Ka Nupepa Kuokoa, Volume XIII, Number 2, 10 Ianuali 1874 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

E PAU NA PUPUPU KAHIKO!

 

E pani me na Hale Laau!

 

PAPA! PAPA! PAPA!

 

O KELA ME KELA ANO,

 

A ME

 

NA LAKO KUKULU HALE

 

O KELA ME KELA ANO, MA KA

 

PA-PAPA O.S.G. WAILA MA!

 

-KIHI O-

 

ALANUI PAPU me ALANUI MOIWAHINE, no ke kumuhuni HAAHAA LOA! Ao like ka nui me kanenakemake.

 

 

LAAU NOUAIKI!

 

NA LAAU KAOLE,

            NA PAPA MANOANOA,

                        NA PAPA HELE,

                                    NA KUA,

                                                AAHO,

                                                            AAHOLIILII, &c

 

LAAU ULAULA!

 

NA LAAU KAOLA,

            NA PAPA MANOANOA,

                        NA PAPA HELE,

                                    NA KUA,

                                                AAHO, POU,

                                                            AAHO LIILII,

                                                                        MOLINA, &c.

 

Pili Cida keokeo, Pili Laau ulaula,

Na Puke Hale, o na ano a pau,

Na Puka Aniani, o na ano a pau,

Na Olepelepe Puka, o na ano a pau.

 

Pepa Hale me na Lihilihi.

 

NA LAKA PUKA!

 

NA AMI-PUKA,

            NA-AMI PUKA LIILII,

                        NA KUI NAO.

 

PENA, AILA-PENA, VANIKI, WAIHOOMALOO.

 

PAAKAI Helu 1,

O PUULOA

 

            E lawe wale ia no na mei i keala ai, keia Papapa aka a i kahi o ka mea ka ai ai, me ke kaona nei, a me na @@@ o kela @ina e like me ka ailike.

 

 

@@

 

HE MOOLELO KAAO

..NO..

ROBIANA LO

KA HIWAHIWA O KE KOA,

Helu Akolu o ka ikaika.

 

I unuhia mai loko mai o ka Buke Arahia, mai ka Olelo Beritania a ka Olelo Hawaii.

 

Mahele III—Helu 105

 

A MAMULI, o na olelo a Lo Hipa, i mai la o Melekuliana, Kupanaha no ka noonoo ana a kou manao, me kou ike ae la no ka, aole he mea kupono nana e mare ia kāua, he poe wahine keia, he mau liona kela, a he mau manu noho uka noho kai, noho kipalale, kaukau palale hoi mao—a no kuu ike, ua nele i ka mea kupono ole nana e mare, nolaila i manao ai au e noa ke kanawai o ka mare ma keia ano, a o ka hui ana no hoi o na kino o kāua, oia no ka mare oiaio, a o ka olelo a ke Kahunapule, he mea hoani wale no ia, a ua like no kona ano me keia mau kiaha, no ka mea, aole, o ko kāua mareia ana imua o ke Kahunapule, oia ko kāua mea e noho kupaa loa ai a hiki i ka hopena, a nele hoi i ka meo a na ke kini ana aku i ko hai ipukaahale aole pela, no ka mea, o ke au o ke manawa, aole kāua i ike, nolaila, e lalau like kāua i keia mau kiaha, a e hookui mai i kou kiaha me koʻu, a o kuu lilo no ia i wahine nau, a o oe hoi i kāne naʻu.

            A no ko Lo Hipa manao, e loaa koke iaia na hooluolu ana a me kona hiki ana aku i ka pahu hopu o kona iini, nolaila, lalau iho la oia i kona kiaha, a pela no hoi o Melekuliana i kona—kaumaha ae la no hoi keia ma ka inoa o na makua, a o Melekuliana no hoi i kona mau wahine, a hookai aku la o Lo Hipa i kona kiaha, a inu like ae la lāua.

            A o manu nae iloko o ia manawa, eia no ke hoolailai malie nei, a ike nae lākou ua pau ko lāua nei mareia ana, o ko lākou wa no ia i ilikipau iho ai ma ke mele ana.

