Ka Nupepa Kuokoa, Volume XI, Number 38, 21 Kepakemapa 1872 — Page 4
KA NUPEPA KUOKOA
Ka Nupepa Kuokoa.
Children's Rallying Song.
Silver Song.
1.
Eu a nauwe, nauwe, nauwe,
E na koa kamalii:
Ku a paio no ka pono
Ma ka hae o ka Moi.
Eu a hui me makou la,
Na puali oli nei,
Ma ka nauwe ana iluna,
I ka aina nani e.
Cho—Nauwe, nauwe, nauwe, hui oli mai;
Nauwe oli aku
I ka aina nani e;
Nauwe, nauwe, nauwe, hui oli mai;
Nauwe oli aku
I ka aina nani e.
2.
Eu a nauwe, nauwe, nauwe,
Hui pu a pau loa mai;
Kena Iesu me ke aloha,
Koa nona, na pokii;
Nani wale kona aupuni!
Komo e na kamalii;
Nana no e kai iluna,
I ka aina nani e.
Cho—Nauwe, nauwe, nauwe, &c.,
3.
Eu a nauwe, nauwe, nauwe;
Paio i na enemi,
Ko ke ao, na kuko wela,
Me na lealea nei,
Eu a pili i ka Hoku,
Iesu ke Lii mana e,
Nana e hoolanakila;
Koa mau, e na pokii
Cho—Nauwe, nauwe, nauwe, & c.,
4.
Eu a nauwe, nauwe, nauwe,
E na koa nei a pau,
Na makua, na kamaiki,
Na haumana, a kumu ao;
Hea mai na kini lani,
Hui mai a nauwe pu,
Nauwe i ka aina nani,
Komo me na halelu.
Cho—Nauwe, nauwe, nauwe. & c.,
Ka Moolelo o ka Ahahui Euanelio o Hawaii Komohana.
(Koena mai kela Hebedoma mai)
Poalima—Augate 16.
Hoike a ke Komi te no na palapala kahea.
Ke hoike aku nei ke Komi te, ia ia ka noonoo ana i na palapala kahea penei; Aha mau palapala kahee, mai na ekalesia eha mai, i waihoia mai ma ko makou mau lima. Oia hoi, mai ka ekalesia o Waiohinu, Kau mai, hookahi; Mai ka ekalesia o Kealakekua mai kekahi; Mai ka ekalesia o Kona-waena mai kekahi; Mai ka ekalesia o Helani kekahi. He mau palapala oiaio lakou a pau.
(1) He 201 inoa i kakauia ma ka palapala mai Waiohinu mai, e kahea ana ia J.K. Kahuila i kahu no lakou. I ka manao o ke Komi te, he pono ke waiho i keia palapala kahea ma ka lima o ka mea i kahea ia.
(2) Pela no hoi ka manao o ke Komi te no ka palapala o ka ekalesia e kona-waena, e kahea ana ia O. Nawahine, he haiolelo o keia Aha, i kahu no lakou. E waihoia keia palapala ma kona lima.
(3) No ka palapala kahea ia Rev. J. Waiamau i kahu no ka ekalesia o Helani, penei; Ka manao o ke Komite; E ae aku keia Aha i ko Rev. J. Waiamau noho ana i Kahu Kuikawa maluna o ka ekalesia o Helani, a loaa mai ia ia ka palapala hookuu, mai ka Aha Euanelio o Kauai, alaila e kaheaia he halawai Kuikawa o ka Aha, e noonoo i ka pono, a o ka pono ole paha, o ka hoonoho ana ia ia i kahu malama no ua ekalesia nei.—
(4) No ka palapala kahea ia Rev. J.W. Papaula i kahu no ka ekale sia o Kealakekua; penei ka noonoo o ke Komite. He kahu o Rev. S.W. Papaula no ka ekalesia o Kapalilua i keia wa; a ua ae ia'ku e keia Aha kona noho kahu ana maluna oia ekalesia o Kapalilua i elua makahiki; aole nae i pau ae la ia mau makahiki elua; a, aole hoi maopopo i ke Komite ka manao o ka ekalesia o Kapalilua, no ka haalele ana o ko lakou kahu ia wahi. Nolaila, e hoopanee aku i keia palapala kahea, a e akaka'i i keia Aha ka manao o ka ekalesia o Kapalilua no keia.Noi mai o Waiamau e lawe mai i ka Hoike a ke Komite, a e apono aku; ua aponoia.
