Ka Nupepa Kuokoa, Volume XII, Number 26, 28 June 1873 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Mau ke aloha o Iesu.

FAITHFUL IS HE THAT @ PROMISE.

                                    Pure Diamonds p. 16.

A kau na ao ino, e mele no nae,

Mau ke aloha o Iesu––

A nalo na laina, e mele hou ae,

Mau ke aloha o Iesu.

Auhee na ao ino ke kena Iesu,

 A olelo, i malu, a malu mai no---

 E kali no nona, a paulele mau,

mau ke aloha o Iesu.

Cho. Mau ke aloha,

Mau ke aloha,

Mele lea ʻ e i ka nauwe ana'e,

Ole no oia e haulele mai,

Mau ke aloha Iesu,

 2  Olu no oia, a hanai maikai,

Mau ke aloha o Iesu----

Ko kana olelo e pomaikai ai---

Mau ke aloha o Iesu.

Mohala na pua ,A uli na pua,

a mau na mea ulu,

a hua mau no,

Aole na manu, e oli kakou,

mau ke aloha o Iesu.

Cho. mau ke aloha,&c.

3   Olo ia mele mai mau a nei,

Mau ke aloha o Iesu,

pa olu wai la i mea e maha ʻ i, mau ke aloha o iesu.

E hiolo e la ma mauna paa nei,

E paa nae a mau kana olelo maikai----

E pau na makau, a e hauoli ae,

Mau ke aloha o Iesu.

Cho.  Mau ke aloha, &c.

4   E na haumana, e mele pu no,

Mau ke aloha o Iesu---

Launa, kokua, a kiai a mau,

Mau ke aloha Iesu.

Ke mau la na kula, na halawai nei,

Ke mau la na hana e pomaikai ai---

E mele a mau keia mele maikai, mau ke aloha o Iesu.

Cho.  Mau ke aloha, &c. Hawaii

HAAWINA KULA SABATI.

helu 27. Sabati, Iulai 16.

Kumuhana----ke keiki Iesu.

Pauku Baibala––– Mataio 2: @@@@

1 A hanaoia o iesu ma bete@ Indea, i ke kau ia Herode ke alii, @ hele mai la na magoi mai ka aina h@ mai a Ierusalema,

2 i ka i ana mai, Ai la ihea ke mea i hauau iho nei i alii no ka poe Iudaio? No ka mea, ua ike makou ma ka aina hikina i kona hoku, a ua hele mai nei makou e ku-kali hoomaikai iaia.

3  A lohe ae la o Herode ke alii, apoapo ae la kona oili, oia a me ko Ierusalme a pau.

4  Alaila, houluulu ae ia i ka poe ka-huna nui a me ka poe kakauolelo a na ka-naka, ninau mai la oia ia lakou, Ai la ihea kahi e hauau ai o ka Mesia?

5  Hai aku la lakou iaia, Aia i Betelehe-ma i Iudea nei; no ka mea, ua palapalaia e ke kaola penei, 

6 O oe, e Betelehema, i ka aina o Iuda, aole no oe ka mea uuka loa iwaena o ko Iuda poe alii; no ka mea, mailojo mai ou e hele mai ana kekahi alii, nana e hoomalo i ko'u poe kanaka o ka iseraela.

7  Alaila, kii malu aku la o herode i ua mau magoi la, ninau pono aku la ia lakou i maopopo ai ke manawa i ikea aku ai ua hoku la.

8  Hoouna aku la oia ia lakou i Betele-hema, i aku la, ou haele oukou, e ii pono aku i na keiki la; a ioaa hoi, alaila e hai mai ia'o, i hele aku hoi au e kukuli hoomaikai iaia.

9  A lohe ae la i ka ke alii, haele aku la lakou; aia hoi, ka hoku a lokou i ike ai ma ka aina bikina, lele e aku la ia imua o lakou, a hele aku la, a kau iho la maluna pono o kahi e noho ana o ua keiki la.

10  A ike aku lakou i ua hoku la, hauoli nui loa ae la lakou.

Pauku Alakai.  "A e hauna mai oia i keikikane, a e kapa aku oe i kona inoa o Iesu; no ka mea, e hoola ia i kona poe kanaka mai ko lakou hewa."  Mataio 1:21.

Pauku hui lahui.  "A ike aku lakou i ua hoku la, hauoli nui loa ae la lakou." Mataio 2:10.

Mele.  Him. 82.

Pule––– hoomaikai no ka hiki ana mai o Iesu ke kalahala.

