Ka Nupepa Kuokoa, Volume X, Number 19, 13 May 1871 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Kuokoa

There are figures in stone to the  SCULPTOR UNKNOWN.

 

1. He mau kii nani e, kalai ole ia'e E ke kila kanaka, ke kipikua hao; He mau hale maikai, luakini aulii I paa ole ae i koonei naauao

 

2. He mau mala omao a paapu na lau, A aala ke ea i na pua maikai; A ua kau ae na kii ma na ao uli e I pena ole ia'e e koonei akamai.

 

3. He mau leo hamau ke luuluu ka naau I na halialia, na iini e; Ikea nae ka manao ma ia leo hamau, Hiki ole ke alelo ke hoopuka mai.

 

4. He mau mele maikai ka i pa nahe mai. Ike ole ia'e la ka mea mele mai, Ua pa lea nae ma ka hoolohe ae, Me he lira makani i kani maikai.

 

5. Ma na kau i hala'e he mau mele maikai, Nawai la no nae i kakau? Na na hoku ao lani i mele a nani, I ka wa i pua ai la ke ao.

 

6. He mau gula maikai ma ka lani laelae I oi nui ae i na lei o na'lii, Pa ke ao ma ke kai a alohi aiai Mai ke anuenue i kau nani nei.

 

7. Aia kau mai ka po, a e nalo ke ao I hauoli ai la kakou a po ae, E hoea na hoku me na imo oli pu, A hee ae ka pouli a kau ka laelae.

 

8. A kaa na hoku me ka hoouhi pu I ka nani, ka malu a ao, Me he leo no nei i kakau ole ia'e, A pa lea ma koonei pepeiao.

 

9. He haawina no nei i pai ole ia'e, He mea hoohauoli no nae; Ua kahiko ke kii i ka wa iu e, A he nani ke kau a kaa ae.

 

10 He hihio nae ne i ka mea moe e, Loaa ele ke iiai ae; I ka poe hiaa he maikai ke nana, He aloha mai luna a anei.

 

11 He olelo maikai i pae mai o mai, Mai ka home aulii ma ke ao, A i hui ka naau me ia leo mele mau, Maha pono a pau ka luuluu.

 

12 A kaa ae la a mau o ko luna mau ao, Me na uhane maikai maluna'e, E pa nani e o na mele i hala'e, A kakani a oli mau ae.    HAWAII.

Ka mana ole o ka pule.

HELU 3.

10. KE PULE NEI oe a loaa ole; no ke aha? no ka mea, ua hemahema ke kumu. "Ke noi aku nei oukou, wahi a Iakoba 4:3, me ka loaa ole, no ka mea, ua noi pono ole oukou, i pau ai ia mea ma ko oukou mau kuko."  O ke kuko ino ka mea keakea i ka loaa.  "E ka Haku e haawi mai oe i puu dala no'u, i mau kuka lole maikai, i mau mea ai he nui wale, "  A loaa e aha ana? e hoolilo ana ma ke kino, i paa ka hale nani, i aahu i ka lole a hinuhinu a hoomahiehie, i hoonua, a uahuah, a kuulala wale aku.  Nou ponoi ka, a, ou mau punahele paha, ka waiwai ke loaa!  Aole ka ou manao aloha i ka poe i nele i ko ke kino, i ko ka uhane, i ka lole, ika ke Akua olelo.  A e loaa anei kau noi aku nei?  A loaa ole, e ohumu, a hoohalahala a nei?  E pau ka pule me ke kuko ino, a e pule me ke kuko pono, alaila paha e loaa.

11. EIA KEKAHI KUMU no ka loaa ole; o ka pule me ka manao ino, me ka enemi maloko, me ka hoomauhala, me ka mihi ole.  Aole paha ke Akua e hoolohe i kau pule, ke pule pela.  "Ina malama au i ka hewa ma ko'u naau, wahi a Davida, Halelu 66:18, aole e hoolohe mai ka Haku ia'u," E nana hoi ia Mataio 5: 23-24.  Ina e lawe oe i kou mohai i ke kuahu, in a i makaukau oe e pule, a manao, he enemi kou, he huhu kou  i ka hoalauna, a he huhu paha ko ka hoalauna ia oe, aole oe i mihi a kala 'ku, a oluolu ia ia, aole kela i oluolu a kala mai ia oe, o waiho i kau pule, alia oe e pule, a hele, a mihi, a imi i ka mea e oluolu like ai olua, a laulea like no, alaila, hiki ke pule me ka hoolohe ia mai, a me ka loaa.  Ina ua hele oe a imi e hoolaulea i kou enemi, aole nae kela i laulea mai, ua pau kau, aole ou hala ke pule oe.

Ina ua aihue oe, a pule oe me ka mihi ole i kau aihue ana, me ka hoihoi ole aku i ka mea i aihueia, he dala paha, he wahine, he kane paha, he holoholona paha, makehewa kau pule, aole e hooloheia, aole e loaa.

Aia a mihi oe, a hoihoi i ko dala, i ka holoholona, i ka wahine manuahi, i ke kane manuahi, alaila, mana kau pule.

