Ka Nupepa Kuokoa, Volume XI, Number 39, 28 Kepakemapa 1872 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Koa Mau

 

Leo – “Never Give up.” Songs of Devotion

1. Koa no Iesu, e koa mau ioa, Oia ka Luna, Ke Alakai mau a Pau na mea kaua, a nauwe imua, Nauwe a like a hoouka pu. Cho: Paio a mau, paio a mau, E nauwe, e nauwe, a paio a mau:
2. Koa no Iesu, e koa mau nona, Ku a hooemu I ko kea o nei: Kau I ka hana, I ko Iesu Kea, Ma kona mana e lanakilaʻi Cho.- Paio a mau, &
3.  Koa no Iesu, e koa ikaika; Mai ku a wiwo ke kau mai ka po; Iesu ka Pale, a paipau hoolana, O wau me oukou la main oho makau. Cho.- Paio a mau &c.
4. Koa no Iesu, a pili mau ia ia; Nui na ino, na mea onou mai, Nee ae a hehi, paopao la a luku; Hou ma kea lo, mai kuemi ae. Cho.-Paio a mau, &c.
5. Koa no Iesu, inika Satana; Eu na haipule, na koa o kea o, Paa a kae I ka pahi oi loa, Kau a hahau I na kio o ka po. Cho-Paio a mau &c.           Hawaii.

 

 

Ka Moolelo o ka Ahahui Euanello o

 

                Halawai keia Ahahui ma lole, Kohala Akau, ma ka la 5, 6, 7 o Sepatemba. E hoomaka ana ma ka hora 101/2 A.M 1872

                Kohoia o Rev. J. Bikanele I Lunahoomalu no ka Manawa. Weheia ka halawai me ka pule a ka Lunahoomalo.

                Kohoia o Rev. S. C. Luhiau, S. Kaaua, J. Kaaukai I Komite hoomaopopo I na lala mau o ka Aha, a me na elele I hiki mai.

Eia ka hoike a ke Komite:-

Na Kihapai     Na Kahu     Na Elele

Hamakua, H.   S.Kaaua      J. Kaaukai

“        W.  J. Bikanele    P. Kaaekuahiwi

“        K.   “            Tiko

Waimea      Aole         Z Paakiki

Kohala    H. S. Aiwohi       Kilokau

“        K.   S.C. Luhiau    Kahananui

“        A.   E. Bona      Paku

 

                Ma ka batola ana, ua kohoia o S.C Luhiau I Lunahoomalu, a o S. Kaaua I Kakau olelo. Noi mai o Bona, e heluheluia ke hapa hope o ka moolelo o ka halawai imua.

                Heluhelu mai ke Kakauolelo I ka moolelo; a aponoia.

                Kohoia o E. Bona, Z Paakiki, P. Kaaekuahiwi I Komite Imi Hana.

O J. Bikanele, Kahanui, Paku, I Komite Imi Haawina.

                Waiho mai ke Komite Imi Hana, I na Kumuhana o ka Aha.

1.        Hapalua hora haipule

2.        Hoike Kihapai

3.        Heluhelu Haawina.

4.        Hoolohe I ka ke Komite, no ke Kula Hanai Kaikamahine

5.        O ke kuleana o ka ekalesia o Kristo iloko o ka moekolohe ano manuahi.

6.        Kahi e halawai hou ai keia Aha.

7.        Na palapala Hoopii.

8.        Oihana naauao

9.        Kula Kahunapule.

Aponoia ka Hoike a ke Komite.

Noi mai o S. Aiwohi, E lilo na hoa a pau I hiki mai, I mau hoa koka no ka Aha; Aponoia

 

                Malamaia ka hapalua hora haipule.

Kumuhana 2.

                Heluhelu ia na hoike kihapai, ma Hamakua Hikina a hiki I ka hoike a ka makua L. Laiana Hoopaneeia ka halawai ma ke noi a Bena, ma ka auina la: hora 2. A hookuu me ka pule a Bikanele.

