Ka Nupepa Kuokoa, Volume XII, Number 51, 20 Kekemapa 1873 — HE MOOLELO KAAO NO ROBIANA LO KA HIWAHIWA O KE KOA, Helu Akolu o ka Ikaika. [ARTICLE]

HE MOOLELO KAAO NO ROBIANA LO KA HIWAHIWA O KE KOA, Helu Akolu o ka Ikaika.

I unuhiia mai loko mai o ka Bnke Arabia, mai ka Oleh Beritania a ka Olelo Hawaii. Mahele lll—Helu 101 AIA nae mahope iho o ke ola ana o na'mea a pau a me ka hoi hou ana o ka aina e like me kona mau, ua hapai ae la ka lahui holookoa, i mau ahaaina olioli ma kela a me keia wahi o ke aupuni. A pau ka mahina holookoa o ka ahaaina olioli ana, haalele iho la lakou i ke aupuni o Galatia, a hoi aku la i ke aupuni Poepoe. A hala kekahi mau la, ua kuka iho la lakou me ka noonoo ana i ka lakou mea e hana ai, i hiki ai ke lanakila maluna o Melevila ; noonoo iho la lakou e hoao hou ma na mea mana, a hooholo iho la, aka, ua hoole ia mai e na manu kiai o ka Halealii, ika i ana mai, O na mea mana a pau a oukou e hoomomoa nei, he mea paani wale ia no ia e na manu kiai o ua-uiau kaikamahine la, no lakou kamana ma na hulu i ke make kayQlm,o!e. ai ka enemi-m/U, •h<Jpe Roko iho o ka pa Tiqi ana maio ua hulu koo la.

Hāule iho la ko lakou noonoo ana no na mea mana, a hapai ae la lakou i ka' manao ana, e hoao ma ka hakaka ana me na lima, a e huna ia ko lakou mau kino maloko o ka mana o ke aniani pouli, no ka mea, aole laua e ike mai ana i ko kakou mau kino, a o ka hu o na puupuu ka lakou e haohao, a ma ka uina ana oka lae ka lakou e ike. Ano ka mea keakea hou ole iwaena o lakou, ua hooholo iho la lakou ia manao, a o ka hooko wale aku no ka mea i koe. Aka, pae mai la nae kekahi leo iloko oke aheahe malie, eia ka hoi auanei o kahi uhane aie nui no, i ka i ana mai, Aohe o oukou ahai lono, ke hele aku ma ia ano, no ka mea, o kahi aniani pouli a oukou e hilinai nei, he mea ole loa ia imua 0 lakou ; aia hoi a palua ia iho ka ike o ka oukou wahi aniani pouli, alaila, like pu aku me ka lakou aniani pouli; a o ke aniani pouli e like me ka oukou ke ano, he mea paani a peepee akua ia na ko laila kamalii. N'olaila, e waiho loa 1 ko oukou noonoo ana i na mea mawaho, no ka mea, aia no iloko o kekahi o oukou ka mea e lanakila ai, a mailoko mai olaila e loaa ai ka ikaika palena ole, e hiki ole ai i ka maliu mai, ke kanaenae ia me na mohai, a e loaa auanei ia oukou. ke kulana a oukou e uhaiaholo nei, alaila, hookuu kekahi mau mea o oukou i ka luhi a hiki i ka hopena, a e kanu ia auanei ko laua mau kino kupapau iloko o na ao opua melemele, aole hoi e like me ko ka honua nei, ka uhiia oka lepo maluna oka lepo. [Ua olelo ia ma keia moolelo, o ke kanuia ana o Hipa ma iloko o ke ao opua, oia ka ka raea a kakou e ike aku ai i na ao o ka lewa me he kanaka la i kahi manawa.]

Ma keia olelo a kahi uhane aie nui, okalakala ae la ka wahine dia, me kona ike ole nae, aia maluna iho ona ka hooko ia ana o na olelo, nolaila,. olelo ae la oia ia Hipa ma, mahope iho o ka pau ana o ka aina ahiahi, Mai keia po aku, e hoomaka hou kakou i ka moemoea ana e like me mamua, a o ka mea e loaa ana o ka moe, e ala ae oia a hai mai imua o kakou. Aia n&e ia lakou i hoao ai ma ka moemoea ana, aohe o lakou mea i loaa ka moe, a hiki i-ka puni ana o ka makahiki; a ma ka po hope o ua makahiki la, loaa iho la ia Lo Hipa ka moe, a maloko o ua moe uei, lawe ae la oia i kana pahiwakawaka, a hahau aku la ma ka wawae akau o ka wahine dia, oili mai la ka iwi pili ; a hahau hou aku la no keia ma ka umauma, oili mai ana keka-

hi iwi aoao, a puoho ae la oia, eia ka he moe. Ano ke ku oua moe nei ika hooweliweli, ua liiki ole iaia ke moe hou, nolaila, ua hiaa wale no oia a hiki i ke ao ana. A ia lakou ma ka papaaina, a inamua ae o ka ai ana, he moa mau i ua wahine dia nei ka ninau aua. Ano ko Hipa nele, hoole mli la oia, a pela no hoi i ua wahine <lia nei. Aka, o L > Hipa nae, i aku la oia, Owau no ka me i i loaa ka moe, lie moe ku nie i ka weliweli, a ke manao nei nae au, e halawai ana kakou me ka luku nui hou ia ana ina keia hope aku.

