Ka Nupepa Kuokoa, Volume XI, Number 43, 26 ʻOkakopa 1872 — Page 3
| This text was transcribed by: | Jesse Awa |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Kumumanao
He hoopunipuni ka naau kanaka mai a Adamu mai. No ka mea, i ko laua wa e noho ana ma ka kihapai o Edena, Olelo mai ke akua ia laua, o na laau a pau o ke kihapai nei ; ua noa ia ia olua, aka, o keia laau ea! mai ai olua i ka hua o ia laau, ina e ai olua he make ka hoopai. a mahope iho, hiki mai la ka Nahesa a hoowalewale ia laua, me ka olelo ana ia laau. he oiaio anei ; ua olelo mai ke Akua ia olua, aole e ai i ka hua o keia laau? Ae. Pane mai ka Nahesa, aole pono ke hoolohe aku i kana, ina i ka wa a ulua e ai ai i ka hua o keia laau, he oiaio e i ke pu ana olua me ke Akua, ka ike i ka pono a me ka hewa ; ia wa ai laua i ike io ai laau i ka hewa, a hilahila iho la, no ko imua ai ana i ka hua o ka laau a ke Akua i papa ai. Mailaila mai ka hewa a hiki mai la kakou nei. No ka lilo ana o na kumu i ka hewa, pela no hoi ia kakou, o ka hewa ka ke hanaka mea e hana ai, a mahope mai o ia ka hoopunipuni, he mea ia e uhi ana i ka hewa ana i hana ai, a me he mea la he ole loa, a lilo ka hewa i mea ole ia laau, a he oiaio wale no nia ka hoike ana i ke Akua.
Akahi. Heaha ia mea he hoopunipuni? "Oia ka hoolilo ana o ke kanaka i ka mea oiaio ole." E like me na loio, he mau loio hana pono kahi, a he mau loio hana pono ole, hana no lakou ma ka hana kekee no ka hana i waiho ia ma kona lima ; o ke kanaka i hewa no ke karaima a ofeni paha? a hiki i ka wa e hana ai imua o ka Aha Kanawai, nohela hihia ; ia wai i hana ai ka loio i kana hana ; o ka hoololi ana ina olelo oiaio i mea oiaio i mea oiaio ole, me ke ao-ao ana i na hoike o ka aoao i hewa, e pono e hoole aole i hewa o ia nei, a pela aku e hooiaio ai e!
Hoole ole ana oe,
Paa ka ole i ko waha.
Ma ia hana ana a ka loio, ua hewa ka mea i hewa, no kela hewa nui hiki ole ia ia ke alo ae, aka, ua lona iaia ka mea nana e pule ae i kona mau pilikia e!
Hihi kaunoa hihi i Mana,
Aloha wale ia laau makua ole.
Pane mai ka Buke Nui Hooweliweli ma kana. O ke kanaka i lolelua ka naau, ua lauwili oia i kona mau aoao a pau.
O na loio hoopono, he makua lakou i na kanawai o ka pono io maoli e like me Linekona kona imi ma ka hoopono a he nui wale aku oia ano. O Ludona kakahi o na loio hoopono makau i ka hewa.
"O ka mea oiaio ole hoi, i mea oiaio." Aia i ka wa a kekahi kanaka e manao ana e holo i Oahu, a ninau mai ko laila poe, pehea ka hana a ka haku nia Lahina? Olelo aku keia, ua pau loa na kanaka i ka huli i ka pono o ke Akua, a me kana olelo, aka,aole he oiaio oia, he hoopunipuni no ia. Ua like ke kanaka i holo i Oahu me ka Nahesa, ka hoololi i kona mau helehelena e like ole me ku wa mamua ne ; ana e ike ole ai i kana mea e manao ai e hana. A pela no hoi o Mahometa, ka makua o ka waha hoopunipuni, i kona olelo ana i na kanaka, hookahi Akua, oia ke kaula, olelo oia owau ka oi mamua o Mose a me ko Kristo kaula ana, hoele oia i ka Baibala, olelo aku oia i na kanaka no kona pii ana i ka lani a ike oia he wahi nui o ka lealea, hooholo lio oia malaila, a me na mea e ae ana e hoopunipuni mai ai. Ua like ka hoopunipuni i ke kanaka, me he uhu kai la no Makapuu, ka mikomikoke ai aku.
"Kai hoi ka ono o kuu puu la.
I ka uhu maalo i kuu maka la."
Pela no hoi ke kanaka malihini e hele ana i ka hale o kekahi kanaka malihini e hele ana i ka hale o kona makamaka a poeleele e, hiki i ka hale o kekahi kanaka, a ninau aku. Auhea ka ala e hele ai a hiki i kahi o mea? O ke ani mai la no ia o ka lima o keia kanaka me ka leo ole mai, hele aku la keia malihini a hu hewa ana n ʻ a kulakula, o kana mea ia o ke aloha ole, o kela kamaaina i ka ua nei ninau aku e! Auhea ke alanui?
