Ka Nupepa Kuokoa, Volume XII, Number 46, 15 November 1873 — Page 3
| This text was transcribed by: | Jarrett Keohokalole |
| This work is dedicated to: | Awaiaulu |
KA NUPEPA KUOKOA, ME KE AU OKOA I HUIIA.
He Hana Naauao. – Ke manao nei makou he hana naauao na kela a me keia ekalesia Hawaii, e imi ai i mau Kahu waiwai no lakou pakahi iho, i malamaia ai na waiwai paa a me lewa o ka ekalesia, maloko o ia poe kahu waiwai i hoopaaia ko lakou mau waiwai ponoi, a e hookaawale i ka malama ana o na kahu ekalesia i na dala o kela a me keia ano. No ka mea, i hewa, loa o Iuda Isekariota i ka mala i ka waihona dala o na haumana, a puni loa oia i ke koikoi o ka eke dala, kuai ai i ke kino o ka Haku, no ke kauakolu apana dala. Eia no hoi kekahi, o na kahu ekalesia Hawaii e noho nei, he poe lelele wale no lakou, aohe noho paa loa ma kahi hookahi. Ke makemake nei makou e lilo na Ekalemakua i alakai no keia hana, oiai ka wa kupono i loaa ia kakou. Aole wa e kali ai o ka awiwi ka pono. Mai noho a pili wale mahope o na papaia mai, a hoohuakeeo paha. O na kahu e papa ana i keia, he poe huna lakou i ke kukui malalo o ke poi, hole ma kahi e kau ai ke kukui, e like me ka olelo.
[Na Palapala I ke “Kuokoa.”]
Poho wale!
---
Heaha la ia mea poho? O kou ninau ia, e kuu hoaloha, Ea – Eia ka hainu. E nana oe I keia haina me ka noonoo. Peueia I pai ia ma kekahi Buke kahiko. He oiaio no nae I kei awa a kakou I noho mai nei. Ina inu ke kanaka I na kiaha puaniki elia ia la aku ia la aku, a lilo kana hapawalu wale no no na kiaha rama elua, a hala ka makahiki hookahi. Ua lilo kana mau dala hookahi kanaha kumamalima ia makahiki me ka hapalua, me ka hapawalu. A iwakalua makahiki elua lau dala, a me na kanaha elua, a me kanakolu kumamalua, a me ka hapalua a ke kanaka hookahi i make hewa. Ao’e anei poho wale ia, E ka Hoaaloha o’u, Ea?
Eia hoi: Ina he kamalima tausani kanaka I hokai I ka waiwai pela I ka makahiki hookahi, elima ia lehu dala, ehiku kini, ekolu lau, hookahi kanaha a me ka umi keu!! Ua like ia me $2,281,250. Aloha ino ka lahui inu rama, tini, a me na mea ona!!! Ua poho wale.
Ina e kuai i na moku nui, elima mano dala I ka moku hookahi, e hiki no ke kuai I na moku nui elua kanaha a me kanakolu kumaha a koe na dala hookahi tausani elua haneri a me kanalima.
Ina kuai i ke pai ai, a i ole ia, i ka palaoa, hookahi pahu ehiku dala, e hiki no I kela mau dala a pau ke kuai I na pahu ewalu kini, hookahi mano, eha lau, ehiku kanaha a me ka umikumamalua a koe na dala eono.
Ina kuai I na kapa komo, palule, puliki, waewae paha, pakahi ke dala, e hiki no I haneri, a me kanawalu-kumamakahi tausani, elua haneri me kanalima, ke kuai I na kapa komo, elima lehu, ehiku kini, ekolu lau, hookahi kanaha a me ka umi keu. E kuu mau hoaloha Hawaii, Ea. Owai la ka manao he pono o kekahi waiwai pela I ka inu rama ana ia makahiki aku a ia makahiki aku? Owai la ka manao he pono ole ke haalele I keia mea make, a poho wale ka waiwai.
E makaala. Mai hiamoe! Eia mawaeoa(?) o kakou kekahi poe I makemake e noa’a keia mea make ma keia pae moku. Ke paipai aku nei au ia lakou, Mai ae aku oukou, o hookuu ia ka Tiga ma keia pae aina, a poino loa oukou.
---------------------------------
Mai mo ka ihu ia Hio.
-----
Ma ke awakea Poalua iho nei, o Nov. 11, oiai au e hoomaha ana ma ka piina o Maemae, iho mai ana kekahi kanaka ma uka mai, me ka helehelena I oki loa I ke koko e kahe ana, e iho ana e hoopii I ka mea nana I pepehi ia ia. Ninau pono aku la au I ke kumu o kona pilikia e hele nei, hai pono mai la oia, “ua nali ia kona mau papalina e Kahi,” he luna wai ka no ke aupuni. No ka mea, ma ke awakea o ua la nei, he hoopaapaa mawaena o ua Kahi nei me Nakupuna nei I ka pohaku e Kahi no ka hele ana ka ma ke alanui e pili koke ana I kona aina, a ua ai aku paha I ka lau maia, nolaila, ua hele mai ua Kahi nei, a hailoko (?) I ka lio I ka pohaku me ka ike ole o ka mea nona ka lio; a lohe aku la lakou I ka nuku ana mai a ua kanaka nei ma ka olelo ana ma na olelo ino, ia wa hele aku la ka mea nona ka lio e kamailio pu a nui ka hoopaapaa ana, a lele mai la ua kanaka nei ma ke ano lima ikaika me ka makemake e hakaka; Aia hoi o na Nakupuna nei, aole ona manao e hakaka pu, no ka mea, he kino nui puipui ko ua Kahi nei, a he ano maimai ko ua Nakupuna nei e noho ana, nolaila, aole oia I manao e lanakila aku oia imua o kona enemi. Aka, o ua Kahi nei, ua hopu mai la oia ia Nakupuna, a kulai iho la I ka lep, ka ulele koke iho la no ia o na ai a ka ui maluna malalo, a no ke ano nawaliwai o ua Nakupuna nei, nolaila manao iho la ua kanaka kino nui nei e nahu ma ka ihu I loaa kana wahi eha, a I kona nahu ana iho, ua pale ae kona enemi a nalinaliia iho la ka papalina o ua aNakupuna nei, a he mea manaonao I ka nana aku; Aohe no la he wa a loaa aku na pepeiao, akaka la ka ke lii puaa ua moku ka pepeiao.
