Ka Nupepa Kuokoa, Volume XI, Number 44, 2 Nowemapa 1872 — Page 6
| This text was transcribed by: | Brenden Uemura-asao |
| This work is dedicated to: | Kamehameha Schools Maui High School |
Ka Nupepa Kuokoa
KE KILOHANA POOKELA NO KA LAHUI HAWAII.
[Translation]
A Dirge for Mrs.Coan,
Composed by request for the Church and friends at Hilo.
Tune, A Mother’s Kiu,-Golden Robin
1.
What hand is this stretched from above,
From where kind spirits blend?
It is a hand let down in love
To bear away a friend.
A stranger friend she came to us
From homes beyond the seas,
And moved by love she said with us
To teach us words of peace.
2.
Long she abode in our domain,
And domiciled with us;
A mother teacher she became,
A kind and tender nurse;
A mother dear and much beloved,
A guide both safe and sure
O’er verdant fields with flowers perfamed,
By waters still and pure.
3.
Look upward, lo; what sight is this?
A shining cloud appears,
It floats, and thence an angel’s voice
Falls on our listening ears;
O friend beloved, there’s waiting nigh
An angel carr for thee;
Take passage, and ascend on high,
To the world thou long’st to see.
4.
Hark! Hark! What notes are these we hear?
They are deep sorrow’s wails;
They roll, and swell, and fill the air,
And echo o’er the hills-
The angel choir has borne away
From children weeping here
A mother whom they loved to obey;
A mother teacher dear.
5.
Our mournful tears are flowing fast,
And falling here and there,
For thee, our mother in days past,
Our leader kind and dear,
We bend in sorrow o’er one loved,
Our grief for thee is great-
Thou came’st, and we together moved;
But now we separate.
6.
Hark! Hark! What bell is tolling us?
It is a mournful bell:-
Gather together in God’s house-
It is the funeral knel.
We listen and together come,
Dear friends the summons heed;
And draped in mourning, to the tomb
We march with sorrow’s tread.
7.
Mournful we move, and all are hush!
Angels are looking on,
And Jesus comes to walk with us,
And comfort those who mourn.
The halls and vales, and streams that flow,
Together with us mourn.
The loved one’s form is lower’d, and lo!
The clouds are dark’ning round!
8.
But look again, the clouds have flown,
And lights breaks thro the gloom;
A voice exhorts with gentle tone,
O cease, ye friends, to mourn.
The dear and much beloved one
Lies not in this drear tomb,
She’s risen and to heaven has gone,
With Jesus she’s not at home.
Hawai’i
[unuhiia]
Ke Kanikau no Mrs. Koana,
I hakaia ma ke aolia mai no ke ekaleaia
Me na makamaka o Hilo.
Leo, A Mother’s Kia,-Golden Robin.
1.
He lima aha e o nei
Mai laoa mai kea o?
He lima kii e lewe ae
Kekahi hoahanao.
He hoa malihini nei
Mai kahi loa mai no,
Aloha nae a noho mai
I kumu no kakou.
2.
Ua noho a loihi no,
A kamaaiaa pu,
A lilo i makua ao,
A hanai ia kakou;
Makuwahine makamae,
A alakai maikai,
Ma kahi kola uli e,
A ma na wai maemae.
3.
E nana, e, heaha nei?
He ao olino e,
Ke kau la, a noloko mai
He leo hea mai;
Ke hoa aloha, ke ku nei
He kaa anēla nou;
E ee maluna, a pii ae,
Pii i kea o ma o.
4.
Hamau! He lohe aha nei?
He olo pihe no;
U olo ae, n kupinai
Maluna o na puu-
Ua kai na anela aulii,
Mai na keiki ae,
I ka makua aloha e,
Makua ao maikoi.
5.
Ke kahe nei a helelei
Na u waimaka e
Nou, ka makua aloha e,
Ko makou alakai-
Ke haalou nei, a hu ka awe,
Pau mako e makou!
Hoea a noho pu mannei,
Kaawale nae ano.
6.
Hamau! He hele aha nei?
He bele kaninau-
E hui ma ka halawai
Hoolewa kupupau.
Ke hui nein a hoahanau,
Na hoaaloha pu;
Paa i ka lolo kanikau,
A nouwe a kakou.
7.
Ke nauwe kanikau hamau-
Nana na ānela,
Me Iesu hoi ke hele pu,
A, nana e hoonā.
