Ka Nupepa Kuokoa, Volume XII, Number 51, 20 December 1873 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XII. HELU 51. HONOLULU, POAONO, DEKEMABA 20, 1873 NA HELU A PAU 629.

 

E PAU NA PUPUPU KAHIKO!

E pani me na Hale Laau!

PAPA! PAPA! PAPA!

O KELA ME KEIA ANO,

---A ME---

NA LAKO KUKULU HALE

O KELA ME KEIA ANO, MA KA

PA-PAPA O S. G. WAILA MA!

---KIHI O---

ALANUI PAPU me ALANUI MOIWAHINE, no ke Kumukuai HAAHAA

LOA! ae like ka nui me ka makemake.

-----

LAAU NOUAIKI!

NA LAAU KAOLA,

                         NA PAPA MANOANOA,

                       NA PAPA HELE,

                       NA KUA,

                                       AAHO,

                                        AAHO LIILI, &c.

           LAAU ULAULA!

LAAU KAOLA,

NA PAPA MANOANOA,

NA PAPA HELE,

NA KUA,

AAHO, POU,

AAHO LIILII,

MOLINA, &c.

Pili Cida keokeo, Pili Laau ulaula,

Na Puka Hale, o na ano a pau,

Na puka Aninni, o na ano a pau,

Na Olepelepe Puka, o na ano a pau,

--------

Pepa Hale me na Lihilihi.

--------

NA LAKA PUKA!

NA AMI-PUKA,

                       NA-AMI PUKA LIILII,

                  NA KUI NAO.

----- ---

PENA, AILA-PENA, VANIKI,

WAI HOOMALOO.

---------

-PAAKAI Helu 1,

O PUULOA.

-----

E lawe wale ia no na mea i kuaiia

mai keia Pa-papa aku a i kahi o ka mea kuai mai, ina ma ke kaona nei, a ma na Awa

o keia Paeaina e like me ka aelike.

-----

Aia maanei ke Keena o ka

                 MOKU MAHU "KILAUEA,"

          D. TAYLOR, KAPENA.

-----

S G. Waila Ma.

                                                                        614-3m

 

HE MOOLELO KA AO

..NO..

ROBIANALO

KA HIW AHIWA A O KE KOA,

Helu Akolu o ka Ikaika.

------

I unuhiia mai loko mai o ka Buke Arabia, mai

ka Olelo Beritania a ka Olelo Hawaii.