O ko laua wahi I hakaka’i ma uka o Puiwa, Nuuanu. O keia kanaka o Kahi, he Luna-wai ka no ke aupuni, a he nui ka hakaka mau ana o keia kanaka me kanaka no ka wai o na kanaka ma uka, ua pani paa loa ia ka auwai o kahi poe e ia, ua palaina ia a paa loa I ka puna, nolaila, ua nui ka hoopii ana o na kanaka I ka wai mamuli o ka hana pono ole o keia kanaka, aole e like me na luna mua ke kaupaona like ia o ka wai i na kanaka me ke aupuni; nolaila aohe he pilikia o na kanaka I ka wai – Pehea la ke aupuni I ka hana a keia kanaka e hoopilikia nei I ka pono o ka lehulehu? I kanaka kupuno e kau like ana I ka pono iwaena o ke aupuni me na kanaka, aole I kanaka inu rama a inu awa hoi ke malama I keia wahi, no ka mea, he mea nui keia. O keia Nakupuna ua ike paha o (?) Honolulu nei poe ia ia, he kalai waa, hana ipu laau, hana kookoo, hana kii pohaku me na ano a pau o ka wa kahiko oia kana hana I ike a ua kamaaina oia I waena o kanaka me ka haole, a ua kapaia kona inoa e na haole o “Kamehemeha waanu.” I kei awa hoi, ua naliia (?) kona papalina e kamalii o uka o Waolani. – A ma ka Poakolu mai, ua kau ia ka uku hoopai maluna o ua kanaka lima oloea nei, he 28 dala, “Pokeokeo wahi a ka pelehu” – E lohe ana paha. Maemae.
Kimo Kewiki.
Hunahuna Mea Hou o na Aina e.
-----
Ua haawi manawalea aku ka hunona kune a Prof. Agassiz he $100 000 no ka malama ana I ke Kula Penekese a Anasona. He keu ka manomano o kona lokomaikai no ka oihana hoonaauao.
Ke makemake nei o Gamebetta, e hele haiolelo pili aupuni a puni na okana aina hema a komohana o Farani I keia kau ae, no kona ake nui e kukulu paaia ke kahua o ka Rekubalika maluna o Farani. E haiolelo ana oia ma Bodeau, a ma na kulanakauhale nui e ae.
Ma ka papa inoa o na keiki kula o ke Kulanui o Havada, e loaa ai, he 87 na inoa Uilaina, 84 Kamika, 82 Adamu, a he 66 Pareka, me ka lelele (?) ana o na inoa o ka poe I koe aku, ma o Keokeo, Rusela, Rogerese, Oliva, Linekona, Ioanekana, Holo, Mahiai, Emeknoa, Davisa, Cakini, Baraunu, Alani a me Abota.
Eia malalo o ka lawelawe ana a na hui malu (Mason) he $4,000,000 ka nui o na waiwai io, e like me na hale hou I kukulu ia no ko lakou mau halawai ana. O ka nui paha o keia mau hale I keia makahiki e pau ai I ka paa. Aia nae ma ke kulanakauhale o Peledelepia ka hale nani a iwaiwa hookahi o ke kukulu ana. A ina e paa, alaila a hiki aku ana kona mau lilo I ka $1,000,000.
Ke nee neie ke ao imua ma ka hana pahu barela ana. I kekahi manawa I hala, ua laweia ae kekahi pahu o keia ano e hoikeike – a ua kupuno no ka palaoa, hua ai a me ka wai. Ua papaluaia na papa; me he mea la he pahu iloko o ka pahu, a o na hookui ana, he hemo wale no, aohe nae he kahe ka wai, ke hookuiia a paa. Ua hana ia keia pahu ma ka hale kupa pahu o Sana Lui, a o ka lilo, aole no ia I oi aku mamaua o ko ka pahu maoli nei.
Ua pakele kekahi haole ma Nu Holani, mai pau I ka mano, pela ka hoike a kekahi nupepa o Sikane. E lawaia ana ua haole nei, o Rupa (Rooper) kona inoa, maluna o ka waapa, maloko o ke kai. Iaia nae e lawaia ana, olepe ana ka mano ia hope o ka waapa u (?) kahuli, a haule ua haole nei iloko o ke kai. Mahope o ka hakoko ana, ua kau ae la kela maluna o ke kuamoo o ka waapa, a malaila oia i kau ai, a loaa wale mai i kekahi poe lawaia. O ka mea i kii hou ole mai ai ka mano iaia nei, no ka loaa ana he mau ia maloko o ka waapa, a lilo e ai ai ilaila a maona paha, pakele ai kela haole mai ka make mainoino mai.
Ua haioleleo kekahi kahu ekalesia ma knoa halepule ma ke anaina Sabati, a i kona law ana mai i kana pooolelo mailoko mai o ka buke hemolele, ua lilo aku kana kukulu manao ana a me kana wehewehe ana, ma ka mea pilikino wale no i kekahi mau hoahanau oua. Heaha la ka waiwai o ke anaina ke hoolohe no ke kee o na kanaka elua o kona ekalesia. He wahi anei ka awai e haiia mai ai na kee o na kanaka Pela no anei ka Iesu ao ana iwaena o na kanaka? Malia paha he nele manao aku la no no ia kahu ekalesia i nuku wale ai oia i kona mau hohanau. Hilahila ole no hoi ia kahu.
Ke pahola mai nei na lono, aia ke kukuluia nei kekahi manao hoohui i ke aupuni o Denemaka me ke aupuni Emepera o Geremania. A eia ke kumuhinu mua la, o ka hoihoi hou aku ia Schleswig-Halstein i na moi o Denemaka, a he hoopaa oia i kona noho ana moi, a i oni paa ai ke kulana o kona aina mai na hoonioni kue mai a waho, e like me ia i kei awa. A o ka hopena e lilo koke mai o Denemaka ma ke ano like me Geremania, oia hoi ka hoano Geremania ia ana o Denemaka; aole paha e liuliu’ku na la, a lawelaweia kekahi keehina e lawe mai ai ia Suekena, Norewai, a me Holani. O lakou a pau he mau pilikana wale nae no i keia wa no Geremania ma ke koko a ma ka olelo.
Eia ka Peresidena Tiera i pao o Farani i olelo ai ma Lucerene, Helevitia, ua maopopo ma kona noonoo akahele ana, ua komo kea no aupuni alii e hakoko kue i ka lanakila, a ua hooholo oia, e hoopapau ina la hope o kona ola hapauea ana, ma ke imi a na’e kukolo i Repubalika paa loa ma Farani.
I ka malama aku nei o Augate, ua make ka moi o Dahome, a eia ka mea kupanaha, aole oia i alohaia e kona mau makaainana, aole loa he aakoko i mamina no kona make ana. A no keia kumu, he iwakalua wale no luahine i uwe ma kona loakupapau, aole hoi he mau tausani e like me na la eehia o ia ano, ina alii mua i make. Malia aku la no paha he alii ahikanana loa aku la no, a aloha makaaiana ole. Ina pela e imi na alii ina mea e alohaia ai e na makaainana.
Ke hoike mai nei ko Beritania mikiala hana no na waiwai i hookomoia mai iloko o kona mau kapakai a me na waiwai i hoounaia aku i waho o ka aina, no ka 1872, a penei ke kuhikuhi ana a na hoahelu:
Waiwai komo mai. £330,035.143.
Waiwai laweia ‘ku. £282 370 726
Ua hiki ae-ma Amerika kekahi ohana Rusia he iwakalua paha ka nui, me ka manao e hookahua a lilo i mau kupa no ka Ripubalika nui-he poe waiwai lakou, me he mea la, ua hiki aku aa dalai ka $340,000 ma ke gula wale no. Ua ani ka pioloke o ka poe hiu hooholo kaa ahi me keia, ka poe aina nui hoi ma ke komohana e makemake ana o lakou.