Na puu, na awawa a kahawai
Ke kanikau pu no.
Ka mea aloha ua nalo ae,
Pōuli mai no ao!
8.
E nana hou, ua hee na ao,
Poha he lama’e;
He leo paipai olu no,
E pau, e pau ka uwe-
Ka mea’aloha makamae,
Aole ia niaanei, ua lele i kea o maikai me Iesu e Maha’i.
Hawaii
Nu hou mai Maikonisha mai.
I ka la 27o Augate, ua palapala mai o Rev.J.F. Wini, ke kokoolua o Rev.B.G. kano, ma Ebona, ia Rev.J.F.Pogue.
Olelo mai o Mr.Wini, ua ku ma Ebon aka moku Manawa Amerilia Narragarsett kona inoa; a e holo koke ana i kikane, a e hiki iaia ke lawe i ko lakou eke leta.
Ua ku mua keia moku Manawa ma Aapiana-a malaila ua halawai me ka moku hokuao, a me Rev.W.R.Alekanedero, ka Elele o ka papi Hawaii.
Akahi no a lohe lakou i ka meke o Rev.H.Aea. Olelo mai o Mr. Wini, ua mahaloia o Rev.H.Aea, no kona noho pono ana iwaena o kolaila poe hupo; a no kona ikaika, a me kona Akamai e ao aku i na haumana. Nui ko lakou makemake i mau kumu Misionari hou e pani i na hakahaka; a e komo hoi kekahi Mokupuni hou aku oia hoi, o Areno.
Penei ka leo kahea o kekahi Alii ma Areno ia Rev.B.G.Kano. “ Aole au makemake i na dala, aole au makemake i ka waiwai, aka, ke makemake nei au i kumu ao, e ao mai ia makou ma ka pono”
Me ka uwe waimaka kona noi mai ana i kumu ao.
I mai la hoi o Mr. Wini, na holo no ka hana a ka Haku ma Ebona; ke hoi mai nei kekahi mau hoamahanau i auwana aku ai; a ke launa mihi mai nei hoi kekahi poe hou.
La Rev.J.F.Pogue, kekahi palapala, mai Bonebe mai; Ua kakauia e Rev.A.A.Tuneke, i ka la ii a Mei, 1872. Ua pilikia na kumu haole ma kela mokupuni. Ua nawaliwali o Mi. Donne wahine, a ua maopopo Bea ia lakou aole hiki iaia ke noho ma keha aina. Nolaila, e hoi mai ana laua ma ka moku hokuao.
Nani ka polilikia o na miaioaari ma Bonebe, no ka nawaliwali o na wahine.
Aia o tureke wahine ma Amerika i kaia wa, e imi ana i ke ola o ke kino. Loa e hoi mai o Mr. Doane Kane, me kana wahine. Alaila, o Tureke kane wale no koe, e kiai, a e ao aku ai, i na kanaka ma kela mokupuni. Eha mau ekalesiu okca-a 700 a keu na hoahanau; he mau kula la kekahi, a he mau kula sabati kekahi; he nui wale ka hana, a ua pilikia maoli o Mr. Tureke. Auhea kekahi mau meu piha i ka Uhane o Kristo e hele a hapai pu i kela hana nui a maikai hoi? Loa aole he kahuna haole,-pehea ko Hawaii nei poe kahuna? Aole hiki pono anei i kekalii o ou-kou ke hele a kokua?
Ia Rev.J.F.Pogue hoi kakahi palapala mai S.P. kaaia, na Namerika. Ua kakauia i ka la ll o mai, 2872. Eia no kekahi mau pauku, noloko o ua palapala la.
Ekalasia.-Oia mau no ko lakou noho ana. He 4 nae hoahanau a makou i ka paeia, no ko lakou launa ana i ka mea kue i ka pono ia maoli. Elua ka i hooleia i ka M.H. 1870, aole i hoi mai. Ke launa mai nae ma na hana pono. A ke kupaa nei 25 hoahanau iloko o ko Iesu ekalsia. Aole i komo hou mai kakahi poe iloko o keia mau M.H.2.
Aole malanaia ka ahaaioa a ka Haku ma keia kitaoai no na makahiki elua; nolaila ke komo ole mai kekahi poe hou. Nui na hooikaika ina keia kihapai.
Kula Sabati.-Nui na haumana ma ke Kula Sabati; aneane 200, me na kumu 32. Nui na elemakule a me na opio ma ke kula Sabati.
