Ka Nupepa Kuokoa, Volume XII, Number 12, 22 March 1873 — Page 3

KANUPEPAKUOKOA.

 

          KA HOOMAEMAE HOU.  Ua komo hou ia iho nei ka mokuahi Kaua Amerika Kalefonia iloko o ka malama e hala nei, a wahi a kekahi nupepa naole, i na e hooloihiia ma ka laina pololei kona okomoia ana, alaila, ua hiki aku ka loihi i ka umi-kumakahi mile.

          "KA HALE A KAKOU E NOHO NEI."        Oia ke kumumanao i haiia e Rev. J. P. Gelina, mai ka awai mai o ka luakini o Kawaiahao, i ke ahiahi Subati aku nei.  Ua pili no keia kumumanao i ko kakou mau kino iho ko na kanaka, a ua kupono loa hoi i ka poe hoomaunau*a i ko lakou mau kino, ke hele nui e lohe ia haiolelo. Mahalo makou i keia haiolelo mamuli o ko ka Moi hele kino ana ae e lohe.

          PANE POKOLOE.  Ua hoole na Luna o ke Kuokoa i ka hookomo ana mai i ka palapala hope a "D.K.," no kona hookomo pu mai i ke kamailio ana no ka hoohui aupuni, oiai o ke kumu paio, no ke Kuikahi Panai Like.  No ka hohonu oke aku anei o na manao, ka mea o ka hoonuinui wale aku no ma ka hoohui aupuni.  Ua papa makou i ko makou poe heluhelu no ia mea, a ua hoole pu hoi i ke kamailio ana mai o ka poe e ae, no ka mea, he poe ake hoohui aupuni ole makou.

          KA "MOSE TELA."  Me ka Sabati iho nei, ku mai la keia mokuahi holoholo mau mawaena o kakou nei a me Kapalakiko, me na leta, na ukana a me na ohua malihini no Honolulu nei.  Ma ka hora 5 o ke ahiahi Poalua iho nei, ua huli hoi aku la o ia no ke awa mua ana i haalele aku ai.  Ina, e hoopauia ana ka holoholo ana o na mokuahi nui ma waena o Honolulu nei a me Nu Zilani, alaila, e hoomauia no keia laina mawaena o Kapalakiko a me Honolulu wale no.

          NA MEA KAHIKO O HAWAII NEI.  Ma ka hora 10 o ke kakahiaka Poaono aku nei i hala, Mar. 8, ua kuai kudalana e E. P. Adamu na waiwai Hawaii kahiko i hoolaha mua ia aku.  Ua piha ka hale i na ano kanaka a pau, a ua pii no na kumukuai ma kekahi mau mea.  O ka papale mahiole hulu o Kaumualii, ua lilo ia no ke kumukuai, he $120.  Ua haahaa loa no ke kumukuai o keia papale, i manaoia, aole e loaa hou ana he mahiole o ia ano.  Ua maikai no hoi ka malama*a ana o na mea a pau e ka makuwahine i hala.

          HOOLOLOHE AUWAI.  I ke kakahiaka Poalua iho nei, hoolewaia ae ana ke kino kupapau o kekahi kanaka Hawaii; a i ka hiki ana mawaho iho o ka pa Hale Alii, e hoololohe iho ana.  Huki ka ho i kona ikaika me ka uwepa a ke kahu lio, pahu-a nae ka ikaika.  Ma kekahi kumu e ae i hiki ai.  Haohao nae na makamaka, a koho wale iho la, no ke kani ole paha o ka hele.  He oiaio anei, he hoololohe io no ka uhane aie nui?

