Ka Nupepa Kuokoa, Volume X, Number 10, 11 March 1871 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE X.  HELU 10.  HONOLULU.  MARAKI 11. 1871.  NA HELU A PAU 484.

 

Ka Nupepa Kuokoa.

 

English Column.

 

     In our issue this work we present a portrait of Mr. Seward, the distinguished American statesman, which will be recognized as a faithful likeness.  He is now traveling in China, and has lately had the rare honor of a presentation to the Emperor of China.

 

     On our second page is a fourth letter from our correspondent in France, whose descriptions of the war are so vivid.

 

     On the first page we reprint the well translated song of Casablanca, with an introduction, giving the incidents in the thrilling story.

 

     The Rev. Charles Samuel Stewart, D D., died Dec. 14, at Cooperstown, at the age of 75 years.  Dr. Stewart was senior chaplain of the United States Navy,-- and formerly resided in these islands. 

 

     A female lecturer said; "Get married, young men, and be quick about it.  Don't wait for the millenium, for the girls to become angels.  You'd look well beside an angel, wouldn't you, you blockhead?"

 

     A Philadelphia lawyer was rebuked by the court for badgering a witness, and was told that witnesses should be treated in the same manner as any gentleman would treat a visitor to his house. 

 

     Mr. Palmer's new hotel in Chicago, on which work has been commenced, is intended to outshine anything in America.  @@@ main front will be 256 feet and it will reach through to Wabash Avenue, a distance of 340 feet.  It is expected to swallow two million dollars before it is completed and furnished. 

 

     The clipper-ships Frolic and Glory of the Seas left San Francisco on the same day, one for Liverpool and the other for Cork, were in each other's company for six weeks, then separated, and reached their destinations on the same day, the Frolic arriving but six hours before her competitor. 

 

     Capt. TRAVERS, of Rochester, made a wager of $25 that he could at the distance of thirty-six feet, with a pistol, shoot from the top of a wine bottle a cork on which is placed a bullet, dropping the bullet into the bottle and not breaking the bottle.  He made twelve shots, and performed the feat four times. 

 

     Prince AMADEUS, the new King of Spain, made his entry to Madrid on Monday, and was received most enthusiastically by the people.  Immediately after his arrival he paid a visit to the widow of Gen. Prim. and in a feeling manner expressed his sympathy for her in her bereavement.  He then proceeded to the Chamber of the Cortes and took the oath as King of Spain.  The enthusiasm is universal. 

 

     Defenders of tippling are wont to point triumphantly to men who have reached a hearty old age and taken their daily dram through all their life.  And Grant's cigar to some people is a sufficient answer to those who take strong ground against tobacco.  But Captain Larbouche, of New York, the well-known centenarian, is an inveterate opium eater, taking seventy five grams a day, while a single grain would kill the most of us.  But does any one claim that opium is therefore a good thing? 

 

     Give your children fortune without education, and at least one-half of the number will go down to the tomb of oblivion--perhaps to ruin.  Give them an education, and they will be a fortune to themselves and their country.  It is an inheritance worth more than gold, for it buys true honor; they never can spend nor lose it; and through life it ever proves a friend--in death a consolation. 

 

     The new King of Spain is third child and second son of Victor Emmanuel.  He was born in May, 1835.  His mother was an Austrian Princess.  She died in 1855.  All sorts of conservatives and grandees protested against the King's candidacy, but these don't go for much in Spain of to-day.  The election to the Spanish throne has been regarded with the utmost indifference in France.  "What matter to us now who shall reign in Spain," says a French writer; and, indeed, they've matters more important to attend to. 

 

Kasabiana ke keiki Hoolohe.

 

     I ka wa mamua aku, e ola ana kekahi keiki, o Kasabiana kona inoa.  O kona mau makahiki, he 13 no ia.  O kona makuakane, he Kapena ia no kekahi moku manuwa.  Holo pu no ua keiki nei me kona makuakane i Aferika.  A ma ka muliwai o Nile, he kaua nui, a lele mai la na poka o ka enemi maluna o ka moku; me he kui hekili la ke kani ana o na pokuniahi.  He nui ka poe i ku i na poka, a hina, a make; a mawaena o ka poe make a me ke koko e kahe mai ana, ku no ua keiki koa nei ma ka aoao o kona makua, e malama pono ana i kana mau kauoha. 