Pela ka pule ohana, ka pule ekalesia, no he mana, ke hewa kekahi lala, kekahi hoahanau.  Pule ka poe Iseraela i ka hele ana e kaua ia Ai, aole nae i lanakila, o ka enemi ka i lanakila.  No ke aha? no ka hewa o kekahi lala, no Akana, ka mea i aihue a huna i ka waiwai laa.  Aia a kiolaia'ku o Akana, alaila, lanakila ka poe Iseraela.  A pule ka ekalasia no ka poe hewa, e hiki mai ka Uhane Hemolele e hoohuli nui mai, makehewa paha ia pule ke hookipaia ka hu kahiko, ka hoahanau hewa, aihue, moekolohe iloko o kona poli.  Aia kiolaia ka hu kahiko, ka hoahanau hewa iwaho o ka ekalesia, alaila paha e mana ka pule, e huli nui mai ka poe hewa.

12. EIA HOI KEKAHI KUMU no ka lanakila ole o ka pule' o ka like ole o ka manao o ka poe e pule ana no ka mea hookahi.  E pule ana ka ekalesia no ka @@ paha, no ka malie paha, no ka poe hewa, &@.  A o kekahi hapa, aole ia i makemake i ka ua, i ka malie, alia ua, alia malie, aole makaukau, aole pau kekahi haoa.  A no ke aha ka pule e huli mai ka poe hewa? i loaa ke kane pono, ka wahine pono, i hiki ke mare a noho pono; i loaa hoi na ohua, na kauwa hana maikai, hana mau a malama pono i kou waiwai, i ole e koloheia, e aihueia, e hana kopuluia ka waiwai, i mahuahua ka waiwai, ka poe paahana maikai; pela paha ka manao o kekahi hapa; a o kekahi, i loaa na kauwa maikai na ke Akua.  A like ole, ea, na manao. A e loaa anei?   Aia pule me ka manao like, alaila e loaa, wahi a Iesu ma Mataio 18:19.

13. PULE A OAA OLE, no ka mea, o ka auaia, a haawi ole mai, oia ka mea e pono ai ka mea e pule ana.  He mea paipaiia ia ia e ala, e hilinai ia Iehova, a e pule hou paha.  Pule o Paulo, a pakolu ke noi ana i ka Haku e lawe aku i ka mea ooi iloko o kona io, aka, ua hoole ka Haku, aole i lawe aku, II.Korineto 12: 7, 8, 9.

14. PULE A LOAA OLE, no ka mea, manao ke Akua e hoao ia oe, ma ka haawi ole mai, i akaka kou ano, he oluolu paha, he huhu a hoohalahala pahu, he paupauaho paha, a hoohuakaeo, aole pule, aole imi hou.

15. O KEKAHI KUMU NUI no ka loaa ole, oia ka hoomau ole.  Ua pule no, a pule hou, a me ka puleana, aole nae e loaa.  Loihi ka po, a kokoke puka mai ke ao, aka, ua oki @ ka pule ana, a paa hou no ka pouli.  Ina ua hoomau ia ka pule, ina ua a o mai ka po.  Ina ua mau kau pule no kou makamaka paakiki, in a ua huli mai oia.  Mai pukele Sodoma ma in a ua mau ka pule a Aberrahama.  E pule hooki ole, aole make e e hoonawaliwali ma ka pule, oia ke kauoha a oia kekahi kumu nui e loaa'i.

16. EIA KE KUMU HOPE NO KA MANA ole o ka pule' ua hala ka manawa, aole hiki i ke Akua ke hoolohe a haawi mai.  Ua hala ka palena.  Ua kali, ua hoopanee, ua hoowahawaha, ua hookuli, ua hehi wale i ka loko maikai o ke Akua malalo iho o ka wawae ua paniia ka pepeino o Iehova, ua huli aku ka maka i o; e maka ana oe, me ka loaa ole o kau i noi aku ai.  E nana ia Solomona 1:24-32, Bebera 10:26-30.  Pela kela pule ma Hoikeana 6:16-17.  Aole e hooloheia ia pule.  A pela ka pule iloko Gehena, e like me ka ke kanaka waiwai ma Luka 16:24-26, he pule makehewa ia, aole ke Akua e hoolohe, a kii a e wehe i ka puka o ka luaahi, a hookuu ae i na pio; ua paa a mau loa aku.    HAWAII.

Ua makaukau anei oe?