La Sabati.-Aneane pau loa main a kanaka ma ka halawai nui i ka la Sabati; 300 paha a oi aku. Maluhia ke Sabati, aole haunaelo. Launa mai paha ka Uhane, no ka mea, ke holo mai nein a hoomaloha i ka poao o ke akua.
Loaa mai ka S. Kahelemauna leta in mana; e hai mai ana i ke aao o ka hana ma Mile. “Ke holo la no, ke launa mai kanaka ma kea o kula,” Wahiana. Ke hoomaau la kekahi kapena moku ia mana. O ke akua nae ke kokua, kokoke loa i ka wa pe pilikia.
Pela hoi o leremia, ka paahana ma mejeno. Loaa mai kaoa leta ia’o. “he 12 haumana, 7 alii, 5makaainana ma the ao kula.”
Lohe mai au ia G.B. Kano no na hana ma Ebona. “Oia mau no.”
Na jaloita kekahi. “Ua launa olaola na kanaka ma ka hana pono.” O Uatu ka paahana ma ia kihapai.
Nani ka nui o koke Akua lokomaikai i ke kokua ana mai i kana mau kauwa liilii. Loa launa nui mai ka Uhane Hemolele me kakou, e pau auanei ka pouli o na kanaka.
Oluolu ko maua ola kino me kau wahine, aole nawaliwali. E hai aku i ko maua aloha i na hoahanau ma ko Hawaii Pae Aioa. E aloha aku i o’u mau kuaana, pela i na makua ma ke kino-i na ‘lii a me ka Moi Kamehameha V.
Ke nonoi aku nei au ia oukou a pau a pule nui i ka Haku, e ninini nui mai ka Uhane ma na kihanai o kakou i pau no ka pouli o keia lahui pegana.
S.P.Kaaia.
Na Ouli o ka Manawa.
(E REV.E.BONA, Kahala.)
He ano e keia wa e noho maei, i na wa e aku a pau loa, mai kinohi mai. He wa makoala, hoeueu, hoolalelale, hooke, hooikaika, hiamoe ole. Oia iho la kona ano. A he makapo k mea ike ole, a hoomaopopo ole ia mea. Me he mea la i ka nana’ku; o ko Iehova leo kahea keia, e kupinai ana ma na kihi a pau o ka honua nei; he leo hooala hoi i kanaka a pau e hoomakaukau no ke kaua hope, mawaena o ka pono a me ka hewa, i makaukau hoi ko na aina a pau no ka Milenio e kokoke mai ana.
Aole hoi o kakou e pono ken oho nanea wale i ka wa me keia! Ua bapetizoia mai kakou iloko o ka inoa hoomalamalama! A ua hookomoia mai hoi iloko o ke aupuni naauao! Nolaila ea, me he mau keiki la no ka malamalama, me he mau hooilina la o ke aupuni naauao, he mea e hoohilahila ia mai ia kakou ken oho a hiamoe, a naaupo i ka ike ole i na Nu Hou, a ke akua e hana mai la, ia wahi aku, ia wahi aku, a puni ka honua nei.
Me he mea la, e o’u mau hoa iloko o ke aupuni o Iesu; he lea hooho ko na kuahiwi kekahi i kekahi;-a he leo ko na aina puni ole-he leo hoonani-a he leo ko na mokupuni, he leo lanakila; no ka mea, ke weheia la ke alaula! Ua ike lea i aka wanaao o ke aupuni mau.
A eia hoi ka ua leo la, “Ke hoomakaukauia nei ke alanui no kakou Haku! Ke hiki mai nei kona aupuni!”
E lawe kakou i ka Palapala Honua, a e nana i na Ouli o ka Manawa.
Aia no o Sepania, ke keu o na aina o Europa i ka hupo. Eia wale iho nei, a manoanou launa ole ka pouli o ka aoao pope i uhi ai i ua aina la, mai o a o. Ma kona kanawai, he karaima nui ka heluhelu ana i ka olelo a ke Akua, a o ka halepaahao, a o ka make, oia ka uku!
He aina nele i na kula aupuni ole’ nele i ka Nupepa ole, no ka malamalama ole; a he opala wale no kolaila makaainana.