Nana ia ka palapala kahea o Waiohinu. Noi ia mai e waiho aku ma ka lima o ka mea i kaheaia; ua aponoia. A ma ka auina la e hoike mai.Hapaiia ka nana ana i ka palapala o Kona-waena; ma ke noi a Parisa e waiho aku ma ka lima o Nawahine; ua aponoia.
Hapaiia ka palapala kahea o Helani ia Rev. J. Waiamau; Aia a loaa mai ka palapala hookuu, mai ka Ahahui mai o Kauai, alaila e kukuluia i Ahahui Kuikawa; ua aponoia.
Hapaiia ka nana ana i ka palapala kahea ia Rev. S.W. Papaula o Kealakekua.
Noi ia mai e aponoia ka hoike a ke Komite; ua aponoia.
Hoike mai ke Komi te i ka nana ana i ka palapala hoopii a Mrk. Laika k. no ka mare ana i kana keiki. Ua hoopaneeia a hiki i ka Halawai hou ana o keia Aha, i makaukau na aoao elua. Aponoia ka hoike a ke Komite.
Noi ia mai, na ka Luna Hoomalu e palapala aku ia Mrk. Laika k; ua aponoia.
Noi ia mai e hoomaha 1 hora: pule o J. F. Pogue.
Ahiahi, hora 1. Hoi mai ka Aha; pule o J.D. Pari sa.
Hapaiia ka pane ana mai o na mea i kaheaia ma na palapala.
Kahuila. Ke ae nei au e like me ka palapala kahea a ka ekale sia o Waiohinu, Kau.
Nawahine. Ua ae aku au e like me keia palapala kahea; ua apono ka Aha ia laua.
E poniia o Nawahine i keia Sabati ae, 18 o Augate nei. E kohoia o Pa risa, o Manase, i Komite e mahele i na Hana i na Kahunapule no ka Hookahuna ana; ua aponoia.
No Kahuila. E poniia oia ma ke Sabati mua o Sepatemaba. I Komite Hooko no keia hana; Oia o Pogue, Papaula, Manase, Waiamau, Nawahine, Kupahu, Kaonohimaka.
Hapaiia ke Kumumanao 6. No ke Kula Kahunapule.
Noi ia mai e hoike mai ke Komi te; a na Pogue i hoike mai ia i mea e maopopo ai me na manao waiwai nui.
Noi ia mai e apono aku i ka hoike a ke Komite, i ke Kula Kahunapule ma Honolulu; ua aponoia.
E kohoia i Komi te e mahele i ka puu dala, no keia mau ekalesia malalo o keia Ahahui, he $320.000; oia o Parisa, Makaike. Simeona, Setepano, Kalaikoa, Palea, ua aponoia.
Noi ia mai, a pau ka hapalua haipule, e hoopaneeia keia Aha, a Halawai hou ma ka la apopo, Hora 9 1/2, ua aponoia. Poaono — Augate 19.
Halawai hou keia Aha i ka Ho ra i hoopaneeia. Pule o Kalaikoa. Kaheaia na inoa, Heluheluia ka moolelo me ka hooponopono ana.
Noi ia mai e apono aku i Ka moolelo; na aponoia.
Heluheluia kekahi palapala, mai kekahi lala mai o keia Aha, He leo uwe aloha.
Noi mai o Pogue, e lilo ka makua nei o J.D. Parisa e pule, a ua pule iho la me ka eehia. Hoopuka mai ka L.H. E hoike keia Aha i ko lakou aloha i keia Hoa.
Noi mai o Pogue, e kohoia i Komi te, oia o Parisa, Waiamau, Kahuila, ua aponoia.
Hoike a ke Komi te no ke Kula Kaikamahine.
Ma ka manao o ke Komi te, e hoopanee, a hoike pono mai na Kahu o keia Kula; ua aponoia.
Hapaiia ka noonoo ana i mau Keiki na ka Aha. A na ka L.H. i ninau pakahi i na ekale sia, a ua loaa ma ka ekalesia o Helani, oia o Kanemaikau.
Noi ia mai e kohoia i Komi te e ninaninau. A na ka L.H. ke alakai mua ana ma ka ninau ana ia Kanemaikau.
Ua kuka ka Aha, a ua Hooholoia. E apono aku keia Aha, e lilo o Kanemaikau i Keiki Hookama na ka Aha.
Noi mai o Parisa e kohoia i Komite o na Kahu ekalesia mai kela kihi a keia kihi, e launa aku me na Keiki, e imi a kuka pu, a hoouna aku i ke Kula, ina e loaa ana.
