Ka Nupepa Kuokoa, Volume X, Number 50, 16 December 1871 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

Ka Lupe  haanou, a haule iho.

 

1          He wahi lupe mamua’e

            I pii a kiekie ae;

            Haanou no kona kiekie,

            A lilo i ka hiehie—

            Aia na kini, wahi ana,

            Ke huro mai I kuu pii ana.

            Me ē nae ko lakou haohao,

            Ke ike i kou mana a pau.

            Ina i moku ae kuu kaula,

            Ka pii no ia a naio au la.

            Paa nae no au me he piō la

            Ma kei mea me he liō la.

            A moku ia e lele wau

            Me he ailo la i ke ao.

 

2          A huki ia i mokuhia;

            A moku no, hoao no ia

            E pii hou ae, a hoao hou,

            A hiki ole aku no.

            Huki a hou iō ia nei,

            Aohe kaula e paa ai.

            Lelele ino. kaa ke poo,

            A pakaawili ma ke no.

            Ua lilo kona alakai;

            Mahea la ia e lele ai?

            Pa ka makani, loohia’e,

            A haule ino ma ke kai!

            E lupe naaupo, pehea?

            Aole ou eheu ea!

            Moku kou kaula, ma ke aha

            E pii hou ai?  hai mai kou waha.

 

3          Kuu Haku e, me keia au

            Me keia lupe naaupo;

            Poina pinepine no,

            O oe kuu kaula, me kuu koo,

            A ake au e moku ae,

            A kuuia mai kou kanawai,

            A holo wale io ia nei,

            A loaa main a pono e,

            Na oihana nui ae.

            Me ē no nae kuu naaupo!

            Kaawale oe, mahea la au?

            Kaawale kou aloha mai,

            Kuu haule ia, a make e.  HAWAII.

 

Ka hoi hope ana o ke aka ma ka

Mea ana hora o Ahaza.

           

Isaia 38:8.  “Aia hoi, e hoihoi hope no au i ke aka o na degere he umi ana i iho ai ma ka mea ana hora o Ahaza, he umi degere ka hoi hope ana.  A hoi hope io no ka la i umi degere, o na degere ana i iho ai ilalo.”

O keia kumumanao i wae ia noloko mai o ka moolelo o Hezekia, ke Alii o ka luda.  Iwaena o na haneri makahiki ekolu aole kekahi alii maikai, ikaika hoi kona hoomalu ana—kona kue ana, a kinai ana i ka hewa, a me kona malama ana ia Jehova e like me Hezekia ke keiki a Davida.

He kanaka haipule io keia, a he alii aloha nui ia no kona hoomalu maikai ana.  Il. Na ‘Lii 18:5.  Aka, ua hiki mai ka pilikia ion a la.  Ua hele mai o Sanakeriba keikahi alii nui o Asuria, me he mau haneri tausani koa.  Ua olelo hoino mai a hoowalewale ia ia me ka manao e hoopio ana i ka Juda, a me ko Jerusalema a pau.

Noho ekemu ole o Hezekia ;—hoouna aku ia kekahi mau Luna io Isaia la ke kaula—I aku la lakou ia ia—Ke olelo mai nei o Hezekia penei:—O keia la, he la pilikia, poino, a me ka hoowahawaha : no ka mea, ua hiki mai ka manawa e hanau ai na keiki, aohe ikaika, e hanau mai ai.  “Malia paha e hoolohe mai o Jehova kou Akua i na olelo a pau o keia poe enemi, e hoino wale i ke Akua ola; nolaila, e pule aku oe no ka poe i koe." I mai Isaia ia lakou, penei oukou e olelo akua ai i ko oukou Haku—Ke olelo mai nei o Jehova—mai makau oe i na olelo au i lohe ai, i ka mea a na ’Lii o Asuria i hoohiki ino mai ai ia’u.  “Aia hoi, e hoouna au i makani ion a la, a i lohe ia i ka lono, a e hoi aku i kona aina.”

Komo no ke ’Lii maloko o ka Hale o Jehova, a pule me ka nonoi aku i ka mea nona ka manawe e kokua mai—“E Jehova, e haliu mai kou pepeiao—E Jehova, e nana mae, e hoolohe oe i na olelo o Sanakeriba, ana i hoouna mai ai e hooino aku ia oe, i ke Akua ola.”  E Jehova ko makou makua—ke nonoi aku au ia oe e hoopakele mai oe ia makou, mai loko mai o kona lima, i ike ai na aupuni a pau o ka honua, o oe, o Jehova ke Akua, o oe wale no.”

A pau kona pule—“ia poi ho—hele aku ka anela o Jehova a luku aku la ma kahi hoomoana o ko Asuria, i hookah haneri tausani a me kanawalu kumamalima tausani koa!  A ala ae la lekou i kakahiaka nui, aia hoi, he poe kupapau make lakou a pau!”

Nani e ko Jehova hana—kona hoopakele ana i ka poe paulele ia ia!  Nani ke kupanaha o kona luku ana i ka poe keena wale!  Aole nae pau ka manao kue mai, a hoopio ko Juda, iwaena o na ’Lii o Asuria.

