Ka Nupepa Kuokoa, Volume XIII, Number 6, 7 Pepeluali 1874 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XIII.  HELU 6.

HONOLULU , POAONO, FEBERUARI 7, 1874.

NA HELU A PAU 636.

 

E PAU NA PUP@PU KAHIKO!

 

E pani me na Kale Laau!

 

PAPA! PAPA! PAPA

O KELA ME KEIA ANO,

A ME

 

NA LAKO KUKULU HALE

 

O KELA ME KEIA ANO, MA KA

 

PA-PAPA O S.G. WAILA MA!

KIHI 0

 

ALANUI PAPU me ALANUI MAIWA-

HINE, no ke Kumukuai HAAHAA

LOA! ae like ka nui me

ka makemake.

 

LAAU NOUAIKI!

NA LAAU KAOLA,

NA PAPA MANOANOA,

NA PAPA HELE,

NA KUA,

AAHO, AAHOLIILII,&c

 

LAAU ULAULA!

NA LAAU KAOLA,

NA PAPA MANOANOA,

NA PAPA HELE,

NA KUA,

AAHO, POU,

AAHO LIILII,

MOLINA, N C

Pili Cida keokeo, Pili Laau ulaula,

Na Puka Hale, o na ano a pau,

Na Puka aninai, o na ano a pau,

Na Olepelepe Puka, o na ano a pau,

 

Pepa Hale me na Lihilihi.

 

NA LAKA PUKA!

NA AMI-PUKA,

NA-AMI PUKA LIILII,

NA KUI NAO.

 

PENA, AILA-PENA, VANIKI,

WAI HOOMALOO.

 

PAAKAI Helu 1,

O PUULOA.

 

            E lawe wale ia no na mea i Kuaiia mai keia Pa-papa aku a i kahi o ka mea ku ai wai, ina ma ke kaona nei, a me na Awa o keia paeaina e like me ka aelike.

 

Aia maanei ke Keena o ka

MOKUMAHU “KILAUEA,”

D. TAYLOR, KAPENA.

 

S G. WAILA MA.

614-@

 

NA K@AO KUPANA@A

O

GEREMANIA.

 

NA KE WAI O KE OLA.

 

[Unuhiia no “Ke Kuokoa”]

helu 2.

 

A NO ka pakela paakiki loa o ke keiki alii ma ke noi ana i kahi peke, e hookaa mai i na kaikuaana ona, a i hapa koi ana ae no hoi.  ae mai ai ua peke nei; aka, me ka olelo kaukau mai no nae i ua keiki alii la, e malama loa no kona mau kaikuaana, no ka mea, aia ke ino iloko o ko laua mau opu kahi i waiho ai.

            I ka hoi ana mai o ua mau kaikuaana nei one, olioli loa iho la ia. a hahai aku la i kona moolelo a pau ia laua a me na mea i ulia iho maluna ona; ka loaa ana o ka wai ola iaia a me ka lawe ana mai i ke kiaha i piha i ua wai ola la; a i kona hoopakele ana ai i ke kaikamahine alii, ko laua hoopalau ana i hookahi makahiki, a hoi hou aku ia, alila laua mare me ka loaa pu mai o ke aupuni waiwai ia laua.

            Mahope iho o ka pau ana o keia moolelo i ka hahai aku, kau ae la lakou nei maluna o na lio, a holo like nui aku la.  Aohe nae i mamao loa ia holo ana aku o lakou nei, komo aku la lakou nei iloko o kekahi aupuni e noke ana ke kaua a me ka we maluna o ka aina, a ua paa ka mana@e o ka Moi e make ana, a @ ko ke alii manaoio maoli no ia, a na kaulana ae la ia manao ma na wahi a pau o kona aupuni.  Ake, o ke keiki alii nae, hookokoke aku la oia ia ka Moi, a haawi aku la i ka popo palaoa, a me ia popo palaoa ua Moi nei i hanai aku @i i kona lahui a maona.  Haawe hou aku la no ua keiki alii nei i ka pahikaua, a me ia pahikaua no ua Moi nei i kana aku ai a hoauhee i kona mau enemi me ka lulu nui, a pahola hou ia aku la ka maluhia maluna o ka aina.  I ke ku ana o keia mau mea nui, kii hou aku Ia ua keiki alii nei i ka popo palaoa a me ka pahikaua, a hoihoi mai la, no ka mea, aole no oia i haawi aku me ka manao e lilo loa, aka, ma ke ano kokua wale no oia i haawi aku ai.

