Ka Nupepa Kuokoa, Volume XI, Number 46, 16 November 1872 — Page 3
| This text was transcribed by: | Jordan |
| This work is dedicated to: | Kahealani Arakaki-Castillo |
Ka Nupepa Kuokoa
KE KILOHANA POOKELA NO KA LAHUI HAWAII.
Na hunahuna Mea Ilou o ka ua Ukiukiu o Makawao.
E KA NEPEPA KUOKOA; Aloha oe:
Ke nonoi haahaa aku nei au i koa ahonui a me kou lokomaikai palena ole. E oluolu oe e hookomo iho ma kahi kaawale o kou kino holookoa, i hela mau haina olelo e kau ae la maluna. "Na hunahuna Mea Hou o ka ua Ukiukiu o Makawao."
He ahaaina lulu dala humuhumu mau kapa apana kuiki ma Kaluanui. I ka Poaono la 21 o ka malama i nee hope aku nei. Oia ke la o ka ahaaina ana, o na mea i hoomakaukauia no ka ahaaina; oia hoi na mea ai, eiwa puaa, hookahi hipi, hookahi kakini moa, o na ano ia o ke kai ka lehulehu me na ia o ke kahawai, ehiku pahu poi. E like me ka mea mau i na kukulu ahaaina ana, ua hanaia ka lanai, a hoonaniia me na lau nahelehele aala o ka wao-kele, oia hoi ka ieie, ka palai, ka maile a me ka awapuhi. Ua kau ia na kapa apana eono ma ka aoao hikina a ma ka aoao hikina hema o ka lanai. Ua hoike mai lakou i ko lakou mau wai hooluu like ole, okoa ka nani o kekahi i ko kekahi; aka, i ka nana aku, ua ku no i ka nai a me ka mahalo i ka poe i hana maiau i ka humuhumu ana i keia mau kapa apana i haiia ae nei mamua, he hane nui no keia a na wahine e hana nei.
NO KA AI ANA. I ka hora 8, ai na kanaka Kumakahiki, he hapalua ka haawi a na kane a me na wahine, he hapaha ka na keiki. O ka puuku haawi dala e haawi mai ai, o Davis C.-O ka puuku nana e haawi mai na mea ai, o Daniela Paahao. I ka hora 10 a hiki i ke ahiahi. Ua hele mai ka poe hanohano , na hapa-haole a me ka lehulehu e ai i na mea ai i hoolakoia no ka ai ana. O ka nui o na dala i luluia no keia ahaaina; he akahi haneri kanalima kumamaono me ka hapalua ($156.650). He mau wahine eha; na lakou i hapai a kukulu i ahaaina lulu dala no ka lakou hana nui; oia hoi ka humuhumu kapa apana. E ikeia ka lakou mau inoa malalo iho a me ka lakou mau kane. Mrs, Hema w. Mr. Davida C. k. Mrs. Hureda w. Mr. Mr. Daniela Paaho k. Mrs. Niau w. Mr. Kalili k. Mrs. Kalua w. Mr. Kamaka k. O na dala i loaa ma keia ahaaina ana, e like me ka mea i haiia maluna ae. Elima mahele dala. O ka mua o A. H. Spencer, no ka mea, no ka haole na kanaka paahana a me na kaa hipi i mea e hiki mai ai ka laau o ka lanai a me na mea e paa ai o ka lanai, e like me na mea i hai mua ia. O na dala e lilo iaia (Misabeg) he $25.00. O ka nui o na dala ia Mrs. hema, kokoke e hiki aku ka huina i ka haneri dala, no ka mea, no Hema ka nui o na mea ai; oia hoi na pahu poi i haiia maluna, na kakini moa, na puaa ekolu. a me na ano ia o ke kai a me na kahawai, na umeke laau, na kinipiula poi, na pa; a o ke koena iho, ua maheleia no ka poe paaluhi.