O ke ani peahi hoi ka i ala
A Puuloa ka huila olepe i ka makani.
E pono e kuhikuhi pololei i na malikini i pono ai, e like me ka Baibala ke kuhikuhi pololei i na mea a pau o ke ao nei.
Elua. Heaha ke kumu o ka hoopunipuni? "O ka hewa ke kumu o ka kumu o ka hoopunipuni." Aia i ka wa a Kaina a me Abela, i lawe aku ai i ka laua mau mohai i ke Akua, a ike ke Akua i ka maemae o ka Abela mohai ; hoomaikai mai la i kana : a hoino mai la i ka Kaina, mahope mai huhu o Kaina ia Abela, no ka lilo ana o ka hoomaikai no ka Abela mohai ; a pepehi iho la o Kaina ia Abela a make ; mahope ninau mai ke Akua ia Kaina no Abela ; Olelo aku o Kaina i ke Akua, aole au i ike ia ia ; a owau auanei ka haku o kuu kaikaina : no ka makau keia hana ana a Kaina imua o ke Akua : no kena pepehi ana a make o Abela, o ka pepehi ke kumu, o ka hoopunipuni mai mahope, i pakele oia i ka uku hoopai mai ke Akua mai ; aka, ua paa no ko ke Akua manao e make ia ma ke kuewa ana maluna o ka honua a hiki i kona make ana. Olelo iho o Kaina me ka leo hoalohaÕloha.
"Ke ku nei au e hele e,
Alau ka make auanei ino.
O ka poe ino o lakou nei e,
E mana ana ka ia Õ u e hele au."
O ke kanaka aihue hoi no kekahi puu dala o ka hale o kekahi kanaka waiwai, me kona manao e loaa ana ia ia ka pomaikai ma ia hana ana on a, aka, na kokoke ia ia o Hoelehelehekii ka laau a ke Kuaokalani. A ia loaa ana o keia kanaka aihue, laweia i kahi o ka Lunakanawai, a hookolokoloia a ku ka hewa, hooukuia he makahiki e kana ai i ka
hane oolea, a i ka nana ana o ke kanaka hewa i kona pilikia.
" Hali halo ia kaua wahi awa,
Halo na lima o ka hau o ka lena."
Ua like ka ino o ia hewa me ka pali nui e ku an imua ona. E like me Adama i haule ai i ka hewa, pela kakou e noho nei i keia wa. O ka hewa ua ono ia i ko kakou mau puu, na kanaka o keia ao. E hao ana na wahine, a me ua kane, in a kahiko o ke kino lepo, a kakou e hoomakaukau nei i na kahiko o ke kino me ka hoomaunauna ana i ka olelo a ka Mea Keikei loa, manao kakou na kakou ponoi no ia lako kino. Hao wale ana oe in a palena o Haupu i ka makani, na paalole maikai, kamaa, papale.
"Hao na kepa o ka hau o Lihue.
Huki i na kaula waha o Haleauau.
Mokuumoku i ka holo ino a Kalena.
Ke holo wale la i ke kula o Kanoenoe."
O ka aihue, a me ka pepehi kanaka, a me ka apuka o ia mau hewa moekolohe a pela aku, o ka hoopunipuni ko lakou alakai mua ; ke hewa ke kanaka, o ke hewa ka hikimua, o ka hoopunipuni kona ukali.
Ekolu. Heaha ka hope o ka hoopunipuni? "O ka make o ke kino." Oia ke kaawale o ka uhane mai ke kino aku. Eia ke kumu e kaawale ai, o ka hewa a ke kanaka e hana ai, o ka make kona ukali. No ka mea, o ka make he mea ia i ike ole ia e ke kanaka, me he aihue la i ka po. E like me ka uku o ka hewa ; he make kona hope. O ka makee i ko hai waiwai, ke apuka ; a pela aku. Moekolohe, pepehi kanaka, aihue.
Hiolo na wainao a ke kehau, ka hele ino o na kanaka Hawaii i keia mau mea ino wale he lehulehu i haiia aku la maluna, me he kuaua la no ka hooilo.
"Ka nei halulu iluna o Waialoha.
Kauwe hoi a ka nalo i waahila."
Ka eha hoi o ke kino i na hoopai ino o keia ao a me ke kupaka mau i na eha o ka hewa. Ke olelo mai la o Solomona ma kana. Auwe oe i kou hope, i ka pau ana o kou kino, a me kou io.
"O ka make o ka uhane ma kela ae." O ka make o ka uhane oia ke kaawale ana mai o ka uhane mai ke Akua mai, o ka hana o ka uhane o ka poe pono ma kela ao, he noho ana oluolu ; he wahi maemae ko lakou i hoomakaukauia e!
