Ka Nupepa Kuokoa, Volume XI, Number 25, 22 June 1872 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XI. HELU 25. HONOLULU. IUNE 22, 1872.

 

Ka Nupepa Kuokoa.

HE MOOLELO KAAO NO ROBIANA LO ALUA!

KA HIWAHIWA O KE KOA.

 PULU ALUA O KA IKAIKA.

 

I unuhiia mai loko mai o ka Buke Arabia, mai ka olelo Beritania a ka olelo Hawaii.

 

E NA HOA PUNI KAAO; Aloha oukou:

            Mamua ae o ko kakou hoomakaleho @@ i na hana kaulana a ka mea nona kekahi olelo, he mea hiki paha ia’u ke hai @ e ae i ke akea, a e kamailio no au @ o ke ao holookoa e like me ka mea @ ia’u, i hoomakauliiia ai no na la lo@ i pono no’u iho e like me ke ao ana @ a ka’u kumu, aka, no kuu ike ana iloko o keia mau pule iho nei, ua hooneleia ia kakou i ka puuoioina ole e hoomanao iho ai mai ka au ana iwaena o ka moana lipolipo o na hana a ka Ahaolelo, a nolaila, ke makana nei au i pomaikai no oukou ma ka mea hiki ia’u, e like me ke a@ ana mai a ka’u kumu, me kuu kanalua ole i na keakea a kekahi poe ike e ae i @alo mai nei, no ka mea, ua ike io no au aole lakou i ao pu ia me a’u iloko o @eao, owau no a me ka’u kumu. A@ ke manao keakea ko kekahi, ku @ iho no pela, a pau ae ka’u hoopuka @ alaila, ku ae no a maloeloe, alaila, @ ana i ka loa a me ka laula o ka nupepa.

            O na hana kaulana a ka mea nona kekahi moolelo, ua aneane no e ukali aku ma ka meheu o ka mea nona ka moolelo @ i hala, aka, o ka nui a me ka oi kekahi a o ku ia nei mau hana kaulana, ua @ laula aku no ia iloko o na imi ana a @ @okoa mau manao, me ka hoolele ana @ a ko oukou mau puuwai, a mai @ iloko o oukou iho, “na’u no na’u @,” no ka mea, ua ike no au, ao@ he moolelo e ae i komo mai iloko o keia aupuni a iwaena hoi o keia la@ i nele ka aihue ana aku o kana mau @ i na manao o ka poe heluhelu nupepa a me ka poe e lohe mai ana, a pa@ e aku ke kuli no kona lohe ole.

            Nolaila, o na mea a pau a’u e kama@ imua oukou, mai keia hoomaka @ a hiki i kona palena, a komo ole iloko @ oukou ka iini no kana mau hana e like me ka’u i kaena ae nei, alaila, imiia aku ko oukou pono ma ka apua o ka’u mau olelo, anoai o loaa ia oukou ka palekana ma o kekahi mea hoopuka moolelo la ma keia hope aku. Me ka mahalo. ULELE.

 

BUKE II.

 

HELU 1.

 

            Ia Robiana Lo ma i hookuuia ae ai e Ekemila mai loko ae o ka eke Tarena i hoopaia’i e Eki Peki ma, oiai lakou iloko o Keahialoa, a hoopaaia ai o Eki Peki ma, a hoi mai ai a hiki i Pelekane, @a lua ai o Eki Peki ma, a ia wa no, i hui ae ai o Robiana Lo me Puakinamu, a hapai iho la o Puakinamu.

            A hala he mau mahina mahope iho o ka lua ana o Eki Peki ma maluna o ka @mana, hanau iho la o Puakinamu i ke keikikane, a kapaia iho la hoi kona inoa o Robiana Lo Alua. A o keia keiki hoi, he keiki no ia i loaa ia laua iloko o ka heluna o ka laua mau la kanaka makua, piai ua o palua no oho hina o ka wa oo.

