Ka Nupepa Kuokoa, Volume X, Number 52, 30 December 1871 — Page 3
| This text was transcribed by: | Kaiulani Vila |
| This work is dedicated to: | Kamehameha Schools Maui High School |
Ka Nupepa Kuokoa
KE KILOHANA POOKELA NO KA LAHUI HAWAII.
loa he pono pela, o ka paia mai auanei oe he Hawaii palu la·i”- he palu lai ka hoi ka palaualelo! Pono ole ka mare ana i ka wahine, no hai ka makaukau.
Me ko’u manao nui nae hoi, oia la kekahi Kakauolelo nui o ka mokupuni o Keawe, a hala loa aku la hoi i ka mokupuni o Kamaikahulipu, me ka hana ana me na aikala a ku ke aea me he la no Lanai, a me he Keonimana la ka hele a paa o na lima i ka mikini lima, he Kapena ke hoa olelo. Eia ka he hoohoihoi makuahonowai wale iho no, a he keikei pue owala wale iho no ka, ua pau loa o lalo i ka eleao, a i ole la hoi, he moku ua piha la i ka aila, i ka hao ana ae a paihiihi i na pea kau aoao, hele haalieo lua i ka ili o ke kai, eia ka he moku kila ole, o ka mea no paha ia i holo pahua ai.
Kohu pono ole ia oe e ke kanaka nui a ikaika palaualelo ke mare i ka wahine, a loaa auanei ka mea e oleioiu me ai ai ka makuahonowai waha ko’uko’u, i ka waiwai ole a ka huno@@. I ku hoi paha kana kamailio, i ko sleep (moemoe) wale iho no, aka, ina e kapapa ana ko lima i ka honua me ka manaoio hana, aole no e ole kou ai ana i ka hua o kou mau lima iho; aka hoi, kaulai ae oe i na lima i ka la, ku no ka hooiloilo a ko wahi makuahonowai, i ka i ana ae, “lima lewalewa malalo o ka la.” Aloha no.
J.W.Kahoomaemae
Kehena, Kohala, Nov 30, 1871
Hale pau ahi.
Ma ka hora 9 o ke kakahiaka Poakolu, Dekemaba 13, pau iho la i ke ahi o na hale waiho laina, o ka Mahiko o Paukaa, (Wong Facl. & Co.). Ekolu ka nui o na hale i pau, a ua hiki paha ka nui o ke poho i ka $1,400 00. O ke kumu o ke ahi, no ka pau ana o ka hale noho o kekahi kanaka paahana i ke ahi, e ku koke ana ma ka aoao ma uka o ke alanui, mai laila mai ka lele ana o ke ahi a loaa na hale laina, e ku koke ana no na makai iho o ke alanui. A i loko o ka wa pokole loa, ua pau ae la na hale laina a me ka laina pu o loko, a pau pu aku la; he mau hale e aku, me ke kokoke loa e a aku i ka hale wili. Ina e pau ia hale, i na la paha ua uwe ka uku i ke anu, aka, ua ikoiko no hoi ka poe nana i kiai ia hale, a pakele iho la.
He lehulehu ka poe o na wahi e ae i hele mai e kokua i ka hoopio ana i keia ahi, na kane, wahine a me na kamalii, a ua ikaika like i ke kaua aku i ka mea ana ole he ahi.
Ua hana ikaika loa o D.H. Hikikoki a me E.G. Hikikoki, a ua kokua pu mai laua i ko laua mau kanaka e hoopio i ke ahi. Malaila no o W.F. Conway kahi i kokua ai me kona ikaika e hoopio i ke ahi: a malaila pu no hoi o John K. Akina a me kona poe kanaka; malaila no o Awai, Ai Akau, Keoniina Jr., Ai Hapai, ame na poe aloha e ae i hele mai e kokua i ka poe i poino. He kauwa maikai ke ahi, he haku ino nae, nolaila, e makaala mau kakou ia ia, i pau mau kona noho kauwa ana, aole hoi e lilo i haku no kakou.
Hilo.
Kulaia La Hanau o ke Alii Ka Moi Kamehameha V.
E ka Nupepa Kuokoa e; Aloha oe:-
Ua malama ia ka La Hanau o Ka Moi ma Hilo, e kona mau makainana aloha alii, me ke kokua pu ana o ka Hope Kiaaina, Makai Nui, Lanakanawai Hoomalu a me na poe he lehulehu e ae.
O ka Makai Nui Severance Esq. ka mea nana i hookumu ka palapala hookuai dala, a ua hele maoli ao hoi oia e noi dala no ka hoomano la hanau, a o John Ena Jr. a me W.P. Ragsdale kekahi i hele me na palapala hookuai dala no ka La Hanau o Ka Moi, a ua hiki na dala i loaa mai ia lakou ma kahi o ke $70.00 a oi iki aku a emi iki mai paha.