                Hoi hou mai ka Aha I kona Manawa. A hoomaka na hana me ka himeni, a me ka pule o Tito.

                Heluhelu hou ia na hoike kihapai. A hoomaka mai Hohala Hema a hiki ka pau ana.

Kumuhana 3.

                Heluhelu Haawina. Heluheluia na haawina, o ka poe I hiki mai-A lawe ka Aha I ka L. Laiana haawina, a me ka E. Bona e haawi na ke Kuokoa.

                Noi mai o E. Bona, E hoopanee keia halawai, a halawai hou I ka hora 10 A.M. o ka la apopo. Hooholoia. A hookuu me ka himeni a me ka pule a P. Kaaekuahiwi.

La Huna-Sepatemaba 6.

Halawai hoe ka Aha me ka malama ana I ka hapalua hora haipule.

                Heluhelu mai ke Kakauolelo I ka moolelo o ka la I hala. Aponoia.

                Hoomaka hou i aka heluhelu haawina. A lawe i aka J. Bikanele haawina na ke Kuokoa.

                Hoopaneeia ka halawai ma ka hora 1 1/3 P.M. Hookuu me ka himeni, a me ka pule a Paku.

                Hoi hou mai ka Aha I kona Manawa. A hoomaka me ka himeni, a me ka pule a S. Kamehameha.

Kumuhana 4.

                E hoolohe I ka ke Komite no ke Kula Hanai Kaikamahine.

                A hoike mai o J. Bikanele ka Lunahoomalu o ia Komite—A i ikeia hana mau olelo, ma ka hoike a ke Komite o keia Aha no keia mea. Kamailio mai o Pogue no ka a pono ana o ka AHahui o Hawaii Komohana ka I ka hoike a ke Komite nui, mo ke kali o ko lakou haawina a Akaka aku.

                Ua kaka nui ia keia Kumuhana. Noi mai o E. Bona, e koho I Komite, E. Bona. Pogue, Bikanele S. Kaaua, Aiwohi, na lala o ia Komite.

Kumuhana 5.

                O ke kuleana o ka ekalesia o Kristo, I loko o ka moekalohe ano manuahi, e loha laula nei ma keia pae aina.

                Kuka nuiia keia hana, a lokahi na manao ma kekahi mea, Nolaila, waihoa mai la I olelo hooholo.

                Hooholoia.—Ma ka Manao o keia Aha, o ke Kanawai I kapaia, “He Kanawai hoemi I na mai a me na ino I loaa ma ka Hookamakama ana “ o ke kumu ia o ka ino, a me ka haunua a nui loa iwaena o keia Lahui; a he kumu hoi e inaina mai ai o Iehova I ke ia pae aina mai o a o.

 

Kumuhana 6.

                Kahi e halawai hou ai keia Aha. Noi mai o E. Bona, e hoopanee keia halawai. A halawai hou ma Waimea: maka Poaha mua o Maraki 1873.

                Noi mai o J. Bikanele, e hoopanee keia halawei; a halawai hou ma ka hora 10 A.M. o ka la apopo. Hooholoia.

                Hookuu me ka himeni, a me ka pale a Pogue.

 

La Hana 3-Sepatemaba 7.

                Halawai hou ka Aha me ka maiama I ka hanalua hora haipule.

                Heluhelu mai ke Kakauolelo I ka moolelo o ka la I hala. Aponoia.

                Heluheluia ka hoike a ke Komite, no ke Kula Kaikamahine.

                Eia a Kukakuka nui ka oukou Komite, no ke Kula Hanai Kaikamahine I manao nuiia ai no keia mokupuni o Hawaii nei. A penei kea no o ka lakou la hana, a me na mea hoi I hooholoia.

 

1.        Ca noonoo, a apono ke Komite I ka na Komite mokupuni, I ko lakou halawai ana ma Honolulu, e like me ka hoike ana mai o Bikanele inehinei.

