Ka Nupepa Kuokoa, Volume X, Number 41, 14 ʻOkakopa 1871 — Ke 'Lii Ka Mea Kiekie ke Duke Nui Alexis o Rusia. [ARTICLE+ILLUSTRATION]

Ke 'Lii Ka Mea Kiekie ke Duke Nui Alexis o Rusia.

O ke kii maluna ae, oia no ke kii o ke 'Lii Ka Mea Kiekie, ke Duke Nui Alexis o Rusia, a keikikane akolu hoi a ka Eraepera Alekanedero 11., o Rusia e noho alii mai nei. Ua hanauia oia ma ka la 2 o lanu«ri 1850, a nolaila, ua oi iki aku oia mamua ona makahiki he 21. Ua manaoia keia Keiki Alii, oia ka oi oka hanohano; ma ka hoohalike ana, ua like loa °ia me kona kupunakane, oia o Nikola. No ka mea, i kona mau la, ua oleloia, oia ke Alii Aimoku ui loa ma Europa • aole hoi oia wale, aka, ua kapa pu ia, oia ka oi ona kanaka hanohano ma Europa. O keia Keiki Alii Alexis, ua hoonaauao maieuia ma ka pa Hale Alii Imeperiala, aua hookaulanaia e kana mau kumu, he haumana aapo. Ua hoike pu ia mai no hoi, he Keiki Alii eleu, a kanaka ui naauao oia. Mamuli o kona hooikaika ana ma kana oihana kaua Rukini, i oleloia mai ai' mai loaa no iaia he kulana kiekie loa, maloko o na aumoku kaua o Rukini, ina no aohe oia he pilikana i ka'ohana e noho'lii nei, a ke manao pu ole ia kona ui. ' ' Ma ka la 3 o Falmouth i hala iho nei, ua haalele oia ia Cronstadt, aua holo mai i Amerika Huipuia e makaikai ai maluna oka moku-kaua Sweetland f i ukaliia e kekahi mau inoku kaua liilii iho. Ma ka ia 16 o Sepatemaba, ua hiki ae oia' ma Plymouth, Enelani. Mai laila ae, e holo pololei ana oia iNu Ioka; he mea la paha, ua ku ae la oia'ma Nu loka i ka wa a kakou e makaikai nei i kona kii. ' Mai Nu loka aku, e hele pololei ana ka huakai Alii Imeperiala i Wasinetona, kahi e hooliloia mai ai oia, i makana makamae na ke aupuni o Amerika Hui. Mahope iho o kona makaikai awiwi ana ina Mokuaina Hikina a Komohana ame ka holo ana i Kapalakiko, ua manao wale ia, e holo mai ana paha ia ma ka Pakipika. Aole nae i maopopo loa ia mea. O ka luna aupuni o na aina e, e noho ana ma Wasinetona, ua paa mau lakou i na liuliu a me na hoomakaukau ana i mau ahaaina no kona hiki ana mai. Oka oi aku nae paha oka paa lou ina hana oia ano, oke Kuhina Nolio o Rusia ma Wasinetona, i kukai aku ai me na hoomakaukau nna a ke aupuni o Amerika Huipuia, me na hookipa ana a na kulanakauhale nui e ae, a oia auanei ka mea nana e hoike mai i na kai laiani ana o na hoohanohano i ike ole ia mamua, ma na kaiaulu o Amerika.