Ka Nupepa Kuokoa, Volume XI, Number 18, 4 May 1872 — Page 4
| This text was transcribed by: | Scott Derrickson |
| This work is dedicated to: | Gerard `Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
The Mystic Gate.
Ka puka pohihihi,
Kau mai na aka ou ;
Ma ou la a komo aku
I kahi no i@au no.
Ka hope oe o na lualoa,
Ka puka no ke ola mau ;
Oni a weheia mai
Ke pa @a hanu hope e.
Nolaila oe i kapaia’i,
“O make,” e na kioi nei.
Ka puka kau malie,
A wehe nihi mai,
A komo na hoe hele
O koonei poe maikai.
He wahi haiki wale no
Mawaena ou a kela ao ;
He pale lahilahi e
Mawaena ou a ia ao maikai.
Aole hiki ke alai
Ka lima keiki ke pa mai,
A uwe make ka pokii,
Hamama no, a hala e.
Ka puka kau malie,
A wehe nihi mai,
A hala na mea aloha
I kahi ma o ae,
A hala i kou pio e,
Ke pan@ia a paa loa’e.
Iini no e alu ae
Ia poe aloha i hala’e.
Paa nae ka puka, paa a mau,
Aole wehe no kakou.
Paa me he Adamana no.
Ua hala loa lakou io.
E kali no a wehe ia’e
Ka puka momi maluna’e,
A komo ae a hehi mai
Ma na alanui gula e.
Kuu mea aloha e kali ana,
Poūli ānei kou nanā’na ?
Kaumaha ānei kou naau,
A ake e maha koke no,
A ike i na hoa ou
Ma kahi make ole no ?
Ua paupauaho ae anei.
A wikiwiki e komo e ?
E kali oe a ae maikai
Ke kiaipuka e wehe mai.
Iesū ka i make e hoola
I hele oe a ola pu la,
E wehe lohi ia anei
Ka puka nou e komo ai ?
Nana a heluhelu e
Na huā aloha hoonā mai;
“ Mai hookaumahaia mai ;
Paulele i ke Akua e ;
Paulele ia’u, ke kaha nei ;
Maluna kuu makua e ;
He hale kona a maikai ;
Nui na rumi iloko ae ;
Pii e no au i makaukau
Na rumi nani no oukou.
A pau ka hana e wehe au
Ka puka o ia hale mau
A kii a lawe ia oukou
E noho pu a mau loa no.”
HAWAII.
Ka Moolelo o ka Halawai o
Ka Aha Euanelio o Hawii Hikina
Ma Haili, Hilo, Aperila 10, 1872.
Eia na lala, a me na elele a me na keiki o ka Aha i hiki mai.
KAHU. ELELE. EKALESIA.
J. Kaonohi, Keaiwa,
Rev. F. Barenaba, Timoteo, Kalapana,
Kaleopaa, Opihikao,
Rev. J.W. Han@, D. Kapahee, Puula,
Rev. T. Koan@, J. Holop@uai, Haili,
Rev. J.H. P@hio, Wahamu Onomea,
Rev. J. B. Hanaike, Davida, Hakalau,
Rev. J Hanaloa, Laupahoehoe,
Rev. D.B. Laimana, Lala mau. Hilo.
Na keiki o ka Aha. – D. Kamai, J. Nawahi, J. Holopinai, S. Kaonehu, J. Kaolulo, G. K. Maka, J. Hanai, W. H. Lapaela.
Koho ka Aha ia Rev. J.B. Hanaike I Luna Hoomalu, a ia Rev. J.W. Hanu I kakauolelo – Haipule ka Aha i hapa hora.
Koho aku ka Aha ia Koana, Pahio, Holopinai, i Komite Imi Hana; a ia Koana, Barenaba, Wahamu, i Komite Imi Haawina.
A po aku ka Aba i ka poe i noho pu mai me ka Aha, i mau hoa kuka, a ua apo pu mai ia Rev. J.W. Kanoa, i hoa kuka pu ma na hana o ka aha – aponoia.
Hoike mai ke Komite Imi Hana. – Ua aponoia. – Eia na mea i kukaia.
1 E haipule keia Aha i hapa hora.
2 Na Hoike Kihapai.
3 Na Palapala aloha o na Aha.
4 Na Haawina.
5 Komite Imi Haawina.
6 Komite Buke ekalesia.
7 Komite pane no na leta a na Aha e ae.
8 Hoolaha Baibala.
9 Hoolaha Nupepa.
10 Na Kula Sabati.
11 Na Kula Aupuni.
12 Na mea ona.
13 Ka maluhia o ke Sabati.
14 I Kula Kaikamahine no ka mokupuni o Hawaii.
15 No ka Mahina Hou.
16 Na Misiona.
17 Ke kumu o ka huli ole mai o ka poe mawaho.
18 Ka pono a me ka ole o ka hele ana o na Kahu Ekalesia I ka Ahaolelo Aupuni.
19 Hanai Kahuna.
20 Ka aku moku o na elele ke holo I Honolulu.
21 Ka hui hau ana o ka Aha.
22 Ka imi pono ana i na hipa.
23 Na Palapala Hoopii.
HAPAHA NA HOIKE KIHAPAI.
