Ka Nupepa Kuokoa, Volume X, Number 24, 17 June 1871 — Page 4
| This text was transcribed by: | Puanani Schierenbeck |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Hupepa Koukoa.
_________________
Clear! Clear! Clear!
1. Lai! lai! lai! nani e!
i ka pau o ka ua e;
Olino a lai no ka la
Ala na kahawai owe nei.
2. Lai! lai! lai! a oo
Ka manu i lelele nei,
A pii a pae ma ke ao
Kona leo i oli maikai.
3. Lai! lai! lai! ma na puu
Uhuli i ikea mai;
Aele lohea ka pa ana mai
O na paka ua nui i pa mamua'e.
4. Lai! lai! lai! a opuu
A mohala na pua maikai-
Ua pau no ka ua, poha ke ka-ao
Kupu ae a omao koonei muu mala ai.
5. Lai! lai! lai! a ke kau
Na aka ma o ma na pa-
A koele ka hamara hao
O na paahana kamana.
6. Lai! lai! lai! oli e
Na leo o kamalii nei,
Ua hala ka ua i keakea mai,
Lelele a oli na wawai liilii.
7. Lai! lai! lai! ma ka po;
Pau ae ka ua, a malaelae-
Ikea ka mahina a konale no;-
Imoimo na lama, na hoku aiai.
8. Lai! lai! lai! nauwe ae
Koonei huakai hele e,
Ua hala ka ua, ua malie mai,
Aole maka'u i ka nee mai nei ae.
9. Lai! lai! lai! kani o
Na bele Sabati a kula kamalii
A pa nani mai ma ka pepeiao
Ka leo Ogana, a leo himeni.
10. Lai! lai! lai! hoomaikai
I ka Hoku i hookanahau;
Hoomanao no nae, no ka ua mai
Kei malaelae o ke ao.
11. Lai! lai! lai aia pau
Na ino, na ua oonei,
Ekakani ka po kamahao,
Aole loa ae la he ino hou ae.
12. Lai! lai! lai! malu mau
Na hoa aloha ma o.
Na ino, na hewa, ua pau,
E malu a mau me Iesu. Hawaii.
_______________________
Ka Oihana Kahunapule a Kahu
EKALESIA.
_______
HELU 5.
Ua paa na inoa a pau ma kou kihapai.
Heaha ka hana mohope?
1 E hoomaopopo i ka oihana o kela, a o keia, he mahiai, he lawaia, he humuhumu, he kamana, he amara, he kumu, he loiom he lunakanawai, he kuai, he kalepa, he hoohei pipi, he hanai holoholona, he kauka, he kumeka, he hana ili, he hana noho, he kuku kappa, he luna alanui, heluna pa aupuni, he hooholo moku, he ana aina' &c.,
No ke aha e hoomaopopo ai i keia mau
oihana?
1 I hiki ia oe, ke kahu, ke paipai aku ma keia mau hana, e hana mau, e hana maikai, a pololei, a 'paewaewa ole, alunu ole, me ka hele aku imua, aole hoomau ma ke ana, a me ke ano hookahi.
2 I hiki ia oe ke lawe ma ka haiolelo ana i keia mau oihana kino a hoopili i na hana a ka Uhane, i mea hoola, a hoohoihoi, a hoomoakaka, a hoopaa ma ka naau o ka poe e lohe ana. Pela Iesu i hana'i. Lawe oia i ka lulu hua, ka mala waina, mala fiku, kahu hipa, &c., &c., a hoopili i ka hana uhane.
2 E hoomaopopo hoi ke kahu i ke ano o ka noho ana o kela, a o keia lala o ke kihapai. he pono, he hew, he phi bake, nau aka, kanu baka, kuai baka, kanu awa, kuai awa, inu awa, puhi rama, inu rama, ona rama, kuai rama, hana pepa, noho manuahi, he mai, he palupalu, he palaka, he hiamoe, he hoomaloka, he hehi Sabati, he hula, he heihei lio mea lealea wale, he auwana, he malihini, he ilihune, he wahine kanemake, he keiki makua ole, he hele ole i ke kula, i ka halawai, he hihiu, he hoomana e, he moremona,
he katolika, he olioli, he kaumaha, &c., &c.,
No ke aha e imi ai i keia mau mea? i ike oe i ke ano o kou kihapai a pau, i maopopo kau hana ke kaapuni oe, a ke haiolelo hoi ma na Sabati. E ike oie i ka nele, i ka lako, i ka naauao, i ka uaaupo, i ke kuhihewa, i ka lapaau nuauao, i ka lapaau naaupo ma ke ano hoomanamana kahiko, he baibala, he baibala ole, he Nupepa, he Nupepa ole, ma kou kihapai.
