Ka Nupepa Kuokoa, Volume IX, Number 49, 3 Kekemapa 1870 — Page 1

KA NUPEPA KUOKOA

KE KILOHANA POOKELA NO KA LAHUI HAWAII

BUKE IX.    HONOLULU, DEKEMABA 3, 1870.                      NA HELU A PAU 470

 

KA NUPEPA KUOKA,

HOOPUKA MAU IA MA HONOLULU

kela Poaono keia Poaono.

$2.00

No na mahina he Umikumalua!

$1.00 no ona mahina eono,

ME KA HOOKAA MUA MAI.

 

NA OLELO HOOLAHA – aole i oi mamua o 10 laina no ka hoopuka hoookahi ana, $1.00; alua komo ana, he $1.50; hookahi malama, $2.00. E uku mua ia mai ke dala o na olelo hoolaha a pau e hoounaia ana mai e pai.

KANIKAU – he 4 keneta no ka lalani hookahi – penei: he 25 lalani, $1.00; 50 lalani, $2.00; a pela’aku.

KA UKU NO NA OLELO HOOLAHA – ka uku pepa, a me ka uku o ke Kanikau, e haawiia no ma ka lima o na Luna o ke Kuokoa, a i oleia, e hoouna mai ia Kauka Kulika.

NA UKU PEPA A PAU E HOOKAA MUA MAI NO – aole e kuia ka inoa o kekahi haole a kanaka maoli paha. ma ka inoa o ka poo lawe pepa ke ole e hookaa e mai mamua. E pono ke hiipoiia keia mau rula, no ka mea, he emi no ka auhau no keia nupepe.

AIA KE KEENA O KA NUPEPA KUOKOA – ma ke keena i noho mua ia iho nei e J. W. Aukina, ma luna ae o ka Hale Leta. O ua hora hana, mai ka eiwa o kakahiaka, a i ka ha o ke ahiahi.

 H.M. WINI. Luna Hoopuka.

 

“KA NUPEPA KUOKA.”

In published in Honolulu

EVERY SATURDAY,

$2.00 per annum, or $1.00 per six

months, in advance.

 

ADVERTISEMENTS not exceeding 10 lines, inserted once for $1.00 price or $1.50 : and $2.00 for one month; all advertisements must be paid in advance.

KANIKAUS will be charged 1.00 per page, or 4 cts. A line.

PAYMENTS FOR ADVERTISEMENTS, Subscrptions or Kanikaus, may be paid to any of the Agents of the Kuokoa, or may be enclosed in a letter to the Publisher.

ALL SUBSCRIPTIONS must be PREPAID. No names, either foreigners or natives, will be inserted on the subscription list, until paid for. This tale must be strictly adhered to, on account of the low subscription price

THE OFFICE OF THE KUOKOA over the Post Office. Office hours from 9 AM to 4 PM.

            H M WHITNEY, Publisher

Bound Volumes of the KUOKOA, for sale at the office @ the Bookstore - $3.50 each.

Persons haveing complete sets of the above, can have them bound by paying $2.00 each.

DILLINGHAM & CO.,

NA

MEA HOOKOMO MAI A KUAI NA MEA HAO. NA MEA HANA OI . Lole, pena, Aila, a me na waiwai a pau.

Helu 95. Alanui Moi, Honolulu.                                                         427 6ms.

 

Noho Lio!                  Noho Lio!

O NA HANA LIO MEKIKO A MAKEPONO LOA I @ me na ili Kaleponi, e loaa no ma ka Hale Hana Noho Lio o

DALTON & BLAUVELT,

430 – ly*                                                                                 Ma Alanui Moi, Honolulu.

 

OLELO HOOLAHA.

KE PAPAIA AKU NEI NA MEA A PAU O PAPAAKOKO me Haleaha, na aina e waiho ana ma Koolauloa, Oahu, aole e hookuu wale i ko lakou mau holoholona maluna i na wahi e hoikeia ae la maluna, ina e komo hewa ka Lio, Bipi, Hoki, @. Miula, e uku lakou pakahi dala, ($1.) ina e hoopau i na mea kanu, e uku hou no e like me ka nui o ka poino a poho. A ina he Hipa, Kao, Moa, he hapaha pakahi no ke poo, a ina he Manu Kaka, he hapalua pakahi no ke poo, a ina he kanaka kuleana ole. aole hiki iaia ke hele ma na wahi i hai ia ae la maluna, a i na e ku-e kekahi, e uku no ia no ke komo hewa $1.00 E hopu no ka maua mau Paniolo, oia o Pamawaho me Kauahikaua.   AKOWAI, AHUA, NUO, Pake.

            Haleaha, Koolauloa, Ian. 22, 1870.                                                    426 – ly

 

HALE PAI KII!

AIA KO’U HALE PAI KII MA

MONIKAHAAE,

Mawaena o ka HALEKUAI BIPI a me ka HALEKUA MEA AI o S. SAVIDGE ma ke Alanui Papu. He emi loa ke kumu kuai o na KII.               H.L KEIKI (CHASE.)

