Ka Nupepa Kuokoa, Volume X, Number 23, 10 June 1871 — Mai Fatuhiva mai. [ARTICLE]

Mai Fatuhiva mai.

Omoa, Fatuhiva, Mei 4, 1871. Rev. L. Kamika; Aloha oe : — Ua loaa au i ka mai, ma ka mahina o Ianuari, I87I. He mai anu, a haukeke, ame he pupule la ka lalau o ka olelo, Penei ka hiki ana mai: Ma ka makahiki I870, Okatoba, loaa liilii mai ia'u ke anu ma na wawae, a pohihihi mai na maka, aole he ike nui i ka palapala. He mau mahina kula nui ia ma Omoa, a me Hanavave e kokoke mai ana ka manawa i hoike palapala ma Dekemaba. 1870. KULA WAE. O ko'u kula kanaka makua ; o ka haumana no kahi e mai, holo ka hana kula ia ia. Ina he haumana no Omoa, aole e hele pine pine i ke kula, no ka mea, no lakou na mea ai oke kino e pono ai. Ua hoi aku ko Atuona haumana, no ka make ana o kena mau makua, hookahi makahiki wale no, a minamina au. Kula Hanai, Uapou. Ua lohe mai mnkou he ike na kaikaiuahine ma na palapala a ke kumu i ao ai. Ko makou mahina hou. $42.00, no na makahiki elua, 1870, 1871. Ke hookupu nei no ma ka pepeiao laau ka nui. He oluolu maikai ke ola o ko'u ohana, ka wahine a me na keiki 4, aole he mai, aole he make. Ua lohe mai maua, na make o Ema a me Abigaila Aloha no laua. J. W. Kaiwi —He oiaio no, ua make o Ema, ma Molokai. i ka mai pake. Aka, aole i make o Abigail—he mai no mamua'ku nei, ua ola hou nae; a eia no ia iloko o ke kula hanai a Miss L. Binamu, ma Kawaiahao. L. Kamika.