Ka Nupepa Kuokoa, Volume XII, Number 32, 9 August 1873 — Page 4
| This text was transcribed by: | Mikel Gilliland |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
Hana ma ke Pa-wai@a
Leo: Work in the Vineyard. Pure Diamons. p 47.
1
Na paahana a Iesu,
Kanaka, me kamalii,
He uku nani ko oukou
Ma ka lani maluna'e,
Cho. Hana mau nona,
I loaa mai nou
Ka lani me kona waiwai a pau.
2.
Hana, hana no Iesu,
Me ka ia la @ ao mai;
Hana mai ke ao a po:
Hana a pau ke ola nei,
Cho. Hana mau nona, &c
3.
Hana me ke oli nae,
Me ka makemake no;
A loaa ka pomaikai,
Me ka maluhia pu.
Cho. Hana mau nona, &c
4.
Hana mau, a pii a mau;
Loaa no ka oli e,
A o ke ala hele ou,
Auh@@ a@ ka pouli nei.
Cho. Hana mau nona, &c
5.
Hana me ke kikoo mau
I ke ola maluna'e
Oli e @ Kokoke no
Ko ka lani pomaikai.
Cho. Hana mau nona, &c
HAWAII.
_____________________________
HAAWINA KULA SABATI.
___________
HELU 33, SABATI, AUGATE 17
___________
KUMUHANA. - KE AO ANA E PULE.
Pauku Baibaba, - MATAIO 6: 5-15.
@ 5 A i pule aku oe, ea, mai hoohalike me ka poe hookamani; makemake lakou e pule ku ana ma na halehalewai a me na huina alanui, i keia mai lakou e kanaka; he oiaio ka@u e olelo aku nei ia oukou, ua loaa ia lakou ko lakou uku.
6 Aka, i kau pule ana, e komo ae oe i kou kaena mehameha, a papani oe i kou puka, e pule aku i kou Makua ina no ma kahi nalo, a o kou Makua e ike ana iloko o kahi nalo, oia ke uku mai ia oe ma ke akea.
7 A i kau pule ana, mai kuawili wale aku oukou i ka olelo, e like me ka poe kanaka e; ke manao nei lakou, no ka nui o ka lakou olelo ana, e hooloheia mai ai lakou.
8 Mai hoohalike me like me lake, no ka mea, ua ike no ko oukou Makua i na mea e pono'i oukou, mamua o ka oukou noi ana aku iaia.
9 Penei oukou e pule'ku ai; E ko makou Makua iloko o ka lani, e hoanoia kou inoa.
10 E hiki mai kou aupini; e malamaia kou makemake ma ka hounua nei, e like me ia i malamaia ma ka lani la;
11 E haawi mai ia makou i keia la i ai no makou no neia la;
12 E kala mai hoi ia makou i ka makou lawehala ana, me makou e kala nei i ka poe i lawe hala i ka makou.
13 Mai hookuu oe ia makou i ka hoowalewaleia mai; e hoopakele no nae ia makou i ka ino; no ka mea, nou ke aupuni, a me ka mana, a me ka hoonaniia, a mau loa aku. Amene.
14 Ina paha oukou e kala aku i na hala o kanaka, e kala mai no hoi ko oukou Makua i ko oukou hala.
15 Aka, i ole oukou e kala i na hala o kanaka, aole no hoi e kala mai ko oukou Makua i ko oukou hala.
Pauku Alakai. "E noi, a e haawiia na oukou; e imi, a e loaa no ia oukou; e kikeke, a e weheia no oukou." Mat. 7:7
Pauku hui lahui. Ka Pauku 6.
Mele. Him. 3, Leo: Cranbrook. C. Sacra. page 143.
Pule. Pule like i ka pule a ka Haku.
Na Ninau.
Na Makua. Nui na olelo a Iesu ma ka maun@. Haip@anaa@u mai, Mat. 5:13-16.
Na Keikikane. Haipaanaau mai Mat. 5:22-26.
Na Kaikamahine. Haipaanaau mai Mat. 5: 28-30
Na Po@ii. Haipaanaau mai Mat. 5:44,45,48
P. 5 Na Makua, Ehia hoailona mawaho no ka poe pono? Ekolu. 1. Ka manawalea. 2. Ka pule. 3. Ka hook@ai ana. Ka manawalea aha ka oiaio, a e hoaponoia? Pehea ka manawalea i hanaia i mea e mahaloia ai? A i pule oiaio, heaha ka i papai@? Pehea ka pule a ka poe hookam@@i? K@ lakou mahea? Nana ka maka i hea? I kahi e ku ana ka luakini. Ae, pela na Iud@@@. Pehea ka pule hooka@@ni i keia wa iwaena o kakou? Ku a nana lakou i hea? Mahea kekahi pule ana a ka poe hookam@@@? Ua akaka anei na hora p;ule i ka p@@@? Ae, a hiki i ka hora pule, in a e hele ana lakou, pule no ma ke alanui. Noonoo e lakou mamua, i hiki i na huina alaniu i ka hora pule, i hiki ke pule ma kahi akea i mahaloia. Heaha ko lakou aku? Ka mahaloia paha e kanaka. He uku nui anei ia? He ai, he wai, he ola anei?
