, hahai aku la keia i kono moolelo; a loha nae o Melekuliana, paipai ae la o Melekuliana i kona mau lima me ka olioli, no ka moku ana o ka eheu o ka manu. A hoike pu aku la no hoi oia i kona halawai i o’u mau lima i makau kihele no na mapu ana me ke keiki e noho ana maluna o ka lioua. A iloko o ka mana wa e kamailio ana, hahai mai la oia ia’u oia no ka ke keiki alii o ke aupuni Makelia. A i kuu hoomaopopo ana iho i kona ano a me ke ano o kana olelo ana, ua hoike mai no ai i ka oiaio o kona kulana, a oia io no hoi ke keiki alii. Ua hai mai no hoi oia ia’u, aole oia i poina i ka hoomanao ana nou, a hiki i kona la e ike kino ai ia oe, a ke noho la no hoi oia me ka maluhia a hiki i keia la.

 

Aia nae a lohe o Melekuliana i na olelo a Lo Hipa, kaawili iho la oia ilalo, me he kauaka la ua loaa i ka mai nahu. A mamuli o ka nui o na lima lomilomi, pohala ae la oia, a i ne la. Ma ke ola o kuu mau kauwa wahine, a me kuu manaopaa ma ou la, ke hoohiki nei au, aole o’u makemake e ike iaia, aole no hoi au e ae ana e hoonei aku i kuu kino me ia, mai waena ae o ko kaua noho oluolu pu ana me ka malehia, a e mau aku no ia a hiki i ko kaua mau la hope, e like no ia me ka’u i olelo ai mamua ae o ko kaua hoohuiia ana.

 

Ma keia olelo nae a Melekuliana, ua kuhihewa loa oia, aole oia i ike i ka manoa iloko o Lo Hipa, aole no hoi, o Lo Hipa i hai aku i kana mau olelo i hoopuka aku ai imua o ke keiki alii o ke aupuni Makelia a me ka olelo wanana a ka wahine dia, i like ai me na ouli a me na kuhikuhi a ka po, oia hoi, he umikumamalua wale no makahiki o laua e noho pu ai, a mahope aku, e lilo ana o Lo Hipa ia Kauiokalewa, ka moopuna hoi a ka Mahina.

 

Ia lakou nae e hoonanea ana ma ka rumi hookipa, lalau iho la oia i ka omole wai ola a ka manu, a i ae la. Eia ka mea hou i loaa ia’u, oia hoi, he omole wai ola na ka manu; a o ke kumu hoi o ko’u ike ana, aia no ia ma ka la a maua i hoouka kaua ai, oiai kuu oki ana i kekahi eheu a moku; aia nae iloko o ia wa, hooluliluli ae la oia i kona pupua, a hanini iho la ua omole wai ola nei, a pulu iho la kehi o ka eheu i moku ai, a he manawa ole, hoi hou mai la ka hapalua o ke eheu i moku ai, a pili hou ae la e like me mamua, a lele kikaha ae la oia e like me kona mau, me ka hoopolei no nae o kana lele ana mai ma ka’u wahi e hoolai ana. Aia nae iloko o ia wa, komo iho la ke anoninoni iloko o’u, me ke kupilikii iwaena o na manao elua, oia hoi ka make a me ke ola; oina ina wau e make ana, aoele oe e ike ia’u, a o ko’u kino kupapau hoi, e lilo ana paha ia i mea hoomainoinoia ma ke aupuni Makelia. Nolaila, ua hala ka palena kupono no ke ola, aka, hoao ae la nae wau a hoohamama wale aku no i ka eke talena, aole nae me ka manao e lanakila ana. Aka, ma ia hoao ana nae a’u, huli ae la ke poo o na manu nei, me ka manao paha e lele pololei aku i ke aupuni o kona haku, aka, na aumeume oia me ka mana o kahi eke talena nei, a ua hala na hora eono ma ia aumeume ana, a no ka pakela ikaika o ka ume ana mai a ka mana o ka eke talena, ua nee mai la ua manu nei, a o kona pupua wale no nae kai komo mai iloko o ka eke talena. Aia nae iloko o ia wa, i alawa iho kuu hana, e pili ana ua omole wai ola nei, o ko’u lalau iho la no ia a hookomo iloko o ka eke talena. Kupaka ae la nae kela a hala aku la. Huli ae la au a nana i ka lewa, a ike aku la au i ka eke talena, oiai ua pahemo ia mai kuu lima aku. Kii aku la au a loaa mai la, a nana koke iho la no au i ua omole wai ola nei, aia hoi, e waiho ana no. A ia’u no hoi e nana ana, malu ana ka la, a i alawa ae ko’u hana, e emi iho ana keia mea nui, aole no hoi i emo, hiki ana imua o’u, a oia no hoi ke keiki alii a’u i olelo ae nei imua o oukou.