3 E hele pinepine e launa me na kanaka, na kamalii o kou kihapai. E mahele ia ke kihapai i mau apana. E lawe i kekahi apana i kekahi manawa; mai lawe a pau loa i ka manawa hookai. Ina pela, aole pau pono ka hana. E komo iloko o kekahi hale, a noho iho, a ninau, auhea ka ohana, na lala a pau, kane, wahine, keiki? E kii, e hoakoakoa; ua pau mai anei? auhea kahi keiki i koe? auhea kekahi paahana? A pau pono mai, alaila e lalau i ka baibala, in a he baibala, e wehewehe i ke ano, e ninau i ka noho ana, e paipai, e hoala i ka mea hiemoe, e hooluolu i ka poe kaumaha, o luuluu a kaniuhu,
e imi e hoihoi i ka mea auwana, e hoopule paha i kekahi, e pule oe, a pau, e hele aku i kekahi hale e ae. Ina aohe kanaka ma ka hale e imi ia lakou mawaena, makekula, ma ke nahelehele, ma ka ululaau, ma kahi e laoo'i. Mai wikiwiki; he hana nui keia. Ina hele ke kauka e nana wale iho no. Ninau oia, pehea kou mai? Aia mahea ka eha, ka hui? he wela? he anu? he nahu? he nalulu? ua moe? ua ai? Nana aoia i ke alelo, a haha i ka pana, a hana a loihi, a kuhikuhi i ka laau, i ka mea ai, ka mea inu, a paipai i ka mea pono- a papa i na mea keakea i ke ola. A i kekahi la hele hou oia, a ninau, ua olulu anei oe? ua hana anei e like me ke kuhikuhi? a paipai hou no &c., &c., He mea nui ka lapaau a hoola i ke kino, he polilikia no. Hea mea nui a pohihihi hoi ka lapaau a hoola ana i ka uhane. Mai wikiwiki, e akahele, mai hana kapulu, mai lapaau wale me ka hoomaopopo ole i ka mai, mai nana wale, a paipai wale aku, me ke akaka ole o ke ano o ka poe i paipaiia. He me hikiwawe ka paipai wale aku me ka haawi ole aku i ka laau kupono. Nui paha ka hele ana o na kahu e paipai ma kaohale, he hapa nae ka hua, mau no ka hiamoe, ka palaka, ka hoomaloka, ka paakiki, no ka hele wikiwiki, aole pau pno na hana. Aole loa ka poe mai ma ka uhane, no ka lapaau ole ia, a lapaau naaupo ia paha. Ua haawi wale i ka laau me ka ninau ole, me ka nana ole i ke ano o ka mai. Nui ke ano o na mai o ke kino, nui hoi na laau, okoa kekahi mai, a okoa kekahi, okoa hoi ka laau, aole he laau hookahi no na mai a pau. Pela na mai o ka uhane, okoa kekahi, okoa kekahi, okoa hoi ka laau. O ka olelo a ke Akua no ka laau nui, aka, he nui na mahele, na manamana, na pauku, he pauku pili i kela mai i keia mai. E imi e mamua i ke ano o ka mai, in a he aihue, he wahahee, he moe manauhi, he on a, he palaka, he hoomaloka, he niania, he akiaki, he huhu, he hoomauhala, he lealea, he kaumaha, he kanalua, he hoomanamana, he makau kanaka, he hilahila, e huli i ka laau, i ka pauku kupono i ka aihue, i ka wahahee, i kela, i keia mai, a e kapili iho, a e pule, a e manaoio, i mana ka laau, i ola ka mai. A, o kekahi mai, he mai paakiki loa, he mai make paha, he hew ku i ka make; aka, mai wikiwiki e manao pela, a mai hai aku pela i ma mea mai, o oki loa ka hana ana i ka mea e ola'i. E imi oe i ka laau, i ka pauku pili- e paipai, e hoolana'ku. Mai paupauaho, a haalele, a waiho wale, a holily aku i ka make. Aole pau ka hana o ke kauka oiai e ola ana, e kamau ana ke ola o ka mea mai; aia make, alaila pau ka hana. Pela ke kahu, aole pau ka hele ana i kauhale e lapaau i ka poe mai ma ka uhane, mai pilikia, mai a maole, a aili, a aue make. E lapaau no, e pule no, e paipai no, e inu hou no i ka laau e pohala'i a ola. Aia a make, pau ka hana, aloe he hana i koe ke make. E ahonui ke kahu, e hoomaoawanui i ka huli ana i ka poe hewa, ka poe auwana, ka poe hoomaloka- e huli me ke akihai, me ke aloha, me no olelo olulu- aole me no olelo oolea, ano nuku, ano huhu, ano hoahewa ikaikai, ano hona uwo a nahu. Aole paha lakou e hoi mai ke hana pela; e hele loa aku paha me ke kuhi ana, he ilio have oe, aole ka, he kahu. E maalea oukou e like me na nahesa, e hana maile hoi e like me na manu nunu. Mat. 10:16.2 Tim. 2:24-26.
( Aole i pau )
_________________________________
Kaapuni ana o ke Kahu Ekalesia i
KONA KIHAPAI;
KA WAIWAI O IA HANA, KE
HANA PONO IA.