Ma ia hope mai—ia mau la no—“He mai make ko Hezekia.  A hele mai la o Isaia k Kaula io na la—i mai la ia ia.  Ke i mai ne o Jehova penei :—E kauoha oe i kou hale, no ka mea, e make ana oe, aole oe e ola!”  Alaila huli ae la o Hezekia i kona maka ma ka paia—a pule me ka nonoi aku ia Jehova—I aku le ia : Ke noi aku nei au ia oe e Jehova, ano la e hoomanao oe i ko’u hele ana imua ou ma ka oiaio, me ka naau pono, a ua hana i ka maikai ma kou alo.  Auwe o Hezekia!  Uuwe nui loa!!!

A ua lohe ia kona uwe nui ma ka lani!

Alaila kauoha koke mai o Jehova, ia Isaia ke kaula—aia no ia ma ka pa, ma ke alo o ka hale alii—E Isaia—O hele, e olelo ia Hezekia.  Ke I mai nei o Jehova ke Akua o Davida, kou kopunakane penei : Ua lohe au I kau pule, a ua ike no au i kou wai-maka!  Aia hoi, e hooloihi aku au i kou mau la, i umi kumamalima makahiki!  A eia kekahi—“E hoopakele au ia oe a me kei kulanakauhale, maileko mai o ka lima o ke ’Lii o Asuria :—A na’u no e malama i keia kulanakauhale no’u.”

Alaila ninau mai o Hezekia ia Isaia ke kaula.  He oiaio anei keia olelo au?  Keia kino nawalewale, hiki ole ke oni, me he kupapau la, E ala hou anei, mai keia wahi moe, a e komo hou au iloko o ka Hale o Jehova?  Aole paha! Aole kanalua o Hezekia no ka mana o ke Akua, aka, aole ikeia, aole paha lohe ia kekahi kanaka ano mai make e like me ia—a ua hoola ia, a ua hooala hou ia mai.  Nolaila ninau aku ia Isaia—“Heaha ka hooailona e hoola mai o Jehova ia’u, a e pii aku au iloko o ka Hale o Jehova i ke kolu o ka la?”

I aku o Isaia—he hooailoona no.  “Eia ka hooailona, ne Jehova mai nou, E hana mai ia I ka mea ana i olelo ai—E hele mua anei ke aka i na degere he umi? A e hoi i hope anei i na degere he umi? E wae mai oe.  “I mai la ia—He mea uuku ke hele mamua ke aka i na degere he umi—aole ia! aka, e hoi I hope ke aka i na degere he umi.  Alaila ua Akaka lea o ko Jehova mana no ia.”  Nolaila—kahea aku la o Isaia ia Jehova, a hoihoi aku ia i ke aka i hope, i na degere he umi.”  Ma ka mea hoike degere o Ahaza.

O Ahaza no ka makuakane o Hezekia—oia hoi ka mea nona keia ana hora makamua.  No ka mea, o ka ana hora mua keia i hoakaka ia ma ka Baibalo.  Ua manao ia, a ua hoike ia mai ma kekahi mau moolelo—(o Josepa kekahi) na Ahaza i Jawe mai i keia mea ana hora mai Babulona mai, a nana no i kukulu keia nu hou ma kona hale alii, ma Jerusalema.  A ua kaulana ka inoa o keia mea ana hora—O ka mea ana hora o Ahaza.

A ua kaulana loa keia hana mana o Jehova ma ke noi ana o kona kauwu o Isaia.  Ua hoihoi ia i hope ke aka o ka La he mau degere he umi.  Ua haawi mai ke Akua Mana loa i keia hoailona ike maka i maopopo loa i kona kauwa nawaliwali.  A ua nana o Hezekia, a ua ike maka paha ke aka o ka la, e kau ana maluna o ka mea ana hora;—a ua ike no oia i ka lele ann o ke aka o ka la i hope i na degere he umi.  He mau hoike kupono no e noho pu me ke ’Lii, ua ike maka lakou keia hoailona—hana mana mai ke Akua mai.

Aole kanalua iwaena o ka poe naauao, a me ka poe akainai ma ka heluhelu ana na moolelo no keia hana mana, (o ka poe hoomaloka maoli wale no koe).  Eia nae, Ua noonoo aku o Hezekia i hoailona—a ua loaa mai ia—ua ko io kona makemake.  Eia ka hoailona Akaka lea!  Ma ka awakea, ka pono ka la—emo ole—ma ka sekona hookah ua lele ke aka i hope!

Kuhihewa kekahi poe, ua neenee aku la ka la i hope, he mau degere he umi :—A i ole ia, ua hooki ia ke kaa mau ana o ka honua nei ma kona iho, a ua hoihoi i hope he mau degere.  Aka, aole paha pela.  Ua nonoi aku ke ’Lii o Hezekia i hoailona maopopo—he hana mana i hiki ole ke kanaka ke hana.  A ma ke kahea ana o Isaia ke kaula ua hoihoi aku ia i ke aka o ka la i hope, i na degere he umi.”  Aole i hoihoi i hope ka la a me na mea a pau e pili ana, a e kaa mau ana me ia, o ke aka o ka la, oia wie no ka i hoi i hope ia.  O ka mea nana i hana i ka malamalama i kinohi ma ka mana o kana olelo, me ka i aku—“I malamalama!  a ua malamalama ae la.”  Ua kauoha mai o Jehova, ka mea nona na kukuna malamalama e lele pio mai!  E like me ka anuenue, a a ua hana ia no.