            Haalele iho lakou nei ia aupuni a hoomau aku la i ka holo ana imua, aole no hoi i emo, hiki ana lakou nei ma kekahi mau okana aina e ae. kahi a ke kaua a me ke ahulau e pahola pu ana maluna o ka lahui.  I keia mau Moi pakahi i haawi pakahi aku ai ua keiki alii nei i kapopo palaoa a me ka pahikaua, a pakele ai lakou.

            Mahope iho o keia, ee aki la ua mau keiki alii nei mauna o kekahi moku, i ae aku ai lakou maluna o ke kai nana i hookaawale i ko lakou home.  A ia lakou e nanea ana i ka holo o ka moku, kuka malu iho la kona mau kaikuaana, a olelo ae la kekahi i kekahi, “Ua loaa i ka kaua kaikaina ka wai o ke ola, aole hoi ia kaua, a no ia mea,. e lilo ana keaupuni o kaua iaia nei, a e nele ana kana, a e lilo ana ko kaua pomaikai i keia wahi keiki.”

            Na keia manao hoonaukiuki i hoonioui mau iloko o laua iho, a noonoo nui laua i ka mea e pono ai ke hana aku i ko laua hanau muli.  Ua hooholo lana e make, a o ka mea nae e hiki ai ke pepehi aku, aia malaila ko laua kanalua.  Aia nae ia laua e hoohalua mau ana i na hora a pau, pauhia loa iho la ko laua kaikaina i ka hiamoe nui kulipolipo, a ike ole ae la oia i ka mea e hanaia’na.  Kee malu aku la kona mau kaikuaana i ka wai ola, a ninini iho la iloko o ka laua kiaha, a hoopihaia iho la ke kiaha a ko lana kaikaina me ka wai kai.

            Ia lakou nei no a ku i ke awa o ko lakou nei home, miki mua iho la no ke keiki m@li i kahi o ka Moi, (ko lakou makuakane e waiho ana i ka mai) me ka lawe pu ana i kana kiaha kai i hana in@ ia ai e kona inau kaikuana, a hoohainu aku la i ka Moi me ka manao e ola maikai mai e like me mamua.  Aia nae i ua Moi nei i moni ai i hookahi olopu o ke kiaha kai, o ka uawaliwali loa iho la no ia a oi ae i ko ua la i hala, no ka awaawa o kela olopu kai i komo ai iloko o ua Moi la.

            Aia mae i na Moi nei e ailiili wale ana no kela kiaha kai, hiki mai la hoi kona mau kaikuaana, a hoahewa aku la i ko laua hanau muli, no ka hoina i ko lakou makuakane. Hoikeike ae la laua i ke kiaha wai ola, a i ae la, “Ua loaa ia mauaka wai o ke ola, a eia mai no ia,” a panee aku la.  Ia hoohainu ana aku no, aole i komo lea aku ka olopu wai ola i moniia, aia hoi, haalele iho la ka mai i ko lakou makuakane, a emo ole, ola ae la oia, a hoi hou mai la ka ikaika maikai o kona kino.

            A o ua mau kaikuaana nei noi, hele aku la laua a hoohenehene nei hoi, hele aku la laua a hoohenehene aku la i ko laua pokii, me ka olilo aku, “Ua loaa ia no ka ia oe ka wai ole; a e loaa hou ana hoi ia oe he haawina ehaeha, aia maua hoi ka olioli; mai pono loa no hoi paha, ina e makaala loa ana ou mau maka, no ka mea, ia oe no i hiamoe ai maluna o ka moku, ua kii malu maua i ko kiaha wai ole, a ninini iloko o ka maua kiaha, a hoopihaia kau kiaha me ka wai kai; a iloko o hookahi makahiki, e kii ana kekahi o maua i ko wahine hoopalau, a lawe mai ianei. E malam ia oe iho, mai noho a kumakaia mai ia maua, no ka mea aople e manaoio ana ka Moi i kau; a ina e olelo ahiahi ana oe i hookahi huaolelo, alaila, e make ana no oe, a ina oe e hoomau ana maka noho malie, alaila, aia wale no malaila kou pomaikai, a o ka mea e loaa aku ia maua, o kau ia e ai ai a e aahu ai hoi a hiki aku i ka hopena o kou mau la.”