________________
Ma ka Baibala ua kapaia ka poe pono, he poe hipa; - a o ka poe hera he poe kap. A i ka la nui, e hookaawaleia lakou, i kekahi poe mia kekahi poe ae, e like me ka kahuhipa i hookaawale aku i na hipa a me na kao. Eia ka lesu olelo nona iho, ma loane 10:
11. "Owau no ke kahuhipa maikai; o ke kahuhipa maikai, oia ka huawi i kona ola no na
hipa."
He mea kahiko ka oihana kahuhipa maoli; mai ka wa o Abela mai no ia. He kahuhipa no Davida i kona wa opiopio. Ua kaulana loa kona inoa no kona malama pono ana i na hipa o kona makukane; a no kona haawi ana i kona ola no na hipa; kona pepehi ana i ka liona a me ka bea, i ko laua hopu ana i na keikihipa.
Ua paanaau paha ia oukou ka moolelo o ko Davida hailuku ana ia Golia, ke koa nui o ko Pilisetia. I ka wa i aa mai ai o Golia i na koa o ka Iseraela e kaua me ia, ua pau lakou i ka makau; o Davida wale no ka mea makau ole.
Kanalua nae o Saula ia ia no kona opipio, a maa ole i ke kaua. I aku la o Davida ia Saula penei; "Ua malama kau kauwa i na hipa o kona makuakane, a hele mai la ka liona, a me ka bea, a lawe aku i kekahi keikihipa no ka poe hipa. Hahai aku la au ia ia, a pepehi ia ia, a hoopakele ia mea, mai kona waha mai. A i kona kue mai ia'u, lalau aku la au i kona umiumi, a pepehi iho
la ia ia, a make ia ia'u. A o ka liona a me ka bea, ua laua a elua i kau kauwa."
Alaila hooku o Saula ia Davida e hele, a e kaua i ke koa nui o ko Pilisetia.
Ua ohi mai oia i kekahi mau ala ma ke kahawai, alaila ua hookokoke ia Golia, a maa aku la i kekahi ala me ka ikaika, a pa ma kona lae, a haule koke o Golia i ka honua, a make aku la!
Oia kahi moolelo pokole o kona haawi ana i kona ola no na hipa; a me kona haawi ana i kona ola no ka poe Iseraela. Pehea oukou, e na kahu ekalesia, kahuhipa hoi ma Hawaii nei? No ka mea, o Iuse Karisto ke Poo, ke Kahuhipa nui maluna o na kahuhipa e ae a pau. A ua makemake oia ia oukou e hanai, a e kiai, a e malama pono i kona mau hipa, a me na keikihipa, a e haawi i ko oukou ola no lakou.
Ke malama pono nei anei oukou i na hoahanau ekalesia, a me na keiki i bapetisoia, e like me ko Davida malama ana i na hipa, a em na keikihipa o kona makuakane? Hano no oia me ke aloha maoli i kona makuakane, a me na hipa no hoi; aole like me ka mea i hoolimalima ia.
Ke olelo mai nei Iesu, o kekahi poe, he ano hoolimalima wale, no aole ano kahuhipa, aloe e like me ka mea nona ponoi ka waiwai. No ka mea, ike lakou i ka ilio-hae e hele mai ana, alaila haalele aku lakou i na hipa, a holo aku la; hopu mai la ka ilio-hae ia lakou, a hoopuehu aku la ika poe hipa. Holo no hoi ka hoolimalima, no kona hoolimalimaia'na, aole oia ia manao i na hipa."
He poe kahuhipa maikai anei oukou? Ua hoolaa anei oukou ia oukou iho i ka Haku; ke Kino, ka uhane, ka ike, ka hana, me ka manao, nole oukou no oukou iho? no ka mea, ua kuaiia oukou me ke kumukuai, me ke koko mana o Karisto; no ia mea, he pono ia oukou e hoonani i ke Akua me ko oukou Kino, a me ko oukou uhane, a e kiai, a e hanai i kana poe hipa, a me na keikihipa?
Nui ka poe e aa mai ana i na hipa, a me na kahuhipa ma keia Pae Aina. O Hoomaloka ko lakou Golia nui, wiwo ole, e kaena ana, a e hoowahawaha mai ana ia oukou. Ua kapaia oukou he poe opiopio- hemahema- maa ole i keia oihana. Nolaila ikaika ko lakou hoowalewale ana i na hipa e haalele i ko Ziona aoao, a e huli ka aoao o ka Diabolo.
Ua makaukau anei oukou, a lako hoi i na mea e kaua aku ai i na enemi o ka uhane? No ka mea, ke olelo mai nei o Paulo ma Korineto II. Mokuna 10:3-5, penei; " Ke nono nei makou me ke kino, aole nae makou a kaua aku mamuli o ke kino."
