Ka Nupepa Kuokoa, Volume X, Number 30, 29 July 1871 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

Hoomaikai kau mau hana a pau ia oe.

The moon beams on the billary deep. 

 

1  o ka mahina i kau laelae,

Na ale uli o ke kai,

O ka moana laula e,

Na pu hawanawana mai,

Na ao i kaalelewa mau,

Ke anuenue haiamu,

Ka la, ka lama o ke ao,

O na hoku na lama po,

Ke hoomaikai i ke Akua mau

I hana a nani i ke ao.

 

2 Na kini mele o ke ao.

Na mele oli o ke kai,

O na makani ani mau.

Ke hau i aheahe mai,

O na hekili koa a o

Maluna e na piko puu,

Na oli ma ka wao laau,

Na kani palanehe no,

Ke hui na leo o lakou

E hoomaikai i ke Akua.

 

3 Ka Hoku ao i kau a lai,

A lele ae na aka po,

Ke Alaula i hoea mai,

Na kula hinu o ka hau,

Na manu lele io, ianei,

Na wai kakahe ke kai-

O ko na aina mau maikai,

Ko na moana kini e,

Ke hai malie nei lakou

I ko ke Akua mau kamahao.

 

4 Nau, ka Makua, i hana’e

Ka paa ala, a maikai,

Opuu, mohala, a pua mai

A hai mai i kou nani e-

Hoomaikai kau mau hana a pau;-

Aole anei e hui mai

Na kanaka a mele pu

Me na anela maluna’e?

Ke hui a mele pu makou

Kou nani, mana, aloha mau.

Hawaii.

 

No na kokua.

Helu 2.

He wahi hewa ka i loaa iaʻu ma ka Papa kokua i pana? Ma ka olelo haole.  Mai hewa au I ka hoohaahaa ia Puula no Hilo, ilalo loa, i ka helu hope loa, oia hoi ka helu 50.  Aole o na keneta elima kona awarika, aka, 52 kenta ka pono.

4. Ua akaka na helu ma ka puunaue like ana i na huina dala kokua a pau. Aka, ke makemake nei paha oukou e ike i na helu ma ka avarika ana o na kokua hanai kahu, a kokua i ka Papa Hawaii-oia hoi ke kokua i ko na aina e, ia Maikonisa, ia Fatuhiwa, &c., &c.

Ua hoio pono paha ia mau kokua, aole paha.

1.E nana i ke kokou hanai kahu.

Owai ke poo, ka helu 1,2,3?  Ke pii a hoea mai la ma ke poo.

1Kawaihao ---$1,000.00

2Kaumakapili ----513.00

3Kohala Akau ----382.00

He mau kahu haole ma keia mau ekalesia, aole nae no Kohala Akau ko lakou kokua kahu, he misionari ko lakou kahu, a no Amerika mai kona ola.  No na kahu pilikia ma na wahi e ae ko lakou kokua kahu.

4Kailua Hawaii --------- 298.19

5Kaluaaha Molokai ---- 260.00

6 Kohala Hema Hawaii-256.00

7 Kaneohe Oahu  ------- 228.00

8 Kapalilua Hawaii -----211.00

9 Hilo Hawaii, Pukaana Hawaii, Kapa

li-uka Hawaii, - - @200.00 pakahi.

10-17 Hamakua Waena, Hawaii, Onomea, Hawaii, Waikapu, Maui, Halawa,

Molokai, Waianae Oahu, Waialua Oahu,Waioli Kauai, Lihue Kauai, mai ka $150.00 a 200.00.  Pono iki lakou.

18-33 Hakalau Hawaii, Kekaha Hawaii, Helani Hawaii, Kalapana Hawaii, Kaupo

Maui, Kipahulu Maui, Wailuku Maui, Moanalua Oahu, Hauula Oahu, Kahuku Oahu, Kahana Oahu, Waikane Oahu, Waimanalo Oahu, Koloa Kauai, mai ka $100.00 a 150.00 ko lakou-Lawa iki no ko lakou ola.

34-36 Laupahoehoe Hawaii, Hamakua Hikina Hawaii, Hamakua Komohana

Hawaii, Kohala Komohana Hawaii,Opihikao Hawaii, Puula Hawaii, Keanae Maui, Honuaula Maui, Waihee Maui, Ewa Oahu, Wailupe Oahu, Waimea Kauai, mai ke 50.00 a 100.00 ola pilikia lakou-ke uwe la.

47-53 Hana Maui ----------$38.00

Anahola Kauai -------37.00

Honokohau Maui ----28.00

Lanai ------------------36.00

Niihau ------------------4.00

Siloama Molokai ----- 3.50

Ola mahunehune lakou.

Ma keia papa helu, haule oe e Waihee ilalo loa, mai ka helu 1 a ka helu 40 paha a pii oe e Kawaiahao, mai ke helu 8, a i ka helu 1, ke poo.

E ala oukou, e na ekalesia mai ka helu 34 aku, e hanai pono I ko oukou mau kahu, i ole lakou e pololi, a hemahema loa, a hele ma kahi kula e ae I loaa ke ola.