            A o ka Moi hoi, ua piha loa oia i ka huhu, me kona manao kuhihewa nae, na ohumu maole ia oia e kana keiki mali loa e make, nolaila, ua kauoha ae la oia i kona Alo alii, e akoakoa koke mai iloko o ka hora i oleoia.  A i ka akoakoa ana mai o ka poe i kaneaia, ua waiho mai ka Moi i kana olelo hooholo; a ma ka noonooia ana, ua hooholoia, e kipu maluia ua keiki alii muli nei.

            I kekahi la, oiai ua keiki alii nei e makaukau ana no ka hele i ka hahai holoholona hihiu, aia hoin na hoounaia kekahi kanak hahai holoholona hihie, e ukali aku mahope o ke keiki alii, a hiki ma kahi kupono, e ki pu koke aku oia a make, mai minamina no kona ola.

            Ia laua nei nae e hele mehameha ana iloko o ka nahelehele, oiai ua kanaka la e makaukau ana no ke ki ana aku, aia hoi, ilihia iho la oia i ka manao kaumaha, nolaila, ua ano e ae la kona mau helehelena.  A o ke keiki alii nae, ike mai la oia ua ano e na helehelena o kona hoahele, komo iho la ka haohao iloko ona, a ninau aku la i ke kumu.  Pane mai mae ua kanaka nei, “Aole loa e hiki ia’u ke hai aku ia oe ano.”  Pane hou aku ke keiki alii, “Ua ike no wau i kou manao, aka, o ka oiaio nae ka’u i makemake ai, nolaila, e hai mai ia’u me ka wiwo ole, anoai o hiki paha ia’u ke kala aku ia oe.”  Hookeikei ae ia ua kanaka nei i kona leo, a i mai, “A! aohe no he mea e ae, aka, e ki aku ana au ia oe ano, no ka mea, pela mai nei ke kouoha a ka Moi ia’u.”

            A lohe ke keiki alii no keia leo, eehia iho la oia, a pane mai la, “E ola no au e ke kanaka hahai holoholona hihiu aloha, e ae mai oe e ola au!  E wehe no au i kuu kapa alii, a e haawi aku ia oe, a e haawi inai hoi oe i kou kapa ia’u a pela wau e pakele ai i ka make, a pela no hoi oe e hala ole ai.” No keia @oi, ua ae koke aku ke kanaka kauwa, no ka mea nalu no oia iloko iho ona, no ka hiki ole iaia ke ki pu aku.  A mahope iho o ko laua kaupo kapa komo ana, hoi aku la ua kanaka nei i ke kulauakauhale, a o ke keiki alii hoi, komo hohonu loa aku la oia iloko o ka ulul@au.

 

            He wahi wa pokole mahope koke iho hiki mai ana he ekoiu mau ka@ ua hoopihaia me na auka gula a me na pohaku makamae loa i ka Halealii o ka Moi no kana keiki alii muli loa, na na moi mai ekolu ana i hana lokomaikai aku ai.  He hoailona no ka lakou aloha i ke keiki alii hana aloha ia lakou, oiai ko lakou mau aupuni pakahi, e kuapapaia ana e ke kaua a me na mainoino a ke ahulau.  I ka hiki ana mai o keia mau makana, olelo iho la ka moi iloko iho ona. “Ka malia ka paha ua pau nae ana no ka’u mau keiki a pau i ke kolohe,” a kanikauiho la ua moi la no keia pepehi ana i kaua keiki.  Ake, puoho koke mai la ke kanak hahai holoholona hihiu i hele pu ai, “Ke ola nei no ia! No ka mea, aohe i loaa iloko o ko’u naau ka manao e hooko aku i kau mau kauoha,” a me kon hoopakele ana.  Me he mea la ia wa, ua like me he pohaku la i weheia ae mai ka naau kaumaha mai o ka moi, a nolaila, kanoha ae la oia, e kuahauaia ma na palena a pau o kona aupuni ina e loaa kana keiki alii muli, e hoihoi mai iloko o ka ohana alii.