          HE HANA KU OLE I KE ALOHA.  Mai ka leta mai a Kaunahi o Waiohinu, Kau, Hawaii, i loaa mai a* ia makou ka moolelo malalo iho o ka make ana o kekahi kanaka Hawaii me ka lapaau ole ia.  Ma ka la 24 o Ianuari, ma ka wil*ko o Naalehu, ua haki pu ka lima o kekehi paahana o ia mahiko i ka nau.  Mai ke kuekue mai a hiki i ka uala.  Ua konoia o C. N. Spencer (Kale) e hele aku e nana i ka mea poino.  Ma ka nana ia ana, ua ike o Kale, ua nahaha ka iwi, aka, e ola ana no i na e loaa na lapaauia ana.  Ua haawi o Kale i kona mau kokua ana a pau, aka, ua nele nae i ka laau ole.  Manao ka haku hana o ia Mahiko, e hoouna loa i Honolulu e lapaauia ai.  Aka, no ka loheia ana he Kauka haole no ma Kona, nolaila, ua hoounaia ke kanaka poino maluna o ke kona Uilama ma ka la 25 ae, i Kailua, me ka manao ina aole he Kauka malaila, alaila, e hoouna loa i Honolulu.  I ka hiki ana i Kailua, ua hooleleia ke kanaka me na palapala e kauoha ana i ke Kauka haole o Kona, e hele mai e lapaau.  El*a hoouna*a ana o na leta i ua kanaka la, aka, e ia kana pane, aole au he Kauka aupuni, aka i na e ukuia mai ka uku Kauka he $25 00, alaila e hele no ia.  No ia mea, ua waiho wale ke kanaka poino malaila, a mahope o ka hala ana o na la he umi, ua hala pu aku l* oia * ko ka aoao mau o ka honua.  Eia ka ninau o, Owai ka mea hewa loa?

        O ke Kuik*h* Panai Li*e e mawaena o KEIA AUPUNI A ME AMERIKA, ua pono anei ke hapai hou ia?

       (*oena mai kela mai.)

        O kakou ia e hookikinaia nei, aole no hoi he poe e ae nana e kai nei ia kakou, na na mamo Amerika ponoi no e noho pu nei me kakou, malaila, ua huli pono ko lakou alo i ko lakou la aina kulaiwi, a o ko lakou kua me kakou, a o ko lakou nei makemake maoli paha, e hoolou mai ana i ko kakou mau ihu, a e kai aku ia kakou i kahi a lakou i manao ai, me he puaa naa*po la, e kai malie ia ana i kona imu e kalua*a'i

        A me he mea la, no kekahi kumu ano e, aole lakou la i nana iho i ka nui o na lilo mau wale no keia hana, a pela hoi lakou i ike ole iho ai, ma e hooemi nuiia ana o ko kakou Waihona Aupuni, a me ka nana ole iho hoi, ua paa no kakou i na kukahi mua me na aupuni e ae.

        I ka noonoo ana iho i ko kakou pomaikai, aole no i loaa iki he malamalama no ka hapai hou ana no keia hana.  A ma kahi a kakou e ike ai, ua pulelo aku ko kakou pomaikai mai o kakou aku, a mai ae aku kakou.  "E mala * i kou haawina nou iho."

        Akolu.  He kumu keia e hoalaia'i i auhau koiko* hou maluna o kakou.  Mai hoopoina oukou i na hoakaka mua ana, e loaa ana no ia kakou ka hooneleia he puu dala mui i aneane he $400,000, a pehea la auanei e loaa ai i puu dala nui no ko kakou Waihona Aupuni i kela me keia lua makahiki?  Eia, e hoomahuahuaia kekahi mau auhau koloko, -He pono no nae paha ia'u ke hoike aku i ka'u mea i manao ai, e hoopihaia'i ko kakou Waihona ponoi no keia hana, a i uwe mai no hoi ia poe, a na oukou hoi ia e hoolewa ae ai i ka poe nana e auamo iho, a lepo na hokua.

        1  E auhau papaluaia na Waiwai Paa, a me na Waiwai Lewa.- E pono ke kau aku i keia haawe maluna oia poe, no ka mea, o kahi poe kalepa ka poe nana i paipai, ikaika keia hana, i mea e koe mai ai ia lakou he $400,000 i komo aku ai ma ke dute ia mai e Amerika,- Ke menemene nei no nae au i ka poe mea Waiwai Paa a me Waiwai Lewa i huipu ole me ko Honolulu nei poe kapa e imi nei no keia hana kuikahi.  Eia ka helu akaka ana.-

Auhau mua     Auhau hou ke ae ia ke kuka

Waiwai P. & W. L.         hi no W. P. & W. L.

Waiwai Paa     $52,355    ke ae ia ke kukahi     $104,710

   "Lewa"         $45,329         "     "                        90,758

                                                                          ------------

                                                                           $195,468

        Ua ike lea ae la oukou i keia puu huahelu nui e kaulele hou iho ana he $97684 maluna o ko ka poe waiwai auhau mua, a malia paha, o hoole mai lakou no ke koikoi loa.