I kekahi Manawa, he mea mau i kakahi kanaka ka heluhelu mau i ka pepa ma na kolamu hoakaaka, a lealea, oke pai ia ana, aka, aole nae oia he Karisiano. I kakahi la, iaia e heluhelu ana ma ia maui wahi o kana pepa, ua kapeke loa ae la oia i ka heluhelu ma kakahi manao, e pili ana i ke ola uhane. No ka maiki o na olelo mua o ia manao i nanea ai oia i ka heluhelu a pau pono. Alaila, heluhelu hou no oia, a palua, a pakolu, a mahope, lilo oia i Daristiano oiaio, aole hoi e like me kahi poe ka hai ma ii na kee ma ka awai. Ua oi loa aku imua o lakou. Pehea hoi ka poe heluhelu Kuokoa, aole aei heluhelu lakou ma ka aoao eha ae, a e loaa ke ola.
HANAU
Nov. 13, 1873 - Ma Kapaahi Honolulu, hanau o Mrs Mere Kumukahi na laua me Kumukahi k., o Paokolu.
OLELO HOOLAHA
HALE KUAI HOU
ME NA
LOLE HOU
Ma ke kihi o Alanui Waianuenue me Alahaka.
UA HOOMAKA AKU KA MEA NONA
ka inoa malalo i Hale Kuai i hoolakoia me na
LOLE PIO,
LOLE PAA,
NA LAKO mea ai haole, &c.
O keia mau waiwai ua wae ia, a o kea o maika wale no, me ka dala kuike ke kuaiia ana, aole he waiwai kudala, a e kuai ia aku ana no kahi oia uuku; a no ka makepono o ka’u kuai ana aku a me ka emi o ka hoolilo ana, aole e hiki i kekahi ke kuai ina waiwai o keia ano malalo o ka’u.
E naue mai a e nana! JOHN WORTH Hilo, Oct. 18, 1873 622 6m
E HELUHELU I KEIA.
O ka poe a pau i makemake e loaa
Ona mau kii
O ko lakou
MAU HOALOHA a me na MAKAMAKA,
O ka wa wale no keia e loaa ai ma na
Kumukahi Haahaa loa!
MA KA HALE PAI KII O
DICKSON,
612 y Helu 61 Alanui Papu.
E IKE auane na kauaka a pau, owau o ka mea nona ka inoa malalo new, ke papa aku nei au i ka poe waiwai o keia ao keia ano, aole e hoaie mai kuu wahine mare ia EMALAINA, no ka mea, ua haalele mai oea ia’u me ke kumu ole, a ua mahuka aku la oia, nolaila, o ka mea e hoaie aku iaia, maluna no ona ko oukou pho, aole au e hookaa aku i ka mea ana e aie ai mahope o koa mahuka ana, a hiki wale i ka wa e oia mau ai kona kaawale ana. KEONI (Kuli).
Kainehe, Hamakua, Oct 18, 1873.
622 4t* 625
E IKE AUANEI NA KANAKA A PAU o keia aina hoolimalima o’u ma Waiono, Koolauloa, a me no aina e ae a pau i hoolimalimaia e a’u a me kuu aina kuai ma Nahiku, Makaua, Koolauloa, ke waiho nei au na kuu kaikaina (Aloha) a me Akiu ka mana keiki e malama, a ia laua ka mana ma ke kanawai. O na holoholona a pau e komohewa ana a hoopoino ina mea kanu, e uku no e like me ke poho. AHUNA
Honolulu, Okat. 21, 1873. 621 4t*624
KUAI KUDALA!
--A KA --
ILAMUKU NUI!
_____
MA KA MANA O NA PALAPALA HOOKO Kauoha Ekolu. I hoopukaia e ka Aha Kiekie o ke Kanawai a me ke Kaulike o ko Hawaii Pae Aina, mamuli o na olelo hooholo a ka Aha kue ia P Nui, o ka aoao pale, a e hooko ana ika hoopil a, J-Ke Kuhina Waiwai no $312.50; 2-Ka Papa Hoonaauao, no $237.52; 3-James I. Dowsett, no $325.62, o ka aoao hoopii. Ua lae ae nei au a e hoike ia a e hooliloia aku no i ka mea e koho kiekie mai ana, ia
POAKOLU - Dec 3, 1873,
Ka hora 10 kakahiaka, ma ka Pa Hale i Makawao, Maui, no pono a me na Kuleana a pau o ka aoao pale iloko o na waiwai malalo iho, ola hoi:
HOOKAHI Apana Aina e waiho la ma Makawao, Mauihe Eono Eka ka nui, me na hale e ku ana, oia hoi, he 1 ha, le laau nui, 1hale pili, 1 hale kuke.
Eia hoi kekahi; he 2 moe koa, 4 noho mahogane, hookah koki koa, 1 pahu ume, 1 ohenana, 1 wati, 1 kii, 4 pakeke me tabu hao, 3 papa holoi maka, i pika wai, 1 noho lio, 1 noho lio kapakahi, 2 kaula waha lio, 1 kaulu loulu, 1 waihona buke me na ume, 1 kaupaona, 1 ipu-ie lole, 1 paa wahi kau buke, 2 kii, 3 tini alia me ke tihi hoopiha kukui, 5 eke huluhipa, 1 paa kope hulu, 2 huewai, 2 loulu, 2 pahiolo, 12 tini waiu, 14 umeke, 1 pahu Iapana, 1 mea hehi wawae, he 3 ipu.ie, 1 waihona mea ai, 18 kawele papaaina, 7 pa, 4 paa pole me ka pa, 2 pika, 3 kiaha puahiki, 7 kiaha maoli, 1 pa waiu-bata, 5 pa mea ni, 6 pa paakai, 1 huewai, 6 puna, 1 ipu suba, 22 tini huamoa, 1 bele, 7 pahi me na o, 1 kukui aila mahu, 1 aolani nana, 4 uluna, 3 papa kuiai, 3 pohkukuiai, 5 kaulahao bipi, 1 barela, 1 kope lio, he ope moena, 1 peia moe, 1 kapuahi kuku me na pono a pau, 2 pakeke wai, he 1 pohaku hoana, 1 pakaukau, 1 pahiolo wahie, 2 ipu lepo, 1 kukai, 1 lou, 5 lio 8 bipi-kauo, 4 lei-bipi, 2 kaa bipi.
Ke hookaa ole ia na koina, ukupanee, lilo o ka Aha a me ko’u mau uku me na Comisina mamua ae.
W.C. PARKE, Ilamuku
Honolulu, Oct 27, 1873 622 4t* 625
OLELO HOOLAHA
____
EDWARD PRESTON!