            Ia wa, o ke Kama Aliiwahine keia i hoopalau ai iloko o ka Hale Alii kupua me ia nei, ke kiuliu ia no ka mare, a kauoha ae la e hanaia i alanui i haliia me na gula alohilohi mai ka lepo mai a i luna o kona hale alii.  Olelo aku la oia i kona mau kahu, o ka mea e pii pololei mai ana maluna o ke alanui gula oia ka hoi kuu kane, a oia ka oukou e hookipa mai ai; a ina e pipa wale ae ana no, e manao oukou, aole ia, a mai noho a hookipa mai, no ka mea, aole ia o ke kane oiaio.  I ka hiki io ana mai o ka manawa, hoomanao ae la na kaikuaana hao i ka pomaikai o ka muli, e kii i’ua wahine hoopalau nei a ko laua muli pokii i hoopalau ai. Hele io aku la ke kaikuaana, a i kona ike ana i ke alanui gula e moe ana i kahi o ke kama alii wahine, manao iho la i ka hilahila ke hele aku mauna ona, a no ia mea, huli ae la ia ma ka lima hema o ke alanui, a holo aku la, aole hoi ma ke alanui,  Aka iaia i hiki kino aku ai imua o na kiai kipakuia mai la me ka olelaia mai, aole o oe ke kane a ke ‘lii.  Ke hoi wale la me ka mai he hilahila.  Iaia nei hoi i hoi nele aku ai, apa ae la ka hope iho e hoao hoi ia i kona kanaka ni.  Ua like nae no me kona hanau mea, i ka hiki ana aku no i ke alanui i haliiia ai i ke gula, pipa wale ae la no ma ke alanui e, e holo aku ai.  Iaia i hiki aku ai i kahi o na kiai puka, hooleia mai ana, me ka oleloia mai. aohe o oe ke kane e kaliia aku nei, a pela oia i hoi aku ai i ka hale.

 

            Oiai hoi ke keiki alii muli loa e auwana hele nei i ka nahelenele, hoomanao ae la oia, ua kokoke e pau ka makahiki, a i kona mau kaikuaana i hoi nele aku ai, hiki kino aku la keia imua o ka halealii o kana wahine alii hoopalau, a holo pololei aku la no maluna o ke alanui i haliiia ai i ke gula, no ka mea, ua manao maoli no ia i kana wahine hoopalau, nolaila, aole keia i nana pono iho i ke alanui, aka, holo – aku la no mauna.  Iaia i hiki aku ai ma ka puka hale, aia hoi, ua hima e mai la, a na ke kama alii wahine ni opiopio ponoi maoli no i hopu kino mai, me ka huaolelo, eia ka mea nana i hoopakele i kuu aupuni a me kuu mau pono auponi.

            Ma hope koke iho o ko laua mare ‘na aia hoi, olelo aku la ke aliiwahine i ke kane, ua huikala mai kou makuakane ia oe, a ua makemake oia e ike ia oe.

            Ia wa no, holo koke aku la oia maluna o ka lio i ka hale alii o ka moi, a hahai aku la i ka moolelo o ke kumakaia ana a kona mau kaikuaana iaia, oiai oia e moe ana, me ka olele hooweliweli mai a kona mau kaikuaana aole e hahai.  I ka ka moi lohe ana i keia moolelo, mai pepehiia laua ina e noho ana, aka, ua kau e aku laua ma ka moku, a ua holo aole i hoi mai.  Pipi holo kaao.

 

kumumanao.

 

            Heaha ke ano o ka huaolelo kaliu waa? Aole no e loaa kona ano ke loa ole ka moolele, ina e loaa ka moolelo, loaa no ke ano, pono no au ke hai pokole aku i ka moolele; a penei no ia :-O kekahi kupua i ka wa i au wale ka la oia o Kamapuaa ka mea nana i aihue ke kapu moa a Olopana ka moi o Oahu. No ka pau ana oia kapu moa ua pau ia Kamapuaa, a no keia pau ana o ka moa na hoouna aku ka moi Olopana i na koa hookahi mano, e kii e lawe mai ia Kamapuaa a e pepehi a kau i ka lele ma ka heiau o Kawaewae i Kaneohe i Koloaupoko, i ko lakou hopu aua ia Kamapuaa a paa i ka nakinki a amo aku la na koa ine ka manaolana e k@ ana ko lakou makemake, a me ka makemake o ka moi Olopana.

