Ka Nupepa Kuokoa, Volume X, Number 47, 25 November 1871 — He Keiki kue i ke kanaka makua. [ARTICLE]

He Keiki kue i ke kanaka makua.

Aia he wahi keiki uuku ma Na loka, ua hoouna mau ia oia i ke kula e hoonaauao ia mai. I kona mau manawa kaawale, ua īmi hana oia nana iho, a maia hana ana, ua loaa iaia he mau dime. Hooululu oia ia mau hakina dala liilii, a hala he mau makahiki hiki ka huina i ka $200., a waihoia ma ka Banako Hoopukapuka Daln. Iloko iho nei 0 ka wa i pau ai o Kikako i ke ahi, a holo ae la na lono hookupu kokua ma o a maanei, aia hoi ninau aku la kona makuakane iaia. "K Farenka, heaha kau kokua no ka poe popilikia ma Kikako, no ka mea hoi, he mau dala kau aia i ka Banako?" Ku malie iho la ia wahi keiki, puai mai la ka ula o kona papaiina no ke aloha i kela poe hoa kanaka, a olelo aku la i kona makuakaue, e kii oe i na $200 ma ka Banako, a e haawi aku a pau loa na lakou, me ka weiho ole o kekahi. Mamuli o ke koi a ke keiki, ua hoouna akn la ka makua ia mau S2OO, a na ka makua 1 pani hou iho i $400, a waihoia ma ka Banako ma ka inoa o Farenka mekona ike oie

Aia hoi kekahi kanaka waiwai ma kekahi mokuaina o ia aupuni, he miiiona dala kona waiwai io, he $1.00 wale no ana i haawi ai no kela poe poino. Owai o laua kai mahaloia ?