     A mahope, hoonoho ka makua i ke keiki ma kauwahi o ka moku, e hana i kekahi hana me ke kauoha e kupaa malaila a kena ia e haalele.  Nee aku la ka makua ma kahi kaawale o ka moku, a lele mai la kekahi poka a ku iaia, a make ko@e.  Aole i ike ke keiki, ua make ka makua.  Kupaa oia ma kona wahi, e kali ana i ke kauoha a ka makua, e haalele.  Ikaika loa ke kaua, e kahe ana ke koko o ka poe make ma kona mau wawae. 

     Wela ka moku i ke ahi, a nui, a kolo, a kokoke loa i ua keiki nei.  Kupaa no nae oia.  Iwaena o ke koko, na poka a me ke ahi, aole oia i oni ae; ua malama no i ke kauoha a ka makua.  Hoomaka na sela e haalele i ka moku, e pau ana i ke ahi, a e poho ana ilalo.  Hooho nui ae la ke keiki: "E ka makua, ke ae nei anei oe ia'u e haalele pu?"  Aole nae he leo i pane mai, mai ka waha mai o ka makua make.  Aole ka ia i ike i ka make ana o ka makua; a ma kona manao, e aho no e kupaa a make i ka hookuli i ke kauoha a ka makua.  A kupaa no oia a pau loa na sela i ka haalele i ka moku--kupaa no oia a make iloko o ke ahi. 

     Luaole paha ua keiki nei.  I ka manao o ka poe i lohe i kona ano, he keiki keu paha oia ma ka hoolohe, mamua o na keiki e ae a pau.  E aho ka make i ka hoolohe ole i ka manao o Kasabiana.  Ua loaa paha kekahi @@@ keiki mai @@@@ wahi @ @@ kekahi manawa i like pu me keia ka hoolohe. 

     Ke mahalo nei kakou i na keiki hoolohe.  Aole anei i oi loa aku ke keiki hoolohe mamua o ke keiki hookuli i ka kona makua, no ka makemake e lilo i ka paani, a no ka hoowahawaha paha i kekahi hana paakiki a kupoo ole i kona makemake?

     Kuhi kekahi poe keiki, he mea ano koa ka hookuli i ka ka makua, a he mea ano wiwo ka hoolohe.  Aole pela.  O ka poe hookuli, o lakou ka poe wiwo a hilahila wale, a pupuka a hoowahawahaia e ka poe maikai, a mahalo ole ia, a lilo no i poe hoolohe ole ke kanaka makua ae. 

 

Ke mele no Kasabiana

 

1.  Wela ua moku manuwa,

            Na sela ua auhee;

     He wahi keiki i kupaa,

            Aole nauwe ae.

2.  He keu ua keiki kupaa nei,

            Ma ka hoolohe ae

     I ka makua i p@pa mai,

            Mai nee a heaia'e.

3.  Kupaa no ia a hana mau,

            Me he Kapena e;

     He kino palupalu no,

            He ano koa nae.

4.  Kaa mai ke ahi a puni mai

            Ua keiki koa nei,

     Kupaa no nae, nee ole ae,

            Aole i heaia'e.

5.  Hamau! he leo hea anei

            No ua makua nei?

     Kali i kena e auhee,

            Aole pane mai.

6.  O ua makua ua make e,

            Aole lohe nae

     Ua keiki keu hoolohe nei,

            A nauwe ole ae. 

7.  Ka hea, e kuu makua e,

            E auhee au anei?

     Kani na poka lele mai,

            Kaa mau ke ahi e.

8.  Pa mai ke ahi ma ka lae,

            Ma ka lauoho pu,

     Nana nae ia a kupaa ae

            Me ia ano koa no. 

9.  Kahea hou, e paa anei,

            E kuu makua e?

     Na koa, na pea, wewela e,

            A haule paapu mai.

10. Wela ka moku a pani no,

            A wela pu ka hae,

     Lele ke ahi i o i o,

            Paa nae ua keiki nei.

11. Me he hekili kui e,

            He kani poha mai!

     Auhea ua keiki kupaa nei?

            E ninau i ke kai. 

12. Pau no ua moku, @a poho,

            Me kona mau waiwai;

     Ka mea oi i make pu

            Ua keiki kupaa nei. 