11. E nana I ke kokua I ka Papa Hawaii.

Owai ke poo? Owai malalo iho? &c.-

E hapaiia’na oe e Kohana Akau. E pii anuunuu ana oe, mai ka helu 6 ma ka huina kokua, a i ka helu 3, ma ke kokua kahu, a i ka helu 1 ma ke kokua I ka Papa Hawaii.

1 Kohala Akua $1,592.82 oia ke pookela

2 Waimea Hawaii $214.50 ka helu 2 ma ka awarika ana, ua pii oe mai ka helu 9 a i ka 2.  Aka, ma ka puu dala-O Hilo ka i oi, 770.32 kona mau dala, 214.50 kau.

3 Kawaiahao ----$219.75

4 Kaumakapili----242.51

5 Wailuku---------160.00

6-12 Kealakekua, kapaliuka, Waikapu. Kaluaaha, Waialua, Koloa, mai ka 98, 60 a 128.00. Pono iki no.

13-22 Hamakua Waena. Hamakua Komohana, Kohala Komohana, Pakaana, Kalapana, Waihee, Halawa, Ewa, Kaneohe, mai ke 50.00 a 81.00. Ke

emi nei.

23-45 Onomea, Hakalau, Hamakua Hikina, Kekaha, Kailua, Helani, Kona Waena, Kapaalua, Opihikao, Hana, Keanae, Lahainaluna, Lanai, Moanalua,Waianae, Kahoku, Kahana, Waikane, Waimanalo, Wailupe, Waioli, Anahola, Waimea K., mai ka 20.00 a 47.00. Emi hou iho.

Emi hou ka oe, e Waihee, ma keia kokua. Elua ou haule ana mai ka piko.  E hooikaika e pii like, i poo like ma na kahua ekolu.  O oe no hoi e Waimanalo, haule hou oe, helu 2 oe ma ka huina dala ke avarika-Ma ke kokua i ka Papa Hawaii, eia o e ma ka helu 40.  Eleu, hoopiipii anuunuu, a kau ma ka helu 2, ke kaulu paha ia e mahaʻi, a pii hou aku a kau ma ka piko, ke kokua mai ka Haku a nui ke aho ou.

46-54 Laupahoehoe, Puula, Kaupo, Kipahulu, Honuaula, Oloalu, Konokohau, Hauula, mai ke 3.00 a 15.00- aole paha i oluolu o Fatuhiva ma ia oukou no keia mau puu dala liilii i haawiia no lakou.  Mahea ko oukou alapii?  Eia paha na welau elua, ke moe nei ma ka honua.  Kainoa hookahi wale no welau ma ka honua, a o kekahi e hoala a kukulu ae, a pili i ka lani.

          E aloha aku ia hj, aole ia oukou wale iho no.

          Malama e pii aku ana ma keia hope aku.  O, eia ka helu O, o Niihau, aohe ou wahi kokua iki ia Maikonisia i paiia; ua poina paha, ua pili paha i kou pakeke, aole i hemo mai, ua nalowale paha kou hapawalu malalo iho o ka moena o kou hale; e hoaa i ke kukui, e burumi i ka hale, e huli pono, a loaa, a haawi mai, alaila e olioli pu kakou. 

          Ua mahaloia ka ikaika o kekahi mau ekalesia ma ke kokua mahinahou, oia ke kokua i ko na aina e.  Kohala Akau ka ikaika lao. Aole paha he pono ke paipai ia oe e pii hou ae.  Ua piha paha kou palena.

          Ua ikaika hoi Waimea, Hawaii, he aina dala ole ia, aole he Ahahui mahi ko malaila, i loaaʻi ke dala ma ke kumakahiki; no kahi e mai hoi ka nui o ka ai; a ma ke dala wale no e loaaʻi ka ai.  Uuku loa hoi na hoahanau, 90 wale no.  E hiki no nae paha ke hoololi iki i na huahelu, e loli 214001241.00 paha.  Hookahi wale no anuu i koe a hiki i ka piko i ka helu 1, ke pookela.  E aa e heihei pu me Kohala Akau, ma ka avarika ana.

          Ikaika iki no Hilo, he puu dala nui no hoi kona-770.00, ola kekahi mau misionari Hawaii malaila.  Nolaila aku hoi kekahi mau misonari, Kanoa ma.  Hewa anei ke pakui i mau haneri hou me keia?  a hiki paha i ka 1400.00?  Hoao paha; he muliwai dala Hilo, a ua 1400 hoahanau-pakahi wale no dala no ka hoahanau hookahi.

          Na Ekalesia o Honolulu ke kulanakauhale Moi, Kawaiahao, me Kaumakapili, he mau puu dala no ko olua no na aina e ma keia makahiki i hala, 319.00 242.00 mahalo iki ia no-aka, he wahi dala ko olua; a he mau kumu alakai hoi olua; e huki aku imua, a iluna, mai haule malalo iho o na kuaaina.  Pehea ka 900.00 no keia makahiki?  he kaumaha anei?  he loaa ole? E kani hoahewa anei ka wati nui o Kawaiahao? A pehea hoi ka 500.00 nou, e Kaumakapili? He inoa maikai kou iwaena o na hoahanau.  E hoao paha. 