"HEAHA kou manao no keia niele?" He wahi mea nui imua ou; e hiki io mai ana; aole nae akaka ia oe ka hora e hiki mai ai.  He umi, a he iwakalua mau makahiki paha mam@a o kona hiki ana mai; he iwakalua mau minute paha.  Ua kali loihi kekahi poe nona, aole nae hiki mai.  He mau miliona ka i manao he loihi aku ia; aka, ua lele koke mai ia maluna o lakou.  He mea nui loa keia.  He mea ia e hoopau i kou mau kuleana i keia po; e oki aku ai i kou mau makamaka a pau; e huae i @@ uhi pono ole a pau; e hoomaopopo lea i kou ano, o na mea hun@ia a pau loa' a alakai ia oe imua o ka Lunakanawai oiaio a me hemolele; a e waiho ia oe ma kahi e hauoli mau loa, a i ole, ma kahi eha mau loa.  O keia mea, oia ka Make.  Eia ka niele, "Ua makaukau anei oe e make?"  "Nawai keia Niele?"  Na ke Akua.  Noloko mai o kana olelo keia niele.  Ua haawiia mai kana olelo i hiki ia oe ke ae mai i keia niele.  Ma na mea e pilikia ai, a me na mea lokomaikai mai ke hoopili mai ke Akua i keia mea maluna ou.  Ke paipai nei hoi ka manao pono, a me ka l@@amanao e n@@@@o i keia mea nui.  E kipaku aku i na mea lapuwale o keia ao, mai kou manao aku; e puka koke mai noloko o na hana a me na lealea e hoopau ana i na manao maikai; e kulikuli i na oleleo e ae, a e hoolohe i ka ke Akua olelo maikai, alaila e ike oe ua pili loa keia niele ia oe.  Ua paipaiia hoi oe no keia mea i kou ano na waliwali a me ka make.  Aole maopopo iki ka loihi o kou ola ana.  O kou kino wale no ka mea e pau ni ma ke ao nei.  He wahi pua mohala palupalu loa ia.  "No ka mea, pa mai la ka makani maluna on a, a ua ole ia."  Ua ola a maikai i keia la; apopo ua make, ua anu, a piha i ka palaho.  "O ka ilo, oia kou kaikuwahine a me kou makuahine."  Nolaila ke hea nei kou nawaliwali," "Ua makaaukau a nei oe?"  A ke hookiekie nei oia i kona leo i kela hora keia hora i kou wa e ola nei.  O ke ao pau ole hoi e hea ana ia mea hookahi.  E like me ka leo ola e hoomaopopo ana i na kanaka a pau, aia la ma kela aoao o ka lua kupapau, ua paa mau loa ka hoopai ana, "O ka mea pono e mau no kona pono; o ka mea hewa e mau no kona hewa."  Ikaika hoi kona leo, "E malama o makaukau ole e make." 

He leo okoa hoi, e ka mea e heluhelu ana; he loe maikai loa ia e hoopau ana i na manao i na mea lealea o keia ao, a e hooala ikaika i kou manao; oia hoi, o ka leo o ke Kalahala.  "E moho makaukau," pela kana kauoha.  Aole leo aloha a maikai e kani ana i ka pepeiao o kanaka e like me keia; aole makamaka e ae e like me ke Keiki a ke Akua; aole leo e ae e hooweliweli mai e like me ka leo o ka Lunakanawai hope loaQ  No ke aha keia Niele?  No ka mea, aole ninau e ae he mea nui e like me keia.  No ka mea, ua eha na manao hewa o kanaka ia ia, aole nae hoopili lakou i keia mea ia lakou iho.  No ka mea hoi, o kou hoomaopopo lea ana i ke ano o keia niele, e lilo a@anei ia i waiwai mau loa no kou uhane.  A no ka mea hoi, iloko o ka hana he nui wale; a i ole ia, iloko o ka lealea, he mea keia e alakai ana ia oe e noonoo i kou ano, a me kou hope pau ole.  No ka mea,a hoi, in a aole oe e malama i keia niele nui, e lilo a@anei kou uhane!

"No ke aha keia Niele mai ia'u?" No ka mea, ua pili keia i ka waiwai o kou uhane, ka mea pilikia loa, in a aole hiki ia oe ke ae mai i keia niele.  He mea keia e hoala ai ia oe mai ka palaka mai.  Ua kupono loa keia niele ia oe, ina e noho ana oe me ka manaolana oiaio ole; a me ka hewq e make ai paha; a e neenee ana;ku oe i ke la la keia la, mai ke Akua aku, no ka mahuahua ana o kou hewa.  He mea nui loa ia oe e hoomaopopo lea i ke ano o keia niele; no ka mea, ua kokoke mai paha kou wa e make ai!

"Owai ka põe makaukau ole?"  Nui no ka poe i makaukau ole; o ka poe pepehi kanaka; ka poe aihue; ka poe ona; ka poe hoomana kii; ka poe hoohiki ino; ka poe moekolohe; ka poe hoowahawaha hilahila ole; ka poe hoopunipuni; a me ka poe hookamani.  Eia hoi kekahi poe makaukau ole; ka poe makee; ka poe k@ko ino; ka poe makemake i ka lealea, aole makemake i ke Akua; ka poe lokoino; ka poe pule ole; ka poe manao nui i ko ke ao nei; a o na uhane a pau i holoi ole ia i ke koko o Kristo, a hookipa ole i ka Uhane Hemolele.  Aole makaukau kekahi o lakou e make.  Ina hiki mai ka make, a ike lakou i ko lakou ano, e piha lakou i ka welweli loa!.

"Ina makaukau wau, Heaha la?" Ina ua noonoo nui oe i keia niele, a ua manao oe ua kalaia kou hewa, a ua aponoia oe e Kristo, alaila he pono ke hoonani nui aku i ka mea nana i hookumu, nana hoi e hoohemolele i kou manaoia.  Pono i na kanaka a pau ke ike i kou manaolana e hoomaemae ana, a me kou manaoio e hana ana me ke aloha.  Pono ia lakou ke ike, ua hanau hou ia oe iloko o ka euanelio.  Me kou manao a pau, e hooikaika, e hoohuli i na kanaka ma ka pono a Kristo.