"Aole no ke ao nei mea kaua o ko makou kaua ana; aka, he ikaika nae i ke Akua e hoohiolo iho ai i na pakaua; e hoohiolo ana hoi i na manao, a me na mea kiekie a pau e hookiekie ana ae, e kue i ka naauao o ke Akua, a e kai pio ana i na manao a pau i ka hoolohe aku ia Karisto."
A ka Baibala, ka Palapala Hemolele, ka Oiaio a ke Akua, oia ka pahikaua oi elua no oukou; - oia ka maa a me na ala e hailuku a e hooauhee i na enemi; - oia ka pahi wakawaka e pale aku ia lakou, i ole lakou e komo iloko o ka pa-hipa o Ziona.
Eia hoi kekahi olelo o ko kou Haku, - "Owau no kahuhipa maikai, ua ike no au i ka'u, a ua ikea hoi au e ka'u." Pehea oukou, e ko'u poe kaikaina? Ke ice pomo nei anei oukou i na kanaka a pau ma ka oukou mau kihapai? no makua, na keiki; na kamaaina - na malihini - ka poe elemakule, luwahi, makapo, oopa, a me na
kanaka mai a pau loa?
I kinohi, i ka hoomaka ana o Binamu ma ma Hawaii nei, aole nui ka poe paahana; aka, he nui loa ko lakou mau kihapai. Ua kaapuni lakou i keia mau mokupuni i keka-hi manawa; aka, o ka lakou hana nui ia wa, oia ke ao i ka olelo Hawaii; kakau, a pai i na palapala no na haumana - unuhi i ka Baibala no loko o ka olelo Hebera - Helene, Bertania; a e pai ma ka olelo Hawaii. Nolaila, aole lakou kaawale e hele nui i na kauhale e ike, a e kamailio pu me na kanaka.
Eia hoi kakahi. I wa, ua oluolu na kanaka e hele loihi i ka pule Sabati, a me na halawai po 3, po 4.
Aka, he nui na mea ano e i keia manawa. Ua maheleia na kihapai nui ma kela mokupuni, keia mokupuni; ua mahuahua no hoi na paahana - na luna haiolelo - na kahunapule - na kahu ekalesia - na. luna ekalesia, na kahukula Sabati - na kumukula naauao; ua nui ka poe makaukau e kokua i kela kahu keia kahu i keai wa e noho nei.
Eia hoi kekahi. I keia wa, o ka hapa nui o na kanaka, aole makemake e hele ma kahi loihi aku, i ka pule i ka la Sabati; - a i na halawai i na la noa, e like mamua; aole launa nui mai i na kahu e hai manao, e like manua. Nolaila, ua maopopo lea, he pono i na kahu ekalesia a me ka poe paahana a pau e kaapuni pinepine i ko lakou mau kihapai, a e ike i na kanaka a pau; - e ike i na makua a me na keiki; - na kamaaina me na malihini; na hoihanu a me na hoihanau ole; ka poe waiwai a me ka poe ilihune; ka poe loa a me ka poe mia; - ka poe mai maoli, a me ka poe mai pake ; ka poe elemakule, luahine, poohina, makapo, kuli, oopa, a me na mea a pau loa.
A e ike hoi i ko lakou noho ana, a me ka lakou hana ana; - ma ko ke kino kekahi, a ma ka uhane kekahi.
E ike hoi i ka poe lako i ka Baibala, i ke Kauohahou, i na himeni hoolea; - na palapala no na keiki e hele i ke kula la, a me ke Kula Sabati; a i ka poe e lawe ana i na Nupepa e loaa mai i ka nu hou, o kela ano kei anno, i kela hebedoma keia hebedoma;
Eia hoi kekahi mano , I ke kaapuni ana, ua ikeia na aina maikai, a mahiai ia, a e hua mai ana i na hua; pa kanakolu - pa kanaono pa heneri ; - pela na aina mahiai ole ia, waiho wale ia, paapu i ka nahelehele, zizania, puakala - inigo - a ia mea aku, ia mea aku.
A i ke kamailio pu ana me na kamaaina, ua hoike mai kekahi i ka maikai o kona iana, ka momona, a me ka nui o na hua ana i loaa mai ai no kona luhi, a me kona hooikaika ana. A ua make pono kana hana ana.
A olelo mai kekahi, ua makehewa kana hana ana; nui kona lilo i ka poe hoolimalimaia, aka, he uuku ka i loaa mai; no ka mea, he makahiki ua ole paha; maloo loa ka aina; ua paapu ka mala i na iole - na enuhe, na poko - na ilo - na uhini - a me na mea e ae e keakea i ka hana.
A i ole ia, ua pilikia paha no ka nui loa o ka ua , a me ka wai kahi ; a ua lana loa ka wai, a ua hailukuia na mea kanuia a pau. Alaila ua makaukau oukou, no ka ike pono i keia mau mea, e hauoli pu me ka poe e hauoli ana, a e uwe pu me ka poe e uwe ana.
