Ka Nupepa Kuokoa, Volume IX, Number 41, 8 ʻOkakopa 1870 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

 

Ke Kuokoa, Honolulu, Okatoba 8, 1870

 

Ka Nupepa Kuokoa.

Dawn O Golden Glory.

Sabbath Carols-p 88.

1.   E ke kiai, e hai mai,

La`u e kali uwe nei,

Ane anei e hee ae

Ka pouli, a ao mai!

Pane.-Nana, e kuu hoa e,

Ke pii ne ka La lailai;

Ala koi a la lamo no

E ao ai a hee ka po.

Cho.-   E ao ka La olino e!

E ao po hoi ka Iubile!

Lama nani! pii a mau,

I ao loa ke ao a pau.

2.   E ke kahu, e hai mai,

la`u e kali uwe nei,

Ua kokoke mai nei

Ko ke ao nei Iubile !

Pane.- Nana, e kuu hoa e,

Ina hoailona nei,

Lohe nui, huli mai,

Ko na aina, ko na kai.

Cho.-  E ao ka La olino e!  &c,

3.   Kamea ohi, e hai mai,

la`u e kale uwe nei,

Ane anei I hala`e,

O ka wa e ohi ai?

Pane.- Nana, e kuu hoa e,

Oo loa no na kihapai,

Ohi hou a ohi mau,

A maha`e ke pau ke ao.

Cho.-  E ao ka La olino e! &c.

HAWAII.

Moolelo o ka Ahahui Euanelio o ka

MOKUPUNI O OAHU.

Halawai ka Ahahui Euanelio o ka Mokupuni o Oahu ma Waimanalo, I ka hola 10 A.M. o ka la 14 o Sep. A.D. 1870.

Hoomakaia ka hana me ka Haiao ia Rev. H. H. Paleka, aia ma Luka 16: 26,- Ma hope o ka pau ana o ka Haiao, ua hoomaluia ka hale. Pule a Rev. H.H. Paleka. Hoomaopopoia na lala a me na hoa i hiki mai:

Eia na lala a me na hoa I hiki mai; No Kawaiahao, o Rev. H.H. Pareka ke Kahu, o Nailipelapela ka Elele. No Kaumakapili, Rev. A.O. Porebe ke Kahu, D. Nuhi ka Elele. No Kalihi me Moanalua, S. Paaluhi ka Haiolelo, Oleloino ka Elele. No Ewa, Kamai ka Elele. No Waianae, Rev. A. Kaoliko ke Kahu, Kekilo ka Elele. No Waialua, Rev. J.N. Paikuli ke kahu Haumu ka Elele. No Kahuku, Rev. J. Kekahuna ke Kahu, J.B. Nakea ka Elele. No Hauula, Rev. H. Kauaihilo ke Kahu, G.W. Punihele ka Elele. No Kahuna, Rev. E. Kekoa ke Kahu, J.L. Naili ka Elele. No Waikane, Rev. P.W. Kaawa ke Kahu, Puuweuweu ka Elele. No Kaneohe,- o kekini ka Elele. No Waimanalo, Rev. S. Waiwaiole ke Kahu, J. Kane ka Elele. No Wailupe, D. Kekiaokalani ka Haiolelo, Kawai ka Elele.

Na lala mau, P. Naone me S.N. Kaholokahiki.

Ma ke noi a Rev. A. Kaoliko, kohoia o Rev. E. Kekoa I Luna Hoomalu; a o Rev. J. Kekahuna I Kakauolelo.

Ma ke noi a H. Kauaihilo, kohoia na Komite mau.

EIA KA NUI O NA KOMITE.

Na Komite Imi Hana o A. O. Porebe, A. Kaoliko, J.N. Paikuli.

Na Komite Haawi Kumumanao, H.H. Paleka, S. Waiwaiole, P.W. Kaawa.

Na Komite Pai Moolelo, H.H. Paleka, J. Kekahuna.

Hoike hapa mai ke Komite Imi Hana, I na hana a ka Aha e hanai.

1.   Na Hoike Kihapai.

2.   Na Haawina Kumumanao.

3.   Na Palapala Hoopii.

Hoaponoia ka hoike a ke Komite.

Hoike mai o Rev. H.H. Paleka, no ke Kihapai o Kawaiahao.

Hoike mai o Rev. A.O. Porebe, no ke Kihapai o Kaumakapili.

Hoike mai o Mr. Oleloino me S. Paaluhi,

No ke Kihapai o Kalihi a me Moanalua.

Ma ke noi a Rev. A.O. Porebe, ua paipai aku keia Aha i ka Ekalesia o Moanalua a me Kalihi, e malama pono lakou i ke ola o ko lakou Haiolelo.

Hoike mai o Kamai, no ke Kihapai o Ewa.

Ma ke noi a Rev. S. Waiwaiole, ua koho keia Aha ia D.P. Aumai, a me G.M. Keone, a me T. Kaehuaea, i mau hoa kuku pu no keia Halawai.

Ma ke noi hou ana mai a S. Waiwaiole, ua hoopaneeia ka halawai a ka hora 1 P.M. Pule o P.W. Kaawa.