Maemae ke kui ka pua o ka hala.
O ka uhane o ka poe hewa, he auwe mau i ka poe hewa malaila e kupaka mau ni i kela wa i keia wa hiki i ka hopena. Malaila ae la, ua maopopo ia kakou ke ino o ka hope o ka poe hana i ka hewa. Oia na une ino o ka hoopunipuni. Ua like ka hoopunipuni me ke Koloka e uhi ana i na lole haumia o loko o ke kino o ke kanaka, i mea e nalo ai na mea ino o loko. A, he hoopumehana kekahi hana a keia lole o ke Koloka i ka wa e anu loa ai ke kanaka. Nolaila, e o ʻ u mau pokii, e makau i ka hoopunipuni, he mole awahia kona mahope mai, a me o ʻ u makamaka kekahi, e pono e makau i ka hoopunipuni, mai hoao aku ia ia o kue auanei me na hoa. No ka mea, ua hala o Nana ka manawa malie, o Ikuwa keia he malama ino. W.S. Lokai.
Kahuku. Koolauloa, Oahu.
E ala e Hawaii Kuauli
E ke Kuokoa E ; Aloha oe:
Eia ka makani kipe pua hala o Puaki, a me ka ululehua o na pali, ke hele aku la e noi i kou ahonui a me kou lokomaikai ; I na he mea hiki ke hoike houia keia manao ma ke akea o keia Lahui, e like me ka mea i hoikeia maluna.
E ala e Maui o Kama, e al e Molokai a Hina, me Lanai o Kaululanu, me Oahu o Kakuhihewa, e ala hookananeo wale mai o Kauai o Manokalanipo, puoho wale mai hoi o Niihau o ka ili keokeo ; E ala like mai kakou a pau e ka Lahui kanaka Hawaii, a e noonoo i kou kuleana, a me kou ano maoli i hookaeia e na Luna Makaainana a oukou i koho ai, me ka haalele ana i ko oukou mana.
Nolaila, e ala oe e ka Lahui, e ala a e noonoo i ko oukou pono, a me ko oukou pomaikai ma keia mua aku, a mai manao oukou no ke aupuni ka hewa nui, a me kona mau paahana. Aole wau i manao pela, aka no ka poe hoauwaepuu e pelu ana i ko lakou mau olelo me he nahesa la, oia hoi ka poe a oukou i koho naaupo ai, a me ka poe naauao, a mahope papapau oukou i ka noaheiia me na upena a ke Diabolo, a noho oukou iloko o kona waha nui, a o ko oukou hopena he hopena awaawa, a me ka muemue, he puni ka ume i na ihu e ume ai, he ume ka hoi ka ua mea he naaupo, a he lalau, a he noonoo ole i ka wa koho.
Nolaila, ke noiia aku nei ke ahonui o na makaainana o keia Lahui, e huli mai e nana i ke ano maoli o ka mea a oukou e koho ai me ka pololei, aole pono e koho i ka poe lealea, inu rama, a me kela ano mea ona keia ano mea ona, o inu auanei a ona, a hele i ka hale Ahaolelo e ko ʻ u naaupo ai kahi waha, a mahope o wale ae no kahi lima i luna i ka lani e kau ai me ka ike pono ole iho i ka pono, a me ka hewa oia e lima ana.
No ka mea, aia ma ka waha o na L. M. ko kakou pono, a me ko kakou ola, a me ko kakou make, pilikia, a hou hewa, a na wai la e hoopakele ae ia kakou mailoko ae oia lua mimile aole auanei na ka poe ike, a me ka poe aloha ia kakou na makaainana o Hawaii nei.
Nolaila, e pono ia kakou e noonoo a e inakaala, a o ka poe mua i hele mai nei a hoi akua la me ka nalo ima o oukou na makaainana ea, kipakuia mai, mai koho hou ia lakou, mai puni kou i ko lakou leo, kue aku, pale loa a noi aku i ke Akua Kiekie loa nona na laoi o na lani, e noi aku i kona aloha i kanoka haipule ka mea ku mai i pale no ko oukou mau hoookaumahaia.
E na makaainana o Hana, e noonoo a e hoomaopopo oukou i keia leo uwalo ma ko oukou mau pepeiao, e koho i kekahi keiki papa o ua naina la. He keiki opiopio oia, he naau hoopono, ua makau i na hewa, a ua loaa iaia kekahi kulani nani, a me ka hanohano o kona ohana, ke like nae ko'u manao me kuna, a owau no ka luna hooponopono malalo iho on a, ke hiki mai kla makahiki 1874.