Pela i ka kaapuni ana iwaena o na ekalesia, a me na kanaka a pau; e hiki ke hoomaopopo i ko lakou noho ana, a me ka lakou hana ana; ko lakou noho haipule i ke Akua, a me ka ole; ko lakou hua maiana i na hua kupono i kamihi, a me ka ole; ko lakou makemake e hiki mai ko Iesu aupuni, a me ka ole. I na ma ka ole lakou, pono ke imi, a hoomaopopo i ke kumu o ka ole.
No ka manao nui paha i ko ke ao nei? No ka ike ole i ka ke Aku olelo paha? No ke komo hookamani paha iloko o ka ekalesia? No ke aloha ole ia Iesu Karista, ko ka - kou Haku?
He wahi kula maikai no keia i na kahu-
napule; a launa pinepine me na kanaka i ko lakou wahi e noho ai, e kuka pu, a haipule pu.
He pono hoi e kaukau i ko lakou mau inoa a pau loa iloko o ka buke lawe lima, a e hea aku i na inoa a pau i kela mahina keia mahina - a i kela hapaha keia hapaha makhiki.
Eia hoi kekahi . No ka luana pinepine me na kanaka ma ko lakou mau hale, aole oukou nele i na pooleo no na haiao i na la Sabati. No ka mea, ua ike oukou i ke ano o na kihapai, ka maikai, a me ka ino; ka poe noho pono a hana pono; ka poe noho hewa a hana hewa. Nolaila, e hiki ke imi koke i na mokuna, a me na pauku e kupono; a malaila e heluhelu, a wehewehe, a hoopili i ka ke Akua olelo; - i ka poe hoomaloka paha; ka poe; pui baka, puhi opiunia paha; inu awa - inu okolehao - bia, rama, a me na mea e ae e pono ai.
Pela hoi ma ka lapaau ana o na Kauka i ka poe mia. O ka halawai pu me ka poe mai, a ike i ke ano o ka mai, ke kumu o ka pilikia, alaila e makepono, paha ka lapaau ana. Nui ka lapaau ana, he makehewa no ia, no ka ike pono ole o ke kahuna i ke ku-mu o ka mai. No na mai paha ka hewa i kekahi manawa, no ka hoolohe ole i na rula no ka lapaau ana. O ka lohe wale i ka hai,aloe maikai ia, e like me ka halawai pu, kamailio pu, a ikemaka i ke ano o ka mai.
Pela ma ka mai o ka uhane. O ka halawai pu me kanaks, a ninaninau ia lakou ma kela mea keia mea; a hai pololei aku i na mea e pono ai, oia ka hana maikai, ka hana nui, ka hana i oi aku i keai wa e noho nei.
E makehewa nae keia mau hana a pau, ke kokua ole mai ka Uhane Hemolele. Nolaila, e pule nui i ka Haku e kokua mai. Mamua o ka hele ana i ke kauhale e pule i ka Haku, a e noi ia ia e hele pu, a e kokua pu, i launa mai na kanaka, i mihi io lakou, a haalele i ko lakou hewa, a haawi ia lakou iho ia ia, mau loa aku.
A halawai e na kanaka i ko lakou mau hale, e hoomaopopo ia lako i ko ke Akua ike ana ia lakou i ke ao, i ka po, ma na wahi a paul loa; a pau ke kamailio ana, alaila, e haipule pu me lakou. A hoi hou i ko oukou mau hale, e hoomanao i ko lakou mau inoa, a me ko lakou ano, alaila, iloko o ko oukou keena mehameha, e haipule hou no lakou pakahi.
Pela paha e makepono ka oukou hana ana. No ka mea, ma ko'u manao, o ka Iesu olelo i kana poe haumana, ua pili pono no ia oukou. Eia; "A hele ae oukou e hoohaumana aku i na lahuikanaka a pau, e bapetizo ana ia lakou iloko o ka inoa o ka Makua, a o ke Keiki, a o ka Uhane Hemolele. E ao aku ana i a lakou e malama i na mea a pau a'u i kau oha aku ai ia oukou. Aia hoi, owau no me oukou i na manawa a pau, a hiki i ka hopena o keia ao. Amene."
__________________________
Maona i ka Olelo a ka Akua.
I ka wa i hoowalewaleia ko kakou Haku e hoolilo i kekahi mau pohaku i barena, no kona pilikia i ka pololi; i aku la oia penei: "Aole e ola ke kanaka i ka berena wale no, aka, ma na mea a pau mai ka waha mai o ke Akua."
O ke ano o ka Baibala, he mea ai momona no ia i ka mea e manaoio ana, e like me ka oleo ana a Davida, ma Halelu 10:10. "Ua oi aku ko lakou one i ko ka mele, a me ka waihona mele."
Aole pono ia kakou ke heluhelu wale i na hua olelo o keia Buke me ko kakou lehelehe; aole hoi e hoomaopopo wale ia lakou me ko kakou manao; aka, e hoomaona i ko kakou mau uhane ia lakou.