A i keia wa, pehea? Ua ala na makaainana, no ka mea, ua puka ae kolaila la; ua no aka olelo a ke Akua, a ua auhee kakahi o ka pouli i kona mau kukana ola. Makau ole kanaka e kamailio! Makua ole i keia wa e heluhelu. Makau ole e hoomana i ke Akua e like me ko lakou makemake. Ua laha hoi ka Nupepa; a ua kukuluia na kula Aupuni; a ua pau hoi a mau loa’ku ka nakinaki ana o ka pope i ka uhana o ko Sepania me na kaulahao o ka po.
Ma Farani-ua pao ka mana lanakila o ka pope; a kea la ae la ka mana o ka Euanelio.
Ma Italia-aole pope ma ke poo o ke aupuni. He aupuni naauao no kona e noho nei; e imi ana i ka pono o ka nui o lakou.
He mea e ke ku ana mai o ka ake naauao-a laha ka Nupepa-a kukuluia na kula makaainana-a no aka hoomanu-a holo ka Baibala. He buke ia i hook a puia a hiki i keia mau makahiki iho nei. I keia wa nae ua kuai aku ia oia kokoke i ka luakini o na Petero. O ka noho alii o ka Pope ua pau ia i ka hoolahuliia-a ma na alanui o Roma ua hai keakea ole ia’ku ka Euanelio o Kristo. E! Ke holo io no ke aupuni o ke Akua!
A ina e nana kakou ma Geremania he mea e ka nani o ka Iehova hana ma ua aina la iloko o keia mau makahiki kokoke iho nei! Ma keia kaua hope mai nei me Farani, pio ke aupuni Pope hookah i koe ma ka honua nei, me ona ano hanohano, a ku mai o Geremania ke aupuni Pookela o Europa Okoa. He aupuni hole Pope ia, a nele ae la ka Pope i ke aupuni ole ma Eurapa. Aole no he wahi mea iki i koe o ia ano. A o ka mokuahana iwaena o ka poe Pope, oia kekahi Ouli kupaianaha ma ua aupuni nei i keia wa. He hoa no ia o ko ka Pope hookiakia ia ia iho maluna o na mea a pau i kapaia he Akua; oia hoi me he la e noho ana ia iloko o ka luakini o ke Akua, e hoike ana ia ia iho he Akua, e like me II Teselonike 2:4.
E kaha nui ana ua mokuahana nai, a o ke aupuni o ke Alii kekahi mea kokua i ka poe kue i ka Pope. Aole i maopopo i keia Manawa ka hope o na mokuahana la- aia no ia i ke Akua. Aole nae ma Geremania wale no ke kipi ana o kekahi o ka poe Pope; ma na aupuni o Europa a pau.
Eia kekahi mea nui e maoaoia-o na kula aupuni. O Geremania he aupuni keu i ka maikai o kona mau kula aupuni, ma Europa holo okoa. Moi ka wa kahiko mai, malalo i ho ua mau kula aupuni o na kahunapule. I keia wa mai nei no nae, ua lawe loa ia ua mau kula nei mailoko ae o na lima o na kahunapula, a eia no me ke aupuni wale no e aoia nei. A pela no ma Europa okoa. E hoopauia ana ko na kahunapule lawelawe ana i na kula aupuni. O ka mea no ia e, emi loa ai ka mana o ka Pope ma ua mau aina la a pau.
Ma Turke hoi kekahi. He aupuni Mahomeda, hiamoe iloko o ka hupo a me ka hewa mamua aku nei.
I keia wa hou mai nae, me he mea la, ua ala mai no ia i na kukuna malamalama a ka Baibala i hookomo ae ilaila. Kanawai ole mamua e like me Hawaii kahiko; i keia wa, ua maluhia, a ua noa na kanawai kue i ka hoomana Karistiano. O na kula hoi, ke niahuahua la no ma kekahi hapa o ke aupuni, me ka holo nu o ka naauao mai ka aina Karistiano ae, mai o a o. Ua emi lo aka maoa Pope ma ia aupuni ma hope mai o ka pio p Farani ia Geremania; no ka meu, he ma Farani ka i hooikaika malaila no ka e la o mamua’ku o ua kaua la, a pio hoi o 1872 nani nai.
Ma keia Manawa, o ka mana hole Pope ka mai akai ma ia oino, iloko o na mea pili i ka pono a me na mea e aku kekahi.