Noi mai o Pogue, a hoi mai ka Aha i ka pau ana o ka Hora hoomaha, e ninauia o Nawahine, ua aponoia.
Noi ia mai e hoomaha ka Aha i hapalua ho ra; ua aponoia. Pule o Kahuila.
Ahiahi, hoi mai ka Aha i ka pau ana o ka hapalua hora; pule o Setepano.
Hapaiia ka hoike a ke Komi te no ke Kula
Kahunapule, no na $320.00. A penei no.
No ka ekalesia o Waiohinu - - $50.00
" " o Kapalilua - - 43 00
" " o Pukaana - - 43.00
" " o Kealakekua - 38.00
" " o Kona-waena - 43.00
" " o Helani - - 43.00
" " o Kailua - - 30.00
" " o Kekaha - - 30.00
Noi ia mai e apono i ka hoike a ke Komi te; ua aponoia.
Hapai ia ka ninau ana ia O. Nawahine. Noi mai o Pogue, na Parisa e alakai ma ka ninau ana; ua aponoia.
Nawahine. Ua ninauia ma kona ano, kona noho haipule manaoio, a me kona makaukau ma ka Baibala. Noi ia mai e hookau mawaho; ua aponoia. A ua kuka ka Aha, a ua Hooholoia e poni ia o Nawahine i keia Sabati ae, i Kahunapule; i Komite Hooko no keia; Haiolelo ia J. Waiamau; Kokua hana pu, D.S. Kupahu; Pule hoolilo ia Kaonohimaka; Ninauia i ke Komite, a me ka ekalesia ia Manase; Lima akau aloha ia Papaula; Olelo kauoha i ke kahuna ia Pogue; Olelo kauoha i ka ekalesia ia Parisa, ua aponoia.
Hapaiia ka Hoolaha Baibala; ua aponoia. A e kohoia na Kahu i Komi te e huli pono i na mea o ko lakou mau kihapai, a e hoolako ia i ka Baibala a hiki i ka halawai hou ana o keia Aha; ua aponoia.
Hapai ia ka noonoo ana o ka Hale o na Kahu, a ua nui ko kamailio ana, a eia ka mea i Hooholoia.
Hooholoia. — Ke paipai aku nei keia Aha e hana koke aku no na ekalesia i na hale o na Kahu; ua aponoia.
Hapai ia ka hoike a ke Komi te no ka hooponopono ana i na pauku o ke Kumu Kanawai.
Heluheluia ka Pauku 1, a Hooholoia. " " " 2, me ka hooponopono ana, ma kahi o eono malama.—Elua halawai; ana o keia Aha i ka makahiki; a ma kahi hoi o Luna, Nui o na Luna ka pono. Hooholoia ka Pauku 2.
Heluheluia ka Pauku 3. Aole i pau i ka hooponoponoia, pau e ka manawa.
Noi ia mai e hoihoi i ke Komi te e hooponopono hou, a hoike mai i ka Halawai hou ana o keia Aha; ua aponoia.
E hooliloia o J. Waiamau ia Komi te e malama aku i ka ekalesia o Kailua a hiki i ka halawai hou ana o keia Aha; ua aponoia.
E hoopanee keia Aha, a halawai hou ma Kalaoa, Kekaha, i ka malama o Maraki A. D. 1873, Poakolu Elua, Ho ra 10 o ke kakahiaka. Ua aponoia. Pule o Pogue. Pule hookuu o K.L.H. S.W. PAPAULA,
Kakauolelo.
Napoopoo, S. Kona, Au gate 26, 1872.
HAAWINA KULA SABATI.
Hoi hou ihope, mai Iulai 7, a
SEPT. 29, M.H. 1872. NO KA
hapakolu o ka makahiki.
Mele. Lohea ka leo mai Sinai. Him. 236. Pule ke Kahu.
Haawina 1. Roma 5: 1—10.
Na Ninau. Heaha ka manao alakai?
Ka hoaponoia ma ka manaoio, a me na pono noloko mai.
Ua hoahewaia anei kakou a pau e make?
No ke aha?
Ua loaa anei ke kue, ka enemi, mawaena o kakou a me ke Akua?
Ma ka aoao hea ke kue?
Heaha ka makemake o ke Akua? E pau ke kue, e hoaponoia, e maluhia.
Ma ke aha e loaa'i keia mau mea? Ma ka manaoio. Hai like mai p 1.
A hoaponoia, a maluhia, heaha mahope? Ka hauoli me ka manaolana, p 2.
Hauoli anei iloko o ka popilikia?
Me ke aha hoi? p 3.
