Ka Nupepa Kuokoa, Volume XII, Number 14, 5 April 1873 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Kuu Palekana.

 

1.

Iesu kuu palekaua,

Aole o'u makau,

Paa wau ke pa mai ia'u la

Na ino o ke ao.

2.

Iesu kuu palekaua.

E nauwe old au

Ke pii ae a kaa maila

Na nalu o ka po.

3.

Isu kuu palekaua,

A lele ino mai

Na pua o ka make

Nana e pale ae.

4.

Iesu kuu palekaua,

Heaha ku'u makau ?

e hele ae a moe,

A mau ka malu o'u.

5.

Iesu kuu palekaua.

Me kuu @kaika pu,

Ke maule au a hina

Ku hou ae ia Iesu.

6.

Iesu kuu palekaua,

Mea ole na kue.

E kui ia a oka

Na enemi.o onei.

7.

Iesu kuu palekaua.

Paa wau ke alo mai

Na kini o Satana

la Iesu e hee ai.

            HAWAII

 

HAAWINA KULA SABATI

 

NO NA POKII

 

HELU 15.  Sabati, Aperila 13.

            Iosepa me kona mau moeuhane.

            Pauku Baibala. Kinohi 37 : 3 – 11.

            Mele – " E hahai in Iesu."  Hae Hoonani.

p. 8.

            Pule.  Penei ; E ka Makua nui, e Iehova, he keiki maikai o Iosepa, nobo malie, makau i ke Akua, a launa pu ke Akua me ia, a lilo oia i mea nui.  E hoohalike mai oe ia makou me Iosepa, kokua mai i noho malie, a hana maikai, a makau ia oe.  Iesu nae ke kumu hoohalike nui, oia ka mea hemolele loa.  E haawi mai oe i kona Uhane i like makou me ia, a lilo i aupuni maemae nona, a mau loa.  Amene.

            Na Keikikane.  Owai keia keiki maikai ?  Iosepa.  Owai na makua ? Iakoba laua me Rahela.  He mau kaikuaana anei ?  ehia ?  Owai ?  He kaikaina anei ?  owai ?  He kaikuwaihne anei ?  owai ?  Dina.  He poe maikai anei na kaikuaana ?  Aole, he poe hana hewa.  Owai ka i hai i ko lakou hewa i ka makuakane ?  Pono anei Iosepa i ka hai ana i ko lakou hewa ?

            A hana hewa oe, e Keoni, makemake anei oe e hai kou kaikaina i kou hewa ia papa ?

            Na Kaikamahine.  Ua huhu na kaikuaana ia Iosepa no kona hai ana i ko lakou hewa, heaha kakahi mea i huhu ai lakou ?  Ua ike au – he mea – he kapa komo onionio kona, he kalakoa paha, he mea nani loa.  Ae.  Noke aha ? no kona aloha nui ia ia.  ae, pololei.  He punahele oia, ea, na ka Makua, e like me – me wai ?  He punahele Meri na ke kumu – a o makou, na haunama e ae, huhu, a huahuwa ia ia, a olelo ino, e like me na kaikuaana o Iosepa.  Kahaha !  aole pono ia.  Ua pono anei lakou ?  Pehea mai Iesu ?  Mai huh ; mai olelo ino ; aloha kahi i kekahi.

            Na Keikikane.  He keiki uuku anei Iosepa ia wa ?  Ae, aole, mahea ka pololei ?  ma ka hoole.  Ehia ona mau makahiki ?  Ua loaa, 17, he keiki nui ka, elike me wai ?

            He mau moeuhane kupanaha elua i loaa ia Iospea.  Ka moa – E pua ana oia me na kaikuaana i na poupa palaoa ma ka mahinaai, a aha ke Iosepa pua ? ala a kupono iluna.  A aha ko lakou mau pua ?  Ku poai a kulou iho imua o ke Iosepa.  Kupanaha io no.

            Na Kaikamahine.  Heaha ka lua o na oe ?  Ua loaa ia'u – eia – Ua kulou mai ia'u ka la, ka mahina, me na hoku he 11.  Kahaha !  kupanaha loa ?  Iho mai ka, ka la, ka mahina, na hoku he 11, a kulou imua o Iosepa ! Ae, pela ma ka moeuhane.  Heahaa la ke ano ?  Ua akaka anei ke ano i na kaikuaana, a me ka makuakane ?  Ae, ma ko lakou kuhi ana, e lilo ana Iosepa i mea nui, i alii no lakou.  Kuhi pono anei lakou ?  Ae, ua hookoia – mahope e lohe pono kakou i ke ano o ke ko ana.

            Na Keikikanel  I ka lohe ana o na kaikuaana i ka moe o Iosepa, ua oluolu anei lakou ia ia ?  Oluolu ! Aole – ua huhu loa, a aha ? ohumu e pepehi – a i ole, e ku@i lilo aku i kauwa pio.  Kahaha ! heaha ko Iosepa hewa ?  Heaha ka hewa o Abela i huhu ai Kaina a pepehi ia ia ?  Aole hewa.  Ae, lakou ka i hewa, ea.  a hana maikai oukou, a noho malie, a makau i ke Akua, ina huhu na hoak, a huwahuwa, a  olelo ino, a ohumu e pepehi, e makau anei oukou, a ae e hui pau me lakou ma ka hana hewa ana ?