        2  E papalua hou iho maluna o na Laikini e hoopukaia mai ana mai ke keena Kalaiaina mai-O noa loaa i manaoia o ko kakou Waihona no ke kalepa kuloko, he $87,850; a ina hoi e ae ia ana keia hana kuikahi panai like ana, a e auhauia ana ko kakou poe kalepa kuloko e like me keia manao, e auhauia lakou i $175,000, a he $87,850 ke kaulele hou iho.  Ina o keia ka mea e auhau hou ia aku ai maluna o ko kakou mau kalepa kuloko, aole no e hiki ke hoemila ko kakou mau mea kuai ma na lole e komo dute ole mai ana i o kakou nei, a e mau ana no ke kuai ana e like me ko keia wa a kakou e ike nei, a i ole ia, e pii ae ana paha, no ka mea, ua kau papaha na auhau ana iluna o ka lole, mamua aku nei, mamua o keia wa a kakou e ike nei.

        Eia hoi, ina pela ke ano o ka auhau maluna o na kalepa o kakou ke koikoi, me he mea la, ke kai hoee ia e kipaku aku ana i ka laha nui ana o na kelepa kuloko a pau.  Ina e ukaliia ka hopena o keia manao e ka haalele ana o na kalepa e noho pu nei, he hopena awaawa no ia i ukali maopopo no ka pono ole o keia hana.  E pono anei ia kakou ke hooia no keia hana hope poina? Aole.

        3  E auhau papalua maluna o na poo lio.  He auhau ia a ka lahui i koi ikaika ai i na Kau Ahuole mamua, aohe no i oi loa ka pono o ka ka Ahaolelo hooemi ana iho i ke .75 keneta, aka, ina e holo keia kuikahi, ua pono ke papaluaia ka auhau o ke poo hookahi o ka lio, a ma ia hana ana, ua loaa ka auhau hou maluna o na lio, he $120,000 no na lio he 34,000 in na makahiki elua, a ma keia auhau, ua kau ka auhau he $1.50 no ke poo o ka lio.  pomaikai ea!  Ua panai kakou me ke kaumaha no ka pono o ka poe mahiko.  I ke aupuni he hooneleia, a i ka lahui hio he auamo, mahanahana na kakou e Hawaii.

        4  E auhau hou iluna o ka kino kanaka.  He 27,000 kanaka i auhauia, a na lakou paha e hoopiha no ko kakou Waihona, he $163,466, i koe iho, a ehia ke kaulele maluna iho o 5 dala e auhauia nei?  Auwe!  he $6.05, a ehia ka uahau ke h*i*a, Auwe! he $11.05.  Pehea keia e Hawaii! Koikoi paha ka pohaku, kaumaha ke one ea? Ae, oia no.

        Aka, ina e hoopokole koke kakou, a o keia $400,000 o kakou e nele ana mai ko kakou Waihona Aupuni aku, a o ka lahui holookoa ka mea nana e hookaa, mai kane, wahine a me ke keiki. $7.02; maluna o ko kakou poe e noho auhauia nei, ua kau maluna o lakou, he $12.00, a pela kakou e hoopiha mau ai e like me ka loihi o ka noho ana malalo o keia kuikahi ma keia hope aku, a no ka emi mau o ko kakou mahuahua ana.  he mea hoi ia e mahuahua ae ai na auhau.

        Ia oukou e ike ai i keia mau auhau kuloko koikoi, e haalulu auanei paha oukou i ka makau, a e mau no hoi ko oukou hoopohala mau ia, me ka olelo ia, he mea ole keia mau mea a pau.  Ina nae kakou e ninau aku ia lakou i kahi e hoopihaia'i keia hooemi ia ana o keia $400,000 mailoko aku o kakou Waihona, ma ke ano kaawale loa mai ko kakou auhau kuloko aku, aole no e hiki ke kuhikuhiia mai i kahi e loaa ai ko kakou Waihona.  Aole i pau.

       

        He Inoa no Miss. Ema Kaaluea.

        Rose, Creek Tuolumne County, Kalifonia, Feb. 20, 1873.