------

MAHELE III---HELU 101

------

            Aia nae mahope iho o ke ola ana o na mea a pau a me ka hoi hou ana o ka aina e like me kona mau, ua hapai ae la ka lahui holookoa, i mau ahaaina olioli ma kela a me keia wahi o ke aupuni.  A pau ka mahina holookoa o ka ahaaina olioli ana, haalele io la lakou i ke aupuni o Galatia, a hoi aku la i ke aupuni Poepoe.  A hala kekahi mau la, ua kuka iho la lakou me ka noonoo ana i ka lakou mea e hana ai, i hiki ai ke lanakila maluna o Melevila; noonoo iho la lakou e hoao hou ma na mea mana, a hooholo iho la, aka, ua hoole ia mai e na manu kiai o ka Halealii, i ka i ana mai, O na mea mana a pau a oukou e hoomomoa nei, he mea paani wale ia no ia e na manu kiai o ua-mau kaikamahine la, no lakou ka manu ma na hulu i ke koo. e make kauoha ole ai ka enemi mahope koke iho o ka pa lihi ana mai o ua hulu koo la. 
            Haule iho la ko lakou noo noo ana no na mea mana, a hapai ae la lakou i ka  manao ana, e hoao ma ka hakaka ana me na lima, a e huna ia ko lakou mau  kino maloko o ka mana o ke aniani pouli, no ka mea, aole laua e ike mai ana i ko kakou mau kino, a o ka hu o na puupuu ka lakou e haohao, a ma ka uina ana o ka lae ka lakou e ike.  A no ka mea keakea hou ole i waena o lakou, ua hooholo iho la lakou ia manaok a o ka hooko wale aku no ka mea i koe.  Aka, pae mai la nae kekahi leo iloko o ke aheahe malie, eia ka hoi auanei o kahi uhane aie nui no, i ka i ana mai, Aohe o oukou ahai lono, ke hele aku ma ia ano, no ka mea, o kahi aniani pouli a oukou e hilinai nei, he mea ole loa ia imua o lakou ; aiahoi a palua ia iho ka ike o  ka oukoi wahi aniani pouli, alaila, like pu aku me ka lakou aniani pouli ; a o ke anion pouli e like me ka oukou ke  ano, he mea paani a peepee akua ia na ko laila kamalii.  Nolaila, e waiho loa i ko oukou noonoo ana i na mea mawaho, no ka mea, aia no iloko o kekahi o oukou ka mea e lanakila ai, a mailoko mai olaila e loaa ai ka ikaika palena ole, e hiki ole ai i ka maliu mai, ke kanae- nae ia me na mohai, a e loaa auanei i oukou ke kulana a oukou e uhaiaholo nei, alaila, hookuu kekahi mau mea o  oukou i ka luhi a hiki i ka hopena, a e  kanu ia auanei ko laua mau kino kupapau iloko o na ao opua melemele, aole  hoi e like me ko ka honua nei, ka uhiia o ka lepo maluna o ka lepo.  [Ua olelo ia ma keia moolelo, o ke kanuia ana o Hipa ma iloko o ke ao opua, oia ka kamea a kakou e ike aku ai i na ao o ka lewa me he kanaka la i kahi manawa.
            Ma keia olelo a kahi uhane aie nui, okalakala ae la ka wahine dia, me kona ike ole nae, aia maluna iho on a ka hoo- ko ia ana o na olelo, nolaila, olelo ae la oia ia Hipa ma, mahope iho o ka pau ana o ka aiana ahiahi, Mai keia po aku, e hoomaka hou kakou i ka meomeoa ana e like me mamma, a o ka mea e loaa ana o ka moe, e ala ae oia a hai mai imua o  kakou. Aia nae ia lakou i hoao ai ma ka moe- moea ana, aohe o lakou mea i loaa ka moe, a hiki i-ka puni ana o ka makahiki ; a ma ka po hope o ua makahiki la, loaa iho la ia Lo Hipa ka moe, a malo- ko o ua moe uei, lawe ae la oia i kana pahiwakewaka, a hahau aku la ma ka  wawae akau o ka wahine dia, oili mai la ka iwi pili ; a hahau hou aku la no keia ma ka umauma, oili mai ana kekahi iwi aoao, a puoho ae la oia, eia ka he moe.  A no ke ku o ua moe nei i ka hooweliweli, ua hiki ole iaia ke moe hou, nolaila, ua hiaa wale no oia a hiki i ke ao ana. 
            A ia lakou ma ka papaaina, a mamua ae o ka ai ana, he mea mau i ua wahine dia nei ka ninau ana.  A no ko Hipa nele, hoole mia la oia, a pela no hoi i ua wahine dia nei.  Aka, o Lo Hipa nae, i aku la oia, O wau no ka mea i loaa ka moe, he moe ku nae i ka weliweli, a ke manzo nei nae au, e halawai ana kakou me ka luku nui hou ia ana ma keia hope aku. 