P. 6. Na Keikikane. Ua hool@ia anei ka pule a pau ma kahi akea? Aole paha, pono no ke pule ma na halawai uni, a me na halawai liilii. Aka nae, o ka pule hea ka i oi? O ka pule mehameha paha. I kau pule ana, e komo oe ihea? Mahea keia keena mehameha? He keena mehameha no ko na Iudaio, aia maluna o ka hale. Mahea ko oukou keona mehameha? Aole o makou keena mehameha. Aole anei hewahi mehameha ma ka mala; ma ka nahelehele, ma ka ululaau, ma ka maau? I imi paha i wahi mehameha.
Na Kaikamahine. Aia a panai ia ka puka, alaila e puleia wai? Mahea ke Akua? Ike a lohe anei oia ma kahi nalo? Uku mai oia mahea? Heaha kana e uku mai ai? Na pono o ke kino, na pono o ka uhane. Ma kahi malu anei e loaa ai keia mau pono? Ma kahi malu kekahi, ma ka lani ka nui.
Na Pokii. Elua kanaka pule ma Luke 18:10, owai ia mau kanaka? Ka pule owai kai apono ia? Heaha ia pule? p. 13 "E ke Akua, e aloha mai oe ia'u, i ka mea @ hewa." He pule pokole ia, e hoopaanaau. He wahi mehameha anei ko oukou e pule ai? Ehia a oukou pule i kela la, i keia la? O ka pule me ka lehelehe wale no, aole me ka naau kekahi, he pule maikai a mana anei ia? Ina pule oukou, lohe anaei ke Akua? Ike anei oia ia oukou ke hele i kahi mehameha e pule ai? A hele oukou i kahi mehameha e hana kolohe ai, ike anei ke Akua? Owai ko oukou makua nui? A pule oukou iaia, e haawi mai anei oia i na mea a oukou e noi aku ai? Ae, ke noi pono.
P. 7, 8. Na Makua. Ka pule kuawili, owai ke pule pela? No keaha? Ua papaia ia pule, no ke aha? Naaupo anei ke Akua, me ka ike ole i ko kakou mau hemahema? Owai kekahi poi i pule kuawili a loihi loa me ka loaa ole? I Na'lii 18:26. Ua papaia anei ke kuawili a pau ma ka pule ana? Aole paha. Ka pule kuawili aha ka i papaia? Ka pule kuawili waha wale no. Hai paanaau mai Mat 1`5:8 He pule aha ka oukou?
P. 9 @@@@@@@@@ i ao mai ai. Heaha ka hapa mua o keia pule? Ke noi mua, heaha? E hoanoia kou inoa heaha ia? E hoomaikaiia, e hoonanaiia, e mahaloia, e kapaia ke Akua ihiihi, hemolele, kapu loa, e makau n@i ia.
P. 10. Na Kaikamahine. Heaha ke noi elua? Ke noi akolu? Heaha ke aupuni o ke Akua? Mahea? A hea hiki mai? Ma ke aha e hiki mai ai? Aole anei i hiki mai? Ua hiki mai kekahi hapa; ka nui nae, aole i hiki mai? Aia a pau ka hewa, na aupuni hewa o keia ao, a lanakila ka pono. Oia anei ka wa e hiki mai ai ke aupuni o ke Akua? Nowai ia aupuni? Heaha ka oukou e hana ai i komo maloko? Kokoke anei ka wa e hiki nui ai aupuni? Mahea i malama pono ia ai ka makemake o ke Akua? Heaha ia makemake? Ua malama ia anei ia ma ka honua nei? Aole paha. E pule ana kakou e ahaia? Ke hana nei, ke hoao nei anei oukou e hana i keia makemake? Hai paanaau mai Roma 12:2.
P. 11. Na Pokii Heaha ka ha o ke noi ana? E haawi ia makou i keia la i aha? I ai no hea? No keia la. Aole anei he pono ke noi i ai no ka la apopo kekahi? Hai paanaau Mat. 6:34. Owai keia makua? Haawi mai anei oia i ka ai na oukou ke noi aku? Ma ke noi wale no anei e loaa ai ka ai, ? Aole anei ma ka hana kekahi? Ehia mea pili i ka ai na ke kino? Kalo, uala, raiki, maia, brena, bipi, ia, moa, puaa, &c. &c., mui wale. Heaha ka ai a ke Akua i haawi ai na ka poi Iseraela ma ka waonahele? No na makahiki ehia? No ka ai na ke kino wale no anei e noi aku ai? Heaha ka ai na ka uhane? Loaa anei ke noi aku? Hoopaanaau Mat. 7:11.