(LOIO PELEKANE)
HE KOKUA OLUOLU O NA KANAKA I pilikia ma na hihia Karaima a me na hihia Kivila ma na Aha Kanawai a pau ma keia mau mokupuni. Aia kona Keena Loio ma ke Alanui Kalepa, ma kai pono iho o ka Pa Kuai Papa o Lui ma. He kwiki kamaina no ia oukou kekahi e noho pa la me ia malaila, nana no e mahele pono aku na hana a oukou a pau me ka oiaio.
Honolulu, Oct. 22, 1873 621 1y
Hoolaha a ka Luna Hooponopono wai Wai
OIAI UA HOOKOHU IA mai ke mea nona ka ioa malalo iho ei, Lunahoopnopono no ka waiwai o HOHEAU (K), no Makawao, Maui i make aku nei, nolaila, ke kauoha ia aku nei ka poe a pau ana i aie aku ai, e hoike koke mai; a o na mea a pau e aie nei iaia, ehookaa koke mai, a ina he waiwai kona a kekahi e malama nei, e hoike mai no ia.
CB Andrews,
Lunahooponopono Waiwai oNoheau
Makawao, Oct 22, 1873 623 4ts 626
Hoolaha Hooponopono Waiwai.
E IKE AUANEI na mea a pau, ua hookahula mai ka mea nona ka inoa malalo iho, o Abr. Fornander, Lunakanawai Kaapuni Apana Elua H P A., i Lunahooponopono Waiwai o KALAELOA (K), o Hamakuapoko, Maui I make aku nei, nolaila, ke kauohaia aku nei ka poe a pau a ua Kalaeloa ne ii ale aku ai, e hoike mai iko lakou mau hila aie, a pela hoi ka poe i aie mai iaia, e hookaa koke mai, o hala auanei namalama eono, a poho oukou.
M. KAPIHE
Lunahooponopono Waiwai o Kalaeloa.
Kulaha H Maui Oct 1 1873. 623 4t* 626
Hoolaha a ka Lunahooponopono
I KA POE AIE!
MAMULI O K A HOOKOHUIA ANA HE Luna Hooponopono no ka waiwai o Marcelino Silva, no Honolulu, i make, ke kauoha aku nei au ina mea a pau, non kekahi Kuleana aie i keia waiwai, e hoike mai me na hool akupono, iloko o na malama eono, mai ka la i kakauia ai keia hoolaha, a ke ole e hoikela mai ia Manawa, a kapae mau loa ia no.
JOSE DA SILVA
Luna Hooponopono me ka Palapala Hooilina I huipuia o ka waiwai o Marceline Silva i make.
Honolulu, Oct 25, 1873. 621 4ts 624
Hoolaha Luna Hooponopono Waiwai
OIAI UA HOOKOHUIA MAI KA MEA NONA ka inoa malalo iho, i Luna Hooponopono no ka waiwai o Keokeo (k). o Lahaina i make, nolaila, ke kono ia aku neina kanaka a pau, he mau koina ko lakou ia waiwai, e hoike koke mai me na hooiaio kupono, maloko ona malama ekolu mai keia la aku e hoolahaia ai, a i ole ia, e mele loa aku no a pau, a o ka poe a pau i aie i keia waiwai, ke kono ia aku nei lakou e hookaa koke mai.
HENRY DICKENSON jr.,
Luna Hooponopono Waiwai o Keokeo i make.
Lahaina, Oct 15, 1873 621 4ts 614
Hoolaha Luna Hooponopono waiwai.
OIAI UA HOOKAHULA MAI KA Mea nona ka inoa malalo iho nei, e Hon. Abr. Fornander, ka Lunakanawai Kaapuni o ka Apana Elua, I Lunahooponopono no ka waiwai o Namakaiona (k_, o Keanae, Koolau, Maui. Nolaila, ke kauohaia aku nei ka poe e paa ana i kekahi waiwai o ka mea i make, e waiho mai a kuu lima iloko o ka Manawa, nolaila, ke kauohaia aku nei hoi ka poe ana i aie aku ai, e hoike koke mei me na hoike oiaio, maloko o na mahina eono mai kela hoolahala ana aku, a i ole e lilo ia i mea ole, a o ka poe i aie mai iaia e hookaa koke mai lakou.
KALEBA MAKAENA,
Lunahooponopono Waiwai,
Makawao, Maui, Oct 15, 1873 621 4t* 624
MAU PA AINA KUAI
A IA HE MAU PA AINA E WAIHO NEI MA Kulaokahua, makai pono iho o kahi o Kimo Lemona i pa iho nei nona na helu penei, Na Pa Aina Helu 180, 181, 212, 213, 214, 215, 257, 258 ma ke ana aina a ke Aupuni, a no ka waiwai hoi o Mrs. M. P. Wini-wahine i make. O ka palena o ka aina, mai ka Alanui Beritania a i ke Alanui Moi, e pili la me ke alanui o Piikoi, mauka o Kewalo, ma kea lo o Alanui Alii, he 200 kapuai, a ma Alanui Bertania, he 225 kapuai, a no lakou ka huina i 3600 anaua, ola hoi, he eolu eka a oi aku. Eha o la mau aina i huinaha likeia. E kuai ia aku no lakou ma ke Apana hookah a palua paha o na pa pakahi, a i ole ma ke kuai pakahi pa okoa paha e like me ka makemake o ka poe kuai. No ke kukulu hale ana, aole wahi i oi ae e like me ia, a ke pii ae nei ka ee ana o na hale ma ia aoao. Ina aole e lilo e ike kuaila mamua ae o ka la 29 o Novemaba, alaila, e kuai ia lakou ma ke kuai kudala. Nona mea i koe, e ninau la
S.B. Dole,
A i ole ia H.M. WINI. 622 1m
WAIWAI PAA KUAI!
O NA APANA AINA MALALO IHO NEI, E waiho la ma ke awawa o Waimea, Kauai, n oka waiwai mai o Mrs. M. P. Wini-wahine.
APANA 1-Aina o KAKALAE, Makaweli, Kauai, nona ka ili he 39 a me 31-100 na eka. Ke kahe la ka wai mawaena aku o ka aina. Aia maloko olaila, he 21 loi kalo a laiki. He aina maikai loa ia.
APANA 2-MAHAIHAI, ma ke awaawa o Makaweli, nona ka ili he 5 a me 7-100 na eka, a ua paa ina kumu niu.
APANA 3-KANUWAHINE, nona na loi kalo nui elua a me ka aina kula. He 3 ame 22-100 na eka. He aina maikai loa keia, a ua makemake loa ia hoi.
APANA 4-HULUMOA, he loi kalo a me kahi e ku ai ka hale, e pili ana i ka Helu 3. Ili o ka aina, 2 ruda a oi.
APANA 5-NAMOOEHA, he elua mau loi kalo a me ka aina kula nona ka ili, he hookah eka a me 1 ruda a keu.
