Ka Nupepa Kuokoa, Volume X, Number 41, 14 October 1871 — Heaha ka mea e Pomaikai ai ka NOHO ANA LANI? [ARTICLE]

Heaha ka mea e Pomaikai ai ka NOHO ANA LANI?

He wahi ninau maikai no keia ; no ka mea, he pokole ko kakou noho ana ma ke ao nei, nolaila he pono ke imi i ke ano o ka noho ana ina ka lani. He nui wale na manao o ka poe e manaoio ana i ka Baibala, ka poe haipule, naauao, a noonoo nui i ke ano o ko ka lani poe. He nui no na mea e pomaikai ai ka poe pono ma ka honua nei, ke malaina lakou i na kanawai e pono ai ke kino, a nie oa kanawai e pono ai ka uhane. He nui wale nae na mea e keakea ai ka pomaikai ma keia ola ana. Ma ka honua nei, aole like loa ka manao o ka poe e manaoio ana i ka Baibala ; aole like ko lakou manao ma na hana e pono ai ka lehulehu; ua manao kekahi poe ia lakou iho wale no, aole manao i na hoalauna. Maanei, he nui ka poe mai, ilihune, naaupo, pololi, olohelohe, a ino loa ka noho ana, a me ka hana ana. He ano hookamani ka noho ana o kekahi poe hoahanau—palaka—pule ole—haalele maoli ka Haku, a me kana mau oihona. Ua paakiki kekahi hoahanau pilikoko mnanei, i ka hoomaloka—he makuakane paha, makuwahine—he kane paha, he wahine, he mau keiki; —ua hiki mai ka malamalama, aka, makemake lakou i ka pouli, na mea o ke ki* no wale no, aole na mea e ponoai kauhane. Ma ka honua nei, nui na kaua—na mai ahulau—na makani puahiohio—na mea e pilikia ai ka poe e noho ana ma ka aina, a ma ka moana ;—nui na olai, nui na kulanakauhale pau i ke ahi, a me na ululaau pau i ke ahi; kekahi manawa, nui wale ka ua, a pilikia i ka wai kahe, a pela aku no. Nui na mea e kaumaha ai ka inanao o ka poe pono ma ka honua nei. Aka, aole pela ma ka lani. Malaila oole mea e keakea ai, a e hookaumaha ai j ka poe pono. Penei ka olelo ma Hoikeana 21: 27. " Aole hoi e komo aku iloko o ia wahi, kekahi mea haumia, aole hoi he mea e hani ma ka hewa, a me ka wahahee." Ma ka honua nei, ua hui pu ka pono me ka hewa, ka luhi me ka maha. Ma ka lani, aole mea mai, ua pau i ke ola ; malaila, aole mea ilihune, pololi, makewai, olohelohe—ua pau lakou i ka lako; aole kauwa hooluhiia e hai; he poe kauwa like lakou a pau i ke Alii o na alii, a me ka Haku o na haku. Maanei ua kiai mau na alii, na kiaaina, na kahunapule, a me na makua i na mea ma ko lakou mau oihana, me ka luhi a me ke kaumaha ; aka, iloko o ka lani, ua lokahi ka manao—ua hapai like lakou i ko lailu hana, me ka hauoli, me ka pomaikai, me ka luhi ole. O.ka lani hoi, he wahi hoomaha noia, kahi inaluhia, hemolele loa, a pomaikai loa hoi ko laila poe. Malaila ua hoakoakoaia ka poe oiaio, hemolele a pau loa. Malaila na nohoalii, na haku, na luna, na lii, na kerubima, na Serafima, na anela; malaila na kaula hemolele mai kinohi mai, a me'na lunaolelo ; a me na haumana a pau i kuaiia i ke koko o Karisto. A, ina ua loaa ia kakou ka uhane o Karisto, e hele auaiiei kakou, a noho mau loa me ko ka lani poe ponaikai. Eia hoi kekahi mea e pomaikai ai ka poe e noho ana ma ka lani. He kiUeana lakou malaila, mau loa, pau ole. Aolepela kekahi mea ma ka honua nei* 0 na halawai maikai a pau—a me na halawai maikai ole a pau, he pau wawe, mau ole. Pela na mea a pau o keia ao. Ina mahuahua ka aina, a nui a maikai na hale, a lako hoi i na mea he nui wale, he wa pokole ka noho pu ana o ke kanaka me ia mau mea. Ina aole e hoopauia keia mau mea i ke ahi, 1 ka wai kahe—i na olai—i na ka mu, a me ka popo; e make auanei ke kanaka, a lilo kona maō mea ia hai. Aka, aole pela ke komo oia iloko o ka lani. Malaila e lilo oia i kamaaina mau loa ; mau loa hoi kona kuleana, mai lesu mei. Aka hoi, ina ua maopopo, e pau auanei kona kuleana lani, hapa wale no kona pomaikai malaila. No ka mea, a bala he mau tausani, a be mau miliona makahiki, alaila e pau—oia kekahi mea e kaumaha ai ka manao. Eia hoi. E aho ka popilikia o ka poe i hoopaiia ma ka po, ina ua maopopo ialakou ; a hala kekahi mau miliona makahiki, alaila e pau ko lakou hoopaiia'na; a epuka auanei, a komo iloko o ke ola mau loa. Aole nae pela, no ka mea, o ke ola ma ka lani, he mea mau loa—pau ole no ia;—pela ka make ma ka po, he mea mau loa—pau ole no ia. Eiā hoi kekahi mea e pomaikai ai, ke noho ananei kakou i ka lani. O ka noho pu me ke Akua, a ike i kona maka—kona nani, kona aloha—a me kona alii ana. £ ike hoi

kona mana loa, naauao loa, a me kona noho ana ma na waha a pau loa, me ka hemahema ole. Oia hoi ho kakou Akua ponoi, ko kakou kuleana i ke ao pau ole. E nana oluolu mai oia ia kakou, a e apo mai ia kakou me kona ■ mau lima aloha j—a e lohe kakou i kona leo,! e i mai ana ; —•• Owau no ka oukou, a ou-| kou no hoi ka'u. Aole mea e hiki ke kaili ia oukou noloko mai o ko'u mau lima—aole mea e hookaawale ia oukou mai ko'u aloha aku. E noho pu oukou ma ko'u wahi e noho ai—e nana i ko'u nani, a e lilo oukou i alii mau loa, ike ao pau ole." 9 " Eia hoi," (wahi a 1 loane 3: 1—3.) " Manomano ke aloha o ba Makua i haawi mai ai ia kakou, i kapaia mai ai kakou he poe keiki na ke Akua ; no ia mea, aole i ike mai ko ke ao nei in kakou, no ka mea, aole lakou i ike ia ia. Ena punahele, aao la, he poe keiki kakou i na ke Akua, aka, o ko kakou anomahope! aku, aoie ikea ia, akn, ke ike nei kakou, a i j kona wa i ikea mai ai, e like auanei kakou I me ia ; no ka mea, e ike kakou ia ia i kona ano maoli. O ka mea ia ia keia manaolana ma ona la, oin ke hoomaemae ia ia iho e like me kona maemae ana." L. Kamika. I