Hora 1 P.M., ua hoomaka ka hana me ka pule a J.N. Paikuli.

Hoike mai o Rev. A. Kaoliko no ke kihapai o Waianae.

Hoike mai o Rev. J.N. Paikuli no ke Kihapai o Waialua.

Hoike mai o Rev. J. Kekahuna no ke Kihapai o Kahuku.

Hoike mai o Rev. H. Kauaihilo no ke Kihapai o Hauula.

Hoike mai o Rev. E. Kekoa no ke Kihapai o Kahana.

Hoike mai o Rev. P.W. Kaawa no ke Kihapai o Waikane.

Hoike mai o Mr. Kekini ka Elele no ke Kihapai o Kaneohe.

Hoike mai o Rev. S Waiwaiole no ke Kihapai o Waimanalo.

Hoike mai o D. Kekinokalani ka (Haiolelo) me Kawai ka (Elele), no ke Kihapai oWailupe.

Hoike mai o P. Naone no kona wahi Kihapai.

NA KUMUMANAO.

Heluhelu mai o P. Naone I kona haawina.

Heluhelu mai o Rev. P. W. Kaawa I kona haawina.

Heluhelu mai o Rev. H. Kauaihilo I kona haawina.

Heluhelu mai o Rev. J. Kekahuna I kona haawina.

Heluhelu mai o Rev. A.O. Porebe I kona haawina.

Ma ke noi a J.B Nakea, ua hooholoia e hoolahaia keia “Kumumanao” ma ka nupepa.

Heluhelu o S. Paaluhi i ka haawina a ka Ekalesia o Kalihi a me Moanalua.

Heluhelu mai o Kamai i ka haawina o ka Ekalesia o Ewa.

Heluhelu mai o Rev. E. Kekoa I kona haawina.

Ma ke noi a Rev. A. O. Porebe, e hoopa-neeia ka hana apopo hora 9 A.M. Pule o H. H. Paleka.

Sept. 15, 1870. Halawai ka Aha ma ka hora 9 A.M.  Pule o Rev. E. Kekoa.

Heluheluia ka moolelo o ka la i hala.

Hoaponoia ka moolelo.

Lilo ka Hale i ka noonoo ana i na Palapala Hoopii o Kalihi me Wailupe.

Ma ke noi a A. O. Porebe, ua hooholoia e ao aku keia Aha i ka Ekalasia o Kalihi a me Moanalua, ma o ka Luna Hoomalu la, E hooponopono hou lakou me ko lakou Haiolelo, no ka hoolawa ana I kona ola.

Ma ke noi a Rev. J. N. Paikuli, e hoopaneeia ka hookah ana ia Kekiaokalani, me ke kali I hookah makahiki. Hooholoia.

Ma ke noi a A. O. Porebe, e hooholoia e ninaninau keia Aha ia S. Paaluhi, D. Kekiaokalani a me G.M. Keone, a e haawi i Palapala Haiolelo.

Mahope o ka pau ana o ka ninaninau ana, ua noi mai o A.O. Porebe, e haawina I mau Palapala Haiolelo no lakou. Hooholoia.

Heluhelu mai o Rev. H. Kauaihilo, he Olelo Hooholo. Hooholoia. Ke haawi aku nei keia Aha, i ka mahalo i ka Ekalesia o Waimanalo, no ko lakou hookipa maikai ana me ke aloha I na lala o keia Aha.

KA HOIKE A KE KOMITE HAAWINA.

Kumumanao. Hoike mai o H.H. Paleka ke “Komite Haawi Kumumanao,” eia na kumumanao no ka halawai hou.

Rev. J. Manuela. Heaha na kumu I emi ai keia lahui?

Rev. P. W. Kaawa. E hoi hou ana anei ka poe lu@aio I Kana@na? Pehea e alaka`i?

            Rev. H. Kauaihilo. Heaha ka make alua?

            Rev. J. Kekahuna. Ua make anei o Kristo no na kanaka a pau loa, no ka poe wale no anei i waeia?

            Rev. E. Kekoa.  Heaha ke ala mua ana? E nana ma HOIKEANA XX:V.

            Rev. J. N. Paikuli. Heaha ka hookuina ma waena o ke diabolo me na anela ino?

            Rev. A. Kaoliko. He pono anei i na Ahahui Euanelio o na mokupuni a pau, ke lawe i mau i mau keiki hookama na ka Aha aole anei?

            S. Paaluhi. Iwihaiao, EPESO V:XXX.

Rev. A.O. Porebe. E make mau loa anei ka poe i lohe ole I ka Euanelio o Kristo?

            Mr. Naone. Iwihaiao. 3 IOANE XIV: XV.

            Rev. H.H. Paleka, Heaha ka Bapetisto ana, a o wai ka poe i kupono ke Bapetisoia?

            D. Kekiaokalani. Iwihaiao, KOLOSA III:II.

            Rev. S. Waiwaiole. He pono anei i ke Kahunapule ken oho pu me kana wahine, a malama i ka oihana laa a ke Akua i na ua hihia ia wahine?

G.M. Keone. Wehewehe i kea no o ka olelo ma 2 KESALONIKE II:VII.