Ka Moolelo Makahiki

EWALU O KA PAPA HOOKO

O KA AHAHUI EUANELIO O KA

Pae Aina Hawaii, Iune, 1871.

Me ka hoomaikai aku i ka Mea nana na mea a pau, ke waihoia aku nei ka hoike makahiki Ewalu o ka Papa Hooko imua o oukou, e na Lala o ka Ahahui Euanelio o ka Pae Aina o Hawaii.

O na makua, auhea lakou?  Ke hele aku nei i ke ala hoi hou ole mai.  I kela makahiki a i keia makahiki, hai aku la makou i ka inoa o kekahi poe i laweia’ku.  Aole i nele i keia makahiki.

I ka la 9 o Aperila o ka M.H. 1837, ua hiki mai o Mr. A.S. Kuke i keia Pae Aina o Hawaii, a i ka la 20 o Maraki, M.H. 1871, ua haalele mai ia kakou, a loaa ia ia ka pomaikai o ke kauwa maikai, malama pono. He Misonari ia i aloha nui ia; he kumu na na alii; he makamaka no ka lahui Hawaii; he kanaka kalepa hana pono, a pololei; he ahole haahaa o ka naau; he Karistiano maoli no.

“Pomaikai ka poe make ke make iloko o ka Haku ma keia hope aku.  He oiaio, wahi a ka Uhane, i hoomaha lakou i ko lakou luhi; a ke hahai nei no hoi ka lakou mau hana mahope o lakou.”

I ka la 9 o Okatoba, M.H. 1870, make iho la o Rev. J.H. Moku, kahu o ka ekalesia o Wainee, Lahaina, Maui.  A liuliu iki, hahai aku la kona kaikaina iaia; Oia hoi o Rev. J. Kikiakoi, kahu o ka ekalesia o Olowalu, Maui.  O Mr. Kaelemakule, Misionari Hawaii no Namriki, mokupuni o ka pae

aina o Makala, kekahi mea i make i ka makahiki i hala.  Pela no hoi o Rev. George

Snow, ke kahu o ka ekalesia o Ualana, mokupuni o ka pae aina o Karolina.  He kamaaina ia no ua mokupuni la.  He keiki na ke alii, nona ka hookipa ana ia Rev. Mr. Snow,i kona komo mua ana ma ia aina e  hapai i

ka oihana Misionari.  He kanaka haipule, a i aloha nui ia e koliia poe.

“O na mea a pau i loaa mai i ko kakou lima e hanaʻi,  e hana kakou me ka ikaika, no ka mea, pokole wale ka manawa a kakou i hanaʻi no ke Akua.”

 

NA OIHANA MISIONARI KULOKO.

Ekolu mau ekalesia pilikia, hiki ole ke hoolako kupono i na kahu i kokuaia e ka Papa Hawaii i keia makahiki.  Mamuli o ka rula i hooholoia i ka makahiki 1867, ua kokuaia lakou penei: “I keia hope aku, aole makou e kokua ana i kekahi kahu ma kona noi, oia hookahi wale no, ia makou.  Aia no a noi pu mai ka Ahahui Euanelio mokupuni, kahi e noho kahu ana ke kahunapule, alaila, e nana aku makou i ka palapala noi.”

Ma ka hapa mua o ka makahiki 1870, noi mai la ka Aha Lunakahiko o Maui ia makou e kokua aku i ka ekalesia o Lanai, a me ka ekalesia o Kaupo, Maui.  Ae aku la makou. I ka hapa hope oia makahiki, noi mai ka Ahahui Euanelio o Kauai i wahi koku no ka ekalesia o Waimea, Kauai, a ua haawiia aku.  O na dala i kokuaia no ia mau ekalesia ekolu, he 150 no ia.

He mea kupono ko kakou kokua ana i na ekalesia ilihune, nele, pilikai maoli, e like me ka Paulo paipai ana, “E hali kekahi o oukou i na mea kaumaha a kekahi, pela oukou e hooko ai i ke kanawai o Karisto.” E malama nae o lilo keia i mea e hoonawaliwali ai i na ekalesia, a hilinai wale aku lakou ia hai, nolaila ke paipai ikaika aku nei makou i na Ahahui Euanelio, a me ka Aha Lunakahiko, e akahele oukou.  Mai noi wale mai me ke kumu ole, a kumu uuku paha,

i dala kokua no ka ekalesia, o lilo kela i mea e poino ai, a e keakeaʻi ka holo ana o ke Aupuni o ke Akua.

 

NA PAKE.

Aole i loaa mai ka Misionari Pake e pani hakahaka no ko kakou hoaaloha, o Mr. Ahiona.  Ua loaa mai ia makou na leta na Ahiona mai, aole nae akaka lea kona hoi ana mai i keia pae aina o Hawaii nei.  E hoi mai auanei paha, aole paha.

Ua malamaia nae he kula Pake ma Honolulu nei.  O kekahi haole, o Mr. Dunscomb ke kumu.  Ke lana nei kona manao no na haumana o keia kula.  I ka makahiki 1870 i hala ae, ua kokuaia keia kula e ka Papa Hawaii.  Aole nae pela i ka makahiki i kaa hope nei.

