Ka Nupepa Kuokoa, Volume X, Number 35, 2 September 1871 — He Olai weliweli ma Kina. [ARTICLE]

He Olai weliweli ma Kina.

Ma ka la 11 o Apenla i hala iho, nei ka hoomaka ana o keia olai nui, ma Bathang (Batana). He 10 la ka loihi oke olai ana. Ma ke olai mua, haalulu nui ka honun, a hiolo loa na hale aupuni, na heiau, na ahuai, na hale pohaku, na hale kuai, na papu, na haie noho o kanaka, a m*e ka Hōiau nui o Tin«lina* he akua kii ia. Hiolo pau loa keia mau hale, a lilo i mea ole. Pakele kekahi mau koa a' kanaka hoi, aka, o ka nui o na kanaka, ua pau i ka make i na laau, a «ie na pohaku, e haule mai ana. Wela mai hoi ke ahi, a pii weliweli ka uahi, a me ka lapulapa ahi, a puhiia e ka makani i o ianei, a huiia me ka halulu o ke ahi na leo uwe o kanaka e pau ana i ka make. Ma keia kulanakauhale 2,298 kanaka i make. He 700 anana pa pohaku i hoohiolo ia, 7 heiau i hoopauia, 3849 hale a hapa hale i hookahuliia. He 400 niile ke anapuni o keia olai. Moku na puu iwaena, n poholo ilalo kekahi, a hoopihaiu na alanui i na mea keakea, a hiki />le ke hele. Weliweli ka hana u ke Akua !—E ala nn kanaka, na kamalii, e maka'u i ko ke Akua inau hoopai—e mihi a haalele ina hana hewa, i ole e hoopaiia ; e malnma i ke Akua i hoomaluia.