Ka Nupepa Kuokoa, Volume XII, Number 10, 8 March 1873 — Ua makemakeia. [ARTICLE]

Ua makemakeia.

Eia kekahi mea i makemake nui ia e ka poe hana ko paa. He eke i ulanaia mai na ko-nna akaakai a lauhōla paha, i wahi e hooia ai ke ko-paa eleele a hoouna aku i Auseteralia, a i oie i Ainehke. I ka hebedorna i hala, ua iaweia mai e kekaiii moku kuna, he 15,000 na eke o keia ano, mai Nu Zilani mai, a ua makemake nui loa ia e na haole kalepa. O ka loihi o ka eke, he 33 iniha, a he 17 iniha ka laula. Ina e ulnnaia a'na maanei na ano eke e like me ia, no ke kumukuai! makepono, i hookahi tausani ka nui, a e pau ana no i ke kuaiia i keia makahiki. O na eke o kai makemakeia, aole o na mea i ulanaia me na koana palahalaha, aka, ma ke ano makalii iho, aole hoi o ka palahalaha loa aku mamua o ka hapaha iniha. Eia ia makou kekahi eke o keia ano, a ina o ka poe makemake e ulanaeke, he pono e liele e e mai

makaikai, anoai paha o hiki io no na ano eke e like me keia maanei ke hanaia. Aole nae e kuai oa haole ke ino kau hana ana, aka/ no na eke maikai, e haawi no lakou i umi dala ($10.00) no ke tausani, oia hoi, he 10 kerieta no ka eke hookahi. Ina he oi aku ka paa, malia o hooi aku lakou i $12.00 no ke tausani. Mai hoomaka e nae kekftlri i ka ulana ana, me ka ike mua ole i ka eke e waiho nei me makou, i niea e hoikeike aku ai, hanaia ai a like me ia.