O Mr. E.H. Dimond kekahi i lawelawe i ka oihana mawaena o ka poe Pake ma Honolulu nei.  He halawai haipule kana i kela a me keia bebdoma, a nana i hoolahaʻku i na buke liilii Pake he lehulehu.  Malia pa-

ha, e lilo ai keia mau buke i mea e hoomalamalama ai i na naau o kekahi o keia poe pegana, a huli ae mai ke ano pegana a i ka hoomana i ke Akua oiaio hookahi wale no. E puke aku kakou i ke Akua no lakou, no ka mea, he lehulehu lakou, a e lilo auanei lakou i poe e pomaikai ai, a i ole, e poino ai keia

lahui o kakou.

 

NA KULA KAIKAMAHINE.

I ka la 7 o Okatoba, M.H. 1870, ua hoihoi hou ia mai ka mana o ka Papa Kahu o ke kula kaikamahine o Waialua, Oahu, i ka

Papa Hawaii, a noi mai la e hookuu aku ia lakou, a ua ae ia, a piu ae la ka lakou mana.  I ka la 6 o Dekemaba oia makahiki no, ua kohoia he Papa Kahu hou no ua kula la. Eia na inoa o na lala o ua Papa Kahu nei: Rev. A.O. Polepe, Mr. E.P. Church, Major Moehonua, W.H. Holokahiki a me Mr. P.

C. Jones. jr.  Na lakou i hoomaka hou i ua kula nei.  O Miss M. Gelina ke kumu nui. Pomaikai na kaikamahine Hawaii i ka loaa ana i kumu ikaika, naauao, oluolu, e like me Miss M. Gelina.  Ke lana nei manao e lilo ana kela kula i wahi puuhonua i mahaloia, e like me kona ano mamua.  Pela io no ke kokua mai ke Akua i ka hana. “Ina aole o Iehova e kukulu i ka hale, hooikaika

makehewa ka poe nana e kukulu.” Ua kukulu hou ia  a paa ka hale kula kai-

kamahine o Makawao, Maui, i puhiia i keahi.  A na na kahu o ua kula nei i koho ae

ia Rev. C.B. Aneru, kekahi kumu o Lahainaluna, i kumu nui no keia kula kaikamahine, a ua ae ia mai.  O kona kokua, o Miss

Kamana no ia,  he kumu akamai ia, mai Amerika mai.  Pomaikai ko Maui!  he ku-

kui aa keia e hoomalamalama ana i kela mokupuni, a me na mokupuni e ae o keia

Moana Pakipika.

Ua hoomauia ke kula kaikamahine o Kawaiahao, Honolulu, Oahu.  Miss L. Binamu ke kumu nui, a o Miss E. Binamu, a me na wahine e ae na kumu kokua.  He kula maikai keia a holo ka hana, he 40 ka huina

pau o na haumana.  O kekahi o lakou ua hookomoia iloko o ka berita hoanahau ma

ka ekalesia o Kawaiahao.

O ke kula kaikamahine o Koloa, Kauai, kekahi.  Ke mau nei no e like me na makahiki i hala aku.  O ka wahine a Kauka Kamika ke kumu nui, i kokua ia e ka laua mau kaikamahine.

E makaala kakou.  E kokua ikaika hoi i keia mau kula kaikamahine a pau, “I like ka kakou poe kaikamahine me na pohaku kihi i anaiia ma ke ano o ka luakini.  I like hoi ka  kakou poe keikikane me na mea kanu, i ulu a nui i ko lakou manawa opiopio.” Pela a hoopomaikaiia mai ai keia lahuikanaka, ke makau lakou ia Iehora.

 

KULA KAHUNA LAPAAU.

Ma na makahiki mua o ka Misiona Hawaii, kukakuka pinepine na makua no ke ao ana aku i na kanaka Hawaii i ka oihana kahuna lapaau, aole nae i hana nui ia.  Ma ka makahiki i hala ae nei, ua hookaawaleia, e ka Ahaolelo o ke Aupuni, he puu dala no keia oihana, a na na Kuhina i koho ae i ka Hope Peresidena o ka Papa Hawaii, Kauka Judd i kumu e ao aku i kekahi mau haumana, a loaa ia lakou ka makaukau e lapaau aku i ka poe mai.  I ka la 9 o Novemaba,

M.H. 1870, ua hoomakaia keia kula; he 10 mau haumana.  Ke lana nei ka manao o ke kumu no keia mau haumana.  Malia paha, e lilo keia i mea e hoemi iho i ka lapaau naaupo ana, a e pomaikai ai keia lahui o kakou.       

 

KULA KAHUNAPULE.