Noalila, e nana i na poe kueia ko lakou mau inoa ma keia pepa mamua aku nei a e nana mai i ka poe maikai i koe i kakau ole la e a'u mamua, oia hoi o Matina, Paikuli, Kekoa, Kaiue, o lakou nei eha, o lakou no kekaha i haihai mamuli o na makaainana o ko lakuou mau apana koho, nana lakou i hoouna mai, e pono no e koho hou ia lakou, no ka wa koho balota o ka makahiki 1874, a mai poina oukou.
Nolaila, imua ou e kuu Lahui, a me kua aina aloha, e nana mai i kei, o kakou nei no na makaaainana, he poe kupa, a he Lahui kananaka a ke Akua i wae ai, a i aloha ai hoi, aka, o Kekahi poe o ko kakou io, a me ko kakou koko hookahi, ke ala mai nei lakou e kue, n e hou mai nei ia kakou me na ihe oilua a ka make, a me ka pilikia i ike makaia, me ke aloha ole ia kakou.
Nolaila, ke kau leo aku nei ko oukou makamaka aloha, he pono ia kakou ke noonoo a e hoomaopopo i ke ano o ke kanaka , a me kana mau hana. A malailia no e hoomakakiu ai, a e hakilo ai hoi, ma kona helehelena, he mea ole na olele akamai, he iwi io ole na oielo pero, a he hauna na olelo pahee, aka, o ka mea olele ma ka oiaio a me hoopono, a maku aku i ke Akua, me ka haipule io, mihi io imua o kona alo, o ke kanaka pele na ano, na ouli, na helehelena, haahaa, na oleleo, kahaia aku ia lakou, a i puka ea, hoohikiia iho ma ke Kauoha Kahiko me ka wehe ae i ka mokuna 20 o Pukaana pauku 7, o ko ke Akua mau kanawai, a o ka lima akau ke ka'u.
A mahope poi ka buke, a kau i ka lima hema mawaho o ka ili o ka buke, a no oukou na makaainana no hoohiki i ka mea a oukou i koho ai, a he hope ka ke aupuni hoohiki. A i paneia mai au e kekahi o ka poe a'ue e hookae nei, ua makaukau no au no ka hooili kaua ana me na poka pahu e puu ai ka lae i ke Oahu Boy.
S. W. B. KAULAINAMOKU.
Kaakoupua Honolulu Oahu, Oct. 21, 1872.
Ma keia ahiahi e hookani ana ka poe puhi ohe o ke aupuni ma ka Emma Square, e like me ka lakou hana mau ana. O ka poe a pau e naue ae ana ilaila, aole no e nele ana ko laukou olioli.
NA OLELO HOOLAHA.
E IKE auanei na mea a pau o kela me keia ano, owau o ka mea nona ka inoa malalo iho, ke papa aku nei au i ka poe mea holoholuna o kela a me kea ano, aole e hele wale maluna o kuu kulena aina ma Kawaipapa, e waiho ana ma Haiku, Lihue, Kauai. Ina e hele wale ka holoholona a komo hewa ma kuu aina, alaiia, e uku ka mea nana ia holoholona i $1.00 no ke poo. Ke haawi nei hoi au i ka mana hopu o kuu sins ia Keopu, kuu Hope a'u i hookohu ai.
KAUA (w)
Haiku, Lihue, Kauai, Oct. 10, 1872. 568 4@
O WAU O KA MEA nona ka inoa malalalo nei, ke papa aku nei au i na kanaka apao, e noho ana ma ka Mokupuni o Molokai, a me na Mokupuni a pua o keia Paeaina; a ole e hele, a kuai me Naki, i kuu mau KULENA AINA, e waiho ala ma ke Ahupuaa o Honoulimaloo; Mokupuni o MOLOKAI, no lakou na inoa, o Kulauala, Kapapala a me Kaluaopuu.
Aole no hoi e ae ia ko Naki kuai ana aku i keia mau kuleana i hoike ia maluna. O ka mea a mau mea paha e kuai ana me Naki i kela mau kuleana, e lilo ko lakou kuai ana i mea ole. A lua e kuai aku o Naki i keia mau kuleana me kuu ae ole, e hoopii no wau i ke kanawai paa no keia mau kuleana, ke puka ma ka Nupepa "Kuokoa." a mau aku.
Lepekaholo, Honolulu Oct. 7, 1872
J. W. MOLIA.
6@8@@
OIAI hookahi ae nei makahiki i hala, o ka holo malu ana o kuu kane mare, oia o Aiao (pake) me ka malama ole mai i kuu ola a me ko ke kaikamahine a maua, nolaila, ke hoolaha aku nei au ma ke akea, he mana hiki ia ʻ u ke aie, oiai aole no i weheia ko maua berita mare. A no kona haalele kumu ole ana mai, ke manao nei au e hookaawale i ko maua wahi moe, a na ke Kanawai ka haoa mawaena o maua. KUAIWAHIA.
Honolulu, Oct.16, 1872. 5682*
OLELO HOOLAHA.