Ma hope o ka hookupu ia ana o kekahi mau dala, e ka poe i iini e hoomanao hauoli ia ka la hanau o ke Alii, ua kukulu ia he halewai, a ua hooholo ia ma ka heihei waa a me ka heihei waapa, oia na hana hoohauoli o ia la.
Ua koho ia he Komite hooponopono, oia hoi o Severance Esq., John Ena Jr. a me G.W. Akao Hapai, a ma ia manawa no, ua koho ia he mau Lunakanawai no ka heihei, oia hoi o Capt. T. Spencer, K.C.K., G.S. Kenway Esq. a me S. Kipi Esq.
Ua nui no na waa a me na waapa i hookomo ia. Eha nae ano o ka heihei: Na waa kaulua ka mua, na waapa huelopoki iho, na waa kaukahi, a o ka hope loa na waapa kiki. A eia iho ma lalo nei ka papa inoa o na waa a me na waapa i hoe komo ia no ka heihei ana ma ua La Hanau la o Ka Moi:
Na Waa Kaulua.
R.A. Lyman . . . . . I waa kaulua, Ko Ka Moi mau waa, i hookomoia e R. A. Lyman . . . . . . (o Kaihenui Capt.) Keawekana . . . . . . I waa kaulua.
Ka Waa Kaukahi. S. Lonoai . . . . . . 1 waa 4 hoe. Maikana . . . . . “ “ Kaiaapau . . . . . . “ “ Namahoe . . . . . “ “ R.A. Lyman . . . . . “ “ W.P. Ragsdales . . . “ “
Na Waapa Huelo-poki.
F.E. Eldarts . . . . 1 waapa 5 hoe. Keliiaa . . . . . “ “ D.H. Hitchcock . . . “ “ J.Parker . . . . . “ “ Kapuahi . . . . . “ “ Na Waapa Kiki. W.P. Ragsdales . .
1 waapa 4 hoe.
G.W. Akao Hapai . . “ “ Keaweaukoi . . . . “ “ J.W. Ke-o . . . . . “ “
Eia na uku makana i hooholoia e ke Komite Hooponopono:
No ka waa kaulua holo loa……….. $15.00
“ “ kaukahi holo loa………. 10.00
No ka waapa huelo-poki holo loa…. 15.00
“ “ kiki holo loa………… 10.00
O keia iho la ka hana nui o keia la i malama ia’u. O ka pahu e heihei ai, ami ka uapo aku o Kaipalaoa a hiki i kekahi waapa i kau ia ma mua ponoi iho o Mokuola, ua kau ia i ka Hae Hawaii, a hoi hou a hiki i uka nei o Kaipalaoa.
Ua hoomaka ka heihei ma ka hora 10 a m. E holunape ana na pahu hae o hilo, ua lehulehu na kanaka i hai ana mai, ua wehiwehi ke alo o na halekuai a me na wahi e pili koke ana i Kaipalaoa, i na kane a me na wahine, na elemakule a me na luahine, a me na keiki a me na kaikamahine, ua kahiko like ia ko lakou helehelena e ka hauoli, a o ko lakou mau poo a me na ai, ua nuanua i ka hala a me ka lehua, a ua hele no ke anaina a puia pu i ke ala lu o ka lokine, e hauwalaau anu ka leo o na mea kani a na keiki puhi ohe o ka aina. Ia Manawa i hoomaka ai na waa kaulua i ka heihei, ua eo ae la i na waa kaulua o ka Moi, i huokomoia’i e R A. Lymana (o Kaihenui ke Kapena); ua holo no nae na waa apau, ua Akamai like no mai o a o.
Mahope o keia, ua heihei na waapa huelo poki, a ua eo i ko J. Parker waapa.
Mahope iho, heihei na waa kaukahi, a ua eo i ka waa o R. A. Lyman (o Kaihenui ke Kapena).
Mahope iho, heihei na waapa kiki, a ua eo i ka waapa o Keaweaukai, (Napua ke Kapena).
Mahope iho o keia heihei ana, ua hoomaka ia he mau heihei holo wawae, ua eo ka heihei mua Kaauano Pohano, ka lua ia Ai Akau, ke kolu ia Ahia (alii puhi ahi), ka ha ia Palukiko. He mau heihei liilii a na uo kekahi he nui, aole i hoomaopopo ia, a ua holopono na hana o ka la.
Akahi no a hoomanao nui ia ka La Hanau o Ka Moi Kamehameha V. ma keia Apana. He hana maikai keia i hookumu ia ma Hilo nei, he mea ia e paipai ai i na kanaka e hoomanao i ko lakou Moi; oiai, o na ahaaina a me na mea hoomanao ahaaina komo luakini a me na paikau Kula Sabati; a he mea hou keia.