            Aloko nae o ka wa a Puakinamu e haakohi ana no ka hanau keiki, anoe mai la na ouli o ka lewa, luliluli mau ae la ka honua i ke olai, a hoomau mai la ka uila i kona malamalama, a pilipu iho la ka hanu o na’lii a me na makaainana, no ka hiki iho o na hekili ikaika, nei, nakule lua i ka papaku olalo, a puoho ae la ka hiamoe o Milu, a nuku ae la  kona mea nana e lomilomi ana, “Heaha hoi kau e hoopuiwa nei i ko’u hiamoe i lea, main a hoouka kaua mai a ka enemi, a o ke kuu ana iho la no ia, eia ka hoi o kou hoala koke ae nei no ia.” Hoole mai la na lima o ka mea lomilomi, a kuhikuhi ae la iluna. Nana ae la o Milu iluna a ike ae la oia i ka nakaka o na paia o kona aupuni, kau e wale mai la no kona maka’u, me ka i ana iho, “Nawai la hoi keia keiki koa e haakohiia la e hanau?” A hala he mau minute o kona huli ana iloko o kana ike, maopopo iho la iaia, nolaila, i ae la oia i kona mea lomilomi, “Aole keia he mea e o ke keiki alua kela a robiana Lo ma, ka moopuna hoi a Kini Uilama, kuu hoa’loha hoi o na la i hala, a ke maka’u e nei nae au no keia keiki koa, omi aohe kanaka ikaika e ne e ku aku imua ona a lanakila.”

            E ka mea heluhelu, mai oluhua oe no keia hookapeke iki ana ae nei no Milu, a haalele no hoi i ke keiki iloko o ka opu. “Ua hi—ki he moe na ka laau loa,” no ka mea, aohe ia e nele, oiai nona hoi keia moolelo, a ma ona la ka hapa nui o ko kakou kamailio ana no keia wa aku.

            O na ouli o ka lewa a me na mea kupanaha e ae, ke hoomau la no i ka lakou mau hana, e like me ko lakou kulana mua i hoomaka ai. Aka, iloko nae o kekahi mau minute, ili iho la kekahi mau kuakokoko ikaika maluna o Puakinamu, a ia mao ana ae, alalo ana ke keiki iwaho, a o ka manawa no ia i iho makawalu mai ai no pakaua koko, a lilo ae la ka moana holookoa i koko, a pela no hoi na muliwai a me na punawai, a he koko wale no ma na wahi a pau o ka aina o Pelekane, a ua malamaia kela la e kekahi poe maloko o ka lakou mau Buke Moolelo.

            Maanei, e waiho kakou i ka olelo ana no ke keiki a me kea no o kona hanauia ana, a e nana ae hoi kakou no Diabolo, penei kana, “Mai kuu wa nuku mai a hiki i kuu honohoia ana ma keia wahi, a mai laila mai hoi a hiki i keia la, ua palupalu wau, ua kanikoo hoi a haumakaiole, a o ka hoi aku hoi koe i ka poho lima o ka mea nana i hoouna mai, ike ia ana hoi keia mau mea kupanaha.”

            He oiaio, iloko o ua la nei, nana ae la oia mao a maanei, ua anoe na mea o ka lawe, ua mau ole ka honua i kona kulana mua, a o ka hekili hoi a me ka uwila, ua hala wale aku mawaho o ko laua mau palena mau; a o na paka ua kuhohonu mai ka lewa mai, ua like no ia me ke koko, a he koko wale no ma na wahi a pau o ka aina, a o ka luahi keia o Keahialoa, ilikiia iho la, o ka hele ia a piha pu i ke koko. Ua ane like loa keia me ka Kamapuaa hana ana me kona hana lepo, a piha pu ai o Kaluaopele, a pakele ai hoi o Pele mai make; pela i oleloia ai ma kekahi o ko kakou mau moolelo.

            Ia Diabolo e noonoo ana no keia mau mea kupanaha, haohao iho la oia no ke puanuanu, a i hele aku ka hana e kiei i ua luahi nei ana, ua piha pu i ke koko, a ua lilo ka wela o ke ahi i mea ole, nolaila, kau e wale mai la no ka weli i ua o Diabolo, me kona i iho, “Ina he hoa paio keia no’u, a e hiki mai ana paha i keia wa, alaila, mamua ae o kona hoao ana mai e kue ia’u, e haawi mua aku no au i kuu ola iaia.”

            Aka, iloko nae o kona wa e houpuupu wale ana, kupu mai la na noonoo makai ana iloko ona, a akaka wale mai la no iaia no ouli o ia mau mea ana i ike ai, a hoomanao ae la oia, he la hanau ka! No kekahi mea i ikeia e ko ka po, a e lilo ana ia i hoa paio no’u ma keia hope aku, ke o’u mau ole ia nae e a’u kona ola i ka wa opiopio.