Heluhelu ke Kakauolelo i ka Hoiki Kihapai o ka ekalesia o Kapahiuku, Kau.
Heluhelu mai o Barenaba, no ka ekalesia o Kalapana, Puna.
Heluhelu mai o Hanu, no ka ekalesia o Puula, Puna.
Heluhelu mai o Pahio, no ka ekalesia o Onomea, Hilo.
Heluhelu mai o Hanaike, no ka ekalesia o Hakalau, Hilo.
Heluhelu mai o Hanaloa, no ka ekalesia o Laupahoehoe, Hilo.
Heluhelu mai o Koana, no ka ekalesia o Haili, Hilo.
No@ia e hoomaha ka Aha i hookahi hora.
Pule o Barenaba.
Hoi hou mai ka Aha i ka hora 1. Pule o Kaonohi.
Kumuhana 3. – Na palapala aloha a na Aha Euanelio e ae i keia Aha.
Heluhelu mai ke Kakauolelo i na palapala elua, ko Oahu a me ko Hawaii Akau.
Kumuhana 4. – “Na Haawina.”
Heluhelu mai o D.B. Laimana, i kona Haawina. “Ka Baptizoia iloko o Mose. 1 Kor. 10:2.”
Heluhelu mai o Pahio i kona Haawina, Kanawai VI. Puk. 20:13.
Heluhelu mai o Hanaloa i kona Haawina, Kanawai VI. Puk. 20:13.
Heluhelu mai o Hanaike, i knoa haawina, Kanawai III. Puk. 20:7.
Heluhelu mai o Hooluhi i kona haawina, “He hana pau koke anei ka hoomaemae ana i ka naau o ka haipule?”
Na Kaolulo kona haawina. 1 Timoteo 5:24.
Kumuhana 6. Komite Buke ekalesia.
O Koana ke Komite. Paipaiia na Kahu ekalesia o keia Aha, e lawe mai i na Buke ekalesia a lakou.
Kumuhana 7. Na Komite pane Palapala aloha aku i na Aha Euanelio. – T. Koana, i ko Hawaii Akau, J.W. Hanu, i ko Hawaii Komohana, J. H. Pahio, i ko Oahu, D. B. Laimana i ko Maui, J.B. Hanaike i ko Kauai.
Noiia mai ka Aha e hoopanee apopo hora 9. Haipule ka Aha i hapa hora.
Poaha, Aperila 11. – Akoakoa hou ka Aha ma ka hora i hoopaneeia. Pule o J.W. Kanoa.
Heluheluia ka moolelo, a aponoia me ka hooponopono.
Hapaiia na Haawina i hoopaneeia.
Heluhelu mai a Keana i kona Haawina, ke keiki o ka make. i Tesalonike 2:3-12.
O D. Kamai, kona haawina, Kanawai II. Puk. 20:4-6
O Kaonehu, kona haawina, Kanawai VIII. Puk. 20:13.
O Holopinai, kona haawina, Kanawai X. Puk. 20:14.
O Hanu. kona haawina. Halelu 19:12.
O Barenaba, kona haawina. Hoikeana 22:18, 19.
Haipule ka Aha i hapa hora, a ua nonoiia mai e hoomaha ka Aha i hookahi hora, a ua aponoia. Pule ka Luna Hoomalu.
Akoakoa hou mai ka Aha mahope o ka hora 1. Pule o Kaonohi.
Kumuhana 8. Hoolaha Baibala.
Kamailio loihi ka Aha a paipai ikaika loa ia e hana koke me ka molowa ole. Aeia.
Kumumanao 9. Na Nupepa.
Paipaiia e lawe koke na lala o keia Aha i ka Nupepa Kuokoa, a me ka Alaula.
Kumumanao 10. Na Kula Sabati.
Ninaninauia na Kahu ekalesia, i kea no o na Kula Sabati ma ko lakou mau wahi, a nonoiia e pule nui i ke Akua, i nininiia kona Uhane a ulu nui na Kula Sabati o keia Aha.
Hapaiia ke Kumuhana 11. No no Kula Aupuni.
Ua kuka ka Aha a paipai e ao na makua i na keiki e hele mau i ke Kula.
Hoolohe ka Aha ia Rev. J.W. Kanoa, a me Nantibe, no ka hana a ka Haku ma Butaritari, hookahi hora a oi.
Noiia e hoopanee apopo hora 9. Hoopanee ia. Pule o Kaonohi.
Poalima, Aperila 12. – Hui hou mai ka Aha ma ka hora 9. Pule o Namakaimani.
Heluheluia ka moolelo, ua aponoia ma ka hooponopono.
Heluhelu mai ke Kakauolelo, i ka leta aloha a ka Aha Euanelio o Hawaii Komohana i keia Aha.
Hapaiia na Haawina i hoopaneeia.
Na Lapaela, kona haawina, Kanawai IX. Puk. 20:13.