NA NINAU

Na Makua.  mehea ko kakou kula ana ma ka hapaha elua i pau iho nei? Ua paa pono anei ia mau haawina he 26? E kula ana kakou mehea ma na hapaha elua e hiki mai ana?

Nui anei ka poe o kula like ana ma na haawina o keia mau hapaha hope? Ae, elima millona a oi ma Amerika Hui, ekolu a eha paha taosani ma keia Pae Aina Ehia ka pono ma Hawaii nei? 5,000 paha a of. pehea ke loaa he 10,000? Pomaikai loa ia.

Na keikikane. heaha ka waoana hope no lesu ma kinohi? Owai Silo?  Ua hoo–koia anei? mahea i kakauia'i ke ko ana? Mataio, mok.2. Luka 2: 6––7.

P.I. –– Na kaikamahine. ka hanau ana o Iesu.  Mahea iesu i hauna ai? Heaha Betelehema aku?  Ehia mile ko kaawale ana? 6 paha.  owai kekahi alii i hanauia malaila mamua aku? He mamo hoi Iesu nawai? Ke ano o Betele hema e ae anei kekahi? Ae. Mahea ia? Ma Zebolona, Iosua 19:10––15. Owai kekahi inoa? Eperata, oia paha ka inoa mua. Kinohi 35:19 Heaha kona ano i keia wa? he kulanakauhale uuku no, na 100 hale haahaa ––3000 a oi na kanaka. No ka ekalesia Helene ka nui. he pa pohaku e hooponi ana ia Betelehema, he 30 kapuai ke kiekie.

Na Pokii. Owai ka inoa o keia huke e kula nei kukou Mataio. Ka inoa o ka buke a pau? kauoha Hou. Ehia mahele nui o ka Baibala? Elua, kauolia kahiko––– Kauoha Hou. Owai ka inoa o ka buke moa o ke kauoha Kahiko? Kinohi i pan iho nei. ka buke moa o ke Kauoha Hou,owai? Ehia mokuna? Nawai i kakau? Owai kekahi inoa Mataio? levi. Lukea 5: 27,28. heaha kana oihana? Mataio 10:3. hanaula Iesu mahea? keaha Iesu? He kalahela, he Hoola, he Alii nui. Owai kona makuahine. ame ka makuakane ma ke kino? Owai kona Makua ma ka Uhane? Ehia ano o Iesu? Elua, ano kanaka, ano Akua. Lilo anei Iesu i keiki liilii loa, e like me wai? No ke aha? No kona aloha i na keiki, i hiki iaia ke hoola ia makou ke manaoio iaia. Hoola anei Iesu ia oukou iloko o ko oukou hewa?

Na Makua. Iudea heaha ia? Ehia mahele o Palesitina ? Owai? Owai? Mahea Iudea? Mahea Galilaia? Owai mawaeja? Iudea, nohea ka inoa? Owai ka inoa mua? Palesitina, owai ka inoa eloa? Owai ke alii o Iudea? Nohea Herode? Owaikona makuakane? Anetipare, no Idumea, he mano na Esau. Kona makuahine, he mamo uawai? na Iakoba wahi e kekai pou Ina hea ka hoomaka ana o Herode i kona lii ana ma Iudea? 40 makahiki mamoa o haunau ana o Iesu. Nawai i hoalii? Na kaisara o Roma. ua lilo amei iudea ia Roma i ka we i hanau ai o Iesu? Ae, aole nae i lili loa, ua koe iki no kekahi mana lunakanawai. Nolaila ka wanana aha ka i hookoia? Kinohi 49:10. Owai o Silo? Na Keikikane. Na magoi, owai lakou? he poe ilo, he poe akamai i ka uana i na hoku, i na aouli ma ka laui, a malaila i hai ai i kekahi mau mea e hiki mai ana. Nohea keia poe? Hikna me he ia? Ma Asuria, Peresia. No Peresia p ha keia poe. Owai ke poo o na magoi mamua loa ma Peresia? Daniela 5: 11.  Hele mai na magoi i hea? Ierusalema, heaha ia? Aia mahea? Maheai kakau mua ia ʻ i? kinohi 14:18. Salema, Ierusalema, ua like anei? Owai ke i kaua a lanakila, a lilo Ierusalema ia Davida?

P.2–– Na kaikamahine. Ka ninau ana o na magoi, heaha ia ninau ana? No ke aha i ninua ai? Ninau lakou ia wai? Heada ka lakou i ike ai? He hoku aha is ? He hoku maoli anei? I ka wa i ikea ʻ i ia hoku, ua hanau anei Iesu? Aole paha. he mau malama paha maua aku. No ke aha ko lakou hele ana he alii no na ludaio? No na Iudaio paha e noho pu ana me lakou. Kukuil hoomaikai, he aha ia ?