P. 12, 14, 15. Na Makua. Heaha ke noi elima? Ua lawehala kakou i ka wai? Nui anei na hala, na hewa a kakou i hana aku ai i ke Akua? Aole anei i hana hewa aku i kanaka kekahi? Pehea la e kalaia ai ka hewa? Owai ke kalahala nui? Me ke aha e kala mai ai ke Akua? Me ko kakou kala ana 'ku i ka poe i hana hewa mai ia kakou. Ina kala ole aku kakou i ka poe hana hewa mai, e kala mai anei ke Akua ia kakou. Nolaila, ina pule kakou i ke Akua e kala mai ia kakou, e like me ko kakou kala ana aku ia h@i, me ko kakou kala ole nae, Ua like ia me ko kakou noi ana i ke Akua e kala ole mai ia kakou. Auwe ia pule! e pule ana i ke Akua e hoopaa loa i ko kakou hewa, aole make e kala mai. Ua like ia me ke noi i ke Akua e hoopai mai ia kakou i ka make mau loa. Hai paanaau mai Mat. 18:35. Pono anei ka pule me ka hoomauhala? Mat. 5:23,24. Hoopaanaau.
P. 13. Oukou a pau. Hoaha ke noi eono? Ke noi ehiku? Heaha he ano? Ina pule kakou i ke Akua, "Mai hookuuia kakou i ka hoowalewaleia," Pono anei ke holo wale iloko o na wahi hoowalewale, e like me na wahi hala, lealea, heihei lio, inu Rama, piliwaiwai, hookamakama? Heaha n@ mea in@? Nawai e hoopakele? Mahea kahi in@ loa? Ma keaha e pakele ai?
Ko oukou a pau loa, a hai mai i kei pule mai ke kumu a i ka hope.
Manao anei o Iesu, ka pule keia a na haumana e pule mau ai? Aole, he kumu wale no keia, he mea kuhikuhi i ke ano o ka pule - Me keia e pule ai - hemau hoa pule keia; Na ua haumana e hoopiha, e hoonui, e hoopokole.
Na Pauku Alakai me ka hui Lahui, e haipaanaau mai.
Mwlw Him. 2 Leo, Trell, C.Sacra. p. 38
Pule - i piha i ka uhane, e pule me ka uhane; a hookuu aku.
HAWAII.
___________________________________
Kukuluia e ka Uahi.
_____
Ua mahuahua na dala no ka haalele ana i ka puhi baka, a o ka mea ilihune, ua lilo i mea waiwai.
O kekahi haole e noho ana ma Albany Nu Yoka; he mea lawelawe oia iloko o ka hale kalepa; ua kukulu i hale maikai; ekolu tausani dala ka i lilo no ua hale la. Ka @aha kona mau hoahanau, a ninau ia ia penei; Pehea la i hiki ia oe ke kukulu i ka hale nui a maikai e like me ia? Nohea mai na dala? I mai la ia, "Oia ko'u hale Uahi." Kou hale uahi! Heaha ke ano o kou manao?" Eia ke ano. He kanaka puhi baka no au mamua, a no ka nuio na dala i lilo no ka baka, ua oki loa au ia hana ana. He iwakalua makahiki mamua aku nei ko'u haalele ana i ka p;uhi baka. A ma ko'u helu ana, o na kala i malama ia e au no ka puhi ole i ka baka, me kona uku hoopanee hoi, ua like ia me ekolu tausani, $3,000. Me keia mau kala i pau ole i ka puhi baka, ua kukulu au i keia hale' nolaila, ke kapa nai au ia ia, "Ko'u hale Uahi."
Pela io no paha. Ina e noonoo ka poepuhi baka, a me ka poe puhi opiuma, a helu pono i ka nui o na hapaha, a me na dala a lakou i lilo wale aku no na mea uahi, ka inoa e hoopau koke lakou i kela hana lapuwale, a malama i ua mau dala la no na mea e pono ai ka ohana; ka ai, ka ia, ka lole, ka aina, ka hale, ka holoholona &c. &c. No ka mea, o na kala i malamaia, me ka hoomaunauna ole, ua like ia me na dala i loaa mai na ka hana hoolimalima, hana kalepa, hama mahiai, hooholo moku, a ia mea @@@ ia mea aku.
He wahi R@la maikai no keia e noonoo nui ai na kanaka a pau. No ka mea, he nui wale ka manawa, a me ka waiwai i hoomaunaunaia ma na mea e poino ai ke kino a me ka uhane. Mau no ka ilihune, a me ka nawaliwali o ke kino o kekahi poe no ka puhi baka, puhi opiuma, me ka nau buka.