Waihoia he Olelo Hooholo. Hooholoia.
Aole e ae ia e heluhelu kekahi haawina, ke ole e hoomakaukau e ia e ka mea nono ia haawina, ke hala na la elua o ka halawai ana o ka Aha.
Hapaiia ke Kumuhana 14. I Kula Kaikamahine no ka mokupuni o Hawaii.
Kukaia a koho i Komite, O Koana, Kauhane, Pahio.
Hoomaha ka Aha, me ka pule a Kaonehu.
Hoi hou mai ka Aha ma ka hora 1. Pule o Kala.
Hapaiia ke Kumuhana 16. No na Misiona; Haipule o Koana me J.W. Kanoa; a kuka loihiia, a hooholo penei:
Hooholoia. – E pule mehameha kela me keia lala o keia Aha, i kela a me keia kakahiaka nui, no keia mau kihapai, a hiki i ke Sabati hope o Aperila nei, e hoomaka ma kela a me keia ahiahi, ma na apana a pau o na kihapai, a hiki i ka la Sabati mua o Mei, e noi i ka Haku nana ke kihapai, i hua nui mai na hua o ka Uhane, a i hoomakaukauia na lawehana e hele i ko na aina e.
Kumuhana 19. Ka hanai Kahuna.
Hoike pakahi na Kahu me na Elele, a loheia, ken oho aie nei na ekalesia e hookaa I ko lakou aie i na kahu o lakou.
Kumuhana 12. Na mea ona.
Ua kukaia a paipai e ala a kinai aku.
Kumuhana 13. Ka maluhia ole o ke Sabati.
Kuka loihi ka Aha me ka menemene i keia la hoano, a weliweli hoi. Paipai ikaika ia e ala like a hoomalu.
Kumuhana 13. Ke kumu i huli ole mai a@ ka poe mawaho. Kuka ka Aha a hoopanee apopo.
Noi mai o Kapahee a me Kaleopaa, he mau Elele, e hookuu aku ia laua. Hookuuia.
Haipule ka Aha he hapa hora, hoopanee apopo hora 8. Pule o Nakahuna.
Poanon, Aperila 13. – Hora 8. Halawai hou ka Aha. Pule o Hanaloa.
Heluheluia ka moolelo o nehinei; aponoia.
Kuka ka Aha no ka hana i hoopaneeia inehinei, a hala hookahi hora me ka hapa, me ka menemene o ka naau, a nonoiia, e hoomaemae koke na hoahanau me ka mihi i ko lakou hana naaupo ana, i ka hele naauao ole mamua o ka poe mawaho ; i huli mai ka poe o waho iloko o ke Aupuni o ke Akua.
Kumuhana 18. Ka pono a me ka ole o ka hele ana i ka Ahaolelo Aupuni o ke Kahu ekalesia ; hooholo penei : Hooholoia.
Ma ka manao o keia Aha ; aole pono ke Kahu ekalesia, e ake nui me ka ae aku, e hele oia i ka Lunamakaainana, a waiho i ka ekalesia me ka malama ole ia.
Kumuhana 20. Ka uku moku o na Elele, ke hele i Honolulu.
Ua kuka a kaana, Nana ekalesia o keia Aha ewalu e haawi i hookahi dala me hapaha i uku moku no na Elele elua o keia Aha, ke holo i Honolulu, e lulu a waiho ma ka lima o Koana, ka Puuku no ia dala ; Hooholoia.
Hoike mai ke Komite Imi Haawina, a ua aponoia. Penei :
1. Ia Laimana ka hoike no Tureke.
2. Ia Nawahi, ka hoike no Patagonia.
3. Ia Koana, ka wehe ana 1 Timoteo 4:16.
4. Ia Hanaloa ka hoike no Nuuhiva.
5. Ia Kaonehu, e wehewehe 1 Timoteo 4:2.
6. Ia Hanai, Hoike no Maikonisia.
7. Ia Kaolulo, e wehe ia 1 Korineto 9:22.
8. Ia Pahio, kea no kahiko a me ka wa hou o Hawaii nei.
9. Ia Holopinai, e wehewehe Ieremia 3:15.
10. Ia Lapaela, Moolelo o ka hiki ana o ka pono ma Tahiti.
11. Ia Kauhane, e wehewehe 1 Tesalonike 4: 13-17.
12. Ia Kamai, Moolelo o ka Euanelio ma Hawaii nei.
13. Ia Barenaba, e wehewehe ia Ezekiela 34:2-6.
14. Ia Kaahiki, Kanawai V. Puk. 20: 12.
15. Ia Manoa, e wehewehe 1 Timoteo 3:4. 5.
16. Ia Kane, Kanawai IV. Puk. 20:8-11.
17. Ia Keliaukai, e wehewehe 1 Timoteo 6:10.
18. Ia Makuakane, e wehewehe Halelu 19:7.
19. Ia Hanaike, e wehe mai Hoikeana 21:1.
20. Ia Pihi, e wehewehe 1 Tesalonike 5:19.
21. Ia Hanu, e wehewehe Hoikeana 22:1,2.
He olelo hooholo. Hooholoia – Na ka ekalesia ma kahi e halawai ai ke hiki aku i ka halawai hou ana, e halawai ai ke hiki aku i ka halawai hou ana, e hoolako i na mea e pono ai ka hana ana a ke Kakauolelo o ka Aha, oia ka pepa, inika, peni, a poo leta hoi.
