Ka Nupepa Kuokoa, Volume XI, Number 24, 15 Iune 1872 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE X1. HELU 24. HONOLULU, JUNE 15, 1872. NA HELU A PAU 550.

 

Ka Nupepa Kuokoa

 

He Moolelo no D. Kalino a me ke KANIKAU NO KONA MAKE ANA.

------------

            Ua kulana a hiamoe aku la o D. Kalino iloko o ka moana kai lipolipo, kuho@ manaonao, i kauo alopeia aku la e @ nui o ka make, e moe kau, moe @ oko o ka opu piha ole o ka honua. 

            Ua hanauia o D. Kalino ma Niupaipai, Honolulu, Feberuari 9, 1850.  Ma ka makahiki 1865, komo oia i ke Kula Beritania ma Kahehuna, malalo o ke ao ana a Mr. Beckwith a me Kinney.  Ua paka lanakila mai oia mailoko mai o ia kula, a komo aku la ma ke Kula Kiekie o Kapanahou, ma ka makahiki 1869, ma ke alakai ana a Mr. Alekanedero. Ma ka la 6 o Sepatemaba 1870, ua puka mai oia mailoko mai o ia kula. A hala kekahi wa, ua lilo oia i kumu kula olelo Beritania no ke kula kuokoa o Kawaiahao, e hapai pu ana i ka oihana hoonaauao me W. A. Kiha.  A iloko no o ia @, ua hoopalauia oia me kekalu kaikamahine, aka, aole nae i ko ia manao ana a hala e aku la keia ma kela aoao o ka @ rose ana i manao ai e kui.

            I kona mau la e ola ana, ua pii kiekie ae kona naauao ma na mea i ao ia a i ao ole ia e ia .  A no ka hiki ole ia makou ka ua iho i ko makou aloha, nolaila, ua haku iho makou i mau kanikau aloha nona, i kia hoomanao na ko makou mau puuwai e hana’i, a oia mai hoi keia malalo iho:

He kanikau, he uwe aloha keia,

Ia oe e Davida kuu keiki,

Kuu keiki i ka ua popo kapa o Nuuanu,

Anu maele loko i ko aloha e noho nei,

E @a nei o ka po me ke ao,

Kuu lei haule ole he keiki,

Kuu mea minamina e noho nei,

Huli ae nei au aole oe,

Ke kooha o ka noho ana o ka hale,

E hoomanawanui ai o ka la inea,

Kauaho aku ne ola i ka hoa sopa,

            Auwe kuu keiki e,

            Kuu aloha pau ole e noho nei.

Kuu keiki mai ka bele kui-lua o Kaukeano,

Mai ka piha kanaka la o Honolulu,

A oha ka la haaheo o ua aina nei,

Pau kou lohe ana i ke kani a ka pu,

A me ka hone ana a ka leo o ka oho,

I ke kani kapalili mai hoi a ka bilu,

I ka pualu a ka leo o ka pahu,

            Auwe kuu keiki e,

            Kuu aloha pau ole e noho nei.

Kuu keiki mai ka piha kanaka o Ainahou,

E nana ana i ka ululaau makai,

I ka uluwehiwehi i ka nuku o Mamala,

Malama iho nei au i ko aloha,

O ka ukana nui ia a loko e hana nei,

            Auwe kuu keiki e,

            Kuu aloha pau ole e noho nei,

                                                            KALINO.

 

Kanikau aloha keia nou e David Kalino,

Kuu kaikuaana mai ka makani kukalahale o

Mai ka olu hale o Hanakuhi,  [Honolulu,

Akahi au a ike i ka mea nui he aloha,

E lalawe nei i kuu nui kino,

Hui ana ma ke kua lou ma ke alo,

A oha ko kino i ka nalo ana,

I ka hele ana aku nei aohe loa,

E na kaua i alo ai i ka wela o ka la,

Me ke anu hoi o ka ua,

I la aku nei paha oe i ka uka lilo,

I ka uka anu o Nuuanu,

Anu kuu ili i ko aloha e noho nei,

Me he ua naulu la i ka maka o ka opua,

Huli ae nei paha oe makai,

A ike i ka naui o Waipiula,

Komo aku oe o ka malu ohai,

I ka malu ohai o Hoikealoha,

Aloha kuu kaikuaana,

Kuu hoa hele o ka nuauao,

Kahi a kaua i hoomanawanui ai i ka ike,

Loko o na la kulolia ai ole,

Unuhi aku oe i Kapunahou,

I ka pane poo o ka naauao,

O ka ipukukui molamalama,

            Auwe kuu kaikuana—e.

