Ka Nupepa Kuokoa, Volume XII, Number 47, 22 November 1873 — Page 1

This text was transcribed by:	Elizabeth Parks
This work is dedicated to:	Queen Lili`uokalani

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XII.HELU 47. HONOLULU, POAONO, NOVEMABA 22, 1873 NA HELU A PAU 625

E PAU NA PUPUPU KAHIKO!

E pani me na Hale Laau!

PAPA! PAPA! PAPA!

O KELA ME KEIA ANO,

-A ME-

NA LAKO KUKULU HALE

O KELA-ME KELA ANO, MA KA

PA-PAPA O S.G. WAILA MA!

-KIHI O-

ALANUI PAPU me ALANUI MOIWAHINE

NO KE KUMUKUAI HAAHAA

LOA! AE LIKE KA NUI ME

LAAU NOUAIKI !

NA LAAU KAOLA,

NA PAPA MANOANOA

NA PAPA HELE,

NA KUA,

AAHO,

AAHO LIILII, @@

LAAU ULAULA!

NA LAAU KAOLA,

NA PAPA MANOANOA,

NA PAPA HELE,

NA KUA,

AAHO LIILII

MOLINA, @C.

Pili Cida keokeo, Pili Laau ulaula,

Na Puka Hlae, o na ano a pau,

Na Puka Aninni, o @a ano a pau

Na Olepelepe Puka, o na ano a pau

Pepa hale me na Lihilihi.

NA LAKA PUKA !

NA AMI-PUKA

NA-AMI PUKA LIILII,

NA KUI NAO

PENA, AILA-PENA, VANIKI,

WAI HOOMALOO

PAAKAI HELU 1,

O PUULOA

@@ E lawe wale ia no na mea i kualia mai keia Pa-papa aku a i kahi o ka mea kuai mai,

ina me ke kaona nei, a ma na Awa o keia Paeaina e like me ka aelike.

Aia manei ke Keena o Ka

MOKUMAHU “KILAUEA,”

D. TAYLOR, Kapena

S G. WAILA Ma

614-3@@

The Larfboard Watch

Golden Robi@, p. 196. & Nine O’clock in the morning, p. 118.

Aumoe a pouli no,

Aole lawa ma ka po,

Pa mai na ino a paapu,

Aole imo na hoku –

Luhi ka sela a luuluu,

Paa i na kaula, hoki no

||: i hoonaneaia mai :||

||: Nana iluna a mele ae, :||

||: E o o, e o :||

A luliluli i o ia nei

K a moku i na ale e—

Me e ka oli a ala’e

I kona lohe ana mai,

E o, e o, e o

O e o, o e o, o e o, e o

Nana i na ale ke pii mai,

Makau ia o kahali ae,

I ola nae ka moku e,

Hookele ia a pololei.

A inu ae, a oli no

Mawaena o ke kai owo

||:Oli no kahi i hala’e, :||

||:A oli e ke o hou mai :||

||:E o o, e o :||

A luliluli i o ia @ei, etc.

Pela kakou na hoa nei

I luhi i ka imi ae,

Ka huli pu i naa@ao

A loaa mai ka makaukau,

Eha ke poo i ka noonoo

Ahea e maha ai kakou?

||:I hoonanea ia mai :||

||:Ua nana e, a mele ae:||

||:Wa maha’e, inaha’e :||

A lilo i ka @@li hou

A hui mai ke, @o @ po,

Na eba a k@@maha e,

Hoolana n@@@@@@, mana’e

Wa maha’e, wa maha’e, wa maha’e, maha’e

Hawaii

Greeting Song

Golden Robin, p. 56

Iehova Makua, a lokomaikai,

E kau mai kou malu, e hoomalu mai.

Hoomaikai makou no ka ae e hui hou,

E mele hoonani, aloha pu no.

Hoonani unahe i kon maikai e,

A lohe na ahe e ahe mai nei

Hosana, mahalo, a hauoli pu,

No kou ma@ makana maikai ia makou.

Cho. He nani e ka hui nei,

N@ Hoa kul@ nei,

Ke kau maikai ko kakou hae,

A welo naui e.

Aloha oukou e ka poe makaikai,

E hui mai no, a e oli pu ae,

E nana a ike, e hoolohe no

Na hana hoike, na mele lai hou.