Na pokii. Owai ke alii o na Iudaio? he alii maikai anei? Aole, he alii hewa lohe oia, he alii hou e puka mai ana, heaha kona maao? Pihoihoi loa. Oia wale no anei ka i pihohoi ?

P.3. No ke aha ka pihohoi? No ka makau paha no ka nui o ko lakou hewa,  manao e hoopai ia ʻ na e keia alii hou.

P.4.–– na Makau. Ka Herode hana. heaha ka Herode Hana? heaha kona niuau? Naaopo ka ke alii! He ninau aha kana?

P.5,6–– Pehea i pane aku ai lakou? Nohea ko lakou ike? mahea ia wanana? Ehia makahiki mamua aku o ke ko ana?

P.7,8. –– Na Keikikane.  Ka hana maalea a Herode. heahe ia hana maalea? Noke aha kona ninua no ka manawa i ike ia ʻ i ua hoku la? Heaha kana i kena ʻ ku ai i na magoi? a loaa ke keiki e aha? He oiaoi anei ka Herode olelo, e hele oia a kukuli hoomaikai ia Iesu?

P.9 –– Na Kaikamahine. I ka hele ana o na magoi e imi ia Iesu, heaha ka lakou i ike ai? A kau ua hoku la mahea? He hoku aha keia i hiki ke kau pono maluna o ka hale kahi e noho ana ke keiki? he hoku lele paha––– aole paha he hoku paa, a he hokuhele me Kaawela.

P.10 –– Na pokii. Olioli na magoi, no ke aha? He hoku aha ia? He hoku kuhikuhi i kahi i hanau ai o Iesu. Owai ko oukou hoku kuhikahi? Olioli anei oukou no ka ike ana i keia hoku?

Oukou a pau. hai mai i ka pauku alakai, a me ka pauku hoi lahui. heaha ka manao pili ia kakou?

Mele. Himeni 83.

Pule–– a hookuu aku.

Ka Halawai umi o ka aha Eunanelio hawaii, ma Honolulu, Iune 3, A.D. 1873.

–––

(Ke koena o kela pule aku.)

Kawaiahao, Poaliu, Iune5. halawai ka aha e like me ka hoopaneeana. Malama ia ka haplua hora haipule. Heluhelu na moolelo, a hoapono ia.

Heluhelu mai o Rev. J. F. Pogue he olelo hooholo. Hooholoia. Elilo o Rev.W.P. Alexanekero i Komite e hoomakuakau i wahi olelo uwe no ka poe i make i ka makahiki i hala. Hooholoia.

Heluhelu mai ka Puuku, E. O. Holo, i kana koike no na dala. Apono ia ka hoike a ka Puuku, a waihola i kekahi Komite, Rev. A.O. Porape, Rev. G.W. Pilipo, Rev S. W. Nueku.

Heluhelu mai o Rev. J.F. Porgue i ka hoike makahiki o ka Papa Hawaii. Hoaponoia ka hoike, a waihola ma ka lima o ke Komite; na Rev. T. Coana, B. W. Pereka, W. P. kahale.

Hoomalia ka Aha a ka hora 1 1/2. Pule o Rev. T Coana.

Hora 1 1/2 halawai ka aha.Pule o Rev. J. H. Mahoe. ma ka Balota na, ua kohoia o Rev. J. F. Pogue i luna kakau leta, a o E. O. Holo i Puuku.

Hapaiia ka hoike helu o na Ekalesia

Hoopanee ka aha, apopo hora 9. Pule o Rev. E. Kekoa.

Iune la 6, Poalima, hora 9. Halawai hou ka aha. malamaia ka hapalua hora haipule. Heluhelu na moolelo a hoaponoia,

heluhelu mai o Rev. S.E. Bihopa, he palapala hoopii, mai ka Ekulesia o Siloama, e waiho mai ana na keia ahe e hoonoho aku i kahu no lakou.

Ma ke noi a Rev. Mr. Alexanekero, ua waihoia na ka aha Lunakahiko o na Mokupuni o Maui, e noonoo, a pane aku.

Hapai jou ia ka heluhelu o na huike helu ekalesia.

Heluhelu mai o Mr. Alexanekero, i ka olelo u we no ka poe i make i ka makahiki i hala. Apoaoia.

Hoike a ke komite. "Aole o kakou wa maanei e noho loa ai: he noho malihini no keia. Ke hele aku nei ko kakou mau hoa paahana. Iloko o ka makahiki i hala, ua kiiia mai kekahi mau makua o keia Lahui, a na komo lakou iloko o ka maha e waiho la no na kanaka o ke akua.