Aloha ke kula loa la e Kahua,

Kahi hoi au e hoomanawanui ai i ka wela o

Mea ole ia wela o ka la ia oe.

I ke kainapu a ka lio hulupala,

I ke kula wela la o Makiki,

Ikiki au i ko aloha e nobe nei,

Me he makani hoohaehae la i ke Kona,

O ke Kona oe, ka makani hele uluuiu o ka

Ka makani pa lauili i kuu nui kino. [hooilo

Pau ko makou ike aka oe,

Ea aku nei paha me ka Makua Nui,

Me ka mea nana kakou i hana mai,

Ike aku la paha oe,

I ke kiowai o ke ola,

Ka wai lapaau o ka uhane,

Aloha Maumakapili ka leo o ka Piano,

Kahi a kakoa i hoomanawanui ai,

I ka pono o ka uhane,

Aloha ko leo i ka pane ana mai,

Auhea iho nei kuu Mama,

Kuu mea aloha e nobo nei,

Pau nou lohe ana i ka leo o ka  pila,

I ke ku-ku mai a ka leo o ka pahu;

I ke kani hone mai a ka leo o ka ohe,

I ke anoano o ke aumoe,

Moe hoolana i ka leo o ke Kahuli,

E huli mai kaua e ke hoa ua anu au.

            Auwe kuu kaikuaana –e.

 

Kuu kaikuaana mai ke kula loa o Kaiwiula,

Mai ka ihona la e Moanaloa,

Mai ka piina ikiki o Kapukaki,

Aloha ia wahi a kaua e hele ai,

Alo aku kaua o ke kula loa,

O ke kula loa la o Ewa,

Mea ole ke alu me ka ihona,

I ka pukukui i ka holo a ka lio,

A hala o Puuokapoiei,

Kaalo ana o Puuohulu,

Hao nui aku ka manao,

O ka malu niu o Pokai,

I ka pa mai a ka makani Kaiaulu,

Ulu mai ka manao me ke aloha,

Ia wahi a kaua e hele ai,

Aloha ke kula la o Papaakea,

O ia kula loa a kaua e hele ai,

Aloha Kamaile, kahi a kaua e noho ai,

E noho malihini ai kaua ia lai,

Hookahi kamaaina o na aikane,

Aloha ka wai o Kikoo,

I ka noho mai i ka malu kou,

Kahi a kaua e luana ni me na hoa’loha,

Ke noho nei au me ka hoomanawanui,

I ka oihana a kaua i makemake ai.

            Auwe kuu kaikuaana—e.

                                                D. L. KALUA.

 

He uwe helu mai Lumilani,

Aloha ino no kuu keiki,

Kuu pua laha ole i nalo aku nei,

Ke kukui malamalama o ka naauao,

Malama iho nei makou i ko aloha,

Aloha ko kiao i ka noho ana mai,

Hele nau la oe i ke ala hoi ole mai,

Noho iho nei makou me ka u,

Me ka minamina pau ole ia oe,

            Auwe kuu keiki—e.

 

Aloha ka la wela o Kahehuna,

Ko wahi e ake nui ai i ka ike,

Akahi au a ike i ka mea nui he aloha,

Ke lokloku nei i ka puuwai,

Aloha o Kapunahou,

Ka piko o ka naauao,

Kahi nu i hoomanawanui ai,

I ke anu me ke koekoe,

Mea ole ia anu ia oe,

            Auwe kuu keiki—e.

 

Aloha ke kula loa la e Kahua,

Aohe loa i ka holo a ka lio,

Aloha ka la wela o Honolulu,

A me ka piina ikiki o Waipiula,

Hoomaha aku i ka olu hale o Hanakahi,

Hookahi mea nui a makou o ke aloha,

            Auwe kuu keiki—e.

                                                S. W. LUMILANI.

 

He kanikau aloha keia nou e D. Kalino,

He lei mae ole na’u ke aloha e noho nei,

Kuu keiki mai ka aina haliu i ka makani,

Mai ka la hiki mai i ka ili o ke kai,

Ke kau ae la i ke kumu o ka pali,

Nononoho aku kaua o ka lai o Kailua,

Mai ka i-a piha kanaka o Kawainui,

A nui ko aloha e uwe no au,

            Auwe kuu keiki—e.

