Ka Nupepa Kuokoa, Volume XII, Number 22, 31 May 1873 — Ua lilo i mea kamailio [ARTICLE]

Ua lilo i mea kamailio

Nuiia ma Wasinetona, a hala loa aku i Europa, na mea pili aupuni o Hawaii nei. Ua hoopuka ae ka nupepa AUa o ka la 12 o Mei nei, he palapala i hakuia ma Wasinetona, e kona mea kakau, me ke kahua oiaio ole, e olelo ana, E hoouna mai ana ke aupuni o Amerika Hui, i KomiBina, e nana, e huli a e hoike akil i ko Hawaii nei manao hoohui aupuni, a o Col. A. B. Steineberger, ka mea i hookohuia e lawelawe ia hana. Ma kekahi aoao ae hoi, na loaa mai ia makou keia olelo waea mai Bosetona mai :

"Ua hoole loa ia mai nei mai Wasinetona mai, aole he Komiaina i hoomanaia e ke aupuni, me ka manao e hele aku e ninaninau i na manao oka Moi Lunalilo a me kona lahui, e paipai ana la i ka hoohui mai ia Amerika Hui, i holo akii iko na Pae Aina Hawaii. Oke Kuikahi Panai Like, ka mea e kukakuka loihiia nei, mamuli o ke noi ana mai a ke aupuni o Hawaii, a ua manao lokomaikaiia, e haawiia mai na pomaikai awa ku moku i ko Amerika mau moku."

O na ano nui, eia no ia : Ua koho ke aupuni o Amenka, ia Col. Steinberger, i Elele ku i ka wa, e holo makaikai i Hawaii nei, a holo loa aku i na pae aina-o Saraoa a me Fiji, a e hoike aku i na mea ana i ike ai no ke awa o Ewa, ma ka mokupuni o Oahu, i Ke awa o Pango Pango ma ka mokupuni o Navigator, a me na awa e ae ma ka pae aina o Fiji, a malia paha o holo loa aku no i ka moknpuni Midway ; i hiki ai ia Amerika ke ku makaukau, ke koiia aku lakou e hana kuikai, alaila, i ike lakou i ka lakou mea e hana mai ai. Ua ku ae ua haole la ma Kapalakiko, a maluna mai o ka mokuahi CoBta Rica e holo mai ai ianei. O ko ka lehulehu manao m« Amerika, me he mea la, i ka nana iho, ke manao maikai mai la lakou i ke Kuikahi Panai Like, e like me ka mea a makou i ike iho ai ma ka nupepa Pou o Bosetona, a eia kana :

" 0 kela manao nana i hoala mai i ko kakou pili i ko ka Pae Aina o Hawaii, mamuli hoi o ka make ana o ka Moi Kamehameha V., aole no i pio loai keia wa. Ua kohoia he Moi hou, a ua kokulu hou ia ke aupuni e like me kona keehina mua. Ua panaiia mai la ma kahi o ka hoohui aupuni, he kuikahi panai like, aka, o kekahi poo nae e noho la malaila, no lakou ka manao hoohui aupuni, ke ko la no me ia imua o ka aina. Ano ka wa a kakou e hoopau aku ai i ke ake ana no ka hoohui aupuni, no ka mea, o na kumu, aole i holopono ma ka hoohui aupuni. O ka lahui keia o ka Moi Lunailo, ke kue loa la ma ka mana i oi ae i ko ka Moi, a ina he mau hanauna alii kuokoa © ae kekahi o kona mau hikimua, aole no la oia e ae e lilo i Moi, ma ke ano he inoa wale iho no. Ina he poe kekahi i hoohokaia, do ka haule ana o na kumu i olioliia e loaa mai he mau aina i o ka lilo loa, e aho ua lawa lakou ma ka ae oluolu anaaku i kuikahi panai like nana e apo mai. Me he mea Ja, he mea lua ole ko ka Moi hou makemake

ana e ike mua mai i na Amerika, e like me kona wae ana i kona Aha Kuhina, a o na pomaikai a pau o ka hoohui aupuni, ua paa pono ia no keia mua aku, me kn pakui ana mai i ka mauao oluolu ma ka aoao oia lahui, ia kakou. Ke hoomaka nei ka Moi Uilama ma ka aoao o ka Moi i ike ia aku he Alii lokomaikai, a o ka mea wale no i koe i keia aupuni, e haua aku ai, aole ka liana ino wale aku i kona mau oihana maikai, a e hoopomaikaiia ka hopena kalepa kiekie."