Auhea oukou, e na kumu kula a pau ma Hawaii nei? Eia kekahi mau haawina no ka oukou poe haumana. 1. Ina e lilo aku he umi keneta, (kenikeni) no ka baka nau paha, baka puhi paha, i kela la keia la; ehia mau dala maoli e lilo i ka malama hookahi? 2. I ka makahiki hookahi? 3. I na makahiki he 10? 4. Na makahiki he 20?
Haina 1………. $3 00
" " 2………..36 00
" " 3……….360 00
" " 4………..720 00
Heaha ko oukou pomaikai, ke lilo aku keia mau dala i ka baka puhi, a i ka baka nau? Aka, ina ua lilo kekahi i ka ai, ka ia a me ka lole, maikai no ia; a lilo kekahi i ka kuai aina, kukulu hale, a malama i na holoholona, maikai no ia, makepono no ia.
Auhea oukou, e na pake, ka poe puhi opiuma? Ehia ko oukou mau dala e lilo wale ana no ka opiuma, i kela mahina i keia mahina, a puni ka makahiki? He oihana kuku paha kekahi o oukou. Elima kala ka uku no ka hebedoma, a me ko oukou ai no hoi, a he $20, no ka malama; a he $240, na kala no ka makahiki. Ua makiai ka uku, a uka kaepono no, ka malama pono no oukou i kela mau dala. Aka, Ea! Aole pau anei ka hapanui o keia mau dala i ka opiuma e puhi ai? Heaha la ke kumu o ko oukou pilikia, dala ole, i kela manawa keia manawa, ke lilo ole i ka opiuma; I ko'u manao, ina ua lilo ko oukou mau dala i ka aihue, ua oi aku ko oukou pomaikai malaila, mamua o ka lilo ana no ka opiuma e puhi ai. Ina e malama pono oukou i ua mau dala la, a kuai i ka aina, a kukulu i ka hale, a hoolako i ka hale me na pelamoe, na noho, pakaukau, me ana pahi, na o -na bola- ti, ka ai, ka ia, ka palaoa, &c. &c. - i ka lole hoi no ka wahine a me na keiki - oia kekahi mau mea e pono ai, a e pomaikai ai a he mau hana hoe e ku pono i ka naaouao. E lako hoi oukou i na dala e hoouna aku i na keiki i ke kula Hawaii paha; i ke kula haole paha.
UAHI PAA.
Ua palapala aku kekahi kanaka paahana i ka mea pai nupepa penei; "Mai ko'u wa i hoopau ai i ka puhi ana i ka baka, ua hookomo au iloko o ka ipuhoki i na moni, i kela hebedoma keia hebedoma, e like me ko'u haawi ana mamua, no ka baka p;uhi. A i ka hope o ka makahiki, ua wehe ae au i na ipu@oki nei, a helu i na dala kupono e kuai i kekahi mau nupepa i paiia ma na hebedoma, a me kekahi mau "Periodicals;" oia hoi, he mau buke liilii i paiia i kela mahina keia mahina, a me kekahi i paiia i ka hapaha o ka makahiki. A ke kapa aku nei au i ua mau dala la, Uahi Paa.
Penei ka ninau ana mai o kekahi hoalauna; Ea, ua loaa anei ia ou the "Philosophers Stone?" oia hoi, ka mea e hoololi i kela mea keia mea paa, i gula?
I aku la au, aole; alole au e hoololi i ka uahi i bula, aka, ua pau ko'u hoololi ana i ke gula i ka uahi.
________________
Ka haiao a Rev. L. Laiana.
____
"E kuoo, a e makaala, no ka mea, e like me ka liona @wo, pela no e holoholo nei ko oukou enemi, o ka diabalo, e imi ana i kanea nea e ale ai. I. Pet 5;8
[Koena mai kela hebedoma mai.]
Aole nae kakou e nana nui ana i na hana a ka diabalo ma na wa mamua loa aku. E nana i kana mau hana i keia wa. Ke holoholo nei ano iwaena o na kanaka, na kamalii, me he liona uwola i kekahi manawa, me he popoki kolo malu la, i kekahi manawa, me ke kino o ke kane, o ka wahine, o ke keikikane, o ke kaikamahine, o ka makua, o ke kupuna, o ke kahuna, o ke kumu, o ka hoahanau, o ka haole, a hapahaole, e imi ana ma o lakou nei i kana mea o hoowalewale, a hoohina, a ale ai.
Nui na wahi ana e holoholo nei. Aole paha he wahi i koe ma ka honua nei. Kalani wale no paha i koe. Aole nae oia i makou i ka holoholo ana a hiki i ka pa o kalani, a mawaho e noho ai me ka imi ana i kahi e komo hou ai ilaila, e hoohaunaele, a e kipaku aku i na kamaaina, a noho oia iloko me kona poe anela.