Aia me ka Moi ke aloha o na makaainana a pau o Hilo, a he pule mau lakou e hooloihi ia mai ke o ka Moi me ka oluolu; a e lehulehu loa hoi na la hanau a kona mau makaainana e hoomanao ai. He ma’u iho la no Kauakanilehua, Me ke aloha.
Hilo.
Pomaikai maoli no kia lahua ili ulaula i ka loaa ana mai o ka pono
Kristiano ma Hawaii nei, Ola hoi
Ka Olelo a Ke Akua (Iehova).
E ka Nupepa Kuokoa E; Aloha oe:-
Aia i loko o ka makahiki 50 o ka laha ana o ka pono Kristiano ma ka Pae Aina o Hawaii nei, ua ike ia, ua loaa ka pomaikai i kei lahui, mamuli o ka lawe ia ana mai o ka Olelo a Kristo e na makua Misionari o kakou, a he mea pono ia kakou e ike lea i na pomaikai io o keia lahui, i mau kumu hoi e maopopo ai. Eia ka manao mua:
1.O ka maluhia e ke aupuni mamuli o ka hiki ana mai o ka pono Kristiano ma Hawaii nei, no ka mea, aia i ka wa o na kupuna o kakou i @@newa aku la, ua ike ia, aia lakou i loko o ka haunaele a me ka uhauha, e makuahana ana kekahi i kekahi. I loko no hoi o ia wa, na keia aole i maluhia ke aupuni a me ka waiwai o ke kanaka, e like me keia wa a kakou e noho nei, no ka mea, ina ua ike ia he puaa nui na kekahi kanaka; ua hiki no i kekahi kanaka e ae ke kii a lawe wale ia mea, e like me ka mana i loaa iaia. Aka, i ka wa i laha mai ai keia mea o ka Olelo a ke Akua i waena o kakou, ua maluhia ke aupuni a me ka waiwai o ke kanaka. No ke aha mai keia? Aole anei no ka loaa ana o ka olelo a ke Akua ia kakou? Ke hai aku nei au ia oukou me ke kanalua ole imua o oukou, oia no.
2. O ka hoomanao pono ia o keia lahui opiopio ma na mea hohonu o ka ike a me ke Akamai; o keia mea o ka naauao i loaa i ke kanaka, a i ole ia i ke keikikane pahai a pela hoi ke kaikamahine, mamuli o ka hoonauao pono ia ana. E ka makua, e loaa mai no na haawina kupono i ka poe i hoonaauao kupono ia, me ka pomaikai nui. Aia a nana aku kakou i na makua misionari o kakou, i ko lakou hoonauao kupono ia ana e ko lakou mau makua, a ahai mai la lakou i ka lamaku o ke ola i ka Pae Aina o Hawaii nei, ua ike lea kakou, ke holo mama nei ka Iesu Olelo ma ka Pae Aina o Hawaii nei, a hiki aku i Maikonisia, mamuli o ke alakai pono ana a na makua i ka lakou mau keiki, e like me kakou e hoonanauao ia nei. Oia no ka mea nana e hapai ae iaia a ku i ke kulana kiekie, a o kona waiwai no ia. Ua oleloia maloko o ka Baibala Hemolele, “O ka makau aku ia Iehova, Oia ka mole o ka nauao. O ka waiwai o ke kanaka a me ka naauao o ke kanaka, he mea pau wale ia, O ko ke Akua waiwai a me kona naauao, a me kona pono, aole e pau ana i na wai kahe he nui o keia ao, E o ia mau ana oia imua.”Aole no i loaa keia pomaikai i na kupuna o kakou, iloko o ke au o ko lakou mau la, no ka mea, aole mea nana i lawe mai i ka olelo a ke Akua iwaena o lakou. Aka, i ka wa i lawe mai ai ka poe misionari naau aloha i ko Hawaii nei, i ka olelo maikai a Kristo; aia hoi, ua hoolaha i aka nauao i waena o kakou, ma ke kukulu ana i mau halekula ma kela apana keia apana, i wahi e ao pono ia ai no na keiki opio o Hawaii nei. A ua kukulu ia i mau halekula wae a me na halenui, oia hoi o Lahainaluna, Hilo, Kapunahou, Kahehuna, Mililani, Waialua a me Makawao; malaila e hoomahuahua ia mai ai ka ike a me ke ao ia ma na hana pono e pono ai ka lahui o kaua e Hawaii ponoi. Maloko oia mau kula e loaa mai ai ka naauao o na keiki a kakou, a loaa ka pomaikai ia lakou.