            A no keia mau olelo hoi a Lo Hipa, ninau mai la ka wahine dia, Pehea ke ano o ka moe i loao ia oe?  Hahai aku la no hoi o Lo Hipa e like me na mea i olelo mua ia ae la.  A lohe ua wahine dia nei, olioli loa iho la oia, me ka leleana ma o a maanei, a i aku la ia Hipa, Ma keia moe i loaa i ke keiki a kaua, e loaa ana ia kaua ka lanakila.  Ae mai la o Hipa. 
            Huli ae la no hoi ua wahine dia nei,a i mai ia Lo Hipa, O ka moe i loaa ia oe, e hooko ia ana ia maluna o'u i keia la, nolaila, e lawe oe i ka oi o kau pahi wakawaka, a e kau mai maluna o'u, e like me kau hana ana maloko o ka moe i loaa ia oe.  A no ko Lo Hipa manao- nao, kanalua iho la oia, aka, i mai la ka makuahine, Mai kanalua oe, no ka mea hoola koke ia no ia iloko o ka wa poko- le, aka, o ka pilikia e hiki mai ana imua o kakou, aole loa ia e hiki ke pale ae, ke ole e hookoia ka mea i hoike ia mai ia oe ma ka moe.
            A no keia mau olelo a ka wahine dia, unuhi ae la o Lo Hipa i kana pahiwa- kawaka, a ooki aku la ma ka wawae, a oili mai la ka iwi pili, lawe ae la keia a  waiho ma kahi kaawale ; hoana ae la keia e oki aku ma ka umauma, iimo iho la na maka o ua wahine dia nei, a hooki iho la keia i ka hahau ana aku.  Aka, i mai la ka wahine dia, Heaha ka hoi ko mea i ooki ole mai la ia'u ma kahi au i makemake ai?  I ooki aku nei no hoi au, a no ka iimo ana iho ou mau maka, nolaila, hu ae la ko'u aloha ia oe, a hoo- ki iho la au i ka hahau ana aku i ka'u pahi maluna ou.  I mai la ka wahine dia, E oki koke mai ia'u ano.  Pane aku o Lo Hipa, E oki koke aku no au ano, a e moe nae ou mau maka.  Moe iho la na maka o ka wahine dia, a ia wa no keia i hahau aku ai ma ka umauma, a oili mai la kekahi iwi aoao, a o ka ma- nawa no ia o ua wahine dia nei i haule iho ai ilalo, a waiho a make iho la iloko o kekahi mau minute.  Lawe ae la hoi o- Hipa i ka omole wai ola, a lu aku la maluna o kana wahine, a ola ae la. 
            A o ua mau iwi nei hoi, ua hoomae- mae mua iho, mamua iki ae o ke ola hou ana o ka wahine dia, a ua kau ia aku la maluna o ke pakaukau.  Aia nae iloko o ka wa a ua wahine dia nei i ola mai ai, ninau koke ae la no oia, Auhea iho nei kuu mau iwi?  Pane mai la o Hipa, Ei aku no hoi ke kau mai la iluna o ke pakaukau.  Nana aku la ua wahine nei a ike, huli koke ae la oia a i mai ia.  Hi- pa, Mainoino no hoi au mamuli o olua. I mai o Hipa, O kaua pu no hoi kai ma- inoino---mai mea oe, e hoomanawanui, a loaa ia kakou ka lanakila, alaila, lilo oe i Moi no na aupuni a pau o ka lewa. Lalau aku la keia i ua mau iwi nei ona, a uwe iho la.  A pau kana uwe ana, i aku la oia ia Hipa ma, Ano, e hooma kaukau  kakou, a e lele aku i Pelekane, a malaila e hana ia ai kekahi huakai hui no ka hoolewa ana i kuu mau iwi, no ka mea, aohe e pono maanei, oiai o kakou wale iho la no. 
            I loa no a pau na huaolelo, o ko lakou nei lele aku la no ia, a ma na hora i ka pili o ke ao, hiki aku la lakou ma Pele- kane, a komo aku la iloko o ka Halealii, me ke noi mua aku no i ka poe koa kiai, aka, hoole ikaika mai la lakou, me ka hoomakaukau e lele mai maluna o lakou nei, aia nae, e hoohamama koke aku ana o Lo Hipa i ka eke talena, komo mai la eiwa koa, a o ka umi, holo aku la oia a hai aku la i na alii koa o lakou.  A no ka manao hoi o na alii koa he kipi, hai ia aku la ka lohe i ke kuhina kaua ; a ma na koena hora o ia po.  hao ae la ke Kuhina Kaua i kona mana, hoolale ae la oia i na koa, a iloko o na minute pokole, ua hoopuni ia ae la ka pa o ka  Halealii.  