Hauoli pinepine kekahi poe i ka heluhelu ana i kekahi pauku, a makemake lakou e noonoo loihi ma ia mea. Pela ko'u manao i keia la, i ko'u kahea ana i ka Akua iloko o kahi mehameha, e imi ana i mea e hemolele ai ko'u uhane. Lele koke mai keia pauku io'u nei; "Aia ala hou au me kou ano, ala-ila au e maha io ai." Ua piha au i ka hauoli a me ka maluhia i ka manaoio ana. Ua pololi a make way au no ka pono, aka, ma keia pauku au moana au, a ua pau ko'u poioli. O kekahi ano paha o keia pauku, no ke ola e hiki mai ana; ua pili no hoi i ke kristiano ma keia ao; no ka mea, aole mea e ae e hoomaona ai i ko kakou makemake, o ke aloha o ke Akua wale no i paiia ma ko kakou mau uhane.
________________________
HALAWAI MAKAHIKI EWALU O KA
AHAHUI EUANELIO HAWAII MA
ka Luakini o Kawaiahoi, i ka la
5 o Iune, M. H. 1871.
___________
Ka nui o na lala i hiki mai.
No HAWAII.
Kauka Wekemoa no Hilo
Rev. D B Laimana " "
" T Koana " "
" J H Pahio " Onomea
" J Hanaloa " Laupahoehoe
" J H Hanaike " Hakalau
S Kaaua (Haiolelo) " Hamakua H.
Rev. S C Luhiau " Kohala K.
" S Aiwohi " Kohala H.
" D S Kupahu " Helani
" J H Manase " Pukaana
" P Barenaba " Kalapana
" J H Hanu " Puula
" J Kauhane " Kau
" G W Pilipo " Kailua
" G P Kaonohimaka " Kekaha
NA ELELE MOKUPUNI.
Paakaula, Hoohuli, Mio, Keliikipi.
No MAUI.
Rev. J M Kealoha no Kaupo
" D Puhi " Kipahulu
" S Kamakahiki " Keanae
L. Kaiwi (Haiolelo) " Honuaula
J. Kealo " " Waihee
Rev. W P Alekandero " Wailuku
" W Kahookaumaha " Waikapu
Puuloa (Haiao) " Oloalo
" S E Bihopa " Lahainaluna
" M Kuaea " Lahaina
" N Pali " Lanai
J Kaimana (Haiolelo) " Honokohau
NA ELELE.
Kamali, Kamakele, Kealakaa, J. Kaikapu
NO OAHU.
Rev. H H pareka n Kawaiahao
" A O Polepe " Kaumakapili
Paaluhi (Haiolelo) " Moanalua
G M Keona ( " ) " Ewa
Rev. A Kaoliko " Waianae
" J N Paikuli " Waialua
" J Kekahuna " Kahuku
" H Kaoaihilo " Hauula
" P W Kaawa " Waikane
" J Manuela " Kaneohe
" S Waiwaiole " Waimanalo
Kekiokalani (Haiolelo) " Wailupe
Rev. A Bihopa " Honolulu
" P J Gulika " "
" B W Pareka " "
" J F Pukue " "
" Balawini " "
" L Kamika " "
" W Frear " "
" J D Parisa " "
NA ELELE.
Major W. L. Moehonua, L. Puuweuweu,
Haumu.
No KAUAI.
Rev. A Pali no Waioli
" E Helekunihi " Koloa
" J Waiamau " Lihue
" A Kaukau " Waimea
Lono (Haiolelo) " Anahola
KA ELELE. - Nowelo.
Rev. H binamu no Maikonisia
" J Mahoe " "
Kohoia o Rev. H. H. Pareka i Luna Hoo-
malu. Rev. A O. Polepe i kakauolelo Beri-
tania, a o P. W. Kaawa i Kakauolelo Hawaii.
Ua hooholoia e lilo o Hon. G. P. Kanoa i
hoa kuka no keia Ahahui Euanelio.
_______________________________
HAAWINA KULA SABATI.
________
HELU XXVI. IUNE 25, 1871.
KA HUA KUPU MALU, A HUA MAKEKE.
Pauku Baibala, Mareko 4:26-32. Mat 13:33.
26 I mai la ia, Meneia ke aupuni o ke Akua, me ke kanu ana a ke kanaka i ka hua ma ka lepo;
27 A moe iho, a ala'e i ka po, a me ka ao, e kupu ae ana ua hua la a nui, alole nae ia i ike.
28 No ka mea, hoohua wale mai no ka honua, mamaua ka hoomaka, mahope iho ka huhui, alaila ka hua oo maloko o ka huhui.
29 A i ka makaukau ana o ka hua, alaila, hookomo koke ae la ia i ka pahi, no ka mea, ua hiki mai ka wa e oki ai.
30 I mai la oia ia lakou, Me ke aha la kakou e hoohalike ai i ke aupuni o ke Akua? A ma ka nane hea kakou e hoakaka aku ai
ia?
31 Ua like no ia me ka hua sinapi, i ka wa i kanuia'i ma ka lepo, he hua liilii loa ia o na hua a pau i kanuia ma ka lepo.