Ua hoi mai o Rev. W.P. Alekanedero, ke kumu o keia kula, mai Kalifornia mai, ma ka malama o Sepatemaba, a ma ia malama ae, hoomaka hou iho la ke kula.  He 16 mau haumana; elima mau haumana hou i hoo-

komoia; elua haumana i kaheaia e lawelawe i na oihana kahuna ma na kihapai nele i na kahu ole; elua hoi i kohoia e ka Papa Hawaii e hele aku i Maikonisia, a e lawelawe aku i ka oihana Misionari.  E like me ka hookipa ana o na ekalesia o na Waieha i na haumana ma na makahiki mamua aku, pela no ka lakou i ka makahiki i kaa hope ae nei.  Ua aie kakou ia lakou no keia hana lokomaikai.  Oia mau na  mea i ao ia aku ma ke kula.  He wahi hapa nui keia o kakou oihana.  Ua hiki mai ka manawa e hoomahuahua, a hoonui i ka makaukau o ka poe i ake e hapai ae i ka oihana kahuna. Nui ae ka ike o kanaka Hawaii i keia wa, a ina i naaupo na kahunapule, alaila, e hoowahwahia ka oihana kahuna, a nele na hoahanau i ka ai kohu ole no ko lakou uhane, a wiwi maoli no.  He oiaio, e like me ke ano o na kahu ekalesia, pela ke ano o na hoahanau.  Ina he naaupo na kahu, naaupo hoi na hoahanau.  Aole e pii ae ka wai i ko ka iliwai o ke kumuwai.  He mea kaumaha i ka nana aku, ka emi o ka ike o ka poe i makemake i keia oihana.  O ka hapa nui o na kahu ekalesia i keia wa, he po Lahainaluna lakou, a naauao mamua ae o ko lakou hele ana i ke kula kahuna, a maa iki i ka huli buke.  Aole nae pela ka poe i ake i keia oihana maikai i keia manawa; o ka hapa nui, he poe haumana kula apana, aole o lakou maa i ka huli buke; aole hoi makaukau i ka noonoo pono ana i na ike hohonu i aoia aku ma ke kula kahuna, nolaila, makehewa ka noho ana malaila, a poho wale ka luhi o ke kumu.  Aia i na Ahahui Euanelio Mokupuni ka mana e ae, a e hoole paha  i ka hele ana o na haumana i keia kula, no ia mea, e makaala, e akahele, a e imi i ka poe naauao kupono.  Mai ae wale aku e

hele ka poe naaupo, hawawa, kupono ole i kahi i aoia ia lakou no ka oihana kahuna.  Eia ke ano maikai, kupono o ka poe i ake i keia oihana; he naauao a akamai i ke ao aku, ahonui i ka ino, menemene i na uhana,

ano haipule io no, a iini ikaika e lawelawe malalo iho o ka Mea nona ke kuai ana ia

lakou me kona koko waiwai io no.  E noi aku kakou i ka Haku, nona ke kihapai, e

hoouna oia i na lawe hana iloko o kona kihapai.  E hoomanao nae, ua make ka manaoio ke ole ka hana ana.

Ma ka halawai o ka Ahahui Euanelio Hawaii i ka makahiki 1870, ua hooholoia penei: “Ke manao nei keia Aha he pono e imiia ka mea e hiki ai ke hoopalahalaha ae i ke kulana o ko kakou kula kahuna.”  He kumumanao nui ia a oukou e noonoo ai i keia halawai.

 

NO KA OIHANA HOOLAHA BUKE.

Ua paa ka Buke Himeni Hou i hoomakaukauia e Rev. L. Laiana, a ua hooponoponoia e Rev. H.H. Paleka laua me Rev. A.O. Polepe.  Ua ae mai ka Ahahui Hoolaha Palapala Liilii o Nu Ioka e pai i keia buke no

kakou. O ka lilo no ka papa-hua kepau, pai ana, a me ka humuhumu ana i 1,000 kope, he 724 dala ia, a ia kakou nae ka papa-hua kepau, a hiki ke pai hou aku e like me ko kakou manao.  Ua hookaaia keia mau dala, a liuliu iki e loaa mai auanei keia buke, a kuai aku.  Pomaikai keia lahui.  He Buke Himeni maikai keia, a nui ae na himeni hou.

Ke pai nei kela Ahahui Hoolaha Palapala i buke “Wehewehe Olelo o ka Baibala,” a kokoke e paa.  He buke maikai keia no na kahunapule, a no na kumu Kula Sabati kekahi, a he buke kupono no na hoahanau.

O ka buke “Kumuolelo o ka Baibala,” a me ka buke “Wehewehe i ke ano o Mataio,”aia laua ma ka lima o Rev. E.W. Kalaka.  Ke imi nei oia i Ahahui e pai ia mau buke no kakou.  Aole nae loaa, o ke dala ole ka pilikia.  Aia a kokua aku i wahi hapa o na dala lilo, alaila, ae mai ka Ahahui Hoolaha Palapala e pai.  Aole anei pono ke hoolilo i ka puu dala i luluia ma ka Makahiki Iubile

no keia oihana?

He mea ia a oukou e noonoo ai.  Ua humuhumuia na himeni a me na leo mele i paiia maloko o ke Alaula, mai ka hoomaka ana a hiki i keia manawa, a lilo i buke okoa, maikai, a he nui ko na kanaka makemake i keia “Hae Hoonani.”  Ma ka olelo Kilibati, ua pai ia iho nei he mau buke; o na Episetole a Paulo i ko Korineto kekahi, Galatia kekahi, Mataio, Ioane a me Epeso kekahi.