                                    HAWAII

 

KA MEA HANOHANO W. B. SEWARD.

Ke Kuhina Nui o Amerika Huipuia.

 

Ka Mea Hanohano W. H. Seward.

 

     Ke pai nei makou i ke kii o Ka Mea Hanohano W. H. Seward, (Suwada) ke Kuhina Nui o Amerika Huipuia, i ka wa o Aberahama Linekona, a oia kekahi o na kanaka naauao ma ka hooponopono aupuni o keia au.  I ka make ana o Aberahama Linekona, noho no oia i Kuhina Nui a pau o Peresidena Ioanekana (Johnson).

     Ua hanauia o W. H. Seward, ma ke kulanakauhale Felorida, Orange County, Nu Ioka, ma ka la 15 o Mei, M. H. 1801.  No knoa eleu, ua komo oia i ke Kulanui o Schenectady, a ilaila oia i kaulana ai i ke akamai, a i ka M. H. 1820, pau na mea a pau i ke aoia e ia, a haalele no hoi i ka noho ana i ke kula.  Mahope iho o kona haalele ana i ke kula me ke kaulana nui, alaila, hoi aku la oia e ao i ka oihana Loio, ma ke Keena Kanawai o ka Mea Hanohano John Anthon, a ma ia makahiki ae no, hoi oia i kona wahi ponoi, a ilaila oia i hoopau ai i kona ao ana i ka oihana Kanawai, me ka Mea Hanohano A. Hoffman, ka mea e noho Loio Aupuni ana no ia wahi ia manawa. 

     I ka makahiki 1822, ua loaa iaia kona Palapala Loio ma Gosena, a ma ia hope koke iho no, noi oia i Aubena, a ilaila oia i hui ai me Judge Miller, ka mea i lilo i makuahunowai nona ma ia hope iho.  No kona hiipoi nui i ka pono o ka poe hihia i waihoia mai ma kona lima, nolaila, ua pii koke kona kaulana, a ua nui hoi kona dala loaa mai.  Ma ka makahiki 1828, lilo oia i Peresidena no ka "Hui a na Kanaka Ui," ma ke kokua i ke koho hou ana ia John Quincy Adamu, i Peresidena no Amerika Huipuia.  Ma ka makahiki 1830, ua kohoia oia i hoa no ka Hale Ahaolelo Alii o Nu Ioka, a ua kaulana no oia ilaila, no kona hoomaka ana e koi, e hoopauia ka hookauwa nika ana.  Ma ka makahiki 1836, ua kohoia oia i Kiaaina no Nu Ioka; a ma ka makahiki 1840, ua koho hou ia no ma ia oihana; a ma ia makahiki no, ua koiia mai oia e noho hou no ma ia oihana, ua hoole loa no oia, a ua hoi no i kona home e noho ai, e ai ai hoi i kana loaa, a e lawelawe ai no hoi i kana oihana punahele o ka Loio. 

     I ka pau ana iho nei o Ioanekona, ua kaawale oia mai ka Oihana Kuhina Nui ae, a ua holo kela i Alaska e makaikai ai.  Mai laila mai i ka Ripubalika o Mesiko, a hookipaia aku la e Peresideka Hoare, me ka hanohano nui, a launa nui hoi me na Poo Aupuni. 

     I keia wa, aia oia ma Kina kahi i makaikai ai, a ua haawiia mai la iaia na hookipa hanohano a mahalo nuiia hoi e ko laila poe poo aupuni.  Ua paina pu oia me ke Kuhina Nui o Kina, ke Keiki Ahi Kung.  Ma na wahi a pau ana e hele ai, ua kahe wale mai na hookipa ana, me he wai hu la i ke pili. 

 

NU HOU O KE

KAUA NUI MA EUROPA!

(Koena mai Lela pule mai.)

HAALELE O GENERALA GARIBALADI I KA PUALI KAUA.

     Bodeau, Feb 14--Ma ka palapala a Gen. Garibaladi o nehinei i ke aupuni, ua haalele mai oia i kona noho'na Alihikaua, no ka puali o ka Vosges, wahi ana, ke ike nei oia, ua pau kana misiona (hana).  Ua pane aku ke aupuni, e ae aku ana i kona waiho ana mai, a ua haawiia aku na hoalohaloha a me na hoomaikai ana iaia, ma ka inoa o ka aina.  I ke ahiahi nei, ua haalele iho o Garibaladi ia nei, a ua hoi aku i Maseile, a mailaila aku, kau maluna o ka moku a hoi i Caprera. 

