Ka Nupepa Kuokoa, Volume X, Number 45, 11 Nowemapa 1871 — NU HOU KULOKO. [ARTICLE]

NU HOU KULOKO.

Oahu.

Iloko o keia wa kohahe o na keiki o ke kai, ke hookahakaha mai nei no kekahi poe o lakou ma na alanui. Ua loheia mai, e holo ana kekahi moku okohola ma Ponabe i keia hebedoma ae o hiki mai. Ma ke kakahiaka onehinei, ku ma la ke " Kilauea" mai Kona a me Kawaihae mai. Aole i ku ma na awa o Maui, no ka inoino loa. . Ua hiki mai ka lono ma ka Poakahi iho nei, ua ili ke kuna Mary ma Moloaa i Kauai. Ma ia la no, ua hoounaia na mea e hiki ai ke hoopakele ke hiki. Ma ka aoao koolau o keia mokupuni o Oahu nei, ua ili ke kuna Rob. Roy a me ke kiakahi Wailele ma ko laua mau awa e holoholo pinepine nei. Ma keia kulanakauhale, ma ka Poalua iho nei, ua hoohuiia ma ka berita mare e Rev. S. C. Damon o Robert Palminter me Miss, Sarah M. K. Colburn, he moopuna na Kapena Moano. —

Ua hoolimalimaia iho nei ke Kalepa Hawaii lolani, e holo i ka hooili lanahu i Nu Holani, a lawe mai i Honolulu nei, no ka laina o Uwepa.

O ka hale hoahu lanahu makai o Ainahou, a makou i hoolaha aku ai i kela hebedoma aku nei, he wahi hoahu lanahu no ke Aupuni Ameiika Hui ma keia awa.

Ma kekahi wahi nupepa uuku pili ohana, ke hoolahaia nei ka hamama ana o ka puka oihana o ka Hale Amara, o ka mea nona ka inoa i make. Nawai la e hele aku ina aohe kanaka oloko.

E ku mai ana ma kela awa, ma ka la 17 o Novemaba, ka mokuahi Nevada, o ka laina o Uwepa, mai na aupuni panalaau mai o Nu Holani a me Nu Zilani. Maluna mai ona e loaa mai ai na lono mai laila mai.

I keia Poakahi iho nei, ma ka holo ana aku a ke Kilauea i Hawaii, ua kau aku ka Lunakanawai Kokua Mua o ka Aha Kiekie A. S. Hartwell a me ka Hope Loio Kuhina L. Makale Esq. I holo aku laua e malamu i ke Kau Hookolokolo ma Waimea.

Ua manaoia, ma keia Poaono, e hoi mai ai ke Kahu hou o ka Ekalesia o Kaumakapili i kahea iho nei, a e noho ma kona pa hauai hipa hou, ma keia kaona Alii.

Ua manaoia, e haalele ana kekahi moku pea ia Kapalakiko, hookahi hebedoma mahope iho o ka haalele ana aku o ke kiapa Cometa. Ina ua haalele io oia, alaila, oia ka moku mua nana e lawe mai i ka nu hou hope no kakou.

Kate Lee.—Ma ka Poaha aka nei i hala, ma Onomea, Hilo, Hawaii, ili aku la ke kuna nani "Kate Lee," ma na kapakai o kela wahi ae la maluna. Ua panihakahakaia oia no na dala ekolu a elima paha tausani.

Na ohua kaulana. —Ua manaoia, o na ohua kaulana e huli hoi moi ana maluna o ka Mose Tela no keia awa, oia no ka "Wahine alualu wailiula o Kaiona" a me kana alii kane, ka malama dala nui o Honolulu.

Ka Adimaeala Awerika o ka Pakipika.— Ua laulaha ae mamua iho nei ko Ua Adimarala Amerika o ka Pakipika manao, e makaikai mai ana i keia awa. A hiki loa mai i keia wa, ke mau mai nei no ke kaukolo ana o ia manao.