A hauoli, a ahonui, a hoaoia, a manaolana, e hoohokaia anei? p 5.
Heaha ke ano o ka nawaliwali p 6? Ka hewa, ka hiki ole ke ola ma o kakou iho.
Iloko olaila, owai ka i make no kakou?
Heaha ka mea ane hiki ole? p 7.
Heaha ke kumu o ko Iesu make ana?
Ma kona kuko e hoaponoia'i kakou, a hoopakeleia i ke aha? p 9.
A loaa ka hoolauleaia ma ko Iesu make ana, e loaa ana ke aha ma kona ola hou ana? p 10.
Heaha ka inaina o ke Akua?
Heaha ke ola i ke Akua?
Haawina 11. Roma; 6—18.
Na Ninau. Heaha ka manao alakai? Ka like ole o ka manao ma ke kino, a me ka manao ma ka uhane.
Heaha ka manao ana ma ke kino? Heaha ka manao ana ma ka uhane? p 6. Hai like mai.
O ka poe manao ma ke kino wale no, hiki anei ia lakou ke hooluolu i ke Akua? p 7, 8.
Ma ka uhane oukou ke aha? 9.
A loaa ole ia oukou ka Uhane o Iesu, nowai oukou?
Ko Iesu uhane, heaha ia? ke ano like, manao like a pela aku.
E make ana ke kino no ka hewa, pehea ka uhane?
A, e aha Iesu i ke kino make mahope? p 10, 11.
He poe aie anei kakou i ko ke kino? A i ole, mai aha? p 12.
E make ana ke noho ma ke kino, a ina makemake e noho ma ka uhane, a ola, heaha ka pono? 13.
Owai na kamalii a ke Akua? p 14.
Makau anei lakou?
Kahea lakou pehea? p 15.
Nawai e hoike he mau keiki kakou na ke Akua? p 16.
Ina he mau keiki kakou? he mau aha hoi?
A hoino puia me Kristo, heaha ka hope? p 17.
Pono anei ka makau i na ehaeha no Iesu?
No keaha e makau ole ai? p 18.
Heaha ka nani mahope?
Mele. "A ike maka'e." Alaula no Aperila, 1872.
Haawina III. Roma 10: 4— 13.
Na Ninau. Heaha ka manao alakai? Ke ola ma ka hana, a me ke ola ma ka manaoio.
Ina ma ka hana ke ola, pehea la e hana'i? E malama i na kanawai a pau loa, i na manawa a pau, me ka haule ole o kekahi.
Ua hana anei kakou pela?
Ma ke aha kakou e ola'i?
Eia anei Iesu ma kahi kokoke? aia paha ma kahi loihi, ma ka lani paha, ma ka lua kupapau paha? Hai mai p 6, 7, 8.
Ma ke aha i kokoke mai ai?
Ma ke aha e manaoio ai?
A ma ke aha e hooiaio ai ia Iesu?
A loaa keia mau mea elua, e aha ana? p 9, 10, 11.
Ina loaa ka manaoio iloko o ka naau, aole nae e hoike aku ma ka waha ma kahi akea, ola anei kakou?
Pau loa anei a lahui a pau i ke ola ke kahea aku ia Iesu me ka manaoio, a me ka malama? p 12, 13. Heluhelu.
Pehea na pokii ke pule a malama ia Iesu?
Haawina IV. Roma 12: 1—8.
Na Ninau. Heaha ka manao alakai? Ka mohai a ke Akua i makemake ai.
Heaha ia mohai? p 1. Hai like mai.
Heaha na mohai kahiko?
Oluolu anei ke Akua i ko oukou mau kino wale no? ke kino pu me ka uhane, me ka hana mau nona a make, ka ke Akua i makemake ai.
O ka hoohalike ana me ko ke ao nei, ma ka poe hewa, oia anei ka i kauohaia ma p 2?
Heaha la hoi ke kauoha?
A hana houia ma ka naau, alaila hiki ke aha?
Ke hana nei anei oukou i ka pono, a kooluolu, a hemolele? p 2. Hai mai p 3.
O ke kaena, o ka hoohaahaa, mahea ka pono?
Mahea ka nui?
Nui na lala o ke kino, e na pokii, e hai mai i keia mau lala. Hookahi no kino, hookahi wale no anei oihana?
Heaha kekahi mau oihana?
Nui hoi kakou na lala o ka ekalesia, hookahi wale no anei oihana?
Heaha kekahi mau oihana ekale sia?
Heaha ka olelo kauoha i ka poe nona keia mau oihana? p 5—8.