Iloko o ka malama o Okatoba i hala, ua kaheu ka Haku wlua; o ka wahine a G.P. Judd, a me ka wahine a Rev. Mr. Coan; a iloko o Dekemaba, ua lawe aku Oia i elua hou aku, o Rev. A. Bihopa, a me ka wahine a Eev. S. Wini. Ua aloha nui ke Akua i keia lahui; a nolaila i waiho liuliu mai ai Oia i keia mau Makua, e alakai i ko Hawaii nei ma ka ala o ke ola.

Aole o na haole wale no kana i kii mai ai; ua lawe hoi oia ia Rev. J. A. Kahookaumaka, ke kahu o ka ekalesia ma kealakekua, Hawaii; o laua pa me kana wahine. A o ka wahine a Rev. J.Ahia, he misionari ma Apaiana, ma Gilipati.

Ke uwe nei kakou i ka hele ana o keia mau paahana; a ke olioli pu nei no hoi me lakou, no ka mea, ua paio lakou i ka paio maikai, ua hoopau ai i ka holo ana, na hoopaa no hoi i ka manaoio; ma keia hope aku, e wai ho mai ana no lakou, he lei o ka pono, ka mea a ka Haku, a ka Lunakanawai hoopono e haawi mai ai ia lakou i kela la; aole ia lakou wale no, aka, i ka poe a pau i makemake i kona ikea ana mai."

Hoomaha a ka hora 1 1/2. Pule o Rev. P. W. Kaawa.

Hora 1 1/2 halawai hou ka aha. Pule o Rev. Mr. Porepe.

Heluhelu mai oRev. Mr. Bihopa, he palapla na W. Kahookaumaha, e hoohalahula ana i ka olelo hooholo a ka aha Lunakahiko o na mokupuni o Maui, e lawe ana i kana oihana kahunapule

Heluhelu mai o Mi. Coano i na hoike a wlua o ka aha hawaii hikina.

Heluheluuia e na kakauolelo na hoike o ka aha o Hawaii akua.

Heluhelu mai hoi o Rev. H. Manase i ka hoike o na kihapui o Hawaii Komohana.

Heluhelu mai o Mr. Kahale i ka hoike o ka aha Lunakahiko o na mokupuni o Mani.

Heluhelu mai o Mr. Porepe i ka hoike o na Kihapai o ia aha.

Heluhelu mai, o Mi. Kekoa i ka hoike o ka aha o Oahu.

Heluhelu mai o Mi. Pilipo i ka hoike o na kihapai o ia Aha.

Hoopanee ka aha apopo hora 9. Pule o Rev. M. Kunea.

Posono, Iune 7. Halawai ka aha e lika me ha hoopauee ana. Malamaia ka hapalua hora haipule.

Heluheluia ua moolelo o ka aha a aponoia. Hapaiia ka noonoo ana no ka Palapala hoohalahala a W. Kahookaumaha.

Noi mai o Mi. Alexanekero e hoomoe ma ka papa; a ua lawe hoo aku no. Ma ke noi a M. Kuaea, ua waihoia i kekahi Komite,–––ioa–––na Rev. Mi. Coana, Porepe Pilipo, Pali, a me G. W. Lilikalani.

Heluhelu mai o Rev. O. nawahine i ka hoike o ka aha o Hawaii Komohana.

Heluhelu mai o Rev.A. Pali i ka hoike o ka aha o Kauai.

Heluhelu mai O Rev. J.H. mahoe i ka Hoike o na kihapai o ka aha o Kauai.

GHeleuhelu mai o Rev. Mi. Laimana i ka hoike o ke kula hanai o Hilo.

 Hooholoia. E hoike makahiki mai na kumu o na Kulanui hanai o Kakou imua o keia Aha ma keia hope aku.

Heluhelu mai o Rev. Mi. Parisa, i ka hoike o ke Kula kahunapule ma Honolulu. Hapaiia ka noonoo no ke kula kahunapule.

Hopanee ka Aha, a ka Poakahi hora 9 Pule o Rev. L. Kamika.

Poakahi June 9. Halawai ka aha e like ma e hoopanee ana. Malamaia ka hapalua hora haipule.

Noonoo hou ka aha no ke kula Kahunapule,–– Kohoia o Rev. W.P. Alexanedero, Rev. H. H. Paleka i Komile hoomakaukau i olelo hooholo e pili ana i keia mea.