            A no ka loihi loa o ko Lo Hipa hoolohe ana, paio ae la ka leo o na manu me ka maka hiamoe, oiai e hoomakaleho mai ana ka hiamoe i ko ianei mau lihilihi, a lanakila ae la ka hiamoe maluna o ka leo o na manu.

            A ike hoi o Melekuliana, e hookaukaunu ana ka mala hiamoe me Lo Hipa, no ka mea, ua ike aku la oia, e hihina lua ana kona mau lihilihi, nolaila, loʻu malu iho la kana aka, nolaila, olelo koke aku la no oia i kona puuku nui, i ka i ana aku, E hoi aku oe, a e hoomaemae iho i ka rumi i hoomakaukauia ai no ke keiki alii o ke aupuni Makelia.

            A lohe ka puuku no keia leo kauoha, eleu aku la oia ma kana hana i maa. A makaukau no hoi na mea a pau, hoi aku la oia a hai aku la i ke Aliiwahine. Mamuli no hoi o ka olelo a ke Aliiwahine, lawe mua aku la no na puuku nei i ke kiaha a me ka pua ala iloko, a kukulu iho la maluna o ke pakaukau, a maloko hoi o ka rumi i hoomaemae ia.            

           He mau minute mahope iho, hoala aku la o Melekuliana ia Lo Hipa, a puiwa ae la oia. Pane hou iho ka wahine, e ku a e hoi kana ma ka rumi moe. A lohe o Lo Hipa, olu iho laoia, a ku ae la iluna, a u haele kuikui aku la a komo iloko o ka lāua rumi.

            Mahope iho o ko lāua ala hoonanea ana, hale aku la lāua nei hiamoe; a iloko hoi o ko lāua me kekahi olai ikaika, a he mea haohao loa ia i ko Lo Hipa, manao, a nolaila i olelo iho ai oia, Hana ia ka hoi ke olai o ke aupuni Uwila. Aole no hoi panaia ke olai me koʻu mau aupuni honua, aole no hoi ma na aupuni o ka lewa nei i hele ia e aʻu. A ina he mea mau keia iloko o ka wa hiamoe, ke olelo nei au, aole loa au e hoomau i koʻu noho ana ma keia aupuni a hiki i koʻu la hope.

            A hala na mahina eha o ko lāua noho ana, ua ano hoohihi lāua ia lāua iho, aka nae, i kekahi la, hoouna aku la o Melekuliana i kana manu kiai, i ka i anaku e lele oe iloko o ka uwila a me na ao eleele e hoopuni ana i na laina liona. A ia manawa no, lele aku la ua manu nei, a hiki ana imua o na laina liona. Pane koke mai la no kelii o na liona, Ka hua i ka umauma, haina. Pane aku ka manu elele, Ma ka olelo a ka Haku o kakou, na kauoha ia mai nei oukou a pau, e hele aku imua ona, no kekahi mea nui ana i manao ai.

            I ka lohe ana hoi o ke alii o na liona, nīnau koke mai la oia, Heaha ka pilikia au i ike ai a i lohe ai hoi? Pane aku la ka manu, Aohe aʻu pilikia i lohe, aka, o kaʻu mea nae i ike, ua mareia na haku nei o kakou me ka mamo a Adamu, a o Lo Hipa ka inoa, a he eha ae nei malama o ko lāua noho pu ana.

            Ma keia lohe ana o ke alii o na liona, ua uwo koke ae la oia me ka leo nui, a huipa ae la i kona huelo i ka lewa, a kani ae la e like me ka pu kuniahi, nona ka ikaika e kiola ai i kona poka i elima mile ka mamao.

            A lohe mai la na liona a pau e noho ana iloko o ke ao eleele, lele kaapuni ae la lākou mawaho o ke ao, a pela no hoi na manu, aohe mea i koe aku iloko o ka uwila a me na ao eleele.

            A ike hoi ke alii o ka liona, ua akoakoa mai na mea a pau, hai aku la oia i ka huaolelo imua o na laina liona e ku ana imua ona, i ka i ana aku. Ke hai aku nei au imua o oukou, a ke nīnau pu aku nei no hoi, O ke Lii o kakou, ua mareia me ka mamo a Adamu, a Pehea la ko oukou manao? Hooho like mai la na leo, E make ka mao a Adamu e pono ai!

