Ka Nupepa Kuokoa, Volume IX, Number 43, 22 ʻOkakopa 1870 — E hana me ke Aloha. [ARTICLE]

E hana me ke Aloha.

E ka Nupepa Kuokoa e ; Aloka. oe: E eluolu oe e uila ae i keia mau hua e kau ae la maluna, i ike mai na luna, na Mal kai mai Hawaii a Kauai, no na mea e pili ana i ka poe loohia i ka mai Lepeni, i kapaia mai Pake. Ua hooholoia ke Kanawai no ke kaohi ana i ka mai lepera i kapa nuiia e Hawaii nei he mai Pake, ua hookoin ke Kanawai, ua ikeia eia i Kalawao Molokai nei kekahi poe, aia no hoi ma na home kekahi kahi i lolii ai, nolaila, ua ike nui ia ka pilidia e makou e noho aku nei i ka aina maknmaka ole, e nakulukulu nei na waimaka aloha aina, aloha, makua, kuaana, pokii, a me na kini no a pau. Ua ike nuiia ka nele o kekahi poe no ka moena, iiuewai, umeke, pa, puna, o, ipuhao, a pela aku, eia ke kumu nui o keia pilikia, i ka iawe ia ana mai o na (mai) mai ko Jakou home mai, ua hanaia me ka pupuahulu loa, me ka olelo aku i ka mea i loaa i ka mai, i keia wa ku a hele koke, mai lohi, mai apa, no ka mea, ua olelo mai ka luna Makai nui ia'u, e kii oe ia mea lawe koke mai, pela ke kauoha, nolaila ku a hele, o ka heb iho la no ia ; o na wahi welu lole wale no ke hiki, koe na iako pono o ka noho ana lako hale, aina, na mea kanu, na lako lawaia a pela aku. Ia wa no aole i īke kekahi i kona ohana, ua haule iho la na ukana luuluu kaumaha ku-hohonu. Nolaila, i ka hlki ana mai i Kaiawao nei, ua noho aku kekahi mai maiaio o kekahi mai me he ano Kela moku la. Ika noho ana i kahi o ka mea hale a molowa, o ke kipaku ia aku ia no ia. peia kekahi poe e hana ia nei i keia aina makua ole. Ua manao nae ka hapa nui o ka poe i ioohia i keia mai, ua like me Haukihila Moiwahine, oia paha kekahi mea i hele wale mai ai, nolaila, aole e pono ka poe i loohia i keia mai ke hele wale mai me ka nele i keia inau mea i hai mua ia maluna, o pilikia auanei. la eukou hoi e na iuna Makai e noho ana mai Hawaii a Kauai, e hana oukou e like me ke aioha i like pu me ke poo maluna. Oiai, o ka poe i loohia i keia mai, aole ola hou ana, aole no hoi he manao e hoi hou aku ana i kona home mua, o kona aina keia e noho ai a haule aku. Me ke aloha. S. K. P. Koai. Kalawao, Oct. 13, IS7O.