Hooholoia. – Ke @ahalo koikoi aku ne na hoa malihini o keia Aha, i na hoahanau kamaaina, no ko lakou hoolako oluolu ana mai, i na mea e holo aku ai ka maka poniuniu ana mai o makou aku i keia mau la eha.
Hapaiia ke Kumuhana 22. Ka imi pono ana o na kahu I na hoahanau I hele a nalowale. Waihoia mai he olelo hooholo penei :
Hooholoia. – E imi io na kahu a pau o keia Aha, i na hipa i hele a nalowale ma kahi e, me ka loaa ole o ka palapala hookuu ; aia a loaa, e hookuu aku ia lakou i na ekalesia a lakou i noho ai. E huli pu no hoi na Kahu a pau, i na hoahanau malihini, e noho loa ana iwaena o kona kihapai; e hooponopono i kona noho ana; a e palapala aku i ke Kahu ponoi, e hookuu mai ia ia, e komo iloko o ka ekalesia ana e noho ana.
Kumuhana 23. Palapala hoopii.
Nana ka Aha i ka Palapala Hoopii a J. Hanaloa, e hookuu aku ka Aha iaia no kona hanai pono ole ia e ka ekalesia, a me kea no make o ka ekalesia.
Koho ka Aba ia Pahio, a me Hanaike, i Komite e hele a kuka pu me ka ekalesia ; a e noho kahu no o J. Hanaloa.
Haipule ka Aha i hapa hora – A hookuuia ma ka hoopanee ana a halawai hou i ka malama o Okatoba 16, 1872, ma Onomea, Hilo, Hora 9. Pule o Koana.
J.W. HANU,
Kakauolelo.
Lio maikai.
E noho pu ana o Kauka Pluma ma ka noho kaa, me ka mea e hooholo ana i na lio eha, a o ka holo ana, ua like me ka holo ana o lehu. Ua kamailio hoomaikai oia i kona mau lio a pau ; hookahi nae o lakou mahope, e pili ana i ke kaa, oia ka mea ana i mahalo loa. Mawaena nae o na hua mahalo, a me ka hoomaikai, ua puka pinepine na hua hailiili, a me ka hoohiki ino.
I aku la o Kauka P. ia ia, penei, “hookahi mea maikai o keia lio koe, aole oe i hai mai.” Heaha la ia, wahi a ka mea e hooholo ana? Heaha la ia? Ka ino ua ike au i na ano a pau o keia lio. Heaha la ka mea hou au i ike ai?
I aku la o Kauka P. “Eia no ia. Ua holo pu kaua i kekahi mau mile, aole wau i lohe i kekahi hua ino noloko mai o kona poo.”
Nana aku la oia ia Kauka P. me ke kahaha ! – aole nae liuliu, a ike oia i ka imoimo ana o kona mau maka ; a maopopo koke ia ia kea no o kona manao. Alaila i aku la oia penei ; “aloha, aloha oe. Ua pono kau olelo ia’u. E hoao no au e oki loa i ka olelo hailiili, a me ka hoohiki ino.”
Ma keia kamailio ana, ua ao ia ke kanaka e kona lio, i ka hewa o ka hailiili ana, a me ka hoohiki ino ana. Nui wale na kauwa a ka Haku e ao mai ana i na kanaka hewa o keia ao, e mihi, a e oki i ka lakou hana hewa ana.
Ua hala ka Manawa.
Iloko o ka popilikia, ua pepehi kekahi kanaka i kona hoalauna a make. Ua ahewaia oia e ka Aha hookolokolo, e liia auanei ma ka kea a make.
Minamina loan a kanaka ia ia, nolaila, ua hoomakaukauia kekahi palapala hoopii i ke Kiaaina, e noi ia ia e hoopanee aku i kona w@ e make ai. Ua kali no a hiki mai ka Manawa i oleloia e make ai, alaila ua alakai ia ka lawehala, a ku malalo o ke kea, maluna nae o ka papa haule ; ua nakiia ke kaula ma kona a-i, a, no ka hiki ole mai o ka palapala o ke Kiaaina, ua hookuuia ka papa haule, a kau koke kona kino ma ka lewa, e oni ana i ka make.
Ia minute ua ikeia kekahi kanaka e holo kiki mai ana, maluna o ka lio paupauaho, e lawe mai ana i ka palapala o ke Kiaaina. e ae ana i ka manao o ka poe hoopii, e hoopanee i ka wa e make ai o ua lawehala nei. Aka, “ua hula ka Manawa,” ua liia, a ua make loa ! Elima minute ka lohi o kekahi wait, nolaila, i kona hiki ana mai, “ua h@la ka Manawa.” Aloha ino !