            Kuu mea aloha e noho nei.

 

Kuu keiki mai ka malu o ka hale,

Kupu mai nei ke aloha ia oe,

Kuu keiki mai ka wai o Hauliwai,

Huli iho nei au aole oe,

Hele aku kaua o ka hala o Kekele,

Aia paha oe i ke kui lei ahihi o Nuuanu,

Kuu keiki mai ke Kawelu O Lanhuli,

Huli aku nana ia Luakaha,

Aloha ia wahi a kaua e noho ai,

E pili ai i ka ua me ka makani,

Kuu keiki mai ke kula mehameha o Laimi,

O ia kula kanaka ole a kaua e noho ai,

            Euwe kuu keiki—e,

            Kuu mea’loha e noho nei.

 

Kuu keiki mai ka ihona o Maemae,

Mai ka huikau a a a kaa i Waipiula,

Aloha Niupaipai i ka malu a ka Manako,

A me Nioiwela ko home (hale) au e noho’i,

E noho aku ai i ka la maka poniuniu,

Ola kaua i ka ai a ka haole,

Kuu keiki mai ka po loloa o ka hooilo,

Mai ka ua hehi mai iluna o ka hale,

            Auwe kuu keiki—e,

            Kuu mea’loha e noho nei.

                                                ENALIA IKOA.

 

He uwe helu mai Nalunui,

Kuu keiki mai ka la wela o Niupaipai,

Mai ka malu hale o Nioiwela,

Wela mai nei iloko i ko aloha,

Auwe aloha kahi a kaua e noho ai,

Aloha ko kino i ka nalo ana,

Moe aku i ka hale anu,

I ka hale ololi a ka haole,

            Auwe kuu keiki—e.

 

Kuu keiki mai ka lai o Hanakahi,

Hookahi oe i hele aku nei,

Noho iho nei makou,

Me ka u me ka minamina,

Kuu keiki mai ka wailuupoo o Waianihinini

Aloha ia wahi a kakou e luana ai,

Kuu keiki mai ka ai haaheo i ka a-i,

Mai ka i-a mili lima Ulakoheo,

Aloha ia wahi kakou e noho ai,

            Auwe kuu keiki—e.

                                                NALUNUI.

 

He kanikau he uwe aloha keia,

Ia oe hoi e Davida kuu kane,

Kuu kane hoi e,

Kuu kane hoa pili o ua kino nei,

I piliia e kaua na po kehau anoano,

O ea po loloa o ka hooilo,

E hoeu mai ana ke anu me he kanaka la,

E wehe mai ana i ka poli me he ipo la,

Ua ku i ka iwi ua eha loko,

O loko o’u kai mokumokuahua i ke aloha,

O kuu puuwai kai haule ua naha,

Ua haki owa oloko me he kaikoo la,

I ka hakukoi a ka manao iloko,

Huwe ! nani wale no hoi ke aloha o he kane

            Kuu kane hoi—e.

Kuu kane mai na pali hauliuli o na Koolau,

Mai ke koa nee mokumoku o Heeia,

Mai na moku au i ke kai me he manu la,

E peahi mai ana ka lima me he kanaka la,

E hea ana i na kupa o ia kahakai,

            Auwe kuu kane—e,

            Kuu kane hoi—e.

Kuu kane mai ka ua poai hala o Kahaluu,

Mai ka uka o Ahuimanu,

I pulu pe i ka hau o ke kuahiwi,

I kahi a maua i alo ai,

Me kuu kane hoa pili o ua wahi la, [ole,

I pili hele ia e kaua i ke alanui makamaka

Hookahi no makamaka o ka ihu o na lio,

Pakukui lua i ka pali o Nuuanu,

Anu maeele i  ka ua popo kapa,

I ka holo mai a ke kawelo o Lanihuli,

Huli aku kaua nana i ke kaona,

I kahi a ke’loha i noho ai,

Auwe ! nani wale no hoi ke aloha o ke kane

            Auwe kuu kane—e,

            Kuu kane hoi—e.

