Ka Nupepa Kuokoa, Volume XI, Number 47, 23 November 1872 — Pane ia S. K. Peleleu. [ARTICLE]

Pane ia S. K. Peleleu.

E KA NUPEPA KUOKOA E Aloha oe:— Aia ma ke aniani kilohi o ka la 12 o Oct. 1872, ua ikeia na olelo wahahee, a hakuepa wale iho no a ka mea nona kela inoa e kau la ; ma ke poo o keia kukulu manao ana. A oia ke kumu o ko'u pane aku ia ia, i ike mai ai o'u kini lehulehu, mai ka la hiki a ka la kau ; mai ka la puka ma Kumukahi ; a ka la welo i Lehua. Ka hoike nei oe ma kou kukulu manao, Nona ke poo. "No ka pepa piliwaiwai." Ma kou ike a me kou hoopunipuni wahi au e wahahee nei imua o ke Akua, a imua o na lahuikanaka o ka Pae Aina o na Kamehameha R, ka mea nona na kanawai au i lawe mai nei a hoike ae la imua o ke akea. Ke olelo nei oe penei : Elua au apana i ike ai i ka pepa piliwaiwai, o ka apana o Kawela a me Kaunakakai, ma kou la hololio ; a o keia mau apana aia ma Molokai. A o keia mau apana elua, kau mau apana i ike nui ai i neia mea he pepa piliwaiwai. Ke hoike hookamani ole ae nei au imua ou, a imua o ke ao holookoa a pau. He keu a ko hoopunipuni a me ko alapahi. He kamaaina au no Kawela nei, a he keiki papa no hoi no ka aina, Aole au i ike o ka hana nui keia a keia mau apana, o ka pepa piliwaiwai; aole loa akahi, mai ka ole Kukahi no a ka ole Kupau ; au e hakuepa nei imua o ke akea. Eia ka hana nui a'u e hoike pono aku imua ou, a imua o ke akea, i lilo ai kou manao hoopunipuni i mea ole ; a i lilo ai oe i mea nana e uhaki ko ke Akua kanawai. O ka hana nui ma keia mau apana, o ka hana paakai ma Kawela, o ka hana a ka Moi ma Kaunakakai. Aole o ka pepa piiiwaiwai wahi au e Pe\eleu, e huna inoa ponoi. Ke olelo hou nei oe, ua mnkee loa oe no ka lilo nui o na hoahanau ma keia hana uko ole, a alakai pu no hoi i ka lakou mau keiki iloko o ia hana hookahi. Akaaka no hoi au ia oe i ko ike pono; a ina he oiaio kou ike, alaila, ke ninau iho nei au ia oe, (1) Ehia la ka nui o na hoahanau kane, a me na hoahanau wahine, i lilo nui ma keia mau apaoa elua, o Kawela, a me Kaunakakai; i huli nui ma keia hana o ka pepa piliwaiwai ? (2) A ehia la hoi ka nui o na keiki i alakai pu ia e na makua ma keia hana o ka pepa piliwaiwai. Nolaila, ke olelo iho nei au iloko o'u, me ko'u manao e nonoi aku t ka lokomaikai o ke Kapena o "Ke Kilohana Pookela o ka Lahui Haw»ii." e hoike pono mai i kou inoa ponoi. Ke oluolu mai oia i ka'u noi, aka nae, ua hoike ae nei oe i kou wahi noho, o Waipahu i Molokai nei. Aole pela ko'u manao, a me ko'u ike; o ko'u manao no kahi e mai paha oe, a ua manao iho ao, no ka hanauna hookahi paha oe me Kaululaau ; Ke kamaeu o Lanai, nana i hoopunipuni ke akua o Lanai, a o oe anei hoi ko Molokai nei hooponipuni. Eia na kumuu o ko'u kapa ana ia oe he hoopunipuni oe. 1. O kou huna ana i kou inoa ponoi. 2. O koa huna ana i kou wahi noho a hoike ae la ae no Waipahu oe. Ke hoike aku nei au imua o ke akea, aole he kanaka o Waipahu o Molokai nei i kapaia kona inoa o S. K. Peleleu. No keia hana au i hoolaha ae nei imua o ke akea, me kou eha nui, a ua ku maoli kau mau haoa i ka hoopunipuni, a ua kupono ke hoopiiia oe ma ke kanawai o ka aina; ma ke ano he laipila oe i ko hai inoa maikai

A no ka mea hoi, ua ike iho la no la hoi oe, ua ku ka hana aia poe i ke kanawai; heaha la hoi kou mea i hopu ole iho ai a hoopii aku ieuua o D. Maiopili Esq., ka Lunakanawai apana o Molokai nei; a o oe no hoi ka loio ma ka aoao o ke 'Lii, he akamai okoa hoi ua kaaka i ka wehewehe kanawai, pau oloko pau owaho o ka buke kanawai a olua o Puhene. O ko'u manao, he wahi keiki ai waiu paha oe, a i ole ia ; he maukauka hoe hewa paha oe, a i ole hoi ia, he maauauwa lawe pai ai oe no ke Kaha nei, a i ole ia ; he malihini mai no Kaanapali, nolaila, ua oki oe ; a e pono no ia oe e hoike koke mai imua o na mea nona na inoa au i hoike aku nei i ke akea ; a e mihi oe i kou hewa imua o laua, i kala ia'i oe ma keia hana uko ole au. "E waiho i ka hana hewa, e ao i ka hana pono." J. MIREME KANOA. Kawela, Molokai, Nov. 2, I872.