3. O ke kuokoa ana o ke Aupuni Hawaii kei, mamuli o ka pono. 1 mea e Akaka ai, aia no i loko o na makahiki i hala mai ka pono ma Hawaii nei, aia hoi, ua kii mai kekahi kanaka make aina i ko lakou nei aupuni, me na lima menemene ole. Aka, mamuli o ka hilinai ana o Hawaii nei ma luna o ka pono Kristiano oiaio, Ua hoihoi ia mai ka Ea o ka Aina o Hawaii nei, mamuli o ke ea no ka pono oiaio. Oia iho la na kumu e loaa ai ku pomaikai. Me oukou ko’u aloha.
Robert Kahukula.
Waikane, Novemaba (?), 1871.
Ona wa kauwahi o na Kapalilua.
E ka Nupepa Kuokoa e; Aloha oe:-
Aia i loko o keia mau la e nane nei, ua ike mau ia aku keia mea he ona ma ke kauwahi o keia apana, na kane wahine, a pela hoi na keiki, aia lakou ke haluku nei i loko o keia kiowai lepolepo, kahi no hoi a ke kanaka e waiho ai i na mano pono, a malama i na mano ino, pelapela a haumia, ke kauwahi hoi e akoakoa ai ke diabolo me kona mau hoa lawe hane, nolaila, i ka nana ana i keia, me ke kahaha o ka naau, alaila, i iho la au i loko o’u, Auwe! Mananalo maoli ka ke Kanawai ma keia wahi! Auhea la ka hoi na kaiko o keia wahi? Malia paha ua komo pu aku la no i ke anapuni a Limaloa.
Eia ka mea menemene loa i ka nana aku, o ke alakai ana o na makua i ka lakou mau keiki i loko o keia hana ino, no ka mea, aia i loko o ko lakou mau anaina lealea, ua hoolako ia i na mea ona, oia no hoi ka papipi a me ka maia i hoawaawaia i loko o ka umeke; a ua hoolako pu ia hoi i na mea hula o kela a me keia ano; a pela mau iho la lakou e hana ai i loko o kekahi mau la o kela a me keia hebedoma.
Eia hoi kekahi mea a’u i minamina loa ai, o ka lu wale ia o na olelo ao maikai a ka mea Mahalo ia J. G. Hoapili, e pili ana no keia ano, oia ka mua, a na R. Keelikolani ka lua o ka olelo ao, no ia ano no, aka, he puupale wale no paha ia mau olelo na keia poe hookele; pela ka nana aku i ko lakou ano. E ike ia no keia ano hana, ma ke kihi hema o keia apana, mai Honomalino a Kapua; aohe nae no ka lohe ole i ka olelo a ke Akua a me na Kanawai o ka aina, ke kumu o ko lakou hana ana, aka, no ka paakiki maoli no o ka naau. He mau ia wahi hipuu iki, o ka ike i aka paha i kea lo alii.
Kawahinepoekaua.
Kapalilua, Nov 9, 1871.
Kuai Kudala!
Ma ka Poalua, Ianuari la 2, ma ka hora 10 kakahiaka ka Hale Kudala.-1 Aniani nana nui, Na Leihulu. Na Kula Pepeiao, Na kapa komo, Kihei, Na Kapa a pela aku, oia na lako o Napua.
E.P. Adamu,
628 lt Luna Kudala.
Olelo Hoolaha
Ma ka noho Kahu ana no William Haphreys.
Ua hookohuia mai ka mea non aka inoa malalo iho e ka Ahu Kiekie, i Kahu no ke kino a me ka waiwai o
WILLIAM HAMPHREYS, o Honolulu, a nolaila. Ma keia, ke papala aku nein a kanaka a pau, aole kuka no kekahi hana, a hookaa aku paha iaia i kekahi mau uku dala ana, mai keia Manawa aku.
W. L. Green,
Honolulu, Dec. 38, 1871. (526 4t) Kahu malama.
Olelo Hoolaha.
E ike ananei na kanaka a pau owau o ka mea non aka inoa malalo iho, ke papa aku nei au i ka poe waiwai, na haole, na puke a me na kanaka a pau o kela ano keia ano, mai hoaie mai oukou i kuu wahine ma re ia Mrs. K@ianana, no ka mea, ua haalele kumu ole mai oia ia’u, no ka mahina hookah, a ken oho nei ma Hamakua ma ke ano manuahi, nolaila, ina oukou e hoaie iaia, maluna no ona ko oukou poho, aole au e hookaa ana i kana mau ale.
Lui Paahao.
Kapanui, Wailuku, Nov 29, 1871. 526 2t
Olelo Hoolaha.