Pela anei kakou?
Mele. "Mele hana." Alaula no Dek. 1571.
Haawina V. Roma 12: 9—21.
Na Ninau. Heaha ka manao alakai? Ka ano kupono i ka haipule io.
Heaha ia ano? 1 Ke aloha hookamani ole. 2 Ka hoowahawaha i ke ino. 3 E hoopili i ka maikai. 4 E launa kekahi me kekahi. 5 E hoopakeia i ka hoomaikai ana. 6 E hana mau me ka hoopalaleha ole. 7 E ikaika ma ka naau. 8 E malama i ka Haku. 9 E hauoli, 10 E hoomanawanui. 11 E hoomau i ka pule. 12 E lokomaikai. 13 E hookipa. 14 E aloha, a hoomaikai, a kokua i na enemi. 15 E kuikahi me na mea a pau. 16 Mai hoopai. Nui loa ka ke ano o ka haipule io. E hai paanaau mai ia mau pauku a pau.
Ua loaa anei ia oukou keia ano haipule?
A loaa ole pehea?
Haawina VI. Roma 13 : 8—14.
Ke ano nui o keia haawina heaha?
He mau olelo paipai no. 1 E hookaa i ka aie. 2 E hana i na mea kupono i ke aloha, 3 E ala ano. 4 E haalele i na hana a ka pouli. 5 E hele pono me ka uhauha ole a pela aku. E aahu ia Kristo. E hai paanaau mai no ia mau pauku a pau.
Ke hana nei anei oukou, e like me keia paipai ana? He mau haipule io anei oukou ke hana ole?
Mele. Himeni 332, 2 pauku.
Haawina VII. Roma 14: 7—13. Heluhelu.
Ka manao alakai. Ka noho ana no ke Akua.
Owai ko kakou Haku?
Ina ke Akua ka Haku, heaha ka pono?
A noho ole kakou nona, nawai la ka noho ana?
Hiki anei ke malama i na haku elua?
Pehea Ie su? Mat 6: 24.
Ke noho a make nei anei oukou no ke Akua?
A make, e ola hou ana anei kakou?
E aha ana kakou a pau mahope o ka make?
E ku ana imua owai? No ke aha?
Pono anei ke wikiwiki e hoahewa i kekahi?
Aole anei he mea mau ka wikiwiki e hoahewa ia hai?
Haawina VIII. Roma 15: 1—7.
Manao Alakai. E lokomaikai aku kekahi i kekahi.
Ua like pu anei na hoahanau a pau? Aole, ikaika kekahi poe, nawaliwali kekahi poe.
Pili anei ka ikaika a me ka nawaliwali i ke kino a me ka manao?
Heaha ka pono o ka poe ikaika i ka poe nawaliwali?
Owai ko kakou kumu hoohalike?
Hooluolu anei Iesu iaia iho?
A, pono anei ia kakou ke hooluolu ia kakou iho?
E noho anei kakou maanei, a waiho wale aku i na aina e me ka hele ole aku e kokua?
Mele. "He leo mai Makedonia;" hookahi pauku.
E pule pokole no na aine e.
Haawina IX. I Korineto 1 : 18—25.
Manao alakai. Ke kea o Iesu.
Heaha ke kea o Iesu? Ekolu ano.
I Ka laau kahi i make ai Iesu. 2 Ke ola ma ka make a ala hou ana o Iesu. 3 Ka olelo a Iesu.
He mea aha ke kea i ka poe make?
He mea aha i ka poe ola?
Owai ka poe make?
Owai ka poe ola?
He poe ola anei oukou a pau?
Ke akamai hea e hoopau ia ana?
Oia anei kanaka ma ko lakou akamai?
Ua loaa anei i kekahi poe akamai o keia ao ka mea e ola ai ka uhane?
E hoolilo ana ke akamai o keia ao i aha?
Ma ke ano aha ka lapuwale? ma ke ano hoola?
Ma ke akamai owai e ola ai?
Ma owai la?
Heaha ka na Iudaio i noi mai ai?
Heaha ka na Helene i imi ai?
He poe aha na Helene?
Owai ka i haiia mai e Paulo ma?
He mea aha ko Iesu make ana me ke kea i na Iudaio?
He mea aha hoi ia i na Helene?
He mea aha ia i ka poe i hea ia?
Owai ka poe i hea ia? o oukou anei?
Heaha ko ke Akua lapuwale?
Heaha kona nawaliwali?