Emoole—hikiwawe ka lele ana o ke aka i hope, ma ka mea ana hora o Ahaza, he umi degere!  Me kona mana, ua hoopio mai o Jehova, i na kukuna malamalama ana, a ua haule mai he aka i hope, he mau degere he umi, ma ka mea ana hora o Ahaza ma Jerusalema.  Aole paha ike ia keia hana mana—keia hoailona ma kahi e, malaila wale no.  E make ana o Hezekia, a e iho koke ana iloko o ka lua kupapau; aka, no kona pule me ka uwe nui loa, ua hoihoi ia mai kona ola, ua haawi hou ia mai he mau makahiki he umikumalima.  A ma ke kahea ana o ke kaula, ua hoopio, mai ke aka o ka la, me he mea la, ua oiaio maoli ka olelo o Jehova—“o ka pule ikaika o ke kanaka pono e Lanakila nui ia.”  Nani e ka lokomaikai a me ke aloha o Jehova ia Hezekia!

Nolaila, pii koke aku ke ’Lii o ka Iseraela i ka luakini e hoomaikai aku me ka hooalohaloha aku ia Jehova.  “E ka Haku, no keia mau mea i ola’i na kanaka maloko o ka pilikia a pau, ua ola no kuu uhane.  Aloha mai no oe, a hoopakele mai ia’u, mai ka lua mai o ka make.  Ua hoopau oe i ko’u mai—ua hoola mai oe ia’u.

“Malaila no o Jehova, e hoola mai ai ia’u.  Noalaila kakou e hookanikani ai i ko’u mau viola—I na la a pau o ko kakou ola ana maloko o ka hale o Jehova.”—p 20.

 

He iwi kahi e noho nei kakou.

 

Ken oho nei kakou maluna o ka, iwi!  He iwi aha keia? he iwi hua moa anei? he iwi niu paha? He Jahilahi loa ka iwi huamoa; e aho iki ka iwi niu, he manoanoa iki ia.  Aole nae he iwi niu kahi e noho nei kakou.  He mea maikai nae ke Jaweia ka niu i kumu hoohalike no ka honua.  Penei: O ka mea mawaho loa o ka niu, he aa niu ia.  Me keia paha ka weuweu, ka nahelehele, ka ululaau o ka honua.  A, malalo ae o kea a niu ka iwi niu, he Jahilahi mamua, a mahope ua manoanoa a pili no ka io i ka iwi a puni.

Me keia kahi paa o ka honua, kea a, ka lepo, a hala loa ilalo.  A, maloko o ka niu he wai; he puka hoi e puka mai ai ka wai ke weheia.  Me keia paha kea no o ka honua, he wai, a he ahi kahe maloko loa.  He mau lua hoi e puka mai ai ka wai a me kea hi.  He ma punawai kahi e piipii mau ana ka wai; he mau lua me na lua pele, kahi e poha mai ana kea hi me ka luai pele i kekahi manawa.

No ke aha i manaoia’i he ahi wale no maloko lilo o ka honua?  Penei:

Ma ka eli ana i ka honua a hiki i ke 40 kapuai, ma ka iho ana paha a hiki ia kapuai, mau no ke temepetare oia hoi kea no wela, ano anu, ma ke kau, a ma ka hooilo.

Aole mahuahua ka wela, aole emi kea nu; oia mau no.  A hala na kapuai he 40, alaila, hoomaka ka manuahua ana o ka wela.

A mau no ka mahuahua ana, me ka wikiwiki iki ma kau wahi, me ka lohi iki ma kau wahi, e mau ana nae ka mahuahua ana o ka wela.  Hookahi degere Fareneheta ka mahuahua ana ke hala na kapuai he 50.  A hala he 100 kapuai 2 degere, 500 kapuai, 10 degere.  A pela mau ke ana o ka mahuahua ana o ka wela ke iho iho iloko o ka honna.

A, ua manaoia, ina e eliia ka honua a hiki i ka 20 mile, he ahi wale no malalo iho.  Ua paa na mea a pau i ka hooheeheeia, he ahi, me he loko ahi la wale no i koe.  A, ken oho nei kakou maluna iho o ka iwi o ka honua, oia hoi kahi i hoomaliliia, a oluolu ken oho iho, a ulu ae ka weuweu, na ululaau, na mea kanu he nui wale.

He aa wale no paha ka iwi o Hawaii nei mamua; a, ma ka hana pu ana a ka la, me ka wai, me ka ua, loaa ka lepo kahi e noho ai, e kanu ai.  Nani na hana a ke Akua!