            Mahaloia ka Hoike a ke Komite.

            Heluheluia ka moolelo a aponoia. Hooholoia, ma ka pule mua o ka malama o Ianuari, M.H. 1871, i wa haipule.

            Ua hoopaneeia keia Halawai, a ka Poalua elua Feberuai M. H. 1871., alaila halawai hou ma Hauula.

            Ua hookuu i aka Halawai me ka pule a ka Luna Hoomalu.         

      J. Kekahuna.

                                                                                                           Kakauolelo.

Ua pono ke kanalua ana o kekahi o

NA KUMUKULA O KA APANA O

MAKAWAO.

E NA NUPEPA KUOKOA E; Aloha oe:

Ua ike au ma kou helu 37 o ka la 10 o Septemaba i na manao lalau o John Kawelau e alakai aoa iaia iho iloko o ka lua meki, no ke kanalua kumu pono ana o kekahi o na Kumukula o ka Apana o Makawao. E John Kawelau, aole au i kanalua no ka hoouna ana i ka Moolelo o ka hoike i ke “Au Okoa,” e like me kau e olelo mai nei, aka, ua kanalua au no ka hana ana o ke kula o Huelo i ka inea pili ole i ka oiaio. Nolaila, e wehe oe ia oe iho mai loko mai o ka punawelewele o kou lalau, mai lalama hou i ka pali elike me na Aamakualenalena. Ke noi mai nei oe e hookuu aku ia oe, no ka mea, aole oe i ike i ka wehewehe ana a ke kula o Huelo i ka mea a’u i kanalua ai. Kanaha! Kupanaha oe e ka makamka, ua maopopo no ka hoi ia oe, aole oe i ike i ka mea a’u e kanalua nei, lalama hoi ko waha ma ke “ Au okoa” e kukala leo nui ai. Ua oi aku ke kula o Huelo ma na mea ike, oiai, ua lawe mai oia i na kii o ka pauku paailiona i ike ia iloko o ka buke haole. (“Eatoa’s Common School.”) Maanei la, ua ike ia kou hoopunipuni imua o ka lehalehu, a ke malama nei oe i na haku elua, oia hoi e ike a me Ikeola, nolaila, ke holo nei ka auhee imua a i hope. No kou hoike ana pela imua o ka lehulehu, (“Au okou”) nolaila, ua hoike aku no hoi au pela i kou kanaloa imua o ka lehulehu, nupepa Kuokoa a oia ke kahua e ku nei kuu kanaloa imua o ka lehulehu, no kou hoopunipuni ena pela ma ke “Au okoa” lulai 14 hela 13. Nolaila, moku ke kaola maawekaakolu a ke aloha, eia kaua i ke kahua mokomoko o ka lehulehu.

            A ke koho aku nei au, a ia me oe e ka makamaka ka hana a kamalii, aole he hana na ke kanaka makua ke makemake nei au, e noi aku oe i kou hoopunipuni ma ke “Au okoa” e hoihoi mai, i loaa ia oe ka mahaloia malaila, oiai, aole oe i ike i ka mea au e kanaloa nei.

            Ke palolo hou ma nei ko waha, “Aole no paha o wau wale kai mahalo aku ia mea o ka lehulehu pu kekahi i akoakoa mai e ike i ke Akamai o ka lakou mau keiki.” Maanei la, paa hou oe iloko o ka upiki, oiai, ua noi mai oe e hooku aku no ka ike ole i ka mea a’u e kanalua nei, aka, ua hoi hou mai oe e mahalo i ka mea a’u e kanalua nei. A heaha ka wai wai o ka hoi hou ana mai e ai ka luai? Lohe ole no ke poo o ka i lio! Ke mahalo aku nei oe i ka nani o ka pahu kupapau mawaho, aole hoi oe i ike i ka awahia o ka ukana maloko. E hoomaopopo oe e ka makamaka nou iho. “O ke kukini holo hewa, haule oia i ka lalau.”

            Ke olelo hou mai nei oe e John Kawelau he mau kamana ka hoa e like ai. Kupanaha! Me ko ike ole no ka i ka wehewehe ana haanou wale iho no oe pela he kamana. Ke puka loa aku la oe e hoomalamalama i kou hoopunipuni, oiai, ke hooiaio loa mai nei oe i ka mea au i ike ole ai. Nolaila, mai hoomau pela o loaa ole ia oe ka mahaloia, No ka mea, he pili pono ka ke kamana wehewe ana i kana kii i kahakaha ai me ka mea kino o ua kii la. A pehea ke kula o Huelo au i ike ole ai i ka wehewehe ana, he like anei me ke kamana? Ke hai aku nei au mamuli o kuu ike maka, aole i like me na kamana, oiai, he okoa ke kii, he okoa ka wehewehe ana. O ka wai ka pololei, o ka ike maka paha, o ka John Kawelau ike ole paha? E noonoo iho e ka poe heluhelu. Ke paa nei no o Kawelau iloko o ka pouliuli o kona lalau. “E nihi ka hele i ka uka o Puna.”