O NA AINA a pau maluna ae, he mau aina waiwai, a ua ku ma kahi maikai e pili ai a e emi ai ka waiwai lo. Ina aole o lilo e i ke kuai ia mamua ae, alaila, e kuai dudalaia ana ma Waimea, i ka Poaha, Novemaba 20, ma ke kumu kuai kiekie e waihoia akua ana. E ninau ia
V. KNUDSEN.
Waimea, Kauai 622 1m
E IKE auanei na kanaka a pau, Owan o ka mea nona ka inoa malalo iho ke papa a hookapu aku nei au i kuu mau apana aina e waiho la ma Kalaea, aole e komo wale kekahi o na holoholona Bipi, Lio, Hoki, Miula, Ilipa, Kao, Puaa a me na holoholona e ae. A ina e loaa kekahi o keia mau holoholona ia’u a i kuu mau laua a’u i hoonoho aku ai, o Hewahewa ame Kahue, euku i hookah dala pakahi ($1.00). Ke papa pu ia aku nei no hoi na kanaka, aole e komohewa a lawelawe ina mea a pau e waiho ana ma ua mau apana ainala. E lilo keia i olelo paa mai kona la e puka ai ma ka nupepa.
LAPAELE KUPAHU.
Kaalaea, Koolaupoko, Oct 30, 1873. 622 3ts 624
HALE PAI KII NANI,
MA ALANUI NUUANU!
UA PAU KO AKIONA HUI ANA ME AHU, ma ka
Hale Pai Kii Hoolele-aka-Helu 65,
Ma Alanui Nuuanu. Nolaila, ma keia hope aku, e pai aku no au ina kii me ka maikai loa ame ka uku makepono no hoi, ma ia wahi kahiko no. O na lole komo i ka wa e pai ai, eia no ia’u, kupono no na whine a me na kane--kuka paina loloa, kaula wati, komolima, kamaa buti, papale, a pela aku-pela no hoi ko na wahine, ua lako ina lole, peahi, komolima, gula pepiao, na pua hoonani, a pela aku. O ka oni ole ia wa a pai kii ai. Oia ka maikai loa. I ka wa e paiia ai, e haawi mua ia ka hapalua o ka uku, a paukee i ka hana ia, a kii mai alaila, hookaa pau loa. I keia wa, e hoolanieak u ana au a nui na hoa’loha, aole hoi e like me ka wa aihi kapena mua ka piena. AHI (pake).
Honolulu, i ka 9, 1873. 607 6m
J. NOTT & Co.,
NA MEA HANA
TINI, KELEAWE,
A HAO PAPAA,
HELU 9: : ALANUI KAAHUMANU
Ua hiki ia laua ke hana i na ana a pau e pili ana i keia laina, e like me ka
Hoomoe ana ina Piula Wai,
HAO A PIULA PAHA.
HAWAI PIULA NO NA HALE LAAU.
EIA HOI KEKAHI
Eia ma ko laua wahi ina wa a pau,
--NA--
LAKO PIULA!
O KELA ANO KEIA ANO.
KAPUAHI HAO,
O NA ANO A PAU
A ME NA KUMUKUAI A PAU,
Papaa Kepau, Piula Wai,
Paipu Hao, Papaa Ziniki,
Pauma Wai, Ili Wai,
NA KAPU A ME NA PAKEKE HAO!
Papa Holoi, Na Ipu-hao,
Iliwai Laho Lio, Pa Palai,
Kui kakia moena,
NA PAPAA HAO KAUPAKU HALE 26x84, Na Palaki hamo puna me holoi hale,
1 yr.
HOOLAHA HOOKOLOKOLO
A HA Hookolokolo Kaapuni o ko Hawaii Pae Aina, ma ka hooponopono waiwai. Ma ka waiwai o PAHIO, o Wailua, Kawaui, i make kauoha ole. Imua o ka Lunakanawai Kaapuni Apana Eha. Olelo kauoha e hoolaha aku no ke noi ana mai ekoho i Lunahooponopono Waiwai.
Ma ke heluhelu a me ka waiho ia ana mai o ka palapala noi a Kaehu, o Wailua, Kauai, e hoike mai ana o Pahio no Wailua, ua make kauoha ole me Wailua, Kauai ma ka la-o Feberuari M. H. 1856, a e noi ana, e haawiia ka Palapala Hookohu Lunahooponopono Waiwai ia Kaehu. Ua kanohaia, o ka Poaono, ka la 22 o Novemaba M H 1873, oia ka Manawa i kohoia no ka hoolohe ana i ua noi la, imua o ua Lunakanawai la, ma ke Keena hookolokolo o keia Aha, ma Wahiawa, Kauai, a ma la Manawa, a ma la wahi no, ehele mai ai na mea a pau i pili, e hoike ma ii ke kumu ina he kumu oiaio ko lakou, e ae ole ia ai na noi la. A o keia olelo kauoha, e hoolahaia ma ka olelo Hawaii, i ekolu puie ma ke Kuokoa, nupepa ma Honolulu.
Kakauia ma Wahiaw, Kauai, ko Hawaii Pae Aina, 21 o Okatoba M H 1873. DUNCAN McBRYDE,
Lunakanawai o ka Aha Kaapuni Apana Eha.
622 3ts 624
A HA Hookolokolo Kaapuni o ko Hawaii Pae Aina, ma ka hooponopono waiwai. Oia ka waiwai o KUWALA, o Makaweli, Kauai i make kanoha ole, Imua ka Lunakanawi Kaapuni Apana Eha. Olelo kauoha e hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiho ana mai o ka palapala noia J.H. Kapuniai, o waimea, Kauai, e hoike mai ana o Kuwala, no Makaweli, Kauai, ua make kauoha ole ma Makaweli, ma ka la - o Iune M.H. 1871, a e noi ana, e haawiia ka Palapala Hookohu Lunahooponopono Waiwai la J. H. Kapuniai. Ua kauohaia, o ka Poanon, ka lo 22 o Novemaba, M. H. 1873, oia ka Manawa i kohoia no ka hoolohe ana i ua nanoi la, imua o ua Lunakanawai la, ma ke Keena Hookolokolo o keia Aha, ma Wahiawa, Kauai, a ma ia Manawa. a ma ia wahi no, e hele mai ai na mea a pau i pili e hoike mai ike kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Wahiawa, Kauai, ko Hawaii Pai Aina, 12 o Okatoba M.H. 1873. DUNCAN McBRYDE
622 3ts 624 Lunakanawai Kaapuni Apana Eha.
A HA Hookolokolo Kaapuni o ko Hawaii Pae Aina, ma ka hooponopono waiwai. Ma ka waiwai o PELEKANE (k), o Kapaa, Kauai, i make kauoha ole. Imua o ka Lunakanawai Kaapuni Apana eha. Olelo kauoha e hoolaha aku no ke noi ana mai e koho i Lunahooponopono Waiwai.
Ma ke heluhelu a me ka waihoia ana mai o ka palapala noi a Wahine w, o Kapaa, Kauai, e hoike mai ana o Pelekane, no Anahola, Kauai, ua make kauoha ole ma Anahola, ma ka la 11 o Maraki M. H. 1870, a e noi ana e haawi ia ka Palapala Hookohu Lunahooponopono Waiwai ia Wahine w. Ua kauohaia o ka Poaono ka la 22 o Novemaba M. H. 1873, oia ka Manawa i hoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Wahiawa, Kauai, a ma ia Manawa a ma ia wahi no, e hele mai ai na mea a pau i pili, e hoike mai ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ke Kuokoa, nupepa ma Honolulu.