Aka nae, no ko Bikanele hai ana mai, ma kona noonoo hou ana, ua Akaka iaia, he mea hiki ole ke hookoia ka mea I holo I ke Komite nui, a kukulu hoi I ua Kula nei ma Hamakua; no ka nele I ka aina ole, a me ka wai ole, a me ka wai ole, ana I hilinai nui ai; a no ka pilikia kekahi o kana nihana ponoi.

 

No laila, ua holo I ka oukou Komite. E kukoluia ke Kula Hanai Kaikamahine Mokupuni, ma kohala akau neu.

2.        O ka nui noi o ke dala kupono I ke Kula, I kona muo mua ana. He $3,000.

3.        O Rev. E.Bona ke poo, oiai ko ke Kula wa opiopio. A nana no e imi I kume a mau kumu paha, no ke kula; me ka ae ana o ka Papa Kahu o ke Kula, e lilo ka mea o na mea paha I loaa I kumu no ke Kula.

4.        O ka Palena o lalo, e komo mai ai na kaikamahine I loko o ke Kula, he 10 makahiki no ia

5.        O ka uku makahiki no ka haumana hookah, he $25.00 no ia.

6.        Eha makahiki, oia ka palena luna o ka Manawa e noho ai ka haumana loko o ke Kula. Ina nae he kumu kupono, e hiki no I ke Poo o ke Kula, kea e aku I kekahi mau makahiki hou aku.

7.        Eia ae na Lala o ka Papa Kahu, a ke Komite I manao ai no ke Kula.

Rev. E. Bona, a me Rev, S.C. Luhiau, No Kohala Akau. Rev. L. Laiana a me Rev. S. Aiwohi, No Kohala Hema. Rev. J. Bikanele, a me Rev. S. Kaaua. No Hamakua. Rev. H. Pahio, a me Rev. T. Koana, No Hilo. Rev. J. H. Pahio, a me Rev. T. Koana, No Hilo. Rev. P. Barenaba, a me Rev. Makuakane, No Puna. Rev. Kauhane, a me Rev. Kahuila, No Kau. Rev J.D. Parisa, a me Rev. S. Nawahine, No kona.

8.        Na ka Papa Kahu e mahele kupono, I na $3,000 mawaena o na ekalesia o keia mokupuni. Me ka hoike koke aku I ka lakou e hooholo ai.

9.        A loaa na dala kupono, na ke Poo o ke Kula e kuai I ka lako a pau no na hale I aeia’I e ka Papa Kahu; a nana no e hoolimalima me kekahi mea kupono, e kukulu i ua mau hale nei- A nana hoi e imi I na la ko a pau no nona hale. A makaukau na mea a pau e e hoomaka’I ua kula nei.

10.    O ka inoa o ke kula. Ke Kula Kaikamahine o ka Mokupuni o Hawaii.

Hooponoia ka hoike a ke Komite

Hoike mai ke Komite Imi Haawina.

1.        Na ouli o ka Manawa, L.Laiana.

2.        Pehea la e Hoonoho ai ke Kahunapule ia Kristo, imua o na Kanaka? E. Bona.

3.        He mea hiki anei ke hookumuia mawaena o na ekalesia Hawaii, kekahi Ahanhui Karistiano o na Haipule opiopio? S.Aiwohi

4.        Pehea la kea la houana, mai ka make mai? S. Kanua

5.        Ua kue anei o Ezekiela Mokuna 18: 20 I ke kawai elua? S.C Luhiau.

6.        Heaha la ke ano o ke kauoha, E kaikai ke kanaka I kona Kea? S. Kahaaheo.

7.        Hiki anei I ke kanaka haipule. Ke malama I ka oihana loio, meka noho maemae pu? J. Welieli

E hooumauia na haawina mua. Kumuhana 7.

                Na Palapala Hoopii

                Heluhelu mai ke Kakauolelo I ka Palapala Hoopii a ka ekalesia o Hamakua Komohana. E kahea ana ia C. P. Haae I Kahu no lakou.