NO KA LA. Ua hoomaka ka wela o ka la mai ka malama o Maraki a hiki i ka malama o Sepatemaba. No ka nui o ka wela o ka la malaila, ua maloo ka nahelehele, me he mea la i puhiia i ke ahi; nolaila, maloo ka wai o na kiowai nui. Oia hoi o Alelele a me Waialala, no ka nui o ka poe nana e omo i ka wai; ua omo ka wela o ka la i kekahi mau hunahuna wai a lawe aku la i ka lewa akea o ka lani, ua omo na holoholona hipi, lio, i ka wai holokoa, pela no ke omo ana o na holoholona i ka wai i kela la, a i keia la, a pau ka wai o Alelele i ke omoia e na holoholona. I ka malama o Augate, a pela no ka wai o Waialala, ua maloo ka wai, no ke omo ia e ka wela a me ke omoia e pauiua a A. H. Spencer no ka Mahu Wili-ko ma Kaluanui nei, ua maloo ka wai o Waialalalu
NO KE ALANUI PALI I ELIIA. O keia alanui pali i elua, i alanui no na hipi kaua kaa a palau hoi, na hipi waia a me na keiki, na lio hapuku a me na lio e ae. I alanui no na holoholona e hiki ai i kahi o ka wai e inu ai. O keia wai, he wai puna mai ka pali mai ke kahe ana a hiki i ke kahawai. o ka inoa o keia waipuna, o Kapana. No ka nele i ka wai ole e inu ai na holoholona; nolaila, i eliia ai keia alanui pali, ua hoomakaia ka eli ana i keia alanui ma ka walau luna o ka honua, ma ka aoao makai o ka lapa pali e moe kuninihi ana i ka hikina akau ae. Ua eliia ke alanui mai kahi i hoomakaia ai a hiki i kahi i pale mai ai ke kualapa pali, huli ka eli ana i ke alanui i ke komohana akau, a kokoke ka eli ana i ka pali kahawai, huli ka eili ana i ka hikina i ka honua o ke kahawai, pau ka eli ana.
I ka la 28 Poaono, oia ka la i homakaia ai ka eli ana i ke alanui pali i kamailio mua ia ae nei. eono la i eli la i eli ia’i ke alanui, hiki i ka palena o kahi i eli ia ai. O keia wai, he wai no na holoholona a A. H. Spencer.
No ke Aloha.
E KA NUPEPA KUOKOA E; Aloha oe
E oluolu oe a me kou L. H. e hookomo iho i keia mau wahi puolo a ke aloha ma kahi kaawale o kou waihona, a nae e hoi ia o puunaue like aku iwaena o na kini a laua.
No ke aloha. O ke aloha, he mea ia e noho lokahi ana o na aupuni, ka Lihui, a me ka ohana; a na ke aloha no i hoohui i keia mau mea a pau malalo o ka noho lokahi, akahai, oluolu, a haahaa hoi, i na aole aloha, me he mea la, e auhulikia ana keia lahui i ka ino, a kue e hoi ka noho’ai ohana, no ka mea, na ke aloha o ka mea Maua Loa i hoouna mai i kana mau kauwa e hali mai i kana mau olelo aloha, a hanai mai ia kakou, a hoopa iki, a hoao, a lawelawe, a ai maoli, a ua ike i ka ono, a me ka momona, i neia mea he aloha.
Aka, o kekahi poe ua ike lakou i ke ono, a o kekahi, he hoopailua lakou ia mea, a me ka hoowahawaha no ia kakou, e hahau ana me na mea o ke aloha ole malana o ko kakou mau poo, ke i mai nei paha kekahi, ke noho nei no ka lahui, a me ke aupuni, me ke aloha kupaa, he palau ia, a he waha wai ia, he kakaikahi loa oia poe i nohoia e ke aloha maoli, a o ka nui, he aloha hookamani wale no.
Eia na olelo aloha a ka Haku, "E aloha aku oe i kou hoalauna, e like me kou aloha ia oe iho." A i na ua ike oe ia mau olelo, alaila, e ike auanei oe i ka eha o kou lunaikehala, a walania hoi na puuwai i ke aloha, oiai ua laula loa ka noho aloha ole ana o kekahi i kekahi, ninau mai paha auanei oukou, o ke aha aku ua aloha? a pehea la e hana aku ai i maopopo ai ke aloha? penei paha.