A no keia man olelo hoi a Lo Hipa, ninau mai la ka wahino dia, Pehea ke ano oka moe i loao ia oe ? Hahai aku la no hoi o Lo Hipa e like me na mea i olelo mua ia ae li. A lohe ua wahine dia nei, olioli loa iho la oia, me ka leleana ma o a maanei, a i aku la ia Hipa, Ma keia moe i loaa i ke keiki a kaua, e loaa ana ia kaua ka lanakila. Ae mai la o Hipa. Hnli ae la no hoi ua wahine dia nei, a i mai ia Lo Hipa, 0 ka inoe i loaa ia oe, e hooko ia aua ia maluna o'u i keia la, nolaila, e lawe oe i ka oi o kau pahiwakawaka, a e kau mai maluna o'u, e iike me kau hana ana maloko o ka mo'e i loaa ia oe. Ano ko Lo Hip l a manaonao, kanalua iho la oia, aka, i mai la makuahine, Mai kanalua oe, no ka,moM[

hoola koke ia no ia iloko o ka wa pokole, aka, o ka pilikia e hiki mai ana imua o kakou, aole loa ia e hiki ke pale ae, ke ole e hookoia ka mea i hoike ia mai ia oe ma ka moe.

A no keia mau olelo a kawahine dia, unuhi ae la o Lo Hipa i kana pahiwakawaka, a ooki aku la ma ka wawae, a oili mai la ka iwi pili, lawe ae la keia a waiho ma kahi kaawale ; hoana ae la

keia e oki aku ma ka umauma, iimo iho la na maka o ua wahine dia nei, a hooki iho la keia ika hahau ana aku. Aka, i mai la ka wahine dia, Heaha ka hoi ko mea i ooki ole mai la ia'u ma kahi au i makemake ai ? I ooki aku nei no hoi au, a no ka iinio ana iho ou mau maka, nolaila, hu ae la ko'u aloha ia oe, a hooki iho la au i ka hahau ana aku i ka'u pahi maluna ou. I mai la ka wahine dia, E oki koke mai ia'u ano. Pane aku o Lo Hipa, E oki koke aku no au ano, a e moe nae ou mau maka. Moe iho la na maka o ka wahine dia, a ia wa no keia i hahau aku ai ma ka umauma, a oili mai la kekahi iwi aoao, a o ka manawa no ia o ua wahine dia nei i haule iho ai ilalo, a waiho a make iho la iloko o kekahi mau minute. Lawe ae la hoi oHipai ka omole wai ola, a lu aku la maiuna o kana wahine, a ola ae la.

A oua mau iwi nei hoi, ua hoomaemae mua iho, mamua iki ae o ke ola hou ana o ka wahine dia, a ua kau ia aku la maluna oke pakaukau. Aia nae iloko 0 ka wa a ua wahine dia nei i ola mai ai, ninau koke ae la no oia, Auhea iho nei kūu mau iwi ? Pane mai la o Hipa, Ei aku no hoi ke kau mai la iluna o ke pakaukāu. Nana aku la ua wahine nei a ike, huli koke ae la oia a i mai ia Hipa, Mainoino no hoi au mamuli o olua. 1 mai o Hipa, 0 kaua pu no hoi kai mainoino—mai mea oe, e hoomanawanui, a loaa ia kakou ka lanakila, alaila, lilo oe i Moi no na aupuni a pau o ka lewa.

Lalau aku la keia i ua mau iwi nei ona, a uwe iho la. A pau kana uwe ana, i aku la oia ia Elipa ma, Ano, e hoomakaukau kakou, a e lele aku i Pelekane, a malaila e hana ia ai kekahi huakai nui no ka hoolewa aaa i kuu mau iwi, no ka mea, aohe e pono maanei, oiai o kakou wale iho la no.

I loa no a pau na huaolelo, o ko lakou nei lele aku la no ia, a ma na hora i ka pili o ke ao, hiki aku la lakoama Pelekane, a komoaku la iloko o ka Halealii, me ke noi mua aku no i ka poe koā kiai, aka, hoole ikaika mai la lakou, me ka hoomakaukau e lele mai maluna o lakou nei, aianae, e hoohamama koke aku ana