Ke kahea leo nui aku nei au ia oe e George Cogshall, kuu kane mare, e hoi mai. Ina aia oe ma kekahi wahi o kela mau mokupuni kahi i noho ai, a i ole ala paha ma ka aina e. Eia mai ka leo o kau wahine ke uwalo aku nei, e hoi mai oe e noho pu kaua me ka kaua mau keiki me ka oluolu, e like me ko kaua mareia ana. A ina aole oe e hoi mai, mai keia wa aku, e hoopii no au imua o ka Aha Kaapuni o Kauai nei, ke hiki aku i ke kau o Augate, 1872. e hooki i ko kaua mare ana.
Mrs. Keokilele Cogshall.
Lihue, Kauai, Dek 23, 1871. 526 4t.
Hoolaha a ka Oihana Wai.
ONA uku Wai no keia hapalua makahiki aku, e hookau e ia no ma ka la 1 o Ianuari 1872, a ua manaolanaia, e pau ana lakou a pau i ka hookaa mai.
Toma Long,
Dec. 21, 1872. (525 3t) Luna Oihana Wai.
Olelo Hoolaha.
E IKE auanei na kanaka o na ano a pau loa, owau o ka mea non aka inoa malalo nei, ke papa aku nei au ia oukou, mai hoaie mai oukou i kuu wahine mare ia
Mrs. WAIWAIOLE.
Ina oukou e hooaie iaia, maluna no ona ko oukou poho, aole au e hookaa ana ia aie, no ka mea, ua haalele kumu ole mai oia ia’u. (524 1t) HIONA.
NA BUKE HOOMANAO NO 1872.
O NA ano a pau no 1872, e ku@@ ma@e pono loa ia ana ma ka Hale Kuai Buke o H. M. WINI.
NA MAKANA KARISIMAKA
No na kanaka makua a me na kanaka ui, ma na ano a pau, aia ma ka Hale Kuai Buke o H. M. WINI.
525 1m
Hoolaha a ka Luna Hooponopono Waiwai.
Ua hookohula mai ka mea non aka inoa malalo iho, i Luna Hooponopono no ka waiwai o J. LANGHERNE DESHA (KINIKAKE) i make, nolaila, ke kaheaia aku nein a kanaka a pau i aie mai iaia, e hookaa koke mai a me ka poe ana i ale aku ai, e hoike koke mai mai me na hooiaio pololei iloko o na malama eono mai keia la aku, a i ole ia, e hole loa ia.
W. C. PARKE, Luna Hooponopono Waiwai.
Honolulu, Dec. Dek. 12, 1871. 524 4t
HE AHA HUI MELE!
E WEHEIA ANA,
HE AHA MELE NUI MA KAWAIAHAO,
MA KA PO POAONO, IAN. 6, 1872.
NO KA POMAIKAI O KO MANOA LUAKINI.
MA IA PO E LOHE IA AI NA
Nunulu, owaowa, hoehoene o na leo o na UI o MANOA.
Ia po e loaa ai na hoomanao maikai ana, na hihio ano e, na moeuhane a me na hauli eehia mai na kupinai leo mai o na puukani o ka UA KUAHINE.
Ia po e ku kaena hookahi mai ai o MISS JULIANA WALANIRA, ka Helu akahi o na wahine Hawaii ma ke mele ana ke lii wahine o na mele, ke Kikaha o nei kau, ka oi hookah iwaena o na umi tausani wahine Hawaii, ke kupanaha hookahi i ike ole ia mamua-nona ka leo i like ole ma waena o na kupinai leo o na ano wahine i ike ia ma Hawaii nei, ka mea hiki ke kaena aku imua o na puukani o KIKANE a me NU KILANI, ka MELE KUKE Hawaii nana e lu na pua lehua me ke poha ana o ka leo, e hookuu mai ana oia i kona mau ano leo i lohe mua ole ia.
Ka hanehane a, Me he hanehane ia ke kani e, Ka nehe a ke kai i ke one He leo paha no ka ipo nei; Aloha ka leo o ke kai e-Aloha.
E kau pau ia aku imua o La lehulehu ke poha o o kona leo, ike ole ke hoopili ae me ka leo o na ano wahine, a e lohe ia he o ana o ka hele mai kona puu mai. Ke hea aku nei ka Ua Kuahine o Manou, e naue mai na ano puukani a pau, i lohe pono ai hoi oukou i ka leo o Miss Juliana Walanika, ka leo i hooha like ia me ke o o ka bele. Ke kau leo wale aku nei ka olu o ka wai o Kahoiwai, e naue mai i ike i kona hale ana.
E HAAWI IA HE MAKANA NUI I KA PUU kani e ae ke hele ae a himeni i kekahi mele i na he leo like kona me ke o ana o ka bele e like me ko Miss Juliana Walanika. No laila, ke aa ia aku nei ka lehulehu, e hele ae me ke kani o ko lakou leo, a e ku imua o ke anaina, a e haawi ia he makana.
UKU KOMO- $1.00 a he 50 keneta.