Huli hoi mai.— Ua hoolahaia ma na nupepa haole o ka la 8 iho nei o keia malama, oia ka Poakolu, ka la ia o ka mokuahi Mose Tela e haalele ai ia Kapalakiko, a holo mai i keia awa. Nolaila, he mea maopopo, o ka Poalima e hiki mai ana, a i ole o ka Poaono ae, oia no na la e ku mai ai maanei.

Ka Mose Tela.—Ua manaoia, ua ku aku keia mokuahi i Kapalakiko, i ka la Sabati iho nei, a ua hoolaha koke ia aku la paha ka nu hou kaumaha, no ka poino o ka aumoku okohola, ma ka Moana Anu Akau, i ka Poakahi iho nei. Ma ka Poakolu iho nei oia e haalele hou ai ia Kapalakiko, a huli hoi mai i keia awa. E ku ana oia maanei i ka la 18 paha, a i ole i ka la 19 ae.

He hilahila ole. —O ka poe i kukulu i ia manao hakukole, niania, ino a hoolaha ,ia ke akea, mailoko mai o ka manao ino e namua, ua hiki no ke hoohalikeia lakou me ekahi o na mea ano like ole me ke kanaka. O ka hapala wale ana i ka inoa maikai o keahi kanaka imua o ka lehulehu, me ka like {illegible} me ka mea i kamailioia, he oiaio, ua haa ino oia i ko ke kanaka pono pili paa. Nolaila, ke papa aku nei makou i ka poe i aku i na manao ma ia ano, e hoopau ae a e hoomaemae no oukou iho.

Ka Moolelo Kaao o Robinana Lo.—Aole lakou i manao e hoopuka aku i keia Moolelo i keia pule, e waiho no a ka makou wa i manao ai, alaila hoopuka aku, aka, no ka {illegbile} loa o na leo e noi mai ana, "E hoopuka {illegible} ! E hoopuka koke mai no !!" Nolaila, e pai iho nei makou ma ka aoao mua o ka {illegible} o keia la, i ike iho ai ko makou poe heluhelu, i ka moolelo o ka mea nona ka {illegible} maluna, ka hiwahiwa o ke koa, helu ekahi o ka ikaika, ka mea nana e hooluliluli {illegible} i ka puuwai o ko makou poe heluhelu, na lakou no e wae iho i na hialaai a me a hoonanea ana a kona mau kamailio, a {illegible} noho a imihala mai.

O* Oa kakuluia ae nei e na hoahan*u o Kalihi-uka nei, he wahi luakini, i wahi e hoonaniia ai ka inoa o lehova. Ua kokoke e pua ua bale nei, mamuli o ka hooikaika *na ona hoahana o keia uka iuiu. Akahi no a hoala īa keia hana maanei, no ka loaa ana o ke kolopa (Kahu hou) iKaika nana euneune na naau paakiki oka hoomaloka. "Ealu ka pule ia lehoYa. —J. D. Kahakalau. Hamakūa, Maoi.—He mea kupanaha ka lono mai laila mai. Ua oleloia, ikala 28 o Okatoba, ua huaiia m iwi o kekahi poe, he raau makahiki a oi ae ka waihoana ilalo, aua hoolewaia ka ma ia la. A mahope o ka hoolewa ana he ahaaina. Aloha ino ka poe make ! Ka i noa e maha na iwi ma ka lua, a hiki i ka wa a ke Akua e kii mai ai e hoala ! Ēia ka aole ! aia a hala na makahiki o ka waiho ana, o ke kn aku la no ia i na iwi e manele hele ai ma ke aianui, a ahaaina pu iho )a. £na pokii, oka hana ibo la no ia ona aiM peuli! £na ponahele, o ka hana iho la no w a kanaka o na nina e, e ike mai ai, a i iho lako», "Pau ole ka na' aupo oko Hawaii." O ka mea i hala, ua pau ia ; o mua kahi a kakou e nana aku, a hoonauao iho.—Lau Oliva.