Aia no oia ma ka puka o kou naau e kuuhoa, e imi ana e komo, a hoohina ia oe. A i mea e hiki ai ke lawe la oia i wahine, i kaikamahine, i waiwai maikai, he lole, he lei, he komolima; a hooku imua o kou maka, i lilo kou maka ilaila, a poina ke kuai ana, a komo ke k@ko, a komo pu no ka diabalo; a pehea la oe e pakele ai i ka ale okoa ia e ia? E kiai oe, e kuoo, e makaala. Pehea ke kanaka, ka ona o ka hale, a o ka pa hale? Ina ike oia he holoholona mawaho, he mea pupule paha, he lepera paha, he aihue, he powa, e hookokoke mai ana me he la e imi ana e komo iloko o ka pa, iloko o ka hale, iloko o kona keena moe, nana pono paha oia in a puka, ina hamama ana, wikiwiki oia e pani a paa ike kiia a makaala hoi i komo ole ka mea kolohe; a ina e hoomaka ana e komo, e holo e kipaku aku.
Pela hoi oe e hana'i e makaala'i, e pani ai i ka puka o ka naau, i ka puka o ka hale, i ka puka o ka pa, i komo ole ka enemi, a, ina ua ike aku, e kokolo mai ana oia, e holo ae a kipaku aku.
Aia no ka diabalo, ke ku la ma ka puka o ka hale noho, o ka hale kula, o ka luakini, e imi ana e komo, a e komo ana no ke ku hamama ana; ma kona kino uhane paha ke kom ana , a kom iloko, law oia i kekahi mau mea, i mau mea e hoowlewale ai, he mea kupono, he mea maaleea, he mea mepp paha i ka nuku, ika hoopaapaa, i ka haikaika, ika hana pepa, ika hula, ike puhi baka, i kainu rama, ika lealea, ike kohohe, ika makeoho, ika hlhu, i ka lili, ika hoalahalha, a ohumu a hoahewa, i ka paani, ika hooakaaka, ika hawanawana, i ka hookonokono e paani, a ma o lakou nei, e imi ai oia i naka me a e hoohina a ale ai.
Ia ia e holoholo a komo ai iloko o na luakini me na aha halawai, lawe oia i na keiki liilii, i na ilio hoi, i maukauwa nana, e hoohaunaele, a e hookuli i na pepeiao, i komo ole ka ke Akua olelo iloko. He nui hoi ma mea iloko o na halawai, a me na kua Sabati, a Satana i hookauwa ai nana e kokua i ka hoohei, ana ka ale ana i kanaka, me kamalii.
E kuoo, e makaala, o lilo kekahi poe iloko o na halawai a me na kula Savati, i mau kauwa na ka diablo, i mea e hina'i, a e ale@'i lakou me ka poe e hoohalike ana.
Aia oia, ke holoholo nei ka diabalo, a kuma ke puka o na ekalesia, e imi ana e komo; a, i ko kona makemake, lawe oia i kekahi hoahanau kanaloa, palaka, himoe, haalele pinepine i na hana ekalesia, a hele lalau, e like me Iuda Isekoriota, a ma o @ la e komo ai, a hoohaunaele i ka ekalesia, a alakai hewa i na hoahanau, a hoohuli ae ia lakou mai ka oiaio aku, a i ka wahahee.
E kuoo, e makaala na hoahanau, o lilo kekahi ikauwa na ka diablo,a ale ia e ia, a kokua ia ia i ka ale ana i ka ekalesia.
E kuoo, a makaala hoi na makua, na kumu, na luna, na kahu ekalesia, o haule, a alakai hewa, a hoohina i na keiki, i na haumana, i na hoahanau i na kanaka, a kokua i ka enemi i ka imi a ale ana ia lakou.
Ma Hoikeana Mokuna 12, na ka paia ka diabalo ka deragona nui ulaula, me na pepeiao hao he 10, a me na poo 7, a ehiku mau lei alii ma kona mau poo.
Eia ke ano; o ka diabalo no ia, me kona mau lala, kona mau kokua; oia hoi na aupuni nui, me na aupuni uuku iho. Ua lawe oia i na aupuni o keia ao, a hoohuli ia lakou mamuli ona, mai ka malama ia Iehova ke Akua oiaio hookahi wale no, a i ka malama i na akua wahaheo oia ia ole; oia hoi ke aupuni o Roma, o Farani, o Beritani, o Geremania, Rusia, Kina, Iapana, Aigupita, Babalone, Peresia, Makedonia. Lilo ia mau aupuni a pau i mau aupuni hoomanakii. Oia na poo ehiku, na lei alii ahiku, na pepeiao hao he 10 o ka diabalo, a me ia mau mea i imi ai oia mamua, a ia keia wa hoi, a loaa, a ale i na miliona ha nui wale.
E kuoo, a makaala kakou, i ole e kokua ia ia, ma ka iho ana i ka hoomanakii, a me ka puni waiwai kona hope, &c.