He helunaau kekahi.  Huina pau o na aoao he 451,500.

Aole i paiia iho nei na buke ma na olelo Bonabe a me Makala, no ka mea, aia ma Amerika Huipuia na Misionari haole o ua mau Misiona la.  Malaila paha e pai ia kau wahi hapa o ke Kauoha Hou ma ia mau ole-

lo elua. 

Ua loaa mai ia kakou, mai ka pai palapala o ka Ahahui Baibala Amerika 2,793 baibala, a me na hapa baibala, ua like ia me na aoao 1,807,947.  O ka nui o na aoao i kuai ia aku, a i haawi wale ia aku he 809,464 no

ia. O ka hui na pau o na aoao baibala, a me na buke e  i kuai ia aku, a i haawi ia aku hoi, he 1,572,387. $2,030.65 i loaa mai no keia mau baibala a me na buke, oia hoi he $1,229.29 no na baibala, a $801.36 no na buke e ae. 

 

NA NUPEPA.

Ma ka ae like ana o ka mea nona ka hoopuka ana i ka nupepa Kuokoa , a me ka Papa Hawaii, ua lilo ka aoao aha o ua pepa la no ka Papa Hawaii.  A nana i koho i wahi Komite Hooponopono i na mea a pau i paiia ma ia aoao.  Eia na ino o na lala o ua Komite nei, Rev. L. Kamika, D.D., Rev. L. Laiana, a me Rev. J.D. Parisa.  He nui ka makemake e lilo keia pepa i mea e pomaikai

ai keia lahui.  Ke lana nei ka manao, ua hookoia ka makemake, no ka mea, oi aku ia ka poe i lawe i ke Kuokoa i keia makahiki i ko na makahiki mamua.

He mana ka nupepa Kuoka ma na aina a pau loa, ke hooponoponoia na mea i paiia iloko mamuli o ke ano Karistiano.  O ka mana aha ia o na oihana aupuni.  Pela paha ka mana o na nupepa ma keia pae moku. No laila, e makaala loa, e heluhelu, e noonoo i na mea i hoopukaia mai ma na nupepa, o lilo lakou i mana e hoopoino ai ka lahui.

He nupepa maikai ke Alaula, a momona.  Aole like ka nui o na pepa i laweaʻku i ka makahiki i kaa hope aenei me ko na makahiki mamua.  No ke aha?  No ke aha la hoi? E noonoo oukou, a e imi i ke ala e komo ai

keia elele maikai i na hale, a me na kula a pau.  Ia kakou pakahi keia.  No kakou keia pepa; ko kakou pokii no ia.  Makehewa ka luhi o ka mea nona ka hoomakaukau ana i keia ai kohu no ka uhana, ke ole kakou e kokua mamuli o ka hoolaha ana mawaena o kanaka.  E ala!  e hooikaika, a e holo ai

keia hana imua, aole i hope.

Eia malalo iho nei he papa e hoike ana i ka nui o na dala i loaa mai no ke Alaula, mai ka hoomakaia ana a hiki i keia makahiki.

Makahiki    Buke Na Nui        Na loaa.

1866-7        I        4035           $807 75

1867-68      II       2250           450 35

1868-69      III      2430           486 62

1869-70      IV      2425           884 77

1870-71      V       1650           329 95

                                                _____

                                                $2,559 44

                                                (Aole i pau.)

 

HAAWINA KULA SABATI.

Helu XXXII. AUGATE 6, 1871.

KA SAMARITA LOKOMAIKAI.

Poulu Baibala, Luka 10:25-37.

25 Aia hoi, ku ae la iluna kekahi kakaolelo e hoao ana ia ia, ninau aku la, E ke Kumu, heaha kaʻu e hanaʻi i loaa mai ai iaʻu ke ola mau loa?

26 A ninau mai la o Iesu ia ia, Heaha ka mea i kakauiaʻi iloko o ke kanawai?  Pehea kau heluhelu ana?

27 Hai aku la ke kakaolelo, i aku la, E aloha aku oe i ka Haku i kou Akua me kou naau a pau, a me kou uhane a pau, a me kou ikaika a pau, a me kou manao a pau, a i kou hoalauna e like me oe ia oe iho.

28 I mai la oia ia ia, Ua hai pololei mai nei oe; o kau ia e hanaʻi a e ola no oe.

29 Aka, i kona makemake ana e hoapono ia ia iho, ninau aku la oia ia Iesu, Owai la hoi koʻu hoalauna?

30 Olelo hou mai la o Iesu, i mai la, O kekahi kanaka e hele ana mai Ierusalema i Ieriko, a haule iho la iwaena o na powa, kaili ae la lakou i kona kapa, pepehi iho la, a haalele aku la ia ia, e waiho ana me ka ane-

ane make.