Hele aku la nae ka lono o ke- ia hoomakaukau kaua a lohe o Keoni Hemolele, i mai la, Aohe hoi he wa a ua make, loaa ana ka hoi keia puu nui iloko o ko'u noho aupuni ana, oiai ua hoomakaukau ia ke kaua e kipi aku ana i ka põe nona ke aupuni, a no lakou wai hoi keia hanohano a'u e noho nei.  Aole he kipi e hiki mai iloko o ke au o ka noho'na maluhia.  A o ua poe la i hiki  mai la, o na moopuna aku la no ia a Kini Uilama, a i hakalia i ka po a ao ae, e ike aku no auanei kakou, e kau mai ana ka Have Alii.  Eia wale no ka pono, e olelo aku i ka Alihikaua, e hoihoi ko- ke aku i na koa mamua ae o ka malama- lama ana.  A pela i hookoia ai. 
            Ma ke ao ana ae, ua kui aku la ka lono ma na wahi a pau o ke aupuni, no ka hiki ana mai o Lo Hipa ma.  A ua hai pu ia aku no hoi ka lohe, he hoolewa nui ma ka la apopo, no ke kaikaina o Lo Hipa, i make ma Galatia, a ua hoihoi ia mai nei kona kino kupapau, e kanuia ma ka ilina alii o kona mau kupuna, no- po, e hoonohonohoia ka huakai ma ka puka o ka Halealii nei, a ua makemake ia na mea a pau e komo mai iloko o ua  hoolewa la, mai ka mea e noho ana ma ka noho Moi a i ka poe haahaa loa. 
            Ma ua la nei no hoi, ua kena koke ae la o Lo Hipa, i ko ka Moi Puuku Nui, e hele a e olelo aku i ke kamana helu 1, e hanaia kekahi pahu kupapau nani no ke kumukuai kiekie loa, a e hana kino- hinohiia me ka wai dala a me ke gula. A iloko o na hora 4, ua paa ae la ua pahu nei.
            A ma ia po ana iho, ua hookomoia iho la ua mau iwi nei iloko o ka pahu, me ka ike ole ia mai e na mea a pau. 
            A hiki mai la hoi ka hora i oleloia, ua akoakoa mai la na mea a pau, a ua hoo- nohonohoia ka buaki hoolewa e like me ka mea mau a kakou e ike nei.  A ma  ka hora 1 ponoi, ua kai pololei aku la ka huakai a hiki ma ka Ilina Alii, a wa- iho ia iho la maloko o ka hale kupapau o na Moi o Pelekane.  O ka hanohano i ike ia ma ua la nei no ka hoolewa ana i na iwi elua o ka wahine dis, ua oi aku ia i ka la hoolewa o kona kino holookoa. Hoi aku la o Lo Hipa ma a hiki i ka Halealii, olelo mai la ka wahine dia ia Hipa ma, Ma keia po, e moemoea hou kakou, a in a e hoike ia mai ke ano o ka  pahu kupapau, aia malaila ko kakou po- maikai, ke hoike pu ia mai me na kuhi- kuhi, a o ka pau no ia o ka pilikia ma keia mua aku. 
            Ma ia moe ana iho no, loaa koke no ia Hipa ka moe.  A ma ke kakahiaka ae, ninau mai la ka wahine dia,  Pehae oe e Lo Hipa, ua loaa anei kau moe?  I mai o Lo Hipa, He oiaio, ua loaa ia'u he moe, a o ko'u uhane ka hoi, hele aku nei no a hiki i ka ilina kupapau, e ha- mama mai ana ka puka o ka hale, aia hoi, ike aku la ko'u uhane i kekahi kaikamahine, e ku ana ma ke poo o ka pa- hu, a he ao nui ma kona kua, a hilinai aku la oia ilaila, a he umikumamalu ho- ku e hoopuni ana iaia, a o ko lakou mau waihooluu.  ua kue kekahi i ko kekahi, a he mahina kana e paa ana ma kona li- ma akau, a e olapa mau ana ka uila ma kona aoao hema, a o kona malamalama, ua holo aku la ia i ka hikina ; a ike aku Ia no hoi ko'u uhane, elua manu nani a makai, me na pahi i hoopaa ia ma na eheu, a aloha mai la ia'u, me ka i mai, E wawahi oe i keia pahu!  I aku la no ka hoi ko'u uhane, Pehea e hiki ai ia'u ke wawahi i keia pahu a hoomainaoino hoi i na iwi o ko'u makuahine?  Pane hou mai no ua kaikamahine nei, E hoo- ko koke oe, a maluna o'u ka hoino ia.  O ko'u wahi iho a no ia a naha ke pani, a ike iho la au he pahi, me na hua palapala i kakauia ma ke kumu, e iana, Ma ka hoike wale ana no i keia pahi.  e  make ai ka enemi. A o ko'u puoho e ae