1. E ike i ka hune a kokua, i ka nele hoi e haawi, i ka pilikia hoi e pale me ke aloha io.
O kekahi poe o kakou, aole i ike i ke aloha, a aole no hoi i ike i ke aloha i kona mau waiwai, no ka mea, ua hana lakou me ke aloha pu ole kekahi, a na keia aloha ole no i hookonokono ia loko o ke kanaka e kue aku kahi i kekahi, a lilo i kumu hakaka, oia no na haawina i loaa i ke kanaka.
2. E lohe i na olelo pale a kekahi mau hoa, no laua, a no lakou paha, e pale aku e like me ka hiki ke hoohemo ia, a hoopukaia, a kuuia paha, aka, ina ua lohe aku oe ia mau olelo, a lalau oe i ka newa, a hahau, me ka manao ole i ke ola o kekahi hoa, Ea! e haule ana i ka make, a i na auwaha o ka popilikia, aloha ino ka poe nele i ke aloha io maoli, a ike ole hoi ina olelo a Paulo. O ke aloha ka mea i oi mamua o na mea a pau o ke ao nei.
Olelo mai o Solomona, "O ke aloha, ua ikaika ia e like me ka make," aka, aole i maliuia aku ia mau mea, e ko kakou noonoo kanaka ana. J. W. K. Kaualilinoe.
Manoa Kona Oahu. Nov. 13 1872.
Kokua Mahina Hou a na Ilio.
E KA NUPEPA KUOKOA E; Aloha oe:-
Oe no paha makemake i lohe ia mea hou ea; ae, owau no hai ia oe.
Akahi ahiahi Sabati, hora eha paha, pela wau manao, ia la 3 no o Novepepa nei, ma kekahi luakini no ma Hilo la, ia wau no ku a nana ka hana malaila la, a noho no ia’u a pau ka haiolelo i na kanaka elua la, pule la, pau la, hele akahi kaikamahine opio la, ku ia kokoke ia awai la, kahea ia la, pau loa hele kokua mahina hou la, hele no kanaka la, ia’u nana ia akahi wahine kahika la, nakiki ia la ai ekolu ilio la, ka ai la, kela ilio mua hapalua la, ia ilio elua la, hapaha la, ia ilio hope la, ia kenikeni la, ia kela poe ilio no hele pu ia wahine la. kokoke ia awai la, ole hiki pinana maluna pakaukau la, kela wahine no wehe kela mau apana kala la, kiola maloko papale la’ wau no nana kela mea la, aha la aole haawi ma ka lima o ke keiki liilii la, lawe mahina hou Kula Sabati la, manao paha keika la, punahele loa la.
Wau no lohe nui, haole, kanaka, olelo penei: Akua olelo, Ia ilio pau loa mawaho, me anaana me hopiopio la, aka, ole pela au ike mamua halawai, ia ilio pau loa maloko la, lawe mahina hou la, hakaka la, haunaele la, pono ole la!!
Hilo Hawaii. Nov. 4, 1872.
[Ke ao aku nei makou i ka poe hemahema, mai hana hou penei. He hoohilahila ia i ka mea kino kanaka. L. H.J
NA OLELO HOOLAHA.
E IKE auanei na kanaka a pau o kela a me keia ano, o makou o ka poe nona na inoa malalo iho nei. ke hookapu a papa aku nei makou i ko makou apana aina e waiho nei ma Laupahoehoe &, ma Hilo nei mokupuni o Hawaii. Ke papa ia aku nei na mea a pau, aole e hookuu a e hoopaa i ko lakou mau holoholona inaluna o ko makou mau apana aina. Ua hookohu aku makou ia Amina, i Luna naua e hopu i na holoholona, bipi. lio, hoki, cotala, hipa. puaa. e uku no $1 00 pakahi ina aole e uku mai e lawe la i ka Pa Aupuni a no ka oiaio o keia olelo ke kau nei makou i ko makou mea inoa.
I. PAAPU,
KALEIONEHU,
KAMOHAIAALU.