            He punahele Iosepa, Owai ka punahele a ke Akua ?  Iesu.

            Aole anei e hiki ia oukou ke lilo i mau keiki punahele na ke Akua ?  Hiki no ke hana maikai makou.

            Mele – "Ka Iesu Kamaiki au."  Hae Hoon@i.

Pule                                                                                                     HAWAII.

 

Na Olelo Wehewehe no na Oihana a

 

na Lunaolelo.

 

MOKUNA IX.

            P. 18.  "Haule koke iho la mai kona mau maka mai me he mau unahi la."  E like me ko Saulo hoomakapo ia e ka nani o kela malamalama i poha mai a puni ia, Mok@na 22 : 7, pela hoi i loaa hou ai iaia ka ike mamuli o ia mana akua hookahi.  "Bapetisoia iho la."  Ua bapetiso ia na haumana mua me ka hakala ole a noho hoahanau lakou iloko o ka ekalesia Kristiano.  O ka bapetiso, he hoike ia no ka hoomaemae.  No laila, olelo o Anania ia Saulo, "E ku iluna e bapesitoia, e holoi aku i kou hewa, " mokuna22 : 16 ; aka, o ke koko o Iesu ka i holoi aku i na hewa, aole o ka wai i bapetisoia ai, I Ioane 1:7.  Hoikeana 1:5.

            Ko SAULO HULI ANA.  Ua hanauia o Saulo e na makua Iudaio ma Tareso, ke Kapitala o Kilikia.  Ua hanauia oia he roma, Mokuna 22 : 28.  He mea ano nui ka pono kupa o ka aina, a ua kuai ka luna tausani i kona pomaikai o ia ano me ke kumukuai nui loa, Mokuna 22 : 28.  O Saulo kona inoa Heera, a o Paulo kona inoa Roma.  Ia ia e noho kamalii ana, mawaena o ka umi me ka umikumamalima o kona mau makahiki, ua hoouna ia oia i Ierusalema kahi e ao ia'i ma ke kula o Gamaliela, kekahi o na kumu kaulana loa o ka poe Iudaio, Mokuna 22 : 3.  He haumana akamai ia, a ua oi ae kona ike i ka hoomana Iudaio i ko ka hapa nui o kona poe hoa kula.  Galatia 1 : 14.  He kanaka naauao ia nona ka manao o ka poe Iudaio.   A ua manao no hoi o Pesato, ke alii Kiaaina o Roma, na kona naauao nui i hoolilo iaia i hehena, Mokuna 26 : 24.

            He kanaka manao ikaika o Saulo, a he manao paa ma kana mea e hana ai; a he mea maa iaia ka hana i ka mea ana i ike ai he pono, Mokkuna 24 : 16,  MW 23 : 1.  A ma na hana a pau ana i @welawe ai, ua hana oia me kona ikaika a pau.  I kona wa e hoomaau ana, ua ane like kona huhu i na haumana a Kristo me ka hehena, Mokuna 26 : 11.

            No ke aha la i hoolilo ka Haku Iesu i ke kanaka e like me ia i mea naua e hai aku ka eunaelio i ko na aina e ?  Eia, no ka mea, ua hoomaau oia i ka ekalesia me ka naaupo, a me ka manaoio ole.  1 Timoteo 1 : 13 ; a ua manao oia he mea pono iaia kehana i na mea he nui ikue i ka inoa Iesu no Nazareta Mokuna 26 : 9.  A ua aloha o Iesu ia ia ia wa puu ana e hoomaau ana i kona poe haumana, me ka hookina ana ia lakou e olelo hoino i ke Akua.  A ua ike oia, aia a hoohuli ia kona ikaika ma ka aoao pono, e lilo no oia i misionari ikaika loa, a i mea makaukau loa i ka hoola ana ika poe hewa.  He lokomaikai kuaianaha keia, he aloha kuaianaha, a ua ike o Saulo ia mea mahope mai iaia i olelo ai;  "Ua kau nu ia'ku au me Kristo ma ke Kea : ua ola no hoi au, aole nae owau iho, aka, e ola ana o Kristo iloko o'u : a o ke ola e ola nei au iloko o ke kino, eola'na au ma ka manaoio aku i ke Keiki a ke Akua, nana au i aloha mai, a haawi mai la iaia iho no'u.  Galatia 2 : 20.