            Mamua ae o ka hanauia ana o Robiana Lo Alua, ua hiki mua mai o Walena, a e noho ana oia ma Pelekane ia wa.

            Eia hoi; iloko o ia wa, pulama ma la na makua a me na kupuna alii, ma ka hoomaopopo ana, me ka manao e lilo na lakou e hanai, a ua maopopo io no pela, a ua holo like ia manao iwaena o na’lii. Aka, ma ka lua ae o ka la, ua akoakoa main a mea a pau me na makana na ua keiki la, a ua lawe mai kela mea keia mea e like me ka mea i loaa iaia. Aka, aia nae iloko o ia wa, ua laweia mai la ua keiki nei imua o ke anaina, a ua ku like main a mea a pau e hookup me ana makana i loaa ia lakou.

            Aia nae i kela manawa, ku mai la kahi kanaka kuaaina i oleloia e kakou ma ka Buke mua, ku mai la oia a ninau mai, “Nawai e hanai i ke keiki?” Pane mai o Robiana Lo, “Aia no i na makua ‘lii a me na kupuna ka hanai.”

            Huli pono ae la kahi kanaka kuaaina, a pane ae la ia Robiana Lo a me ke anaina e akoakoa ana, “E ke’Lii, ka luahi a na pilikia, ke koena hoi a ka make, e oluolu ana anei oe i keia manawa, e hoolohe mai i na olelo pokole a kau wahi kauwa ne?” Kunou mai la o Robiana Lo, a i mai la, “E kamailio mai, a e hoolohe no au.”

            “Iloko o na la i hala, he hoa’loha oe no na pilikia, a ua wili mau ia oe e na poino, a he koena oe na ka make, aka, hookahi wale no kumu o kou pakele ana, o ko olua noho pu ole me Ekemila i kahi hookah; hiki mai ka pilikia ma ou la, loho kela, a ku mai la ia oe e hoola, a pakele iho la oe ma ia hana ana, a pela aku, a pela aku.

            “A ma ia ano, ke nonoi nei au ia oe, e nele oe, e nele na makua’lii, a e nele pu hoi me na kupuna i ka moopuna ole, a e haawiia ha anai ia ana o ke keiki, na kekahi loa’loha kupono ou, e noho ana ma kekahi mokupuni mamao loa mai keia wahi aku, me ko oukou ike ole aku i kona mau maka, aia no nana e imi mai ia oukou.

            “Iloko nae o keia wa a’u e kamailio nei, me he mea la o Diabolo kekahi e ku pu nei me a’u, a ke hookikina mai nei e wanana aku imua oukou, aole ka e liuliu loa mai keia la aku, a e pau ana oukou i ke komo iloko o ka eke Talena.”

            Pane mai nae o Robiana Lo, “Nohea auanei kaua eke Talena e loaa ai, owau wale no ka mea i loaa ai o ia mea, a eia no ia ma ka poho o kuu liona i keia la, a ke ike nei au, aohe mana e ae ma keia honua, aole no hoi malalo iho o na lani, e hiki ai ke kii mai me kona mana maalea a lawe aku me kuu ike ole?”

            Pane hou mai kahi kanaka kuaaina, “O Keia a’u e wanana nei, e ko ana no ia, a e pau loa ana oukou iloko o ka eke talena, ke ole oe e makaala, a na keia keiki e hoopakele ia oukou, ke kaawale nae keia keiki i kahi e, aka, ina e noho huikau oukou, e pau loa ana oukou i ka make, aohe ahai lono.”

            Iloko o ia wa no, kauoha koke ae la o Robiana Lo, e hui na Hale Ahaolelo, e kuka no ka noonoo ana i ka pono a me ka pono ole o ka haawi ana aku i waho ka hanai o ke keiki. A ma ia noonoo ana, ua hoopukaia ka olelo hooholo, na waho e hanai i ke keiki.

            Ia wa no, kupu koke ae la ka manao maikai iloko o Robiana Lo, a pane ae la oia, Mai keia la aku, ke haawi nei au i ke keiki ia Walena, kuu hoa’loha makai, a hoa hoomanawanui hoi iloko o ka pilikia, a nana no e hanai i ke keiki.

            Lilo ae la ka hanai o ke keiki ia Walena, oiai mamua ae o ka hanauia ana o ke keiki, ua hiki mua iho o Walena, he kanaka akamai a kaulana oia no Arabia, a he hoa make pu hoi no Robiana Lo iloko o ka lua po, a ua paa na hoohiki mawaena o lau, e mau ko laua kipa ana, a o ka make wale no ka palena.