UA NOONOO PONO MAKOU NA KAHU WAIWAI OKA Hui Kuai Aina o Wainiha i na mea e holo pono ai ke kaa ana o ke koena o na dala o keia aina.
Nolaila, ke kahea aku nei makou i na lala pakahi a pau o keia Hui e akoakoa mai ma Waioli, ma ka Hale Hookolokolo i ka hora umi o ka la 2 o Nowemapa. M. H. 1872, a malaila oukou e hoolohe ai i na kumu a na Komite i noonoo ai.
A ke kauoha ia aku nei oukou e hele makaukau mai e hookaa hou i kekahi hapa o ke koena i koe no keia aina.
O na mea hele oia mai ma ia la mamuli o keia kauoha a hoopaa loa ia ko lakou kuleana ma kaia aina, me ka hoohoi ole ia aku o ko lakou mau dala i hookaa ia ao keia aina.
D. KAUKAHA. A.a WILOOX.
D. NUUHIWA. K. PAHUWAI.
@. @@@@. (@@@ @) Komite.
E ike auanei na kanaka a pau owau o ka mea nona ka @@@@ malalo iho, ke papa aku nei au i ka poe waiwai, na hoole, na pake a me na kanaka a pau o keia ano keia ano, mai hoaie mai oukou i kuu wahine mare, ia.
Mrs. ADDIE KALUAHINE.
No ka mea, ua haalele kumu ole mai oia ia Õ u, malaila, aole au e hookaa i kona mau alo mai keia la aku. A o ka poe e hookipa iaia me ke ano e ae, e hoopii no wau me ke Kanawai
JOSEPH KALUAHINE
Honaunau, S. Kona, Oct 2, 1872.
HE PALAU NA KUU KANE.
OIAI, ua hoolaha ae nei kuu kane mare ma "Ke Au Okoa" o Oct. 10. e papa ana i ka poe waiwai a pea, aole e hoaie mai ia ʻ u, nolaila, ke hai aku nei au ma ke akea, o maua pu no ia i hoi mai nei mai Hawaii, a i ka hiki ana i Honolulu nei. Ua haalele koke mai la kela ia √ï u, a hele aku la ma ka poai hialani a kona kino. Nana ka haalele mua aole na√ïu. No ka hoolaha kumu ole o ku ʻ u kane, nolaila, e hookaawale ana au i ko maua wahi moe, a na ke kanawai ka hana ia maea.
ADDIE KALUAHINE
Honolulu, Oahu, Oct. 12, 1872. 587 @@@*
NA OLELO HOOLAHA
MAHOPE aku o ka la mua o Septemaba 1872, o @@ @@@@ a paa i @@@@@@@ me au hoa @@ a i @@@@ @@@@@@ @@ @@ ka @@@ @@@ ka @@@@ @@@@@@ @@ @@@ wale @@ ka @@@@@@ a wa kani @@@@@@ i kekahi poe o oe a ua @@@@@@ i ka lakou @@@ @@@ @@@@.
Wailuku, Maui (w) W. H. BAILEY.
J. W. Keawehanahala, W. H. Daris & Co.
LOIO! LOIO! LOIO!
UNUHI olelo Hawaii a me ka kakou Palapala o na ano pau. Koena hana, aia makai o ka huina o na alanui Papu a me Moiwahine, ma ke alo poo@@ o ka Hale Hookolokolo o Honolulu.
@@@@@@@
He Mele Lahui Hawaii. O KEIA MELE I haku loea ia e Hoa. Mrs.L@@@ K. D@@@@@@, ua loaa mai nei ano, he lehulehu o na kope o keia male kanaka mai Kapalakiko mai, a e loaa no ma ke kumukuai haahaa, he hapaha, ma ka Hale Kuai Buke o (@@@ @@) B. M. WINI.
E IKE mai au ame kanaka a pau, owau o ka mea nona ka inoa malalo, ke papa aku nei au i na mea holoholona komohewa o ka Lio, Hipa, Hoki, Mi@@@ a me ka Puaa a me na ano kanaka a pau, aole e hele wale maluna o Õ u aina, oia o Hawi a me elua Hikiaupea, Ka@@@, e waiho ia ma Kohala A, Hawaii. A ua waiho auanei au i ka ma@@ hopu ia Pikia, a o ka mea kue i keia, e uku no i $1.00 no ke poo hookahi, a ina e hoopoino i ka mea kanu, e uka no e like me ke poha. Ina e uku ole mai, e laweia no ma ka pa aupuni. E lilo keia i Kanawai mai keia la e puka ai ma ka Nupepa Kuokoa.
NAHULANUI.