He inoa keia nou e Ema,

He hiapo mua oe a Kaaluea,

Auhea iho nei kuu lei gula,

Ei aku nei paha i ka holo lio,

I ka holo kainapu haa i ke kula,

I ke kula wale e Ulalii,

Kapalili welowelo ko lipine,

I ke ahe malie a ka makani,

Kahea ae nei o kupuna la,

Kohoia i paa ke kaulawaha,

I poki pono iho ka holo aua,

Hoi mai kaua i ka hale la,

I ka hale lailai a ke aloha,

Auhea iho nei kuu lei mamo,

Ei aku nei paha i ke kio wai,

I olu pono iho e ka la wela,

E ka la welawela o ka makali*,

Hoi ae no oe o ka malu hale,

Kahea ae nei o Ema la,

Auhea oe e lulia,

Hele ae kaua i ka holo lio,

I ike i ka holo a Puarose,

Mahea kaua e holo ai,

Maluna o ka pali o Kilohana,

I ike i ka nani o na pua,

I ka popohe mai i ke kula,

He moani he ala ke honi aku,

O ka pua o ka rose kona hoa like,

Hoi ae kaua i ka Home la,

Ua lai na pali ua ahiahi,

Kuupau e ka holo a Puarose,

A hiki aku ma Lanikeha,

Ua pau keia nou e Ema.

                M. Nakaikuaana.

He inoa keia nou e Ema,

Ninau ae nei o Nahale,

Auhea iho nei kuu kamalei,

Ei aku nei paha i ke kui lei,

I lei holo *o no ke ahiahi,

I pale ohuohu no ka la wela,

A hiki aku ma Kilohana,

Ninau ae nei o Keoni Pulu,

Auhea iho nei kuu keiki,

Ei aku nei paha i ka holoholo,

Kuua i pau ko makemake,

A hiki aku ma ke Kaona,

Ho ae kaua i ka inuwai,

I ka wai huihui a ka aika,

E pipio ana i ka poe one,

E popohe ana o Kahaunani,

He wahine maikai heepuewai,

O ka oi no ia o na pua,

Hoi ae kaua ua ahiahi,

Ninau ae nei o Ema la,

Auhea iho nei kuu holoku,

Me kuu pa-u holo lio mai,

I kinikohu iho kuu holo ana,

Mahea au e holo ai,

Makai mauka o ka Maine,

I ike i ka nani o ke kuahiwi,

Ka leo o ka manu e ualo ana,

Ka ua noenoe hehi lau oka,

Pa-a lau hau no Kaleponi,

O ka nani no ia o Mareka,

E ui e hoi kakou e,

A hiki aku i Hawaii,

I ke one hanau o ka makua,

Ua pau keia nou e Ema.

                William. P. Kawaapaele.

He wehi keia no kuu kama,

O ke ehu o ka lepo o ka Misina,

E pipii mai ana hapala maka,

E aloha ae ana i ke kula loa,

I ke kula loa la e Palanipa,

He piina loa ana kualono nui,

He ihona he alu puu liilii,

Komo aku no au o hale ino,

Moe iho olua elima po,

Hoi ae kaua i ka hale la,

Puoho hikilele kuluaumoe,

I ke olowalu ana o na moa,

Ala mai oe la e Ema e,

He ae kaua i ka hali wai,

I pulu pono iho na mea kanu,

Auhea iho nei paha i ka hiu wai,

Ho aku kakou ilaila pu,

I pau pono mai na lepo luna,

Hoi ae no oe o ka mahu oka,

Kuikui-ke l*a na iliili,

He pii kini ia he puaa p*ha,

Ua kani na aka pau molowa.

Ua pau keia nou e Ema.

                John. T. Kauiomano.

 

WILLIAMRYAN

(MEA KUAI LAKO AI.)

MAUKA iho o ka Uapo ma Peleula.  Alanui Nuuanu, aole i ka hale o ka poe Olelo E, e ku pu la aka, makai iho. Malaila oukou e kuai ai me ka makepono

590             3m

 

AHAAINA LA HANAU.

        E WEHE ana maua he Ahaaina nui no ka la hanau o ka maua keiki, ke hiki aku i ka hora 9 A.M. ka la 10 o Aperila, ina Waikele, Ewa, nolaila, ke poloai ia aku nei na manu hulu like, e lele auna like mai me na lau Oliva i ka waha, a kuu i kahi o ka papa aina i hoopihaia i na mana kohi kelekele o na ano he nui wale o ku ia hamau i ka leo.  E haawi pu mai ana no hoi ke kula o ka Malamalama, me ko lakou alakai D. Keaweamahi, i na leo himeni leo lea i lohe mua ole ia e ko*nei poe.  E haawi pu mai ana ko hoi ka Ba-na puhi ohe a ua o D. Keaweamahi o Ewa nei i na leo nu hou ia la.  He makana i ka poe hele mai, e au mai, a e hoi puolo aku no o na haawina elua.  ko ke kino ko ka uhane.                Joane Kaaiahua.     Kaika Makue.     .590 2t*

 

OLELO HOOLAHA AKEA!