E loaa no na Palapala Komo ma ke Keena o ke Kuokoa, ma ke Keena o ke Kahu o Kawaiahao, a ma ka puka. 526 2t
KUAI KUDALA A KA LUNA HOOKO WAIWAI!
Ma ke kauoha a alabati F. Kauka Esq. a me Mrs. Katarine Torbert, (Hulipahu) na Luna Hooko o ka Waiwai o L. L, TORBERT (HULIPAHU)
I make, e kualia aku no ma ka Poaono, Dekemaba 23. ma ka hora 10 o ke kakahiaka, ma ka Hale Kuai ma Ainahau, ke koena o ka waiwai e waiho nei ma ka lima a no ka mea i make hoi, oia Napukaaniani, Na Puka Hale, Na Pani Puka Olepelepe, Na Pukaaniani Olepelepe, Na Kui Hao, Na mea lako hao. NA UMEKE LAAU HINUHINU, Na tabu Poi, Hookahi Ipuhao nui laila kalo, Na Papa Aniani, Na Puka Aniani, Na Vaniki Hale, Na Aila Pena, Ekolu mau Kolu nui hoopii hale, Waiho Buke, na noho, na ku Hale Oihana, Pakaukau kakau, Pakaukau, Wati nui helu malama, Hookahi Lulawai, He elua mau paa mea anaaina a kaha kii, Hookahi Pea maikai hou, Hookahi waapa hou palahalaha olalo, Na Papa kahiko he nui, Na lio laau a me keia mea keia mea. E. P. ADAMS (ADAMU)
Luna Kudala,
Honolulu, Dekemaba 14, 1871. 524 2t
NA LAKO HOOHIE HOU LOA MA KA HALE KUAI BUKE O H. M. WINI!
MA KO’U HOI ANA MAI NEI MAI AMERIKA, ua lawe pu mai au i kekahi mau mea hoo@@@hano a hoohiehie o na wahine. Ua wehe ae nei au no ke kuai aku, a ke @a@a@e mai nein a wahine e Kauai. Eia mai na inoa o ua mau mea hou nani nei:
Na Paa Kula Pepeiao o na ano nani a pau. Na Paa Kula Pepeiao Kauikau. Na Lei Pupu Eleele Kanikau, nunui a liilii. Na Lei Pilali nani loa. Na Kupee Kanikau. Na Kupee Ea Honu. Na Kea Kanikau. Na Komo Lima. Na Pihi Pulima Kanikau. Na Pihi Pulima Pa. Na Pale Kui Aniani. Na Hulu Palaki Lauaho. Na Hulu Palaki Niho. Na Eke Dala. Na Pepa Kanikau. Na Wahi Leta Kanikau. A me na mea o kela a me keia ano, o ka Laina Kuai Pepa, no na kumukuai make pono loa. 520-6@@
Olelo Hoolaha.
Ua ae ia aku o Mr. Samuel G. Waila (Wilder) e komo pu mai i Hoa Hui Hoko o ko makou Hui, mai kela la aku. DowsK@@ & Co.
(Kimo Pelekane ma.)
Honolulu, Nov. 11, 1871. 520 1m
E. O. Hall & Son.
[E. O. Hall a me ke Keiki].
Na Mea Kuai Lako Hao, Lole, Na Pena, Aila & Na Lako Kalepa.
Halekuai mana huina o alanui Moi a me Papu. 475 1y
Olelo Hoolaha!
Oiai, ua hoolaha aku au i na mea a pau i aie, e hookaa mai- Edia hou keia manao, ina i makaukau ole kekahi poe i ke dala, e hele kino mai e ike ia’u, me na Bila pu, i hiki ke hooponoponoia ka Manawa e hookaa ai, aohe o’u manao e hoopilikia koke i keia a me keia mea i aie, o ka oluolu a me ka pololei ko’u makemake. Kimo Pelekane,
Hanolulu, Nov. 8, 1871. (519 3m) (Dowseit & Co.)
Aina Kalo Hoolimalima!
E Hoolimalima aku an aka aina Loi Kalo, mauka iho o kuhio Mr. J. Brown. Aia maluna olaila, he Eono Loi Kalo, me ka pomaikai wai, a he wahi maikai no ka mahi ana i na mea ulu. Ehoolimalimaia aku no hookah, elua a ekolu paha makahiki. E ninau ia E. P. Adamu,
Ma ka Hale Kudala. 521·1m
Olelo Hoolaha.
O wau ka mea non aka inoa ma lalo iho, ke hoike aku nei au, ua hoolilo loa aku au ma ke kuai i ka Ili-aina o Kahuauli, e waiho nei ma Luluku, Koolaupoko, Mokupuni o Oahu, ua lilo loa ia Major W. L. Moehonua, a me kona mau hooilina, a o ka Palapala Kuai i hanaia e a’u, a i kakau kope ia ma ka Buke o ke Aupuni, ua oiaio loa ia, a ina pohihihi kekahi, e nana ma ka Buke kope, a i ole ia e ninau mai no ia’u.