He poe opio, akahi makou

I hoike nui, a maa ole no,

Paa nae keia rula, e nauwe a mau,

E pii ae a ku ma ka puu naauao

Cho. He nani a ka hui nei

Ne hoa kula nei,

Ke kau maikai ko kakou h@e,

A welo nani e.

HAWAII

Away to the Hills

Golden Robin, p. 112

Nauwe ae i kuu home, home puu,

Nauwe pu i na puu me a'u,

Nauwe pu ae ma na puu omao,

Me ka oli lea no ;

Mama me ke ahe i ahe mai,

A lea ke mele ae

Memele ae me na manu e

I memele a maikai,

E kui lei, lei rose e

I pua ma na puu omao,

E inu ae i ka wai maemae

I kahe main a puu.

Cho. ||: Haman ! olioli e na puu !

Nauwe ae, nauwe a no.

Hamau ! leo oli a lea no,

Nauwe i na puu omao. :||

||: Nauwe ae, nauwe ae

Nauwe ae i na puu omao. :|

Maemae e, ala mai ke ea puu,

Ahe main a ahe ao,

A he @la me he rose no

Ma na ao i kau mao

Laelae ke nana a kamahao.

E ku ma ka loko lai,

He waa malaila ke kali nou,

Aia ao mai a maikai –

Malaila no a kau ka po,

A oli pu no a mau,

Me na hoku, mahina pu,

Me oe ka home o`u

Cho. ||: Hamau ! oli, oli e na puu!

Nauwe ae, nauwe ano,

Hamau ! leo oli a lea no,

Nauwe i na puu omao. :||

Nauwe ae nauwe ae,

Nauwe ae i na puu omao,

Hili ho, hili ho,

Hili ho, ho, ho, hili ho.

Hawaii

Leo – Women’s Rights

Golden Robin, p. 136

Boys: E kuu hoa kula e

E ae mai oe i ka`u,

E waiho i kou ipu nei,

Mai puhi baka hou.

Pela wau mamua aku nei,

He puhi baka wau,

Ua kuhi au he ono e,

Me e kuu naaupo

Cho. Ano no, ano no, pau kuu puhi, pau

kuu luhi,

No, no, no, ole au o Keo e puhi hou.

Girls: No ke aha kou manao,

Kuu hoa, e Keo,

E waiho i ka ipu ou,

Aole e puhi hou,

Puhi no ke kumu kula nei,

Me na makua ou,

Pehea la oe e waiho ai,

Aole puhi hou?

Cho. Ano no, ano no, pau kuu puhi pau

Kuu luhi,

No, no, no, ole au o Keo e puhi hou.

Boys: E kuu hoa kula e,

Ua ike pono au,

Ka baka au e puhi nei,

He ino wale no.

K@u manao, kuu hua paipai e,

E pau, mai puhi hou.

Mai n@na i ke kumu nei,

He kumu hoolalau

Cho. Ano no, ano no, pau kuu puhi, pau

Kuu luhi,

No, no, no oleau o Keo e puhi hou.

Girls: Ae, ke ae nei au, Keo,

E pau ka ipu o`@,

Aole a@ e puhi hou,

He ino wale no.

Pau, e pau ia pea ino nei,

Ua pono kou manao.

Na hoa puhi baka e,

Haalele pu kakou.

Cho. Pau loa

Ae, ae, ae, ae makou, pau kuu puhi

Pau kuu luhi,

No, no, no ole no, ole no e puhi hou.

HAWAII

HE MOOLELO KAAO

ROBIANA LO

KA HIWAHIWA OKE KOA

He@u Akolu o ka Ikaika

I unuhiia mai loko mai o ka Buke Arabia, mai

ka Olelo Beritania a ka Olelo Hawaii.

Mahele III –Helu 97.