Laupahoehoe, Hilo, Hawaii, Nov. 5, 1872. 872 2ts
NA LEI ANO HOU!
NANI NA KULA PEPIAO!
Hulali na Pine Pilali.
Wehiwehi na Lei ea!
OLALINA APO-LINA KANIKAU.
E Lono iho lakou a pau loa.
KA MAKE PONO LOA
MA KA HALEKUAI BUKE O
H. M. WINI.
KAUKA OLIVA M.D.
[KAUKA PELEKANI]
HALE HANA- Hainao na alanui ANI me Papa Kanaka i ka po a me ke ao.
NO KE KULANAKAUHALE
-A ME KA-
APANA O HONOLULU!
NA AUHAU O KA MAKAHIKI 1872!
MA KEIA, ke Hoolaha aku nei o ka mea nona ka inoa malalo iho nei, e ohi ana oia i na Auahau o keia makahiki, no kela a me keia, a me na mahele a pau o ka Apana maluna ae, ma kona Keena Oihana, ma ke
ALANUI MARINA AIENUI.
ma ka POAONO, la 16 o keia malama, a mahope aku o ia wa. Ke kauohaia aku nei, e uku koke mai na poe a pau i ku i ka Auhau.
GEO. H. LUCE.
Luna Auhau.
Keena Ohi Auhau, Honolulu, Nob. 12, 1872.
E hamama ana ke Keena Ohi Auhau i ka Poakahi, Poakolu a me ka Poaono, mai ka hora 9 A. M. a i ka hora 4 P. M.
AHA HIMENE!
-ME KE-
KAMAKAMAILIO,
-A ME-
Na Mea ano Hou!
-MA KA-
LUAKINI HOOLEPOPE O WAIALUA OAHU
-NA NA-
KAIKAMAHINE OO KE KULAUANAI!
Malalo o ke alakaiia ana e Miss M. E. Green.
I ke ahiahi o ka Poalima,
la 20 o Dekemaba o keia makahiki 1872,
e hoike ana na kaikamahine o Haleiwa i ko lakou akamai ma
KA HIMENI ANA,
KE KAMAILIO ANA MA KA OLELO BERITANIA.
KA HUMUHUMU I NA LOLE O KELA A ME KEIA ANO.
NA LIHILIHI
i ulanana akamaiia e na lima eleu o na haumana
-a me na-
Kumu Lede o ka Ehukai o Waialua!
Mahope o ka hoike, e kuaiia ana na lole o kela ano ke a ano a me na Lihilihi, ia mea aku a ia mea aku, na mea nani i hana akamaiia.
E nee mai e na makamaka i olioli pu kakou. E HOOLIIOIA NA LOAA no ke kuai ana i kekahi o na ano MEKINI HUMUHUMU.
E weheia na puka i ka hora 6, i hoomaka ka hana i ka hora 6 1/2 P. M.- Uku komo, hapaha.
Waialua, Nov 11, 1872. 572 6t
J. NOTT & CO.
MA MEA HANA
TINI, KELEAWE, A HAO PAPAA!
Helu 9 Alanui Kaahumanu.
Ua hiki ia laua ke hana i na ano a pau e pili ana i keia laina, e lihe me ka
Hoomoe ana i na Piula Wai,
HAO A PIULA PAHA.
HAWAI PIULA NO NA HALE LAAU,
EIA HOI KEKAHI
Eia ma ko laua wahi i na wa a pau,
-NA-
LAKO PIULA
O KELA ANO KEIA ANO.
KAPUAHI HAO,
O NA ANO A PAU
A ME NA KUMUKUAI A PAU,
Papaa Kepau, Piula Wai,
Paipu Hao, Papaa Ziniki,
Pauma Wai, Ki Wai,
NA KAPU AME NA PAKEKE HAO!
Papa Holoi, Na ipu hao,
Hiwai Laho Lio. Pa Palai,
Kui kakia moena.
Na Papaa Hao Kaupaka Hale 26x84,
Na Palaki hamo puna me Holoi hale,
Na Ipukukui hele po.
A me na e ae he nui wale ke helu aku
573 1yr.