Kuu kane i na huikau o ke kaona,

I ka hakiaua mai a na kanaka,

Mai ka i a mili lima o Ulakoheo,

Mai ka ai haaheo ae i ka leo,

Ola no ke noho ana o ia aina,

            Auwe kuu kane—e,

            Kuu kane hoi—e.

Kuu kane i ka lai o Ewa,

Ia aina lepo ula kineanea i ka ili,

Aloha Aiea i ka po kehau anuanu,

Mai ka ohu kolo nee halii mai i ke pili,

I piliia no e maua me kuu kane,

Me kuu kane hoa pili i ka ua kiu,

Manai lehua makani kilioopu,

E noho ai maua i ua wahi la,

            Auwe kuu kane—e,

            Kuu kane hoi—e.

Kuu kane i ke kula loa o Kahua,

Mai ke kai leo nui o Kawehewehe,

Kahi a ke kino i auau ai,

I luupoo ai i ka wai o Apuakehau,

Huli aku kaua nana i ka uka o Manoa,

I ka punohu mai a ka ohu i na pali,

E mokomoko ana me ka ua kuahine,

            Auwe kuu kane—e,

            Kuu kane hoi__e.

 

Kuu kane i ka uka o Maemae,

Hoolohe aku kaua o ka wai piula,

I ka hea mai o ka leo ua anu kaua,

O kaua no o na makua ke neho,

I kahi i noho ai o Niupaipai,

Mai ka malu hale nui o Nioiwela home,

Aloha ka leo o kuu kane i ka hea mai,

I ka i mai, "aloha no hoi kaua”

Aloha no ka luna i ka peahi mai,

I ka hawanawana mai e aloha,

O kuu aloha pau ole o oe ua hala,

Ua wehe mai nei i ka pili a maua,

Ua hoi no i ka poli o ka Makua mau,

Ko kaua mea hookahi nana i hana,

He hana, he kumakena, he lihaliha,

I ke aloha pau ole ia oe la—e.

                                                IURIA.

 

            He kanikau la he aloha,

            Nou no e Davida,

            Ua hala e uku oe,

            I ke ala hoi ole mai,

            Noho iho nei makou,

            Me ka u me ka minamina,

            Pau kou ike ana,

            I na mea nani laha ole,

            O nei ao hoolailai,

            Aloha ka uni naauao,

            Ka ho au e holo ai,

            Hiki aku i Kapunahou,

            I ka hale imi naauao,

            Ke kiko waena o Hawaii nei,

            Ke hoonaauao nei makou,

            I kau mau hana akamai,

            O oe ka mea i manao ai,

            E hiki aku ai hoi,

            I ke kulana hanohano,

            O na hana aupuni,

            Eia ka ua lilo,

            I na enemi kuwaho,

            Aloha ka leo o ka ohe,

            Ka hoene mai i keano ahiahi,

            Ka mea hoi a ko hapa puliuna,

            E uwehewe mai ai,

            I ka malu hale hoi,

            O Nioiwela Homne,

            Ka hale hoi a ke aloha i noho ai,

            Malaila hoi kou mama,

            E nohu keiki ole la.

                                                MARAEA.

 

            Kanikau la he aloha,

            Nou no e Davida Kalino,

            Ea aku nei paha oe,

            I ke hala hoi ole mai,

            Au iho nei makou,

            Aole oe i loaa,

            He niauu ana iho nei,

            He maalo ka'u i ike,

            Auhea iho nei la,

            E aku nei paha oe,

            I ka huikau a na lio,

            Ka haki aua a na kaa,

            I ka welo mai a na hae,

            Aloha ka home kahi e noho ai,

            Aloha no hoi ka Piano,

            Ka mea a ko lima e umeume ai,

                        Auwe ! Aloha ino.

                                                            BETE.

 

J. H. P. Kanaikaua,

Kakauolelo,

Niupaipai, Iune 4, 1872.

------------

Make i aloha nuiia.

------------

            Ua hanauia o Kawai ma Maumau, Hilo.  Ma ka makahiki 1842, hoohuiia wau me ia na ka berita mare.  Ma ka 1844, komo i ka ekalesia.  Nolaila, he 27 makahiki ko maua noho ana iloko o ka ekale@ia, @ moe aku la kela i ka hale koou o ka honua.