"Ina makaukau ole wau, Heaha la?" Ina makaukau ole oe i keia wa, alaila  ua maopopo he nui loa kou hewa; ua palaka loa no oe i na manao maikai; ua hookuli loa oe i na noi aloha ana i na manawa he nui wale; ua hoowahawaha i na olelo hooweliweli; a ua palaka loa i ka waiwai o kou uhane; nolaila, ua maopopo lea he nui wale kou hewa. 

Eia hoi.  Ina makaukau ole oe, alaila aole ou hana nui e ae e like me kou imi koke ana i ke aloha a ke Akua.  E kipaku aku i na manao nui o keia ao.  No ka mea, aole pono i na mea ike maka ia, ke hookee iki i kau hana e hoomakaukau e make. 

"Aka, ke ola nei au me kou ikaika:  no ke aha la ka hoopili loa mai keia niele ia'u?" Ua kupono no keia mea ia oe.  No ka mea, in a e moe ana oe i ka mai make, o ke kukui o kou ola e pio ana, a e pau ana kou ikaika, aole nae makaukau e make, a o keia hana nui koe i keia hora pilikia; alaila, makehewa paha e paipai ia oe ma keia mea.  Eia hoi.  He wahi niele aloha keia ia oe i keia wa.  Aka, o ka Make, ka mea pepehi, aole on a ninau i ke kanaka i kona makaukau.  Ke pana like mai nei oia i ka ihe make iloko o ka uhane o ka mea makaukau, a me ka mea makaukau ole.  Ina lako no kela no, a lako ole, o ka hele koke aku no ia.  E ka mea heluhelu, in a makemake oe e make me ka maluhia, a me ka manaolana, e hoolohe i ke kauoha a kou Haku, "E noho me ka makaukau, no ka mea, i ka hora e manao ole ia'i e oukou, e hiki mai no ke Keiki a ke kanaka."

 

Herode.

 

O Herode, ke alii o na Iudaio, i ka hanau ana o Iesu, oia ka mea i ke@a e hailuku i na keikikane liilii a pau ma Betelehema, a me na wahi kokoke; aole ia no Iseraela, aka, no Edoma ia.

Ikaika loa kona manao i ka hana ana; he ano paakiki nae, me he mea la ua piha mau i ka lili.  Ua oi aku paha kona hewa i ko na mea e ae a pau i oleloia iloko o ka Baibala' a mamuli o kana hana hewa ana, ua loaa ia ia iho, a me kana ohana, na mea ino he nui wale.

A i ka umikumamalima o kona mau makahiki, ua lilo oia i kiaaina no Galilaia.  Ua hana kue loa i na powa iloko o ka aina ia wa; a ua luku aku i kekahi poe, a ua auhee wale aku kekahi poe.  Ua hopu oia i ko lakou kumu alakai, a pepehi ia ia a make.  No keia hana ana, ua kaulana kona inoa mai o a o, a ua lilo mai kekahi hapa o Suria i kona aupuni.  Aole liuliu aku, ua hooliloia oia o na Luna Hooponopono ma roma, i alii no Iudea.  A i kona alii ana maluna o na Iodaio, ua kuhihewa, a lili, a hoonoho aku i na kiu mai o a o.  Nui ka poe enemi, aka, ua hoepauia lakou me ke aloha ole.  Ua hoopau oia i na Luna Hooponopono aupuni, (He 70 o lakou) elua wale no koe.

Ua kaulana loa kona lili, a me kana hana ino ana; aka hoi, i kekahi manawa, ua hana lokomaikai aku no.  Nui ka wi o ka aina i kekahi wa, a ua kii aku oia i ka ai ma Aigupita, a haawi aloha aku i na kanaka e make una i ka pololi.  Ua kukulu eia i kekahi mau kulanakauhale, a me na hale nui, a nani, a me na papu, a me na awa.  Ua kukulu hou oia i ka Luakini ma Ierusalema; ane like pu no ia me ka Luakini a Solomona i kukulu ai. 

Ua loaa ia Herode na wahine he umi; ua oi aku ka noi o kana mau wahine i ko Henere VIII. no Enelani.  Ua like pu nae ka laua hana ino ana, a me ka laua pepehi ana i ka laua mau wahine mare.

Ua haalele o Herode ia Doris, kana wahine mua, (ka mauwahine o Antipater, ka laua makahiapo;) no kona makemake e mare ia Meriamne, he nui kona aloha ia ia; elua ka laua mau keikikane; o Aristobulus laua o Alekanedero.  Nui ke aloha o ka makuakane ia laua; a ua hoouna aku ia laua i ke kula ma Roma, malaila ko laua noho ana i na makahiki ekolu.

Aloha nui o Herode ia Meriamne, aka, aole on a aloha nui mai ia ia.  No ka mea, ua hoolilo o Herode i kona kaikaina i kahuna nui; a ike oia, ua mahalo nui mai na kanaka ia ia, alaila, kena oia e pepehiia a make.  No keia huhu hala ole, me ka lili wale, ua kaumaha o Meriamne, a ua hoahewa ia ia.  No keia hoahewa ana mai o kana wahine; a no ka hoopunipuni o Salome, ke kaikuwahine o Herode, ua piha hou oia i ka manao ino, a ua kena i kekahi poe e pepehi ia Meriamne a make.