$1.00 no ka Holoku
-NA KO’U-
HALE KUAI LOLE,
-MA-
KAUNAKAKAI MOLOKAI!
E LOAA AI I NA MEA A PAU NA
LOLE MAKEPONO LOA!
I EMI LOA IHO KE KUMUKUAI MALALO O NA HALE KUAI E AE I
-MA NA-
POAONO A PAU LOA,
HE LA KUAI MANUAHI LOA IA
K.C. FOUNTAIN (UEKI.)
Kaunakakai, Molokai. 585 3ts
NA OLELO HOOLAHA.
HE UMI DALA: e uku @@@@ ia aku ai i ka @@@@ @ @@@@ @@ @@@@, @@@@ @@@@@@ @@@@@@, @@@ @@ (@@@ @@@ @ @@) @ @@@@ @@ @@ @@@ @@@@. Ewa, Oahu. S. W. MAHALUNA.
Novemapa 4, 1872
Nalowale a Aihuela paha!- Ma ka la @@ @ @@@@@@ @@ @@@@@ @ @@@@@ @@ @@@@ mai Pakaka aku, @@ @@@@@@@@ @@@ @@ @@ @@@@ @@@@@ @ @@@ @@@@ @@@ @@ @@@@@@ @ @@ @@@ @@@@. O ka mea e @@@@ ai @ @@@@@ @@@ @@ @@@@ Pakaka, e @@@ @@ @@ @@@ @@@@@@ @@ $@.@@.
Honolulu, Nov 4, 1872 (@@@ @@@) KINO PAKAKA.
E IKE mai amo kanaka a @@@ @@@@ @ @ @@@ @@@@ @@ @@@ @@@@ @@ @@@@@ @@@ @@@ @@@@ @@@@ @@ @@@@@@ @@@@ @ @@ @@@@@@ @@@ @@@@@@@ @@@@@@ @ @@@ @@@ @@@@@ @@@@ @ @@@@@ @@@ @@@@ @@@@@@@@ @@@@@@ @ @@@@@ @@ @@@ @@@ @@@, @@@@@, @@@@@, @@@@, @@@@, @@@ @ @@@ @@@. @ @@ @@@ @@ @@@@ @@ @@@@ @@@@ @@@@ @@@ @ @@ @@@@@@@@ @@@@ @ @@ @@ @@ @@ @ @@ @ @@ @@@ @@ @ @@@@ @@@ @@@@ @@@@ @@@ @@ @@ @@@@@@@ @@'@@@@ @ @@@@@ @ @@@@ @@@@@@@ @@ @@ @@@@ @@@ @@ @ @@ @@@ @ @@@ @@@ @@@@ @ @@@ @ @@@@ @ @@@@@@ @@ @@ @@@@@!
KISINIA KEKUUAHOP@@@@
Hoo@l@@@, Oct 31, 1872
E ike ananoei ua kanaka a @@@ @@@@ @ @@ @@@ @@@@ @@ @@@@ @@@@@ @@@< @@ @@@@ @@@ @@@ @@ @ @@ @@@ @@@@@@ @@ @@@@@ @@ @@@@ @ @@ @@ @@@@@@ @@@ @@@@@ @ @@ @@@@@ @@@ @@@ @@@@@ @@@ @@@@@ @ @@@ @@@@ @@@, la
Mrs. KAPAU,
no ka mea. ua haalele kumu ole mai oia ia'u, nolaila, aole au e hookua i kona @ @@ ale mai keia la aku. A o ka poe e hookipa @@@@ ma ke ano e ae, e hopii no wau ma ke Kanawai.
KEALA.
Kahakuloa, Maui, Nov. 1 1872,
E IKE auanei na kanaka a pau, owau o ka mea nona ka inoa malalo iho, ke papa aku nei au i ka poe waiwai na haole, na pake, a me na kanaka a pau o kela ano o keia ano, mai hoaie mai oukou i kuu wahine mare la,
Mrs. Kapau,
no ka mea. ua haalele kumu ole mai oku ia’u, nolaila, aole au e hookaa i kona mau ale mai keia la aku.A o ka poe e hookipa iaia ma ke ano e ae, e hoopii no wau ma ke Kanawai.