Ma ka Mokuna 13, o Hoikeana, ua ano e ke diablo, ua hookahuliia ua aupuni hoomanakii maoli, a hoojuli ia mamuli o ka hoomana Kristiano. Huhu loa ka diabalo, a imi e hoolalan i na aupuni hoomana ia Iesu. A loaa no ka poe kokua, na 'lii, na Bihopa, na Pope, a ko no kona makemake. A hoololiia ka inoa o ka deragona ulaula, a kapaia, ke holoholona me na poo ehiku, a me na pepeiao hao he 10. Oia mau aupunihoomanakii ehiku no ia, i hoohuli ia mamuli o ka hoomana Kdristiano, a hoolalauia e Satana; a haawi oia i kona mana ia lakou, a lawe hoi oia ia lakou, aia hoi ka ekalesia Pope me kona mau manamana, a mau kauwa mama; a ma o lakou la e holoholo nei oia io ia nei, e imi ana i kana mea e ale ai. A weliweli hoi na niliona i ale ia, a e ale a nei.
E kuoo, a makaala kakou; mai kokua i ka enemi i ka imi a ale ana i kanaka, i ka malii, makahuli ana mamuli o ka aoao Pope. &c. (Aole i pau)
_______________
Ka Hale Kula Kahunapule.
Oia hoi ke 'Theological Seminary'
ma Honolulu.
E LANAKILA ANA ANEI?
_____
Ma ka nana'na ma ka plapala hike a ka Papa Hawaii, e lanakila ana paha ke Kula Kahunap;ule, no ka mea, ua loaa ka nui o na mea e lanakila ai.
1. Ua loaa ke kahua, a me ka hale kula.
2. Ua loaa na kumu eha.
3. Ua loaa na haumana aiwa paha.
4. Ua loaa ka nui o naa dala e holo ai.
He mau m@e nae i koe e holo pono loa'i.
Ehia na mea i koe:
1. Ke koena dala o ka haawina o na Ekalesia Hawaii.
O ko na haole haawina, oia hoi $1,00000 ua loaa ia a oi iki aku.
O ko na Ekalesia Haawina, oia hoi $2000.00.
Ua loaa ka hapa nui, oia hoi $1,597.47. Koe..$40253.
Ma ka nana'na i ka papa hoike o ke ko@@@@@@@@@@@ mau ekalesia aole i haawi iki i ko lakou kokua no keia kula.
Eia ua mau ekalisia nei:-- 1. Laupahoehoe, Hilo. 2. Kapaliloa, Kona, Hema. 3. Waikapu, Maui 4. Kaumakapili. 5. Ewa. 6. Kahuku. 7. Niihau 8. Halawa, Molokai. 9. Siloama. Ua kokua paha oukou, ua haule ike pai ana. Ua kokua paha oukou mahope iho o ke pai ana i na kokua kuleanakauhale.
Ina aole e ala mai oukou a kokua i ko ouou hapa, a hoouna aku i ka Papa Hawaii. A loaa ma ko oukou mau kokua $200 dala a oi paha.
He mau ekalesia hoi i kokua hapa no keia kula kahunapule, a koe kekahi hapa.
Eia ua mau ekalesia nei:-- 1. Hakalau,. 2. Kaupo. 3. Kaanapali. 4. Honuaula. 5. Olowalu. 6. Honokohau. 7. Moanalua. 8. Waialua. 9. Hauula. 10. Waianae. 11. Wailupe.
Ina aole i pau ko oukou mau haawina, e ala, a wikiwiki i ka hoopau ana. Malama ua lawa ke koena ke huipu me ka 200 kala o na ekalesia kokua ole, no ka hookaa ana i ka 402 dala i koe o ka $2000.00. Ina aole, alaila, e kokua pualu kakou i ka poe i kokua pau loa i o kakou mau haawina. Na ke kakauolelo o ka Papa Hawaii nae e hoomaopopo mai i keia mau la aole he nui.
2. Eia ka lua o na mea i koe e lanakila ai ke kula kahunapule. O ka piha ana i na haumana. Ua lawa na kumu, e like me na kula Kahuna ma Amerika Hui. Aka 9 wale no haumana! Ua lawe anei ia? Aole paha, he 30 a oi ka lawa. Nui na Ekalesia kahu ole, ua 10 a oi. Ua elemakule, a palupalu, a hawawa paha kekehi mau kahu. Ina he 30 kahunapule hou i keia wa, a makaukau hoi, ina e kahea kokokeia paha lakou e hookunia ma na ekalesia hemahema.
Auhea oukou, e na ekalesia 59, me na Ahe Euanelio, Aha Lunakahiko, mai Kau a Niihau? E ala, e noi i ka Uhane Hemolele e iho mai, e hoopiha i ka naau o ka poe opiopio kupono i ka oihana kahunapule me keia pae aina, a i misionari kekahi ma na aina pouli, ma Maikonisia, Nuuhiva. &c &c.