                No ka loaa ana o ka mea I kahea ia I kekahi mai nai, no laila, ua ko ole. Kumuhana 8.

Oihana Naauao.

Kamailio wale ia no keia Kumuhana, a kaalele wale. Kumuhana 9.

Kola Kahuna.

Kamailio mai o Pogue no ka imi ana o ka Papa Hawaii I Kahua, kahi e kua ai ke Kula Kahuna, e like me ka hooholo ana a ka Aha nui ma Honolulu. A ua loaa ka aina me na hale ona dala $3,000. Ua aeia mai hoi ka Papa Hawaii I ko Kakauolelo P. H. imi ana I 5000 dala e lako ai ke kula. Ua manaoia no hoi e 3000 I haawiia ma kahi e 2,000 no na ekalesia o Hawaii nei.

                Ua lawe keia Ahahui I kona hapa, oia hoi 350.00 e like me ka mea I haawi mai

                Hoopaneeia keia halawai, a halawai hou ma Waimea, maka Poaha mua o Maraki M. H. 1873.

 

 

HE MOOLELO POKOLE O KA HANA O RE. D. KAPALI MA, MA EBON,

Maikoulala, I ka hapa hope o ka 1870

__

 

(Koena mai kela pule mai.)

                Okatoba hebedoma mua. _ Ona mau na hana o kela Sabati keia Sabati. A I ka la noa, holo aku au e kukulu hale ma ka Apana elua; Oiai ua helelei ka uhi o kolaila hale.

                Ku mai kekahi moku Gremania Ebona nei, a e hole loa aku ana I Namerika. Holo au e ninau I ke Kapena no ka pono ia makou I Namerika. Ua ae mai ke Kapena I ka makou holo ana me ka ukana.

NO KA UKU O KEIA HOLO ANA?

                Ua hole mai kela, aole e uku mai. “O ka uku no ka lakou hana aloha ana I kekahi o na moku o keia Hui, I hiki mua mai maanei, a loaa I ka poino” Hana lokomaikai akula ko Ebana mau haumana I ua moku poino nei. Ma ke kokua ana I na mea ai, a I ka huki ana I kahi e ku ai, ma kona ili ana, “Me ke ana a oukou e ana aku ai, pela e ana ia mai ai no oukou.: Ua hoakenia keia ala no makou, me ke kaawale o na pilikia a makou I manao mua ai.

                Okatoba hebedoma 2.-Holo makou I Namerika. Eia na ohua mai Ebona nei aku, S.P Kaaia a me kana wahine; o A. Capeli, (he puakea no Geremania) a owau iho no hoi. No ka loaa I kuu ohana ka oluolu, kupono ke kumu o kuu holo kokua ana.

                A ku makou ma Namerika, launa nui main a kamaaina me makou me ka hauoli, no ka loaa ana o na kumu hou no lakou.

                Lawe aku lakou I na ukana, me ke kokua wale I ko lakou ikaika; a o A pupukahi wale ae la no. malaila wau I kekahi mau po, a malama Aku ia ahaaina a ka Haku, a o ko lakou lehulehu o na hoai he 30.

                Okatoba hebedona 3.—Oka la mua o keia hebedoma, haalele ia Namerika, a e holo I na I Jeluita. Elua a makou no ma @@ aku I ka aina, O kahi a ka moku e ka nei, ua loihi aku ia I kahi a’I I noho mua’I; ua oi aku paha I ka umi mile. Ku nei lakou ma ka hora 5 paha, a o ko’u makaukau no ia e hele aku, no ka loaa ana o ko’u waa e holo aku ai, o ko’u holo no ia me na kamaaina o ua aina aloha nei, mai keia ahiahi, a hiki I ka wehe ana o ko ka aina, lulu lima aloha pu me ka hauoli. Kokua main a haumana I na mea ai, kahi au I waho i aka lepo, ke kahi ia, a me kekahi mea e aku e pono ai ka malihini.