KEALA Kahakuloa, Maui Nov. 1, 1872 571 2t
E IKE auanei na kanaka a pau, owau o ka mea nona ka inoa malalo iho, ke papa aku nui au i ka poe waiwai na haole na pake, a me na kanaka a pau o kela ano o keia ano, mai hoaie mai oukou i kuu wahine mare la MRS. KAMALI KAHALAUHINA.
Ina oukou e hoaie iaia, maluna no ona ko oukou poho, aole au e hookaa ana ia ale, no ka mea, ua haalele kumu ole mai oia ia’u, a i ko maua wahi noho. A o ka mea a mau mea paha e hookipa a malama paha iaia, e hoopii no au ma ke Kanawai, mahope iho o ka laha ana ma ka Nupepa Kuokoa.
O. S. KAHALAUHINA.
Makailo, Maui, Nov 7, 1872 831 5ts
NA WAIWAI KANIKAU!
E LIKE ME NA
PEPA KAKAU;
WAHI LETA,
KULA PEPEIAO,
PINEUMAUMA.
E loaa no ma ka Hale Kuai Buke o
570 1m HENERE M. WINI.
LIO NALOWALE!
MA ka la 1 o Iulai i hala, ua nalowae he lio kane haulaula mai ka pa aku o Samuela C. Allen ma Honolulu nei. Ua kuniia i ka hao kuni ma ka uha akau mahope, he P; a he wahi keokeo uuku ma ka lae He keokeo kekahi kapuai o kona mau waewae hopea O ka mea e loaa ai a hoihoi mai ia Samuela C. Allen, e loaa ka uku kupono.
Honolulu, Okatoba 26, 1871 570 4ts
HOOLAHA
-A KE-
KEENA WAIWAI!
I MEA E MAKE PONO AI KE DALA A KA POE e makemake ana e hoopukapuka i ka lakou mau puu dala liilii, nolaila, e hoopuka ana ke aupuni na Bona o ke Aupuni Hawaii, ms na puu dala liilii he $100. $200, $500, a $1,000, me ka ukupanee ma ka 9 hapahaneri no ka makahiki, me ka ukuia o ka ukupanee i kela a me keia hapalua makahiki, ma ka waiwai io, he $100, no ka bona hookahi, a pale aku. E loaa no i ka poe a pau ka pomaikai ma ka hele ana aku i ka Waihona Dala Aupuni, no ka manawa aole e emi malalo o ka 5 makahiki, aole hoi e oi aku mamua o 20 makahiki.
ROBT STERLING.
Keena Waiwai, Sept. 20, 1872
HOOLAHA.
-A KA-
LUNA AUHAU.
-APANA O-
HONOLNLU, KONA, OAHU.
E HOOMAKA ana ka mea nona ka inoa malalo, e ohi i ka Auhau no ka makahiki 1872! Ma kona Keena ma Alanui Marine, (Aienui,) ma ka
Poaono, la 12 keia Malama.
No na mahele o keia Apana, a e hoikeia malalo iho, a o na mea a pau i ku i ka Auhau ma keia mau mahele, ke kauohaia aku nei e hookaa koke mai i ko lakou Auhau:
Maunalua, Pawaa, Kapalama-kai,
Kuliouou, Kewalo, Kapalama-uka,
Wailupe, Kulaokahua, Leleo,
Waialae, Kawaiahao, Kamakela,
Palolo, Pauoa-uka, Kauluwela,
Kalia, Pauoa-kai, Puunui,
Waikiki-kai, Moanalula, Maemae,
Waikiki-waena, Kalihi-kai. Niolopa,
Manea, Kalihi-waena, Puiwa,
Makiki, Kalihi-uka, Nuuanu-uka.
E hemo ana ke Keena Auhau i kela a me keia Poakahi, Poakolu, me Poaono, mai ka hora 9 kakahiaka a ka hora 4 ahiahi.
GEO LUCE,
Luna Auhau, Honolulu.