Kokua hoi oukou i ka imi ana i keia poe opiopio E wiki i ka hoopiha ana i ke kula kahuna i na haumana, o pau e knaka i ka mai lep;era, a me na mai e ae, a koe ole kahi e noho kahunapule ai. HAWAII.
___________________________________________________
KUMU O KA POMAIKAI _ O Kekahi kanaka kalepa Kristiano; i kona wa opio, he keiki ilihune no ia, ua ulu mai nae a lilo he mea waiwai, a mahaloia no hoi;- ua niele ia oia i kekahi la, e ka hoalauna, i ke kumu o kona loaa ana i kona mau mea i mahaloia? I koke mai la oia, "No ko'u hoolohe koke a malama mau ana i na kauoha a ko'u mau makua I ko'u wa opio, ua puni au i na kamalii kolohe; aka, ua hoolohe mau no au i na kauoha a ko'u makuakane, a me ko'u makuahine, a na paa ko'u manao, oia ke kumu nui no ko ke Akua hana lokomaikai mai ia'u." Y. C.
E ala, a haipule na mea elua, a i ole
i hookahi paha.
_____
He ekalesia ma Marilana, Amerika. Ua make ke kahu, a make pu ka ekalesia ma na hana, na halawai, na pule, ua lilo i ko ke ao nei, a neoneo loa ka kihapai.
Pehea la e ala hou mai ai? Nohea ke kokua ana? Hookahi hoahanau i koe, aole i lilo i ka hiamoe. Ala mai oia, a paa kona manao e ala hou ka ekalesia. Hoomaka oia i whi halawai haipule. Aole nae i hele mai ua hohanau; keakea a koe lakou i ka halawai. A holo ole ia mamua.
Paa nae kona manao, alole oia i kanalua Pule no ole, a hoomau no, a hooikaika no. Paapu nae ka pouli, aohe poha mai ka malamalama.
Mahope iho, hui mai kekahi mau hoa, a pule pu. Aole liuliu loa a ala mai kekahi poe hewa, a huli mai ma ka pono. A mahope iho hele nui mai na kanaka i ka halawai. Mai kahi loihi, he 10 no mile, i hele mai ai kekahi poe i ka halawai, a lilo hoi i poe pono. Ala mai hoi na hoahanau i hoowahawaha a keakea i ka halawai haipule a kela hoahanau hookahi, e hele mai i ka halawai me he p;oe imi la, a mihi, a hooanohou ia. Mahuahua ka poe hul@; pau loa kanaka, kamalii, i ke ala , a ninau, hea ka makou e hana'i iola makou? Ewalu pule ka mau ana o ka Uhane Hemolele ma laila; a hookahi haneri kanaka i huli mai 90 ka i komo maloko oia ekalesia hookahi; a komo kekahi poe iloko o kekahi ekalasia like e ae.
O eia poe hoahanau hou, he poe ikaika i ka hana no ke aupuni o Iesu.
E na hoahanau Hawaii e ala ana, e hoohalike me keia hoohanau hookahi -- a e haule mai no ka Uhane Hemolele, a ala mai ka poe hiamoe, a huli nui mai na kanaka, na kamalii. HAWAII
______________________
E pii mai iluna nei.
_____
Nohea mai keia le kahea? Hoikeana 11:12. No ka lanai mai paha mamua, e ka hea ana i na hoike elua e pii ae i ka lani.
Aole au e wehewehe ana i ke ano mua, a i ka pili mua. No keia wa ko'u wehewehe ana.
No ka poe e noho ana ma na wahi haahaa, ma na awawa, ma na lua o keia ao.
1. Na hoahanau paleka, a hiamoe, a lilo i na mea o keia ao. E pii ae iluna i kahi kiekie, i ka hana , i ka haipule, i ka hooikaika, no ke aupuni o Iesu, no ke ola o na kanaka, o na kamalii. E pii ae mai ke kokua ole a nuku paha i na kahu ekalesia, a i ke kokua kupono i ke kahu, a i ko na aina e. Mai moe iloko o ka lua kokua ole, ka luapi.
2. Ka põe haalele, a hele ole i ke kula Sabati, e pii ae oukou Iuna, i ka luakini i ke kula Sabati.
Mai moe ma ka lua o ka maaupo kahi e paa nei ka poe hele ole i ke kula Saai i ka halawai.
@@@@@@@
hi i na kanawai o ka aina, a o ke Akua, a hana i na kar@@@, ka poe inu rama, ona rama, inu awa, puhi a nau paka , puhi @@@@, opiuma, noho manuahi, noho hookamaka ma a lilo i ka hula, i ka lealea, i ka puni waiwai; e pii ae oukou iluna, i kahi maemae, a noho malie, a malama i na kanawai.