32 Aka, i ka wa i kanuia'i kupu no ia, a lilo i laalaau nui o na laalaau a pau, a opuu mai la na lala nui, a hiki no i na manu o ka lewa, ke kau mai malalo o kona malu.
* * * * * * *
33 Olelo mai la hoi aoi ia lakou i kekahi olelo nannie hou: Ua like ke aupuni o ka lani me ka mea hu a kekahi wahine i lawe ai a hui pu me na sato palaoa ekolu, a pau ae la ia i ka hu.
____________ . ____________
Pauku Alakai. - Aia iloko o oukou ke aupuni o ke Akua. (Luka 17:21.)
Kumu noonoo. - Ke ano o ka ulu ana o ka pono.
Ninau ano nui. - Ua kupu anei iloko o kakou?
____________ . ____________
MANAO WEHEWEHE.-He mau olelonane okoa ekolu iloko o keia haawina. E wehewehe ana nae keia mau mea ekolu i ka mea hookahi; oia hoi i ke ano o ka ulu ana a me ka mahuahua ana o ke aupuni o ke Akua.
Ma ka olelonane mua ua hoikeia elua mea. Akahi: O ka hua i kanuia aole na ka kanaka mai nana i kanu ka ulu a me ka ulu ole o na hua la, aka noloko ae no o ka mea i kanuia ke kupu ana me ka ulu ana. Pela ka olelo a ke Akua i haiia ma ka waha o na kahunapule; aole na lakou ka mana e hooulu i kela olelo iloko o na naau o ka poee lohe ana, aka, aia maloko o ka oiaio a ke akua kona mana e ulu ai. A ua hiki ia kakou ke hilinai aku ma ia mana, e like me ka hilinai ana o kana mea i kanu ai.
Alua. - Aole i ikeia ka ulu ana o ka hua i kanuia. Aia ma kahi i hunaia. Pela ka olelo a ke Akua; ua loheia a oa hunaia iloko o ke kanaka, aole kakou e ike aku i kona nalu ana, a noonoo ana a hiki i ka wa e hoikeia mai na hana maikai o ua kanaka la.
O ka olelonane alua no ka hua makeke,ua pili i ke ano haahaa loa o ka poe nana e kukulu nei i ka aupuni o ka lani. He poe haahaa ka poe e ao ana, he poe hanohano ka poe e lohe ana; a ke ulu nei ke ao ana a na haumana ia Iesu, a piha ka honua nei. Ke nono nei ua aupuni nui me ka maluhia
malalo o kona malu.
Ua like no ka olelonane akolu, eia nae ua pili loa paha, i ka ano laha mao o ka pono. Ina e loaa i kekahi, nana no e hoolaha aku i kona hoalauna, e like me ka laha loa ana o ka hu berna iloko o ka waihono nui i piha i ka palaoa.
He pono no i an kumu kula Sabati e noonoo nui ma keia mau olelonane ekolu.
NINAU. - ehia olelo ma keia haawina? E hai mai i na inoa o keia mau elolonane?
Ma ka olelonane mua, ua hoohalikiea ke aupuni o ke Akua me ka aha? Heaha ka lepo i oleloia maanei? Heaha ka hua? Nawai mai ka ulu ana oka hua i kanu ia? Aole anei na ke kanaka nana i kanu? Nohea mai ka mana o ke ao ana o na kahunapule a me na kumu kula Sabati?
I ka ulu ana mai o ka mea kanu, heaha ka mea i ike mua ia? Heaha aku? Heaha ka mea puke hope mai? Ua hiki anei ia kakou ke nana i ke kupu ana o ka hua kanu iloko o ka lepo? Heaha ka mea hoohalike me keia? Pane. Na noonoo maikai iloko o ke kanaka, aole i ikeia, aia no a hua mai alaila e ikeia.
Ma ka olelonane alua, ua hoohalikeia ke aupuni o ke Aku me ka aha? Heaha ke ano o ia hua? I ka ulu ana ae pehea? Pehea ka like o ke aupuni o ke Akua me keia hua makeke? Owai na manu o ka lewa e komo ana malalo o ka malu o ia laau?
Ma ka olelonanae akolu, ua hoohalikeia ke Aupuni o ke Akua me ka aha? Heaha ke "sato" palaoa? Heaha ka inoa e hu ai ka palaoa a pau iloko o kekahi bakeke nui? Heaha ka palaoa i oleloia maanei? Mahea ka like o ka ulu ana o ka ekalesia me keia hu palaoa? E mahuahua ana paha ka ekalesia, e emi ana paha? Heaha ka mea e mahuhua ai?
Ninau pili Kino. - Owai ka poe e noonoo nui ma keia mau olelonanae? Aole anei o na haumana kekahi? Ke ulu nei anei keia olelo maikai iloko ou?
_________________________________
KA NUPEPA KUOKOA,
HOOPUKA MAU IA MA HONOLULU
kela Poaono keia Poaono.