Huli ae la o Melevila, a i mai, Ma keia mua aku, ina oe e hoopakele i kuu ola i keia la, he oiaio, aole loa au e hana i kekahi mea e kue ai mawaena o ko kakou noho ana, a hiki i ka wa a ka make e hookaawale ai ia kakou. No ka mea hoi, ke ike nei au i ke kulana o ka wahine a kaua, ua oi aku ia imua o’u, a ua lewa iaia na aupuni a pau o ka lewa, mamuli o kona ike a me kona mana, a pehea la e hiki ai ia’u ke kue aku imua ona, a hoole hoi i ka oiaio a kaua e hoohiki ai i keia la? Olelo aku o Hipa, Ae, pela io no, ua lew na mea a pau i kuu wahine, main a pali hookui o ka lewa, a i ka papaku o lalo; mai ka nana ouli a i na mea huna iloko ou, akaka wale no lakou me he aniani hoonui la; a i na oe e kipi hou ana ia ma@a, alaila, aole io no oe e pakele ana, a nou ka make mainoino ana ma keia mua aku! i mai la o Melevila, Ma ka oiaio o kuu olelo, ke hoohiki nei au, ina e loaa ana ia’u ka lanakila i keia la, alaila, e noho kauwa aku no au malalo o oukou, a hiki i ka wa e kanuia’i ka lepo maluna o ka lepo.

A ma keia mau olelo maalea a Melevila, punihei iho la o Hipa, a ae aku la, i ka i ana aku, Ina pela kou manao maoli, alaila, e hoopakele ana au i kou ola i keia la, mai ka mana ae o na kanawai o keia aupuni, no n@ kumu a'u i ike ai he pono.

Hoopau ae la o Hipa i kona kamailio ana me Melevila, huli ae la oia a olelo iho la i ka wahine dia, (oiai ua pii aku oia iluna o ka amana, me ka manao nui e hooko i ka make ana maluna o Melevila, no ka mea, ua ike no oia, e hoopakeleia ana no e Hipa, aka, aole nae oia @hoao e hooko i kona manao, a oki wa@ iho la) Ua hoopakele au ia Melevila @ keia la, aole no he make i koe maluna @ona, no kekahi kumu pono a’u i ike ai, a @e noho kauwa ana oia malalo o kakou a hiki i kona make ana.

I aku ka wahine dia, Aia no ia i kou manao, no ka mea, o ka mana o na kanawai a pau o keia aupuni, aia no ia ma ka poho o kou lima i keia la, aka, ma@@uli hoi o ko’u mana nui ma ou la, nolaila, pii mai nei au e hooko i ka make maluna o ka enemi, aia nae, ua puka e ke ola mai kou waha ae, a he mea makehewa ia’u ke hana aku. A i hoike oiaio hoi no na hana aka po, ua kaawale au a hala ole hoi, no ka mea, ma ka moeuhane i loaa ia Lo Hip aka kaua keiki, ua hai mua aku no au ia oe, nau no a hookuu ke pio mai o kakou aku, a ma ou la no hoi e loaa ai ia olua ka make mainoino ana ma keia mua aku.

Aui ae la o Hipa, a i ae la ia Melevila, E hana io ana no paha oe me ka inoino ma keia mua aku, e like me ka ike a kuu wahine e olelo mai ne? i mai o Melevila, Malalo au ou a hiki i kou la e pauaho ai ia’u. Ae aku la o Hipa, me ka i aku, No kou hoohiki ana mai me ka oiaio, ke kala aku nei au i kou make i keia la, aka, koe nae kou noho kauwa ana malalo o makou.

A ola ae la o Melevila ma, hoi aku la @@@@@@@@@@a pau a hiki ma ka H@@@@@@@@@@@@@@@@@@@@@@@@@@@@nana a pina @@@ pa o ka Halealii, no ko lakou makahehi loa i ka nani o Melevila, a ua mahalo hoi lakou ia Hipa, no kona hoola ana ia Melevila, aka, aole nae lakou i manao ma ia ola ana ona, oia no la ko lakou mea nana e puhi i kea hi, a hiki ole i ua mahalo nei o lakou ke hoopakele ae mai ka inaina mai o Melevila, a mai na hauna huluhulu mai hoi a ke ahi.

