Ka Nupepa Kuokoa, Volume X, Number 41, 14 October 1871 — Manao mahalo ia J. E. Hart. [ARTICLE]

Manao mahalo ia J. E. Hart.

I KA NUPEPA KUOKOA; Aloha oe:— Aia ma ko kakou Helu 38, o keia pule iho nei akahi no au a ike i keia mea nona kela inoa maluna Jos E. Hart, a ua kakau kela i kona kukulu manao ana, me nei no ia. Inoino kekahi alanui o Makawao, Maui. Mahalo au i na wehewehe, e hola ana ke/a ma-uka iho o Maunaolu, oia ka inoa o ka hale kula kaikamahine ahiki ma Pulehu ma kula loa holo hou, malaila aku, a Kaonouli, inoino loa ke alanui, o na kaa olaila aole hiki malaila ko'u mahalo ia J. E. Hart. Eia ka ninau i ka mea hoopuka nupepa ? Nawai na laau pou waea, e lawe mai nei na kaa i na hale wiliko o Makawao nei, no Kaonouli a me Pulehu no, o na kaa hao ka'u e kamailio nei, aole hiki. Nolaila, i oluolu loa oe, e ku malie a hoolohe i na olelo a ko hoa, malalo iho o keia mau manao, me nei no ia. Alia oe e wikiwiki e hoopuka nupepa, ina nae he haole oe, nou keia i@oa e kau nei J. E. Hart, aole ia, he kanaka maoli paha oe, he nika paha oe o Aferika mai, aole ia, no na aina moan@ paha oe. Alaila oe e noonoo mua, i na manao e pane @, o hoka oe, no ka mea, aole pono, me @ou ninau mua ole i ke kumu i koe ai oia wahi, o na wahi ka e koke ana i ko'u wahi, oia kahi maikai, ma ka apana o Kula oia kahi i hoolilo mua ia na dala o keia apana, o Kula no hoi kai paa mua na uapo dala nui o keia apana o Makawao nei, a i keia makahiki hoi, a kahi no a hanaia o

Hamakua me ke dala, a ke nee aku nei kona pau ana, i na ua naauao oe pono ke hinaninau i ko Makawao poe. O Makawao hoi, oia ka apana mahuahua o na alanui, a he nui e ku oe ma Makawao, hoomaopopo i na alanui, me nei oe e nana ai, mai Halehui aku, holo i Kahului mai kahi o Pika aku, holo i Kaluanui, a hui i Kahului, mai Laie a ku ma Makawao, holo no i Kahului, mai Makawao 'ku hoi, holo i Hamakua loa. Mai Makawao hoi holo i Kula a mai Hamakua a ku holo i Wailuku, a mawaena o Makawao iloko o na alanui liilii o ke Aupuni, oia ka nui o na alanui o keia apana. Mahalo loa au ia oe e J. E. Hart, a ua lana kuu manao, i hope Luna Alanui oe no'u no ka apana kaulana o Maua, a e hoomaka oe i ka hana i ka apana o Kula au i ike iho la i ke ino, me nei nae oe e hana ai, e hoolimalima aku oe i na dala o ke Aupuni au e malama nei $100.00 a mai koe iho ke koena o puka iao oe, e hoomaka ana keia apana, mai Kupoho Kapalaia ahiki i Pohopohoa ma Malalei, oia ka palena o keia apana o Kalaula, o ua alanuila 24 kapuai, a ua hooholo mua no hoi au i ko'u uku ma ka hana la. Kea e oe i hope no'u, 6 keneta o ka la. Eia hoi keia, onoai, ua maopopo ia oe na dala, e pau ai o keia apana, mahalo loa au ke hai mai oe, onoai o pau pono keia apana i na dala he $30 paha, ehia la. Eia ka hope o ko'u manao ia oe, i na pau keia apana mamuli o ka'u noonoo ana, aia kela wahi ino la o na pali Koolau e hoomaka ana, mai ka pali o Waikamoi ma Oopuola, ahiki i Heleleikeoho Ulaino, anoai o hiki mai na kaa huila hao a Uuna ka mea mahiko o ka apana o Hana, alaila, kaulana oe i ke akamai. A no ka nui o ko'u mahalo ia oe nolaila kakau koke au i ka nupepa o kakou, aloha no oe. R. K. D. KANEPIKONUI. Kuiaha, Hana, Maui, Sepatemaba 27, 1861.