A pehea o Kina kekahi? He aupuni kahikiano ia; ua oo i ka wa ia Solomona. Eia nae he aupuni noho wale; ane hiamoe i na Keneturia i hala aku nei. Aole ia i holo imua; ua kapaia he aupuni hapi naaauao. He aupuni haaheo nae i kona manao iho, a haanou no hoi. He kue loa kona i na haole ili keokeo, a ae ole hoi i ka holo ana o koluila kamaaina i na aina e. Ua pau nae ia, a i ka koua me Beretane, komo na manuwa haole o kea o nei, a pau na kapu i hoonoaia.
Aole nae i makemakeia ka Nu Hou e kolaifa kamaaina. Komo nae ka malamalama, a i keia wa e noho nei, ua noa na kanawai hoomana, a ua maluhia ka aoao Karistiano. A kea la mai la no hoi ka aina e imi i ka Nu Hou o na aina e, a e holo aku imua ma na mea pili i ka pono, i ka naauao, a i ka waiwai.
O Iapana ke keu o na aupuni pegana aleu i keia wa. O kona hikilele mai no ia, mai ka moe Keneturia naaupo mai.
He mea e no hoi kona hoonoa ana i na kapu pegana, a oki anu hoi i kona kua kahiko i ka aoao Kristiano.
Eia wale iho nei no hoi ia, no kona hoomaopopo paha, o ka Baibala Karistiano ke kumu o na pono a pau no keia ao, a no kea o e hiki mai ana.
Nolaila ka pau emo ole iho nei o kona hoomaau i ka poe huli i ka pono o Iesu. Lalelale no ua aina la i na mea hoonaauao a pau.
Ke kukulu la i na kula nui, a kula kiekie ae, me ke kahea nui i na kumu kupono no ua mau kula la, no na aina naauao ae, me ka uku hoi ia lakou i ka uku kupono loa.
A ma kona wikiwiki, a hiki ole paha ke kali, he nui o kona poe alii, me kanaka e aku kekahi, o ke Aupuni e hoouna aku nei i Amerika Hui, a me na aina naauao e ae kekahi, e aoia ma na mea a pau i pili i ka pono o keia noho ana, me ka haokapu ole in hoi na mea pili i ka uhane.
O Madegaseka kekahi o na aina i ala nui mai iloko o keia mau makahiki iho nei. Ke hoike mai la kolaila misionari ma keia mau makahiki ekolu i kaa hope ae nei, 258,000 o ka poe huli mai ma ua mokupuni nui nei. Holo loa, a holo lanakila hoi ka Aupuni o ke Akua malaila. Me he mea la, ua ko k aka Palapala Hemolele, a hanau io ia mai ka lahuikanaka okoa i ka la hookah. A ke hoo mau la hoi ka Uhane Hemolele i kana ma ia mokupuni a hiki la e noho nei.
Ma Mesiko kekahi hana e a ke Akua i keia wa hoomakaukau. He aina Pope hupu kela, a holo ole ke kau wahi mea ano hoomalamalama. A i keia mau makahiki kokoke mai nai, ua koino io ka olelo a ke Akua ilaila, a ua ikea hoi kona mana, ma ka hookaa i na maka o ka poe makapo, a hoohuli mai hoi ia Iesu, i na meu he nui wale.
He nui ke keakea o ka aoao o Satana i ke Aupuni o Kristo, e like me ka hana ma na aina Pope a pau. Eia nae he man aka pono, a e holo ana no a hiki i ka lanakila.
Aka, aole law aka Manawa ke heluhelu liilii na aina pouli a ka Haku e hoomalamalama nui mai nei; ma na aina moana-na aina mauna- na aina anu me ka wela; e hoomakaukau ia ana ke alanui no Iehova, a no kana Kaiki no Iesu Kristo.
A ina e nana pu oukou me a’u i na aina naauao a pau, a mahalo i ka ikaika nui launa ole o kolaila poe i ka hoomoe i na mea nila a puni ka honua nei, a me na alanui hao kekahi e hoopau Manawa ai, me ka holo kiki o kona mau kaa mahu, he tausani a tausani; a ike hoi i na mokuahi nui, he hao kekahi, a he laau kekahi, e holoholo nei ma ke tausani no, ma ia wahi aku ia wahi aku; aole oukou e nele i ka pinau mai. :Heaha la kea no o keia mau hana ano e, a weliweli no hoi?”
A eia ka mea i ekemuia mai ia oukou. O keia mau mea a pau, he mau elele no Iehova; ke holoholo nei hoi ma ka honua nei e like me kana olelo e hoomahuahua i ka ike, a e hoohuli i na lahui a pau ia Kristo.