            Auhea oe e Kawelau? Mai hilipalaha wale aku oe i o ianei e lauwili ai, a haalele i ke kahua a’u i kukulu ai no kuu kanalua, oia hoi ka hooko pono ole ia ana o ka oiaio o ke kula o Huelo. Aka, e paki aku no au i na mea au i lauwili ai. Aole i lawe mai ka haumana o ke kula o Pulehu i ke Kumuhana o ka puunaue pokole no ka puunaue loihi, a pela hoi ka loihi i ka pokole, aole aole loa no!! oiai, ua hookaawale pono ia no na Kumuhana iloko o ka Huinahelu, a pela no au i ao aku ai i ka’u poe haumana aka, ua loaa no i ka haumana kea no kuhihewa no kau mau ninau hooio hooio, a mahope iho, ua hooponopono ka haumana e like me ka’u i ao aku ai, a ua loaa no ka oiaio, aka, ua hana oe i ka oiaio i hana ia e ka haumana, a ke kukala nei oe, i ka hana ole e like me ke Kumuhana   ke hoomanao ae nei au.

“Aohe hana a Kauhikoa,

Ua kau ka waa i ke Aki.”

            Ke kanalua ole nei au, ina e hoouna alu oe i ua ninau hooio la au i ua haumana ‘a a’u i hala aku la i ke kula ia ano o Lahainaluna, e ike ana oe e wela ana o Kanepun@@ i ka la, e pili pono ana no ke Kumuhana i ko ninau hooio, e like no me ka’u i ao aki. Mai manao oe ua ao lalau au i ka’u poe ha i mana, aka, ua ao pono no au e like me ka oiaio, e like hoi me ka mea i ao ia mai ia mana hale hoonaauao. A o ke kula o Huelo au e liki nei he kamana ka hoa e like a e akahele oe o poho ka hapaumi i ke kama uwi ole. O ka mea a’u kanalua nei, he mea makilo ia na Kaewe ke Kumukula Huelo, mai a kelia mai kekahi o kuu mau hoa kula o Kauakanilehua.

            A mamuli oia wahi makilo, ua lawe kole ia mai i wahi kumuwaiwai no ka la hoike a ua ike i aka pulelo ana ne ma ka papa o ua haumana ala he 13. Ua lohe pono no au ia Keawe. Aka, ke lawe mai nei oe e ka makamaka Kawelau e kukulu ia o iho i luna o ka puuone, a halawai aku me ke kuaua o ka Hooilo, lilo oe i ke au a Kane wahewa. O ke kanaka i lolelua ka naau ua lauwili oia i koua mau aoao a pau.

            E Kawelau, e hoomanao oe i ka manao hai o kekake o na Komite. Ua olelo kela, ma Lahainaluna wale no ike ia ai kela mau kii paailiona, aka, ua ike ia maanei i keia la, nolaila, ua akaaka mamuli wale no o ua mau kii la i hoonoho aku ai na Komite ma ka papa 1, a malaila no hoi i mano ai na Kemite he pono, no ka mea. Ua ike i aka laau ma kona hua. A mai hole Manawa ino oe e Kawelau, a huna i ka malamalama malalo o ke poi, mai malama i ka hana a na popoki no ka mea, he holoholona ia he kanaka oe, ku no a pololei, hai mai i ka oiaio mai uhiuhi hou i ka lau mamane. Aole no nae e nalo ua ike i aka noa. A mamuli oia mea aole au i kuhihewa, ua Akaka ia e like me ka aoiani.

            E Kawelau, na pinepine ai la kou hooiaio ana i na mea au i noho wale aku ai, a i manao wale aku ai, nolaila, ua manao au aole oe i ike i ka hikimoa a me ka ukali o kau mea e kamailio ne, no kamea, ua puliuli lo aka oiaio iloko o laila, ke kohowale mai ne oe, ua mano au, owau wale no ke kau ae ma ka papa 1, he lalau nui loa ia au e ka makamaka, na Punana paha i hai mai ia oe pela, kou kokoolua e huki ana i ka la i ke kula o Kamamao. Aole na’u iho kauo ae ma ka papa 1, aka, ua ka hua no o ka laau, i hoike mai nooa iho, a e uku i aka paahana e like me kana hana ana. A ke hai aku nei ana oe, mai kua noho kumu ana a hiki iho nei ka la 2 o lulai he iwakalua kumahiku @@ i makana ia ia’u no ka oihana kumu, e ke me ka hiki i ka’u lawelawe ana. Aole au i kii aku, aka, i haawi ia mai no e like me ka hua o ka laau. E i mai paha anei @@ na’u i kii aku. Ke holo @@hewa nei oe @@ kapa alanui. Ke kauoha nei au ia oe, e @@@ nui oe i kou haaawina, i kohukohu ka no@ ana i ke kula o Haleakala, mai n@kee @@ waha i ka hana i maa ole ia oe. Ke malala nei no i ka hana, ke hoomanawanui @@ no i ka makaponiuniu, a me ka wela o ka la.