Ma ka manao o kanaka he lapuwale, a he nawaliwali ka mea a ke Akua i hana'i i ola kanaka.
Haawina X. I Korineto 3:6— 15.
Ko ke Akua mahinaai, me ke Akua hale. Owai ia?
Nawai i mahi, a kanu, a hookahe i ka wai?
Nawai i hooulu?
He mea aha ka mea i kanu a pela aku?
Heaha ka hale? ka ekalesia.
Nawai i hoonoho i ke kumu, a kukulu maluna iho?
Owai wale no ke kumu?
Nui anei ka poe kukulu maluna o keia kumu?
E ao lakou o kukulu me ke aha?
Owai ka poe kukulu me ka pohaku maikai, a gula, a dala?
Owai ka i kukulu me ka laau, a mauu, a opala?
Me ke aha e kukulu nei na kahu ekalesia Hawaii?
Ina kukulu me ka hookekee i ka ke Akua olelo, ma ka poe kupono ole e komo iloko o ka ekalesia, pehea ko lakou ekale sia?
Pakele aha na kahu, i ke ahi hoao i ka lakou hana? pakele mahunehune.
Heaha ke ahi hoao?
Ahea e hoao ai?
Mele, "Komo Iesu i kou mala." Him. 282.
Haawina XI. I Korineto 3: 16—23.
Owai ko ke Akua luakini?
Owai ka i noho maloko?
He mea aha ka luakini?
Owai ka poe hoino i ka luakini?
He luakini ka ekalesia, he luakini hoi ka hoahanau, e aha mai ke Akua ke hoino, a hoowahawaha, a hana ino, a alakai hewa kekahi?
Heaha ko ke ao nei akamai i ke Akua?
Ma ke aha e paa ai ka poe akamai oonei?
Owai ka poe kaena?
Kaena i ke aha?
Heaha ka waiwai o ka poe pono? Hai paanaau mai p 21, 22, 23. Nani ka waiwai o ka poe pono; E lilo oukou a pau i poe pono.
Haawina XII. 1 Korineto 13 : 1 —13.
Ke ano o ke aloha io; ka hope ke aloha ole. He mokuna maikai loa keia, a pono i na haumana a pau ke hoopaanaau, a hai like mai.
Ehia mea e mau nei?
Owai ka i oi?
Ua loaa anei kealoha io ia oukou?
Ma ke aha e loaa ai?
A loaa ole, e lilo ana ka oukou mau hana, pule, halawai, kula Sabati, kula maoli, kokua a pela aku, i aha? i mea ole.
Manao paipai pokole.
Mele. "Owai no Iesu?" Alaula no Iulai, 1872.
Pule ke kahunapule a hookuu aku.
He Moolelo pokole o ka hana ana o Rev. D. Kapali ma, ma Ebon,
Maikoni sia, i ka hapa hope o ka 1870.
Hoike kihapai o ka ekalesia o Ebon, hoomaka ana i ka la mua o Sepatema ba.
La 1. Aia maua o S. P. Kaaia ma ka moku Ane, ka mea e holo ana aku ia la. Ua ku mai kela i na la hope o Augate. Ma ka moku no maua a hiki i ka puka ana iwaho mai loko aku i haawi aku, i ke aloha hope i ko ka moku ohana a pau.
La 4. He Sabati keia. Holo au ma kahi apana e malama i ka halawai oia la, a o S.P. Kaaia ma Ebon iho; malu maikai na anaina pule; a pela no ke kula Sabati, a me ka hoomalu ia ana o ia la, he anoano Sabati; e kokua ana na hoahanau i ka hoomalu ana, a o na makua mea keiki i na keiki a lakou, a pela no na hoa'loha; aohe kanawai aupuni e hoomalu ana ia la; aka, o ke kanawai wale no o ke Akua; ko noe ke ano. Pela no i lohe ia ma ka Pae Aina Hawaii mamua.
Hoike ia na hana o ka hebedoma e hiki mai ana; o ka hoike o na kula la; O ka hoike o ke kula Subati; a o ka lawe mai o ka aila mahina hou, a o ka halawai o na hoahanau i ka Poakolu mua o ka malama.
La 5. Lawe ia mai ka aila mahina hou, 11 galani no na Apana 3, koe kahi mau Apana.
La 6. He hoike kula ma ka Apana 1 a me ka Apana 2. Na maua o S. P. Kaaia i malama ia hoike kula ma ka Apana 1. 55 na Haumana i hiki mai, a koe kekahi poe no ka waa ole e holo mai ai. Eha o lakou ma ka A. Ua hoikeia ma na mea i ao ia ia lakou, a he ku no i ka mahalo aku.