E IKE auanei na kanaka a pau loa, na *a-ole, Pake, kanaka Hawaii.  Owau o

AHI (PAKE,)

e noho ana ma ke alanui Nuuanu, Helu 63, malalo o ka Hale Pai Kii.  E hana ana au me ka uku makepono loa.  oluolu a haahaa na kumukuai -E*i loa

Na Pahu-kupapau na anu.

        Na Pahu-lole koa maikai loa.

        Na Moe laau nani loa.

        Na hana mamalu.

        Na mea hana moe.

        Na Pahu nahaha o keia ano keia ano, no ke kumukuai makepono loa.  E hele mai oukou e kamailio pa me a'u i ike maka.       AHI (Pake.)

Maraki 19, 1873            590 6m

 

AKIU PAKE.

MEA HANA I NA KAMAA

HILA AULII MAIKAI

E NA MAKAMAKA, ALOHA OUKOU A PAU LOA, Owau o ka mea nona ka inoa malalo, he hoaloha maikai a kupono hoi ke launa me oukou, ke hoolaha aku nei au, o na hana kamaa a pau o kela a me keia ano

Kamaa Busi aulii ili Farani,

        Na Kamaa haahaa,

        Na Kamaa nahe, e poho maikai loa ia,

        ili Farani me ka uku oluolu a haahaa loa.

O NA KAMAA a'u c hana ai mai keia la aku, hookahi ma kahiki e hoao ai no ka paa o ka'u kamaa ke hana, a ina e nahae, a puka, a kupakahi paha ka hila, e lawe mai a na'u no e hana me ka uku ole.

        NO NA HELU- Kamaa Helu 1, a hiki aku i ka helu lalo loa, me na hana maikai loa.  Eia kekahi, ina e hala na mahina ekolu, me ke kii ole mai, e kudala ia no, e like me na *oo*ha mua. -Na me noho Lio.  E hele mai oukou ma kuu Hale Hana, Alanui Nuuanu, Helu 56.                  590 6m*

 

KAUKA O. S. CUMMINGS.

HE LAPAAU HOMEOPATHICA.

O KE ANO O KA HAAWI ANA I KA LAAU I KU -pono no na mai

HUI, RUMATICA, FIVA

a me na mai kaa loihi wale.

        Aia kona Keena Oihana ma ka Hale Kauka o Ke*ede, Helu 65, Alanui Papu, Honolulu.                     5** 1y

 

        E IKE AUANEI na kanaka a pau, Owau o ka mea ***a ka inoa malalo nei, ke papa aku nei au i ka poe waiwai na Haole a me na Pake, a me na kanaka waiwai a pau o kela a me keia ano, Mai haole mae oukou i ka'u kane mare ia.  J. P. Kaauamo  No ka mea hoi; ua haalele kumu ole mai keia ia'u, a me ko maua wahi moe, a ua hele aku ia oia me kahi noho kapakahi, Nolaila ko'u hopohopo, o hele wale aku kela a ho*** wale aku i ko'u waiwai e waiho la ma Hamakua, Hawaii, oia hoi na bipi, a he mau eka aina no kekahi, a me na lio.  Aole au e ae aku i ka lilo ana o keia mea mamuli o ka manao o kuu kane mare, ke ole au e ae, a kakau aku i ko'u inoa ma ka Palapala Kuai aku, a hoolilo hoi.  Ina oukou e hoolohe ole i keia maluna no ona ko oukou poho, aole au e ae e lilo aku kekahi hapa o na waiwai i hoike mua ia aene.  A no ka oiaio o keia, ke kakau nei au i ko'u inoa ma keia Palapala Hoolaha.   Tik*a Kaip*kae.

Hamakua, Hawaii, Feb. 28, 1873                           588-4ts*

 

'OHI KA IO O KALAAU!

HEAHA LA IA.

I KA Pa Kuai Papa o SAMUELA G. WAILA MA! HE PAHEE I KALIAE PAHA!