Me ia o kekahi hana makehewa o na kanaka ma keia ao. Nui na manao maikai i poho, a hooko ole ia, no ka hoopanee ana, a pau e ka Manawa pono. Nui ka poe i hoopanee i ko lakou mihi ana, a me ka hoolaulea ana i ke Akua ; a kaili koke ia lakou e ka make ; a e hoopai ma@ loa ia lakou, no ka mea, aole lakou mihi i ka wa pono, a ua hala ka Manawa.
Pela no i ka la hookolokolo, i ka hope o keia ao. i ka wa e ku ae ka Haku nona ka hale, a papani i ka ipuka, e ku no kanaka mawaho, a e noi aku ia ia e wehe ae ia lakou. A e pane mai oia. “Aole au ike ia oukou.”
O na wahine puupaa aila ole, e holo kiki mai, a e ike, “aia la ! o ka poe i makaukau, ua komo lakou iloko, aka, ua papaniia ka ipuka ia makou, no ka u@ea, ua hala ka manawa.”
Pehea kakou e noho nei ? Ua like pu anei kakou me na wahine puupaa aila ole ? Ina pela, e imi koke i ka aila i ka wa pono, no ka mea, “ano ka Manawa e malioia mai ai ; ano ka la e ola’i.”
Ka hoolaa ana I na keiki ma Burema.
Aia no Burema ma ka hikina o Hinedu, e pili ana i na aoao hikina o ke Kai Kuono o Benegala. Ua kapaia kekahi poe kamaaina o laila he poe Karena. He poe hoomana kii no lakou mam@a. A, o @a makua, he poe aloha nui lakou i na keiki. Maa lakou i ka hoolaa akua kii. Hoolaa loa, a noi ikaika i na akua kii e kokua, e hoopomaikai mai.
A, i ka wa i huli mai ai na makua ma ka pono, wikiwiki no lakou e hoolaa loa aku i na keiki liilii na Iehova, ke Akua oiaio, ka makua, ke keiki, ka Uhane Hemolele, ekolu inoa, hookahi nae Akua. A, mahope o ka hoolaa ana, ikaika loan a makua i ka pule no ua keiki. Pule mau, ma kea o, ma ka po, me ka hookiole, a hoolohe ke Akua, a hoohuli mai i na keiki ma ka pono. Nui na keiki i hoohuliia mai a lilo i poe haumana na Iesu. Ko lakou makemake nui e ola pun a keiki me na makua, i ole lakou e kaawale ma kela ao, a noho na makua ma ka lani, a uwe mau na keiki ma ka po, ma ke ahi pio ole.
Ma ka Aha Euanelio i halawai ma Hamakua Hikina mamua aku nei, eia kekahi ninau i weheweheia ; Heaha ka hana a na kahu ekalesia i na keiki i bapet@zoia ? A, ua paneia aku, aole i na kahuna pule ka hana nui no na keiki i bapet@zoia, aka, i na makua no. Na na makua no i makemake e hoolaa aku i ka lakou mau keiki liilii na ke Akua ; a na lakou hoi i hoohiki e malama pono i na keiki, e ao pono. e alakai pono, e kuhikuhi pono i ke ola, a e pule mau no i huli mai, i hoohanau houia mai e ka Uhane Hemolele, i loaa ke ola mau loa ia lakou. i hoopaaia keia hoohiki, ua kau ka lima o ke kahuna pule ma ke poo o na keiki, a bapetizo oia ia lakou, ma ka inoa o ka Makua, a o ke Keiki, a o ka Uhane Hemolele.
Nawai e hooko i keia hoohiki a na makua ? na ke Kahunapule anei ? na na makua anei ? Nau e aie, a hoohiki e hookaa, a na’u ka e hooko i kou hoohiki a hoopaa i kou aie ? Aole paha pela.
E hiki paha ia’u ke kokua ia oe i ka hooko aoa i kau hoohiki, ma ka paipai ana ia oe a ma ka ninau ana, ua kaa anei kou aie ? a kuhikuhi aku i ka mea e kaa ai, a e uwao nou ke kaa ole, i ole oe hoolei ia aku iloko o ka hale paahao no ke ko ole o kou hoohiki.
Peia no, na ua makua no e hooko i ko lakou hoohiki e malama a pela aku i na keiki, aole na ke kahuna pule, nana i bepetizo. Aka, e hiki no i ke kahuna pule ke kokua, kona dute no ia, e paipai i na makua, a e ninau, pehea ? ke malama pono nei anei oukou i ka oukou mau keiki. e like me ka oukou hoohiki ? a e kuhikuhi hoi i ke ano o ka malama, na hana e pili ana i ka malama pono. A ina malama ole, e uwao ke kahuna no na makua i ole e hoopaiia no ke malama ole i na keiki. E pono no hoi i na kahuna ke aloha nui i na keiki i bapetizoia. Lakou no na keikihipa o ka ohana. A ua kauoha Iesu ia Petero e hanai i na keikihipa. Ua kau hoi Iesu i kona lima maluna iho o na keiki liilii, a hoomaikai mai ia lakou.