Ua hoomakaukau mua na haumana i na mea ai, a hoolako mai la ia maua i ka niu, a ulu, a he mau moa 8, a kaana ia maua, eha eha.
APANA 3 A ME KA 5.
La 7. Hoike Kula; He 67 wale no poe i hiki mai. Ewalu o lakou ma ka A. Mai ka Palapala Aina, a kakau lima, na mea helu, ka hoike ana. A pau na hana o ka hoike, kani no Rube bele, a o ka halawai keia o na hoahanau, komo mai lakou.
La 8. Hoike kula Sabati. 21 Kumu i hiki mai; 140 ka nui o na haumana. O na buke i hoopaanaauia, Mataio 4 mokuna, Mareko 2 mokuna, Ioane 9 mokuna, Oihana 6 mokuna.
Elua kula i hui kau ma ka mokuna hookahi.
Ku mai no kela kumu keia kumu me na haumana, me ka hoopaanaau, me ka hiki e mahalo aku, no ka malamaia o na koma, a me ka akahele o ka heluhelu ana mai, me ka lohe ponoia.
Lawe mai kekahi luna o ka Apana 1, hookahi dala me hapawalu, ($1,12 1/2) a me 5 galani aila, he uku no kekahi kumu kula. A no ka puehu liilii ana o kekahi poe kumu, nolaila, aole i hoomaopopo ia ko lakou uku i keia wa.
La 11. Holo aku ma ka Apana 3, i ka pule o keia la, aole noi loa ka poe launa i mai; 30 ma ke kula Sabati.
La 14. Ku mai ka moku o keia aina, mai na aina e mai. Lohe ia mai la, ua hala o J.A. Kaelemakule ma i Honolulu, a he nui loa kona mai: aole i maopopo kona hiki i Honolulu. Nui ke kaumaha no ka hoa i ka hoi ana me ka pilikia; a no ka ekalesia o Namerika, na keiki hookama a makou.
Hooholo koke au i ka manao e hoi maua ilaila, a o S.P. Kaaia ma ke noho i Ebon
La 16. Holo aku maua o S.P. Kaaia ka aina o na haole nona ka moku, e kuka no ka lawe ia Kaaia ma i Name rika. Kuka no makou, a mahope, hai mai i ko lakou manao, aole e holo i Nomerika. Kaumaha iho la, a waiho aku la i mua o ka Haku, nana no e hana mai e like me ka mea pono iaia.
La 20. He halawai ku i ka wa na na hoahanau; ma keia la i hele mai ai kekahi hapa haole, a hapa Hawaii, e hai mai i kena manao hoahewa iaia iho, a me ka manao e mihi, a e haalele i kana mau hana ino kokua nui au iaia ma ka hai aku i ka ke Akua olelo.
La 24. Nawaliwali ka makua o ko' ohana i ka hanau keiki. Aia au ma ia pilikia, a hiki i ka wa i kaawale ai. O keia keiki no ka i make iho nei ma ka aina hanau o na makua.
La 30. O ka hana hale ka mea mau kela la keia la o keia malama.
(Aole i pau.)
Kula Kahunapule.
E like me ka hooholo ana o ka Papa Hawaii, e wehe ana keia kula ma Honolulu me ka haiolelo e Rev. J.D. Parisa ma ka rumi halawai o Kawaiahao i ka la mua o Okatobma ka hora 10 kakahiaka. O ka poe e makemake e komo maloko o keia kula, a e hoomakaukau no keia oihana maikai a nui, e hele mai oukou. Me ka hoaponoia e na Aha Euanelio Mokupuni, e hele mai ai na mea e manao ana e komo. Ina makemake kekahi e ninau a e kukakuka no keia kula, he pono me Rev. J.D. Parisa, a me Rev. J. F. Pokue e kuka ai, a e palapala ai.
J. D. PARISA.
Honolulu, Iune 29. 1872.
KA "NUPEPA KUOKOA."
Hoopuka mau ia
I KELA POAONO KEIA POAONO.
$2.00
No na mahina he Umikumamalua !
$1.00 no na mahina eono,
ME KA HOOKAA MUA MAI.
NA OLELO HOOLAHA—aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2.00 E uku mua ia mai ke dala o na olelo hoolaha a pau e hoounaia ana mai e pai.
KANIKAU - he 4 keneta no ka lala oi hookahi - penei: he 25 lalani, $1.00; 50 lalani, $2.00; a pela'ku.