Kapeau, Kohala, Oct. 2, 1872. 567 @@
E IKE auanei na kanaka a pau ke nana mai o maua o na mea nona na inoa malalo iho nei. Ke papa aku nei maua i ka poe a pau e noho ana maluna o ka apana aina o Kailua (k) o ka mea i make e waiho la ma Kakaako, Honolulu, Oahu, aole o lakou wahi kuleana iki e noho ai lakou malina iho o ua apana aina ia o maua, no ka mea, o maua ponoi no kona pili koko. A ke kauoha aku nei maua i na mea a pau e noho ana maluna iho o ua apaua aina la. Aole e hiki ia lakou ke noho hou maluna iho o ka maua apana aina me ke kuleana ole, a i na oukou e hele ole a hala na la he 10, mai ka la e puka aku ai ma ka nupepa "Kuokoa." alaila, e hoopii no au ma ke Kanawai, no ke poho nui i hanaia e ka poe e noho ana maluna iho o ua aina la.
LALAU,
KAO.
Hulaia, Kauai, Oct. 8, 1872. 567 4ts*
OWAU o ka mea nona ka inoa malalo, ke papa aku au i ua mea Lio, bipi, hoki, miula, kao, puaa, moa a me ua kanaka o na ano a pau , ua kapu lea na mea ulu oluna o ʻ u mau aina kuai, aole e okiia na puhala a ohi hoi i ka lauhala. Ina e loaa ia ʻ u a i kuu luna paha John Aimoku, e uku no ka mea holoholona i $1.00 no ka lio, he 50 keneta ho ka bipi, hoki, miula, a he hapaha no puaa, kao, moa. A o na kanaka, e uku ke kane i $1.00, wahine 8.50 keiki he $.25. O ka mea kue, eho puia no e n ʻ u a e kuu luna paha, ke komohewa a hoopoino i na mea oluna o kuu mau aioa kuai, oia o Kahi, Kilo a me Kawabamano, e waiho ana mawaena o Pauwalu a me Waianu, Koolau, Maui. E lilo keia i Kanawai, mai keia la aku a hiki i kona laha ana ma ke Kuokoa a mau loa aku.
J. PIWAI
Kalii, Koolau, Maui, Sept. 23, 1872 565 4t
E IKE auanei na kanaka a pau. Owau o ka mea nona ka inoa malalo noi ; Ke papa aku nei au i na mea a pau loa, mai hoaie mai i kuu wahine mare.
Mrs. KAHILIPOLANI NAWELU.
No ka mea, ua haalele kumu ole mai oia ia ʻ u a me ko maua wahi noho. Ina e hoaie oukou, a hookipa iaia, maluna no on a ko oukou poho, aole au e hookaa ana i kona mau aie mua, a aie hope, mai keia la aku e puka aku nei ma ka nupepa "Kuokoa."
Ukumehame, Lahina, Maui, Okatoba 1, 1872. NAWELU.
NO KA MEA, ua hookohnia mai na mea nona na inoa malalo iho nei, e Mr. A. Fornandder, ka Lunakanawai Kaapuni, o ka Apana Hookolokolo Elua o ko Hawaii Pae Aina, i mau Luna Hooponopono no ka waiwai o Noehu k, o Lahina, Maui i make aku nei, Nolaila, o ka poe a Nawelu i aie aku ai a me ka poe i aie mai ia Nawelu, e hoike mai maloko o na la he kanakolu, mai kela la aku o hoonele ia.
KAAUMOANA,
PILILUA>
Lahaina, Oct. 8, 1872. 566 4t
Kula Pepeiao Ea!
HE mau Kula Pepeiao Ka uuku wale ne koe ma ka Hale Kuai Buke o.
H. M. WINI.
A pau loa ae. E wiki mai i loaa. E kuai manuahi na Lel. Komo, Kula, a lei Puuwai.
566 @@
$10.00 MAKANA!
E HAAWIIA ka uku makana maluna ae, i ka me a mau mea paha nana e hoihoi mai i kue lio i nalowale a aihueia paha, ma ka malama o Maraki, ma Kapunahoa kahi i hookuuia ai. O kona ano, he uluula me ke keokeo ma ke poo e like me ka hoka, a ua kuni ma ka uha akau he G he eleele paa na wawae. O na Luna Pa Aupuni, ke kauoha ia ʻ ku nei lakou, in a e like i keia iio, e hoihoi mai ma ke Alanui Papu e pili ana me ka Halekuai o Ake, a e loaa no ka uku i haiia ae la maluna. Na √ïu no
R. RYCROFT
56@ 1m
E IKE auanei na kanaka a pau, owau o ka wahine mare a Mr. 8. Kaaina, kuu kane mare ana i hoolaha manaoino ae nei nia ke kii kilo o ka nupepa "Ke Au Okoa" i kuu haalele laia, a hele mamuli o kuu makemake. Ke hai aku nei au in a ano kanaka a pau mai Hawaii a Niihau, aole au i haalele iaia mai ko maua la i mare ia ai a hiki i keia la a'u e hoolaha nei, eia no au mai ko maua home ponoi nei, me ka maua kamalei, oia no kai haalele mai ia maua, a o ke kuau o ka home kana e malama la, a no kona pepehi mainoino ana iho nei ia'u me kona mau lima i hele a pepeekue i ke ka o ka moku, me kona ike iho paha i ke ino o kana mea i hana ai, a no keia hana ino ana ona, ua bilabila loa ia, a ola kona mea i mki ae nei a hoolaha ma "Ke Au Oka." Ke hai aku nei au ina mea a pau ame kuu kane, he mana hiki ia'u ke aie ma ka in a o kuu ka ne mare, oiai, aole me nana e malama ko maua ola, oia wale no o ke kane, aole no hoi i weheia ko maua berita mare.