Kakauia ma Wahiawa, Kauai, ko Hawaii Pae Aina, Okatoba 22, M.H. 1873. DUNCAN McBRYDE
622 3ts 624 Lunakanawai Kaapuni Apana Eha.
MA KA Waiwai o J.W. Naihe (k), no Kapaau, Kohala Akau, Hawaii i make. Ma ke Keena o kekahi o na Lunakanawai Kaapuni o ka Apana ekolu o ko Hawaii Pae Aina.
Ua heluhelu ia a ua waihoia ka palapala noi na Hoopii (w), e noi ana, e hoonoho ia W. Merseburgh i Lunahooponopono no ka waiwai o J W Naihe k, no Kapaau, Kohala Akau, Hawaii H P A i make aku nei. Nolaila, ke kauoha ia nei na kanaka a pau, ke pili o ka Poaono, oia ka la 13 o Dekemaba 1873, ma ka hora 10 kakahiaka, ma ka Hale Hookolokolo ma Kohala Akau, Hawaii, oia ka la a me kahi i kohoia no ka hoolohe anai ua nonoi la, a me na mea kue ke hoike ia. CHARLES F. HART,
Lunakanawai Kaapuni.
Kohala Akau, Oct 28, 1873. 522 3ts 624
MA Ke Keena o ka Lunakanawai Kaapuni o ka Apana Elua o ko Hawaii Pae Aina. Ma ka waiwai o POPOKI (?), no Wailuku, Maui i make.
Ua heluheluia a ua waihoia ka palapala noi a Kalawaia a me Keawe, e noi ana ehoonoho ia i Lunahooponopono no ka waiwai o Popoki k, no Wailuku, Maui, H.P.A; i make, a e hooholoia na hooilina. Nolaila, ke kauohaia aku new an kanaka a pau, ke pili a ka Poalima, oia ka la 28 o Novemaba, 1873, ma ka hora 2 o ke ahiahi, ma ka Hale Hookolokolo ma Wailuku, oia ka la ame kahi i kohoia no ka hoolohe i ua nonoi la a me na mea kue ke hoikeia. ABR FORNANDER,
Lunakanawai Kaapuni Apana Elua H.P.A.
Lahaina, oct 24, 1873. 622 3ts 624
Ma Ke Keena o ka Lunakanawai Kaapuni o ka Apana Elua o ko Hawaii Pae Aina. Ma ka waiwai o EHUNUI k, a me J.H. Ehunui Opio, no Waikapu, Maui, i make.
Ua heluheluia a ua waihoia ka palapala noi a Hoonalue w, e noi ana, e hookaawaleia kona ma hele iloko oka waiwai paa o kana kane o Ehunui i make, a e hooholoia ka waiwai o J.H. Ehunui Opio, no Waikapu, Maui, H P A, i make, i na hoo. Ilina. Nolaila, ke kauohaia aku neina kanaka a pau, ke pili oko Poalima, oia ka la 28 o Novemaba 1873, ma ka hora 10 o kakahiaka, ma ka Hale Hookolokolo o Wailuku, oia ka la a me kahi i kohoia no ka hoolohe ana i ua nonoi la, a me na mea kue ke hoikeia. ABR FORNANDER,
Luankanawai Kaapuni, Apana Elua H. P. A.
Lahaina, Oct 24, 1873. 622 3ts 624
MA Ke Keena o ka Lunakanawai Kaapuni o ka Apana elua o ko Hawaii Pae Aina. Ma ka waiwai o KAEHA (k), no Waikapu Maui, i make.
Ua heluhelu ia, a ua waihoia ka palapala noi a Samuela Obed, ka Lunahooponopono oka waiwai o Kaeha K, ro Waikapu, Maui, H.P.A. i make. E noi ana e hoaponoia kona moowaiwai, a e hookuu iaia mai ka oihana Hooponopono, a e hooholo ia ka waiwai ina hooilina. Nolaila, ke kauoha ia aku nein a kanaka a pau ke pili, o ka Poalima oia ka la 28 o Novemaba, 1873, ma ka hora 12 o ke awakea, ma ka Hale hookolokolo ma Wailuku, oia ka la a me kahi i kohoia no ka hoolohe ana i ua nonoi la, a me na mea kue ke hoike ia.
ABR. FORNANDER,
Lunakanawai Kaapuni Apana Elua H.P.A.
Lahaina, Oct 24, 1873. 622 3ts 624
No ka mea, ua kohoia ka mea nona kainoa malalo nei, i Lunahooponopono no ka waiwai o KAMOKU k, no Halehaku, Hamakualoa, Maui i make, nolaila, ke kauohaia aku new na mea a pau i Kuleana iloko o ua waiwai la, e hoike koke mai, iloko o na malama eono, a o ka mea aie i ua waiwai la e hookaa koke mai.
WM. L. DAVIS,
Lunahooponopono Waiwai.
Makawao, Oct 5 1873 623 4ts 626
Mamuli o ko’u ano Luna Hooponopono waiwai o J.W. Kupakee o Kona Hema i makeaku la, he hookapu loa ia’ku nein a kanaka a pau a me na ho loholona a pau e komohewa ana maluna o ka aina o Kahauloa, Kona Hema, Hawaii, ua kapu loa ia aina a hiki i ka la e hookuu ia mai ai au mai ko’u L.H.W. ana no J.W.K. A, ina e loaa ana kekahi holoholona hele hewa ma ua aina la a me ke kanaka hoi, alial, e uku ia no e like me ke Kanawai. A o na Luna o ua aina la a’u e hoonoho aku nei, o D. Kanuha a me Kamalii a ia laua no ko mana hopu a koi i ka uku a pela aku
622 1m* W.T. MARTIN
Lunahooponopono waiwai o J.W.K.
Hoolaha a ka Lunahooponopono Waiwai
Mamuli o ka hoonoho ia ana mai o ka mea nona ka inoa malalo new, i Lunahooponopono no ka waiwai o DR. JOHN RAE, o Hana, Maui, i make, ke nonoi ia aku nei na mea a pau i Kuleana aie i ka waiwai ihaiia ae la maluna, e hoike mai ia mau Kuleana aie me na palapala hooia kupono, i loko o na malama eono mai ka la aku o keia hoolaha, a i ole e hoikeia mai ia Manawa, e kappa e mau loa ia no; a o ka poe a pau i aie i keia waiwi, ke nonoi ia aku nei, e hookaa koke mai ia. WM. O. SMITH
Lunahooponopono o ka waiwai o Dr. John Rae.
Lahaina, Oct 16, 1873. 623 3ts 625
E IKE oukou e na kanaka a pau, owau o ka mea nona ka inoa malalo nei, ua hoonoho ia mai au i Lunahooponopono no ka waiwai o AARONA KEAWE, ka mea i make ma Moalii, Lahaina, Maui Nolaila, ke kauohaia aku new ka poe a pau i aie mai iaia, a me ka poe a pau ana i aie aku ai, e hoike ma ii ko lakou Kuleana. E loaa no au ia lakou ma Moalii, Lahaina, Maui, iloko o na malama eono mai keia la aku. E. KAHULANUI
Lunahooponopono Waiwai.