            O Robiana Lo II., a kakou e kamailio nei, ua hanauia no oia ma ke anokanaka, a o kona kokoolua i hanau puia ai, he iewe no, a o kona ano nae ma ka nana ana iho, ua nemonemo, a like loa hoi me he kumu pahi la.

            Lilo ae la ia Walena ka hanaiia ana o Robiana Lo II., a lawe no hoi oia me ka mea i hanau puia’i me ua keiki nei.

            A hiki o Walena i Arabia, ua hanai ia ke keiki me ka waiu o ke dia, a o ke kokoolua hoi i hanau pu ia ai, waihoia iho la iloko o kekahi pahu i hana loeaia e kekahi mea akamai me ke kumukuai kiekie loa i hoonaniia owaho aie na momi makamae.

            Iloko o na manawa ekolu o ka la, a pela hoi i ka po, aole oia i hoonele i ka nana i ua wahi pahu nei, a ua haohao oia no ka loli mau o kona ano.

            I ka hala ana o kekahi mau malama, hiki mai la ke kaikuahine o Walena mai Italia mai, a nonoi ae la ia Walena, nana e hanai i ke keiki, a ua ae no Walena na ke kaikuahine e hanai.

            Hoi aku la ua kaikuahine nei me ke keiki, a noho iho la no hoi o Walena, a hookahi no ana hana nui, o ka mikiala mau i ua wahi pahu nei, i ekolu manawa i ka la, a pela no i ka po.

            Iloko nae o keia manawa a Walena e hoomau ana i ka wehe mau ana i ua wahi pahu nei, ua ike iho oia he maka pahi, ua aneane me akahi iniha ka loihi.

            E na hoa, e waiho ana kakou ia Walena a me kana wahi pahu, a e hoi hou ana kakou i hope.

            Oiai, mahope iho o ka hala ana aku o Walena me ke keiki, a ua hala hoi he mau mahina ma ia hope iho, kupu ae la ka manao iloko o Robiana Lo, e hoi laua a noho Moi maluna o ke Aupuni Dala, no ka mea, ua ike lea oia, a ua maopopo no hoi, aohe i kupono ko laua ano alii ke noho ma Pelekane, no ka mea, aole i make o Kini Uilama kona makuakane, e hiki ai iaia ke pii ae a noho iho ma ka Noho Moi o ke aupuni.

            A no ka holo pono ole o kana mea i manao ai, nolaila, nonoi ae la oia i kona makuakane Moi, e weheia kekahi Ahaolelo ku i ka wa, no ka noonoo ana i kana mea i manao ai, ina he mea kupono i ka Ahaolelo ke hookuu mai ia laua e hele e like me ko laua makemake.

            Ma ka hora i oleloia, akoakoa mai la na’Lii a me na Hoa Hanohano o ka Ahaolelo, a malaila pu no hoi me Kini Uilama.

            Ia wa, ku mai la o Robiana Lo, a haawi ae la i ka hoomaikai ana i kona makuakane Alii, a imua hoi o na’Lii a me na Hoa Hanohano o ka Ahaolelo, a pane ae la, “Ua ike au, a ua maopopo no hoi, ua makaukau a lako loa keia aupuni i ka Moi a me na’Lii, aohe hemahema i koe, e huli ae ai ma ka Akau, aole hoi ma ka Hema, nolaila, ke nonoi aku nei au i ko oukou lokomaikai, e hookuu mai ia maua, e hoi aku a noho alii maluna o ke aupuni i loaa ia’u ma ka ikaika a me ka hoomanawanui, no ka mea, aohe alii i koe ma ia aupuni, nana e malama i ke aupuni a e hoopnopono hoi i na kanaka.” (Aole i pau.)

 

He Inoa no Kimo.

Auhea wale oe ke kaupu,

Manu aukai o ka moana,

Ua ana i ka leo o ka ale,

I ka wa olelo mahope,

Mahopo ka makani paeuini,

 Kaukaulua ole ka holona,

Eia ka ihu i Arisa,

Ailana paa mau i ka bau,

Akahi au a ike maka,

I kea nu o Aukaki,

Aohe poli e mehana ai,

E olu ai o ka manao,

Hakukoi mai loko e hoi,

E ike ia Gueena ailana,

E inu i ka wai mapuna,

I ka wai kauoha a ke kupuna,

E puana leo ole ke aloha,

A huli e hoi kauu,

I ike i ka nani o Hilo,

I ka laula o Hanakahi,

Hookahi maoli a ke kaona,

O ka lei rose a mi nei,

Haina ka inoa i lohe.