            Mahope iho o ka hui ana o na laina liona, lele auna mai la lākou a hiki i ke aupuni uwila, a hiki ana ma ke alo o ka Halealii, a huipa ae la ke alii o na liona i kona huelo i ka lewa, a kani ae la oia e like me ka pukuniahi.

            A lohe na o Lo Hipa no keia mea kaui, haohao iho la kona manao, aka, o Melekulana nae, ua maa oi ia mea. Ku ae la oia a puka aku la iwaho, me ke kono ole iho nae ia Lo Hipa, aka, puka aku la no nae keia mahope.

            Ia Melekuliana ma hoi imua o kana mau laina liona, hai aku la oia i kona manao imua o lākou, O ka hoopalau ana a oukou iaʻu me ke keiki alii o ke aupuni Makelia, ua haule ia malalo o ka makemake o ko ka po, nolaila, ua haawi ia au a ua lilo na ka mamo a Adamu, a ke ku pu nei oia me aʻu imua o oukou i keia la, nolaila,

            “Aohe hana a Kauhikoa, Ua kau na waa i ke aki,”

A pehea la ko oukou manao? Ina he manao ko oukou, e hoike mai no me ka oiaio.

            O ke alii hoi o na liona, holoholo ae la oia me ka hookano, owiliwili ae la i kona huelo, a huipa ae la i ka lewa, a kani ae la e like me kahi pu a Kina. Kani no ma ka huelo, puka no na huaolelo ma ka waha. E make ko kāue e pono ai! Pane mai o Melekuliana, Aole au e ae aku i ka make o kuu kāne, oiai, he kāne kaʻu i haawiia mai e ka po, aole mamuli o koʻu makemake iho; e like no hoi me ko oukou makemake i haawi ai iaʻu na ke keiki alii o ke aupuni Makelia, pela no hoi ka ka po haawi ana iaʻu na ka mamo a Adamu. Aia nae iloko o ka wa a ke alii o na liona i pane kikoi mai ai, huli hope ae la o ko Lo Hipa alo, hoalu iho la i kona kino, a hooneinei aku la i kona lemu i hope, me ka ani pu ana ae o na maka, a komo loa aku la iloko o ka hale, a lawe mai la i kana wahi eke talena.

            Pane kikoi mai la no ke alii o na liona, Aohe ou mana e hiki ai ia oe ke hoopakele i ke ola o ko kāne! Pane aku la o Melekuliana, Pela paha, aka, he holoholona ʻoe, a he kanaka keia, a ma ka oleloia, he haku keia nou e ka holoholona a me na manu o ka lewa.

            Ma keia olelo a Melekuliana, @ieua ae la ka liona alii, a holoke ae la i waena o na laina liona, a hoolale koke ae a oia i ka maki ana i na laina liona mua, me ka makaukau e lele aku maluna o Lo Hipa, aia hoi, e hoohamama koke aku ana keia i ka waha o ke eke kalena, a he kohu makani paahiohio ka Melekuliana o ka ike ana i ka wili ana iho, ani ae la kona mau maka, me ka manao o pula mai i ka lepo, aka, puiwa ae nae oia i ke amio ana iho ma kona kua, a kulana aku la oia, no ka ikaika o ka makani ia omo ana mai a ka mana o ka eke talena. Aia nae a nana pouo aku oia imua, aole na lain liona ma ko lākou kulana, alaila, huli ae la oia a nīnau ia Lo Hipa, Auhea iho nei la hoi na laina liona? I aku o Lo Hipa, Malia paha ua hoi aku la no ma ke alanui a lkou i hele mai ai? A no keia olelo a Lo Hipa, wikiwiki ae la o Melekuliana i ka nana i ka lewa, aole nae oia i ike i kekahi wahi kiko eleele iloko o ka lewa, nolaila, nīnau hou aku la oia ia Lo Hipa, Ina ua ike pono oe i ko lākou wahi i hele ai, e kuhikuhi mai oe iaʻu a ina hoi ua ike oe ua pau i ka make, e hiki no ia oe ke hoola, no ka mea, ua lohea au, o ka poe mamo a Adamu, he poe akamai kekahi o lākou ma ka hoola ana.