31 A hele no kekahi kahuna pule ma ia alanui, a ike aku la ia ia, maalo wale ae la ma kekahi aoao.

32 Pela no hoi kekahi pua na Levi, i kona hiki ana ma ia wahi, hele ia a nana aku la, maalo ae la ia ma kekahi aoao.

33 Aka, o kekahi kanaka no Samaria, i kona hele ana, hiki aku la ia i kahi ona e wahi ana, a ike aku  la ia ia, hu ae la kona aloha ia ia.

34 Hele iho la io na la, wahi iho la i kona mau eha e ninini ana i ka aila a me ka waina iloko, a kau ae la ia ia maluna o kona holoholona iho, a lawe ae la ia ia i ka halehookipa, a maluna iho la ia ia. 

35 A ia la ae, i kona hele anaʻku unuhi ae la ia i na hapawalu elua, a haawi aku i ka mea nono ka hale, i aku la ia ia. E malama oe ia ia nei; a oi aku kau mea lilo, a hoi mai au, naʻu e uku aku ia oe.

36 A o keia mau kanaka a ekolu, owai la ka hoalauna, i kou manao, no ke kanaka i haule iwaena o na powa?

37 Hai aku la ia. O ka mea i hana lokomaikai ia ia.  I mai la o Iesu. E hele oe a e hoohalike me ia.

 

Pauku Alakai.-E aloha oe i kou hoalauna e like me oe iho. (Oibk. 19:18)

Kumu noonoo-He mau hoalauna na kanaka a pau no kakou.

Ninau ano nui-Ke hana nei anei kakou i ka hana kupono i ka hoalauna e like me ka Samarita lokomaikai?

 

MANAO WEHEWEHE-P 25. Ua manao paha keia loio he mea hou ka Iesu e kuhikuhi mai ana ia ia e hana.  Eia no ka e hoihoi ana no ke Kumu akamai ia ia ma na rula o ke Kanawai.  No ka mea aole i niele mai keia loio no ka makemake e aoia mai, aka i mea hoao aku ia Iesu.

P 27. O ka hapa mua o keia pane a ka loio, aia no ma Kanawailua 6:5; o ka hapa hope, aia ma Oihanakahnua 19:18. He makemake hoopaapaa nae ko ka loio, nolaila niele hou aku no, o wai ia hoalauna? A e like no me ka Iesu hana mau, ma ka olelo hoohalike ka pane ana, aole ma ke ano hoopaapaa.  E ao keia ia kakou na kumu, a e hoohalikeia ke ano o ka kakou ao ana aku ia hai me ka Iesu ao ana i keia loio.

P 30. Mai Ierusalema aku a i Ieriko ke alanui mehameha a waoaku, no ka mea he aina pali, kanaka ole, a he nui wale io no na powa ma ia wahi.

Aia o Ierusalema ma ka aina mauna, a o Ieriko aia ia ma ka papu maikai a momona

e pili ana me ka nuku o ka muliwai o @dane.  He umikumamawalu paha a iwaka-

lua paha mile ke kaawale o ia mau kulanakauhale.

He kulanakauhale kahuna no o Ieriko, he wahi noho mau no lakou a me ka poe @ Ma keia olelo hoohalike ua ao aku o Iesui na Iudaio i ka lapuwale o ko lakou hoowahawaha ana i ka poe o Samaria.

O ka denari he umikumamalima keneta. Ma ia hale hookipa ua lawa paha ia no na la he elua.

 

NINAU.-Heaha ke kakaolelo? Pane. He loio.  Heaha ka hana a keia ioio? Pane. E ao i ke kanawai o Mose. Heaha kana ninau ia Iesu? No keaha keia ninau, no kona ike ole anei?  Ua pane maoli aku anei o Iesu iaia?  Pehea ka Iesu?  No keaha kona pane ana me ka ninau, a aole me ka haina? Owai ka poe a Iesu e ao ole ana?  Pane. Ka poe e makemake ole ana e aoia, a me ka poe niele maʻoi wale aku no. Heaha ka ninau alua a ka loio?  Ua pololei anei kona haina i ke kanawai?  Ma ke ano aha ka pane hou a Iesu?  Aia mahea ka oi o ka naauao, ma ka hoopaapaa wale aku, ma ka olelo hoohalike paha?  Owai ke Kumu akamai loa ikeia ma ke ao nei?

Pehea ka loihi mai Ierusalema aku a i Ieriko?  Heaha ke ano o ke alanui?  He aina aha o Ieriko?  Owai ka  i hookipa i na elele Iseraela malaila mamua?  (Iosua 2:) Owai ka poe noho nui ma Ieriko?  Ua @ ia keia kanaka ma ke alanui? Owai ka poe ekolu i hele pakahi mai?  No keaha ka @ ae o kekahi mau mea o lakou ma hai?  @ aha ia? Owai ka i aloha me ka makau ole? Heaha kona mea i minamina ole ai? Pane. I ka pau o kona manawa i ka malama ana i keia malihini ehia ...ka elua denari. Owai la ka poe o kakou i like me keia kahuna a me keia Levi?  Pane. O ka poe i kapa ia he poe hoahanau, aole nae i oi ko lakou lokomaikai i ko ke ao nei.