A make oia, ua loohia koke o Herode i ka walania o ka naau, a me ka uwe hoomaha ole.

Ma ia hope aku, mau no kona makau, o pepehiia auanei oia ia Aristobulus laua o Alekanedero, no kona pephi ana i ko laua makuahine.

Ua agamia hoi o Antipater, kona makahiapo; a ua hooweliweli i kona makuakane me na manao oiaio ole, no kona mau kaikaina a hala kekahi mau makahiki, ua piha oia i ka lili i kana mau keiki, me ka manao, he mau enemi laua ia ia; nolaila, kena oia e pepehiia laua a make.

A hala hou aku kekahi mau makahiki, nui ko Herode makou i na kanaka; a mamuli o kona kuhihewa, a me kona lili, nui wale ka poe i pepehiia a make.  Olelo mai o Josephus, penei; "ua kiai o Herode i na mea i oleloia, a me na hana a pau o kanaka, a in a ua kupu mai kona lili i kekahi kanaka, ua hoopai koke ia ia i ka make."

Nui ka põe i hoike wahahee, me ka hoopunipuni imua o Herode ke alii, e like me ko lakou manao ino, a me ka apiki i ka hoalauna, Ua hoolohe koke ke alii, me he mea la, he oiaio loa, alaila, ua kena e pepehi a make.

Kekahi põe i hoopii aku ia hai e make; na hoopiia lakou e na hoike wahahee e ae, a ua hoahewaia lakou a pau e make.

Aka, ua kokoke mai ka hopena o keia mau hana ino.  @apuwale, oiaio ole.

O Antipater, ka mea hoike hoopunipuni e make ai o Aristobulus laua o Alekanedero, (kona mau kaikaina,) ua hoowahawaha loa ia e na kanaka o ke aupuni; a ua hoopiiia hoi oia, no kona imi ana e haawi i ka laau make i kona makuakane.  A iloko o ka hookolokolo, ua maopopo lea kona hewa; a ua hoahewaia oia e make.  Mamua mai o kona la e make ai, ua loohia o Herode i kekahi mai ino loa.  Ua mau kona fiva; aole o kana mai ka maneo o kona ili, a puni kona kino; he mau puupuu palahehe ma kona mau wawae; wela maloko o ka opu; popopo i ka mai kaukau ma ka @ha. a aiia e na ilo.

I kona noho ana iloko o keia popilikia, ua hiki mai na Magoi mai ka aina hikina mai, a Ierusalema.  Ninau ma la, "Aia la ihea ka mea i hanau iho ne i alii no na Iudaio?"  A lohe ae la o Herode ke alii. apo@po ae la kona oili, a imi koke oia e hailuku i ka mea i hanau hou i alii.  No ka hoi ole mai o na Magoi, mai Betelehema i Ierusalema, e hai aku ia Herode ukiuki loa iho la ia, kena aku la ia, e luku aku i na keikikane a pau o Betelehema, a o na wahi a puni e kokoke ana, i ka poe elua makahiki a h@la ilalo."  Ua manaoia, mawaena o ka umi a me iwakal@n ka n@i o na keiki i hailukuia ia manawa.  Aka, o Iesu, ke Alii opio, aole oia iwaena o lakou.  Aia no ia ma Aihg@pita.

Aka, ua mahuahua ka mai o Herode, a ua manao oia, kokoke mai kona wa e make ai.  Ua manao hoi ia, e hauoli na lajhui kanaka Iudaio i kona make ana, nolaila, ua eha kona naau.

I mea e uwe like ai na Iudaio mai o a o, kena oia e lawe mai kekahi mau kanaka maikai, mai kela kauhale keia kauhale ma Iudea, a e hoopaa ia lakou iloko o ka hale puahao; a kauoha aku oia penei; "Iko'u wa e make aku ai, e kaapuni koke na koa i na kanaka i paa iloko o ka hale paahao, a e pepehi koke ia lakou, i uwe like ko Iudea a pau, a me ko na hale a pau no'u.  Aka, aole hookoia keia kauoha.  Iloko o kona eha, a me ka manao lana ole, ua hoao oia e pepehi ia ia iho; aka, no ka hookee ana o kekahi kauwa, aole on a hiki.  Ua lohe na kanaka mai o a o, e make ana ke alii.  O Antipater kekahi i lohe, a noi aku oia i ka poe e kiai ana ia ia, e hookuu ia ia e hele, a e haawi i wahi uku kipe ia lakou.  Aole lakou ae ia ia.  Aka, o ka luna Makai ka i hele, a hoike koke ia Herode i ko Antipater manao.  Alaila, kena o Herode i kona poe koa, e hele a o koke ia ia a make.  A hala na la elima, ua make o Herode.  He kanahiku kona mau makahiki.

He nui wale na hewa o Herode, he lili, kuhihewa, hoopai wale aku, punikoko.  Pololei loa ka olelo a ke Akua ma Solomona, Mokuna 3:33.  "Oka hoino o Iehova, aia ma ka hale o ka mea hewa;" a o kela hoino ka mea e kpaku ana i ka maluhia, a e hailuku ana i ka manao hauoli.     KAUAI.

 

Ua ae mai anei oia, e ka makua?