            Ma keia mau nīnau a Melekuliana, pane aku o Lo Hipa, Aole au i ike i ko lākou wahi i hele aku ai a me ko lākou make ana, aka, he amio makani kaʻu o ka ike ana iho mawaena nei o kāua, a kapalulu aku la i hope.

            Mamuli o keia maalea o Lo Hipa, pane aku la oia i ka wahine, E ku malie iho oe maanei, a e nana aku oe i kahi e hoea mai ai, malia paha o hele nui aku a kahi e ike iho ai, aole au i make, alaila, hoi nui hou mai e pepehi iaʻu. Ae mai la no o Melekuliana, me kona ike ole nae i ke ano o ka Lo Hipa mea e kamailio nei.

            O Lo Hipo hoi, komo aku lo oia iloko o ka hale, a me kahi palahalaha e pili mai ana i ka hale alii, hoohuli aku la oia i ka waha o ka eke talena, a puka huikau aku la lākou me ka haluku nui, e hehi ana kekahi maluna o kekahi, me ka manao ole i ka eha, aka, o ke ola wale no ka manao nui.

            A no ke ano pihoihoi o na liona i ka makaʻu i ka make, nolaila, ua holo puahia aku la lākou, a onini ana ma ke alo iho o ka Halealii, ma kahi o ko lākou kulana hooio.

            O Melekuliana hoi, i kona ike ana no i ka hoea ana aku o na liona mua, puiwa ae la oia i ka olioli, a Kahea aku la hoi ia Lo Hipa, Auhea oe, eia no keia mau liona la, aohe i make! Pane mai la hoi o Lo Hipa, Heaha ia? Pane mai la o Melekuliana, o na liona, ua pau mai nei i ka hoi, a me he mea la, aole kekahi o lākou i nalowale aku. Auhea? Wahi a Lo Hipa. I mai la o Melekuliana, Eia no hoi la. E wiki e wiki hoi o Lo Hipa, a ku ana ma ka aoao o Melekuliana, a pane ae la i kana huaolelo ano ike ole. I ka ai holoholona nui aku nei noi ha, a me kekahi mea ano koko e ae, no ka mea, he poe puni koko keia. Pane mai o Melekuliana, O keia ano liona, aole o lākou ai i na mea koko i hoomoa ole ia, a o ka hana mea hoi e ai nei, o ka lākou no ia e ai ai. Pane aku o Lo Hipa, Ae, pela no i kahi manawa, e ai ana no lākou i ka weuweu, a e inu ana no hoi i ke koko o na mea koko, no ka mea, he rula paa ko na mea a pau.

            Mahope iho nae o ka lāua mau kikoni olelo ana, nīnau aku la o Melekuliana i ke alii o na liona, Pehea la kou manao no kuu kāne, ka mamo hoi a Adamu? Pane mai ke alii o na liona, E ke alii, e ola mau loa oe a me kau kāne, a no olua ka hoomaikai palena ole me ke aupuni Uwila nei.

            I ke alii o na liona e olelo ana, alawa aku la o Lo hipa i ka laina liona holookoa e ku mai ana imua o lana nei, e kaheawai mai ana ko lākou mau waimaka, nolaila, nīnau aku la oia, E uwe ana oukou i ke aha? Pane mai la ka manu i hakaka ai me ianei, E uwe ana makou a pau i ka makau i ka make ia oe, no ka makou olelo hoino i hoopuka ae nei, me ka manao e pepehi ia oe, me ke kuhihewa nae, o ko makou nui ka mea e make ai oe, eia ka o makou ke pau ana i ka make. Ua ike nu au i kou ikaika ma ka pepehi ana iaʻu a make, a me kou hoola hou ana iaʻu me kou mana nui, ma keia hana ana iho nei, ua kuhihewa au, me kuu manao, o koʻu hookahi la ke kumu o kou ikaika, a ina hoi o makou a pau ke lele ana maluna ou i ka manawa hookah, aole la oe e lanakila ana, eia ka o kou huluaa loa aku ia.