0 Lo Hipa i ka elee talena, komo mai la eiwa koa, a o ka umi, holo aku la oia a hai aku la ina alii koa o lakou. Ano ka manao hoi o na alii koa he kipi, hai ia aku la ka lohe i ke Kuhina Kaua ; a raa na koena hora o ia po, hao ae la ke Kuhina Kaua i kona mana, hoolale ae la oia i na koa, a iloko o na lninute pokole, ua hoopuni ia ae la ka pa o ka Halealii. Hele aku la naē ka lono o keia hoomakaukau kaua a lohe o Keoni Hemolele, i mai la, Aohe hōi he wa a ua make, loaa ana ka hoi keia puu nui iloko o ko'u noho aupuni ana, oiai ua hoomakaukau ia ke kaua e kipi aku ana 1 ka poe nona ke aupuni, a no lakou inai hoi keia hanohano a'u e noho nei. Aole he kipi e hiki mai iloko o ke au o ka noho'na maluhia. Ao ua poe la i hiki mai la, o na moopuna aku la no ia a Kikii Uil ama, a i hakalia i ka po a ao ae, e ike aku no auanei kakou, e kau īnai ana ka Hae Alii. Eia wale no ka pono, 'e olelo aku i ka Alihikaūa, e hoihoi koke aku i na koa mamuaae o ka malama:lama ana. A pela i hookoia ai.

F Ma ke ao ana ae, ua kui aku la-ka lo

no ma na wahi a pau o ke aupuni, no ka hiki ana mai oLo Hipa ma. Aua hai pu ia aku no hoi ka lohe, he hoolewa nui ma ka la apopo, no ke kaikaina o Lo Hipa, i make ma Galat,ia, aua hoihoi |a mai nei kona kino kupapau, e kanuia ||a ka ilina alii o kona mau kupuna, no•ffa, e hoonohonohoia ka huakai 'iiia ka puka o ka Halealii nei, a ua makemake ia na mea a pau e komo mai iloko o ua hoolewa la, mai ka mea e noho aua ma ka noho Moi a i ka poe haahaa loa. Ma ua la nei no hoi, ua kena koke ae la o Lo Hipa, i ko ka Moi Puuku Nui, e hele' a e olelo aku i ke kamana helu 1, e hanaia kekahi pahu kupapau nani no ke kumukuai kiekie loa, a e hana kinohinohiia me ka wai dala a me ke guja. A iloko o na hora 4, ua paa ae la ua pahu nei. A ma ia po anaiho, ua hookomoia iho la ua mau iwi nei iloko o ka' pahu, me ka ike ole ia mai e na mea a pau. A hiki mai la hoi ka hora i oleloia, ua akoakoa mai la na mea a pau, a ua hoonohonohoia ka huakai hoolewa e like me ka mea mau a kakou e ike nei. Ama ka hora 1 ponoi, ua kai pololei aku la ka huakai a hiki ma ka Ilina Alii, a waiho ia iho la maloko o ka hale kupapau ona Moi o Pelekane. Oka hanohano i ike ia ma ua la nei no ka hoolewa ana i na iwi elua o ka wahine dia, ua oi aku ia i ka la hoolewa o kona kino holookoa.

Hoi aku la o Lo Hipa ma a hiki i ka Halealii, olelo raai la ka wahine diaia Hipa ma, Ma keia po, e moemoea hon kakou, a ina e hoike ia mai ke ano o ka pahu kupapau, aia malailako kakoU pomaikai, ke hoike pu ia mai me na kuhikuhi, a o ka pau no ia o ka pilikia ma keia mua aku.

Ma ia moe ana iho no, loaa koke no ia Hipa ka moe- A ma ke kakahiaka ae, ninau mai la ka wahine dia, Pehea oe e Lo Hipa, ua loaa anei kau moe ? I mai o Lo Hipa, He oiaio, ua loaa ia'u he moe, a o ko'u uhane ka hoi, hele aku nei no a hiki i ka ilina kupapau, e hamama mai ana ka puka o ka hale, aia hoi, ike aku la ko'u uhane i kekahi kaikamahine, e ku ana ma ke poo o ka pahu, a he āo nui ma kona kua, a hilinai aku la o»a ilaila, a he umikumamalu hoku e hoopuni ana iaia, a o ko lakou mau waihooluu, ua kue kekahi i k'o kekahi, a he mahina kana e paa ana ma kona lima akau, a e olapa mau ana ka uila ma kona aoao hema, a o kona malamalama, ua holo aku la ia i ka hikina ; a ike aku la no hoi ko'u uhane, elua manu nani a maikai, me na pahi i hoopaa ia ma na eheU) a aloha mai la ia'u, me ka i mai, E wawahi oe i keia pahu ! I aku la no ka hoi ko'u uhane, Pehea e hiki ai ia'u ke wawahi i keia pahu a hoomainoino hoi i na iwi o ko'u makuahine ? Pane hou mai no ua kaikamahine nei, E hooko koke oe, a maluna o'u ka hoino ia.

0 ko'u wahi iho la no ia a naha ke pani, a ike iho la au he pahi, me na hua palapala i kakauia ma ke kiunu, e i ana, Mu ka hoike wale ana no i keia pahi. e make ai ka enemi. A o ko'u puoho e ae la no ia, e'a ka he moe. (Aoīe i pau.)