Keena Auhau, Okat. 8, 1872. 567-n.
Bipi Kuai!
Ma ka Poaono, Novemaba 16, ’72,
ma ka hora 10 A. M.
E kuai kudalaia aku ma ka Pa Bipi a Rev. L. Kamika, ma Nuuanu, e like me ke kauoha a Alapaki ka Lolo o Keoni D. Holo, he
60 Bipi Momona!
Ma ke Dala Kuike.
Aole e hoopanee ke Audala.
571 m. K. P. ADAMU, Luna Kudala
EIA, EIA, EIA MAI.
PULUPULUI SI AILANA!
E uku no au i 6 Keneta no ka Paona no ka Pulupulu Si Ailana me ka hua, ke laweia mai i ko’u Hale Kuai ma Honolulu. A lau ua wao mua la na malalo, e uku no au!
20 KENETA NO KA PAONA!
O ka paa e oukou i koa na Pulapula a waiho mau nei, e malama pono, hoomaloo a hoomaemae, a hoouna mai ia’u. E kuai aku ana au i na
PULUPULU SI AILANA
A PAU I HOOULUIA.
571 3m HENERE. N. WINI
NU HOU! NU HOU!
Ano ua Loaa mai a e Malama mau ia’na Makou
I NA ANO A PAU O
NA MEA HAO!
Na Palau, Oo Haole,
Huihuipalau, Kopala, Kope,
O, Kaulahao Bipi, Lei Bipi,
Lei Hoki, Ili Kauokaa,
Paahana Amara,
Opumakani, Kamaa Lio,
Kamma Hoki a pela 'ku,
KUI HAO O KELA A ME KEIA ANO,
PAAHANA KAMAA O KELA ME KEIA ANO,
NA MEA LAKO KUMEKA,
IPU-KUKUI, IPU-KUKUI IIELE PO,
IPU-KUKUI MANAMAMA,
AILA-MAHU O DOWNER
A ME NA PA-PALAI, &c.
Na Ipu Hao o Kela a me Keia Ano.
KA OI LOA AKU O KA MAIKAI a me ka nui O NA ANO A PAU O
NA MEA HAO, NA LAKO KAA,
PENA o kela ano keia ano, iloko o ka Aila a maloo no hoi.
AILA PENA MOA, AILA PENA MAKA,
MAKAU, AIIO LAWAIA,
UPENA A ME NA AHO UPENA.
KUKAEPELE PENA!
E KUAIIA ANA KEIA MAU MEA ME KA MAKEPONO,
MA KA HALE KUAI O
DILLINGHAM & co.,
Ma ka Helu 95 a me 97, Alanui Moi Honolulu, a me Kaipaiaoa, Hilo, Hawaii.
859 6m
HALE HANA KAMAA BUTI
-A ME NA ANO A PAU.-
AGTU PAKE.
NO KA HANA ANA INA
HILA AULII MAIKAI
EKOLU-HAPAHA.
No ka luana ana i na Kamaa Kahiko me na ili Farani me ka oki una ina he loihi a pokole paha.
E HELE MAI OUKOU.
No na Kamaa a pau a’u a hana ai no oukou mai keia la aku, a ina e ikeia ka paa ole o ka hana ana iloko o na mahina elua, alaila e hoihoi mai na’u e hana hou. Ke ano kahuli ka Hila, a hemo paha na Ili a me ka humuhumu ana. alaila e hui pu ma ka uku i olelo mua ia. Alaila o ka mea nona ke kamaa e hele pu me a’u i ka Hotele e ai a maona, a na’u e uku me ke kika manuahi, me ka holo pu i kuu lio o hookahi hola. E ai me ka lulu lima ke aloha. O na kamaa i hala-na mahina ekolu aole e kii ia mai alaila kuaiia ma ke kudala no ka hala o ka manawa. He nui na Ili Noho-Paniolo, Kaulakeehi, Ili Pale wawae, me ka uku haahaa loa. E hele mai.
NO. 65, Alanui Nuuanu. AGIU PAKE.
557 6m
AGIU & AKIONA.