            O ka huli i ka pono, heaha ia ?  Aole ia ka loaa ana o kekahi akamai hou aku.  Aole no hoi ia ka loaa ana  o kekahi ikaika hou no ko ke kanaka noenoo.  Aka, o  ka loli o na kumu o ka noonoo, a me na kumu o ko ke kanaka hana, oia ka huli i ka pono.  eia kana i olelo mai :  "O na mea a'u i pomaikai ai, lilo ae la ia i kuu manao i mea poho no Kristo.  Oiaio hoi, ke manao nei au i na mea a pau, he mea poho ia i loaa mai ai ka maikai o ka ike ia Kristo Iesu i kuu Haku : nona au i hoolei ai i na mea a pau, a ke manao nei au, he opala wale no ia i loaa'i ia'u o Kristo.  I loaa hoi au iloko ona, aole e paa ana i ka'u pono ma ke Kanawai, aka, i ka pono ma ka manaoio ia Kristo, oia ka pono mai ke Akua mai ma ka manaoio.  Pilipi 3 : 7 – 9.  Nani ke ano hou !  Aole oia i ola hou nona iho, aka, o Kristo ka i ola iloko ona, ke ola o kona ola !  O ka mea ana i manao ai he waiwai nui, ana hoi i imi ikaika ai, ka pono ma ke Kanawai, haalele aku la oia ia mea me he mea lapuwale la, no ka mea, ua loaa iaia ka pono i oi loa ae, oia ka pono ma ka manaoio.  Ma kona ike ana o Kristo kona Hoola, ua hoolana ia ka makemake a pau o kona uhane.  Ano ua lilo o Saulo i mea hou iloko o Kristo.  Ua hala aku la na mea kahiko ; aia hei, ua ano hou ae la na mea a pau.  2 Korineto 5 : 17.  A ua hoikeike koke ia keia ano hou iloko o Salo, no ka mea, ua hoomaka koke oia e hai aku i ka pono o Kristo.  Na ka poe e ae e huna i ko lakou malamalama, na kakou e kanalua i ka hai ana'ku i ka pono o Kristo ; aole pela o Saulo @ no ka mea, he mana ppu kekahi me ia, i hiki ole ke pale ia, e kai ana iaia e hai aku i ka pono o Kristo.  Wahi ana, " ua kau ia mai keia hana maluna o'u; auwe hoi au, ke hai ole aku au i keia eunaelio.  1 Korineto 9 : 16.  Ina e heluhelu kakou i ka m oolelo a me na palapala a Saulo, e ike auanei kakou i ke kupaianaha o keia ano houiloko ona.  He oiaio maeli no, o ka hoomana i kiki ke hoano ho'u ae i kanaka e like me ia, no ke Akua mai no ia.

            P. 19.  " A i ka lawe ana i ai, ikaika ae la." No kona ehaeha nui ma ka manao, a me knoa hooki ai loihi ana, ua nawaliwalli loa oia.  Noho iho la o Saulo, i kekahi mau la me na haumana ma Kamaseko.  Ua noho pu oia me lakou me he mea la he hookahi ia me lakou.

            P: 20.  "Hai koke aku la ia maloko o na halehalawai, ia Iesu, o ke Keiki ia a ke Akua."  I ka hoi hou ana mai o kona ikaika iaia, hoomaka koke iho la ia e hai aku i ka pono o Iesu.  aole hiki iaia ke noho mumule.  manao oia he pono ia ke hana i ka hana a kona Makua.  Luka 2 : 49.  Ua ikeia ma ka mokuna 14 : 15, i kekahi wa ua kono ia na malihini e haiolelo iloko o na halehalawai o ka poe Iudaio, a i ka nana'ku ua kono ia o Saulo e haiolelo iloko o na halehalawai ma Damaseko.  Ua loaa pinepine keia pomaikai i na lunaolelo mokuna 13 : 5, a me 14 : 1.  O ka mea nui a Saulo i hooikaika ai, oia ka hoomaopopo aku i ka poe Iudaio i ike lakou o Iesu ke Keiki a ke Akua, ka Mesia a lakou i kali ai.            (Aole i pau)

 

Fulton Street Prayer Meeting.

 

            Ua lana loa ka manao o kekahi keonimana i ka pule ana o kona makuwahine.  I kona manao, ua io aku ka mana o kona pule i ko na pule e ae, a ua hoolohe mai ke Akua ia ia.  I mai la ia, ua hele kekahi kanaka koa i ke kaua meka ae ole mai o kona makuwahine, aka, no kona pule mau i ke Akua no kana keiki, ua huli auanei oia ma ka pono.  Me nei ia ; Kekahi @, mamua o kona hele ana i ke kaua, (ehoomakaukau ana nae e hele ) ua hele oia i ke keena o kona makuwahine, a loaa iaia me oa keiki liilii eha, e kukuli pu ana, me ka @aipule i ke Akua nona.  Ua manao kona makua, aole ona makaukau e make ; nolaila kona makemake ole ia ia e hele i ke kaua.  Ua hele no nae ; a ua ukali pu kona mau manao pule me ia.  A ma kahi i hoomoaoa'i, a i na la hoouka, a i knon a hele ana io ianei, ua ike oia i kela makuwahine, a me kana mau keiki liilii eha, e kukuli ana me ka ha@pule no Ioane, ke keikikane, a me ke kaikuaana.  Ua alualu kela manao ia ia a hiki mai kona wa i mihi ai i kona hewa, a haawi i kona naau i ka Haku.  "Owau no kela kaikuaana o Ioane, ka mea nona lakou, ma ko lakou mau kuli, i pu le aku ai.  Aole paha maopopo ia oukou ka @ai o ko'u alohoa, i keia la, i kela makuwahine, a me kela mau kaikaina ?"  N.  Y.  O.

 

            UA heluheluia keia palapala imua o ka Aha hai pule ma Fulton Street, N. Y.