            422-ly                                                                                      Mea Pai Kii.

 

NA LAAU LAPAAU

A DR. JAYNE.

OIA NA

LAAU KUNU,

LAAU HOOPAU NAIO ME NA KOE,

LAAU HOOPAA HI,

LAAU HOOMAEMAE KOKO.

LAAU HAMO – PENIKILA,

HU’ALE OLA.

AIA MA KAHI O

KAHELE me KUKU,

Honolulu.                                                                                                        422.

 

NA BUKE

HOOLAHAIA E KA PAPA HAWAII.

Baihala Hemolele Nui ili gala nani me na kuhikuhi ma na aoao........................$12 00

“                                              ”                       Nui ili eleele kaekae wai gula......  5 00

“                                              ”                      uku iki iho, “                       ” .......  8 00

“                                              ”                        Pananaiki iho ili elele................... 4 00

Kauoha Hou ili gula nani me ua kuhikuhi ........................................................... 3 00

“                                              ”                       eleele kaekae wai gula ................. 1 00

“                           “                 “                                                               ...................   75

Kauoha Hou Hapa Haole ......................................................................................   75

Lira Hawaii 1848 me ke kanawai .........................................................................   25

         “         “ 1855 ................................................................................................   25

Moolelo Ekalesia ..................................................................................................   50

Halao ili lahilahi ...................................................................................................   10

Hele Malihini ana .................................................................................................   25

No ko ke Akua ano ...............................................................................................   25

Lira Kamalii ..........................................................................................................   25

Hoike Palapala Hemolele ......................................................................................  25

Moolelo o Heneri Opukahaia ................................................................................   25

Eoike Akua ...........................................................................................................   25

Wehewehehale .............................................. .......................................................   25

Ninau Hoike ili manoanoa ....................................................................................   25

“          “         “  lahilahi ........................................................................................   10

Kumumua Kula Sabati ..........................................................................................   10

Buke Lawe Lima ...................................................................................................   10

He Buke no ka Pope ..............................................................................................   10

Ui Kula Sabati Helu 3 ............................................................................................   25

“    “         “          “    4 ............................................................................................   05

“    “         “          “    5 ............................................................................................   25

Buke Euanelio a Ioane ............................................................................................   10

Himeni .....................................................................................................................   50

Himeni ili nani .........................................................................................................  1 00

 

Na kauoha Hou Pakeke.

HI Gula nani ............................................................................................................ 1 50

Hi eleele kaekae nani ...............................................................................................   50

Hi eleele ...................................................................................................................   50

 

Kauoha Hou Pakeke me na Halelu.

Hi Gula nani ............................................................................................................. 1 75

Hi eleele kaekae wai gula .........................................................................................   80

Hi eleele ....................................................................................................................   50

 

Na Halelu Pakeke.

Hi Gula nani ..............................................................................................................   50

Hi eleele kaekae wai gula ..........................................................................................   30

Hi eleele .....................................................................................................................   20

 

Eia na buke haawi wale.

Palapala Liilii –

Helu 4 – Makemake anei oe i ke ola ?

Helu 6 – E hele i o Kristo la.

Helu 7 – Ka hoi ana mai o ke Keiki Uhauha.

Helu 11 – No ka hoohiki wahahee i ke Akua.

Helu 16 – Ka eehia ana o ka Ahaaina a ka Haku a ma ka Bapetigo ana.

Helu 17 – Mai hana ino i na holoholona.

Helu 18 – No ka mahi ana, kuai ana a me ka inu ana i ka Awa.

Ka Davida Malo Kumumanao.

Ka Moolelo a Batimea Puaaiki.

J. F. POKUE,

Kakauolelo o ka Papa Hooko o ka Ahahui Puaneli

ko Hawaii Pae Aina                                                  

 

NU HOU ANA NUI O KE KAUA.

Ko Bisimaka Naauao Maoli.

PIO ANA O MEZA me Bazaine.

UA KAPAIA O MOLEKE HE COUNT.

Na Inoa Hanohano i Haawiia ia Fredrick William a me Fredrick Kale.

KA HOOMAIKAI A KA MOI UILAMA I NA KOA.

NA NAAU MOKUMOKUAHUA O NA KANAKA FARANI.

HAULE PU KE KUIKAHI

Ka Pololi ma Parisa.

2,000 Pu kuniahi nunui a na Perusia i kau ma na Kulaua mawaho o Parisa.

 

KA NAAUAO O KA IAPAIOLE COUNA OTTO VON BISIMAKA.