Mrs. MAILI KAAINA
Honolulu, Oahu, Sepatemaba 26, 1872 @@@ @@@
E IKE auanei na kanaka a pau, o maua o na mea nona na inoa malalo nei, Ke papa aku nei maua i na mea holoholona koma hewa maluna o ko maua mau apana aina e waiho la ma Kamaole, Kula, Mokupuni o Maui, no na lio, hipi, kekake, hoki, kao, hipa a pela aku. Aole e holo wale maluna o na apana aina i hoikeia ae la maluna, a ke waiho aku nei maua i ka hopu ana in Kapule a me Hamili, o ke mea kue i keia, e hooukuia he hapalua dala no kele a me keia poo pakahi. I na no hoi aole e kii mai ka mea nona ka holoholona a hala na la he 30, lilo loa ia maua. A ke papa puia aku nei no hoi na kanaka a pau, aole hoopoino wale i na mea ulu maluna o ua mau aina la, a me na mea e waiho ana. E hooukuia ke kanaka kue i keia e like me ke kanawai.
S. AILAU,
NAWHINE.
Honolulu, Oahu, Oct. 10, 1872. 567 4ts*
HOOLAHA.
A KA
LUNAAUHAU.
APANA O
HONOLULU, KONA, OAHU.
E HOOMAKA ana ka mea nona ka inoa malalo, e ohi i ka Auhau no ka makahiki 1872! Ma kona Keena ma Alanaui Marine, (Aieaui.) ma ka.
Poaono, la 12 o keia Malama.
No na mahele o keia Apena, a o hoikeia malalo iho, a o na mea a pau i ka i ka Auhau ma keia mau mahele, ke kauohaia aku nei e hookaa koke mai i ka lakou Auahau :
Maunalua,
Kuliouou,
Wailupe,
Waialae,
Palolo,
Kalia,
Waikiki-Kai,
Waikiki-waena,
Manoa,
Makiki,
Pawaa,
Kewalo,
Kulaokalua,
Kawaiahao,
Pauoa-uka,
Pauoa-kai,
Moanalua,
Kalihi-Kai,
Kalihi-waena,
Kalihi-uka,
Kapalama-kai,
Kapalama-uka,
Leleo,
Kamakela,
Kauluwela,
Puanui,
Maemae,
Niolope,
Puiwa,
Nuuanu-uka,
E home ana ke Keena Auhau i kela a me keia Poakahi, Poakolu, me Poaono, mai ka hora 9 kakahiaka a ka hora 4 ahiahi.
GEO. H. LUCR.
Luna Auhau, Honolulu
Keena Auhau, Oct. 8. 1872. @@7-@
NU HOU! NU HOU!
Ano ua Loaa mai a e Malama mau ia ʻ na Makou
I NA ANO A PAU O
NA MEA HAO!
NANI KELA! HULAIKA HAO!!
Na Palau, Oo Haoole,
Huihuipalau, Kopala, Kope,
O, Kaulahao Bipi, Lei Bipi,
Lei Hoki, Ili Kauokaa,
Opumakani, Kamaa Lie,
Kamaa Hoki a pela ʻ ku.
KUI HAO O KELA A ME KEIA ANO,
PAAHANA KAMAA O KELA ME KEIA ANO,
NA MEA LAKO KUMERA,
IPU-KKUKUI MANAMAMA,
AILA-MAHU O DOWNER
A MENA PA-PALAI, &@.
Na Ipu Hao o Kela a me Keia Ano.
KA OILOA AKU O KA MAIKAI a me ka nui O NA ANO A PAU O
NA MEA HAO, NA LAKO KAA.
PENA o kela ano keia ano, iloko o ka Aila a maloa no hoi.
AILA PENA MOA, AILA PENA MAKA.
MAKAU, ANO LAWAIA.
KUKAEPELE PENA!
E KUAILA ANA KEIA MAU MEA ME KA MAKEPONO.