He oiaio nae, aole pela ka manao o na mea a pau nona ua mau mea la. Hana no kanaka ua mau mea la no lakou iho no, i mea e waiwai ai. O ke Akua me, ke lawelawe nei oia i ua mau mea la mamuli o okna manao, i mea hoi e holo ae ai kona pooo i na kihi a pau o ka homua nei. Kamaho no oia i kana haua Akamai mamuli o kona. Manao paa, e hoolilo i na aupuni a pau loa o ka honua nei nona, a no kana Kaiki no leeo Kristo no-No ka hea nana no ia i koai me kona koko poooi, a nona hoi na mea a pau, e like me ka hoohiki a Iehova ma Halelu 2:8.
A pehea keia Pae Aina, e o’u mau hoa lawehana ma ke Aupuni o Iesu? Pehea la ko oukou manao no Hawaii nei? Oiai ua ala ko na aina e a pau; a oiai hoi aole wa e like me keia, mai ia Adamu mai, ma ka makaala hiamoe ole; a ma na hana mau, a nui, a ano e, me ka hoomaha ole, mai o a o-pehea kakou?
Ua manaka wale anei, me ha mau kamaliila? E ake nui ana anei e hoomolowa a noho wale?
Eia nae ua komo koa kakou a pau no leau! A o kana kauha mai, ua maopopo no ia; “E paio mau i ka paio maikai.”
E, auhea oukou e na kahu, a me na haiolelo? E hoopau kakou i ka hiamoe! E imi nui hoomaha ole ma ka pule, i ka Uhana Hemolele, e iho hou me ka mana, maluna o keia mau ekalesia, i ike hou ia kana hana iwaena o keia mau apana; i bapetizo hou ia mai no hoi, ka poe haipule io a pau, mai ka lani mai, i makaukau koke ke alanui o ka Haku, a iho mai hoi e noho pu me kakou, o Emanuela, a i lohea koke mai no ka leo hoho, mai Kau a Niihau, “Ua hiki mai ke Aupuni o Iesu ma Hawaii nei!”
“E ka Haku, ke manaoio nei makou, e kokua mai oe ia makou i ko makou manaoio ole” Mareko 9:24.
He popo berena.
(No ka palapala Geremania.)
I kekahi Manawa wi, ua hoomakaukau ke kanaka waiwai he mau popo berena no ua kaiki ilihune he iwakalua; a waiho iloko o kahi hinai, a olelo oia ia lakou, penai; “Iloko o keia hinai he wahi popo berena no oukou pakahi. E lawe aku, a i ka hora e like me keia e hele mai i kela la keia la, a hiki mai ka Manawa a ke Akua haawi hou mai i kao ai.”
Lele koke na kamalii ma ka hinai, a huki aku, huki mai, a paio maluna o ka berena noka mea, ake lakou i ka popo nui a maikai hoi; alaila, hoi aku la lakou me ke aloha ole i ka mea nana mai ka berena.
Aka, o kekahi kaikamahine ilihune, o Maria kona inoa, ku kaawale iki ae, a, me ka aloha, ua lawe oia i ka popo berena i koe iloko o ka hinai; he wahi popo uuku iki no ia. Honi aku la oni i ka lima o ka mea i makana mai, a hoi malie i kona home.
A kakahiaka ae, hele hou mai lakou a pau, a hana kolohe hou e like me mamua. I keia la, he wahi popo berena uuku lo aka i koe no Maria. Aka, i kona hiki ana i kona hale, oki ae la kona makuwahine i ua popo nei, haule aku la kekahi mau apana dala hou. Makau iho la ka makuawahine, a olelo aku la, “Ehoihoi aku i na apana dala ano la, no ka mea, ua hookomo hewa ia paha iloko o ka berena.
Ua hoihoi aku o Maria i ua mau apana dala. Aka, olelo mai ka mea non aka berena; “Aole komo hewa no apana dala, e kuu kaikamahine. Ua hookomo au i ua mau mea la iloko o ka popo uuku, no kou aloha ia oe. Ina e mau aku kou oluolu, me ka paio ole, a me ka hakaka ole, no na mea i nui iki ae; e lona no ia oe na mea e pomaikai ai.”
Na olelo Wehewehe no na Oihana a na Lunalilo
MOKUNA VIII.