                He hoike Kila ka makou me na haumana he 55: kanakolu kumumaha ka poe heluhelu,(34) a ma ka A a me ka hookui ke koena Eono ma ka hoonui a houluulo. Eha kakaulina, a o ke koena ma ka helu kamalii.

                Elua paha more I mareia, a hookah keiki a bapetizoia, na kekahi hoahanau e noho ana alaila.

                Hiki mai ke Kapena o ka moku o makou I holo ai, kuai au I ka akoakoa o ka mahina hou me ia; kuai au I ka akoakoa o ka mahina hou me ia; elima dala ($5.00) a he mau pupu kekahi, lawe no wau ia mau mea a I Ebou nei, a kuai aku me o’u kuaana, mai Amerika mai.

                Okatoba hebedoma 4. Ma ka la elua o keia hebedoma. Haaiele ia Jelia e holo ana I Ebona. “A o ko’o hoi keia I ko’u one a paa.” O ehuehu mai la ka makani, hokuku mai la loko I ua po nei no a no, o Ebona ia. E hu ana he moku kuai ai a me na palapala mai Botaritari mai, a mai Bataka mai. “Mailia ka I huihui ai ko’u Manawa, he malihini ko ka hale, ua hiki mai.”

                Novemaba.—Hookahi wale no hebedoma ko’u kaapuni e malama I na halawai a ka poe mahi ma ka ma kela apana keia apana I loko o keia malama; a o na halawai e ae. A me na kula o na apana oia mau no.

                A e lawe mau ana I ka hana lima I kela la keia la, no ka nawaliwali o ko’u kino, aole I keia wa wale no, pela no I na wa I hala’e/ He mai ma Ebona nei I keia malama; make ikaika I make. E kokua na ia lakou. Ma na mea hiki ia’u ke hana aku.

                Dekemaba.—Aole mau hana nui e ae I hana ia I loko o keia malama. He hoike kula Sbati wale no, me na haumana 226 I ku mai, a hoopaanaau I na mokuna 226 I ku mai a hoopaanaau I na mokuna he 25 o kekahi mau Euanelio, a me ka Oihana; a he 25 kumu kula Sabati.

                Ua ku I ka mahalo aku I na mea I hoopaanaau ia, maka paa maikai, a me ka oluolu I ka lobe ana, I ka like oka hapai ana o na leo, me he mau wawae la no na koa I no ia a Akamai.

                Ua kai huakai no ka hele ana o na haumana, he hae Amerika mamua, a he mahaw Geremania mahope. (No ko makou hele I ka hae Hawaii.) E kokua mai I ko makou nele, e na kaikuaana o na kula Sabati.

                O ke kula o na alii mamua. E kaawale ana keia kula keia kula ma ka like ole o na wai hoolou na aahu mai ka mua a I ka hope.

He ahaaina ma ke awakea, a hoopau na hana ma ke ahiahi.

                O na hana ,mau o ka malama, oi mau no.

Ianuari, 1871.- Ai aka hebedoma mua ma ka halawai makahiki , a me ko makou halawai mau, a hooponopono no na hana o ka la Sabati mua. Ma keia Sabati mua, ia hoohuna ma ka ekalesia, ehiku poe hou, a o ka hiku o lakou, he hapa Hawaii a haole. O Hilo kona aina hanau. (Kamaiki). O na hana a pau a makou ma keia malama, oia mau no. D. Kapali

 

Kokua Aloha

--

Helu I

                Elua ano o ke kokua, he kokua ola, he kokua aloha, I mea hoolawa paha I ke kokua ola. Ua ae oluolu no na hoahanau me na kanaka I ke kokua ola, a haawi no paha I ka mea a lakou I ae no ko lakou kahunapule me ka manao ua pau ko lakou haawina, no keaha la e haawi hou aku ai? Ua ola ke kahuna I keia mau dala. A kanalua, a hoohalahala, a hole paha,, I na he kokua eae, he kokua aloha mawaho I paipaia. Ka I ka inoa ia haawi au ina dala a’I I ne ai no ke ola o ke kahuna, no keaha keia paipai ana no ke kokua kaawale?

