Ka Nupepa Kuokoa, Volume X, Number 39, 30 September 1871 — Kupouli ke aloha ia Kanehoa. [ARTICLE]

Kupouli ke aloha ia Kanehoa.

Aia ma ka la 12 o Sepatemsba i maalo iho nei, ua ike ia iho kekahi poe i haalele i na haku hana o lakou, i paa hoi malulo 6 ka olelo aelike kepa kanaka, e hoihoiia'ana i ka malu hekuawa o Wailuku, e noho malalo o na haku hana o lakuu—Elua pake no Kina, elua kane o ka aoao oolea no Hawaii nei no a me 2 wahine o ka aoao palupalu ; o kekahi o na wahine, ua au rnai oia i kē kai no ka mai o kana kane e noho ana i Honolulu nei, aka, ua alualu mai la ka mana o ka palapala kepa la oe e ke kanaka Hnwaii 0 ka aoao palupalu, maihuli o ka pono o na Kanawai i hookahua ia i pomaikai nui no na lahui o na aina e, i komo mai hoi 1 o kakou nei e huli waiwai ai, a ua lilo aku la kou ano kuokoa e ke kana ii, ka mea nona keia mau mokupuni mai Hawaii a Kauai, mai ka paa iluna a ka paa ilalo, mai ka hookui a ka halawai, a mai kela kihi a keia pea, eia ka e liloana kaua kanaka Hawaii i rnea palukulukuia e Huliwaiwai ma o na aina e. Ai ka nana aku ia oe e kanaka Hawaii, " kau mai la iluna he ao makani ua lilo aku ke kuokoa, ua nalowale na manaolana, ua pouliuli kou noonoo, ua hehiia malalo o na wawae o Huliwaiwai ma o na aina e, a ua like ko kaua noonoo me ko na bipi kauo e huki ana i ke kaa mamuli o ka leo kauoha a ke kahu bipi, "ki Polena, ha Lihau," a pela iho la ka like o ko kaua noonoo e ke kanaka e Hawoii malalo oka palapala aelike kepa kanaka a me na kanawai, nolaila kuu lawe ana i kela papale maluna, <( Kupouli ke aloha ia Kanehoa." Ia oe e kuu hoa kanaka Hawaii, mai punihei oe i ka hulali mai o ke dala a Huliwaiwai ma, a kakau inoa malalo o ka palapala oelike kepa kanaka, a maho* pe iho, haalele oe i ka hana, alaila, e alualu mai no auanei ke kanawai, a pilikia no kaua, oiai aohe hiki i na Lunamakaninana o kakou kanaka Hawaii, ke naiia mai i na hoa kanaka o ka aina mak.uahine, aka, i ka nanaaku, "Hookahi no aoao, aneane piha ika liu." Nolaila, e lawelawe i ka hana a ka haku, e like me kou hoihoi, aole mamuli o ka palapala aelike ltepa kanaka. Aole ao e kamailio ana i keia, no ka poe i hooko pono i ka olelo aelike, aka, no na hoa kanaka i hooko ole—Aole hoi no ka molowa i ka lawelawe i ka hana, no ka mea, "ma ka hou o kou lae e ai la oe i ka ai, a pau na la o kou ola Nolaila, ha miuamiua i kou kuokoa e ke kanaka Hawaii, ua iiehiia e Huliwaiwie ma ona aina e. Aloha wale 1 E hoomanao ena hoa kanaka Hawaii. Me ka maholo. J. N. Kaiminaauao. Pelekane, Honolulu, Sept 13, 1871.