Lahaina, Nov 3, 1873. 623 4t* 626
No ka mea, ua kohoia ka mea nona ka inoa malalo nei, i Lunahooponopono no ka waiwai o NAKAAHIKI k, no Wailuku, Maui i make, nolaila, ke kauoha ia aku nein a mea a pau i Kuleana i ua waiwai la, e hoike koke mai iloko o na malama eono, a e ka mea aie i ua waiwai la, e hookaa koke mai. KAPULOHIA (w),
Lunahooponopono Waiwai.
Wailuku, Iune 24, 1873. 623 4ts 626
HOOLAHA HOOKOLOKOLO
A ha Hookolokolo Kiekie o ko Hawai Pae Aina, ma ka hooponopono waiwai. Ma ka hana o ka waiwai o MANUEL RODRIGUEZ, o Honolulu i make. Ma ke Keena, imua o ka A.S Hartwell. Kauoha e hoolaha is noi e apono i na papa hoike, hookuu ana, a e mahele i ka waiwai.
Ma ka heluhelu a me ka waiho ana mai o k a palapala noi a me ka papa hoike o W C Parke, Lunahooponopono waiwai o ka waiwai o Manuel Rodriguez, no Honolulu, i make, e noi ana, e aponoia na hoolila he $176.85, a e hoike ana o na mea i loaa mai iaia, eh $488.50, a e noi ana e nana a apono ia keia mau mea, a e kauoha ia e mahele in a waiwai e waiho ana ma kona lima in a mea i Kuleana maliala, a e hookuu ana iaia a me kona mau hope mai ko lakou noho ana ma ia ano.
Ua kauohaia, o ka Poakahi, ka la 15 o Dekemaba M H 1873, ma ka hora 19 o kakahiaka, imua o ua Lunakanawai la, me ke Keena ma ka Hale Hookoloko, ma Honolulu, oia kahi a me ka manawa i kohoia no ka hoolohe ana i ua noi la a me na papa hoike i ke kume, ina he kumu io ko lakou, e ae ole ia ai ua noi la, a malila e hoike mai ai na hoike o na mea ikuleana maloko o ka waiwai i olelola. A o keia kauoha ma ka olelo Hawaii a me Beretane, e pai a maloko o ka Gazette me Kuokoa, he mau nupepa i palia a hoolahaia ma Honolulu, ekolu pule mamua ae o ka manawa i oleloia no ka hoolohe ana.
Kakaula ma Honolulu, ko Hawaii Pae Aina, i keia la 4 o Novemaba M H 1873. ALFRED S HARTWELL,
Ikea: Lunakanawai o ka Aha Kiekie.
Jno E Barnard, Hope Kakauolelo. 623 3ts 625
AHA KIEKIE O KO HAWAII PAE AINA, mak ahooponopono waiwai, mokupuni o Oahu, Hawaii pae aina. Ss. Ma ka waiwai o H. MEINECKE of Hawaii i make. Olelo kauoha, e koho ana i la e hooiaio ai ka palapala kauoha, a no ka hoolaha ana.
No ka mea, ma ka la 25 o Okatoba, M H 1873, ua waho ia mai imua o ka Aha kekahi palapala i olelola, oia no ke kauoha hope loa o H Meinecke i make aku la, a me ka palapala hooopii e noi ana, hooiaioia keia palapala kauoha. A e hoopuka hoi ka palapala luna hooko no G W C Jones, ua waihola mai e ia.
Nolaila, ua kauohaia o ka Poaha, oia ka ha 13 o Nvemaba M H 1873, ma ka hora umi - maka Rumi Hookolokolo o ia Aha, maka Hale Hookolokolo ma Honolulu, oia ka la a me ka hora, e hooiaioia’i ia palapala kauoha, a e hoolohe hoi no ia noi ana mai, a me ka poe a pau i pili, i kue ana ia palapala kauoha, a me ka hoopuka ana i ka palapala luna hooko. A ua kauoha hou ia e hoolaha no ia mea no na pule ekolu iloko o ka Hawaiian gazette me Kuokoa, he mau nupepa i palia ahoolahaia ma Honolulu. A ua kauoha hou ia, e hoopukaia na palapala kena no na hoike no ia palapala kauoha, e hele mai e kue i kia palapala kauoha i ka wa i oleloia.
Kakaula ma Honolulu, ko Hawaii Pae Aina, Oct 29, 1873.
ALFRED S HARTWELL,
Ikea: Lunakanawai o ka Aha Kiekie.
Jno Barnard, Hope Kakauolelo, 622 3ts 624
A HA Hookolokolo Kiekie o ko Hawaii Pae Aina, ma ka hooponopono waiwai. Ma ka waiwai o KAIWI (w), o Honolulu, Oahu, i make kauoha ole. Imua o ka Lunakanawai Hartwell. Olelo kauoha, hoolaha aku no ke noi ana mai e koho i Lunahooponopono Waiwai.
Ma ka heluhelu a me ka waiholia ana mai o ka palapala noi a E. Mikalemi (k), no Honolulu, Oahu, e hoike mai ana o Kaiwi (w), no Honolulu, Oahu, ua make kauoha ole ma Honolulu, Oahu, ma ka la 22 o Dekemaba M H 1872, a e noi ana e haawiia ka palpala hookohu lunahooponopono waiwai ia E Mikalemi i oleloia, ma ka waiwai o Kaiwi (w) i make kauohe ole, ma Honolulu, Oahu.
Ua kauoha ia , o ka Poakahi, ka la 17 o Novemaba M H 1873, oia ka manawa i kohoia no ka hoolohe ana i ua nonoi la, imua o ua Lunakawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili e hoike mai ke kumu, ina he kumu oiaio ko lakou, e ae ole ia ai ua noi la. A o keia olelo kauoha, e hoolahaia mak aolelo Hawaii. I ekolu pule ma ke Kuokoa, nupepa ma Honolulu.
Kakauia ma Honolulu, ko Hawaii Pae Aina, Oct 39, 1873.
ALFRED S HARTWELL,
Ikea: Lunakanawai o ka Aha Kiekie.
Jno E Barnard, Hope Kakauolelo. 622 3ts 624
Ma Ke Keena o ka Lunakanawai Kaapuni o ka Kpana Elua o ko Hawaii Pae Aina. Maka waiwai o MANEA (k), no Honouaula, Maui, i make.
Ua heluheluia a na waihoia ka palapala noi a Kulauao k. ka Lunahooponopono o ka waiwai o Manea k, no Honuaula, Maui H P A, i make, e noi ana, e hoopono ia kona moowaiwai, a e hookuu iaia mai ka oihana, a e hooholoia ka waiwai ina hooilina. Nolaila, ke kauohaia aku new an kanaka a pau, ke pili o ka Poakolu, oia ka la 3 o Kekemaba 1873, ma ka hora 9 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i na nonoi la a me na mea (?) ke hoike la.