No Kimo no kuu kamalei.

            MRS. M. PUULOA.

 

Auhea wale oe kaulili,

E ka manu holoholo kahakai,

Akahi a ino ka moana,

“Ua unupai ia e ka makani,”

Ua pii ke kai i ka pili,

Ua pulu ka liko o ka Hinano,

I ka nee a ke ehu o ke kai,

“Nalo ai ka uka i Halerose,”

Ke kuhihewa nei ka manao,

Ua noho kapena o ia la,

Ua paa pono la na ihu,

Eia ka ua hilihewa,

Ua ku i ka ailana e,

Kapena laki ole o ia la,

Hoi nele i ka home Honolulu,

I hapa akamai koi nei,

Hoi pakeke ai i ka home,

I ke one lai o Kaha,

Alia oe e upu mai,

Ei nei hookuli lohe ole,

Hoonaueue i ke kino,

Kuu kino kai au i ke kai,

Hoi no ka manao ia nei,

I ka poli mahana o Mama,

Haina ka inoa i lohe,

No Kimo no kuu kamalei,

            MR. G.H. KAUHI.

Auhea wale oe Ka@i,

E ka haukoloho i ka Naika,

Mahea ka imina o ka pono,

O ke ala a i hiki mai ai,

Oiai ua kupilikii,

Ua paa i ka Palainaia,

Mai hoohemahema ae oe,

Eia o Brude mawaho,

He ilio hanu i ka makani,

Kani ana ka pio i ka nahele,

He nahele paoa i ke ala,

Ke ala o ke kupaoa,

Bailaka akamai oi nei,

Maa ea i ka hookele ana,

A loaa ke koa i kahi paa,

Noeau i ka hana Hawaii,

I ka hoi akau hoi hema,

Hookahi kipuka poholalo,

Niniau oi ala maanei,

Ike lihi wale aku i ke hoa,

Ua pa kiaha mai nei,

Ke pii kai nein a Ona,

Haina ka inoa i lohe,

No Kimo no kuu kamalei.

            MRS. NAIHE.

A ka luna au i Puuhonu,

Au ana Mokuola i ke kai,

Hookahi a’u mea uluhua,

O ka lae o Leleiwi,

I ke alai ae mamua,

Huli pono ka la i Haehae,

Kumaka ka ike ia Puna,

I ka papa lohi i Maukele,

I pakele ka pua i ka nahele,

I ka nui kaua a ka manu,

Ina paha oe e loaa,

Hoolale na ai a ka ui,

I Mareka au a hoi mai,

Piipiikai ana Parisa,

O ka iki au o Hawaii,

Nana i hana io ka lehua,

Malalo ka imina o ka ike,

Lai ai ka luna i Haili,

He haili lono wale e ka manu,

Ma o oe i lai ai,

Haina ka inoa i lohe,

No Kimo no kuu kamalei,

 

I Mareka au a hoi mai,

Piipiikai ana Parisa

O ka iki au o Hawaii,

Nana i hana io ka lehua,

Malalo ka imina o ka ike,

Lai ai ka luna i Haili,

He haili lono wale e ka manu,

Ma o oe e lai ai heo ai,

Haina ka inoa i lohe,

No Kimo no kuu kamalei.

 

He aloha i ka pua Koolau,

I ka hoolale mai a kea nu,

Anuanu makehewa e ke hoa,

Ka Helena i ka loa e Malama,

Ke malama nei no au,

O meheu ko puni kauoha,

Makai ka lono i hiki mai,

I ka noho kapakahi oi ala,

Kaua pu no ilaila,

Ua ao kumu ia ei nei,

Haina ka inoa i lohe,

No Kimo no kuu kamalei.

 

Auhea wale oe e ka nani,

Hoa pili o ka ua kuahiue,

Elua kaua i ke anu,

I ka holu a ka lau amau,

Nape ana i ke oho o ka palai,

Kuu noho ana iho u alai,

Hiki e mai ana ka makani,

Aole no au e hopo.