I ke anaina alii e akoakoa ana maloko o ka Halealii, a no kea no nawaliwali o Keoni Hemolele, ua hiki ole iaia ke ku ae iluna, aka, hoaui ae la oia i kona noho, a huli papu aku la imua o Hipa me ka i aku, O oe o kakou kai pomaikai, no ka mea, ua loaa kou mahaloia i keia la, no kou hoopakele ana mai nei i na pio, a owau hoi, ua nawaliwali au, a o ka pomaikai i hooiliia iho e na makua (Robiana Lo ma) o olua maluna o’u, ua noho au me ka hanohano a hiki i keia, a o kuu ike kilokilo no na mea e hiki mai ana, ua hoopoina au ia mau mea a pau, me kuu manao, o ka luakupapau ka palena; aka, mamuli hoi o kou hoopakele ana mai nei i ka enemi i keia la, ua hoi hou mai la ua ike nei me a’u a ke hai aku nei au imua ou, a imua hoi o oukou a pau i keia la, aole e hala ana na malama eono mai keia la aku, o kona noho kauwa ana malalo o oukou, e hoike mai auanei kea no o keia la (Hokupalemo) iaia iho, a e hoi aku auanei kela i koi a la aupuni, a hui pu aku me ke kaikaina a me ke kane hoopalau alaua, ke keiki hoi o ke aupuni Auneki, ka mea hoi nona ka mana, e hiki ai ke paila i keia honua a lilo na mea a pau maluna iho i mea ole; aka, aole nae pela ka make e haawiia mai ana ia kakou, he ahi no ia mai ka mana mai o ia nei, (Melevila) a me kona kaikaina, a e pau ana keia honua i ke ahi, aohe mana e ae e lanakila iloko o keia lukuia ana. Aka, koe nae o ia la, (wahine dia) a ma ona la e ola hou ai na mea a pau, a e hoi hou ai ka honua e like me kona kulana mua no ka mea, ua oi aku koi a nei mana imua o ko laua la. O ka poe nae a pau maloko o ka Halealii, aole lakou i hoomaopopo no na olelo a Keoni Hemolele, ua manao lakou he mea honpuupu wale iho no, aka, o ka wahine dia nae, ua hooiaio loa oia i na mea a pau i oleloia e Keoni Hemolele.

Eia hoi; iloko o keia wa a Keoni Hemolele e hahai ana no na mea e hiki mai ana, aia nae ka moopuna ke wanana hele la maloko o ke kulanakauhale, e kukala ana ma ke ano i like loa me ka Keoni hemolele, mamuli o ka ike i loaa iaia, no ka mea, aole kela i ike mai no na mea e oleloia ana maloko o ka Halealii. O keia wanana nae a ua moopuna nei, he mea hoomaloka loa ia na ka lahui, a kapa mai la ia ianei, he pupule, a kena ae la i ka Ilamuku e hoopaa ma ka hale hoopaa o na pupule.

(Aole i pau)

Aloha kuu aikane

1. Kanikau la he aloha,

Nou no la e Hoopii,

Kuu hoa alo kai pue i ke one,

Kaua no kai ike,

I ka luhi me ke koekoe,

O ua aina lepo manu nei,

Cho. – Auwe oe e kuu aikane,

E ake au e ike i kou maka,

Huihui i ka puuwai a ke aloha,

2. Ua hala e aku oe,

Ka auina la Poanono,

I ka hora ekolu me ka hapa,

Noho iho nei makou,

Me ke kaumaha luuluu,

No koo nalo loa ana aku nei,

Cho. – Aloha oe e kuu aikane,

E ake au e ike i kou maka.

Huihui i ka puuwai a ke aloha.

3. Ua kii ia mai oe,

E ka lima o ka Mea Mana,

A kailiia mai o'u aku nei,

E hoonani aku kakou,

Ia Iehova ke Alii mana,

Me ke oli aku i kona inoa.

Cho. – Anhea oe e kuu aikane,

E ake au e ike i kou maka.

Huihui i ka puuwai a ke aloha.

J. W M. NIAUHOE

Puakailima, Sept 27, 1873

@@ Kau@@nae Aloha no Hoopii

Ma ka la 20 o Sepatemaba iho nei, hora 3 1/2 o ka auina la Poaono, make iho la o Hoopii; he kewe a me ka piva kona mai i make ai. Ua noho oia maluna o keia ailana no na malama he 22, a hala aku la ia ma kela aoao o keia ola ana, a wehe mai la i ka pili aloha, e hookoo ana i na manao o makou kona man hoa k@lolia i k@ l@ wela o Puakailima. A no ka nui o ke aloha, ua haku iho makou i kanikau nona.