            Ladana, Ock 25 – Mai ka mea kakau nupepa mai o ka Elele ma kahi hoomoana o ka Moi Uilama, i loaa mai ai keia:

            “Oct 19 – I keia la. ua loaa ia’u he manawa e lohe ai i ko Couna Bisimaka manao no na mea e pili ana i na ninau aupuni a me ke ano o na puali koa. Ua olelo mai kela, aohe i loli ae ko Perusia manao mai ka wa mai a Farani i aa mai ai e kaua a hiki i keia wa. Ua konoia makou e unuhi i na pahikaua me ka olioli, aka, aole loa e hoihoi hou ia iloko o kona wahi, a hiki i ka wa a Geremania e wailana ole ia ai e na kaua mamua aku nei a Farani e lele mai ai e pepehi a me na hoaano kaua a me na lili kuloko a kekahi mau aupuni makamaka e noho mai nei e aa mai ai e kaua me Geremania.”

            “Ua ake nui makou e lanakila, aka, ua waiho nae makou na ka ikaika o na lima e ao mai, heaha la auanei ka hopena kupono, mahope o ka pua ana o ke kaua. O ka hooko wale no i ko makou manao mai ka hoomaka ana mai o ke kaua. O ko makou mau koko, ua hookaheia, o na dala ua hoolilo nui ia, a o ka hoomanawanui no ke kaua, ua auamoia maluna o ko makou mau hokua ; a na ia mau mea a makou i manao ai, e hoihoi mai ia makou i ke kumukuai, no na lanakila i loaa ai makou i na wa i hala. A no ia mea, ke konoia mai nei o Perusia, aohe a lakou mea nui e ae e noonoo ai, o ke koi hou wale aku no i na aina o Geremania i ahaiia e Farani mamua, ma ke ano, he mau aina i lilo mai ia Geremania ma ka ikaika. Ua ake noo Perusia e kuikahi, aka, aia nae ka ae aku e kuikahi, a hooko paa loa ia ke koi a Geremania no keika noho ana aku.”

            I ka hoomaoeia ana aku, he hiki anei i na Geremani ke hooloihi aku i ka noho ana iloko o na hale lole, eia ka Bisimaka :

            “O na kanaka e hauwalaau wale nei no ka paupauho o na Geremania no ka noho ana maloko o na hale lua, he poe ike ole lakou. Eia ma ko makou mau lima na lako he nui loa ; o ka nui o ka hana, ua maalo ae. I ka wa e hoopaaia ai ke kuikahi e like me ka makou, aohe a makou mea e makau ai no keia mua aku.”

            I ka ninauia ana aku no na mea e pili ana i ke kapae ae i ke kaua no keia manawa, eia ka Bisimaka :

            “O na kamailio ana no ke kaua, ua pohihihi ke kuka ana no ke kuikahi. He makemake mau no o Perusia i na wa a pau e hoolohe aku i na manao no ka uwao ae i keia kaua, mai na wahi e mai he nui, ke alakai aku nae ka lakou mau manao hoikeike i ka hopena e hoopololei ai ia Farani, ma keia noho ana aku mamua. Aohe hoohalahala i na kumu kapae kaua e waihoia mai ai, ina mai ka Emepera pio mai a ina paha mai ke aupuni kuloko mai, ke ae ia ka makou, aka, ke manao nei au ano, he mea ole ke kuka ana no ke kapae kaua ke alakai ole aku e kuikahi.”

NA PERUSIA MA DAREAUSA.

            Ronancourt, Oct 25 – Eia na Perusia ma Dareasua, (Dreux) Okana aina o Eure et Loire, me 12,000 koa Perusia a me na kaa pukuniahi he nui wale. Ua lawe pu ae lakou ia Sana reme.

            Ke hakuepa nei na kanaka Farani, ua ki pu wale ia na paahao o Laona me ka luku nuiia e na Perusia, oiai o ka huina o na pio malaila, he 4,000. He imihala keia, a no ia mea, ua hoounaia aku he Elele e ninau pono, aka, eia la mahea ua Elele la i keia wa. Ua hoi mai paha me ka uku lele i ke poo.

UA PIO KE KULANAKAUHALE FARANI SCHELSTDA.

Ladana, Oct 25 – Inehinei, ua haawi pio ia mai o Schlestda i na Perusia puni hoopuni kulanakauhale, mahope o ke ki-poka pahuia ana me ke kaua hahanu loa. Eia ka nui o na pio, he 2,400 mau koa, a he 120 mau pukuniahi nunui.

            Ua ae ke aupuni ma Tours, e lawe heleia aku mawaho na mea a pau i papaia ma ka papa inoa o na mea i hookapuia, e lawe hele i Helevetia, koe hookahi mea nui, he cereals.

KA PILIKAI O KE KULANAKAUHALE FARANI MAISELE.

            Ladana, Oct – 26, O ka haunaele ma Mareilles ke nui loa aenei. Ke mahuahua loa aenei na kanaka Ripubalika, (kuokoa) a ke kukala akea nei lakou i ko lakou mau manao hoinoino i na poo aupuni ma Parisa a ma toua, (Tours) Ua pii ae ko lakou mau manao kipi a i ke kiekiena loa, e hookekena ana, a haawiia he makana i ka mea nana e oki i ke poo o ke Kuhina Kaua Farani no ka manawa. oia o Gambetta.