Naopala kona X kaha.
Ike maka }W. E Pit, Kukui. 3ms.
Olelo Hoolaha.
Ua hookohu aku au ia J. Londoa Keaunui, i hope oiaio loa no’u ma ke Kanawai, no ko’u mau pono ma ka waiwai o Mrs. Manena i make, a iaia wale no ka mana e hana a hooponopono imua o na Aha Hookolokolo o keia aupuni. Ua hookuu loa aku au iaia ka hana. Ina he kuleana ko kekahi i ka waiwai o Mrs. Manena, me ua hope nei no o’u e hooponopono ai.
Mrs. K. Keliikipi.
Kapalama, Dek 2, 1871. 623 4t*
Lako Kukulu Hale!!
O ka mea dala, e helemai e kuai me a’u i na Lako Kukulu Hale, a e loaa ana no ia lakou ma ke kumukuai haahaa loa.
Ua nui ka Papa, na Laau, na Pani-puka, aniani, a pela aku, e waiho nei, a e ake ana au e lilo aku.
Aia no ma Kapalama, kekahi mau mea makepono; a o na mea e pili ana ia wahi, e kii ae no ilaila me ke dala-ua haawai au ia Kupihe ke kuai. Kimo Pelekane.
Hoaolulu, Nov. 8, 1871. 519 3m
Hale Kuai Makepono Loa!
Ke kahea aku nei au ia oukou e na kanaka a pau, e hele nui mai ma ko’u Hale Kuai Lole, Ma Alanua Maunakea, Helu 61. Aia malaila na lole maikai, kupono i ka makemake o na wahine a me na kane. Na lole o keia ano keia ano, no na kumukuai haahaa loa. O ke pakaiaki o keia kikina, ke kumu o keia kuai makepono loa ana.-Ke kahea aku nein a i ka poe i aie mai ia’u, e hele mai ma kuu Hale Kuai, e halawai a kuka pono ka hookaa ana i na aie, e like me ka hooholo hou ana mawaena o kakou. Aole pono e waiho i ka aie o keia ao no kela ao, pono ka hoekaa e mamua. AHO (Pake.)
Honolulu, Nov 8, 1871. 519 6m*
E Na Kanaka A Pau
E maliu mai, ke poloai aku nei au ia oukou a pau e na kanaka e lawe mai i ko oukou mau kamaa buti n’au e hana hou a aulii a oki paha i na he loihi, no ka hana hou ana i na kamaa i ano kahiko e hana no wau me na ili pipi Palani paa maikai, eia kekahi aole i maopoopo ia’u ka Manawa e hemo hou ia mai aole wau e hana ana ia kamaa. Eia kekahi na’u e hana i puu aulii maikai i 75ct ka uku ina hala na malama elua a ekolu paha a ano kahuli iki e hoihoi hou aku i ka 75ct ola a me a’u hele pu maua ma ka hale Hotele aina na’u e uku 50ct. Eia kekahi e malama oukou ina pepa e haawiia aku ana ia oukou. Eia kekahi ina he mau noho paniolo kahiko ko oukou e lawe mai na’u e hana me ka uku oluolu. Eia kekahi he nui na lala noho lio maanei mau kaula keehi-a pela aku.
Eia kekahi ina wau e kali a hala na malama ekolu, alaila e lawe no wau i ke kamaa, o oukou i ka hale kudala no kamea he haiki ko’u hale humu kamaa.
O wau no me ke aloha AGIU (Pake).
July 1st A. D. 1871 501-6m.
Hale Kuai Lole Hou!
E wehe ia ana i keia Poaono,
Sepatemaba 16.
–No-
Kamaki a me Pereda, Hayselden Brothers,
Na Keiki ma ka Hale Kuai o Ake mamua.
Ke kono aku nei laua i na kanaka o Honolulu, a me ka Lehulehu a pau, me ke kukala aku, ua lilo no nei ia laua kela wahi maikai ma ke Kihi akau o na huina o na Alanui Papu a me Alii! Me ka manao e hoolilo i Hale Hoahu a Kuai Lole maloko. Ke olelo ia mai nei, ua piha pu ke Kaona i na Hale Kuai, aka, ke hilinai nei laua, mamuli o ka hoomanawanui loihi ana i awili pu ia mai me ka oluolu a me ka hoolohe a me ka maikai o ka lole e Kuai ia aku ana! Ka mea e loaa mai ai ke kokua, a hoohuli ia mai ka lehulehu i ka wa a lakou e ike ai.