Kanikau la he aloha,

No@ no la e Hoopii

Kuu hoa o ka ailana,

O ka lai o Bakers,

Kana pu kai alo,

I ka wela e hulili nei,

I olu la i ka makani,

Ka makani wehe lau nohu,

Laweia aku nei oe,

E ka lima o ka Mea Mana,

Noho iho nei hoi au,

Me ka @ me ke kaumaha,

No kou nalo ana aku,

I ke a la hoi ole mai;

Wehe mai nei hoi oe,

I ka pili a kaua,

Kaua pu kai alo,

I ka luhi me ka ehaeha,

O na ailana nei,

I hoomanawanui ai,

Ninau mai na hoa,

A u@ea la Hoopii,

Ei aku nei paha ia,

I ka heehee pueone,

Makai o We@ekepihi,

I ke kai awili lua,

Ko Anemanu me Laeau,

Pae i ke one e aloha nei,

Noho iho nei makou,

Kou mau hoa luhi,

Me ke kaumaha luuluu,

No kou nalowale ana aku,

I ke ala poliuli@,

Huna na maka e ke hoa,

Ua pau kou lohe ana,

Ke koele a ka hamare,

Ka uaehe a ke kala-iwa,

Ka owe a ka hupa pahu,

I ko noho hoolai mai,

A iloko o halekuke,

Mahea iho nei eo,

I niau palamimo ai,

Ei aku nei paha oe,

Ma nae o ke Awalua,

I ka hoolohe pue kai,

Ka @aehe i ka iliili.

Ka owe i ka pue one,

I ke kaha i ka ili kai,

Haki kaikoo ka manao,

Pulu elo kuu nui kino,

I ka loku a ka ua nui,

Paa ole i ke kaohi.

Auwe ka mea aloha,

O ke hoa aloha ua lilo.

G. M. KAILIANU

He kanikau aloha keia,

Nou no e S P. Hoopii,

Kuu aikane o ka la wela Bakers I.

Ua hala e aku oe,

I ka hora ekolu me ka hapa,

O ka la 20 o Sepatemaba,

Noho io nei makou,

Me ka u me ke kaumaha,

Kou mau hoa luhi a pau,

O ka hana uko ole a ka haole,

Ua wehe mai nei oe,

I ka pili a kakou,

Ua pau kou ike ana,

I ua hana lohi o keia ao,

Ua lawe aku ke Akua,

Ka Makua nui o ka Lani,

Ei aku nei paha oe,

Ma ka poli o Aberahama,

Pomaikai wale oe,

Kou hiki aua aku ilaila,

Ina paha e lohe aku,

Kou lehulehu a pau,

Ma kou aina hanau,

Ma ua wahi e ae paha,

No iako@ ke aloha nui,

No ka ike ole mai,

I kou kino wailua,

Kuu aikane aloha,

Aloha oe,

Aloha hoi makou.

D. W. KAWAHAMAE

Kanikau aloha nou e Hoopii,

Kuu aikane aloha i nia@ ih@ nei,

Naho iho nei au me ka u waimaka i@ oe,

E u walo aku ana ia oe e hoi mai,

I ike ou kni lehulehu e noho maila,

Elua kaua i alo mai ai i keia kai loa,

A noho iho kaua i keia aina makamaka oe,

Hoolohe aku kaua o ke kaui mai a ua ma

O ko leo paha ia e hea hea maii nei [nu,

K@@ aikane mai ke kai paili o A@manu,

Mai ke one hele la e Wehekepihi,

Wehe hookoo i ka pili a kaua,

Aia aku nei paha oe i ka polikua a Kane,

He aikane hemo ole i ke kau a kau,

Akahi hoi kau la e hemo ai,

Na ka make kaua la i hookaawale,

A ne hiki ole ia'u he pali nui,

Ke ike maka aku i ko kino holookoa,

Auwe kuu aikane aloha e,

Ke u nei au me ka paumako ia oe,

Me ka minamina pau ole e noho nei,

Ke hele la oe i ke ala hoi ole mai,

Iloko o na miliona makahiki he nui,

Pau kou ike aua i ka @ani o keia ao,

I na hiohi@na o keia ola ana,

Kaawale oe nalo i ke ao uli,

Noho i ka malu o ka Makua Lani,

Ma ke alo o ka Mea Kiekie Loa,

@@@@@@@@@@@@@@@@@@@
@@@@@@@@@@@@@@@@.