E hooikaika nui, e pule nui na kahu ekalesia no na keiki i hoolaaia na Iehova. E hele i ka hale o na makua, e ao ia lakou malaila, e heluhelu i ka Baibala, e hai aku i na hana maikai a Iesu, me kona aloha nui i na keiki, kona makeana ma ke kea no lakou. kona wehe ana i ka puka o ka lani, a kahea ia lakou e komo ilaila. He mau keena liilii, he mau noho liilii, he mau lira li@a liilii, a lei gula liilii malaila no na keiki liilii, i lilo i mau keiki pono. A e pule no lakou ma ka hale, a e ao ia lakou e pule. E ao paanaau i kekahi pule pokole, e kupono ana i ke keiki liilii.
Oia kekahi dute o na kahu ekalesia ke komo iloko o na hale, e ninau, auhea na keiki ? E kii e houluulu mai. A puka mai, e la@@u i na lima, e aloha aku, e ninau i ka inoa, o Mere paha oe, o Ioane paha oe, aloha ea – he keiki maikai anei oe ? ke hoolohe nei anei i ka na makua ? E Iulia, heaha ka himeni i paa ia oe ? E Maria, ua paa anei ia o eke kanawai elima ? Pela e hoomalimali, a hoolakalaka’i i na keiki, a haawi aku i na pauku pokole, a himeni pokole, a he kanawai paha e hoopaanaau ai, me ka olelo, aia a hele hou mai au, alaila e hai mai i keia pauku, a pela aku ia’u.
Ina halawai na kahu ekalesia me na keiki liilii ma ke alanui, e lalau no i na lima, a aloha aku no – a hoopuka i kekahi mau hua olelo hoohauoli, a hoohoihoi ia lakou. He poe liilii a kulanalana, a hina lakou – e aloha – e kokua, e hoala, e aiakai i kahi e hele ai, e hoihoi ke auwana wale. A, nui iki ae na keiki, a hiki ke komo iloko o ke kula Sabati, e paipai na kahu ekalesia i na makua e hoouna i na keiki i ke kula sabati, a e hele no ke kahu i ke kula Sabati, e ao i na keiki malaila, e nana i ka lako, i ka lako ole o lakou i na palapala kupono, i na Alaula, i na himeni, a pela aku. A, ia ia ka malama i ka papa keiki liilii. i na haule kekahi, e hele e ninau, no ke aha ka haule ana? Mai paha, ea ; ina he mai kekahi, e hele e ike, e lapaau, e hanai, a pela aku.
Nui na hana a na kahu ekalesia no na keiki i bapetizoia. Na lakou no e imi, a hana mau no, i hali, i pono, i ola. Aka, aia no i na makua ka hana nui. E hoohalike oukou, e na makua Hawaii, me na makua Korena ma Burema, e hooikaika nui. e pule nui ma ke ao, ma ka po, no ka oukou mau keiki I hoolaaia. Mai hooki o ka pule, a me ke ao pono ana ia lakou, a huli mai, a hoohanau houia mai a hookomoia iloko o ke aupuni o ke Akua, i hui pu na makua me na keiki ma kahi hookahi ma ka lani, i ole e hookaawaleia ma kela ao, a hele na makua i ka lani. i kahi maikai, a, o na keiki, iho lakou i kahi ino, i ke ahi pio ole.
HAWAII
HAAWINA KULA SABATI.
1872: HAPAHA ELUA. Ke Kaula Elisai
HELU XVIII. MEI 5
Pauku Baibala. @@ N’Lii 4: 29-37
29 Olelo aku la ia ia Gehazi, e kaei oe i kou puhaka a e lawe I ko’u kookoo ma kou lima, a e hele ma kou ala : ina e halawai oe me kekahi kanaka. Mai uwe aku oe ia ia ; a ina e uwe mai kekahi ia oe, mai olelo aku oe ia ia ; a kau aku oe I kuu kookoo maluna o ka maka o ke keiki.
30 Olelo mai la ka makuahine o ke keiki, Ma ke ola o Iehova, a ma ke ola o kou uhane, aole au e haalele ia oe. Ku ae la ia a hele mamuli ona.
31 A hele aku la o Gehazi imu o lakou, a kau aku la i ke kookoo maluna o ka maka o ke keiki, aka, aole he leo, aole hoi he lohe. a hoi aku la oia e halawai me ia, a olelo aku ia ia. i aku la, Aole i ala mai ke keiki.
32 A hiki aku la o Elisai iloko o ka hale, aia hoi, ua make ke keiki, a ua waihoia maluna o kona wahi moe.
33 Komo aku la ia maloko, a pani aku la i ka puka mahope o laua elua, a pule aku la ia Iehova.
34 Pii ae la ia, a moe iho la maluna o ke keiki, o kona waha maluna o ko ia la waha, a o kona maka maluna o ko ia la mau maka, a me kona mau lima maluna o ko ia la mau lima, a kulou iho la ia maluna ona, a hoomahana iho la ka io o ke keiki.