O MAUA E WEHE ANA I
HALE PAI KII
-No na mea a pau-
MA ALANUI NUUANU, HELU 65.
E loaa no na ano a pau o na Ku maikai loa e like me ko oukou makemake. E @@@@ia no a maikai kupono no ka uku @@la loa.E hele mai. O na lole komo i ka wa e pai ai eia no ia maua. I ku pono no na kane a me na wahine. Na kuka paina kakua ano Kaleponi, Kuokoa, Kaulawai, K@@@@-@@@@ a me na ano hoonani a pau, ina ua uhi wahine o na ano @@ a pau, a me na peahi maikai a me na paa hoonani maikai. E paila no na Kii pepa a me na Kii aniani, e like me ko makou makamaka. Keikei paha, eleele paha, ulaula paha. Ma ka wa e pai ai no ii e hookaa mua ia ka hapalua o ka uku, a paa ke kii maikai no loa alaila lawe ke kii. Me ka mahalo. 587 1t
JUDD A ME LAYTON.
[@@@@@@@@@@@]
NA MEA KUAI MEA AIONE LAKO AI A
a pau ua @@@ aku a me ua @@@ hooma@@@@@ Ke Kaiapuni @@@@@ a ka Hale @@@, A@@@@ Papa, Honolulu.
676
He Mele Lahui Hawaii.- O keia mele i haku @@@@ la e Hon. K@@. L@@@ K. @@@@@@, ua @@@ mai nei @@@, ke ka@@@@@@ a ua hopu o keia mele @@@@@@ @@@ K@@@@@@ @@@ @ @@@@ me ka @@ @@@@@@ @@@@@@ @@ @@@@, @@@ ma ka Hale Kuai @@@@ @ (@@@ @@@)
H.M. WINI.
PAPA KUHIKUHI MANA HOLO
-O KA-
MOKUAHI HAWAII
"KILAUEA"
Novemaba 4 no Kona.
Novemaba 11 no Kona.
Novemaba 18 no Kona.
Novemaba 25 Kaapuni ia Hawaii.
Dekemaba 2 no Kona.
Dekemaba 8 no Kona.
Dekemaba 19 Kaapuni ia Kauai.
Dekemaba 23 Kaapuni ia Hawaii.
Dekemaba 30 no Kona.
Kuike na uku ohua
HAMUMUA G. WAILA.
Agena.
570- 2cm
BUKE HIMENI.
NO NA HOIKE NUI.
HIMENI LEALEA,
CONCERT, &c, ’&c.
A me ko Lakou Kumukuai Pakaha.
Home Circle, vol 1… $3 50
Home Circle for plane forte vol 3… $3 00
New Method for Plane Forte 4 00
Schineider's Practical Organ School… 3 50
Shower of Pearls… 3 00
Art of Singing… 2 50
The Silver Chart 2 50
The Plymouth Collection Hymns and Tunes 2 50
The Grammar School Chorus… 2 00
The American Tune Book… 2 00
The New Carnton Sacra… 1 75
The Key Note… 1 75
The Judder…. 1 75
The Anthon Deceiver… 1 50
The Plymouth Collection Hymns 1 50
The Shaver 1.50
The Cherish Melodies Hymns and Tunes 1 50
The Glue Rive 1.00
The Golden Wreath 1 50
The Golden Shaver and Cermer 1 00
The Golden Trso… . .75
The Silver Sons… .75
The Silver Late… .75
The Silver Bell… .75
The Pete Goki .75
The Pearl… .75
The French Laurets .75
The Happy Voices .25
The Song of Glucores .75
The Morning Bear… .75
The Banks of the Maime .75
Nine 'o clock in the morning… 75
Childs First Mania Book .75
@@@@@@@@@@@@…. 75
The Dime Magic… 75
The @@@@@@@@@@@…. 75
@@@@@@@@@@@@@@@…. 75
@@@@@@@@@@@@@@@@@.. 75
@@@@@@@@@@@@@… 75
@@@@@@@@… 75
@@@@@@@@@@@@@@@@… 75
@@@@@@@@@@… @@
Tuning Book… 7
O keia @@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@
H. M. WINI