O ia kuahiwi malihini a'u i ike ole ai,

He aina hoi i noho ia e ke onaona,

Ua kui au a law@ i ka pua o ka lehua,

I hoa hele, hoa noho, hoa p@pu@ anu

Hoa haihai olele o ke kulu aumoe,

Ke moe la oe i ka hale lai a ke aloha,

Noho iho nei au me ka hana @ao ole he alo

Ke iniki wela nei i ka ili me he ipo la, ] ha,

Auwe kuu aikane aloha e.

KAAMANA

He kanikau aloha keia nou e Hoopii,

Kuu aikane mai ka la wela o Honolulu,

Mai ka piha kanaka e Ulakoheo,

Mai ka bele kani houe e Kaukeano,

Mai ka wati hai Manawa e Kawaiahao,

Mai ka uluwehiwehi la o ke kaona,

Mai ka uluaoa moku la o Mamala,

Ke malama nei au i ko aloha aole e pau,

Kuu aikane mai na ale hulilua e ka moana.

Aloha ia kai a@u a kaua i alo mai ai,

I lawe haaheo ia mai e na pea o Maunaloa,

Ike ai kaua i kalai o Anebale,

Oia aina pohai mau a ua manu,

Aloha ka leo o ke hoa i ka pane mai e mai,

Hele mai kaua o ia kai loa, [kaua,

Ike i aka lai o Puakailima,

O ia home a kaua i hoomanawanui ai,

I imi ai kaua i ka pono no ke kino,

I alo aku ai kaua i ka wela o ka Maila,

O ia kula hulili anapu i ka makani,

Kahuli ka lau o ka nohu i ke aloha,

He aloha ia'u ka luna o Kaihumoku,

O ia kai au e hele ai ka lawaia,

Aloha au o ka leo hone o na manu,

E kani ke nei i ke kulu o ke aumoe,

I moe au a huli ae aole oe,

Hopu hewa ana au o ko kino wailua,

Elua hana a loko e hana nei,

E kulolia nei i ka po me ke ao,

Me @e ao @aulu la ko aloha ke hiki mai,

A hiki mai no ko aloha e uwe no au,

Kuu aikane hoomanawanui i ka hana,

E alo aku ana i ka leo o na luna,

Malu@a iho ko aloha e iho ai,

Ho@@ ka maeele i kuu nui ki@o,

Alo hookahi aku au o ka wela o ka aina,

O ia ailana a kaua i noho ai,

I piha pono ai na mahi@a he 22,

Elua no hoi mahi@ i koe pu@i 2 makahiki,

O kou haalele koke mai nei no ka ia,

Nou paha ka uhane i kea o opua lani,

Ke paia lewa ia nei e kea o naulu, [nei,

Hoonaku ke aloha i ko'u puuwai e noho

I alohaia e a'u na wahi a kaua i pili ai,

I pili ia e kaua kea nu me ke koekoe,

Auwe kuu minamina, kuu kaumaha e,

Kuu paumako ia oe e ke aikane,

Kuu ho ohumu o ke kula aumoe, [ao,

Puoho i ke kani hone a ka bele i ka wana

E hoolale mai ana ia ka@a e hele i ka ha@a,

Ka mea a kaua i @ele mai ai ma keia @ila,

E imi ai kaua i pono no keia ola ana, [na,

Haalele aku oe i kou nui me na lehulehu

Lilo mai kaua i ka ii@i a ka manao,

Eia ka e pauaho mai ana oe i ka pili a ka

Auwe kuu minamina kuu paumako e, [ua,

Kuu luuluu i kuu aikune e,

E huna iho ana i ko aloha aole e nalo,

Ha-ina mai e ka puana a ka waimaka,

Me he wai naoa la na ke kehau,

Me he kuaua la ko aloha no ka Hooilo,

Ke ka wewe i kuu houpo i ko'u Manawa,

Manawahua loko i ke aloha,

Auwe kuu aikane, kuu minamina pau ole,

Kuu kaumaha ia oe la – e.

J. H. KEANU,