                Pela ao no kekahi hoahanau, o Penimana paha ka inoa. Ua pilikia kona kahunapule, aole ola pono I na dala o ka ekalesia I ne ai e haawi no kona ola. Ua pilikia kona ohana, ua hap aka ai, ua hap aka lole, ua hapa na buke heluhelu, a me na nupepa. Ua hele oia e ike I kekahi hoakahuna, a hai aku I kona pilikia. Hoopuka mai ka hoa I ka mea e pono ai, e hooakaka aku I kokua aloha I kona ekalesia. A, ina makau oe e hoakaka aku, e noho oe maanei a haiolelo ma ko’u luakini, a e hele au e haiolelo ma kou luakini ma keia Sabati, a na’u e hoopuka aku I ke kokua aloha, Ka ne no ia o Gudemana, oia ka inoa o ke kahunapule pilikia. Mai ia Sabati, lohe ka ekalesia, me ka ohana o Gidemana, aia hoi kana wahine, me na keiki, I ka manao I hoopukaia no ke kokua aloha I ko lakou kahuna. O Penimana me jona ohana kekahi I lohe I keia manao oaipai no ke kokua aloha.

                I ka hoi ana, hoohalahala Penimana ma ke alanui, me ka olelo ikana wahine; ka, heaha kea no o keia kokua aloha? No keaha hoi? 400 dala ko kakou uku ana I ko kakou kahuna, he hele kahuna hoi, a he mala kahuna, na kakou I k=haawi wale aku loaa ko kaua.

                A ahiahi mai, hoho Penimana wahine me na keiki ma kekaji keena o ka hale, a hui na keiki a pau I ke noi ana I ka makuahine e ne e hele lakoi I ke kokua aloha, me na makana pu. I ka lohe ana o ka makuakane, ane keakea oia ma ka pane ana, ua pau e ko’u mau dala I ka haawi aku I ke kahuna Ina pela na hoahanau apau, aole paha pilikia ke kahuna. Aka, ma ka lohe, ma kekahi, a ma ka ike maka, aole I kaa ka haawina o kekahi poe.

                He kaikamahine noonoo a hoomanao o Mabela, he haumana kula Sabati, olelo oia I kona makuahine, ea, ua lohe au I ka’u kumu eha’I ana, ina kokua na hoahanau, na keiki, ma na hapa umi, e like me na Iudaio mamua. Aole pilikia na kahunapule, a me na misionali. Ka ninau no ia Robeta, he keikikane nona na makahiki eiwa. E mama, heaha na kokua hapaumi? Pane ka makua, alia, Robeta, mahope e hai aku ai.

                 I kapau ana o ka aina, noho lakou I lalo, a kina ka Baibala e kekahi keiki, a ken aka makuahine e wehe, a nana I na puku pili I na kokua hapaumi. Heluhelu Hana I ka moe uhane o Iakoba ma Kinoba 28: 10-22. Olioli a mahalo na keiki I keia moe uhane. A hiki I ka pauku hope, heluhelu Robeta, “A e haawi aku no au e haawi mai ia’i.” Iakoba keia e hoohiki ana mahope o ka ike ana I kela moe uhane kupanaha, e haawi o ke Akua I ka hapaumi o no na mea a pau I loa’a iaia. Pane Robeta, o ka haawi ana I ka hapaumi o na dala no ke kokua aloha, ola paha kea no o keia hapaumi; pili anei ia I na me e ae? Heluhelu ma Oihanakahuna 27: 30-32. Pili ka; na hapaumi, wahi a Robeta, in hua o ka aina, na hua o na laau, na bipi I na hipa. Kokua anei kekahi poe pela I keia Manawa? Ae, pela io no kekahi poe me keia kulanakauhale, he mea mau ia lakou ka haawi ana I ka hapaumi, o ko lakou mau loaa a pau no ke kokua I ke aupuni ke akua. Oiaio ka I ka olelo a ka’u kumu, wahi a Mabela, aole loa he pilikia na kahunapule ke kokua kaou ma na hapaumi o na mea a pau I loaa ia kakou. Aloha anei he pono I ka poe mahiai ke kokua pela? Pono no, wahi a ka makuahine, me ka leo ano hoahewa ia ohana. Heluhelu hou. Ma Malaki 3: 8-10. Eia k aka hewa nui o na Iudaio, oka hao wale I na hapaumi o ka waiwai, nolaila ko lakou pilikia he nui wale; a, o ka mea e pau ai ka pilikia, oia ka law mai, a hoihoi aku I na hapaumi I ke Akua.