35 A huli ae la ia, a holoholo iloko o ka hale, i o a ia nei, a pii ae la a kulou maluna ona, a kihe iho la ke keiki ehiku kihe ana, a kaakaa mai la na maka o ke keiki.
36 Kahea aku la oia ia Gehazi, i aku la, E hea aku i ka wahine no Sunema. Kahea aku la kela ia ia ; a hiki mai la ia ion a la, i aku la o Elisai, E kaikai ae oe i kau keiki.
37 A komo mai la ia maloko, a haule ma kona wawae, a kulou iho la ma ka honua.
PAUKU ALAKAI. Ma ke ola o ke Akua, me ke ola o kou uhane, aole au e ha@@@ oe.
KUMU NOONOO. Ka hilinai o ka wahine i ke Akua.
NINAU ANO NUI. Ua like anei ke aloha @ ke Akua ia kakou i keia wa me kona aloha, keia wahine a me kana keiki ?
Manao Wehewehe. – E pono i ka haumana e hai mai i ka moolelo o ka wahine o @@@ema. E huli no hoi ia Mauna Karemela : o @ kekahi lae kiekie ma ka ke kahakai i a@@@@@ kupono ia Galilaia. He wahi i makemake loa ia e na kaula o Elia a me E@sai.
Aohe i maopopo loa ke kumu o ko El@@, hoouna mua ana aku ia Gehazi.
NINAU. Owai keia e kii mai ana ia E@sai ? Aia o Elisai mahea kahi i noho a@ ? Mahea ia Mauna ? I hele mai keia wahine ia Elisai no ke aha ? Owai ka i kena ia e hele e halawai me ia ? Ua makemake anei ia e ike ia Gehazi ? Owai o Gehazi ? Kena aku la o Elisai ia Gehazi e aha ?
Ua manao anei o Elisai e ola ana ke keiki ia Gehazi ? Ua hele pu anei ka wahine me Gehazi ? Pehea kana olelo ia Elisai ? I keia koi ikaika ia, pehea ae la o Elisai ?
Pehea ka hana Gehazi i ke keiki ? Ua ola hou anei iaia ? Hoe aku la i hea, o ua Gehazi nei ?
Hiki aku o Elisai i ka hale o ka wahine, heaha ka i loaa iaia ? Pehea kana hana mua ? A heaha hou aku ? E hai mai i ka moolelo o ia ala hou ana.
Ala ke keiki, owai ka i kaheaia ? A ua kenaia e aha ? Pehea ka hana a ka wahine i kona ike ana i kana keiki ua ola hou ? Ua haiia mai anei kana mau hua olelo ? I ka Manawa he ka lohe ana o ke kane ana i keia mau hana kupanaha ?
No ke aha ka hoala ole ia o ka poe I make I keia wa ?
Haawina Pokii. Keia moolelo no, mai a he kuhihewa paha ia nono, i ka manao ana e ho@ili aku i keia hana ia hai, aole i ae ke Akua I ke ko ana o kana hana. O kekahi kumu paha o keia, maha ua ike ke Akua aole i maikai ka manao o Gehazi, e like me ka kakou e ike ai ma keia hope aku, a nolaila ua hole ia kona mana, a me ka @ ana o ke kookoo a Elisai. Pela no ka manao o ka wahine, makemake ia ia Elisai e hele aku, aole o kona hope.
Ua ku maoli no keia moolelo i kea no o ka wahine hanohano.
O na hana a Elisai iloko o ke keena, aole kakou i ike i ke ano. Aia no ia iloko o na mea huna a ke Akua, e like me ke ano o na hana mana a pau. Ua hoaoia no paha ka ikaika o Elisai i ka pule, i hiki iaia ke hoomanao pono, na ke Akua mai wale no keia mana.
Aole paha i lohe ke kane, a ola wale ke keiki. Maha he kane hoomaloka, aole kakou i ike.
KA NUPEPA KUOKOA,
HOOPUKA MAU IA MA HONOLULU
Kela Poaono keia Poaono
$2.00
No na mahina he Umikumamalua !
$1.00 no na mahina eono.
ME KA HOOKAA MUA MAI.
NA OLELO HOOLAHA – aole i o@ mamua o 10 laina no ka hoopuka hookahi ana, $1.00 ; alua komo ana, he $1.50, @kahi malama, $2.00. E @h@ mua ia @ai ke dala o na @@@ hoolaha a pau e hoounaia ana mai e pai
KANIKAU – he 4 keneta no ka lalani hookahi – p@nei he 25 lalani. $1.00 ; @@ lai@ni, $2.00 : a @@@@ ku.
KA UKU NO NA OLELO HOOLAHA – ka uku pepa, a me ka ui@ o ke Kanikau. e haawiia no ma ka li@@ o na @@@@@@ Kuokoa, a i olela, e hoouna mai ia @@@@@
NA UKU PEPA A PAU @ HOOKAA MUA MAI NO – aole e @@@@ ka inoa o kekahi haole a kanaka maoli paha na k@ @@@ ka poe lawe pepa ke ole e hookaa e mai mamua E @@@ ke hiipoila keia @@au rula, no ka mea, he emi no @@ @@@@@ no keia nupepa.