            Ke olelo hou mai nei oe i kou hapai i ka’u ala. Aole na’u i hapai, n aka hua no o ka lau. Ke manao nei au, i na e hoomau ia ala na kula o apana o Makawao e like me ka J. Kawelau e haukae nei, alaila, aole @ e holo ana imu. Oiai, ua ike ia ke kula @ Kuiaha, ua oi ma ke kakaulima, aole nae hoonoho ia ma ka papa 1, a o ke kula hoi Huelo. Mahea la ka oi ana? Ua hoonho ma ka papa 1, Maanei la, ke hoemi nei e J. Kawelau i ka ike kakaulima o ke @la o Kui aha, i mea e hoonawaliwali ai i laila alakai, oiai, aole mea e hoonawaliwali ai i @ laila alakai,oiai, aole mea e hoolana ai i ona manao, ua make kona manao mamuli na hooponopono lalau ana a na Komite J. Kawelau ma, aole e puapuai mai ka wai ono me ka wai awaawa no loko mai o ka punawai hookahi. E pono e noonoo pono i mea e holo ai na kula, mai hookaumaha i kekahi, a hoolana i kekahi. E J. Kawelau e waiho nei au i ko mau ninau hooio, a me o mau ninau i halahu aku, a makou i ao @e ai, a pane hou mai oe, alaila, e halawai hou no ke Kiu me ka Naulu. Ke hoi nei ke keiki o ka i aka kahau o Kula, ua moe @okolo kauahi o kou aina. Me ke aloha i @a L.H. a me na keiki hoonohohua.

                                    JOHN. NAKOOKOO.

Kula Maui, Sepatemaba 14, 1870.

KA MOOLELO

O

KAMAAAKAMAHIAI,

KA NIUHI AI HUMUHUMU

O KAHULUI I MAUI, KE PUHI

NAU OKAOKA HOI O KONA MAU

LA KOA. KAHILUHILU HOI O KONA WA UI.

            A pau no hoi na olelo a ua Keiki alii nei, o ka holo aku la no ia o ua kanaka nei a ku ana m ma kea lo o Kamaakamahiai, a pane aku la, e, i kauoha mai nei ke Keiki alii ia oe e hele aku malaila, a lohe no hoi ua pua @ nei, o ka hele aku la no ia a ku aku la ma kea lo o ua poe keiki alii nei. Ia wa no i ninau mai ai ke keiki alii hiapo, O oe no paha ia e Kamaakamahiai ? pane aku hoi o Kamaakamahiai, aohe au, aia no paha ia i kona wahi, no Hawaii nei no kakou, no kela aoao au o Kau, a malaila mai nei no makou, e hele ana i ka huakai kaapuni ia Hawaii nei a puni, o ka ike ana mai nei e ike maka i ka oukou hana. Ekemu hou mai la no ua keiki alii nei, a ! o oe no kai olelo mai nei aohe e hu ke ao ana ia makou aohe ikaika, ae aku la no keia (Kamaakamahiai) me ka hunahuna ole iho i kau wahi mea iki ana i olelo ai, ia wa no i okakala mai ai ua poe keiki nei, me ka olelo mai, koala koi o ia makou i keia la, koala koi o!  wahi a keia keia leo nui mawaho mai, me ka hopuhopualulu o ka pane ana mai, a hele mai la imua me ka hili ana i na kanaka i ka laau, a, ahuku iho la na kino eha o na kanaka ilalo i ka honua, o ka hele mai la no ia a ku ana i kea lo o ua poe keiki alii kamaaina nei, a hoomaka aku la no e hahau i ka laau i ua poe keiki nei, aka, lilo e nai ke poo a me ka pepeiao ia Kamaakamahiai, me ka hawanawana aku, e mai hanaino olua ia lakou, o ko kakou poe kamaaina no ia i hele mai nei, a lohe laua, hookuu iho la i ka laau ilalo, me ka hoopuka ae i ka laua olelo kaena, mai ike maka oukou i ka ulei ku pali o Kanehoa, mai haaheo ka ninau a ka laau e ! auhea ke poo. “O keia mau keiki e pahapaha nei, oia no na keiki a Olopana.”