UA KAPAIA O GENERALA MOLKE E KA MOI UILAMA, HE COUNA.

            Versailles, Oct 26 – I keia la, ua hoomanao ae o Generala Moleke i kona la hanau, a i kona hiki ana aku hoi i ke kanahiku paa o kona mau makahiki o ke ola ana. Ua loaa aku iaia na hoomaikai ana he nui, mai ka Moi Uilama aku, ka Hooilina Alii na Keiki Alii e ae a me na Alihikua kaulana o ka Puali Kaua a me ke poo naauao hooponopono aupuni, e kaikai mau la i ka lima akau o ka Moi.

            Ua haawi aku ka Moi i ka inoa hoohanohano alii maluna o Generala Moleke, he “Couna.”

KE AU O BAZAINE MA MEZA.

            Ladana, Oct 25 – [Ma ka waea i ke Taribiure.] – I keia manawa, ke hilinai nei o Bazaine maluna o kona ikaika ma kona kulana, ma ke ano, aole ia i auhee, a eia hoi oia ma ke poo o ka Puali Kaua Farani i hookumuia mai Kinohi mai. Ke manao nei oia ua kupono oia e kuka no ka ninau nui e nonooia nei, oia ka hana i kuikahi, a o ka hoomau aku paha i ke kaua. Ke olioli loa nei oia e hookauia maluna ona ka mea hiki e hanaia ; hauoli loa hoi ke lilo i poo alakai no ke aupuni a ka enemi e kuka ai no ke kuikahi, me kona noho alakai mawaena o na aupuni elua – oia hoi na aupuni ma Parisa a ma Toua, a o kona mea makemake loa nae e hauoli loa ai, e aie o Farani i kana (ka Bazaine) kuikahi a me kona lanakila i hooko ai oia wale no. He manao hookano haaheo loa keia, aka, aole no paha e manaoia, o ke kuikahi maikai e hanaia ai, aole mai iaia mai, no kamea, e hana paha auanei oia i kuikahi no ke aupuni o Napoliona a kue hoi i ka manao lokahi o ka lahui a me ka aina.

KE KEIKI ALII A NAPOLIONA AIA I LADANA.

            Ladana, Oct 27 – Eia ke Keiki Alii a Napoliona maloko o keia kulanakauhale. Ua kakau iho nei oia he palapala loihi ma na nupepa o Ladana, e hoahewa ana i na olelo i puka ma ka nupepa “Nu Hou” e olelo ana, ua kue ka ia i ka Emepera Wahine a me ka Emepera Napoliona. Ua hoole loa ua Keiki Alii la, aole ia i halawai kino me na Elele elua a Bizaine i hoouna mai ai i ka Emepera Wahine. Ua hoike mau oia i kona manao oluolu i ka Emepera Wahine.

KE PIO ANA O MEZA A ME BAZAINE ME 10, 000 KOA FARANI.

            Nu loka, Oct 27 – Mai ka mea kakau mai o ka nupepa Taribiune mamua o Meza, i loaa mai ai keia moolelo malalo iho, o ka haawi pio ana o General Bazaine a me Meza me 150,000 koa Farani, i kakauia ma ka la 26 : “Elima la i hala ae, ua hoike kino mai nei o Genera Kopena, (Coffinier) ke alii koa nui o Meza a me na papu mawaho, ia Ilamuku Bazaine, aole e hiki iaia ke hoolako mai i ka Puali Kaua me na lako ai, a nolaila, e noonoo lakou iho. I ko Bazaine lohe ana i keia, hoouna ku la oia i ke kauoho i kona mau koa kiai mawaho loa aku, e ki hakahaka pinepine ana me na koa kiai o ka puali o ke Keiki Alii Ferederike Kale, e hooki i ke ki-pu ana aku, me ke kauoha pu aku, e hoopuuluulu ae ia lakou ma na wahi hoakoakoa ma na puulu pa umikumamalua a ma na iwakalua kumamaha paha, a i miki kokeia hoi e na Perusia ia wa, i mau pio. O na puuluulu mahuahua ae o ka houluulu ana, ua hoole lakou i ko lakou lilo pio ana aku. Ma ka auina la o ka la 24 o Okatoba, puai mai la kekahi lono mai Meza mai ma o kekahi alii koa la, i hopuia aku ma ke ano kiu e na Perusa e olelo ana, e ala mai ana kekahi haunaele nui i ka po iho mawaena o Meza ma kahi e koke ana i Garavaelotte. No ka hoole pinepineia o ke ano o Bazaine i manao ai e  haawi pio aku i kona puali ponoi wale iho no, ua ua manao ia e hoala i keia haunaele, i mea e hookoe ole ai i kekahi hapa o na puali kaua, aka hoi, i mea e hiki ai i keia mau waha ha-u i ka makani, e kolo aku ai mahope o na laina koa Geremaina, e pue maoli aku ai, e lawe aku ia lakou i mau pio, a e hoopaa iho paha i na koa kiai ponoi o na papu na lakou e kanaaho ka paa ana i na papu a haawi pio mai. I ka hora 7 o ke ahiahi o ka 24, loaa iho la ka pomaikai ma ka pue ikaika aku a Ilamaku Bazaine i ka hoohuli mai ia Generala Kopena ma ka olelo ana, he mea hoopono wale a he mea nui kona uku ana aku i ka hookahe ana i na koko ma ka hoolohilohi ana e paa hou aku i kekahi mau la ia Meza ma ke kaua. Nolaila, hoouna aku la o Bazaine he Elele imua o ke Keiki Alii Ferederika Kale, ma ka hai ana aku, o ka manao maloko nei o na papu, o ka haawi pio aku. O keia iho la ka makamua o na mea i hoike io ia mai i ke akea ma ka hui pu ana o na koa kiai o na papu a me ka Puali Kaua maoli. No ia mea, i ke aumoe, i ka wa no a na lihilihi o na maka o na koa Perusia e kuku ana me ka makala loa, hiki mai la ke kauoha mai ko lakou poo mai ma Garavelotte, e hoi a e hiamoe maloko o na hale lole e hooluolu.