            E NA HOAHANAU. – I ka la inehinei, ua noi ia oukou e pule i ke akoa no'u, he Loio, elemakule, kanahiku ko'u mau makahiki; - i hookuu mai ke akua ia'o, ka mea pio iloko o ka hewa, a hoolilo @ai ia'u i keiki nana.  A i ko'u manao, ua hooloheia ko oukou haipule ana.  E like me ko oukou uwe pu ana me ka poe uwe ; pela hoi he ono ia oukou ke hauoli pu me ka poe e hauoki ana.  I keia manawa e pule oukou i ke Akua e haawi @ ia'u i ka mana e hana ikaika i kana hana, ma keia hope aku.  E na kaikuaana, a me na kaikuwahine iloko o ka Haku, e pule oukou no'u.            Aloha oukou.   Loio.

 

            HE kupaianaha ka hana a ka Uhane ma Dubuque, Iowa.  Eono haneri a keu ka poe i huli mai ma ka pono ma kela kulanakauhale.  O ka hapa nui o lakou, he oie launa ole me na anaina haipule mamua.  Kekahi kanaka i huli mai, ua oi aku kona ino i ko na kanaka a pua ma Dubuque.  Nui na kane a me na wahine opio ka i huli, mai, a me kakahi poe haumana Kula Sabati.

 

            UA pomaikai ka ekalasia ma Plainfield, New Jersey, no ka launa ana mai o ka Uhane Hemolele ia lakou.  I kela Sabati i hala ae nei, 62 ka poe hou i komo ilok o ka ekalesia ; a 20 o lakou i bapetisoia ia la.  Rev. J. C. Bliss ko laila kahu.

 

            REVIVALS – Ua makepono loa ka hebedoma haipule ma Franklin, New Jersey ; a mau no ka hana pono malaila a hiki i keia manawa.  eha ekalesia euanelio okoa ma kela kulanakauhale, aka, ua halawai hui lakou e haipule, a e paipai no ke ola o ka uhane ; a no ka lokahi o ko lakou manao ua iho mai ka Uhane Hemolele, a huli nui mai na kanaka ma ka pono.  Nui na poo ohana ka i huli ma ka pono, a hoomaka i ka pule ohana.  I ka la 30 o Ianuari, na halawai lakou iloko o ka " Billiard Saloon " oia hoi, he hale pili waiwai ; a o kekahi haole nona ka Hotele kuai rama ua hele mau no i na halawai haipule.  Mau no ka piha o na hale hlawai haipule.  Ku no kekahi elemakule no kekahi ekalesia, a olelo penei ; " akahi no ike au i ka pono o ka Haku e like me ko'u ike ana i keia manawa.  Kekahi kalepa, he 70 kona mau makahiki, ku iluna, a noi aku i na hoahanau e pule i ke Akua nona ; a o ke kanaka hewa loa ma kela k@lanakauhale e hoho ana ma kona aoao.

 

            MAKEHEWA ! MAKEPONO. – Heaha la ke kumu o ka launa ole mai o ka Uhane Hemolele i na ekalesia ma Hawaii nei i keia wa, e like me knoa launa ana i na ekalesia Amerika ? Ua hooholo pinepine ka Ahahui Euanelio o keia Pae Aina, e malama i ka hebedoma mua o Ianuari, i he edoma haipule.  Pehea la ka hooko ana i keia manao i hooholoia ?  A hiki mai ka hebedoma haipule, pehea ka hana ?  Ua akoakoa anei kela ekalesia keia ekalesia me kona kahu a pule me ka manao lokahi, i iho mai ka Uhane Hemolele, i hiki mai ke aupuni o Iesu iwaena o kakaou ; i hoi mai na hoahanau auwana ; a i mihi hoi ka poe paakiki hoomaloka ?

            A hiki mai ka hebedoma haipule, ua palaka paha na hoahanau, ua piha pa manao i ko keia ao ; ua kuai paha kekahi i ka aina ; ka lio, ka bipi, a e hele ana e ike ia mau mea.  Ua mare paha kekahi i ka wahine, ua hoopalau mare paha kekahi, a ua noho moekolohe kekahi, nolaila aole manao e hele i no halawai.  Ua mahalo ole paha kekahi i kona kahu,k aole makemake e hapai pu i ka ka Haku hana me ia.  Nui wale na mea e keakea ana, i lilo ka hebedoma haipule i mea ole.  I mai ia ko kakou Haku penei ; " E hele mai oukou a pau loa io'u nei, e ka poe luhi, a me ka poe kaumaha, a na'o oukou e hoomaha aku."  aole nae oukou i hele io na la.  Eia hoi kana olelo.  " E noi, a e haawina na oukou ;"  (aole noi,) " e imi ; a e loaa hoi ia oukou."  (aole imi.)  " e kikeke a e weheia ao oukou." (aole nae kikeke.)

            Aka, ua maopopo ma na Nupepa Amerika ; ua malama pono kekahi mau ekalesia ol@ila i ka hebedoma haipule, a ua makepono loa ka lakou hana.  Ua hele io Iesu la, a loaa ia lakou ka maha ; ua noi lakou, a ua haawina mai ; ua imi lakou, a ua loaa ; ua kikeke lakou ; a ua weheia no lakou.  Nui ka poe hou i mihi, a manaoio, a komo iloko o na ekalesia ; 20 ka i komo i kekahi ; 40 i kekahi ; 62 i kekahi ; 250 i kekahi ; a ma Dubuque, he kulanakauhale ma Iowa.  600 a hiki paha 800 ka poe i hoohanau hou ia, a kmo iloko o ke aupuni o ko kakaou Haku.