MA KA HALE KUAI O
DILLINGHAM & CO.,
Na ka Helu a me 97. Alanui Moi Honolulu, a me Kaipalaoa, Hilo, Hawaii
@@@ @@
HALE HANA KAMAA BUTI
A ME NA ANO A PAU
AGIU PAKE.
NO KA HANA ANA INA
HILA AULII MAIKAI
EKOLU-HAPAHA.
No ka hana ana i na Kainaa Kahikocme na ili Farnni me ka oki ana ina he loihi a pokole paha.
E HELE MAI OUKOU.
No na kamaa a pau a ʻ u e hana ai no oukou mai keia la aku, a ina e ikeia ka paa ole o ka hana ana iloko o na mahine elua, alaila e hoihoi mai na ʻ u e hana hou. Ke ano kahuli ka Hila, a he mo paha na lli a me ka humuhumu ana, alaila e hui pu ma ka uku i olelo mua ia. Alaila o ka mea nona ke kamaa e hele pu me a ʻ u i ka Hotele e ai a maona, a na'u e uku me ke kika manuahi, me ka holo pu i kuu lio i hookahi hola. E ai me ka lulu lima ke aloha. O na kamaa i hala na mahina ekolu aolee e kii ia mai alaila kuaiia ma ke kudala no ka hala o ka manawa. He nui na lli Noho-Paniolo, Kaulakeahi, lli Pale wawae, me ka uku haahaa loa. E hele mai.
NO. 65, Alanui Nuuanu. AGIU PAKE.
557 6m*
AGIU & AKIONA.
O MAUA E WEHE ANA I
HALE PAI KII
No na mea a pau
MA ALANUI NUUANU, HELU 65.
Agiu & Akiona.
O Maua E Wehe Ana I
Hale Pai Kii
No na mea a pau
Na Alanui Nuuanu Helu 65
E loaa no na ano e pua o na kii maikai kou e ike me ko oukou makamake. E hanaia no a maikai kapono no ka uku @@@@ loa. E hele nei mai. O na lole komo i ka wa e pai ai aia no ia @ i kupono no na kane a me na wahine. Na @@ka paina loloa ano Kaleiponi Kookoa Kaulanii Komo-alima a me na peahi maikai a me na @@@ @@ maikai. @@ no na Kii pepa a me na kii @@@@ e like me ko oukou makemake. Keokeo paha eeele paha ulaula paha. Me ka wa a pai ia me @ hookaa ana ia ka hapalua o ka uku o paa ke kii hookaa ae loa alaila lawe e kii. Me ka mahalo.
Honolulu Dispensary
Ke hoopaa nei au i ka @@ wale ana i na mai o a kela a me keia ano, mai keia la aku, no ka @@ ana mai e ka @@@ @@ @ @@@ @ @@@@ @@@
@.P. JUDD
Judd A Me Layton
[alahi Kaitea a me Lanawai]
Na mea kuai mea ai o ka lako ai a ame aa mea uku a me na mea h@@@@@@ ia Maka@@@ malalo o ka Haku Ms. A@@@
PAPA KUHIKUHI MANAWA HOLO
O KA
MOKUAHI HAWAII "KILAUEA."
OKATOBA 7ÉÉÉ..KAAPUNI IA HAWAII
OKATOBA 14ÉÉÉÉÉÉÉ.KONA
OKATOBA 24ÉÉÉ.KAAPUNI IA KAUAI
OKATOBA 28ÉÉÉ..KAAPUNI IA HAWAII
Ku@@ na aku @@
SAMUELA G. WAILA
@@
HOOLAHA
A KE
KEENA WAIWAI!
I MEA E MAKE PONO AIKE DALA A KA POE e makemake ana e hoopukapuka i ka lakou mau puu dala liilii, nolaila, e hoopuke ana ke aupuu i na Bona o ke Aupuni Hawaii, ma na pua dala liilii be $100 $200, $600 a $1,000, me ka ukupanee ma ka 9 hapahaneri no ka makahiki ma ka waiwai io, he $100, no ka bona hookahi a pela aku. E loaa no i ka poe a pau ka pomaikai ma ka hele ana aku i ka Waihona Dala Aupuni, no ka manawa aole e emi malalo o ka 5 makahiki, aole hoi e oi aku mamua o 20 makahiki.
ROBT STERLING.
Keena Waiwai, Sept. 20, 1872. @@@ @@
$1.00 no ka Holoku
MA KO ʻ U
HALE KUAI LOLO,
MA
KAUNAKAKAI MOLOKAI!
E LOAA AI NA MEA A PUA NA
LOLE MAKEPONO LOA!
I EMI LOA IHO KE KUMUKUAI MA
LALO O NA HALE KUAI E AE!
MA NA
POAONO A PAU LOA,
HE LA KUAI MANU AHI LOA LA!
E. C. FOUNTAIN (@@@@)
Kaunakakai, Molokai. @@@ @@