He lawaia no ke kai hohonu,

Kuu hoa o ka uka iuiu,

O ka lei o Upeloa,

Ina ka loa ia loko,

He lokoino, he aloha ole,

Nawai e paa kuu kino,

I ka uhuuhu a ka manao,

Haina ka inoa i lohe,

No Kimo no kuu kamalei.

            PUNIANA.

Kalapana, Aper. 24, 1872.

 

Make i Aloha nuiia.

E NA NUPEPA KUOKOA E; Aloha oe:-

            E oluolu oe e hookomo iho ma kahi kaawale o kou kino, i kahi kumumanao maluna ae. Aia ma ka la 27 o Aperila i hala aku nei, make aku la kekahi kaikamahine i Aloha nuuia; nona na makahiki 4, me na malama 6 me na la 20, me na hora 3 o kona ola ana, he elua ano o kona mau kupuna he ili keokeo, he ili ulaula. Ke kumu o kona make ana, i pau i ke ahi oia wal no ma ka hale a ie ke kapa e ke ahi, pau ai ke kino e ekolu la o kona kau ana i keia eha nui a make aku la oia, me ka waiho mai i ka lehulehu, me na makua, na kupuna me ka ukana a ke Aloha, e paiauma aku nei, ma keia aoao o ka Honua. Nolaila, ua haku iho makou i wahi kanikau nona malalo iho nei.

 

Kanikau Aloha keia nou e Fany.

Ka lei Aloha a na Kupuna.

Aloha ka uhane i naue hookahi aku nei, aohe koolua

Ua hele i ke ala hoi ole mai.

Ke ala hiki ole ke aua,

Uwe helu mai o Kamolau,

Aloha ino no kuu moopuna,

Kuu milimili kuu pua nani pua laha ole.

Ahea kona kau e pau ai,

Aole e pau ua kanu mai oe i ka naau a ke aloha

He bele kani mau ia na kuu manao

E kani nei i ka pili paa o ka houpo,

Ua naha ka pea kua o ke kanaka,

Ua hele a ka pali a ka noonoo,

Minamina ino,   

Peahi mai ana ia’u ka lau o ka hala o Halaaniani

Eia paha ilaila ke kumu a ke aloha

Ua pulu i ka huna a ke kai lele i Paki

Ke ku papu mai la i Palama,

E kanaaho aku ana e luu i ka wai hui ma ke kai.

Kahea mama i Kahikipaialewa,

Hoi mai e

E hoi kaua i ka olu mile i Waiokila,

Kahi i kupa, i ewe ia kaua,

Aole e maliu mai,

Ua lawe ka Mea mana loa,

Aia ma ka poli o Abelahama,

Ua palekana ka uhane,

Ua noho i kahi nani loa, ola mau,

Anoai oe ka hikina ana mai a ke aloha.

            MRS. J. KAMOLAU.

 

Kanikau la he aloha,

Nou no la e Fany-e,

Nou ka uhane i naue hele iho nei-e,

I ke ala hoi ole mai,

Hiki ole ke kaohi-e,

Naue palahele ole-e,

Ka hele a ka wahine,

Ua lawe lilo ia oe-e,

E ka Makua mana loa

Aia oe i luna lilo.

I ke kolu o na lani,

Ke hehi ku ala oe,

I ka papa hele kaimana

I ke ala anapanapa

Na puka alohilohi

Ierusalema hou,

Kulanakauhale laa,

Luana o na haipule,

Huina o na Anela,

Waiho mai nei oe,

Me ou mau kupuna

I ka ukana a ke Aloha.

E hiipoi ia nei,

I ke kau a kau,

A kau i ka pua aneane,

Anehe aku wau e hopu,

I ke aka o ko kino,

Hopu hewa iho nei au

I ka alawa kuu maka,

O ka waimaka ka luahi,

E haniai mau ia nei,

Pulu elo ka lihilihi

Ahe lihilihi kuku oe,

No na manu o ka uka

Na kupa oia nahele,

Luana a na kupuna,

Hiapo oe a Ana.

Kuakahi a John Parker.

Moopuna a Kamolau

Hiilei a Kalai,

Lei aloha a Marie.

Pua mamo a Naihe,

Kupuna mai lalo mai.

Alaa papa mai na’lii.

Mai a Lonoakai mai.

Anoai oe, ka hikina mai a ke aloha.

            MRS. KAUNOO.

Halawa, Kohala A. Hawaii, Iune 5, 1872.