            " E imi mai  no oukou ia'u a loaa.  i ka wa e imi mai ai oukou ia'u me oukou naau a pau."  Ieremia 29 : 13.

 

Nowai ka Honua a me kona mea i

 

PIHA'I ?

 

            No Iehova, wahi a Davida.  Halelu 24.

            A ia ma Ladana kekahi hale nui, o Hale alii kuai dala.  (Royal Exchange :)  Ua kau maluna o kona puka, me na hua nui, i keia pauku,  "No Iehova ka honua a me kona mea i piha'i"

            I kekahi manawa ua wela @eia hale i ke ahi.  He wati hookani ma ke ano mele e kau ana ma ka hale bele ona ; a i ka wa e wela ana ka hale i ke ahi, hookani mai ka wati i keia leo mele, " Aole wela wale keia hale."

            Me he la, e hooiaio ana ka wati i ka pauku e kau aoa maluna o ka puka.  "No Iehova ka honua a me kona mea i piha'i." No Iehova keia hale kuai dala me kona mau miliona dala maloko.  Ina manao Iehova, e pono ke pau ka hale me kona mau miliona dala i ke ahi.  @a pono no.  Iehova no ka Ona, a hiki no ia ia ke hana me kona waiwai e like me kona makemake.  U'oki ka hoohalahala ana.

            Ia'u i heluhelu ai i keia, lilo ao la i ka noonoo, me ka ninau, Heaa ka mea hooala i ka hoomanao o ka poe hoopina pinepine,  " No Iehova ka honua a me kona mea i piha'i ?"  A hoea mai la keia haina, e kakau i palapala me na hua nui, a e kau ae ma kahi e hiki ai ke nanan pinepine,  " No Iehova ko'u mau mea a pau. "Maluna ae o ko'u kino, No Iehova ko'u kino me ona mau lala a pau.

            Maluna ae o ko'u hale, No Iehova Ko'u hale me na mea a pau oloko.

            Maluna o ka puka o ko'u pa-hale, pa-hipa, pa-pipi, pa-lio, pa-mahiai, No Iehova ko'u pa-hale, pa-hipa.  &c.

            Ina he hale kuai, he hale hookolokolo, he hale kula, he hale kamana, hale kumeka.  a pela aku, e kakau no maluna iho o na puka, No Iehova keia hale kuai, keia hale hookolokolo, hale kula &c.

            Ina he eke dala, he pakeke dala, he pahu dala, he l@a dala, e kakau no mawaho, No Iehova keia eke dala, &c.

            He mau hale nae i kupono ole ke kakau ia pela.  Na @ale tiaka, hale lealea, hale hula, hale kuai rama, kuai paka, mena pa kanu paka.  Heaha ka palapala kupono e kakau a kau maluna iho o keia mau hale, a pa kanu ?  No ka di@bolo keia hale, keia pa Hilahila p@ha.  a huhu na ona ke ikeia keia hoailona e kau ana mawaho o ko lakou mau hale, a kii a haehae, a wikiwiki paaha e hoo lei aku i na omole rama, pahu rama, pahu paka, &c.. &c , i waho, a hoopau i ka hula, i ka ona, a uhuki i ka paka, a hoomaemae i na hale, a hoopihaia i na mea maikai wale no, a kanu i kulina i pani no ka paka.  Alaila hui pu na ona me ka oe pono, a kau i hoailiona like, No Iehova keia hale, keia pa kanu ai, &c.,

            O Iehova no ka Ona nui o na mea a pau.  Nana no i hana na ma a pau, ke ao nei me na knaka a pau e noh ana maluna iho.  Ua hoonoho ke Akua i na kanaka i poe kahu, i poe puuku, i poe kupakaka, i poe paahan a malalo iho ona, me ke kauoha, E malama pono ; a kikoo ia, e haawi aku.

            Heaha ke ano nui o kau e wehewehe mai nei ?  Eia.  Aia kikoo mai o Iehavoa ma ka waha, a ma ka lima o kana mau kauwa, i dala, i kanaka, i holoholona, he 10, he 100, he 1000, he 10,000 a pela aku, i mea e pono ai kona aupuni, e haawi koke no, mai aua, mai kanaluak mai hoohalahala, no ka mea, " No Iehova ka honua me kona mea i piha'i ;" ke ao nei me ka poe e noho ana maloko ona.           

HAWAII.

 

Na anuu e ae.

            Aia ma kahi helu o ka nupepa Kuokoa no ka malama o Maraki, Ua ikea kekahi mau anuu e pipii ana iluna, mai ka hale noho a hiki aku i ka lani, i ke kulanakauhale o Peredaiso.  aole nae ia wale no na anuu.  Aia ma ke alla palahalaha kekahi mau anuu e iho ana ilalo.  Penei : Mai ka hale noho a i ke alanui kahi i kinikini mapela.

            Mai ia wahi aku i kahlae inu ke, kiahi i hana pepa lealea ; pili waiwai.