            Ina oukou a he poe e ae, papapaui na keiki o Oahu i keia la, aole hoi, o oukou ka ko makou kuleana i hele mai nei, a lohe ua poe keeki nei i keia leo, akahi no a hoomanao ae o Kamaakamahiai no ka keia, me ka olelo iho, mai make, ina he poe opu aloha ole keia, pau ka ike ana i kea o malamalama, kekuhi nei he mea e, aole ka, eia no ka o ke kaikoeke, a pau ia mea a pau, o ka wa no ia i hoi nui ai i hiki i ka hale o na keiki kamaaina, a me a keiki malihini, a me ua kae-a-e-a nei, a ke mai la hoi o Nalualele ia lakou nei a pau hoi like aku ana, oiai ua kukui e aku la o ka lono, o Kamaakamahiai ua hiki mai a, nan a aku no hoi kauluwela o Puna i ka mu o ka puaa a me na mea ai a pau loa o a anona pau, a i ka hiki ana aku no hoi o a niuhi nei, ea, wai alohia paha kela i ka lioli, a lele mai la e hopu i ka lima o Kamaakamahiai, aia no ko wahine i ka hale, aia hoi a pau ka paina ana imua nei, alaila, hoao olua me ko wahine, a pau no hoi keia luana aloha aoa, a makaumakau mai la no hoi na mea ai, a hoopilia iho la i ka lua o ka inaina a piha, hoomakaa koke mai la no o Nalualele e koi mai i ua hunona nei ana e hoi a ka hale, hoao ae me ka wahine, a me aku la no keia (ka e-u) a hoi aku la lakou a hiki i ka hale, i nan a aku no hoi kahia, e moe papio mai ana kea lo o Kapaiaala lalo, ke kaikamahine a Nalualele. i ka makou nan a aku, waiho e ua mea he nani, a me ka maikai, a pau no hoi ka makaikai an aka lehulehu, ma iho la no ka wa i hoa ao ai a lilo laua i kane a i wahine, anoho a kane a wahine ae la laua, o ka noho aku la no ia a he mau la ka loihi, hiki mai an aka lona a Kuilioloa ke alii o Kau, a olelo mai ana he kaua i ka la apopo. A lohe no hoi o Nalualele i ka olelo kaua, o kona wa no ia i liuliu ae ai i kona mau wahi kauna koa, a pao no hoi ka poe, o ka wa no ia i noho makaukau ai a hiki wale i kea o ana, o ka hoomaka aku la no ia e hele e kaua me kela aoao, ma keia hele ana o na keiki a Olopana, i ke ehu no o ke kaua na hee e no ka aoao o Nalualele, a koe aku la na e-a-e-a o ke one kapu o Olopana. Ka hele no hoi ia a kau ka la i na pali, pa ana ke o a Kuilioloa ia laua nei, penei ka laua hana maalea ana, ua oleloia mai laua, o ka puni ka a ua ilio nei o ka uala pulehu, a no ko laua lohe ana ia olelo oia iho la no ko laua manawa i pulehu ai i ka uala.

