Ka Nupepa Kuokoa, Volume XII, Number 45, 8 November 1873 — Ka Lawaia Kohola. [ARTICLE]

Ka Lawaia Kohola.

Iloko o na makahiki hope ke mau nei ko makou ike ana i ke kuemi hope ana o na pomaikai loaa mai rna o keia lala o ka imi waiwai ana. Ua hoemi ia mai ka nui o na waa lawaia o keia manawa e holo nei ma ka Atika, a aia ma ke kauaha a oi iki aku ko lakou nui, a ma ia heluna ua komo pu na moku Hawaii. He kumu mamina keia no kakou, no ka mea, ua ike no kakou o kekahi o na pomaikai i loaa a i laulaha aku i ka poe a pau e noho ana ma keia mau mokupuni mailoko mai no ia o na loaa o ka lawaia okohola. Me he la oka hookumu kuonoouo ana o ke dala ma Hawaii nei mai keia oihana mai no ia, a iloko o na makahiki mua o ka hu ana ae ona kai lawaia o Aukaki me Atika, ua piha pono ko kakou mau awa kumoku i na waa lawaia, a ia lakou e hooluana ana a hoomakaukau hou ana, he nui na dala i waiho ia iho mamuli o na lilo e pili ana i ka hooponopono a hoomakaukau ana ia lakou. Aka, me ka minamina, ke i ae nei makou ua hala ia mau la, he kau hou-nui keia o ka imi aua aku i ka loaa.

Ua hoi mai na waa lawaia mai ko lakou ala imi loaa, a ua ku mai kekahi i keia mau la, a he mau pule pokole wale no, a e holo hou aku ana ma ka lakou huakai mau. Ma na lono mua i hiki mai, ua haule na manaolana o ka poe i kau aku na manao no ka pono mai ka auwaa lawaia o keia kikina. Ma na moku hope mai nei, na lo-

aa hou mai kekahi mau lono, hoolana manao no ka pono iki o na moku i hoonahoa aku i ka ino me ka pilikia o ke kau makalii e nee mai ana ma ia palena o ka honua.

Ua ku mai i ka Poakolu ka moku Josephine me na barela aila, he 1,450 a he kakaikahi loa na moku e ae i hiki aku ka nui o na barela aila e like me kona. O ka averika o na barela aila o kela kikina e haule ana no ia malalo o ko na kikina i kaa hnope aku. No keia mea, ua maoaoia e houuku mau ia ana no na moku ma kela me keia makahiki ma keia oihana, a ma ia inea, ua maopopo, e iho like ana no na loaa e pae mai ana i keia pae aina. Nolaila, mamua o ka hiki ana mai o ka nele loa ana, he kupono ia kakou ke noonoo ina hana e pono ai keia noho'na ma keia hope aku.