AIA NO MA KA PA KUAI PAPA KAHIKO O E KUAI MAKEPONO LOA IA ANA ME KE KUMUKUAI HAAHAA LOA!

NA PUU PAPA NUI, NA LAAU, A ME NA LAKO KUKULU HALE A PAU MALAILA. OIA HOI NA LAAU NOUAIKI O NA ANO A PAU.  PA PAPA MANOANO NOUAIKI.  NA AAHO PAINA ULAULA.  NA PAPA HOLE PAINA ULAULA.

 

NA PINE PA,

NA AAHO PA a me NA POU PAINA ULAULA.  NA PILI LAAU CIDA.  NA PILI LAAU PAINA ULAULA.

Na Puka 2-0x9-0.

Na Laau Puka Aniani, 7x9 a hiki i ka 12x18.

 

NA PANI OLEPELEPE,

I PENAIA A PENA OLE IA.  O NA ANO A PAU.  NA ANIANI PUKA ANIANI.  NA PAINA ULAULA MOLINA.  * *NIHA A HIKI I KA 5 INIHA. NA ANO PEPA HALE MAIKAI LOA, A ME NA LIHILIHI.  AILA HOOWALI PENA MAIKAI LOA. AILA HOOMALOO PENA, VANIKI. NA PENA KEOKEO, KA LEAD & ZINC, PENA ELEELE O NA ANO PENA E AE O KELA ANO KEIA ANO.

 

NA LAKA PUKA.

NA LAKA POEPOE, NA AMI LOLOA, NA AMI POKOPOKO, NA LAKA UWAI, NA KUI NAO, NA AMI LELE, NA PUKA ANIANI, &C.

NA KUIHAO, KUI WAI, A KUI KUI.

        3d a hiki i ke 60d &c. &c. &c.  O keia mau mea a pau, e kuai makepono ia ana ma ke dala kuike.

        O keia mau mea a pau a o kahi paha o keia, e hiki no ke hoounaia ma kekahi o na awa o keia Aupuni.

        He mau Agena no hoi makou no ka mokumahu,   "KILAUEA,"   Kapena McGregor.

583 m      WAILA MA.

 

I NA WAHINE HAWAII! E HELE I "KIKAHAKAIWA!"

Ua haule ia HAYSELDEN BROS, ka hoolaha ana aku ma ka laua Olelo Hoolaha o ke hebedoma i hala, no ka loaa ana mai o na

KAMAA BUTI HILA AULII ILI FARANI NA KAMAA WAHINE HAAHAA Ili Dia Farani.  NA KAMAA SILKA HAAHAA o na ano a pau.

O keia mau waiwai maluna, he mau waiwai hou loa, akahi no a loaa mai, a oia no na ANO HOU LOA O NA PAIKINI MA PARISA.

587 4t                 HAYSELDEN BROS.

 

HOOLAHA! HOOLAHA! HOOLAHA!

HE MANAONO KO KIMO, E LAWE MAI I KA WAIWAI O KELA A ME KEIA ANO, E LIKE ME KA NUI O NA MEA A NA KANE A ME NA WAHINE E WAE AI. AKA, No ka piha loa o ka Hale Kuai na Waiwai Kahiko i keia wa, nolaila, ua manao OIA E KUAI POHO MALOKO O KEIA MAHINA WALE NO, a loaa kahi e waiho ai na waiwai hou.  E hele mai oukou e ka poe i makemake e loaa ona lole maikai, no ke KUMUKUAI MAKEPONO LOA!  AKA.  HE KE DALA KUIKE E HELE MAI AI!  AOLE ONA MAKEMAKE I KA AIE!  "HUAIKA ULU O LELE."  KIMO.

Maraki 1, 1873                               5** 8t

 

KUAI HOOPAU LOA. MA KAHI O NEEDHAM MA.

WAILUKU, MAUI.

Oiai, e hele ana au ma ka Aina e, no kekahi manawa pokole, a i mea hoi e hoemi ai i ka waiwai o makou e waiho nei, nolaila, E KUAI AKU no MAKOU no KE DALAKUIKE! ILOKO O NA LA HE 30 MAI KEIA LA AKU!  MA KE KUMUKUAI HAAHAA LOA! EIA NO KA MANAWA E LOAA AI

NA LOLE ME KA MAKEPONO.  HE NUI NA ANO O NA LOLE E KO ho ai ka Makemake!