            A lohe nae ke alii o na liona, nīnau ae la oia i ka manu, Ua halawai mua no ka olua? Ae aku la ka manu, me ka i aku, Na ianei i pepehi iaʻu a make, a naua no hoi i hoola hou iaʻu me kona mana nui; a o kaʻu uku no hoi iaia, oia kuu alakai ana mai a hiki i ke aupuni Uwila nei, e like me kona makemake, aole nae me kuu manao, e lilo ana i kāne na ke Aliiwahine, aka, o koʻu manaoio ma ia alakai ana mai aʻu, i make ai oia ke hiki mai ianei, eia ka auanei, e pololei ana kela a ka waha o ke Alii, a no kakou hoi ka haule ino imua ona i keia la. A lohe ke alii o na liona, kukuli iho la oia imua o Lo Hipa. A o na laina liona hoi e kuku mai ana, ike mai la lākou i ke kukuli ana o ko lākou Alihikaua imua o Lo Hipa, o ko lākou alu like iho la no ia ilal, a kukuli iho la. A ike mai la hoi na Alihikaua nei, e kukuli ana na laina liona, mohai ae la oia ia Lo Hipa, i ka i ana ae, E ke Lii, ka mamo hoi a Adamu, e kala mai oe no makou a pau, oiai ua hewa makou pau imua ou i keia la.

            I ka lohe ana o Lo Hipa i keia leo mihi, pane aku la oia imua o na laina koa e kuku mai ana imua o lāua, Ua kalaia oukou a pau, aole he hewa i koe maluna o oukou a pau, nolaila, e hoi oukou iloko o na ao eleele i hoopumehana ia e ka uwila a me ka hekili.

            I ka lohe ana o ke alii o na liona i ka olelo o Lo Hipa, hookah mua ae la oia i kona huelo, a laina aku la i ka nui o na liona, a maki aku la i ka lewa, me ka huipa like ana i ko lākou mau huelo, a kani like ae la, e like me ke kani ana o na pukuniahi i ka wa hoouka kāua nui o na aoao elua, a naueue ae la na paia paa o ka lewa, a auhee ae la na ao opua, a hoi aku la lākou i ko lākou wahi mau.

            A o keia poe huelo kani i hookaniia i ka manawa hookah, he hoike ana ia i ko lākou aloha alii.

            Aia nae i ka hiki ana o na mau laina liona nei iloko o na ao eleele i hoopumehanaia e ka uwila a me ka hekili, ua mihi aku lākou a mihi mai ia lākou iho, no ko lākou pakele ana i ka make iloko o ka manawa pokole. Ua haohao pu no hoi lākou i ke kumu o ko Lo Hipa ikaika a me ka mana nana i hoopaa ia lākou. Aka, ma ke ike a liona i puka mua mailoko aku o ka eke talena, i mai la oia, Iaʻu i puka mai ai, a huli aku la au a nana i hope, ike aku la au ia oukou, e oiliili mai ana oukou mailoko mai o kekahi wahi eke uuku e paa ia ana ma kona lima. I mai kekahi, Ina he wahi eke io kau mea i ike ai, alaila, o ka eke talena aku la a Marina, a o kana moopuna keia. No ka mea, i koʻu wa e noho pu ana me Marina, na ike au he eke talena kana mea make, a no kuu hoao ana e aihue, kipakuia mai ai au.

            A hala ka makahiki o ka lana nei no ho pu ana, a oiai lana e hiamoe ana i kekahi po, a ma ka wanaao o na po la, hiki mai la ka manu, elele a ke keiki alii o ke aupuni Materia, ke kāne hoopalau no hoi a Melekuliana, i hoopalania ai e ke alii o na liona. Lele au ia na manu nei a kau pu me ka manu kiai o ka Halealii. A ike mai la hoi ka manu kiai i ka manu elele, kani ae la oia me ka leo nui, a puiwa a @ Melekuliana, a hoolono iho la; a iaia e hoolana ana, kani hou ana no ka manu kiai, a hoomanao ae la no oia, ua hiki mai ka elele a kana kāne, @ ala ae la oia, a i kieki aku ka hana, o kona ike aku la no ia, o ka manu elele io no a kāua kāne i hoopalau ia ai, ana hoi i ike maka ole ai a i kukakuka pu ai la hoi.