Heluhelu mai o Rev. T. Koaua i ka hoike a ke komite no ka hoike a ka Luna kakauleta. Hoaponoia me kekahi mau hooponopono.

Hapaiia ka noo noo no ke kumu hana 7. No ka hauai kahu ekalesia.

Hoopanee ka aha, apopo hora 9.

Poalua June 10. Halawai ka aha e like me ka hoopanee ana. Heluheluia ka moolelo a hoaponoia.

Heluhelu mai o Rev. W.P. Alekanedero i ka hoike a ke komite no ke kula Kahunapule. Hoaponia ka hoike me ka pakui. Eia no ia. " He nui no ke kihapai ai, aka, he uukuia no na paahana. Ke mahuahua nei na ekalesia kahu ole; a he kakaikahi wale no na kanaka ui e imi ana i ke oihana hai euanelio. Nolaila, e ala kakou a hoopau i kapalaka, a noi nui aku i ka Haku, nona ke kihapai, e hoouna mai oia i na paahana; a e makaala na kahu ma ko lakou mau kihapai, e imi i na mea kupono, a e paipai ia lakou ma ke aloha a Kristo, e haawai ia lakou iho i ka Haku iloko o keia hana.

He pono hoi e paipai nui ia na ekalesia e malama oiaio i ke ola o ko lakou mau kahu, e like ma ko lakou hoohiki mua ana, i ole e makau na kanaka ui i ka lawe i keia oihana, o pololo a hele ilaila.

He pono i keia aha e koho i hookahi komite no kela sha keia aha o ka Mokupuni, e hele paipai no keia hana"

Heluhelu mai o S.E. Bihopa he palapala hoopii na H. Kauaihilo, e ku e ana ia Rev. J. F. Pogue, a me ka aha.

Wai hoia keia palapala hoopii i ke komite ;–– W. P. Alekanedero, D. B. Laimana, J. H. Pahie.

Hapaiia ka noonoo no ke kumu hana 12 Na Lepera.

Hoomaha ka aha a hora 1 1/2. Pule J. H. Pahio.

Hora 1 1/2, halawai hou ka aha; pule J. F. Pogue. Noonoo hou ka aha no ka mai Lepera. Heluhelu mai o S.E. Bihopa he olelo hooholo e pili ana i keia mea.

Hoaponoia ka olelo hooholo me kekahi mau hooponopono.

Hoopanee ka aha, apopo hora 9. Pule o J. K. Kahuila.

 Poakolu June 11. Halawai ka aha e like me ka hoopanee ana. Malamaia ka hapalua hora haipule.

Heluhelu mai o S.E. Bishopa i ka olelo hooholo no ka mai Lepera; hookomoia kekahi mau hua olelo, a kakau inoa ka aha.

(Ua paiia na mano i hooholoia, e ka ahaa no ka Lepera, iloko o ka nupepa Kuokoa i ka la 14, o June nei.)

Noonoo hou ka aha no ke ola o na kahu. Hoike mai o L. Kamika, luna hoomalu o ke komite haipule, e malama ka aha i ka ahaaina a ka Haku, i ka hora 3, ahiahi Poalima.

Hoomaha ka aha a ka hora 1 1/2. Pule o G. P. Kaonohimaka.

Hora 1 1/2 halawai hou ka aha–– pule o S. Kamakahiki.

Heluhelu mai o S.E. Bihopa i ka hoike a ke komite no ka hoike a ka Puuku. Aponoia––a penei:

ke hoike nei ko oukou Komite. Ua mahalo makou i ka hoike a ka Puupuo ka Papa Hawaii no keia makahiki, he mea ia e hauoli ai kakou, a e lana ai ka manao no ka hana a ka Haku ma Hawaii nei, a ma ko kakou mau misiona kuwaho no hoi.

A.O. Porepe,

                        Na Komite.

G. W. Pilipo,

Heluhelu mai o W. P. Alekanedero i ka hoike a ke Komite no ka palapale hoopoo a H. Kauaihilo. Penei––

Ua heluhelu ke komite i ka Moolelo o ka Ahaeuanelio o ka Mokupuni Oahu, e hoike ana i ka lakou hana ana no na hihia o ua Kauaihilo nei,a ua maopopo, aole i pau ka lakou hana ana; nolaila aole mea hiki ia kakou e hana; e waiho aku kakou ia Kauaihilo iloko o ka lima o ka Aha Mokupuni Oahu: na lakou e hooholo; ka mea e pono ai; nolaila, e hoihoi aku i kana palapala hoopii ia ia.