P.1 “E ae mai ana no o Saulo i kona make,” e apono ana oia i ko lakou hailuku ana iaia. Ua pili pono keia inau olelo i ka pauku hope o ka mokuna ehiku, aole h e pona ka hookaawaleia mai ia mukuna mai. “La la hoomaau nui ia mai la.” Ua hoomakaia ia hoomaau ana i ka la i hailukuia o Setepano. O ka hoomaau mua keia i ka ekalesia Keritiano. “ka eka lesia ma Ierusilo ma .” O ka ekalesia hookah wale no ia ia wa; aole i kukuluia kekahi ekalesia e ae. E like me ka hoao ana o na huloholona hihiu i ke koko a ire i ka ono, he mea ia e nui ai ka huhu, pela na hoomaau ana. Ua pepehi lakou ia Setepano, a e makemake ana lakou e pepehi i ka ekalesia holookoa. “Hoopuehuia ‘ku la lakou a pau ma na aina o ledea, a ma Samaria; koe no nae na lunaolelo.” Ua kau oha o Iesu i na haumana, ina e hoo maau ia lakou ma kekahi kulanakauhale, e holo aku lakou i kekahi kelanakau hale. Mat 20:23, a mamuli o keia kauoha i holo ai na hoahanau o ka ekalesia ma lerusalema. Aole i ike ia ke kumu i holo ole ai na lunaolelo. Aole o lakou he poe i hoolimalimaia, a nolaila aole lakou i holo i ka ike ana aku i ka iliohae. E like me ke Kahuhipa maikai, ua makaukau lakou e haawi i ko lakou ola no na hipa, Ioane 10:11, 16. O Iodea a me Samaria na wahi a lakou i holo mua ai. Ma ka pau ku eha, ua hai ia mai ua kauhele lakou, a ma ka Mokuna 11:19, na hoike ia ua hele lakou a hiki i poini a me Kupero.
P.2 “Hoolewa aku la kekahi poe kanaka haipule ia Setepano. O ke kanu ana i ka poe make, he hana pili hoomana no ia iwaena oka poe ludaio. “O na kanaka naipule.” Na kanaka i makau i ke Akua. Manao kekahi poe, aole lakou he poe Kristiano, aka, he poe ano maikai no iwaena o na ludaia. “Kanikau loa lakou iaia.” Ua like ka poe ludaio me ka lahui Hawaii ma ia mea, he nui ke kanikau ana ao na makamaka make aku. O ka enanelio, (Ka pono a Kristo) ma kona hoomaopopo ana mai i ke ola mau loa, ua hoopauia i ka nui o keia awe, a me keia kanikau ana.
(Aole i pau.)
HAAWINA KULA SABATI.
1872. Hapaha Hope. Olelo ao a Diuiela.
HELE XLVI Nonemahoa 17.
KE LU I KIPAKULA.
Pauku Baibala. Daniela 4:26-33.
26 a e like me ka mea i oleoia, e waiho ia ke kumu o nan a o ua Iesu la; eia, a ike oe no na lani mai kea lii ana, alaila e paa ai ia no kou aupuni.
27 No ia mea, e kea lii e, e haliu oluolu mai oe i ko’u manao, a e huli oe mai kou hewa mai i ka pono, a mai kou lawehala ana i ka manawalea aku i ka poe hune; pela paha e hooloihiia mai ai kou Manawa pono.
28 A kau mai no keia mau meu a pau maluna o Nebukaneza kea lii.
29 A pau na malama he umi kumamalua e holohoio ana no ia maluna o ka halealii o ke aupuni o babulona;
30 Olelo iho la kea lii i iho la. Aole anei keia o Babulona nui ka mea a’u i kukulu ni i hale no ke aupuni, me ka iakika o ko’u mana, a no ka hanohano o ko’u nani?
31 Aia iloko o ko kea lii waha keia olelo, pae mai la ka leo mai ka lani mai, i mai la. E Nebukanezi, e kea lii e, ua olelo ia ia oe, Ua maalo ae ke aupuni mai ou aku.
32 A e kipakuia no oe mai no kanaka aku, a o kou wahi e noho ai aia pu no ia me na holoholona o ke kule; a e hanaiia oe i ka mauu e like me na bioi akuo, a hala mai maluna ou na Manawa ehiku; a ike oe o ka Mea kiekie oia kea lii ma ke aupuni o kanaka, a e haawiia no ia i kana mea e manao ai.