            Ma ka hora 1 o ka la inehinei, (Oct 26) hiki kino mai la o Gerenala Kanagalia (Changalrier) mai Meza mai ma kahi hoomoana o Kale, a hookahi hora ko laua kukakuka ana me ke Keiki Alii. Mahope o ia manawa, puka aku la ua Generala Farani la, a hoi aku la me na helehele kaumaha, me ke noi mai i ke Keiki Alii Kale, e kala aku i kana mau huaolelo i pane ai ia Kale, no ka paakiki o ua Keiki Alii la.”

            “Mamuli o na mea i hooholia ma keia hooponopono ana, holo aku la o General Siela, (Stiehle) Kanela Von Hazeni, (Herzeanig) ka ukali poo o ke Keiki Alii Kale a me ka Puuku nui o ko ke Keiki Alii Puali, a i kahi o Nesiscory Chateau, he wahi ekolu mile ma ka hema o Meza, aia no nae ia wahi iloko o na laina koa Perusia, kahi a na Alihikaua Farani elua, me Humbert, ka helu 2 o na alii koa nui o na papu, i laweia mai ai e na koa Perusia hopuhopu i hoonohoia ai ma na wahi kiai. Mai ka hora 6 a hiki i ka hora 7 ka loihi o ka manawa o ke kukakuka ana, a o ka hope loa mahope o ko lakou kaawale ana, o ko lakou hooholo ana, o na kumu ano hoopaapaa, e pono no e noonoo hou ia ma ke awakea o keia la 27. No ka holopono o na mea i kukakukaia ai, no laila, ua kauohaia mai ka Puali Helu 2, e holo i Parisa i ke awakea o neihinei, a ua holo koke no i ke ahiahi molehulehu. I ka po-nei, ua houluulu ae na Puali i koe iho, ma na wahi kokoke loa aku i Meza, i mea e pale aku ai i ka holo aluka malu ana mai o na kanaka o Meza – oia iho la ke ano o ka Bazaine hoopaakiki ana a loihi. O na alanui mai Mars la Tour a hiki i Cowrcelles, a mai lovy a hiki i Meziere, o na wahi hoomoana lehulehu o na koa a pau, ua ho-aia e ka malamalama o na puku ahi a me na kukui. I ka hora 2 o keia wanaao, ua paa ae la na alanui i ka paholaia a me na kula palahalaha e na koa e nee papa aku ana. Aohe haunaele i ulu ae, a aohe mea mawaena o na puali koa i maopopo ka oiaio.

            O na mea poino o na waiwai i pio ma Meza, he 3,000 mau pu-kuniahi nuinui, 40,000,000 hapaha Farani i hookaawaleia no na lilo o ke Kaua no na Puali koa a me 20,000,000 hapaha farani no na luna aupuni o ko lakou mau waihona aupuni.

            Ua koho wale ia aku hoi e kekahi poe puni helu, he 45,000 ka nui o na koa o ke Keiki Alii Kale, i make, ku i ka poka a i loohia i ka mai, mai ka hoomaka ana mai o ka hoopuni ana ia Meza a hiki i kona lilo pio ana.

