Ka Nupepa Kuokoa, Volume X, Number 43, 28 October 1871 — "I oiaio ka hoohiki ana." [ARTICLE]

"I oiaio ka hoohiki ana."

He nui ka poe hooiiiki iwaena o kannka, he oiaio kekahi, ahe wahahee kekahi. Ua pili keia olelo i kekahi poe ekalesia, a me kekahi poe ekalesia ole. No ka mea, ua noho kekahi poe me ka makau i ke Akua, a ua paa ko lakou manao e hooko i ko lnkou hoohiki ana ; aka, ua palakn, walania ole kekahi poe, a o ko lakou hoohiki ana, hemea ole ia lakou ; noiaila, aole manao e hooko i na mea a lakou i hoohiki ai. Nui na hoahanau i hoowahawahaia no ka oiaio ole o ka lakou olelo ana, a rne ka lakou hoohiki ana. A ke kupu nei keia hewa iwaena o na hoahanau ekalesia, a me ko lakou kahunapule. CJa kahea ka ekulesia i kek&hi kanaka naauao. huipule, e hele mai, a lilo i kumu, a i kahu hoi no lakou, penei; "Ke koi ikaika aku nei makou ia oe, e lawe i ka oihana kahu ekalesia īwaena o makou ; a e kokua hooluolu, a hoolohe makou ia oe iloko o ka Haku." 41 A i kaawale oe i ka men e hihia &i o keia ao, ke hoomaopopo aku nei makou ia oe i na dala ■ a makou e uku aku ai ia oe i kela mnlama i keia malamn. Ke hoomao* popo nei makou i keia ma kc kakau ana i ko makou mau inoa, i keia la," &c., &c. Ua noonoo me ka haipule ka mea i kahea ia i ke ano o keia oihana, a me na mea o ka ekalesia e haawi mai ia ia e pono ai kona noho ana iwaena o lakou ;a ina manao oia e hiki pono, alaila, ua ae e heie, a e lilo i kahu no lakou. Palapala hoopii oua ekalesia la i ka Aha Euanelio n ka mokupum, e wae i komite hooko, e hookahu ia ia, i lilo oia i kahu no lakou. He wahi hana laa keia—he hoohiki imua o ke Akua o na aoao eiua, o ke kahu ma kekahi aoao—a o na hoahannu ekalesia ma kekahi aoao.

1 ka hookahu ana, ua kau na komite hooko i ko lakou mau lima maluna o ke poo o ke kahu—a pule hoolaa ia ia ma keia oihana—a ua haawi lakou ia ia i ka lima akau aloha, me ka manao e launa pu, a hapai pu i keia hana nui—hana maikai—hana laa iloko o ke aupuni o ka Haku. Ua kauoha hoi ia ia e •• hai pono aku i ka olelo, e hooikaika i keia manawa a i kela manawa, e hoakaka aku, e papaaku, hoohoihoi aku, me ke ahonui, a me ke ao ana'ku." A e hooinaopopo aku hoi i na kanaka, o lesu Karisto ko kakou kalahala,a oia wale no, no ka mea, w aohe inoa e ae i haawiia mai malalo iho o ka lani, iwaena ona kanaka, i mea e ola'i kakou." A pau keia, he wahi kauoha i ka ekalesia e mulama pono i ko lakou kahu, a me kona mau ohua, i lako i ka ai, a me ka ia, a me ka lole. No ka mea, pehea la e hiki ai ia ia ke hana pono i kana hann, ina ua pilikia pinepine i ka pololi ? Ua kauohaia hoi ka ekalesia e kokua i ke kahu, a e launa pu me ia, e kuka pu me ia ma na mea e pono ai ko lesu aupuni iwaena o lakou ; e hele nui i ka pule i na ia Sabati, a me na halawai po ekolu—po eha—po elima —Mahina Hou—a me na halawai o na luna—a e alakai i ka lakou poe keiki i ke Kula Sabati, &c., &c. Ina he oiaio keia mau hana ; ke kahea ana—ka ae ana—ka hookahu ana—ka pule hoolaa ana—ka malama ana—ka hanai ana, ke kukakuka pu ana, ka haipule pu ana &c. &c. alaila e holo maikai ka hana—a e makepono no ka hana. Aka, pehea ka hapanui o na ekalesia ma Hawaii nei i keia wa * Ua malama pono anei lakou i ko lakou mau kumu haiolelo, n me ko lakou mau kahu, e like me ko lakou hoohiki ana ? Ua launa nui mai anei ka Uhane Hemolele, e hoohuli mai ana, a e hoohanau hou mai ana i na kanaka ma ka pono ? I ole, heaha la ke kumu o ka ole ? Owai ka mea hooko ole i kana hoohiki ana ?

O ke kahu anei ? Ke auwana nei anei ke kahu io ianei, me ka manao ole i na hipa a me na keikihipa ? ina ua hooko pono ke kahu i kana hana ; pehea ka ekalesia, a me na luna ekalesia ? (Ja hooko anei lakou i ko lakou hoohiki i ke kahu, —ua hanai pono anei lakou ia ia, i kaawale oia i na mea e hihia ai o keia ao ? I ole ; mai kahaha oukou, ke launa ole mai ka Uhane Hemoiele ia oukou. Aole oluolu ke Akua ika oukou hana apiki i kana mau kauwa; no ka mea, oia '' ka hao i ka ke Akua." E nana ia Malaki 3: 7. Mai na la mai o ko oukou poe makua, ua haalele oukou i ko'u mau kan<i* wai me ka malama ole. E hoi hou mai oukou ia'u nei, a e hoi hou aku au io oukou la, wahi a lehova o na lehulehu, Aka, ke ninau mai nei oukou, Ma keaha ka inakou e hoi hou aku ai ? 8. E pono anei i ke kanaka ke hao i ka ke Akua ? Aka, ua hao oukou i ka'u ; a.ke ninau mai nei oukou, Ma keaha ka makou i hao ai i kau ? I na hapaumi o ka waiwai, a me na mohai. 9. CJa hoahewaia oukou i ka poino, no ka mea, ua hao oukou i ka'u, o keia lahuikanaka a pau. 10. E lawe mai i na waiwai, hapaumi a pau iloko o ka hale ahu waiwai, i ai maloko o ko'u hale ; a e hoao mai oukou ia'u ma ia mea, wnhi a lehova o na lehulehu, i wehe ai paha au i na puka wai o ka iani, a e ninini iho i ka pomaikai maluna o oukou, a hiki i ka lawa. Pela e nana ia Mataio 25: 44. Alaila, e olelo mai lakou, me ka i mai, E ka Haku, ina hea i ike ai makou ia oe, ua poleli, a ua makewai, a he malihini, a he kapa ole, a he mai, a iloko oka halepaahao paha, a malama ole makou ia oe ? 45. Alaila, e olelo aku oia ia lakou, me ka i aku, He oiaio ka'u e olelo aku nei ia oukou, i ka oukou hana ole ana pela i kekahi mea liilii loa o keia poe, ua hana ole mai hoi oukou pela īa'u.