 

Ikekhi la, ua lohe o Mere uuku i ka leo o kona makuahine e pule ana i loko o kona keena, a olelo oia penei.  "E kamailio pu ana ko'u mama me Iesu.  A hoi mai ka makua, mai kona keena haipule mai, holo aku la ke kaikamahine io na la, nana ae la i loko o kona maka. a ninau penei.  Ua pane mai anei o Iesu? E, mama, ua ae mai anei oia?"

Pomaikai kakou, ke lilo kakou e like me na keiki uuku, a mapopo ka pono o ka pule, a me ka manaoio ia Iesu.  He waiwai no ka pule, ke pane aloha mai ka Haku.  I na aole on a pane mai, he make hewa no ka pule.  Ua nawaliwali ka pule o kahi poe, no ka launa ole mai o ka Uhane Hemolele.  Ua make pono nae ka pule. ke launa mai, a kokua mai ka Uhane Hemolele.

Eia ka Paulo olelo i ko Roma poe haipule.  "A ke kokua mai nei no hoi ka Uhane i ko kakou nawaliwali, no ka mea, aole kakou i ike i ka kakou mea e pule pono aku ai, aka, ua nonoi aku ka Uhane no kakou e like me ka makemake o ke Akua."  Roma 8: 26,27.

 E ke kaikaina, ua kulou pinepine oe imua o ka Haku, me ka haipule ia ia.  Ua pane mai anei o Iesu?  Ua ae mai anei oia?

I na aole on a ae mai' he wahi kumu no kona ae ole mai.  E  kaupaona oe ia oe iho; e huli niui, a ike pono i ke kumu o kona ae ole mai.  Mai hoomaha a hiki ia oe ke ole lo, "o ka mea au e noi aku ai, ua haawi mai no, no ka mea, ke hana nei au i na mea ana i kauoha mai ai."

 

HAAWINA KULA SABATI.

 

HELU XXI. MEI 21, 1871

NA ELELE MAI IOANE MAI.

Pauku Baibala.  Luka 7:18-30

18 A hoike ae la ia Ioane kana mau haumana i keia mau mea a pau. 19 Kahea aku la o Ioane i kekahi mau haumana ana elua, hoouna aku la io Iesu la e ninau aku, O oe no anei ka mea e hele mai ana? a o ka mea e ne anei ka makou e kali ai? 20 A hiki aku la na mau kanaka la io Iesu la, i aku la, Na Ioane Bapetite maua i hoouna mai iou nei e ninau, O oe no anei ka mea e hele mai ana? a, o ka mea e ae anei ka makou e kali ai? 21 Ia hora iho, hoola iho la oia i na mea he nui, i na mai, i na nawaliwali, i na uhane ino hoi; he nui no hoi na makapo ana i haawi ai i ka ike. 22 Olelo mai la o Iesu, i mai la ia laua,.  Ou hoi, e hai aku olua ia Ioane i ka olua me i ike iho nei, a i lohe iho nei; ua ike na makapo, ua hele na oopa, ua hoomaemaeia na lepero, ua lohe na kuli, ua hoalaia na make, ua haiia ka olelo maikai i ka poe ilihune; 23 A e pomaikai ana ka mea e hina ole no'u. 24 A hala aku la ua mau elele la a Ioane, hoomaka aku la o Iesu e olelo i ka ahakanaka, no Ioane, I  hele la oukou iwaho ma ka waonahele e ike i ke aha? I ka ohe anei i hooluliia e ka makani. 25 A i hele la hoi oukou iwaho e ike i ke aha?  I ke kanaka anei i kahikoia i ke kapa pahee?  Aia hoi iloko o na hale alii ka poe i kahikoia i ke kapa nani, e noho lealea a@a. 26 A i hele la hoi oukou iwaho e ike i ke aha?  I ke kaula anei?  Oiaio, ke hai aku ne au ia oukou, a i ka mea hoi e oi aku i ke kaula! 27 Oia hoi ka mea nona ka palapala, Eia hoi, ke hoouna aku nei au i ka'u elele mamua ou, nana no e hoomakaukau i kou alanui mamua ou. 28 No ka mea, ke olelo aku nei au ia oukou, mawaena o na mea a na wahine i hanaou ai, aole he kaula i oi aku mamua o Ioane Bapetite.  Aka, o ka mea nuku loa iloko o ke aupuni o ke Akua, ua oi aku ia mamua on a. 29 A o na kanaka a pau i lohe, o na luna auhau kekahi, hoomaikai aku la lakou i ke Akua ka poe i bapetizoia ma ka bapetizo a Ioane. 30 Aka, o ka poe Parisaio, a me ka poe kakauolelo, ua pale ae la lakou i ka manao o ke Akua no lakou iho, i ko lakou bapetizo ole ia e ia.

 

Pauku Alaka.  Pomaikai ka mea i hoohihia ole ia no'u (i ko'u hele ana mai).  Mataio 11:6.

Kumu noonoo.  Iesu Karisto ka Mesia.

Ninau ano nui.  Owai ka poe i hoohihia ole ia?