            Ke hoike mai nei na lono manene mai Meza mai i ka nui o ka weliweli o ka hoomanawanui ana o na koa o ka Puali Kaua a me na koa o luna o na papu o Meza, no ka mea, iloko o kekahi mau la he nui, he 4 wale no auneki palaoa i hanaiia no ke kanaka hookahi, a ua nele kekahi mau tausani i ka ai ole. O na io lio ka ai no kekahi mau la, a ua manaoia i loaa nui ka mai i na koa, no ka ai i nalio meeau i pepehiia, a no ka mea ole e ae e wae ai, no laila, ua ai me ka manao e hoopiha aku i ka pololi, aka nae, nui mai ka mai mahope. No ka nele kekahi i na wahi malumalu kupono ole e moe ai. O na kamaaina hoi, e make wale ana na wahine a me na kamalii i ka mea o ka pololi. He mea kupanaha ka hooloihi wale ana aku no ka haawi pio. Ma ka lilo pio ana o Meza, ua waiho molaelae mai imua o na Geremania he nui wale o na lako kaua, e hiki ai i na Geremania ke hooloihi aku i ke kaua e like me ka makemameka, aka, ma ka aoao hoi o Farani, he hokahoka. Ke hohola mai nei na lono, e holoi pau loa ia ana na koa i Geremania. Ke hapuku nei na Perusia i ka lawe mai i ka ai ma na aina e pili ana no ka Puali nui pio o Farani. Ua hoouna kokeia mai nei nae ka ai ma Belegiuma mai. Ua ae o Ilamuku Leboeuf i pio oia, a e laweia i Geremania, ua hoole i ka parola. E hele ana o Bazaine i kahi hoomoana i ka Moi Uilama, a malaila ae i Geremani. Ua maikai no ke kino o ke Keiki Alii Kale.

            Nu loka, Oct 27 – Mai ka mea kakau mai o ka nupepa Elele i loaa mai ai keia lono no ka haawi pio ana o Meza : “Ua teregarapa mai kou mea kakau mai Ostence mai, e hoike ana, ua hoikeia aku kekahi lono, aole loa ka Emepera Wahine e hana kuikahi me ka hoolilo i kekahi aina ia Perusia, nolaila ; ua hooho ae o Bazaine, e lawe ana oia i ka hewa maluna ona, no ka hana ana i kuikahi. I ka po Poakolu iho keia. Hoouna koke aku la o Bazaine he Elele Kuhina i kahi o Kale ma Pont a Mousson. I ka po iho, pii mai la ke Keiki Alii Kale i Chateau de Frezaty, a malaila i kakauia ai ke kuikahi haawi pio i keika kakahiaka nui, oia ka haawi pio ana o ka Puali Kaua a me na papu o Meza.”

O ka nui o na koa o Federika Kale ma ka la 20 o Okatoba, he 160,000 ke huiia na koa pukaa, kaua lio a me 2 mahele ko ku i ka wa.

NA KA MOI UILAMA I KA MOIWAHINE.

He palapala na ka moi Uilama i knoa Moiwahine :

            “Wahi hoomoana o ka Moi Uilama, Oct. 27 – Ua haawi pio mai o Bazaine a me Meza. He hookahi haneri a me kanalima tausani i lilo pio mai, ke hui pu ia me 20,000 koa i maia i ku i na poka o ka Puali Kaua a me na koa kini, i waiho iho i ka honua, i ka lakou mau mea kaua i keia auina la. O keia ka @ o na mea nui loa i haule mai iloko o keia kaua. E haawiia ua hoomaikai ana ana a pau i ke Akua,      Uilama.”

            Eia na waiwai pio ma Meza, i lilo mai i na Perusia : 53 hae, 541 mau pu-kuniahi nunui kaua no na kahua, he lako kaua no na pu-kuniahi he 85 mau batali, he 800 mau pu-kuniahi nunui loa kupono no ka hoopuni, he 86 mau Mitarelia, 300,000 mau pu kaupoohiwi raifela a me na pahi, 2,000 mau koa lio kana a me hookahi hale hana pauda.

            O kekahi hapa o ka Puali Kaua nui o Federika Kale, e hoonohoia ana ma Mexa a ma Toioneville, a o kekahi e hoonohoia ana ma Mexa a ma tioneville, a o kekahi e hoounaia ana i Farani waena.

            Na ka puali koa o Generala Taummer e kai hele ana i na koa Farani pio o Meza a hiki i Genemania, a na ia puali no e noho aku e kiai.

            Ua hoole o a Perusia, aole e ae ia e hookuu aku i kekahi alii koa i pio ma Meza ma ka palapala parola, no ka ikeia ana, ua hookuuia o Generala Ducarata ma ka parola aole e kaua mai ia Geremania, aku, i kona hiki ana i Perisa, ua hookohuia oia i Alihikaua, a ke lawelawe pu nei i ka oihana koa.

            Ladana, Oct 27 – I keia la, ua ku ia na pu-kuniahi hookahi haneri ma Balina, no ka hauoli i ka haule pio ana mai o Meza, ka oi o na papu paa o Farani ma ka hikina e pili ana ia Gereania.

KOMO NA KOA A PERUSIA I LOKO O MEZA.

            Ladana, Oct. 28 – Apopo, e komo aku ana na Perusia a noho iho ia Meza.

            Ua hoouna mai ka mea kakau o ka nupepa Manawa o Ladana mai Balina mai, ua hoole na Farani i na kumu a Geremania i waiho aku ai no ke kapae ana i ke kaua, aka, ina ae paha lakou e lohe aku ana i ke pio ana o Meza, aole anei lakou e hooulu mai ana e noonoo hou no ke kapae ae i ke kaua ?