W.P. Alekanedero,

D.B. Laimana,             Komite

J. H. Pahio,

Kohoia o L. kamika, D. Balauwina i komite e hoomakaukau i olelo hooholo no ke ola o na kahu ekalesia.

Heluhelu mai o Rev. D. Balauwina i kana Haawain. " Ke kaahela ana o na kahu ekalesia i ko lakou mau kihapai."

Hooholoia e pai ma ka nupepa Kuokoa,

Hapaiia ka noonoo no ke kumu 6, no na kula kaikamahine.

 Noi mai o A. O. Porepe e hookuu ia ia no kona mai. Hoaponoia. Hapaiia ka noonoo no ke kumu hana 13. No ka nupepa Kristiano.

Hoopanee ka aha, apopo hora 9. Pule o O. Nawahine.

Poaha June 12 halawai ka aha e like me ka hoopanee ana.

Malama ka aha ka hapa Ina hora haipule.

Heluheluia na moolelo, a aponoia.

Noi mai o Rev. M. Kunea e hookuu aku ia ia. Hoaponoia.

Kohoia o E. Kekoa i pani no ke Kakauolelo. No Ka makaukau ole o na komite i koe, ua hoopaneeia ka hana, apopo hora 9. Pule o M Kuaea

––––––––––––––––

Na olelo wehewehe no na Oihana a na lunaolelo.

–––

MOKUNA X.

P. 15. " Hiki hou mai na leo la iaia, o ka lua ia, o ka mea i huikalaia e ke akua, mai kapa aku oe, he pono ile" –– me he mea la e olelo ana, ke manao nei oe he pono ole keia mau mea a pau an e ike nei, na holoholona, na manu a me na mea kolo. Ma ia mea ua hewa oe, no ka mea, ua hoomaemae ke Akua ia mau a pau, a he pono oe ke ai i kela me keia, e like me kou makemake.

P. 16 " Ekolu hana ana mai pela"–– i kohu loa ia mea iloko o ka naau o Petero. Ua ike pinepine kakou, i ka lohe mua ana o ke kanaka i ka oiaio, aole kohu, aole paaaia a hai pinepine ia, e aho ia, Pono i na kaawa a Kristo e hoomanawanoi i ke ao pinepine me ka paupauho ole i ka hai mau ana i ka oiaio.

P. 17.  "I ko Petero Kanalua ana iloko ona, i ke ano o ke akaku ana i ike ai." Ua ike oia ua haawi ia mai ke akaku no kekahi kumu–– i mea ao ia ia i kekahi mae ano nui; aole nae oia i ike i na mea la; nolaila,kaualua oia. Mahope iho na ike lea oia i ke ano o ia mea a pau. Malia paha ua hoomaka mai ka malamalama iloko on a i ka wa a ka uhane i kauoha ai iaia e hele me na kanaka ekolu, me ka kana lua ole, pauku 20. A i ka wa i hiki ai oia i ka hale o Koernelio, a hoolauna ia e ia me ka poe i hokoakoa ia malaila, pau loa ae la kona mau manao kanalua.  " Ua hoike mai ke Akua ia ʻ u," wahi ana, " aole e kapa aku i kekahi kanaka, he pono ole a he haumia," paolu 28. Aole a e na Iudaio e komo maloko o kahi hookolokolo o haumia lakou; no ka mea, in a e komo ka Iudaio iloko o ka hale o ke kanaka e, na haumia oia hiki i ke ahiahi. Ioane 18:28. Ua hoahewa ia o Paniolo no kona lawe ana mai i ka poe Helene iloko o ka luakini haumia ia kahi hemolele. Oihana 21:28. Aole oia manao e hoole hou aku i ka launa na ana me ko na aina e me ka ai pu me lakou, no ko lakou maemae ole. Aka, ua manao oia he poe hoahanau lakou a pau, a he poe i kuleana pu iloko o ke aloha a me ka lokmaikai o ka Makua Nui. Oiai o Petero e noonoo ana i keia mea, a e ake nui aua e ike i ke ano o ke akaku, hiki mai la na kanaka ekolu i hoouna ia e Korenelio i ka hale o Simona, a ku eku la lakou mawaho o ka puka E ike kakou ma keia mea i ke akamai o ke Akua i ka hooponopono ana i na ema i hana ia. Ua ike o Petero ike akaku, a iaia e imi ana i ke ano o ia mea,hiki mai la na kanaka ekolu,a noi aku la iaia e hele a e hai aku i ka euanelio i ko na aina e. Ika wa i makemake ai ke Kaunapule Nui i dala e hookaa ai i kona auhau, na kauoha ia o Petero e kiola i kona makau iloko o ke kai, me ka hai ia aku, iloko o ka waha o ka ia mua i loaa iaia ke dala. Ua hooponopono ke Aua i ka ia me ka apana dala i hui ia laua me ka wa, a ma kahi kupono.