AOHE HALE KUAI E LIKE ME KEIA

MA KA* KUAI HOOPOHO!

W.G. NIDAMU MA

Wailuku, Maui, Maraki 1, 1873                      588 3ts.

 

MEA PENA HALE, Moku, Papa inoa a kaa lio ku Pepa hale, a hana puka aniani.  Ua konoia na mea a pau e hele mua ae i ona la. 

Hale Hana Alanui Kaahumanu.   582 3m

 

L. MAKALE.

        He Loio, a he kokua no na bibia o kanaka, (koe na bibia hewa.)  Aia kona keena ma ka Hale Hookolokolo.        6ms.

 

Hoolaha Lunahooponopono Waiwai.

        No ke kohoia ana mai o na mea nona na inoa maialo, i mau Luna Hooponopono Waiwai APO (he kanaka no Kina) i make ma Hilo, mokupuni o Hawaii.  Nolaila, ke haiia aku nei ka lole i na mea a pau i ale lala, e hookaa koke mai; a i ka poe hoi ana i aie ake ai, e hoike koke mai.

Na Luna H. Waiwai, Kahue (w)     L. Severance.

Hilo, Feb. 4, 1973       585 3m

 

E ike auanei na mea a pau ke nana mai, o makau o ka poe Hui Hoolimalimalima i ke Ahupuaa o KULAIMANO, e waiho la ma ka apana o Hilo, Mokupuni o Hawaii, ke hookapu loa aku nei makou i na ano holoholona a pau, aole e hele wale maluna o ua aina la, a o ka mea holoholona e hookuli i keia papa ana, e uku no i hookahi dala no ke poo hookahi, ke loaa aku i ka makou Luna, ia Hanale Wahamu. - No ka HUI. 

Kulaimano, Hilo, Hawaii, Mar 3, 1973.      589 4t*

 

E IKE auanei na mea a pau ke nana mai, o makou o ka poe nona na inoa malalo nei, ke hookapu loa aku nei makou i ko makou Aina.  Hui, e waiho ana ma Kawainui, Hilo, Hawaii, aole e hele wale na holoholona Lio, Bipi, Hoki, Muila, Puaa a ma na ano holoholona e ae a pau.  Ina e loaa ia makou a i ka makou luna paha, kekahi o na holoholona i oleloia maluna, e uku no ka mea holololona, 1 $1.00 no ke poo hookahi.  E lilo keia i Kanawai mai keia ia aku. 

Na H Wahamu, Piliwale, Punohi a me Kahau.

Kawainui, Hilo, Mar 3, 1873.                   589 4t*

 

KA HALE PAI KII KOOLELE AKA O AGIU a me AKIONA!

        Ua wehe ae nei mua i Hale Pai Kii no na mea a pau ma ke ALANUI NUUANU, HELU 65.

        E paiia na kii maikai o na ano a pau, e like me ko oukou makemake.  E hanaia ana a nani kupono e like no ka uku ouolu E hele mai.  O na lole komo i ka wa e pai ai, eia no ia mauo kupono no na wahine mau lako, oia na peahi a me na pua hoo nani.  E palia na kii pepa a me na kii aniani e like me ko ou kou makemake, keokeo, eleele, ulaula a ahiahia paha. 

        I ka wa pai ai i ke kii, e hookaa mua ia ka hapalua o ka uku, a pau ke kii i ka hanaia, alaila, hookaa pau loa, a lawe no hoi ke kii.  Me ka mahalo.

                                577 6m

 

J. NOTT & CO.

MA MEA HANA TINI KELEAWE, A HAO PAPAA

Helu 9 Alanui Kaahumanu!

Ua hiki ia laua ke hana i na ano a pau e pili ana i keia laina, e lihe me ka Hoomoe ana i na Piula Wai, HAO A PIULA PAHA.  HAWAII PIULA NO NA HALE LAAU EIA HOI KEKAHI  Eia ma ko laua wahi i na wa a pau NA LAKO PUILA O KELA ANO KEIA ANO.  KAPUAHI HAO, O NA ANO A PAU A ME NA KUMUKUAI A PAU, Papa Holoi, Na Ihu ho, Iliwai Laho Lio, Pa Palai, Kui kakia moena, Na Papaa Hao Kaupaka Hale 26x84, Na Palaki hamo puna me Holoi hale, Na ipukukui hele po, M me na mea ae he nui wale ke helu aku 21 yr.