Ke ike nei oukou, aole manoanoa loa ka iwi o na mokupuni nei.  Nolaila hoi, olai ka honua, a poha mai ka pele, no ka hui ana o ka wai a me kea hi o loko, a hakaka laua, a uwo, a nunulu, a hoohaalulu i ka iwi o na aina, a imi i kahi e puka mai ai iwaho.  Ina loaa ole kahi e puka mai ai, auwe kakou!  pau ka iwi i ka nahaha liilii, a paholo na aina, na kanaka iloko o kea ahi.

Nani ka lokomaikai o ke Akua i ka haawi ana mai i na puka, na lua pele, kahi e puka mai ai kea hi, a pakele ka honua i ka nahaha liilii ana.  HAWAII.

Ka la Penetekota.

 

A hala paha na la he 10, mai ka pii ana o Jesu i ka Jani, ua hiki mai ka la ahaaina Penetekota.  Kauoha mai ke Akua i ka poe Isiraela e malama i keia ahaaina, i kona haawi ana ia Jakou i ka aina o Kanaana.  Eia hoi kekahi.  I ka puka ana mai o ka poe Isiraela mai Aigupita mai, a hala na la kanalima, ua haawiia main a kanawai ma ka mauna o Sinai, oia kekahi kumu nui o ka hoomanao ana, a me ka malama ana i ka ahaaina o ka la Penetekota.  Ua kapaia hoi he ahaaina o na hebedoma, no ka mea, mahope o ka ahaaina moliaola, ehiku hebedoma no ia.

Ua akoakoa Jehulehu mai na Judaio, ma Jerusalema ia wa, e malama i ka ahaaina Penetekota.  Nui hoi na kanaka o na aina e ka i hiki mai ia wa.  A kapaia Jakou he poe Helene, ua aoia Jakou e manaoia ia Jehova, a e malama i kona mau kanawai.  Ua akoakoa pu Jakou a pau i ka la o keia ahaaina, me ka manao Jokahi.

“A emo ole, pae mai la ka leo, mai ka lani mai, me he makani nui ikaika la; a hoopiha loa iho la i ka hale a pau, kahi a lakou i noho ai.  A ikeia ’ku la e Jakou na olelo manamana, ua like no me kea hi, a kau mai la iluna iho o kela mea keia mea o Jakou a pau.

 Piha ae la Jakou a pau i ka Uhane Hemolele; a hoomaka Jakou e olelo aku i na olelo e, e like me ka haawi ana mai o ka Uhane ia Jakou i ka olelo.”

He mea nani, kupaianaha keia; he nu hou ano e; akahi no ko Jakou Jobe ana i keia mau leo ano e he umikumalima.  Aka, e hooko ana no o Jesu i kana olelo, i ka hoouna ana mai i ka Uhane Hemolele, ka mea e Kokua ia Jakou.

Ua ike kakou, aole hiki wawe kea o aku i ka olelo e; he mau mahina, a he mau makahiki paha ka hooikaika ana e ao,k a maopopo na olelo e.  Aka, aole pilikia pela na Junaolelo o Kristo i ka ahaaina Penetekosta.  Iloko o ka minute hookah, ua makaukau Jakou.  No keaha keia? Haawi mai ke Akua i keia mana ia Petero ma i ke aha? No ka mea, eia no na kanaka no kela aina keia aina; a makemake ke Akua e Johe koke Jakou i ka euanelio—a hoi Jakou i ko Jakou aina, e hai aku i na kanaka a pau e noho ana iloko o ka naaupo.  Nolaila, hoouna mai ke Akua i ka Uhane Hemolele e kokua ia lakou, “e hoakaka i ko kea o nei,” (oia hoi, i ko Paretia, me ko Media, me ko Elimi, me ko Mesopatamia, me ko Judaia, me ko Kapedosia, me ko Poneto, me ko Asia, me ko Perugia, me ko Pamepulia, me ko Aigupita, me ko Libua, me ko Roma, me ko Kerete, a me ko Arabia) e hoakala i keia mau malihini a pau ma Jerusalemaa, i Johe Jakou a pau i “na hana mana a ke Akua i hana’i.”

Ua pilihua ka Jehulehu me ke kahaha o na naau, a olelo kekahi i kekahi, penei; “Aole anei no Galilaia Jakou a pau e olelo ana i ka makou olelo a pau?”

“Hoowahawaha nae kekahi poe, i ae la, ua piha keia poe i ka waina hou.”  Alaila ku ne la o Petero iluna, hookiekie ae la i kona Jeo, a olelo aku la ia Jakou.  “E na kanaka, na Judaio, a me na mea a pau e noho ana ma Jerusalema nei, ke hooko nei ke Akua i kana olelo kahiko ma ka waha o kona kaula, o Joela, “I na la mahope, wahi a ke Akua, e nimini iho au i ko’u Uhane maluna o na kanaka a pau.”  Oia no keia.  Nolaila, e hoolohe mai oukou i keia mau olelo; “O Jesu no Nazareta ka i hele mai iwaena o oukou, a hana i na hana mana, a me na mea kupaianaha iwaena o oukou, e like me ko oukou ike ana.  A ua hopu oukou ia ia, a me na lima hewa, ua kau oukou ia ia ma ke kea a make ia.”