            Aia nae ia lakou e auamo ana i ka puaa a hiki i Kupinai, ka hea mai la ke kupunawahile nenei : “O oe ia e Haunuu, e Haulani, e Kamano o ka ia nui la e nilani.”  Uilani ae la ua puaa nei a hemo, a o ka hoomaka aku la no ia ia ka luku i na kanaka koa a pau i ka make, a koe wale no hookahi kanaka, a oia no ka ahailono nana i lawe aku i ka lohe a hai aku ia Olopana, i ka i ana aku, Ua pau loa na koa i ka make, a owau wale ia la i hookoe ia mai nei i ahailono e hai aku imua ou e ka Moi.

            Aia nae a lohe o Olopana i keia olelo, ulupuni koke ae la oia i ka huhu, a kena ae la i kana mau kukini mama, e hai aku i ka lohe i na kanaka a pau i kupono no ka hele ana i ke kaua, e noho ana a puni o Oahu nei.  A mamuli o ke kanoha Alii, ua akoakoa mai la na kanaka, a ma ka heluia ana, ua hiki aku ka heluna nui i ka eha mano, oia ma ka heu a Hawaii nei, a ina hoi ina ka helu haole, aliala, ua like me 16.000.

            Ma keia hoouna hou ana a ke alii, ua like no ka hoouna mua ia ana, ua pau loa kela eha mano i ka make, a koe no hookahi kanaka, a na keia kanaka no i lawe aku i ka lono poino a hai aku ia Olopana.

            Ma keia poino hou ana, ua eu kino maoli ae ka Moi Olopana, me na koa i hele a hewa i ka wai ka nui o ua mea he kanaka, me kona lohe no hoi he kino papalua ko ka puaa, he hapa i ka puaa a hapa i ke kanaka, aka, hooulu no oia i ke kaua, no ka minamina i kana kapu moa, aole nae he minamina i ke kanaka.  Ke i ae nei hoi o Keeaumoku ia Kiwalao, “O ka niho ka kauunea malama, aohe manao e o ka hulu makua?”  Pela hoi o Olopana, o ke kapu moa kana i minamina, aole nae o ke kanaka, ka paku e paa ai kona aupuni a e mau ai kona noho alii.

            A ma ke ano mana o Kamapuaa, ua ike no oia i ko Olopana manao a me ke kaua huliamahi e hiki mai ana, nolaila, olelo aku oia i na makua, na kaikuaana a me ke kupunawahine, E pono paha e lawe au ia oukou e huna iluna o ka pali, no ka mea, ei ae ka make a hiki mai @ o kakou nei, oiai he huliamahi ke kaua, a o ka wa pono no keia.

            A hala he mau la, lawe ae la ua Kamapuaa nei i kona ahana, a hiki i kekahi wah ololi, e kiekie ana kona piko i ka welau pali o luna loa, (ma ka ike a ka poe pii pali, ma ka hookuukuu kaula ana, he elua haneri anana a oi aku), me kona olelo aku,  O keia mau awawa ko kakou mau waa a’u e hoopii aku ai, a ina e hiki ole oukou ma nei waa’, alaila, ma kahi waa iki paha.  A no ka makau o ke kupunawahine, ua hooliiia lakou ma kahi waa uuku, a ua noho lakou maluna o na ana pali  o Kaliuwaa me ka maluhia a hiki i ka lanakila loa ana o Kamapuaa.

            Ua kapaia o Kaliuwaa, ma ka hoopii ia ana o kona ohana maluna o na waa ana i kapa ai o Kaliuwaa, oia kela inoa a hiki i keia la.  Na ka puaa i kapa ka haiano a me ke paniinoa, oia keia ke huiia, “Kaliuwaa.”

            O ka wailele kokoke no i na waa, a o ke kiowai auau, ei aku mauka, a malaila kahi makaikai a na malihini kaahele e auaa ai.  O ke kiekie mai ka piko o ka wailele maluna loa a hiki i ka wailele @ ala a i ke kiowai auau, ua manao au he 16,000 kapuai ke kiekie.  A o keia wahi e oleloia nei, aia no ma Kaluanui, Koolauloa.  He nui ua moolelo e pili ana no keia awawa o Kaliuwaa.

J.L.KEAULUMOKU.

 

Na Anoi.

 

            O ke aha ka manu hai mai i kona inoa?  O ke kolea.