            A moa no hoi ka uala, ihi laua a pau ka ili, a ho-o iho la i ka limu awaawa o Maui iloko o ka uala, a waiho ae ana, a pela aku ana, a ua nui no hoi ka uala a laua i hana awahua ai, a ia laua no e kulolou ana i kapuahi, kapalulu ana ua ilio nei, a pane mai la e moa ka ai, e ai kakou, a lohe laua nei i ka leo, i aui ae ka hana he ilio, pane ae la laua nei, aia no hoi kau puu-uala ma o ua pau ka ili i ka ihiia, a o ka maua no hui keia, i loa no a pau ia mau olelo a laua, o ka iho aku la no ia o ua ilio nei a pau ua puu uala nei, i loa no a pau iloko, o ke kunewa a make aku la no ia, a i aneane loa ana aku e make o ua iho nei, pane ue la ia i kana huaolelo hope lou, u make ae nei au ia olua, e make ana hoi olua i na Ualapulehuauli. A pau keia mau olelo, o ka waiho a make aku la no ia o ua ilio nei i ka moe akau a hooilo, a ike laua nei ua make loa ua ilio nei, o ko laua wa no ia i ooki ae ai i ke poo o ua ilio nei a moku, a hoi aku la laua, me ka laua ukana he poo no ka ilio, a hoi aku la laua a hoea ana i ka hale, a kapalili ana ke poo i kea lo o Nalualele, a pea aku la no ua mau keiki Oahu nei hoi ana a komo aku la no i ko laua hale, a me ko laua mea nana e hoopumehana, a o ka Nalualele ma hana hoi i ka wa i haule aku ai ke poo o kuilioloa, he akena aku i ka ikaika o keia mau keiki alii, a piha ae la lakou i ka olioli nui no ka make ana o ko lakou enemi ino loa, oia i o ko lakou mau hoa hakaka no ia, a olelo ae la hoi kekahi poe, no ka hele ole o ka hunono a kea lii i ke kaua, aole nae he wahi hua ino ae a ka makuahonowai i ka hunona, “ina paha ia no keia wa la ea, pau ka moe wale iho no o ka hunona, pau ka wai wai ole, pau ka palaualelo i ka waha o ka makua honowai, kalua imu nalo,” a pela no lakou i wa olelo ai a hala he mau la o ka noho ana, hiki ana na luna a Kauala, o kekahi kaua keia, a hai mai aoa he kaua ko ka la apopo, aia no i kahi i kaua mua ai, o ka olelo mai ka ua mau luna nei, o ka hoomakaukau no hoi na poe kaua, o ka noho aku la no ia a po a ao, o ka hele aku la no ia o ka huakai kaua, owe an aka lau o ka laau, i alawa ae ka hana o na keiki a Olopana, he mau Ualapulehu e lele mai ana ma kahi o laua nei e hele aku ana, a ike laua nei i keia mau mea lele, huli ae la laua a olelo aku ia Keauka ko laua kuhikuhi pololei, me ka ninau aku, heaha keia kaua e hele mai nei? A heaha hoi keia mau mea e lele mai nei? Pane mai kahi hookapuhi, o ke kaua keia a ka po, he mau uala keia e lele mai nei la, ninau hou ae la no ua mau hanai, A pehea kakou e pakele ai i keia make nui e kau mai nei? penei olua e hana aku ai, e ka olua ma kahi hookah me ka naue ole, a kokoke nuanei ua mau uala la e pa mai ia olua, e lele ne olua ma ka aoao hema, a haule keia mau uala, alaila hoi kakou, aohe e pono ke a-a aku e kaua pu me keia kaua, o ke kaua keia pau na niho, i loa no a pau keia mau olelo a kahi kahu, a hana aku la laua e like me ke kuhikuhi ana mai a kahi kahu aohe no hoi iliuliu iho ia ku ana a ua mau keiki alii nei, hihi ane ka makani ma ka aoao akau o ua mau keiki nei, e lele ae ana laua e like me ka mea i olelo ia mai, a hala laua ma kela aoao, halulu ana ua mau uala nei ilalo, a lilo ae la na koa o Nalualele i mea ole. A pane aku na keiki alii o Oahu ia Nalulele, e hoi kakou e na alii o Hawaii nei, aohe kakou e pono ke hele aku imua, oiai ke hopo mai nei ko maua alakai, ka mea hoi e pono ai ka maua hana ana, nolaila, e hoi kakou, a pau no hoi ka laua mau olelo, o ka ae like mai la no ia o ka Hawaii mai mua a hope, a huli aku la lakou e hoi, pulelo mai ana keia kanaka mauka iho me ka laau nui, o ka hele mai la no ia a kokoke o ka huli aku la no ia hele ana a hiki i kahi o Uli, kahi hoi i lele mai ai o na uala, a ke hele la kela, ke olelo ae nei hoi na keiki a Olopana, akahi no kakou a nee aku imua, ua aloha mai nei ko hunona e Nalulele ia kakou, ioa kela e lokoino loa mai nei , he uku paha ka hiki o kakou i ka hale, papapau i ka make, a pau keia mau olelo a ua mau ke iki alii nei o Oahu, o ko laua haalele ino la no ia i ka huakai, a hele aku la imua ma kahi a Kamaakamahiai i hele ai, o ko laua hele aku la no ia a kokoke i nan a aku ka hana, e hakaka mai ana ua eu nei me Kanaloauhiki, kea lii o kela aoao, e lele ana iluna, ma kahi hiki ke lele, e kakakaa ana ilalo ma kahi hiki ke kaa, o ka hele aku la no ia o ua mau keiki alii nei a kokoke loa, mai ka lanai mai ka honua no laua nei a hahau ana i ka lana mau laau, oia pololei wale no a ke poo o Kanaloaihiki pepe liilii, o ka mea no hoi ia i kaua loihi ai. Ua paopuaho ua eu nei i ka hakaka ana me na leho a me na nala ua make ka mea nana e pulehu a e  @@@ i ka uala, a pela hoi me ke kahu o na Leho, ua make ia ia nei, a o keia inea hoi e hakaka nei, oia kea lii, o na koa kela, a ike e Kamaakamahiai ua make kona hoa p@@@ @@@@ a kohu make aku la ia, a moe ana @@@ @ lele iho la na kaikoeke, a @@@@@@@ @@@ @ me ka olelo iho, luhi ea, aohe a ia la @@@ leo ne, o ke kunou wale ae no o ke poo @@@ moe hoi ia o ua o Kamaakamahiai,, @ @@@@ no hoi, ala ae la ia a olelo mai la @ @@ @@ koeke, akahi no hoi o’u kaua i maka@@ @ @ ua koho make au, ke hele la hoi a pau @ aho, aole no hoi i lona hoomaha iau @ @ mau hakaka ana mai nei, a pau ke i @@ kaua i ka make, a koe hoi keia kup@@ @ loa, a kena aku la ia i na kaikoeke e @@@@ e oki i ke poo o ua alii kipi nei, a hoike @@ la no hoi i na leho a me na mea nana @@@ lehu ka uala, a moku no hoi ke poo @@@ ahi nei, o ko lakou hoi aku la @@ @@ @@@ aku la ka huakai e hoomoana ana @@ @@@ alanui, a hoi like aku la lakou a paka @@ i kauhale, a wa aku la i ke koa a me @ @ ika o ke keiki o ke one kolo o @@@@@@ noho aku la lakou me ka maluhia, @ @@ lo mai no hoi o Nalualele no @@@@@@@ hiai ka moku o Hawaii, a malaio ma @@ me na makaainana. Ua hole aku @@@@@ nei me ka olelo aku, noho no oukou i @@@ kou aina, e hoi ana no makou, aia @@@@ @ pau ae ka nanea ana ia Hawaii nei, @@ hoi aku i ka aina. A noho aku @@@ @@@@ hala he mau la loihi, a i kekahi la , ole@@ @@@ la o Kamaakamahiai i ka wahine, o @@ hoi ana au i ka la apopo, a i noho @@ @ nau kena op@ @@ e hapai la, a ina @@@@ mai he keiki me, alaila, e kappa iho oe @@ inoa o Kaaeaumoku, a ina no hoi he @@ @@@ mahine, e kappa iho no oe ina kau @@@@ noho uwe iho la lakou ma la @@ @@ @@@@ po a  ao, a kupono no hoi ka la i @@@@@@@  iho la no ka wa i haalele aku @@@@@@@ a hoi mai la lakou i Oahu @@@@@@@@@@ ana mai o ua poe eueu nei @@@@ @@@ @  aloha aku aloha mai. I loa @@@ @@@@ @ ana o na huaolelo aloha, @@ @@@@ @@ Koieie ma i kuu pau iho ai @@@ @@@@ @@ ia lakou ma ka lakou hana Akamai @@@ @@@ hoe waa, ma Koolau mai o Maui @@ @@@ ana a pae ana na waa i Kahul@ @ @@ @@ la lakou i ka aina, a ike ana ia @@@ @@@@ me ka lehulehu a pau loa, a noho lakou @ @@ la elua anahulu, a hoi loa mai la a @@@ @ Oahu nei, a ike me ko Oahu nei poe @@@@ maka, a liuliu iki no hoi ka noho ana o ka pii no ia o Kamaakamahiai e ike i @@ @ @ apo, a hele aku la ia kokoke mahalo o @@@ @ kana hiilei e noho ana pa-e an aka leo @@@ o Kahelekulani ina ke oli ana mai pe@ei. Hoaloha wale ka la i Heeia i ka malie, Ka halialia o ka maka o ke Kaunoa, Aloha o'u makua i Kanehoa, Ka hoa o ka po kulolia i kea nu, Ua okioki-a e ka ua ke ko’u o Heeia, Kaawale o Kapapa i ke kai la—e, aloha.