            Mai ia wahiaku a i ka hale hula, i ka hale Diabolo paha : i ke Keaka.  Mai ia hale aku a i kona hale, ke ala  e hiki ai i ka po.  ai ia hale aku a @iki i ka lua kupapau o ka mea ona.  Mai ia lua kupapau aku a hiki i Gehena, kahi e uwe ai, a e uwi ai na niho ! Aloha ino !!  Owai la, e na kamalii ea, e iho ana ilalo i keia mau anuu ?  Owai la hoi ?  O oe anei ?  E na makua e, owai lan ?  O kau keiki aloha ia anei ?       F.

 

HAAWINA KULA SABATI.

 

KA HAPAIIA ELUA.

Helu XV.  Sabati Aperila 3.

KUMUHANA.  IOSEPA ME KANA MAU

MOE UHANE.

 

            Pauku Baibala. – Kinohi 37 : 3 – 11.

            3 Ua oi aku la ke aloha o Iseraela ia Iosepa mamua o kana mau keiki a pau, no ka mea, he keiki ia no kona wa elemakule : a hana iho la ia i kapakomo onionio nona.

            4 A ike iho la kona poe kaikuaana i ke kela ana aku o kealoha o ko lakou makuakane ia Iosepa mamua o kona poe hoahanau a pau, inaina aku la lakou ia Iospea, aole i hiki ke olelo oluolu aku ia ia.

            5 Moe iho la o Iosepa i ka moe, a hai a ku la i kona poe kaikuaana, a nui hou mai la ko lakou inaina ana ia ia.

            6 I aku la ia ia lakou, Ea, e hoolohe mai oukou i keia moe a'u, i moe ai.

            7 Eia hoi, i ka pua ana a kakou i na ua, ma ka mahina ai, ala mai la ka'u pua, a ku pono ai la iluna ; a o ka oukou mau pua ka i ku poai mai la, a kulou iho la i ka'[u pua.

            8 Olelo mai la kona poe kaikuaana ia ia.  E alii ana ka oe maluna o makou ?  O oe anei ka haku maluna o makou ?  Hhu nui aku la lakou ia ia i kana moe, a i kana olelo.

            9 A mahope aku, moe hou iho la ia @ ka moe, a hai hou aku i kona poe kaikuaana, i aku la, Eia hoi, ua moe hou iho nei au @ ka mahina, a me na hoku he amiikumamakahi.

            10 Hai aku la ia i kona maukane, a i kona poe kaikuaana.  Papa mai la knoa makuakane,   mai la ia ia, Heaha keia moe au i moe ai ?  E hele anei au iou la, a me kou makuwahine, a me kou poe koahanau, e kulou ilalo i ka honua imua ou ?

            11 huahuwa ae la knoa poe kaikuaana ia ia, a malama iho la knoa makuakane @ ua olelo la.

 

            Pauku Aukai. – P. 11.  " Huahuwa ae la kona mau kaikuaana ia ia ; malama iho la nae kona makuaknae i aua olelo la."

            Pauku hui Lahui. – Ke aloha aku nei au ia oe, e ka makua, ka Haku o ka lani me ka honua, no ka meak ua huna oe i keia mau mea i ka poe akamai a me ka poe maalea, a ua hoike mai oe ia mau mea i na keiki uuku."  Mat. 11 : 25.

            Mele. – "Iesu ke Alakai."  Alaula, Iune 1872.

            Pule i aloha a kuikahi na haumana.

 

NA NINAU.

 

            P. 3.  Iseraela, Owai ka moa mua ?  No ke aha ka loli ana ?  Haalele kakou ia ia mamua mahea ?  I ka halawai pu ana me Esau ?  Mok. 33.  Elua mea mana i laulea'i heaha ia mau mea ?

            E hoiana Iakoba i hea ?  33 : 17.  Mai hea mai ?  Mahea i puka mai ai ?  33 : 17.  mahea Sukota ?  ma ka hikina o Ioredane.  mala@la aku a hea ?  33 : 18.  Mahea o Sekema ?  Ia ia e noho nanea ana ilaila, heaha ka olelo paipai ana i lohe ai ?  Mok, 35 : 1.  Ua malama anei oia ia olelo ?  I kona holo ana mai ke alo aku o esau a noe ma Betela, heaha knoa hoohiki ?  Mok. 28 : 20 – 22.  Ua hooko ia anei ?  Ma ka paipai ana owai ?  mai hoopoina ea.  Ehia makahiki i hala mai knoa haalele mua ana ia Betela, a hoi hou mai ola ilaila ?  Ua 40 paha.  I ka hoi hou ana o Iakoba i Kanaana, heaha kana mau oihana ?  Heaha na oihana a na keiki ?  Noho na keiki ma kahi e, hookahi nae i koe e noho pu ana me ka makuakane, owai ia keiki ?  ehia ona mau makahiki ?  Ke keiki hope anei Ioespa ?  Owai ke keiki hope ?  Owai ko laua makuwahine ?  alhoa nui Iakoba ia Iospea, ehia kumu o kona aioha nui ?  Ua hoopunahele oia ia ia, a hana i aha nona ?  He punahele hoi Iakoba mamua nawai ?  A hana oia i aha nona ?  ehia la makahiki o Iakoba ia wa ?  Ua 100 a oi aku.

            P. 4.  Ka inaina o na Kaikuaana.  Na Keikikane. – Owai na kaikuaana a Iakoba ? I naina lakou ia wai ?  Elua kumu o ka inaina ia wa heaha ia mau kumu ?