            I ke kakahiaka o ka la 29 o Aperile, hele maua i ke pani opae, a o ka hoomaka mai la no ia o ka eha ma ke kikala, a hoomanawanui no a po ia la, a i kekahi la ae, o ka hele e no ia a noho ma ka poli o ka mea Mana Loa, a haule iho nei au i ka hope waa, ua oki oe e nee hele ana e he manu hulu ole la.  Nolaila, ua haku iho makou i wahi mele kanikau no ua kane aloha nei a’u, a oia keia malalo iho:

            Kanikau la he aloha,

            Nou no e Kawai,

            Ua liala e aku oe,

            I ke ala hoi ole mai,

            Au iho nei ka manao,

            O kahi e pono ai,

            Luaiele kuu kino,

            Paila i ko aloha,

            Haalele iho nei oe,

            I ka pili a kaua,

            Kuu hoa o ka ua noe,

            O ka wai o Honolii,

            He alii no ke aloha,

            Alu e malama nei,

                        Auwe ! kuu kane—e!

                        Kuu hoa hoi—e !

            Kuu kane o ka la wela o Alae,

            Mai ka piina ikiki o Paea,

            Aloha ia wahi a kaua e hele ai,

            Hele hookahi aku nei oe,

            Noho iho nei hoi au,

            Me ka u me ka minamina,

                        Auwe ! kuu kane—e!

                        Kuu hoa pili hoi—e !

            Kuu kane mai ka la wela o ke kaona,

            Mai ka piina ikiki o Kanukuokamanu,

            I walea i ka olu o Waiolama,

            Aloha ia wahi a kaua e hele ai,

            Aloha ka lai o Puueo,

            Aloha ka piha kanaka o Kapipalaoa,

            Aloha ke one anapa i Punahoa,

            Aloha ka papa kahulihuli o Wailuku,

            Kuu kane aloha, hoi—e,

            Kuu kane mai ka piina loa o Puumaile

            Komo aku o ka olu o ke kukui,

            He ihona olu ana o Kanoa,

            Kuu kane mai ka ua lulehua o Panaewa

            Hoomata aku kaua i ka olu ulu o Kumu

            Honi hoomau i ke ala o ka hala,

            Kupu mai kuu aloha no kaua,

            I kou hele ana haalele mai ia’u,

                        E pili no au me kuu kane—e !

                        Kuu kane hoi—e !

            Kuu kane mai ka ihona loa o Kekee,

            Mai ke kai hawanawana o Haena,

            Mai ka ihili nehe o Aalamaau,

            Kuu kane mai ka pahoehoe loa o Ho-

            Aloha ia wahi a kaua e hele ai, [poe,

            Kuu kane mai ka la wela o Kapoai,

            Mai ka piina wela o Kaloi,

            Hoomaha aku kaua i Ohalele,

            Aloha ia wahi a kaua e hele ai,

            Uwe helu ae nei o Keikiole,

            Aloha ino no kuu kamalei,

            E pukui ai i ke anu me ke koekoe,

                        Auwe ! kuu kane hoi—e !

            Kuu kane mai ka piina loa o Mahipapai

            Hoolono aku kaua o ka leo ka manu,

            Kuu kane mai ka hale wai o kanahele

            Mai ka piina loa o Kaanawaa,

            Hoomaha aku laua Kapahukaa,

            Kuu kane mai ka ohia O Moopuu,

            A nui mai no lo aloha, e uwe no au,

            Kuu kane mai ka la wela o Kamokulehua

            O ia nahele a kaua e noho ai,

            Hoolono aku kaua o ka leo o kahuli

            Kuu kane mai ka wai huihui o Mopuawa

            O ia wai aloha a kane e noho ai,

            Kuu kane mai ka i-a moe wai o Maili,

            A kaua e pukukui ai i ke anu,

                        Auwe kua kane—e !

                        Kuu aloha hoi—e !

                                                            HOAPILI.

 

            Kanikau la he aloha,

            Nou no e Kawai,

            Ko’u manawa paha keia,

            Auwe kuu keiki,

            Ua hala e aku oe,

            Ka makua o ka lehulehu,

            Noha iho nei hoi au,

            Me ka me ke aloha,

            He aloha kuu kamalei,

            Kuu hoa o ka wai anu,

            Wai huihui o uka,

            Hone ana i kuu manawa,

            Lalau lima ke aloha,

            Auwe kuu keiki !