Ia Oukou E Na Wahine!
Ka Maua E Kau Nui Aku Nei, E Komo Mai.
1 @@ 3@@
Hale Kuai Nu Hou!
Hale Kuai
-O-
Uilama
Mauka o Maemae,
Malaila na mea a pau e kuaiia’i.
501 6m
Judd a me Layton.
[Alani Kauka a me Leitona.]
Na mea kuai mea a I o Na Lako Ai A apau, na mea ulu a me na mea hoomomona lio.
Halekuai malalo o ka Hale Mu, Alanui Papu, Honolulu.
475 1y
Hale Kuai Lole
Na lako hao, pena, aila, na mea kalepa. Hale kuai makepono loa.
Alanui Nuuanu. (504 6m*)
Hoolaha Akea!
O wau o Kimo Pelekane, ke kanoha aku nei au i na kanaka a pau, i aie i na lako hale a mea e ae ma kuu Hale Kuai Papa. Ehookaa mai me ka hoohakulia ole.
Ua loohia au i ka pilikia, ua make iho nei o Maunakea kuu kukoolua, a noleila o na aia a pau e waiho nei i hala ka Manawa i kamailioia e hookaa, e pono e hoopau koke ia.
Ua ahonui au i na kanaka a pau, ua loihi ka wa o ke kakali ana, aole au i hoopii i na wa i hala- Nolaila, peia no hoi oukou e hooikaika mai ai a hoopau i na aie e waiho nei, i hiki ia’u ke hooponopono aka me ka ohana.
Honolulu, Oct. 24, 1871. 517·2m
T. A. LLOYD.
Ma Alanui Papu, Helu 76.
Auhea oukou e ka poe mai Kaokao, Kaokao ai iwi, Hano a Hui, Koko ino, Kikala haneenee, Puha, Alaala, Poohuai, a me ka mai wahine o kela ano keia ano. E loaa no ia oukou na laau maikai loa, e ole ai o na ano mai i haiia ae la maluna, ke kipa mai oukou ma ka Halekuai o ka mea non aka inoa maluna, ma Alanui Pau, Helu 76, ma ka aoao ma Ewa o ka Hale Aupuni, ma Honolulu Hale. He Laau Hou Loa Mai Kaleponi mai. O ka haole nana i hana i keia laau, oia o B. H. LYON, a ua kupono loa no na mai i haiia maluna; ua ola no kekahi poe iaia, i kona Manawa e lapaau ana ma Honolulu nei.
E wiki mai oukou e na kanaka Hawaii, i loaa i keia ano mai, i ulu hou ka lahui Hawaii, o ko auanei ka olelo a na poe akeakamai. Me ke aloha nui. 513 8m
Olelo Hoolaha.
T. A. LLOYD.
Oia hoi o Kamaki.
Hale Kuai Mea Ai O Na Ano A Pau.
E loaa no i na mea a pau loan a mea a ko kakou naau @ @@@@ nui ai o na Mea ai o kela ano keia ano, ke kipa mai lakou ma ka hale kuai o ka mea non aka inoa maluna ma ALANUI PAPU, Helu 76, ma ka aoao nui Ewa, e kupono ana i ka Hale Aupuni ma Honolulu Hale, me ke kumukuai oluolu loa i ko kanaka makemake.
Na Berena paa, Palaoa wela, Ko, Laiki, Kulina ai a ka moa, Na Mea Hoommona lio o kela ano keia ano, Na Waiu Bata, Waiu paa o Kaleponia, me na mea ai a pau loa a na Haole o kela ano keia ano.
Ina he poe ma kahi loihi e makemake ana i mau mea e kupono ai no kalua o ka inaina, pono no ke kauoha mai, a e hooili koke aku no ma ka moku.
Honolulu, Sept. 21, 1871.
512 3ma.
HALE KUAI BUKE HOU!
MAKA HALE LETA MUA, A MA HONOLULU HALE.
Mea hou a hale kuai manualii.
Ua lawe ae nei o H. M. wini, i ke Keena Nui i haaleleia iho nei e ka Oihana Leta, a ua hanaia iho nei a paa i HALE KUAI BUKE, e like me ka hana ana ma na aina e, kahi e loaa ai i ke kuai, na BUKE HAWAII ME KA NA HAOLE. Na buke kula Hawaii a Haole, Na Papapohaku me na Buke kakau, Na Kii Nui a liilii, Na ano Pepa kakau a pau, Na Peni me na Inika, Na Poo Leta a me na mea heluhelu a kakau maikai. No ia mea, e hele mai a ikemakai kuu Hale Kuai Buke Hou, a kuai iho i na Puke maloko olaila. E loaa no na poo leta Hawaii maloko o keia Hale Kuai. Me ke aloha.
HENERE M. WINI.