Nawai i pane aku i kelu ninau, “Owai ka hoalauna. (Nana pauku 37)

Heaha ka olelo-ao hope o keia haawina. Pane. E hele ae a hoohalike me ia.

 

 

KA NUPEPA KUOKOA,

HOOPUKA MAU IA MA HONOLULU

kela Poaono keia Poaono.

$2.00

No na mahina he Umikumamalua!

$1.00 no na mahina eono,

Me ka Hookaa mua mai.

 

Na Olelo Hoolaha-nele i oi mamua o 10 laina no ka @

puka hookahi ana, $1.00; alua komo ana, he $1.00, @

kahi malama, $2.00.  E uku mua ia mau ka kala o na @

hoolaha a paa e hoounaia ana mai e @

Kanikau-he 4 keneta no ka lala @ hookahi-penei @

lalani, $1.00; 60 lalani, $2.00; a pelaʻku.

Ka Uku No Na olelo hoolaha-ka uku pepa, a me @

o ke Kanikau, e haawiia no ma ka lima o na @

Kuokoa, a i oleia, e hoouna mai ia Kauka Kulika.

Na uku pepa a pau e hookaa mea mai no-a @

ka poe lawe pepa ke ole e hookaa e mai mamua @

ke hiipoiia keia mau rula, no ka mea, he emi no ka nui @

no keia nupepa.

Aia ke Kenna o ka Nupepa Kuokoa-ma ke keena @

mau ia iho nei e J.W. @, maluna ae o ka Hale @

O na hora hana, mai ka eiwa o kakahiaka, a i ka @

ke ahiahi.

H.M. Wini. Luna Hoopuka.

“Ka Nupepa Kuokoa.”
In published in Honolulu

Every Saturday.

$2.00 per annum, or $1.00 per six

months, in advance.

Advertisements no exceeding 10 lines, in series@

twice or $1.50; and $2.00 for one month; all advertise-

ments must be paid for in advance.

Payments for advertisements, subscriptions or @

may be paid to any of the Agents of the Kuokoa, @

enclosed in a letter to the Publisher.

All subscriptions must be prepaid. No names either of

foreigners or natives will be inserted on the subscriptions

list until paid for.  This rule must be strictly @

on account of the low subscription price

The office of the Kuokoa over the Post Office. Office @

from 9 A.M. to 4 P.M.

H.M. Whitney, Publisher

Bound volumes of the Kuokoa, for sale @

over the Bookstore-$3.60 each.

Persons having complete sets of the above, can have

them bound by paying $2.00 each.

 

NA BUKE

HOOLAHAIA E KA PAPA HAWAII.

 

Baibala Hemolele Nui iki gula nani me na ku

hikuhi ma na aoao.....$12.00

hikuhi ma Nui ili eleele kaekae wai gula....5.00

hikuhi ma uuku iki iho, kaekae wai gula....8.00

hikuhi ma Pananaiki iho ili eleele..........4.00

Kauoha Hou ili gula nani me na kuhikuhi...3.00

Kauoha Hou ili eleele kaekae wai gula....1.00

Kauoha Hou eleele......75

Lira Hawaii 1848 ma ke kanawai.....25

Lira Hawaii 1855.....25

Moolelo Ekalesia....50

Haiao ili lahilahi....10

Bebe Malihini ana....25

No ko ke Akua ano....25

Lira Kamalii....25

Hoike Palapala Hemolele...25

Moolelo o Heneri Opukahaia...25

Hoike Akua.....25

Wehewehehuia....25

Ninau Hoike ili manoanoa...25

Ninau Hoike ili lahilahi...10

Kumumua Kula Sabati....10

Buke Lawe Lima...10

He Buke no ka Pope...10

@ Kula Sabati Helu 3...25

@ Kula Sabati Helu 4...65

@ Kula Sabati Helu 5....25

Buke Euanelio a Ioane....10

Himeni....50

Himeni ili mai....1.00

Na Kauoha Hou Pakeke.

Ili Gula nani...1.50

Ili eleele kaekae nani....50

Ili eleele...35

Kauoha Hou Pakeke me na Halelu

Ili Gula nani....1.75

Ili eleele kaekae wai gula...60

Ili eleele...50

Na Halelu Pakeke.

Ili Gula nani...50

Ili eleele kaekae wai gula..30

Ili eleele....20

Ka Hae Hoonani (Buke Mele)...25

Eia na buke haawi wale.

Palapala Liilii-

Helu 4-Makemake anei oe i ke ola?

Helu 6-E hele i o Kristo la.

Helu 7-Ka hoi ana mai o ke Keiki Uhauha.

Helu 11-No ka hoohiki wahahee i ke Akua.

Helu 16-Ka Eehia ana o ka Ahaaina a ka Haku a ma ka

Bapetizo ana.

Helu 17-Mai hana ino i na holoholona.

Helu 18-No ka mahi ana, kuai ana a me ke inu ana i ka

Awa.

Ka Davida Malo Kumumanao.

Ka Moolelo o Batimea Puaaiki.

J.F. Pokue,

Kakauolelo o ka Papa Hooko o ka Ahahui Euanelio o ko Hawaii Pae Aina.