            O ko Iosepa ha i ana i ko lakou hewa i ka makua, he kumu pono anei ia no ka inaina ?  Pehea la ko lakou manao no ke kapa onionio ?  manao paha lakou, he hoailona paha ia no kona lilo ana i hooilina.

            Noho maikai Iospea ke kaikaina, a huhu na kaikuaana ia ia, owai kekahi kaikaina i hana maikai, a huhu ke kaikuaana ia ia ?  He keiki noho malie hoi ka makua o Iosepa, pehea hoi kona kaikuaana ia ian ?  E huhu ia 'na ka, oukou ke noho makiai ?  Heaha ka pono ?  e noho ino anei?

            P. 5.  Ka mmoe uhane mua o Iospea.  Na Kaikamahine. – He moe uhane ko Iosepa, a hai aku ia i na kaikuaana, a pehea iho la lakou ?  Ke kumu ehia keia o ko lakou huhu ?

            P. 6, 7.  Hai mai i ka moe o Iosepa.  Ua akaka anei ma keia, he poe mahiai lakou ?

            P. 8. Ke ano o ka moe uhane.  Na Makua. – Heaha ke ano ko Iosepa moe i ka manao o na kaikuaana ?  Pololei anei ko lakou koho ana ?  Ua hookaoia a nei ia mahope ?  Mok. 42 : 6, 9.  43 : 26, &c.  Ua hewa anei Iosepa ma keia moe uhane i huhu ai na kaikuaana ia ia ?

            P. 9.  Ka moe uhane elua o Iosepa.  Na Keikikane. – Hai mai i keia moe uhane elua.  Kupanaha loa ! ea.  Mai hea mai ia ?  He ano aha hoi ?

            P. 10.  I ka lohe ana o ka makuakane i keia moe, pehea mai la oia ?  Oia anei kekahi i huhu ia Iospea no knoa moe ?  A, ua kuhi pololei anei oia i ke ano o ka moe ?  Ua akaka iki paha, he keiki makau ia i ke Akua, a ua hoike mai ke Akua ma keia mau moe, e lilo ana oia i mea nui i kekahi manawa.  I ka manawa hea i maopopo loa ai ke ano o na moe ?  Mok. 42 : 6, 9.  No ke aha kona hai ana i kona mau moe i ka makua me ona mau hoahanau ?  He manao hookiekie anei kona ?

            P. 11. Na Makua. – Mau @o ka huahuwa o na kaikuaana, a pehea ka makuakane ?  malama oia i ke aha ?  Hoopaanaau oia i na noe, a noonoo i ke ano.  Ua manao oia e lil ana Iosepa i luna no lakou a pau.  I ka manawa hea i hoopoina ai oia ?  p. 33 – 35.  Ua ko anei na moe ia wa ?

            Oukou a pau – Ma ka naau mua ka huhu.  mahea mahope ? ma ka waha.  Mahea mahope loa ?

            Ku poe Noeau.  Ka hoopunahele ana, heaha ka maikai ?  heaha hoi ke ino ?  Na hoku he 11, owai ka inoa nui ia oukou ?  Owai ka i moe uhane mua ?  Ma ia mea i aha i ke Akua i kona manao ?  Ioba 33 : 14 – 17.  He huila nui i hoomaka'i ke kaa ana ma ka hana hewa a wai ma keia mokuna ?  Hai liilii mai, ka hoomaka mua, ke kaa anak ka mau o ke kaa ana, na mea e kaa ai, na mea i ko ai ma ke kaa ana, e hookomo ana i ka wanana ma Kin. 15 : 13.

            Ma ke aha i kulou ai ka la, ika mahina, an hoku he 11 imua o Iosepa ?  Ma ka moe uhane, a ma ke aha kekahi ?  Ua lilo no Iosepa i mea nui, owai ka mea e oi aku ana mamua ona?  He punahele ia nawai ?  He poe aha na haipule ?  Epeso 5 : 1.  1 Pet. 2 : 9.

            Hai mai i ka Pauku alakai, ka Pauku hui Lahui.

            Mele. – " E oli, oli. "  Alaula Feb. 1873.

            Pale i lilo na haumana i ohana kahuna alii i aupuni hemolele.

HAWAII

 

"KA NUPEPA KUOKOA."

Is published in Honolulu

EVERY SATURDAY.

$2 00 per anum, or $1.00 per six months, in advance.

 

ADVERTISEMENTS not exceeding 10 lines, inserted once for $1.00

twice for $1.50 ; and $2-00 for one month ; all advertisements must be paid for in advance.

KANIKAUS will be charged 1.00 per page, or 4 cts. a line.

            may be paid to any of the Agents of the Kuokoa, or may

be enclosed in a letter to the Publisher.

ALL SUBSCRIPTIONS must be PREPAID.  No names, either of

@st. until paid for.  This rule must be strictly adhered to

on account of the low subscription price

THE OFFICE OF THE KUOKOA @  the Post Office.  Office hours

from 9 A. M. to 4 P. M.

H. M. WHITNEY, Publisher.

 

Bound Volumes of the K U O K O A, for sale at the office

over the Bookstore - $3.50 each.

Persons having complete sets of the above, can have

@m bound by paying $2.00 each.