la no ia, eia ka he moe.

(Aole i pau.)

 

Ka La kuokoa ma Kailua.

 

            Oiai, ia oukou e ka poe hanohano o o ke capitala, e hoohialaai ana me na hauoli aloha aina o ka La Kuokoa, a ua hookaba wale iho no paha ko oukou mau manao, aia wale no malaila ka he- ke o na hauoli puhaiaa, kahi i malama- ia ai me ko oukou mau huakai hele po, ka haiolelo ma Kawaiahao.  a me ka ahaaina nui malalo o ka malu kiawe kohai o Pohukaine.  Aka, mai haakoi wale ka manao, aia wale ilaila ka hauoli a me ka hialaai kahi i haiamu ai, aia he mau paia okoa e ae no kekahi i laulanaia'i  He oiaio, he hiki paha i ko ke kaona ke ake- na i ka lehulehu o ko oukou muimui ana, a me na hanhano o ka malama ia ana, aka, he hiki hoi ia'u ke puana ae, he mau hanohano makaainana ko oukou, a aole e loaa mai ka malama hanohano alii ia ana o ka La Kuokoa ma Kailua nei.  A o ke kumu o ia, no ka mea, i ku- like me ka haiolelo a ka Lunamakaainana mumuu o Kona nei, i hoopuka mai ai ma ia la, "O oukou e na makaainana o Kona nei, ka poe hanohano loa, no ka noho pu ana mai me oukou, o na ui hanau a pau o ka aina, ke ai a ke hauoli pu mai nei me oukou, oiai ma ka la kuokoa mua loa o ka nohoalii ana o ko ka- kou Moi hou!"  Nani kela!  Hano hoi! 
            He mau la mamua ae, a oiai no hoi kekahi o na la hookupu o na makaainana i ke aloha alii ; ua hoopuka ke ʻ Lii i kauwahi hoaiai manao ana, "Ina e lo- kahi ai ka manao o na kamkaainana o Kona nei, alaila, e malamaia ka Ahaaina La Kuokoa, ma ka pa alii kaulana o Hulihee."  A ua pualu kuemi hope ole mai la ka lokahi ana o na makaainana aloha alii o Kona nei.  Mai ka Poalua mai a hiki i ka Poaha ka lawe ana mai o na hookupu no ka ahaaina, mai na wahi aloha alii mai a pau o Kona nei, he hoike ana o ko lakou mau hialaai aloha a makapehu alii.  Ua lawe pu mai no hoi kekahi poe me na nahele e hoouliuli a e hoalaala ai i ka lanai a me na papaaina ahaaina.  Ua kukuluia elua mau lanai loloa ma ke kihi komohana o Hulihee, e kupono ai i ka hoonoho ana iho he mau haneri o na hoaai me ka oluolu pono ; a o ka liuliu a me ka boomakau- kau ana i keia mau mea, ua hilinai nui no ia ma ka lima i koe o ka Hon. S. K. Kaai o keia pohu i kamaaina, a i aloha ia ai oia. 
            Ma ke kakahiaka Poalima, ua wehe mai no ka malu o no kuahiwi paio me ka molaelae o ke kehau hoala o ua mau Kona nei ; a i ka nana ana i ke ano hio- hiona mua o ka la, ua hoomaka mai ka haina  o ka La Kuokoa, a e hauoli hano- hanoia ana e ka Moi, na ʻ Lii a me kona mau makaainana hialaai alii.  Mamua iki iho o ka hiki ana ae o ke 'Iii o ka la  i ka lolo, aia hoi, ua hoomakaia ka hoo-makaukau ana i na papaaina.  Ua hoo- ukaia ia mau kabua a ko loko poe e ho- ole ole mai ai i na ukana e hoopio aku ai i ka hoouka ana mai a "Kilinahe me Hanale."  I ka nana ana i ka papaaina holookoa, ua mahuahua me na ai a pau a ka opu Hawaii e hookauwaia'i ; a ina he mau pakaukau ku iluna, me he la, e uwi holuholu ana i ke kaumaha i hoaweia ai. 
            Ma ka hora 1 auina la, ua pau pono loa mai la na makaainana o ke 'Lii i ka hiki mai.  Ua hele mai ka poe o kahi loihi loa mai, mai Kona Hema mai kahi poe ; a mawaena o na poe mailaile mai, o ia o Rev. H. Manase a me D. H. Nahinu, no Kealia, a o Rev. O. Nawahine oKainaliu a me kahi poe lehulehu e iho. 
            Mahope iho o ka makaukau ana o na mea ai a pau i ka hooukaia, a me ka hoomakaia ana e ka Rev. J. Waiamau, ua noho like iho la ka Makua Moi, na ʻ Lii o ka aina a me na makaainana ilalo] o ka ili honua, e paina, a e hauoli pu no ka hoomanao ana i ka La Kuokoa.  I ka nana aku, me he la, aohe paha he hora pumehana i hoohuiia ka hanohhno alii a me ke aloha makaainana e like me ia wa, a he launa ana ia e hiki ole ai ke holoiia mai ka papa hoomanao aku o kau kauwa ; no ka mea, ua ikeia aku ke okoko ikaika loa ana o ke aloha alii ma na helehelena o kona mau makaainana, a he kupono loa lakou ke kaena, na la- kou kela alii ; a ua hoike pu mai no hoi  ka Maoi i kona ano baabaa i kona mau makaainana.  Mahope iho o ke paina ana, ua haawi mai ka Moi he mau wahi olelo hoolanalana i kona mau makaainana ; a i ka aluna ahiahi aku.  ua hoi aku na mea a pau i ko lakou mau wahi, me he la, ua hiki aku paha i ka eono haneri ka nui o na kanaka i hiki mai ia la.
KAMAKAHONU.