HOOHANOHANOIA O FEDERINA KALE.

            “Wahi hoomoana o Uilama, Oct 28 – Ia oe e ke Keiki Alii Federika Kale : Ua kali iho nei au i na nu hou, a ua loaa mai nei i keika po ke pio panui ana o Meza, mamua o ka haawi ana aku o kou makua i na hoonani ana a me na mahalo ana a pau i kou ike puni a me ka hoomanawanui mamua o ka loaa ana o ka lanakila o ka hoopuni paupauaho ole ana iloko o ka inea, i ka Puali Kaua nui o Bazaine. O ia luhi a’u e mahalo aku nei ia oe. ke mahalo pu aku nei no hoi au i kou mau koa no ka hoomanawanui like ana mamuli o ko lakou manao loa ; a ke hoike mai nei oe a me kou puali. he mea like ole ma na moolelo o ke ao holookoa. O na mea a pau i haulehia iho mamua o Meza, ke hoopaa mai nei ia i ka hanohano a me ka nani lua ole o kou puali. E haawi koke iho oe i ko’u aloha i kou mau koa. I mea e hoohanohano aku ai ia oe no keia hana nalo ole, ke hookohu aku nei au ia oe, i Ilamuku Nui no ke Kahua Kaua, he hoohanohano like ana a’u i haawi koke iho nei maluna o ko hoahanau ka’u Keiki ponoi.                                         Uilama.”

NA HANA MA FARANI.

            Ladana, Oct 28 – Ua loheia na ki-pu raifela nui ana i keia la, ma na wahi kokoke aku i Parisa mawaena o La Villette a me Montmarire. O na Geremania i noho ai ma Versoul me ka heluna nui, ua haalele iho, a ua hele aku la i Gray – sur – Saone. No keia nee hikiwawe ana o na Geremania mai ke awawa o Saone, ua hooulu ae ia i ka manao, o na kapuai mua keia e hoaola, e hele i Liona.

HE LONO AUPEE NO NA PERUSIA.

            Bourger, Oct 28 – Ua hoea mai kekahi olelo waea mai Basle mai, e hoike ana, ua auhee ino na Perusia ma waena o Seltard a me Besancon. Ua auhee aku lakou me ka holo ee, me ka lawe pu ia aku he 53 kaa i piha i ka poe a eha, a waiho iho la, he 1,000 poe make ma ke kahua kaua.

NA KUMU O KE KUIKAHI O KE KAUA I HOOLEIA.

            Nu loka, Oct. 28. – Ua hoouna mai ka mea kakau o ka nupepa Honua mai Ladana mai i na kumu e kapaeia ai ke kaua, a penei no ia :

            Akahi. – O ke kumu kupono imua o ke kulana o na koa, e hoomaluia e na hooponopono ana e alakai aku ai i ke kuikahi.

            Alua. – E paa na aupuni kaua i na kulana a laua e paa nei, me ka hoonioni ole o kekahi a me kekahi mahope iho o ke kakauia ana o ka haawi pio.

            Akolu. – E ae ia o Parisa e hoolako ia i na mea ai i hookahi la.

            Aha. – E ae ia na latitu a puni ka aina, e koho i ko lakou mau elele hana kumukanawai iloko o 20 la.

KA HOOMAAUEA O KE KUHINA FARANI GAMBETTA.

            Tona, Oct. 29. – No ka pioioke o na kanaka no ka lono ua pio o Bazaine, ua hoopuka ae ke Kuhina i keia olelo kuahaua :

            “Ua loaa mai ia’u na lono kupapau (polopolona) he lehulehu, aka, o ka hoike aku nae ma ke ano pili aupuni, aole e hiki. Ke olelo ia mai nei ua pio o Meza. Ina pela, alaila ua pomaikai. Ua ike pono oukou imua o oukou i ko oukou aupuni – o kela lilo pio ana aku la, oia ka hopena a ke karaima. o na haku hana paewaewa, o ia hana ua ku i ke kanawai. E kupua oukou e pale aku i na mea e ala mai ana. Aohe mea nana e hoonioni ae i ko kakou manao oni paa ma keia haawi pio kolohe ana. Eia no ke paa nei hookahi kumu e hiki ole ai ke haawi pio – oia ka Ripubalike o Farani.”

HOIKE KE PIO O MEZA IA NAPOLIONA.

            Balina, Oct. 29. – Ua hana aku ka lono o ka haawi pio i ka Emepera Napoliona. I ka lohe ia ana, ua kapaeia na mea hana a ko Napoliona poe ponoi.

KE KENA ANA IA PANISA E HAAWI PIO MAI.