            Puka loa aku la o Melekuliana, a aloha aku la, me ka nīnau pu aku, Auhea ke Lii, a heaha kou manao o ka hiki ana mai nei? Aloha mai la ka manu, me ka i mai, Aia no kaʻu haku ke noho la me ka hoomanao ia oe, a i hoouna mai nei iaʻu, e hai aku i ka lohe ia oe, e hoomakaukau oe no ka mare, oiai o ka piha ana keia ona makahiki eha o ko olua hoopalau ia ana.

            A lohe o Melekuliana i na olelo a ka manu, i uka la oia, Auhea oe, o ka hoopalau ana a kuu mau liona i kuu kino me ko haku, aole no au i ae, a nolaila, e hoi oe a olelo aku i ko haku, ua loaa kuu kāne mamuli o kuu makemake, a ua mareia au me Lo Hipa, ke keiki puukani o Pelekane, a he Galatia ma kekahi olelo ana, a e hai aku no hoi oe,

            “Mai noho ia a hoale mai, I ka wai na lana malie, O lapaku ae ia nei, Ala mai na eu o ka lewa.” (Aole i pau)

 

E koho i ka mea kupono!

 

E ka Nupepa Kuokoa, Aloha oe—

            Oiai ke kokoke mai nei ka manawa no ke kau Ahaolelo, nolaila, ho pono e wae mua ka naau o kela a me keia iloko ona, no ka mea kupono a oukou o koho ai, nolaila, ke kau leo mua aku nei au i na kanaka o ka apana o Puna, mokupuni o Hawaii, me kuu ike io, e koho mai ana no oukou ia Hon. Jos. Nawaihi, he kanaka naauao io, a hooko poi, i ko oukou makemake, oiai ua ike pono ia kāua mau hana i ke Kau i hala aku nei, nolaila, mai hoohemahema mai oukou iaia, a punihei aku hoi i na olelo pahele a ka poe kue i ko oukou mau pono. He poe hoike maka no oukou no kana mau hana a me ka hooko ana i ka oukou mau kauoha, aole oia i haalele i ka noho o Puna, e like me ka mea a oukou i hoounamai ai mamua aku o ko ia nei manawa, ka haalele pinepineia o ua noho la. A i mea e maopopo ai: 1 Aole i wiwo i na Kuhina. 2 Aole hoi i lalau i na mea ona. 3 Aole i hai na rula o ka Hale Ahaolelo. 4 Aole hoopilimeai. 5 Aole puni oihana e like me ia la, (Lunamakaainana). 6 Aole lawe i ka waiwai kipe. 7 A oia no ka La o ka apana o Puna, a nana no paha auanei e hoomalamalama i ke aupuni holookoa a he ano Karistiano io.

             Ina ua ike ae la oukou i na manao maluna, eia no ka pono, a e kapaiu auanei oukou he poe naauao, ke hooki loa oukou i ke koho ana ia J.W. Hoopilimeai a me L. Hoohuiaupuni, na kupua hoeunuha nana e hoohuli i ko oukou mau pono, a manao nui i ko lāua pomaikai; a ina e koho oukou a puka kekahi o ia mau kanaka, a laila, e kapaia ana ka apena o Puna, o ia ka Helu 1 o ka naaupo ma na apana a pau o ia mokupuni, nolaila, mai hoemi oukou i ka inoa o ka apana i piha i ka ike a me ke akamai; a ina no ka eha o ko lāua manao, a hoohuli mai ia oukou, mai ae aku i ko lāua naauao.

            Hookahi wale no pono ia oukou, o ke koho i ke keiki aloha lahui a me ka ana aupuni, no ka mea, ua lohe akea ia kana haiolelo ma Kauakanilehua, no ka aue ana i ko kakou aina, aole e haawi i kekahi hapa o ko kakou waiwai, a na oleloia oia e kekahi poe haole, he naaupo, no ka ana ia Pauloa. A @ia ka nīnau malaila, Ua naaupo anei ka Moi i kona ana ana, aole e haawi aku? A ina ua naaupo ka Moi, alaila, ua naaupo oia; a ina ua naauao ka Moi, ua naauao no hoi oia. A no keia mau hoike, auhea ka mea kanaloa a ko oukou manao? Eia wale no, e hooko aku a ko ko oukou makemake, a e paa ko oukou @ananio a hiki i ka lanakila lou. Me ka mahalo. Owau no o

            Henry Lo Hipa.

Honolulu, Dec 24, 1878