Pela ke Akua e hooponopono mei i na hana a pau.

P. 18,19,20. I ka wa a na kanaka e ninau ana no P. tero, in a aia ia ma ia hale, hoopau ae la ka uhane i ko Petero kanalua no ke ano o ke akaku, ma ka hai ana'ku iaia, ua imi ia oia e na kanaka, a me ke kauoha ana iaia e hele pu me lakou me ke kanalua ole. Aole oia e manao hou ako he hewa ka launa ana me ko na aina e; no ka mea, ua like ko ke Akua aloha ia lakou me kona aloha i na Iudaio. Ua pao ka olelo ana he okoa lakou. Mai ia wa mai, aohe olelo ana, " He Helene, he Iudaio, he okipoepoe, a me ka okipoepoe ole; ka malihini, a me ka Sekute; ke kauwa, a me ka kauwa ole; aku, o Kristo no ka mea a pau oia hoi ko loko o na mea a pan," Kolosa 3:11.

P.21. " Iho mai la o Petero ilalo i na poe kanaka la i hoouana ia mai io na la, i mai nei. heaha ka mea a oukou i hele mai ai ianei?" he mea e ka hikiwawe o ko Petero Hoolohe!

I ka wa a ka Uhane i olelo ai iaia. " E iho ilalo e halawai me na kanaka." o kona hele koke no ia, a i aku la, " owau ne ka mea a oukou e imi nei." ua makaukau oia e hele pu me lakou, aka, he ake nae kona e ike moa i ke kumu e hele ai.

P. 22. hai aku la na kanaka i ke kumu o ko Korenelio hoouna ana ia lakou e kii iaia, oia hoi keia, i lohe oia i na olelo mai iaia mai–– i ao ia oia e ia.

He wahi manao ia oukou e na kahuna haiolelo o Hawaii nei.

            He kahuna haiolelo o ka Euanelio o Timoteo, a ua oi loa aku kona makaukau ma na mea e pili ana i kona oihana kiekie, no ka mea, ua kamaaina oia i ka Baibala Hemolele, mai kona wa kamalii mai. Aka, ua kauoha aku o Paulo iaia, " E malama i ka heluhelu ana, i ka paipai ana‘ku, a me ke ao ana‘ku. E noonoo pono ma keia mau mea; e hoolio loa iho oe i kou ola malaila, i ikea i na mea a pau ka mahuahua ana o kou ike, a me kou hemolele."

             A heaha anei ko Timoteo mea e helu helu ai? Aia no iaia ke Kauoha Kahiku, a mea kekahi mau buke kakaikahi paha a ke Kauoha Hou. Ua oi ae ka nai o na pelapala Karistiano i kanaka Hawaii mamua o kana. Ua loaa ia lakou ka Baibala okoa, ua piha pono i ke ao ana, ka mea hiki e hoonaanao ma ke ola mau lua, a kahi a waiho ai na olelo hoolana manao he lehulehu a waiwai loa. A eia no hoi ia oukou kekahi mau kokua, e hoomaopopop ana ka Baibala ia oukou. ma ka oukou olelo. Ina he poe haumana oiaio oukou no ka Haku Ieau, a in a e malama oukou i na olelo kauoha a Paulo ia Timoteo, e hoopakele auanei oukou ia oukou iho, a me ka hapa nui pu hoi i lohe mai i ka oukou.

            E hoolohe, e noonoo, e hoiolelo, a e pule hoi ma keia mau mea a pau. Ina e heluhelu oukou i ka Baibala, e pule aku i ka Uhane Hemolele, e hoomaupopo pono mai ia oukou i na mea o loko ; i enaena ko oukou mau puawai o na haumana elua i ko laua hele ana ma Emausa. A wehewehe ae la o Iesu i ka Palapala Hemolele ia laua. A, in a e heluhelu oukou, e noonoo. Aole anei i olelo mai o Iesu, " na ka Uhane Hemolele e ao mai ia oukou i ka oiaio a pau?" Ioane 16:13 Ua hanaia keia ma kona alakai ana i ko oukou mau manao, i ko oukou wa e noonoo ana, a e pule ana. I ka manawa e launa pu ana oukou me ke Akua ma ka pule, aole anei i kupu mai i kekahi wa, na manao hou? Na manao lani? Ina pela, ua maopopo ia oukou ke ano o ko ka Uhane Hemolele alakai ana ia oukou i ka oiaio.