 

KA  "NUPEPA KUOKOA. "

 

Hoopuka mau ia

 

I KELA POAONO KEIA POAONA

 

$2.00

 

No na mahina he Umikumamalua

 

$1.00 no na mahina eono.

 

ME KA HOOKAA MUA MAI.

 

NA OLELO HOOLAHA – aole i oi mamua o 10 laina no ka hoo

            puka hookahiana, $1.00; alua komo ana, he $1.50 ; hoo

            kahi malama, $2.00.  E uku mua ia mai ke dala o na olelo

            hoolaha a pau e hoounaia ana mai e pa.

KANIKAU – he 4 keneta no ka lalaoi hookahi – penei : he 2@

            lalani, $1.00 ; 50 lalani, $2.00 ; a pela ku.

KA U@ NNO NA OLELO HOOLANA – ka ua u pepa, a me ka uku

            o ke Kanikau, e haawiia no ma ka liu a o ua Lona o ka

            Kuokoa, a i oleia, e hoouna mai la Pukue.

WA UKU PEPA A PAU E HOOKAA MUA MAI NO – aole e kaula

            ka inoa o kekahi haole a kanaka maoli paha. me ka inoa o

            ka poe lawe pepa ke ole e hookaa e mai mamua.  E pono

            ke hiipoiia keia mau rul@, no ka mea, he emi no ka auhau

            no keia nupepa.

AIA KE KEENA O KA NUPEPA KUOKOA – maluna ae o ka Hale

            Leta.  O na bora hana, mai ka eiwa o kakahiaka, a i

            ka ha o ke ahiahi.

@. M.  Wini, Luna Hoopuka.

 

NA BUKE.

 

HOOLAHAIA E KA PAPA HAWAII

 

Baibala hemolele Nui @ gula nani me na ku

            hikuhi n@ na aoao....................................................................$12 00

               "      "           Nui ili eleele kaekae wai @ula.........................  6 00

               "      "           uuku iki iho     "           "           ..........................  8 00

               "      "           panaoaiki ih@ ili @leele..................................  4 00

Kauoha Hou ili gula nani me na kuhikuhi............................................  3 00

   "         "      eleele kaekae wai gula..................................................  1 00

   "         "         "                 ..................................................................    75

Kauoa Hou Hapa Haole.........................................................................    75

Lira Hawaii 1848 me ke kanawai..........................................................    25

  "        "    1855......................................................................................    25

Moolelo Ekalesia..................................................................................    60

@a@ao ili lahilahi................................................................................    10

Pele Maiihini ana..................................................................................    25

No ko ke Akua ano...............................................................................    25

Lira Kamalii.........................................................................................    25

Hoike Palapala Hemolele.....................................................................    25

Moolelo o Heneri Opukah@ia.............................................................    25

Hoike Akua..........................................................................................    25

Wehewehehala.....................................................................................    25

Ninau Hoike ili manoanoa...................................................................    25

   "      "     "  lahilahi...........................................................................    10

Kumumua Kula Sabati.........................................................................    10

Buke Lawe Lima..................................................................................    10

He Buke no ka Pope.............................................................................    10

Ui Kula Sabati Helu 3..........................................................................    10

 "   "     "     "   4.....................................................................................    10

 "   "     "     "   5.....................................................................................    25

Buke Enanelio a Ioane..........................................................................    10

Himeni Hawaii......................................................................................  1 00

Himeni I@ nani Hawaii........................................................................  1 75

Kumu leo Mele.....................................................................................    10

Kumu leo Mele HI nani........................................................................    50

Hae Hoonani.........................................................................................    25

 

            E loaa no me ke Keena Kuai Buke o ka Papa Hawaii.

 

Na Kauoha Hou Pakeke.

 

Ili Gula nani.........................................................................................  1 60

Ili eleele kaekae nani...........................................................................    60

Ili eleele...............................................................................................    35

 

Kauoha Hou Pakeke me na Halelu.

 

Ili Gula nani.........................................................................................  1 75

Ili eleele kaekae wai gula.....................................................................    60

Ili eleele................................................................................................    60

 

Na Halelu Pakeke.

 

Ili gula nani............................................................................................   60

Ili eleele kaekae wai gula.......................................................................   @0

Ili eleele..................................................................................................   20

Ka Hae Hoonani (Buke Mele)................................................................   25

Buke Wehewehe Huaolelo Baibala........................................................ @ 00

                "                 "           "           Ili nani........................................  3 00

 

Eia na buke haawi wale.

 

Palapala Liilii –

            Helu  4 – Makemake anei oe i k@ ola @

            Helu  6 – @ hele i o Kristo la.

            Helu  7 – Ka hoi ana mai o ke Keiki Ukau@a

            Helu 11 – No ka hoohiki waha@ee i ke Akua

            Helu 16 – Ka @ ana o ka A@ @ ka Haku a ma ka

                             Bapetiso ana.

            Helu 17 – Nai hana ino i na holoholona.

            Helu 18 – No ka @ahi ana, kuai ana a me ka inu ana ika

                                    Awa.

            Ka Davida malo Kumumanao.

            Ka Moolelo o Batimea Punaiki

J. F. POKUE,

            Kakamolelo o ka Papa Hooko o ka ahahui Eunelio @o Hawaii pae A@.