Aka, ua hoala mai ke Akua ia ia; a o makou he poe hoike no kona ala ana mai; a ke hai aku nei makou, oia no ke Keiki a ke Akua, ka Mesia.  A ua pii aku la oia i ka lani; a oia ka mea i hooiho mai ka Uhane Hemolele maluna o makou, a haawi mai ia makou i ka mana e olelo i kela olelo keia olelo, e like me ko oukou lohe ana, a me ko ike ana, i keia la.”

“no ia mea, e ike pono ka ohana a pau a Iseraela, ua hoolilo ke Akua ia Jesu nei, i ka mea a oukou i kau ai ma ke kea, i Haku, a i Mesia hoi.”

A lohe Jakou i keia mau manao, pehea ko Jakou manao ia Petero?  Huhu anei?  Walania paha, me ka mihi io imua o ke Akua?  Ua walania ko Jakou naau, a ninau Jakou penei; “E na kanaka, na hoahanau, heaha ka makou e hana’i?

Alaila, olelo aku la o Petero ia Jakou, e mihi, a e bapetizoia oukou a pau iloko o ka inoa o Jesu Karisto, i kalaia main a hala, a e loaa ia oukou ka haawina o ka Uhane Hemolele.  Alaila, o ka poe i makemake, ua bapetizoia, e like me ka Jesu kauoha; a ia la no, hui pu ia mai, ekolu tausani.

Ua pau ka haawi ana mai o ke Akua i ka mana i kana poe kauwa, e ike, a e oielo i na olelo e, e like me kona haawi ana ia Petero ma i ka la Penetekota.  I ka hoomaka ana i kana hana ia aw, ua pono kona hoolako ana ia Jakou me ka mana e hui aku i kana olelo, i lohe pono ko kela ko keia Jahuikanaka, i maopopo hoi ka oiaio o ka Jakou olelo.

Aka, he okoa ka hana i keia wa; no ka mea, ua unuhiia—ua maheleia—a ua paiia ka olelo a ke Akua i na olelo he nui wale; a e hiki no i na kanaka ke heluhelu i ka palapala hemolele no Jakou iho; a ua mahuahua hoi na Luna haiolelo, a me na Misionari e ao aku, a e hai aku i ka olelo a ke Akua ia Jakou.

Eia hoi; ke haawi mai nei no ke Akua i ka Uhane Hemolele, i keia Manawa, e “Kokua” i ka poe e noi ana ia ia; i mea e hoohuli mai, a e hoohanau hou mai—a e hoomaemae i ka naau o kanaka, a hoomakaukau ia lakou no ka lani.

Nolaila, ua Jokahi ka manao o kekahi poe haipule, mai o a o a puni i ka honua, e hookaawale i kekahi hebedoma iloko o Januari, i ka makahiki hou, e noi like lakou i ke Akua, (aole no ka mana e olelo i na olelo e) aka, no ka mea Kokua, “oia hoi no ka Uhane oiaio, nana e ao mai i na kanaka i ka oiaio a pau; a nana hoi e hoakaka mai i ko kea o nei, i ka hewa, a i ka pono, a me ka hoahewa ana.”

Pono loa ka manao o ka poe i kukulu i ka Hebedoma Haipule.  Oia paha ka poe e aloha ana i ke Akua me ko Jakou naau a pau, a me ko Jakou ikaika a pau; a e aloha ana hoi i na hoalauna e like me ko Jakou aloha ia Jakou iho.

Ina kakou e hapai pu i keia hana maikai, i pomaikai like kakou me ka poe haipule oiio a puni ka honua.

Ka pii ana i ka Lani.

He kanaha na la ko Jesu noho ana ma ka honua nei, mahope o kona ala hou ana, mai ika make mai.  Ua halawai pinepine oia me kana poe haumana ia mau la, a ao aku la ia lakou, i kela mea keia mea no kona aupuni.

A kokoke mai kona Manawa e laweia’ku mai o Jakou aku i ka lani, ua alakai oia ia Jakou iwaho a hiki i Betana, ke kauhale o Lazaro a me Mareta, a me Maria.  Hapai ae ia o Jesu i kona mau lima, a hoomaikai aku la i kana poe haumana.  “Eia hoi, i kona hoomaikai ana, a me kona kamailio pu ana me lakou, ua hookaawaleia’e la ia mai o lakou aku, a laweia aku la iluna, a na kea o no i apo mai, mai ko Jakou mau maka aku.”

A i kona pii ana, ua kun a haumana, e haka pono ana’ku i ka lani, a ike iaia e pii ana ae iluna o na ao, a nalowale aku la.

Ua hala aku la o Jesu; ua hala i ka lani, e noho ma ka lima akau o ka noho alii o kona Makua.

Ua kaumaha paha kana poe haumana no kona haalele ana ia Jakou.  Eia nae ka mea e hooluolu ia Jakou—kana olelo ma Joane 14:1-3.  “Ma ka hale o ko’u Makua he nui loan a wahi e noho ai—ke hele aku nei au e hoomakaukau i wahi no oukou—a e hoi hou mai no wau, a e Jawe ia oukou io’u la, i noho ai oukou kekahi ma ko’u wahi e noho ai.”