            Ninau ae nei Hoapili,

            Auhea la o Kawai?

            Aia ma Kuiwiki,

            I ke kuai manuahi,

            I ola na ohua,

            Ola pu me ke kuewa,

            Auwe kuu keiki !

            Kuu lei a-i hoi,

            E lei ai i ko aloha,

            A kau i ka pua aneane,

            Auwe kuu keiki.          KEIKIOLE.

 

            Kanikau la he aloha,

            Nou no la e Kawai,

            Aloha wale oe i hala aku nei,

            Haalele i ka hoa pili he wahine,

            Uwe hele ae nei Hoapili,

            Aloha ino no kuu kane,

            Kuu hoa mai na pali o Hilo,

            Mai ka piha kanaka o Punahoa,

            Mai ke one anapa o Waiolama,

            Malama au o ko aloha,

            Kuu kaikunane hoi e,

            Uwe helu ne nei Keikiole,

            Aloha ino no kuu keiki,

            Au ae nei au aole oe,

            Aia i ka hulei ho,

            I ka huinau kanaka o Kaiwiki,

            Auwe kuu kaikunane hoi e.

                                                HANAE.

 

            Kanikau la he aloha,

            Nou no la e Kawai,

            Kuu kane noho anu o uka,

            Ua hala e aku oe,

            Ka welona a ka la i Lehua,

            Ka nehe a ka ua lokuloku,

            Walaau i ka lau laau,

            O ka hone a ka leo o ka manu,

            Kai-i-I lua i ka nahele,

            O ka holu a ka lau Inia,

            I ke ahe a ka makani kolonahe,

            Ninau ae nei Hoapili,

            Auhea iho nei o Kawai,

            Ai aku nei i ka holo lio,

            I ahona i ka Malualua,

            I ka pa kolonahe makai,

            A uka au o Kikala,

            Hone ana Maumau i ka lai,

            E iini aku ai ka manao,

            O ka ike i ka hoa o ka ili,

            A kai au o Honolii,

            Ike au i ka oni a ke kao,

            I ka pukui a ka mahu,

            Koai lua i ka omuku.

                                                K. KAHUHU

 

Maumau, Hilo, Mei 18, 1872.

------------

KA MOOLELO

------------

KAAHAOLELO 1872.

 

La Hana 27—Mei 30.

------------

            Hoomakaia na hana e like me ka mau.

            Heluhelu mai o Mr. Poli, he hoopii no Honolulu mai, e noi ana, $7 000 no ka hooloihi ana aku i ke Alanui Kula a hiki i ke alanui Liliha.  Waihoia ma ka papa a noonoo pu me ka Bila Haawina.

            Hoike mai ka Lunahoomalu o ke Komite no na Aka Hookolokolo, e hoopanee i na hoopii e noi ana, i Lunakaoawai Apana no Kaanapali a me ka hoopii aole e koho i L K. ike ole i ka olelo Hawaii.  2 E hoopau loa i ka hoopii i 12 makai uku malama no Wailuku. 3 E waiho ma ka papa i ka hoopii o Wailuku, e noi ana, aole e kohoia kekahi Kakauolelo no ka Aha Kaapuni a L. K. Apana ke ike ole i ka olelo Hawaii.  4 E waiho ma ka papa i ka hoopii o Molokai, no ke noi, aole e kohoia kekahi luna aupuni ina e komo ana ia i ke kalepa.  5 E waiho ma ka papa i ka hoemi ana i ka laikini waapa.  6 E hoopanee i ka bila no ko hoololi ana i ka pauko 1009 o ke Kanawai Kivila.  7 E hoopanee loa i ka hoopii o Waialua me ka bila e hoonoa ai i na kai lawaia, a ua laweia mai he bila hou e hooponopono ana.  Waihoia ma ka papa.

            Hooloha mai ka Loio Kuhina, e lawe mai ana ia he Bila Kanawai, e hoolilo ai i ka Aha Apana o Wailuku i Aha Hoomalu.

            Ma ke noi a ka Loio Kuhina, ua aeia aku oia e heluhelu mua mai i ka Bila e hoopau ai i ke Kanwai no ka poe mare i haaleleia, i aponoia ma 1870.  Waihoia malalo o na rula.