                Ua lohe no ka makuakane, Penimana, I keia mau pauku a pau no ke kokua hapaumi, a mahalo I loko ona, I kana wahine kea o pono mai I na keiki I kea no o ke kokua. A, ma kona noonoo ana, ua hoapono oia I kona mau kokua, ua like ka ia me keia kuhikuhi ana; ua haawi au I 25 dala no ke kahuna pule, a, 25 dala no ka por I pilikia I kea hi ma KIkako. Ua pau paha ko’u mau hapaumi I ka haawi ia aku, me ka minamina ole me ke aloha io no. Ka moe ihola no ia o Pnimana. Kuu hiamoe loa oia a hapalua hora, alaila ala mai oia me ka puiwa, a u ana, a olelo I na keiki. Ea, e hele oukou I waho e heluhelu ai, I koe maua wale no ma ka makuahine; makemake au e koka malu iki me ia. Pau na keiki iwaho, a noho ka makuahine me ka manao e hoopuka hou mai ana ke kane I na olelo hoohalahala no ke kokua. Oak aka waha o ke kane, a ole lo mai; e ka wahine, e Keni ua laa ia’u kekahi moe uhane hooweliweli loa; he leo paipai paha ia no ke Akua mai; He haipule oi aku oe ia’u; e ae oe e hoolohe I ko’u moe uhane, a e kokua mai oe I hana au I ka’u pono a pau. Ka hai no ia o Penimana I kona hihio I kona wahine, me ka leo haalulu, a me ka helelei ana o na wai maka.

                Hahanu lo aka wahine a biki I ka pau ana o ka hihio, alaila pau ka hakanu ma ka hai maopopo ana o ke kane I ka olelo hoohiki a Iakoba, “ A haawi aku au nou I ka hapaumi a na mea a pau au e haawi mai ai ia’u o na mea a pau au e haawi mai ai ia’u; “ A, o keia hoohiki, ka’u hoi ia ma keia hope aku. “Amene wahi a ka wahine, me ka olioli nui.

                E keni. He po Sabati no keia, aka, makmake au e hooponopono koke I keia mea no ke kokua hapaumi. E kii oe I ka’u buke kakau I na loaa, ame na lilo. (A’ole I apau)

 

1872. Hapaha Hope. Olelo ao a Daniela.

Helu XL. Okatoba 6.

Na Pio Ma BaBulona.

Pauku Baibala. Halelu 137:1-9.

1. Mana muliwai o Babulona malaila kakou I noho ai,

A uwe aku la I ko kakou hoomanao ana ia Ziona.

2. Ma na wilou ma loko o laila,

I kaulai ai makou I ko makou mea kani.

3. No ka mea, malaila, noi ka poe I lawe pio ia makou

I na olelo ke oli;

A oka poe hoinoino ia makou, noi lakou e lealea makou.

I mai E oli u ka oli o Zions

4. Pehea la makou e oli ai I ka oli o Iehova,

Ma ka aina Malihini?

5. Ina e hoopina au ia oe e Jerusalema,

E poina pu no ko’u lima akau I hana.

E pipili hoi kua olelo I ka alauna o k’u waha.

6. I ole au e hoomanao ia oe,

I ole hoi e kela aku ko’u makemake ia Jerusalema.

Mamua o ko’u me lealea mai.