A i ko Jakou haka pono ana’ku i ka lani, ku kokoke mai la me Jakou na kanaka elua, (he mau anela no ka!) me ka aahu keokeo; i mai la laua penei; “E na kanaka o Galilaia, no keaha oukou e ku nei e nana’ku ana i ka lani?  O Jesu nei, ka mea i Jaweia’ku i ka lani; pela no e hoi hou mai ai e like me ka oukou ike ana’ku ia ia e pii ana i ka lani.”

Alaila oluolu Jakou, a hoi aku la i Jerusalema, e kali malaila, e like me ka Jesu kauoha, a iho mai ka Uhune Hemolele maluna o Jakou.

Ma ke Kauoha Hou, ua maopono ia kakou ka hanau ana mai o Jesu, ke Keiki hivahiva a ke Akua; ka maikai o kona noho ana, a me na mea kupaianaha o kana hana ana, na mea ano e i kona make ana ma ke kea; a me ka launa ana mai o na anela i kona ala hou ana, mai ka make mai; a me ka moolelo o kona pii hou ana i ka lani.

Nui wale na mea kupaianaha ma ka moolelo o Jesu Karisto, i kona noho ana ma kea o nei.  Pono ia kakou a pau ke heluhelu pinepine i ke Kauoha Hou, a hoopaanaau i kana mau hana mana; i kona lapaau ana i na mai o kela ano keia ano; kona mahiki ana’ku i na daimonio; kona kala ana i ka poe hewa, a me kona hooala ana i ka poe make.

E hoolohe hoi kakou a pau i kana kauoha ma Mataio 11:28-30.  “E hele mai oukou a pau loa io’u nei, e ka poe luhi, a me ka poe kaumaha, na’u oukou e hoomaha aku.”

“E amo oukou i ka’u auamo maluna iho o oukou, e aoia oukou e au; no ka mea, ua akahai au, ua haahaa kuu naau, a e loaa ia oukou ka maha no ko oukou uhane.”

“No ka mea, he oluolu ka’u auamo, he mama hoi ka’u ukana.”

 

Fulton Street Prayer Meeting.

 

PULE HOOMAU MAKEPONO.

 

Ua hoomakaia ka pule hoomau awakea, iloko o ka luakini, ma Fulton Street, Nu loka, A.D. 1857.  Mai ia wa mai, he 14 na makahiki.  Aole nae pau keia pule hoomau.  Eia ka makahiki 15, a ke halawai nei no i kela awakea keia awakea, e haipule i ke Akua.  Aole paha he la noa iloko o keia mau makahiki he 14, a halawai ole na haole i kela awakea keia awakea, (1 hora ka halawai) e pule i ke Akua no ka Uhane Hemole, e hoohuli i na kanaka mai ka hewa i ka pono; a mai ka make i ke ola.

Ua kaulana loa ka inoa o kela halawai haipule, mai o a o, a puni ka honua.  No ka mea, ua maa ka Nupepa, “New York Observes,” e pai i ka moolelo pokole o ua halawai la, i kela hebedoma keia hebedoma.  Malaila ua hoikeia kea no o na hana ana; na olelo paipai, na palapala noi, na manao mihi, na manao hauoli, a hoomaikai i ke Akua no kona aloha mai, a me kona kala ana mai i ka poe mihi io, a manaoio ia Karisto.

Nui ka poe, mai o a o, e palapala ana i ka Luna hoomalu o ua pule hoomau nei, e noi ana ia ia e hoomanao ia Jakou, imua o ke Akua hoolohe haipule.  He kane paha e noi ana no kana wahine; a he wahine paha no kana kane; he makua paha no kana keiki, a he keiki paha no kona makua—he kahu ekalesia paha no kona poe hipa; he ekalesia paha no ko Jakou kahu, he mea kaumaha i kona hewa ponoi noha iho.

I ka la mua o ka M. H. 15.  o keia pule hoomau, he 20 a keu na palapala i hiki mei i ka Luna Hoomalu, e noi ana ia ia e hoomanao ia Jakou i ko Jakou haipule ana i ke Akua.

I ko lakou hoomaka ana i ka hana, ua heluhelu ka Luna Hoomalu i ua mau palapala noi nei a pau.  A pau ka pule mua—ku koke kekahi haole, a olelo aku, penei; “E na hoahanau, i ko’u lohe ana i kela mau palapala, ua paipaiia au e ninau, a e imi i ke ane o keia mau mea?  Pono ia kakou ke nana, a e noonoo i kea no o keia mau hoailona, a e hoomaopopo i na mea e pili ana ia kakou.”

Eia kea no o kekahi palapala;—“E pule ikaika oukou, i iho mai ka Uhane Hemolele me ka mana nui.:

Penei ka mea mai Ohio mai;—“E pule oukou i iho nui mai ka Uhane Hemolele maluna o ka ekalesia, a hoohuli nui mai ka poe hewa ma ka pono.”

 Eia kekahi.  “E pule nui i ka Uhane Hemolele e launa i kekahi poe e malama auanei i ka ahaaina a ka Haku.”