E UPU NO NA OLELO HOOLAHA - ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Pokue.
NA UKU PEPA A PAU E HOOKAA MUA MAI NO - aole e kauia ka inoa o kekahi haole a kanaka maoli paha, ma ka inoa o ka poe lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA - ma ke keena i noho mua ia iho nei e J.W. Aukina, maluna ae o ka Hale Leta. O na hora hana, mai ka eiwa o kakahiaka, a i ka ha o ke ahiahi.
H.M. WINI, Luna Hoopuka.
"KA NUPEPA KUOKOA."
I s published in Honolulu
E VERY SATURDAY.
$2 00 per annum, or $1 00 per six
mon ths, in advance.
A DVERTISEMENTS not exceeding 10 lines, inserted once for $1.00 twice for $1.50; and $2.00 for once month; all advertisements mu st be paid for in advance.
KANIKAU S will be charged 1.00 per page, or 4cts. a line.
PA YMENTS FOR ADVERTISEMENTS, Subscriptions or Kanikaus, ma y be paid to any of the Agents of the Kuokoa, or may be enclosed in a letter to the Publisher.
ALL SUBSCRIPTIONS must be PREPAID. No names, either of foreigners or natives, will be inserted on the subscription li st, until paid for. This rule must be strictly adhered to on account of the low subscription price
THE OFFICE OF THE KUOKOA over the Post Office. Office hours for 9 A.M. to 4 P.M.
H.M. WHITNEY, Publisher.
Bound Volumes of the KUOKOA, for sale at the office o ver the Bookstore - $3.50 each. Pe rsons having complete sets of the above, can have them bound by paying $2.00 each.
NA BUKE
HOOLAHAIA E KA PAPA HAWAII.
Baibala Hemolele Nui ili gula nani me na kuhikuhi
ma na aoao................................................$12 00
" " Nui ili eleele kaekae wai gula.. 5 00
" " uuku iki iho, " " ... 5 00
" " pananaiki iho ili eleele...............4 00
Kauoha Hou ili gula nani me na kuhikuhi .. 3 00
" " eleele kaekae wai gula........... 1 00
Kauoha Hou Hapa Haole.......................... 75
Lira Hawaii 1848 me ke kanawai.............. 25
" " 1855 ...................................... 25
Moolelo Ekale sia........................................ 50
Haiao Ili lahilahi......................................... 10
Pele Malihini ana......................................... 25
No ko ke Akua ano....................................... 25
Lira Kamalii................................................. 25
Hoike Palapala Hemolele............................. 25
Moolelo o Hene ri Opukahaia........................ 25
Hoike Akua................................................... 25
Wehewehehala..............................................25
Ninau Hoike lii manoanoa.............................25
" " " lahilahi................................ 10
Kumumua Kula Sabati...................................10
Buke Lawe Lima...........................................10
He Buke no ka Pope......................................10
Ui Kula Sabati Helu 3................................... 25
" " " 4.................................. 25
" " " 5............................... 25
Buke Kuanelio a Ioane................................ 10
Himeni......................................................... 1 00
Himeni Ili nani............................................. 1 75
Na Kauoho Hou Pakeke.
Ili Gula nanai .................................................1 50
Ili eleele kaekae nani..................................... 50
Ili eleele ......................................................... 35
Kauoha Hou Pakeke me na Halelu.
Ili Gula nani.................................................... 1 75
Ili eleele kaekae wai gula .............................. 50
Ili eleele ......................................................... 50
Na Halelu Pakeke.
Ili Gula nani............................................. ... ...50
Ili eleele kaekae wai gula................................ 30
Ka Hae Hoonani (Buke Mele)......................... 25
Buke Wehewehe Huaolelo Baibala............... 2 00
" " " Ili nani........... 3 00
Eia na buke haawi wale.
Palapala Liilii.—
Helu 4 - Makemake anei oe i ke ola?
Helu 6 - E hele i o Kristo la.
Helu 7— Ka hoi ana mai o ke Keiki Uhauha.
Helu 11 - No ka hoohiki wahahou i ke Akua.
Helu 16— Ka Kehia ana o ka Ahaaina a ka Haku a ma ka
Bapetiso ana.
Helu 17- Mai hana ino i na holoholona.
Helu 18 — No ka mahi ana, kuai ana a me ka inu ana i ka
Awa.
Ka Davida Malo Kumumanao. Ka Moolelo o Batimea Puaaiki.
J. F. POKUE.
Kakauolelo o ka Papa Hooko o ka Ahahui Euanelio o ko Hawaii Pae Aina.