33 La hora no, Ua koi a olelo maluna o Nebukaneza: ua kipakuia oia main a kanaka bipi kauo, ua pulu kona kino i ka hau o ka lani, a loloa kona mau maiuu ua like me na maiuu o na manu.
"KA NUPEPA KUOKOA,"
HOOPUKA MAU IA MA HONOLULU
I kela Poaono keia Poaono.
$2.00
No na mahina he UMIKUMAMALUA!
$1.00 no na mahina eono.
ME KA HOOKAA MUA MAI.
----------
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.
KANIKAU—he hapalua dala ka uku no ka aoao hookahi o ka pepa leta, oia hoi 4 keneta no ka lalani hookahi—penei: he 25 lalani, $1.00; 50 lalani, $2.00; a pela'ku.
NA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.
O NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA— me ke keena i noho mua ia iho nei e J.W. Aukina, maluna ae o ka Hale Leta. O na hora hana, ma ka eiwa o kakahiaka, a i ka ha o ke ahiahi.
H.M. WINI. (Luna Hoopuka.)
KA "NUPEPA KUOKOA."
Is published in Honolulu
EVERY SATURDAY,
$2.00 per annum, or $1.00 per six
months, in advance.
ADVERTISEMENTS not exceeding 10 lines, inserted once for $1.00; twice or $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line. PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription list, until paid for. This rule must be strictly adhered to, on account of the low subscription price.
THE OFFICE OF THE KUOKOA is over the Post Office. Office hours from 9 A.M. to 4 P.M.
H.M. WINI.
For the Publisher.
Volume I, II, and III of the KUOKOA, bound, for sale, $3.50 each.
Persons having complete sets of the above, can have them bound by paying $2.00 each.
NA BUKE HOOLAHAIA E KA PAPA HAWAII
Baibala Hemolele Nui ili eula nani me na kuhikuhi ma na a ao.....$12 00 " " Nui ili eleele kaekae wai gula.....5 00 " " uuku iki ihi " ".....8 00 " " Pananaiki iho ili eleele.....4.00 Kauoha Hou ili gula nani me na kuhikuhi.....3.00 " " eleele kaekae wai gula.....1.00 " " " ......75 Kauoha Hou Hapa Haole.....75 Lira Hawaii 1848 me ke kanawai......25 " " 1855.....25 Moolelo Ekalesia.....50 Haiao ili lahiahi.....10 Hele Malihini ana.....25 No ko ke Akua ano......25 Lira Kamalii......25 Hoike Palapala Hemolele.....25 Moolelo o Heneri Opukahaia.....25 Hoike Akua.....25 Weheweheia.....25 Ninau Hoike ili manoanoa.....25 " " " lahilahi....10 Kumumua Kula Sabati.....10 Buke Lawe Lima.....10 He Buke no ka Pope.....10 Ui Kula Sabati Helu 3.....25 " " " " 4......25 " " " " 5......25 Buke Euanelio a Ioane.....10 Himeni .....1.00 Himeni Ili nani.....1.75 Na Kauoha Hou Pakeke Ili Gula nani.....1.50 Ili eleele kaekae nani......50 Ili eleele......35 Kauoha Hou Pakeke me na Halelu Ili Gula nani.....1.75 Ili eleele kaekae wai gula.....50 Ili eleele......50 Na Halelu Pakeke Ili Gula nani.....50 Ili eleele kaekae wai gula......30 Ili eleele.....20 Ka Hae Hoonani (Buke Mele)......25 Buke Wehewehe Huaolelo Baibala.....2.00 " " " Ili nani.....3.00 Eia na buke haawi wale Palapala Liilii-- Helu 4--Makemake anei oe i ke ola Helu 6--E hele i o Kristo la. Helu 7--Ka hoi ana mai o ke Keiki Uhauha Helu 11--No ka hoohiki wahahee i ke Akua Helu 16--Ka Kehia ana o ka Ahaaina a ka Haku a ma ka Bapetiso ana. Helu 17--Mai hana ino i na holoholona Helu 18--No ka mahi ana, kuai ana a me ka inu ana i ka Awa. Ka Davida Malo Kumumanao. Ka Moolelo o Batimea Puaaiki. J. P. POKUE. Kakauolelo o ka Papa Hooko o ka Ahahui Euanelio o ko Hawaii Pae Aina.