ABR. FORNANDER.
Lunakanawai Kaapuni Apana Elua H P A
Lahaina, Oct 24, 1873 622 3ts 624
MA Ke Keena o ka Lunakanawai Kaapuni o ka Apana Elua o ko Hawaii Pae Aina. Ma ka waiwai o IKUAANA (k), no Hamakua, Maui i make.
Ua heluheluia a ua waihoia ka palapala noi a Kealamoku w. e noi ana e hoonoho iaia i Lunahooponopono no ka waiwai o Ikuaana k, no Hamakua, Maui, H P A, i make. Nolaila, ke kauoha ia aku nei na kanaka a pau, ke pili o ka Poakahi, oia ka la 1 o Dekemaba, 1873, ma ka hora 12 awakea, ma ka Hale Hookolokolo ma Makawao, oia ka la ame kahi i koho ia no ka hoolohe ana i ua nonoi a me na mea kue ka hoike ia .
ABR. FORNANDER,
Lunakanawai Kaapuni Apana Elua H P A
Lahaina, Oct 24, 1873, 6223ts 624
MA Ke Keena o ka Lunakanawai Kaapuni o ka Apana Elua o ko Hawaii Pae Aina. Ma ka waiwai o ELISA K. N. Baker, no Lahaina, i make.
John Baker no Lahaina, Maui e noi ana e hooiaioia ka palapala kauoha hope loa a kana wahine, Mrs. Elisa Kaawaluhilani N Baker, no Lahaina, Maui, H P A, i make aku nei. Nolaila, ke kauoha ia aku nein a kanaka a pau, ke pili o ka Poakahi, ola ka la 24 o Novemaba, 1873, ma ka hora 6 o kakahiaka, ma ka Hale Hookolokolo o Lahaina, oia ka la a me kahi i kohoia no ka hoolohe ana i ua nonoi la a me na mea kue ka hoike ia.
ABR. FORNANDER.
Lunakanawai kaapuni Apana Elua H P A
Lahaina, Oct 27, 1873 622 3ts 624
Ma Ke Keena o ka Lunakanawai Kaapuni o ka Apana Elua o ko Hawaii Pae Aina ma ka waiwai o POMAIKAI (k), no Lahaina, Maui, i make.
Ua heluhelu ia a ua waihoia ka palapala noi a Kalil k, a me kaula w, na Lunahooponopono o ka waiwai o Pomaikai k, no Lahaina, Maui, H P A, i make, e noi ana, e hooponoia ko laua moowaiwai, a e hookuu ia laua mai ka Oihana, a e hooholoia ka waiwai i na hooilina. Nolaila, ke kanohaia aku nein a kanaka a pau, ke pili o ka Poakahi, oia ka la 10 Dekemaba, 1873, ma ka hora 10 o kakahiaka, ma ka Hale Hookolokolo ma Makawao, oia ka la a me kahi i koho la no ka hoolohe ana i ua nonoi ia a me na mea kue ke hoike ia.
ABR. FORNANDER
Lunakanawai Kaapuni Apana Elua H P A
Lahaina, Oct 24, 1873 622 3ts 624
MA ka waiwai o Hanakaipo, o Lahaina, Maui i make, Ma ke Keena o ka Lunakanawai Kaapuni o ka Apana elua o ko Hawaii Pae Aina.
Ua heluheluia, a ua waihoia ka palapala noi a Piena w, ka Lunahooponopono o ka waiwai o Hanakaipo k, no Lahaina, Maui, H P A i make, e noi ana, e hoaponoia kana moowaiwai, a e hookuu iaia mai ka oihana, a e hooholo ia ka waiwai ina hooilna. Nolaila, ke kauaohaia aku nein a kanaka a pau ke pili, o ka Poaono, oia ka la 6 o Dekemaba 1873, ma ka hora 10 o kakahiaka, o a ka la ame ka hora i kohoia no ka hoolohe ana i ua nonoi la ame ne amea kue ke hoikeia, ai o ma ka Hale hookolokolo ma Lahaina kahi e hana ai.
ABR. FORNANDER,
Lunakanawai Kaapuni Apana Elua H.P.A.
Lahaina, Nov 3, 1873. 623 3ts 625
MA ka waiwai o C Cockett, no Waikapu, Maui i make. Ma ke Keena o ka Lunakanawai Kaapuni o ka Apana elua o ko Hawaii Pae Aina.
Ua heluheluia a ua waihoia ka palapala noi a Joseph Cockett a me Charles Cockett, e noi ana e hooiaioia ka palapala kauoha hope loa a Charles Cockett, no Waikapu, Maui, H P A i make. Nolaila, ke kanohaia aku nein a kanaka a pau, ke pili, o ka Poakolu, oia ka la 8 o Dekemaba 1873, ma ka hora 11 o kakahiaka, ma ka Hale Hookolokolo ma Wailuku, oia ka la a me kahi i kohoai no ka hoolohe ana i ua nonoi la me na mea kue ke hoikeia.
ABR. FORNANDER,
Lunakanawai kaapuni Apana Elua H P A
Lahaina, Nov 3, 1873 623 3ts 625
Ma ke Keena o ka Lunakanawai Kaapuni o ka Apana elua o ko Hawaii Pae Aina. Ma ka waiwai o JOHN PARROT, no Waikapu, Maui, i make.
Ua heluheluia a ua waihoia ka palapala noi a Kaholo (w), e noi ana, e hoonohoia i Lunahooponopono no ka waiwai o John Parrot, no Waikapu, Maui, H P A, i make aku nei. Nolaila, ke kauohia aku nein a kanaka a pau, ke pili o ka Poalima, oia ka la 28 o Novemaba, 1873, ma ka hora 9 o kakahiaka, ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la, a me na mea kue ke hoike ia.
ABR. FORNANDER,
Lunakanawai Kaapuni Apana Elua H. P. A.
Lahaina, Oct 24, 1873 622 3ts 624
Ma ke Keena o ka Lunakanawai Kaapuni o ka Apana elua o ko Hawaii Pae Aina. Ma ka waiwai o WANAOA k, no Hamakualoa, Maui, i make.
Ua heluhelu ia a ua waiho ia ka palapala noi a Daniel Paahao k, ka Lunahooponopono o ka waiwai o Wanaoa k, Hamakualoa, Maui, H P A, i make e noi ana e hoapono ia kana moowaiwai, a e hookuu iaia mai ka Oihana, a e hooholoia ka waiwai ina hooilina. Nolaila, ke kauohaia aku nein a kanaka a pau i pili, o ka Poakahi, oia ka la 10 Dekemaba, 1873, ma ka hora 9 o kakahiaka ma ka Hale Hookolokolo ma Makawao, oia ka la a me kahi i koho ia no ka hoolohe ana in a nonoi la a me na mea kue ke hoike ia.
ABR. FORNANDER,
Lunakanawai Kaapuni Apana Elua H P A
Lahaina, Oct 24, 1873, 6223ts 624