Ka Nupepa Kuokoa, Volume X, Number 41, 14 October 1871 — Heaha ka oihana i oi ka waiwai, o ka Oihana Loio anei a o ka Mahiai paha? [ARTICLE]

Heaha ka oihana i oi ka waiwai, o ka Oihana Loio anei a o ka Mahiai paha?

IKamamanao.]

E na hoa Kumukula o'u; Ua ninauia mai kakou ma keia Kumumanao, i na mea i oi o ka waiwai o keia mau mea elua, o ka oihana Loio a me ka oihana Mahiai. Aohe i like loa ka manao o na kanaka naauao no keia ninau ; manao mai kekahi o lakou, o ka oihana Mahiai ka oi o ka waiwai ; a manao mai hoi kekahi poe o lakou, o ka oihana Loio ka oi o ka waiwai; a manao hoi kekahi poe, he mau oihana waiwai ole laua a elua. Ano i keia manawa, ke hoike aku nei au i ko'u manao no keia Kumumanao, e like me kona koi ana mai ia'u i ka Hapaha i hala aku nei, a oia keia : 1. O ka oihana Loio, oia ka oihana i oi aku o ka waiwai mamua o ka oihana Mahiai. Aia ma na aina e, na aina naauao o ka honua nei, kahi i ike nuiia ai ka oiaio o keia. O na Loio nui a kaula0 Amerika, oia kai noho mau ma na noho Peresidena o ia aupuni a me na Lunakanawai Kiekie hoi, kahi o na noho hanohano loa malaila. Aia malaila, ua lilo kekahi poe i poe waiwai nui loa, a i poe kaulana ioa hoi ma ke ao nei. O ka oihana Loio no hoi, aohe i nui loa ka luhi, a ua loaa mai ke dala i kekahi manawa—he oihana mama a nui nae ka loaa 1 ka Loio hoopono a malama. Aole pae pela ka oihana Mahiai, he oihana lilo nui

loa a loaa uuku hoi. Aohe enaopopo na loaa no ke kanaka mahiai, inamua o kona hoomaka ana e hana i kana mau hana, ina puka a poho paha ; aole nae e like me ia ka Loio ma kona keena, ua maopopo iaia ka loaa mai no ka la a tne keia hihia ana e lawelawe aku ai. O ka oihana Mahiai hoi, me na mea paahana dala nui e hoolilo aku ai, alaila, e loaa mai auanei kahi puka uuku—aole pela ka oihana Loio, ua hiki no i ka ona nana ka hana ke hana oia hookahi wale no a loaa mai no ka waiwai. Oia ko'u manao no keia, o ka oihana Loio ka oi mamua o ka oihana Mahiai. A. Kalauli. Halekula Kawaiahao, Sept. 28, 1871.