            A lohe no hoi o Kamaakamahiai i ka leo o kana hiwahiwa e uwe mai ana iaia nei, a e hoi mai ana i ko lakou kaowale o ka noho hui ana, kulou iho la ua eu nei uwe i ke aloha i ka leo o kana hanau kama, a ia ia no e uwe ana, pa-e hou ana no ka leo ma keiki no, penei:

Ke uwe mai la ka ohia kumakua i ke  anu.

Helelei na wai-maka a ka ua Apuakea.

Ke holoi la i ke oho o ka mahiki,

Ua hanupa wale i ke aloha i ka ehu-kai,

I ka uaina mai la kaawale ka malanai,

Kaawale ka pili aloha me ka makua,

He makua he keiki n aka ua holio,

I hoopumehana i ka poli o ka mauu—e.

Aloha kaua—e.

            I ka pau ana oia mele a ua hiwhiwa nei o ka nani a me ka ui oi-kelakela o Koolau, ia wa no i pane ne ai o Kamaakamahiai. Aloha no paha kakou, me kuu manao owau la ke hele aku ana e ike ia oe, a ma ko pane ana mai nei hoi, nolaila, e hoi nu, a o olua no ke hele ne i ike oe i ko makuahine a me ou kupuna a me makou no hoi a pau, a pau no hoi kana olelo, o ka huli aku la no ia @@@ a hoea i ke kula o Alele, malaila no @@@ ka hale o Olopana ma, a hookah no a lakou hana o ke kali o ka hiki mai o ua ui nei @@@ pali Koolau, a ua aui no hoi ka la oia @@@@ wa a ka ohu a me ka noe i iho makawa@@ mai ai a pouli pu o Koolau a puni, a @@@ no hoi o keia wa e pouli ana, ua lohe ia aku ka leo o na manu a pau loa o ka nahele@@ kuu pau mai ana i ko lakou mau kani @@@@@@ ana, me he mea la e hoonani ana i ko lakou haku.

Aole i pau.

He mau Makaikai i ke Kuahiwi o

Haleakala.

E KA NUPEPA KUOKOA E ; Aloha oe :

Ua hookipa ia ina kahi o Rev. J. S. Green ekolu o lakou he mau malihini hou mai ka aina maukuahine mai hookah o lakou i noho loihi ma Hawaii nei, no na makahiki he 16, no lakou na inoa malalo nei oia o Rev. C. Y. McCully a me kona kaikuaana L. McCully,-Kakauolelo o ka Aha kiekie a me kekahi kauaka Akamai i ka hana niho, ma no Dotor Whitney, me kaua Ewa. Nolaila e na makamaka heluhelu nupepa, he pono e ae mai ia’u, e hoike aku i ka waiwai o ko’u hoopuka manao ana, no kela poe i olelo ia maluna, i ike ia ai ka momona a me ka hauna, ke oole boi a me ka popopo. Nolaila, e e nana mai, o ka haole noua ka inoa imua oia no ke la mikanele hou, i hoonoho ia ma kela halepule kaulana ma Honolulu, oia o Kaukeano, a e hoi ana oia, kalua oia no ke kahi haole kahiko i lawelawe i ka Oihana Aupuni, Kakauolelo o ka Aha Kiekie, ke kolu, oia no kekahi kauka Akamai loa, ma ka hana ana i na niho kui o ka poe niho helelei. Nolaila, ke poloai aku nei au i ka poe i loohia, a i helelei hoi na niho, a ia mai ke kauka, kahea ia mai, malie he oluolu no kona hana ana, pii aku e ike ia Haleakala ma ka la 14, o Septemba, pii aku makou a hiki iuka, ia poi ho loohia ia makou i ka ua maia po a ao ae hoi mai, maia kakahiaka, hoomanao makou i ka Haku, me ke aloha no.

D.K. Kauaukiekie