 

KE KULANA O NA LUNAMAKAAINANA

O FARANI. 

     Balina, Feb 14--Ua koho aku ka nupepa Kea Elele, o keia kulanakauhale, ma ke ano o ke kohoia ana o na Elele o ka Ahaolelo Lunamakaainana, he elua hapakolu o na lala, ma ka makemake i aupuni Moi, a he akahi hapakolu ma ka Ripubalika.  O ka poe Bonepati hoi keia, ua puehu liilii aohe nui; a o ke paonioni o keia mua aku, aia mawaena o ka poe Olina a me ka poe Borebona.

 

HOEUEU KAUA MA KA AKAU.

     Barusella, Feb 14--Ke paipai nei hoi o Gen. Faidherbe, o ka puali kaua Farani ma ka Akau, e makaala na koa i na wa a pau, ina no ke kaua aku me ko na aina e, a ina paha me ka poe hoohaunaele iho o loko o ka aina. 

 

KA HOPU WALEIA O KE GEN. FARANI.

     Baruseila, Feb 14--Ke hoopuka mai nei ka nupepa Echo du Parliament, ua kukalaia o Alegiere, e hoopuni a paa.  O Bressalles keia, ka Alihikaua Nui o ka puali liilii Helu 24, ua hopuia ma ka palena o Helevetia, a ua hoounaia mai i Liona, a mailaila mai i Bodeau. 

     Ua waihoia mai mawaena o na poai pili aupuni o Geremania, ua hooleia ke noi a Beritania, i kauoha mai ai ia Geremania, e hoike aku i kana mau kumu e kuikahi ai o Farani me Geremania. 

 

HOOPANEE HOU O BISIMAKA I KE

KAPAE KAUA

     Ladana, Feb 14--Ke hoike mai nei ka mea kakau o ka nupepa Ka Manawa ma Balina, ua ae aku la o Bisimaka, e hooloihi hou aku i ka manawa kapae kaua, i hookahi hebedoma, a ua hana ae likeia, mamuli o na kumu o ke kulana o na koa. 

     Ke olelo mai nei ka mea kakau o ka nupepa Telegarapa, ma Vaseile, aole he oluolu pono o ke ola kino o ka Emepera.  Ke koikoi nei oia e komo iloko o Parisa.  Ke hele ino nei na hoomakaukau nui no ke kaua.  O na pukuniahi nunui o ka papu o Valerian, ua ulupaia iho la a ku ilalo. 

 

PAPA WALEIA NA ALANUI KAA-AHI

     Lille, Feb 14--O na alanui kaa ahi e lawe olelo ana me Parisa, ua papaia mai nei ka nui; a o na kaa ahi e holo aku ana iloko o Parisa, ke papa ia mai nei e na Perusia e ku; aka, o na kaa ahi e holo ana mai Parisa a i ka Akau, aole keakea wale ia. 

 

E KOHO BALOTA HOU ANA O PARISA.

     Ladana, Feb 14--E makemakeia ana e koho balota hou o Parisa, i komo ai o Favre, Ulika, Fonirlle, Fa@dherbe, Conchin a me Gambier, ka poe aohe i loaa ka hapanui. 

 

KA MOOLELO O KA AHA ELELE O PARISA.

     Bodeau, Feb 15--I keia la, ua lilo ka hale i ka nana ana i ka hookohuia o na hoa i kohoia mai.  O na koho balota ana ma Al@@se a me Lorraine, ua heluheluia mai, a ua lilo ia i mea hookipa oluolu loa ia, me ka pumehana a ke aloha no ia mau apana aina.  Ua hoike mai ka Peresidena o ka Hale, apopo e homaka ka hale i ka hana ana i Kumukanawai no ke aupuni hou. 

     I ka haalele ana o na hoa i ka Ahaolelo, a hoi aku, ua h@na mai lakou e na makaainana.  O V @@@ H@g@ ame ka mea oi loa aku o ka makemake a me ka huro ia e na kanaka. 

 

HOI O FAVRE I PARISA.