A@A KR KEENA O KA NUPEPA KUOKOA – ma ke keena @@@@ mua la iho nei e J W Au@@a. maluna a@ e ka @@@@ @@@@ O na hora ha@a, mai ka eiwa o kakahiaka, a i @a @@ ke ahiahi.
H.M. WINI. Luna Hoopuka
“KA NUPEPA KUOKOA.”
is published in Honolulu
EVERY SATURDAY.
$2.00 per annum, or $1.00 per six
months, in advance.
ADVERTISEMENTS not exceeding 10 lines inserted @@@@@@@ twice for $1.50 ; and $2.00 for one month ; all advertisements must be paid for in advance.
KANIKAUS will be charged 1.00 per page, or 4 cts. aline.
PAYMENTS FOR ADVERTISEMENTS, Subscriptions or Kanikau@ may be paid to any of the Agents of the Kuokoa. @@@ @e enclosed in a letter to the Publisher.
ALL SUBSCRIPTIONS must be PREPAID. No names, @@@@@ foreigners or natives. Will be inserted on the @@@@@@@ list until paid for. This rule must be strictly adhered @@ on account of the low subscription price
THE OFFICE OF THE KUOKOA over the Post Office. Office @@@@ from 9 A.M to 4 P M.
H. M. WHITNEY, Publisher
Bound Volumes of the KUOKOA, for sale at the office over the Bookstore - $3.00 each.
Persons having complete sets of the above, can have them bound by paying $2.00 each.
NA BUKE
HOOLAHAIA E KA PAPA HAWAII.
Baibala Hemolele Nui ili gula nani me na kuhikuhi ma na aoao……………………. $12 00
“ “ Nui ili eleele kaekae wai gula………………………………… 5 00
“ “ @uku iki iho “ “ “………………………………….. 8 00
“ “ Punanaiki iho ili eleele………………………………………. 4 00
Kauoha Hou ili gula nani me na kuhikuhi ………………………………………….. 3 00
“ “ eleele kaekae wai gula ……………………………………………… 1 00
“ “ “ ……………………………………………… 75
Kauoha Hou Hapa Haole…………………………………………………………… 75
Lira Hawaii 1848 me k@ ka@awai........................................................................... 25
“ “ 1855…………………………………………………………………… 25
Moolelo Ekalesia…………………………………………………………………… 50
Halao @ lahilahi……………………………………………………………………. 10
Hele Malihini ana…………………………………………………………………... 25
No ko ke Akua ano………………………………………………………………… 25
Lira Kamalii……………………………………………………………………….. 25
Hoike Palapala Hemolele…………………………………………………………. 25
Moolelo o Heneri Opukahaia……………………………………………………… 25
Hoike Akua………………………………………………………………………... 25
Wehewehehala…………………………………………………………………….. 25
Ninau Hoike ili manoanoa………………………………………………………… 25
“ “ “ lahilahi…………………………………………………………… 10
Kumumua Kula Sabati……………………………………………………………. 10
Buke Lawe Lima………………………………………………………………….. 10
He Buke no ka Pope……………………………………………………………… 10
Ili Kula Sabati Helu 8…………………………………………………………….. 25
“ “ “ “ 4…………………………………………………………….. 05
“ “ “ “ 5…………………………………………………………….. 25
Buke Kuanelio a Ioane…………………………………………………………… 10
Himeni…………………………………………………………………………… 30
Himeni ili nani…………………………………………………………………… 1 00
Na Kauoha Hou Pakeke.
Ili Gula nani……………………………………………………………………… 1 00
Ili eleele kaekae nani…………………………………………………………….. 50
Ili eleele………………………………………………………………………….. 35
Kauoha Hou Pakeke me na Halelu
Ili Gula nani……………………………………………………………………… 1 75
Ili eleele kaekae wai gula………………………………………………………… @0
Ili eleele…………………………………………………………………………... @0
Na Halelu Pakeke
Ili Gula nani……………………………………………………………………… 50
Ili eleele kaekae wai gula………………………………………………………… 30
Ili eleele…………………………………………………………………………... 20
Ka Hae Hoonani (Buke Mele)……………………………………………………. 25
Eia na buke haawi wale.
Palapala Liilii –
Helu @ - Makemake anei oe i ke ola ?
Helu 6 – E hele i o Kristo ia.
Helu 7 – Ka hoi ana mai o ke Keiki Uhan@a
Helu 11 – No ka hoohiki wahahee i ke Akua.
Helu 16 – Ka E@hia ana o ka Ahaaina a ka Haku a me ka Bapetizo ana.
Helu 17 – Mai hana ino i na holoholoaa.
Helu 18 – No ka mahi ana, kuai ana a me ka iau ana i ka Awa.
Ka Davida Malo Kumumanao.
Ka Moolelo o Batimea Puaaiki.
J. F. POKUE.
Kakauolelo o ka Papa Hooko o ka Ahahui Kuanelio o ko Hawaii Pae Aina.