 

Ka La 28 o Novemaba, oia hoi ka

La kuokoa ma Waimea, Hawa-

ii.-E mau ke kuokoa ana o

Hawaii nei.

 

1  Nane like na kamalii me na hae mai ka hale kula a i ka luakini.
2  Hahai na koa me na lio, me ka Hae Hawaii e pulelo nani ana.
3  Akoakoa iloko o Imiola,  a ku a Mele, "Ke Akua mana mau," Leo Amerika.
4  Pule ke kahunapule.
5  Kumumanao. Pehea e mau ai ke kuokoa ana o Hawaii nei? Eha mahele.
6  Mahele 1., ia S.H. Mahuka, ma ka aoao o ka Moi.
7  Mele Leo, "Royal Proclamation."
1.
Ku, ku, ku, na hoa koa,
@@@@@@@@@@@@ aloha,
Ku, ku, ku, hooho like,
Cho.--Ola e, ola e, ola e,
Ola e, e Lunalilo,
Ola e, a lanakila,
Ola e ola e ola e.
5
Mau, e mau la kou aupuni,
Kuokoa, ulu nui,
Pau, e pau na pilikia,
Mau, e mau ka maluhi,

Cho.---Ola e, &c-----

8  Mahele II, ia D. Waiau, ma ka aoao o na Kuhina me na Luna Aupuni

9  Mele, Leo, "Columbia Rules the Sea"

1

Pulelo nani e ka Hae,
Ka Hae Hawaii e,
Ma keia la e oli ai,
La kuokoa nei,
Ke kani nei na pu liilii,
Na pahu kani o.
ll: E ola e, Hawaii nei,
A kuokoa mau :ll
3
E kaikai ae i koonei Hae,
Kaikai iluna e,
A kau ae ma na puu laelae,
Mai uka hoi a kai ;
Na ahe me na nalu e,
E hui a huro,
l: E ola e, Hawaii nei,
A kuokoa mau :ll
10  Mahele III, ia Z Paakiki, ma ka aoao o na makaainana
11  Mele, Leo Banner of the Sea."
1
He nui e na hae maikai
Ma na aina ma na kai,
A kau a luli maluna'e,
A welo nani e.
Ka Hae no nae i oi ae
Ka Hae Hawaii nei,
E kau, e kau a welo mau,
Ka Hae Hawaii nei.
Cho---E kii a kau maanei, ma o,
Ma uka a ma kai,
Hooho oli, a huro,
Ka Hae Hawaii nei.
12  Mahele IV ia W B Kealoha ma ka aoao o na kamalii.
13 Mele, Leo Vacation Song.
1
Ku ano, mele hou,
Mele oli ae,
Ke lele oli nei ma o,
La kuokoa nei,
Maikai no ke mele ae,
La oli, oli nei,
Ina e mau, a mau a mau,
Hauoli kamalii,
Cho. ll Na keiki, makua, hui oli pu
La oli nei, hauoli e, na rose haiamu ll

&c,  &c.  &c.
14  He manao paipai pokole.
15  Mele, Leo "I ka pa o ka Drum."
16  Mele hope, "Mele Lahui."
17  Pule hookuu.
18  Ahaaina koa.
            Maikai na hana a pau, na mele, na manao, nui ka hehi mahalo ana.  Piha na mea a pau i ka olioli nui. HAWAII.