            Balina, Oct. 29. – Ua hoopuka ae ka nupepa Kreus Zeitullg, o ke kena hope e noi aku ai e haawi pio mai, ua hoounaia aku i na mana koa iloko o na papu o Parisa. O na Pomeraniana i hoopuni iho nei ma Meza, ua kauo ia aku la i Parisa.

            NA INOA HOOHANOHANO I HAAWIIA I NA KEIKI ALII FEDERIKA UILAMA A ME FEDERIKA KALE.

            He palapala na ka Moi Uilama i kona Moiwahine ma Balina, e hoike ana penei :

            “Versailles, Oct. 29. – No ke auhulihia ana o na puali koa nui a ikaika loa elua o ka enemi, ke kena mai nei ia ia’u, e kau aku maluna o na Alihikaua nui elue o kakou, ia Federika Uilama a me Federika Kale, i na inoa hoohanohano kiekie loa o ke aupuni Emepera 0 he Ilamuku no ke Kahua Kaua – o keia ke keehina mua o na hoohanohano iloko o ka moolelo o ko kaua ohana.    Uilama.”

KA OLELO KUAHAUA A KE KUHINA O NA FARANI.

            Toua, Oct. 30. – I ka ponei, ua hui ae he ahakuka o na koa, a ua kukakuka lakou a hala loa aku i ke kulu o ke aumoe. Ua hoopukaia ae keia olelo kuahaua i keia kakahiaka :

            E na kanaka Farani : E ae ae ko oukou mau manao iluna a e hooholo i ke kiekiena weliweli o ka make, i puka aenei maloko o ka aina laa mau loa. Ke kau mau nei no maluna o kakou ka heluia ana mai o ko kakou paa i ke kaliki, e hoike aku hoi i ke ao, owai la ka lahui nui e ae i hooholo e make, a i kawowo ae ko lakou ikaika iwaena o ka noke a ka popilikia, (ahulau). Ua lilo pio o Meza! O ka Alihikaua a Farani i paulele ai ma Mesiko, ua kailiia aku la mai ka aina aku iloko o ka maewaewa me ka haneri tausani a oi ne o ka poe ikaika e kue aku i ka enemi. Ua kumakaia mai nei o Bazaine ia kakou. a me ka manao ole i ka hanohano o ka puali kaua nui ana e paa ana, ua haawi aku oia he pio me ka noonoo ole i ka hopena kupono, me na koa he 120,000 i kupono no ka hakaka ame 15,000 i eha, me na pukuniahi, na hae aupuni a me ka papu ikaika loa o Farani – O Meza ka Virigini, ua haule aku la iloko o ka lima o ka malihini nona iho. O ka hoopai o keia karaima, aia maluna o ka hoopai ana o ka pono.

            Ano e na kanaka Farani, e kaana ae oukou i ka hohonu o ka haule ana o ka aina a oukou e ike maka nei. He 20 na makahiki ka paa ana a Farani i keia mana hooponopono aupuni popopo wale. (aupuni Emepera) i hookaumaha i ka puapuai ana ae o ka waiwai o ka aina a me ke ole o ka lahui. Ua maihiia aku la ka puali kaua o Farani mai kona ano wiwo ole ae, a ua lilo ae la me ka ike ole i ka hopena, i poe paaua, a ua alapohoia aku la lakou aa e kaua ma ke ano koa. Ma ke ano kipikipi o na Aliikoa, aole i elua malama, haawi wale ia aku la iloko o na lima o ka enemi, (Perusia) he 250,000 koa.

            O ka manawa keia a kakou e kuku ae ai ia kakou e na kamaaina, malalo o ka Kipubalika i ka mea a kakou i hoopaa ai, aole e haawi pio aku maloko nei a mawaho, i mea e hookunana ai i ko kakou mau hooponopno pili aupuni, anaina a me na pono o ke kanaka. No ia mea, e hoao kakou me ka make. E makau ole kakou no ke ahulau a me ka luku nui a mai pihoihoi. E hoike ae kakou ia kakou ua makaumau no ka mohai ana i ko kaku mau ola, ai mua hoi o na papalina o ka enemi i hoopomaikai mau ia. E hoohiki kakou aole e haawi i hookahi iniha o ka aina laa o Farani malalo o ko kakou mau manamana wawae i ka enemi, e like me ka loihi o ko ka enemi noho ana mai. E puliki kakou a paa i na hae o ke aupuni kaua o Farani :

            O ka kakou kumu, o ka hoopololei a me ka hoopono. E ike ana o Europa, me ka loaa ole aku o na kono mai a kakou aku, e hoolana. O farani wale no ia e hele nei, a ke hoomaka ae nei ia e hele kukohana. Mai hoonawaliwali kakou ia kakou iho a mai hoononohua. E hoao kakou ma ka kakou hana ana, ua hiki no ia kakou ke malama i ka hanohano, kuokoa, hoopono a me na mea a pau e hiki ai ke haaheo no ka kakou aina no ka lanakila. E ola loihi ka Ripubalika.     Cremieux

                                                                        Glais – Bezoin

                                                                        Gambetta.”