            Olelo mai o Mr. Kupakee, he bila kana e like me kela bila i hooholoia iho nei e pai.  Ina e paiia keia bila, alaila, e paiia no ka’u, no ka mea, aole i like na bila a maua.

            Ma ke noi a Mr. Lonoea, ua ae ia aku oia e heluhelu mua Mai i kana hila, e papa ana, aole e haawiia kekahi oihana aupuni i kekahi kana inu ona a noho pu me ka wahine maouahi.

            Ma ke noi a Mr. Kale Kauka, ua hoole ia ka bila

            Hooloha mai o Mr. Kapuniai, e lawe mai ana ia he bila e hoopau loa ai i ke Kanawai oki mare i aponoia i 1870.  

            Hoolaha mai o Mr. Kekoa, e lawe mai ana ia he bila e hoololi ai i ka pauku 3, a e hoopau loa ai i na pauku 6, 7, 8 o ke Kanawai Kivila, i aponoia i Iulai 1870.

            Hapaiia na hana o ka la, oia ka heluhelu akoluia ana o ka bila e hoololi ai i na pauku 1218 a me 1219 o ke Kanawai Kivila.

            Ma ke noi, ua heluheluia ka bila ma kono poo.

            Noi mai ka Loio Kuhina e hoopanee loa i ka noonoo ana, a kamailio mai ma ia noi.

            Mahope o ka wehewehe ana o ka Loio Kuhina no na minute he 70, ua hoopanee ka hale i hookahi hora, a ukoakoa hou i ka hora 1 P. M.

            Ma ka aoao makemake i ka bila e hooholo loa, ua kamailio mai ke Kuina Hailaki, Keo Kaaka, Matina, Kihopa, Kahananui, Alapaki.

            Ma ka aoao kue i ka bila, ua kamailio mai o Kaukaha, Mikalemi, Kaai.

            Ninauia ka hoopanee loa i ka bila, a haule, he 11 ae, a he 26 hoole.  Eia ka poe ae: Ka Mea Kiekie W. C. Lunalilo, Hon. Kanaina, Kamakau, Kaeo, ke Kuhina Kalaina, ka Loio Kuhina, Kaai, Mikalemi a me Kaukaha.  He 11 wale no, Eia mai ka poe kue: Hon. Kanoa, Dominis, Bihopa, Heirasi, Smith, Toma Martin, Nawahi, Hikikoki, Kipi, Halemanu, Naihe, Aholo, Hanaike, Kaukau, Lonnaea, Kahananui, Nutuna, Kaiue, Alapaki, Keo Kaaka, Poll, Paikuli, Kekoa, Kale Kauko, Kapuniai a me Raiki.  He 26 lakou.

            Ua hooholo pakahiia na pauku e like me ke noi a ka Loio Kuhina.

            Ma ke noi, ua hooholoia ka pauku 1 a me ka 2, a ua kapaeia ka pauku 3.

            Ma ke noi, ua hooholo loa ia, e ka mau ke poo o ka bila pela.

            Ma ke noi, ua hooholo loa ia ka bila ma kona heluhelu akolu ana.

            Hoopaneeia ka Hale.

                                                            La Hana 28—Mei 31.

            Hoomakaia na hane e like me ka mau.

            Heluhelu mai o Mr. Keo Kaaka, he hoopii no Honolulu, e noi ana, i $3,000 no ka hoomaikai ana i ke alanui Liliha, a e hoopau loa ia ke kuai ana o ka awa, koe na kauka.  Waihoia ke Komito kupono.

            Heluhelu mai o Mr. Poli, he hoopii no Honolulu mai, i $7,000 no ka hooloihi ana aku i ke alanui Papu a hiki i Pauoa. Hoopanee loa ia.

            Heluhelu mai o Mr. Poli he hoopii no Honolulu mai, e hoakeaia ka Halemai Moiwahine.  Waihoia ma ka papa a noonoo pu me ka Bila Haawina.

            Hoike mai ke Kakauolelo, ua paiia he 3 mau bila.  Aponoia.

            Hoika mai ke Kakauolelo, ua pau i ke kakau poepoeia na bila.

            Hoike mai o Mr. Hikikoki, ke Komite Hoonaauao, E waiho ma ka papa i ka hoopii a Kau, e hoakea aku ana i na makahiki o na keiki kula.  O na hoopii no Honolulu mai, e pili ana i kekahi mau