     Parisa, Feb 15--Ua hoi mai o Favre i loko o ke kulanakauhale i ka po nei mai Bodeau mai.  Ua pahola ka maluhia maluna o ke kulanakauhale a pau. 

     Ua waiho mai o Gen. Clement Tamaki i kona noho'na Alihikaua, no na koa kiai Lahui, a ua paniia aku e Gen. V moi ma ia hakahaka. 

 

PIO O BELFORT.

     Djon, Feb 15--[Ma ka waea olelo Elele]--Ua haawi pio mai o Belefota, e ae ia aku ana na koa kiai e puka aku iwaho, me na hanohano o ke kaua.  Ua pahola loa ia aku ke kapae kaua a hiki i na okana aina o Cote, D' Jura a me Doubs. 

 

KUE NA NUPEPA KE KOMO AKU NA GEREMANIA ILOKO O PARISA. 

     Ladana, Feb 15--Ua hele na nupepa o Parisa a piha i ke pioloke.  ke kue mai nei na nupepa La Reforme, i ke komo ana mai o na koa Geremania iloko o Parisa, a ke hoike mai nei, he hookahe koko nui ana ke ulia ana.  Ke kukakuka mai nei hapanui o na nupepa me na kamasina, e noho no na kamaaina ma ko lakou mau ipuka hale, a e kau i na kalepa kanikau, i ka wa o na koa Geremania e komo mai ai a hele hookahakaha.  He nui na manao kuee i puka ae.  He nui ka huikau o ka hoolawa ana i ka ai, aka, ke hapa mai nei hoi ka poino.  Ke hoounaia nei na leta i silaia iloko o Parisa. 

 

HE KAMAILIO NA BAZAINE ME KA MEA KAKAU NUPEPA ELELE O NU IOKA.

     Mai ka mea kakau mai o ka nupepa Elele i kakauia ma Cassell, i loaa mai ai na kamakamailio ana a Generala Bazaine me ua mea kakau nupepa la malalo iho:

     Ua olelo ka Ilamuku, ua oi aku kona mahalo i ke Keiki Alii Ferederika Kale, no kona koa a wiwo ole.  A mamua o ko ua Keiki Alii nei kaawale ana mai Meza aku, ua hoopuka mai oia i kona manao ia'u penei: "Ina e hoopilikiaia ana kou ola kino, e kahea koke mai ia'u e pale aku nou."

     Ua pale ke Generala iaia iho mai na hoahewa pili kino aku, ka mea ana i hoomaopopo ai, aole oia e hoahewaia--"i mea e oki pu ai, ua waiho au i ko'u mana no ka manawa.  Ina e kapa mai o Gamabetta ia'u, he kipi au i ko'u aina iho, aole loa au e ekemu iki aku ana i keia walaau wale, ka me i honi ole i ka hohono o ka pauda--aole loa no au e hana wale aku, aia wale no na ke Akua.  Heaha la ka'u e kamailio aku ai iaia?  A ina anei au e ekemu aku, alaila, uhi mai kona mana e noho Lunakanawai mai maluna o'u?  Na ka manawa e hoomoakaka ae i ke ala e hana aku ai, a ike pono ia ka oiaio a me ka pololei."

     Mea kakau nupepa--Ua kukala aku anei oe i ka Ripubalika maloko o Meza?

     Bazaine--Aole; oia kukala ana aku, he mea ia e hoololo ai i na hana a pau.  Aole au i helu hou a hoololoiahili maluna o ko'u mau koa maikai a ikaika.  I ka manawa i lawe mai ai ko'u mau kiu i ka nu hou kaumaha o ke pio nui ma Sedana, hoouna aku la au i na ninau i ke Keiki Alii Ferederika Kale, e hoike mai, ina paha he oiaio.  Ke hoike aku nei au, aole loa au i manaoio i ka ke Keiki Alii hai ana, aia wale no kuu manaoio ana, a i kona hoike ana mai i ka nupepa Journal Officiel.  Ia wa, hai koke aku la au i ko'u mau koa, ua pio ka Emepera, a ua laweia aku la oia he pio, a o ka Emepera WAhine a me ke Keiki Alii Lui, ua haalele iho la ia Farani, a ua ku ae la o Generala Trochu, ma ke poo o ke Komi-