Mai moe iloko o na lua o ka hoomal@ka, o ka ona, o ka manuahi, a hookamakama, ke alanui e hiki aku ai i ka mai lepera, i ke kaokao, i ke ino o ke kino, i ke ino, a me ka make o ka uhane.
4. Kakou a pau e noho kino nei, e pii ae iluna, mai ko ke kino a i ko ka uhane, mai ke ao nei aku kahi k@onoono, a lako, a nani, a ola mau loa. HAWAII
______________________________________
Baibala! Baibala! -- Ua hiki hou mai kekahi mau p@@@ Baibala Hawaii, mai NuIoka mai. O ka poe makemake i ka Baibala hou, e kii koke mai.
_________________________________________________________________________________________________________________
NA BUKKE
I HOOLAHA IA@E KA PAPA HAWAII!
------ME KE-----
KUMUKUAI O KELA ME KEIA.
____________
BAIBALA HEMOLELE Nui Ili ula Nani m na kuhikuhi ma na aoao……………………………$12 00
Baibala Hemolele Nui ili elele kaekae wai gula……………………………………………….……5 00
" " uuku iki iho, " " …………………………………………..8 00
" " Pananaiki iho ili eleele………………………………………………4 00
Kauoha Hou ili gula nanai me na kuhikuhi…………………………………………………………3 00
" " eleele kaekae wai gula……………………………………………....1 00
" " " …………………………………………..….75
Kauoha Hou Hapa Haole…………..………………………………………………………………75
Lira Hawaii 1848 me ke kanawai……………………………………………..…….……………….25
" " 1855 ……………………………………………………………………….…….25
Moolelo Ekalesia ………………………………………………………………………..…………..50
Haiao ili lahilahi ……………………………………………………..…………………..………….10
Hele Malihini ana…………………………………………………………………………………….25
No ko ke Akua ano…………………………………………………………………………………..25
Lira Kamalii…………………………………………………………………..……..…………….…25
Hoike Palapala Hemolele………………………………………………………………………..……25
Moolelo oHeneri Opukahaia………………………………………………………………...……..…25
Hoike Akua……………………………………………………………………………………..……20
Wehewehehala…………………………………………………………………….……………….…20
Ninau Hoike ili manoanoa………………………………………………………...…………………..25
" " lahilahi……………………………………………………………………………..15
@kumumua Kula Sabati………………………………………………………………………………15
Buke Lawe Lima………………………………………………………………………………………10
He Buke no ka Pope…………………………………………………………………………………..10
Ui Kula Sabati Helu 3……………………………………………..…………………….………….20
" " 4…………………….…………………………………………………….…..05
" " 5……………………………………………………………………………….25
Buke Euanelio a Ioane………………………………………………………………………….……..15
Himeni Hawaii……………………………………………………………………………..……..…1 00
Himeni ili nani Hawaii………………………………………………………………………………1 70
Kumu Leo Mele………………………………………………………………………………………..15
Kumu Leo Mele Ili nani……………………………………………………..……………………….50
NA KAUOHA HOU PAKEKE.
Ili Gula nani……………………………..……………………………………………………………1 75
Ili eleele kaekae nani………………..……………………………………..……….…………………..50
Ili eleele……………………………………………………………………………………………….35
KAUOHA HOU PAKEKE ME NA HALELU
Ili Gula nani…………………………………………………………………………………………1 75
Ili eleele kaekae wai gula…………………………………………………………………………….@0
Ili eleele……………………………………………………………………………………………….35
Buke wehewehe Huaolelo Baibala, elua ano.
uke Wehewehe ano Mataio.
NA HALELU PAKEKE.
Ili Gula nanu……………………………………………………………………………..…………50
Ili eleele kaekae wai gula…………………………………………………………………………….20
Ili eleele……………………………………………………………………………………………….20
Ka have Hoonani (Buke Mele)……………………………………………………………………….25
EIA NA BUKE HAAWI WALE.
PALAPALA LIILII__
Helu 4 Makemake anei oe i ke ola?
Helu 6 E hele i o Kristo la.
Helu 7 Ka hoi ana mai o ke Keiki Uhauha.
Helu 11 No ka hoohiki wahahee i ke Akua.
Helu 16 Ka Eehia ana o ka Ahaaina a ka Haku a me ka Bapetizo ana.
Helu 17 Mai hapa ino I na holoholona.
Helu 18 No ka mahiana, kuai ana a me ka @@ ana I ka Awa.
Ea Davida Malo Kumumanao.
Ka Moolelo o Baltimea Puaaiki.
Aia ke keena kua buke o ka Papa Hawaii ma ka huina o Alanui Be@@la me Alanui Kalepa, e kokoke ana i ka Hale Leta.
J. F. POKUE.
Kakauolelo o ka Papa Hooko o ka Ahahui E@@ nelio o ko Hawaii Pae Aina.