 

Ma keia omole wai ola i loaa ia Lo Hipa ma ka pupua o ka manu, nolaila, manao iho la o Melekuliana, ua lawa like ia i na manu a pau, nolaila, kauoha ae la oia i kona puuku nui, e hele e nana i ka pupua o ka manu kiai, anoni, aia no iaia kekahi omole wai oia kahi i hunaia ni, a ina e loaa ana ia oe malaila, e lawe mai oe, a e pepehi koke iho oe iaia a make. Pane ae hoi o Lo Hipa, Aole o’u manao, ua lawa like na manu a pau ma ia ano, no ka mea, ma ko’u mau aupuni, he uni loa na ano manu, he mea ai ia a he mea hoonani hale hoi, aole nae au i ike, aole no hoi i lohe, ua loaa kekahi ano omole e like me keia.

 

A no ka nui pakela paakiki o Melekuliana, ku ae la kana puuku a hele aku la e imi i omole wai ola ma ka pupua o ka manu kiai. A iaia e aoke ana i ka huli, aole nae he loaa, a o na hulu pupua nae o ua manu nei, pau loa iho la i ka helelei, a waiao mokaki mai la. A no ia mea, ua minamina loa ua manu nei no kona mau hulu, nolaila, pii ae la ka inaina iloko ona, a kiko aku la i kekahi maka o ka puuku, a makapaa iho la, a o ka hao aku la no ia a ia manu nei i ka lele, a hoi aku la i ke aupuni o Nalopakiana, ka puuhonua o ka poe pio e lanakila ai. A o na puuku nei hoi, waiho iho la oia iloko o ka eha nui.

 

A no ka hoi koke ole aku o ua puuku nei, ua haohao loa ko Melekuliana manao, nolaila, kena mai la oia i kekahi haiawahine, e hele e nana. Aia nae i ka hiki ana aku o ua haiawahine nei, e waiho a make mai ana kela iloko o ke eha welenia hiki ole ke hooikaika ae, nolaila, hoi aku la oia a hai aku la ia Melekuliana ma. Ia manawa, hele mai la o Melekuliana ma, a ike iho la i kana puuku e waiho ana, a nonoi ae la oia ia Lo Hipa, e hoola i ka eha o kana puuku, a e hoi no kona maka a like me mamua. Pane aku o Lo Hipa, Aole e hiki pela, o ka eha, e ola ana, a o ka like pu ana me ke ano mua, aole no e hiki, no ka mea, ua lilo ka onohi. Nui loa iho la nae ka hoopaapaa mawaena o laua, no ka pakela hoopaa loa o Melekuliana, a nolaila, lawe ao la oia i hookahi kulu o ka omole wai ola, a nini iho la ma ka maka i eha, a ola ae la, me ka pili nae o poopoo hoi iloko.

 

O Melekuliana hoi, nana aku la oia a ike, komo iho la ka hoowahawaha iloko ona, a i aku ia Lo Hipa, Aohe o’u mahalo i keia ano au i hana iho nei. Pane aku o Lo Hipa, O ka eha ka’u i hoola ae noi, koe no nae ka ka manu kina i hana ai. A o keia ola i hanaia e Lo Hipa, aole no ia he mea e na ai ka Melekuliana koi apa, a ua hooikaika loa o Lo Hipa ma ke kinai ana, aole nae he maalili iho ko ke alii wahine manao koi, nolaila, lawe ne la oia i kekahi maka o kana ilio, (Bruda) a hoopili aku la ma ka maka o ua puuku nei, a like ae la no ia me he maka maoli la ma ka nana aku, aka, koe nae ka ike mai, a oia hoi ka maka onohi-a-ia e oleloia nei. Pela i oleloia ma keia moolelo, a mai ia manawa mai no ka ka hoomakaia ana o ka maka kina, a koe wale no ka poe i hanau makapoia.