 

MANAO WEHEWEHE. P.18, 19. Ma Mataio 11:2 e ike kakou aia o Ioane iloko o ka hale-paahao.  O keia halepaahao he puukaua na Herode ma kela aoao o ka muliwa o Ioredane. - - - Ua manao kekahi poe naauao, he kanalua maoli no ko Ioane no Iesu, oiai e noho ana ia iloko o ka halepaahao me ka ike ole iaia.  Me he la paha ua uhi mai kekahi ano pouli maluna on a no ke kaumaha o kona manao, a he ninau keia i maopopo ai iaia ka oiaio.  Ka kekahi poe no hoi, he hoouna elele keia a Ioane, i mea e maopopo ai i na haumana ana ke ano Mesia o Iesu, oiai ua lili paha kekahi o lakou, no ke kaulana loa o Iesu mamua o Ioane.

P. 21-22.  Ua waiho aku o Iesu i kana mau hana mana imua o na kanaka, imea hooiaio, i hoike e hooia ana i kona ano Mesia. - - - Ua kuhikuhi no hoi i ke ano aloha o ia mau hana mana; aole he hana hooioi wale iho no; he mau hana lokomaikai no ka poe pilikia, a me he la o ka mea nui loa. oia ka haiia ana o ka euanelio i ka poe ilihune.

P. 23.  " Ka mea i hina ole no'u," (okupe ole). Oia hoi, ka mea i kanalua ole a haohao a hoomaloka, no ke ano haahaa loa o ka hele ana mai e ka Mesia o ke Akua.  Ua kapaia ia poe he poe "okupe".  Oia ka mea i oleloia ma 1 Kor. 1:23.

P. 24-28.  Ma ka hele nui ana o na kanaka e ike ia Ioane, malaila i hoike o Iesu ia lakou i ke ano nui o kona hele ana mai.  "Aole paha oukou i hele wale aku i ka na helehele me ke kumu ole (e ike i ka akaakai i luli i ka makani.")  Aole no hoi e ike i ka mea hanohano o ke ao nei (me ka aahu nani).  No ka mea, aole ma ka nahelehele e loaa ai ia ano kanaka.  A owai la.  He kaula paha.  Ae, a he oi loa aku.  Eia nae, no ke au kahiko o Ioane, no ke au Iudaio, aole no keia au okoa, au Karistiano.  Nolaila ka oi o ka pomaikai o ka mea uuku loa iloko o keia aupuni hou (o ka lani) mamua.

p. 29-30.  Ua olioli ka lehulehu no ka ike ana, aole i kue keia kaula @ou. o Iesu, i ko lakou i mahalo ai mamua, oia o Ioane.

 

NINAU. 18. Heaha ka na houmana a Ioane i hoike aku ai iaia?  Mahea o Ioane ia manawa?  No ke aha? 19. Ehia haumana i hoounaia?  Ia wai?  E aha?  No ke aha ka ninau ana o Ioane i keia ninau?  Ua ike maka anei o Ioane ia Iesu? 20. Pehea ka ninau a na haumana elua ia Iesu? 21. E aha ana o Iesu i ko lakou hiki ana aku i on a la? 22. Ua ae aku anei o Iesu, o ka Mesia no ia?  Pehea la kona pane ana?  Ua like ia pane me ke aha?  Hehea ka mea maikai loa ma na hana mana o Iesu?  He hoiaio ia mau hana no ke aha? 23. Owai ka poe pomaikai?  Owai ka poe pomaikai ole?  Heaha ke ano o ia? 24. Hala na elele a Ioane, pehea ka ninau o Iesu i na kanaka?   Heaha ka ohe luli i ka makani i oleloia maanei?  Pane.  He ano akaakai nun@i, a o kona ili, o ka pepe no ia o ka wa kahiko?  He mea kupanaha anei ia? 25. E loaa anei ka poe hanohano ma ka waonahele?  Mahea lakou?  Nolaila aole o Ioane he aha? 26. Heaha ka ninau hou a Iesu?  Ua oi o Ioane mamua o ke aha?  Mahea kona oi?  Heaha o Ioane no Iesu?  Ua ike maka anei na kaula kahiko ia Iesu? 27. Heaha ka mea i kak@uia? 28. Owai ka mea i oi mamua o Ioane? 29. Pehea ka manao o ka lehulehu ia Iesu?  No ke aha? 30. Pehea na Parisaio?

Ninau pili Kino.  Ua komo anei oe iloko o ke aupuni o ka Lani?  Ua okupe anei oe i ke ano o Iesu?

 

KA NUPEPA KUOKOA,

HOOPUKA MAU IA MA HONOLULU

kela Poaono keia Poaono.

$2.00

No na mahina he Umikumamalua!

$1.00 no na mahina eono,

ME KA HOOKAA MUA MAI.

 

NA OLELO BOOLAHA - eole @ @@ mamua o 10 laina @@ ka hoopuka hookahi ana, $1.00; alua komo ana, he $1.50; hookahi malama, $2.00.  E uku mua ia mai k@ kala o na olelo hoolaha a pau e hoou@aia ana mai e pai.

KANIKAU-He 4 keneta no ka lalani hookahi - p@@@@: he 25 l@lani, $1.00; 60 lalani, $2.00; a pela 'ku.

KA 222 NO NA OLELO HOOLAHA - ka uku pepa, a me ka uka o ke Kanikau, e ha@wlia no ma ka lima o na Luna o ke Kuokoa, a i oleia, e houna ma @@ Kauka Kulika. 