Eia hoi kekahi.  “Ua kokoke mai ka wa e hoomaka i ka pule hoomau, nolaila, e noi aku oukou i ke Akua e ninini mai ka Uhane Hemolele, a hoohuli main a kanaka hewa he nui wale.”  Pela aku i na palapala he iwakalua.  Pono ia kakou ke pule no na ekalesia a pau, i ala like lakou, a hele a kokua mamuli o Jehova.

 

PULE HOOLOHEIA.

 

Ua palapala mai kekahi hoahanau ma Hartford, Ct., e i mai ana—“Ua noi pinepine au ia oukou e pule no makou; a ua maopopo lea ia’u, ua hoolohe ke Akua i ka oukou pule.  E pule no ko kakou Ahahui manawalea, i hoike aku kakou i ka Uhane o Jesu.

No Kansas mai.  “Palapala noi aku au ia oukou mamau’ku nei, e pule i ke Akua, i makepono ko’u ao ana’ku i na haumana kula.  A i ko’u manao, ua hoolohe mai ke Akua i ko oukou haipule ana.

I keia manawa, ke noi hou aku nei au ia oukou e pule hou no’u, i hahai pono au mamuli o Karisto.

E pule hoi no ki’a kaikaina, ka mea hoomaloka, i hoohanau hou ia oia.

E pule hoi no ko kakou kahanapule, i makepone kana hana a

I mai ka Luna Hoomalu, “he nui na palapala like me ia mau mea, i hiki mai, e hoomaopopo ana, ua hoolohe ke Akua i ka pule, a e paipai ana ia makoa e aloha hoomaikai aku i ke Akua no kona lokomaikai ana i na kanaka hewa.

 

MALIHINI NO NEW ORLEANS.

 

Uaku kekahi poe keonimana a olelo mai, 1,800 mile aku ko’u wahi home—ma New Orleans.  I ko’u hele ana mai ma Nu Yoka nei i kela manawa keia manawa, ua pomaikai no au e launa ma keia halawai haipule.  Owau ka Luna nui o ka Papa hoonaauao ma ka Panalaau (State) o Lousiana.

 Kekahi manawa i hala aenei, ua palapala mai kekahi kanaka opio ia’u, a hoike mai i kona hele ana i ke kaua i hala aenei, a me kona popilikia ilaila;—a i ka hope o kona palapala, ua olelo mai, ua lilo oia he hoahanau Karistiano.

Palapala aku au ia ia e hele mai, a e ike ia’u.  I kona hiki ana mai, ua ike au, hookah ona lima.  Ua lilo aku kekahi iloko o ke kaua.  Ua maopopo nae, he kanaka makaukau no ia; a ua haawi au ia ia i kekahi oihana maikai.

Ninau au ia ia i kona manao ma ka pono.  I mai ia ia; “Ua hanau hou ia au iloko o ka halawai haipule ma Fulton Street Prayer Meeting.”  Ikaika no kona manao ma ka pono.  Ua waeia oia e hele i ka Ahaolelo o na Lii.  Ua hai aku au i keia, i ike oukou, aole oukou he kaula loloa kupono, e ana aku ai i ka maikai a me ka mana o keia halawai.

Eia hoi kekahi.  I kou hele ana maluna o na kaa mahu, ua halawai au me kekahi hoa haumana kahiko, ma ke kula nui ma Nu Yoka.  He haumana hoomaloka no oia ia wa.  Aka, i keia halawai ana o maua, ninau aku au ia ia i kona manao ma ka pono.  I mai la ia, ua lilo he hoahanau Karistiano.  I kona manoa, ua hanau hou ia, e ka Uhane Hemolele, iloko o ka halawai awakea ma Fulton Street, Nu Yoka.

Aole kakou e ike ponu ma keia ao i ka nui o na kanaka i hoohanau hou ia no ka mana o kela Pule Hoomau awakea, ma Fulton Street, Nu Yoka.  Ua manao nae kekahi poe haipule, ma ka avarika, ua hoohanau hou ia hookah, i kela la i keia ia, mai ka mua a i ka hope o keia mau makahiki 14.  Ina pela, 5,000 a keu ka nui o ka poe i huli ma ka pono, no ka mana o ka Pule Hoomau Awakea, ma Fulton Street, Nu Yoka.  He halawai haipule hana no ia.  Aole hele na haipule ilaila e noho wale, manao ole, olelo ole, pule ole, aloha ole; aka, ua hele me ka manao he waiwai ka hora haipule—he waiwai ka uhane o ka mea hoomaloka; a eia paha ka hora e mihi kekahi, a hoolaulea mai i ke Akua.  Eia ka manawa e alakai i ka poe hewa io Jesu Karisto la, ke kahuna e ola’i.  Lokahi ka manao o na haipule me ko Jesu manao, noolaila, holo ka hana, a makepono ka hana.

 

KA NUPEPA KUOKOA,

HOOPUKA MAU IA MA HONOLULU

Kela Poaono keia Poaono.

$2.00

No na mahina he Umikumamalua!

$1.00 no na mahina eono,

ME KA HOOKAA MUA MAI.