(Aole i pau)

____

 

Ka wa rama ole o Hawaii nei.

__

 

I ka wa rama ole o Hawaii nei, ua ola loihi a ikaika hoi kahi poe o keia pae moku, no ka mea, aohe rama o ia wa; aia hoi a komo mai ka rama me na mai ino mai na haole mai, emoole a emi ka lahui Hawaii, a ke waiho nei ia puka liu a hiki i keia la.

 

I ka wa rama ole no hoi o Hawaii nei, he nui loa na kanaka, ikaika o ia wa, a ke lawe mai nei au i kekahi o ia poe, i mea hoikeike iwaena o kakou, a oia keia malalo nei:

 

O Kalaniopuu ka Moi o Hawaii nei, nona ka ikaika i oleloia, he hiki iaia ke hopu i kekahi ko nui, a uwi me kona mau lima a maloo. Ina e ono kekahi me kona mau niho, aole no e loaa kekahi wai i ka mea kii aku a nau me kona mau niho. Ina hoi e loaa aku kona hoa paio, iluna no hai; pela no o Kamehameha I., he ikaika kona i oi aku i ko na kanaka a pau, a he mea ole na enemi imua ona, a he hiki iaia ke haehae i ke kanaka e like me ka apapa pepa imua o kamalii. Pela no hoi o Peapeamaku, walu ke keiki a Kahekili, ke alii o Maui, he hiki iaia ke pai a palahe na kanaka imua ona; pela no hoi o Hoapili, ua hiki iaia ke hopu i ka hipi ma kona kiwi, a wili ae a make loa. O Kuakini hoi, he hiki iaia ke hapai i na waa peleleu i hiki ke hapaiia e na kanaka he 40. Pela no hoi o Kalaepuni, he hiki iaia ke pepehi i na kanaka he mau haneri, a nana no hoi i huhuki i kekahi kumu kou nui ma Keauhou i Hawaii, noua ke anapuni eono anana; a nana ka olelo, E hoolilo ana au i o’u lima i koi kua-waa no Hilo; holo no oia i ka lawaia kupalu mano, lapa mai eono mano niuhi; ia wa, lele aku la oia iloko o ke kai, hopu aku la i ka mano, hahaki ae la, a kiola aku la, a pau loa iho la i ka make, ma kahi o ka 7 a 8 anana no ka mano hookahi; olelo no hoi oia, Ma keia hope aku, e hoolilo ana au no. Na Kuihelani hoi i haawe hookahi lau niu me ka pulu no a me 1 puaa anana, no 20 mile a hiki i Kawaihae. He nui no ka poe ikaika i koe. JLK.

____

 

Kuu Lei Rose ua hala.

__

 

E KE KUOKO@E: Aloha oe: --

 

E oluolu o@, e haoko no iho ma kahi kaawale o kou mau kolamu, i kela mau wahi mapuna leo e kau ae la maluna, oia hoi “Kuu Lei Rose ua hala.”

 

Me ke awakea o ka la 16 o Dekemeba, 1873, ua kii mai la na lima menemene ole o ka make, a ako ae la i ke ola o ka makou ona rose nani, oia o Miss Camila Kuni.

 

Ua hanauia o Miss Camila Kini me Hale Rose, Puuloli, Honokohau, Maui, i ka la 16 o Mei, M @ 1873 a o ka noi o kona mau la ma keia ao, 7 malama a hala aku la; A no ka nui o ko makou aloha iaia, na haku iho makou i wahi kanikau noni, oia keia malalo iho nei:

Kanikau aloha keia noa e Camila Kini,

Kuu kaikamahine mai ka la kanaka nui o Beneaido,

Aloha is wahi a kakou e luana ai,

E imi ai hoi i ka pono o ka Uhane,

Kuu kaikamahine mai ka malu o ke kukui,

Ke kui nei au i ko ahola i lei no’u,

O ke aloha kau i waiho mai na’u e lei,

A hiki mai ko aloha e uwe no ao, [Rpse.