            A i ke kupu ana mai o keia mau manao hou hemolele hoi, ua haohao paha oukou i ka wela enaena iloko o ka puuwai ; alaila he enea oluolu ia oukou e haiolelo, a e no aku hoi i na lawehala e huli aku i ke Akua.

            ua lehulehu na kahuna i pule aole, heluhelu, aole, aole noonoo, a nolaila, aole mahuehua ko lakou lokomaikai, a me ka ike. Ua like pu ko lakou haiolelo ana me ke kaao i lohe pinepine ia. Ua molowa ko lakou anaina. Aole pakele na uhane ia lakou. E kokua mai ke Akua ia oukou mau pomaikai, i ola oukou, a me ka lehulehu o ko oukou mau kihapai.

Kauai.

NA BUKE

I HOOLAHA IA E KA PAPA HAWAII!

ME KE

KUMUKUAI O KELA ME KEIA.

Baibala Hemolele Nui Ill Gula Nani me na kuhikuhi ma na aoao…………. $12 00

Baibala Hemolelel Nui lii eleele kaekae wai gula.  5 00

" " uuku iki iho, "  " 8 00

" " Pananaiki iholii eleele…………. 4 00

Kauoha Hou ili gula nani me na kuhikuhi …… 3 00

"   " eleele kaekae wai gula ……. 1 00

       "      "    "     ………… 75

Kauoha Hou Hapa Haole …………… 75

Lira Hawaii 1848 me ke kanawai  …………… 25

    "  "  1855 ……………….. 25

Moolelo Ekalesia ……………. 50

Haiao ili lahilahi ………………10

Hele Malihini ana ……………… 25

No ko ke Akua ano ………………….. 25

Lira Kamalii……………….. 25

Hoike Palapala Hemolele ………………… 25

Moolelo o Heneri Opukahaia ……………. 25

Hoike Akua …………………………………..25

Wehewehehale………………………. 25

Ninau Hoike ili manoanoa ………………… 25

             "       "  lahilahi …………… 10

Rumumua Kula Sabiti ………………….. 10

Buke Lawe Lima ………………………. 10

He Buke no ka Pope …………………….. 25

Ui Kula Sabiti Helu 3 ………………… 25

         "       "        " 4 …………………… 06

     "           "        " 5 ……………… 25

Buke Euaneilo a Ioane ……………………. 10

Himeni Hawaii ……………………………….. 1 00

Himeni ili nani Hawaii ……………………….. 1 75

Kumu Leo Mele …………………………. 10

Kamu Leo Mele ili nani …………………….. 50

NA KAUOHA HOU PAKEKE.

Ili Gula nani ……………………….. 1 50

Ili eleele kaekae nani ……………………. 35 

Ili eleele ………………………………. 35

KAUOHA HOU PAKEKE ME NA HALELU

Ili Gula nani ……………………….. 1 75

Ili eleele kaekae gula ……………………. 60

Ili eleele …………………………. 50

Buke wehewehe Huaolelo Baibala, elua ano.

Buke Wehewehe ano Matalo.

NA HALELU PAKEKE.

Ili Gula nani ………………………… 50

Ili eleele kaekae gula ……………………. 30

Ili eleele …………………………. 20

Ka Have hoonani (Buke Mele) ……………….. 25

EIA NA BUKE HAWAII WALE

Palapala Liilii–

            Helu 4–Makemake anei oe i ke ola?

            Helu 6–E hele i o Kristo la.

            Helu 7–Ka hoi ana mai o ke Keki Uhauha.

            Helu 11–No ka hoohiki wahahee i ke Akua.

            Helu 16–Ka Ehia ana o ka Ahaaina a me ka Bapetizo ana.

            Helu 17–Mai hana ino i na holoholona.

            Helu 18–No ka mahi ana, kuai ana a me ka inu ana i ka Awa.

Ka Davida Malo Kumumanao.

Ka Moolelo o Batimea Puaaiki.

            Aia ke keena kuai buke o ka Papa Hawaii ma ka huinu o Alanui Betla me Alanui Kalepa, e kokoke ana i ka Hale Leta.

                                                                                                                                                J. F. Pokue.

            Kakauolelo o ka Papa Hooko o ka Ahahui Enanelio o ko Hawaii Pae Aina.

KA NUPEPA " KUOKOA!"

Hoopuka mau ia

I KELA POANO KEIA POAONO.

$2.00 no na mahina Umikumamalua.

$1.00 "                 "                   " Eono.

ME KA HOOKAA NUA MAI.