 

NA OLELO HOOLAHA—aole i oi mamua o 10 laina no ka hoopuka hookah ana, $1.00; alua komo ana, he $1.50; hookah malama, $2.00.  E uku mua ia mai ked ala o na olelo hoolaha a pau e hoounaia ana mai e pai.

KANIKAU—he 4 keneta no ka lelani hookah—penei:  he 25 lalani, $1.00; 50 lalani, $2.00; a pela’ku.

KA UKU NO NA OLELO HOOLAHA—ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Pokue.

NA UKU PEPA A PAU E HOOKAA MUA MAI NO—aole e kauia ka inoa o kekahi haole a kanaka maoli paha.  ma ka inoa o ka poe Jawe pepa ke ole e hookua e mai mamua.  E pono ke hiipoiia keia mau rula, no ka mea, he emi no ka auhau no keia nupepa.

AIA KE KEENA O KA NUPEPA KUOKOA—ma ke keena i noho mua ia iho nei e J. W. Aukina, meluna ae o ka Hale Leta.  O na hora hana, mai ka eiwa o kakahiaka, a i ka ha o ke ahiahi.

H. M. WINI, Luna Hoopuka.

 

“KA NUPEPA KUOKOA.”

Is published in Honolulu

EVERY SATURDAY.

$2 00 per annum, or $1.00 per six

Months, in advance.

 

ADVERTISEMENTS not exceeding 10 lines, inserted once for $1.00, twice or $1.50; and $2.00 for one month; all advertisements must be paid for in advance.

KANIKAUS will be charged 1.00 per page, or 4 cts. a line.

PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.

ALL SUBSCRIPTIONS must be PREPAID.  No names, either of foreigners or natives, will be inserted on the subscription list, until paid for.  This rule must be strictly adhered to on account of the low subscription price.

THE OFFICE OF THE KUOKOA over the Post Office.  Office hours from 9 A.M. to 4 P.M.

H. M. WHITNEY, Publisher

Bound Volumes of the KUOKOA, for sale at the office over the Bookstore—$3.50 each.

Persons having complete sets of the above, can have hem bound by paying $2.00 each.

 

NA BUKE

HOOLAHAIA E KA PAPA HAWAII.

 

Baihala Hemolele Nui ill gula nani me na kuhikuhi ma na aoao................................ $   12 00

“        “ Nui ill eleele kaekae wai gula....................................................................      5 00

“        “ uuku iki iho,     “         “......................................................................      8 00

“        “ Pananaiki iho illi eleele..............................................................................      4 00

Kauoha Hou illi gula nani me na kuhikuhi.................................................................      3 00

“         “ eleele kaekae wai gula..............................................................................      1 00

“         “      “                ...............................................................................         75

Kanoha Ilon Hapa Haole...........................................................................................         75

Lira Hawaii 1848 me ke kanawai..............................................................................         25

  “        “ 1855........................................................................................................         25

Moolelo Ekalesia........................................................................................................         50

Haiao ili lahillahi........................................................................................................         10

Hele Malihini ana.......................................................................................................         25

No ko ke Akua ano....................................................................................................         25

Lira Kamalii...............................................................................................................         25

Hoike Palapala Hemolele...........................................................................................        25

Moolelo o Heneri Opukahaia.....................................................................................         25

Hoike Akua................................................................................................................         25

Wehewehehala...........................................................................................................         25

Ninau Hoike ili manoanoa.........................................................................................         25

   “    “     “ lahilahi...............................................................................................         10

Kumumua Kuia Sabati...............................................................................................         10

Buke Lawe Lima.......................................................................................................         10

He Buke no ka Pope..................................................................................................         10

Ui Kula Sabati Heiu 3................................................................................................         25

 “    ‘    “     “   4.................................................................................................         05

 “    “    “     “   5.................................................................................................         25

Buke Euanelio a Ioane...............................................................................................         10

Himeni                                                                                                                                       60

Himeni Ilii nani..........................................................................................................      1 00

 

Na Kauoha Hou Pakeke.

 

Ili Gula nani...............................................................................................................      1 50

Ili eleele kaekae nani..................................................................................................         60

Ili eleele......................................................................................................................         35

 

Na Halelu Pakeke.

 

Ili Gula nani...............................................................................................................         60

Ili eleele kaekae wai gula...........................................................................................         30

Ili eleele......................................................................................................................         20

Ka Hae Hoonani (Buke Mele)...................................................................................         25

 

Eia na buke haawi wale.

 

Palapala Liili—

            Helu 4—Makemake anei oe i ke ola?

            Helu 6—E hele i o Kristo la.

            Helu 7—Khauha.

            Helu 11—No ka hoohiki wahahee i ke Akua.

            Helu 16—Ka Eihia ana o ka Ahaaina a ka Haku a ma ka Bapetizo ana.

            Helu 17—Mai hana ino i na holoholona.

            Helu 18—No ka mahi ana, huai ana a me ka ina ana i ka Awa.

Ka Davida Malo Kumumanao.

Ka Moolelo o Batimea Puaaiki.

J. F. POKUE,

Kakauolelo o ka Papa Hooko o ka Ahahui Kuapelio o

ko Hawaii Pae Aina.