Kuu kaikamahine mai malu hale o Hale –

Mai ka la welawela o Puuloli,

Loli ka uhane hele i ke awakea,

I ka la umi kumamaona o Dekemaba,

Kuu kaikamahine mai ku ohu halii mai ina

Kenihi ae la ma ka puli Puaukini, [pali,

O kuu kani lei aole, ua hio!

Aia paha me Hiku i ka nahele,

Auwe! Kuu kaikamahine—e.

Mr. A. W. KAUWAHI.

 

He kanikau aloha keia nou e Camila Kini.

Kuu kaikamahine mai ka mala hale o Maunaiwa.

Mai ka piha kanaka nui la ke noho ia,

Kuu kaikamahine mai ka pali holilo a ka

Mai ka uka anu la e Ohia poko. [aina,

Oia uka mehameha a kakou e noho ai,

Hoolau kanaka i ka leo o na manu,

Kuu lei haule ole he keiki,

A-kahi kao e haule ai ua hele oe,

Hele ka hoa pili la he keiki,

Auwe! kuu lohi, he keiki –e!

Mrs. MARIA – PIIMAUNA

 

Kanikau aloha keia nou e Camila Kini,

Kuu pua @ lei ua hale,

Hala ka hoa pili he keiki,

Kuu kaikamahine mai ka alu o ka ioia,

Mai ka malu hale la o Maunaiwa,

Mai ka wai huihui la o Kapili,

I pili ia e kaua ke anu me ke koekoe,

Koekoe au la ua hele oe,

Hala ka pua Piikake aala moani,

Kuu hoa pili o Hale Rose,

Mai ka malu kukui o Beneaido,

Auwe! kuu hoa pili he keiki –e.

Mr. I POMAIKAI.

 

He kanikau aloha keia nou e Camila Kini,

Kuu kaikaina aloha ua hala,

Ua hala i ke ala hoi ole mai,

Noho a au me ke minamina ia oe,

Auwe! kuu kaikaina aloha –e.

Miss R KAIMINAAUAO.

 

He kanikau aloha keia nou e C. Kini,

Kuu kaikamahine mai ka la welawela o Poololi,

Aloha ia kuia mehameha a kakou e noho ai,

I lau kanaka i ka leo o ookou o na keiki,

Auwe! kuu kaikamahine –e. [@ ke moe,

Kuu kaikamahine mai ka po lolos o ka ho-

I moe au a huli ae aole oe,

Hopu hewa ana au i ko kino wailua,

Elua mea a ka manao e hana nei,

O ke koko o ka lia i ko aloha,

Auwe! kuu kaimahani –e,

Kuu kaikamahine mai ke uka anu la @ Kohaimoana,

Mai ka ulu ohia la, e Ohiopoke,

Aloha ia wahi a kakou e noho ai,

E alo ai hoi i ke anu me ke koekoe,

Koekoe kuu poli @ hele oe,

Kuu lei haole ole i @ kau a kau,

Akahi kau e haole ai ua hele oe,

Auwe! kuu lohi! kou minamina pau ole!

Kuu kaikamahine mai ulu uahele o Hoa-

Mai ka wai huihui la e Kapili, [kukui,

I pili aloha ia no e kaua ka la welawela o Palama,

Ke malama nei no au i ko aloha e noho nei,

Kuu kaikamahine mai kou wa pilikia,

Ka mea nui hoi a o’u mau makoa,

Auwe! kuu kaikamahine –e. [le Rose,

Kuu kaikamahine mai ka malu hale o Ha-

Oia hale a ke aloha i noho ai,

Kuu kaikamahine mai ka melu kukui o Pi-

Noe aloha ia’u ke aloha ke hiki mai [lipoe,

A hiki mai ko aloha e uwe no au,

Auwe kuu kaikamahine –e.

Kuu kaikamahine mai ka la kanaka nui o Pelekane.

Mai ka nalu haimuku o Kaimoku

Moku aku nei oe e ka hoe kaawale,

Haalele mai nei i ka pili a kakou me kanana

Aloha Punalou i ke ahe a ka makani,

Makani aku nei oe nalowale.

Pau koa ike ana i keia ao,

Auwe! kuu lohi! kuu minami a pau ole,

Mrs. M @

Honokohau, Maui, Ian 23, 1873.