            O ka laau hea kai hai i ka nele o ka aina?  O ka laau wi,

            O ke aha ka olelo maa mau i na lahui kanaka? O ka aka.

            I ke aha e pili ai ka huaolelo (humo)?  I ka mal@, no ka mea, he home ia ka malo

            Ninan aku la o Nui ia Noho, ehia ka nui o ka poe e noho iluna ou? Pane mai la o Noho, nui aku.

            Wai aku ka opala ihe@? I ka lani.

            Aho ka hoka ihea? I kapakai.

            O ke aha kai oi o ka mana i ka pahikaua @-loa? O ka peni kakau.

            Kau iho la kekahi kanaka maluna o k@ aa ahi, a holo aku la i Bosetona, olelo ae la ie, aole i oi aku ku@ aloha i kua ipo inamoa o k@ lealea i ke kae ahi.

            Heah@ kekahi mau olelo a ka haole i like ke pela ana me kekahi man olelo a kanaka a like ole ua ano? Make, (make) he hana, like (like) makemake, me(me) owa@

Ni@a@ aku la kekahi kahunapele Pope i kekahi wahi kanak, ua ike no anei oe i ke Akua? Ae, wahi a ka pane, pehea kona ano? “He wahi kanaka poupou puipui kupono i ka hoounauna.”  He ho@ naona ia no ka ke Akua? Ae, na hewa o kanaka a pau aia maluna on@.  Paa iha la ka waha o na kahooapule nei.

            I ka la koho balota iho nei, hele mai la o Okama (Oakum) me ua ilio ana a ku ‘ua ma kahi koho, i ninau ia aku ka haua i k@ia makemake, e i mai ana kela i ka hua o @ lea, i hele mai nei makou i ke koho balota.  Aubea kou palapala auhau kino kupono i ke koho balota? Hoike aku ana @ela i ka pepa kii e kau ana mawaho iho @ kahi o Wini.  Hu @e la ka aka a ke ana@ e ku@ ana i ka hana a ka eepa.

             Elua mau kanaka e kilo hee ana, ike iho la kekahi a hooho ae la, ka hee nui e i au nea? wahi a kekahi, aia no hoi i ka ponana one malaila iha, i aku la kekahi, i ka nakaili mahea iho? Maluna iho.  Aka ae la ua mau kanaka nei, oiai he apiki like no laua.

            I kekahi aha kanaka e nana ana ia “Kilauea” kani ae la ke oli a kekahi wahi e@ or, me ka kuhi ana o ua lima i o ianei eia ka o Puuana e kalokalo ana i na aumakua oua.

            Ma kekahi Kula Sabati, ninau ae kekani kumu i kana mau haumana, “I hea ka ohane e hele ai mahope iho o ka make ana o ke kanaka?”  Pane mai ana o Kiki, “I Leinaakauhane, makai ae o Kapukaki i Moanaloa ae nei la!”  O ka noha iho la no ia o ua kumu nei a hoi aku la.

            O ke aha kai hun i kona oi maloko? O ka @mole.

            “E Riki, heaha aku nei kau mea i hana aku nei i ka ho o kaua?” “Ua kuai ia ‘ku nei e a’u,””heaha hoi kau mea i kuai aku nei?”  “Mea ka hoi kau i ka hele malie loa, a ekolu o’u lawe ia ana i ka Halewai, no ke kue i ke kanawai ku i ke alanui.”

            I oi ka upa i ke aha? Oia ka ninau a Palai i kona hoaloha ia Awapuhi, pane mai la o Awapuhi i oi i na niho elua, aole wahi a Palai, i oi i kahi kui hookahi iwaeua, I hoao iho ka hana i na niho elua aohe moku, i paa mai ka hana o kahi kui, holopono ka hana.

            Paani popo iho la kekahi mau keiki, nou aku a nou mai, nanea kekahi i ka nana i ka lele maikai a ka popo, a hala ka hopu ana a kona mau lima, a hemo iho la a pa i kona maka.  Pane ae la ia, ina peha he hua niu keia, ina ia peha na pahu e- o’u man onohi, aole hoi o ka mea paupalu kanono maoli uae i haule iho nei.

            I ninauia aku kekahi wahi keiki @uka, pehea ka holo a ka lio? E pahu mai ana ua wahi keiki la i kona lima imua me ku hookunihi ana. Hu @ la ka @k@ k@ m@alea o kahi nuku.