$2.00
No na mahina he Umikumamalua!
$1.00 no na mahina eoro,
ME KA HOOKAA MUA MAI.
___________
NA OLKIO HOOLAHA- aole i oi mamua o 10 laina no ka hoopuka hookahi ana, $1.00; alua komo ana, he $1.50; hookahi malama, $2,00. E uku mua ia mai ke daia o na olelo hoolaha a pau e hoounaia ana mai e pai.
KANIKAU- he 4 keneia no ka lala oi hookahi - penei: he 26 lalani. $1.00; 50 lalani, $2.00; a pela ku.
KA ULU NO NA OLELO HOOLAHA- ka uku pepa, a me ka uku o ke Kanikau, e haawiia no ma ka lima o na Luna o le Kuokoa , a i oleia, e hoouna mai ia Kauka Kulika.
NA UKU PEPA A PAU K HOOKAA MUA MAI NO- aole e kaula ka inoa o kekahi haole a kanaka maoli paha ma la inoa o ka poe lawe pepa ke ole e hookaa e mai mamua. E pono ke hilpoiia keia mau rula, no ka mea, he emi no ka auhau no keia nupepa.
AIA KE KEENA O KA NUPEPA KUOKOA- ma ke keena i noho mua ia iho nei e J. W. Aukina, maluna ae o ka Hale Lila. O na hora hana, mai ka eiwa o kakahiaka, a i ka ha o ke ahiahi.
H. E. WINI, Luna Hoopuka.
__________________________
"KA NUPEPA KUOKOA."
is published in Honolulu
EVERY SATURDAY.
$2.00 per annum, or $1.00 per six
months, in advance.
________
ADVERTISEMENTS not exceeding 10 lines, inserted once for $1.00, twice for $1.50; and $2.00 for one month; all advertisements must be paid for in advance.
KANIKAUS will be charged 1.00 per page, or 4 cts. a line.
PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa , or ma be enclosed in a letter to the Publisher.
ALL SUBSCRIPTIONS must be PREPAID. No names either of foreigners or natives, will be inserted on the subscriptions lists, until paid for. This rule must be strictly adhered to on account of the low subscription price
THE OFFICE OF THE KUOKOA over the Post Office. Office hours from 9 A.M. to 4 P.M.
H. M. WHITNEY, Publisher.
☞ Bound Volumes of the KUOKOA , for sale at the office over the Bookstore - $3.50 each.
☞ Persons having complete sets of the above, can have them bound by paying $2.00 each.
_______________________________
NA BUKE
HOOLAHAIA E KA PAPA HAWAII.
Baihala Hemolele Nui ili gula nani me na ku hikuhi ma $12.00
" " Nui ili eleele kaikae wai gula 5.00
" " uuku iki iho, " " 8.00
" " Pananaiki iho ili eleele 4.00
Kauoha Hou ili gula nani me na kuhikui 3.00
" " eleele kaekae wai gula 1.00
" " " .75
Kauoha Hou Hapa Haole .75
Lira Hawaii 1848 me ka kanawai .25
" " 1855 .25
Moolelo Ekalesia .50
Haiao ili lahilahi .10
Hele Malihini ana .25
No ko ke Akua ano .25
Lia Hamalii .25
Moolelo o Heneri Opukahaia .25
Hoike Akua .25
Weheweheliala .25
Ninau Hoike ili manoanoa .25
" " " lahilahi .10
Kumumua Kula Sabati .10
Buke Lawe Lima .10
He Buke no ka Pope .10
Ui Kula Sabati Helu 3 .25
" " " " 4 .05
" " " " 5 .25
Buke Euanelio a Ioane .10
Himeni .50
Himeni ili nani 1.00
Na Kauoha Hou Pakeke.
Ili Gula nani 1.50
Ili eleele kaekae nani .50
Ili eleele .35
Kauoha Hou Pakeke me na Halelu.
Ili Gula nani 1.75
Ili eleele kaekae wai gula .60
Ili eleele .60
Na Haleli Pakeke.
Ili Gula nani .60
Ili eleele kaekae wai gula .30
Ili eleele .20
Ka Have Hoonani (Buke Mele) .25
Eia na buke haawi wale.
Palapala Liilii-
Helu 4 - Makemake anei oe i ke ola>
Helu 6 - E hele i o Kristo la.
Helu 7 - Ka hoi ana mai o ke Keiki Uhauha.
Helu 11 - No ka hoohiki wahahee i ke Akua.
Helu 16 - Ka Eehia ana o ka Ahaaina a ka Hakuamaka Bapetizo ana.
Helu 17 - Mai hana ino i na holoholona.
Helu 18 - No ka mahi ana, kuai ana a me ka inu ana i ka Awa.
Ka Davida Malo Kumumanao.
Ka Moolelo o Batimea Puaaiki.
J. F. POKUE,
Kakauolelo o ka Papa Hooko o ka Ahahui Kuanelio o ko Hawaii Pae Aina.