7. E Iehova, e hoomanao oe ina keiki o Edoma

I ka la o Jerusalema;

I ka poe I olelo mai, E wawahi, e wawahi,

A ilalo I ke kumu ana.

8. E ke kaikamahine o Babulona, ka mea e anaina auanei,
9. E pomaikai no hoi ka mea lalau aku I kau mau keiki.

 

Pauku Alakai.- Ina e hoopoina au ia oe e Jerusalema, E hoopoina pu kaa lima akau I ka hana.

Kumu noonoo.- Kai awe pio ia ana o na Iseraela I Babulona.

                Manao Wehewehe.- Ma keia haawina e kulana na haumana no ka lawe pio ia ana o na Iudaio I Babulona. E pono no paha I ke kumu e imi I na pane no na ninau a e hoike pono aku I na hana mana kahi e loaa ai.

E pono no hoi I na kumu ke haku hou aku I mau ninau no lakou iho. Ai aka pono o ka maopopo. A pau ka olelo no ka moolelo o keia Halelu, alaila e hoopili aku I ka manao no ke aloha Ioa o na Iudaio pono I ko lakou luakini;

___.___

                Ninau—Na wai I kakau I ka hapanui o na Halelu? Na Davida anei keia? Pehea kakou I ike aole nana?

                Heaha o Babulona? Mahea? No ke aupuni hea. (E huli I na mokuna hope o 11 Na Lii.)

                E aha ana na Iudaio ma laila. Ia lawe pio ia e wai? I ka makahiki ehia mamua o Kristo?

                O wai ka inoa o ka muliwai o Babulona? Ua aha na Iudaio I na kopa oia muliwai? Ua noi mai ka poe oia wahi I ke aha? No keaha ko lakou hikiole ke oli aku? Ua aloha loa lakou I ke aha? E hai okoa mai I ka pauku 5 a me ka pauku6.

                Na Pua, Nana na maka, nui a nani na pua o na mele, o na kula, o na ulu-laau, o na awawa uliuli. Okoa kekahi, a okoa kekahi; he ulaula, he melemele; he onionio, he keokeo; oli na me ka ke nanaiku, a milimili, aala mai ke pa mai kea he main a pua mai.

                Nawai I hana na pua? I mea aha? I mea hoike paha I ka nani o ke Akua ame kona lokomaika’i. Pela no na pua maikai ma ka uhane; oia hoi na keiki pono, na kaikamahine pono, lakou na pua rose, ma oukou la e hoonaniia’I ke Akua, ka helelei na pua, a hoea main a hua maikai, o kela o keia ano he oluolu, he noho malie, he hoopaaanaau I a himeni, I na pauku Baibala, me ka hookaawale aku I na awahia, na hua no na hana lapuwale

 

1. Aloha Iesu I na keiki,

I na pua maikai nei,

A kauoha e kai aku

Nana lakou e hoomaikai

Make oia no lakou la,

A iini e lilo ae

I mau anela memele

Me na kini malunale

2. Oli Iesu I na keiki,

Ke kukuli a pule ae,

E ka Haku, e aloha,

Kala, a hoola mai.

Aloha kekahi I kekahi,

Oia kona kanawai,

Oluolu, a hoolohe,

Noho pono, akahai.

Haleluia, Haleluia,

 

 

E like me ka hoohola ana o ka Papa Hawaii. E wehe ana keia kula ma Honolulu ka haiolelo e Rev. J. D. Parisa ma ke @ halawai o Kawaiha’o I ka la mua o Okatoba ma ka hora 10 kakahiaka. O ka poe ana ke make e komo maloko o keia kula ae @ makaukau no keia oihana maikai a nui. Hele mai oukou. Me ka hooponoia e na @ Euaneko Mokupuni, e hele mai ai na mea manao ana e komo. Ina makemake kekahi e ninau a e kukakuka no keia kula. He pa no me Rev. J. D. Parisa, a me Rev. J. D Parisa kue e kuka ai, a e palapala ai.    J.D Parisa

 

@

@

@
@
@
@
@
@
@

@