NA UKU PEPA A PAU E HOOKAA MUA MAI NO - aole e kauia ka inoa o kekahi haole a kanaka maoli paha. ma ka inoa o ka poe lawe pepa ke ole e hookaa e mai mamua.  E pono ke hiipoiia keia mau @@@, no ka mea, he @mi no ka au@@@ no keia nupepa.

AIA KE KEEKA O KA NUPEPA KUOKOA - ma ke @@ena i noho mua ia iho nei e J>W. @@@@@@, ma@@@@ ao o ka @@@@@ Leta.  O ua hora hana, mai ka eiwa o kakahiaka, a  i ka ha o ke ahiahi.

H. M. WINI. Luna Hoopuka.

 

'KA NUPEPA KUOKOA."

Is published in Honolulu

EVERY SATURDAY

$2.00 per annum, or $1.00 per six months, in advance.

 

ADVERTISEMENTS not exceeding 10 lines, inserted once for $1.00 twice or $1.50; and %2.00 for one month; all advertisements must be paid for in advance..

KANIKAUS will be charged 1.00 per page. or 4 cts. a line.

PAYMENTS FOR ADVERTISEMENTS, Subscriptions or Kanikaus, may be paid to any of the Agents of the Kuokoa, or may be enclosed in a letter to the Publisher.

ALL SUBSCRIPTIONS must be PREPAID.  No names, either of foreigners or natives, will be inserted on the subscriptions list. until paid for.  This rule must be strictly adhered to on account of the low subscription price.

THE OFFICE OF THE KUOKOA over the Post Office.  Office hours from 9 A. M. to 4 P M.

H. M. WHITNEY, Publisher.

Bound Volumes of the KUOKOA. for sale at the office over the Bookstore - $3.00 each.

Persons having complete sets of the above, can have hem bound by paying $2.00 each.

 

NA BUKE

HOOLAHAIA E KA PAPA HAWAII.                                                                                                                                      Baibala Hemolele Nui ili gula nani @ na

                        kuhikuhi ma na aoao………………………………………         $12  00

                               "       "     Nui ili eleele kaekae wai gula………………             5  00

                           "      "     uuku iki iho,      "       "  ………. ………………             5  00

                             "      "      Pananaiki iho ili elele…………………………             4  00

                         Kauoha Hou ili gula nan! me na kahikahi………………                 3  00

                              "       "   eleele kaekae wai gula…………………………            1  00

                               "      "      "                                       …………………..                 75

                         Kauoha Hou Hapa Haole…………………………………                 75

                        Lira Hawaii 1848 me ke kanawai…………………………                  25

                             "      "     1865…………………………………………                  25

                         Moolelo Ekalesia…………………………………………               @@

                         @@iao ili lahilahi…………………………………………                10

                         Hele Malihini ana…………………………………………                 25

                         No k@ ke Akua ano………………………………………                 25

                         Lira Kamalii………………………………………………                  25

                         Hoike Palapala Hemolele…………………………………                  25

                         Moolelo o Heneri Opukahaia………………………………                25

                          @oike Akua………………………………………………                 25

                         Wehewehehala……………………………………………                   25

                          Ninau Hoike ili manoanoa………………………………                     25

                               "        "        "     lahilahi………………………………                   10

                         Kumumua Kula Sabati……………………………………                  10

                          Buke Luwe Lima………………………………………….                  10

                         He Buke no ka Pope………………………………………                  10

                         Ui Kula Sabati Helu 3………………………………………                 25

                            "        "      "      "    4……………,…………………………                 05

                            "        "      "      "     5……………………………..………                   25

                         Buke Euanelio a Ioane…………….…………………………                10

                         Himeni………………………………………………………                 50

                         Himeni ili nani………………………………………………..            1  00

 

Na Kauoha Hou Pakeke.

                         Ill Gula nani……………………………………………………           1  50

                         Ill eleele kaekae nani……………………………………………           @@

                           Ill eleele…………………………………………………………             3@

 

Kauoha Hou Pakeke me na Halelu.

 

                          Ill Gula nani……………………………………………………           1  75

                          Ill eleele kaekae wai gula……………………………………….               60

                          Ill eleele…………………………………………………………              60

 

Na Halelu Pakeke.

 

                           Ill Gula nani……………………………………………………..             50

                            Ill eleele kaekae wai gula………………………………………..             30

                           Ill eleele………………………………………………………….             20

                           Ka Have Hoonani (Buke Mele)…………………………………..           25

 

Eia na buke haawi wale.

 

Palapala Liilll -

Helu  4 --Makemake anei oe i ke ola?

Helu 6 - E hele i o Kristo la.

Helu 7 - Ka hoi ana mai o ke Keiki Ohaoha.

Helu 11- No ka hoohiki wahah@@ i ke Akua.

Helu 16 - Ka Eehia ana o ka Ahaaina a ka Hakua a me ka Babetizo ana.

Helu 17- Mai hana ino i na h@loholona.

Helu 18- No ka ma@@ ana, kuai ana a me ka inu ana i ka Awa.

Ka Davida Malo Kumumanao.

Ka Moolelo o Batimea Puaaiki.

                                     

                           J. F. POKU@

Kakauolelo o ka Papa Hooko o ka ahanui Fu@nello o ko Hawaii Pae Aina.